Profelici Nuptiarum auspicio Reverendi ac doctissimi Viri, Dn. M. WILHELMI MVMMII, ECCLESIAE HELMST ADIANAE Pastoris vigilantissimi sponsi ET Ornatißimae Lectißimaeque Virginis SOPHIAE CATHARINAE, REVERENDI ET CLARISSIMI viri Dn. Basilij Satleri S. S. Theol. D. filiae sponsae gratulatio.

Wolfferbyti

ANNO M. DC. X.

QVid sibi turba frequens, quid florida seria puellis? Quid tot praestantum vult sibi pompa virûm? Quaeras: fors SOPHIAE velantur tempora myrto, Quà GVILHELME, tibi nupta parata venit. Pol venit: ast laetor, quod non tibi munere sortis, Sed daturâ solo numine sponsa DEI; Humanum constare genus, qui lege jugali,(Psal. 128.) Praecipit & socij jura subire tori. Aspicis, ut nimium sunt terque quaterque beati Terrigenae, legis quos iuvat ire vias. Et licet innumeris versetur vita periclis, Tristibus & curis, turbet eamque dolor. Nutriet usque tamen te sedula palma labore, Nec non omnipotens Rex tibi cuncta dabit. Scilicet? es felix nec te felicior alter Dicier haut potèrit, dives habebis opes. Florent ut violae spaciosi in gramine campi, Horti ceu spinis non rosarosa viret. Mente Deum castâ, qni munia jußa verentur Sic florent, illis sic bene semper erit. Et plenis uxor votis tibi juncta virescet. Spe modò te firmet Sors speciosa virum. Sicut opaca tuas obnubit pampinus aedes Sic vir clare tuam clarat amica domum. Et veluti palmes tardè crescentis olivae, Luxuriat viridi fronde virente solo Author coniugij Christus sic prole beabit Te, pia stirpsque tuos gestiet ante pedes. En bona tantaferet Christi qui jußa studebit, Et faciet toto corde quod ipse jubet. Felix ô mimium tales cum coniuge taedas, Guilhelme egregias qui sociare paras. Sed vos quod restat sic semper vivite Christo, Semper & officij munus obite pares. Reddet sic vobis suavis tot munera lectus, Nec potis est vestros tangere plaga lares. Sancte Deus coeli rogo tefeliciter hutus Foedus ut hoc sponsis cedat utrisque tori. HERMANNUS ANGELUS, Holtzmindens.

ALIVD.

QVis nescit quondam socialis faedera lecti Instituisse Deum, regeret ne saeua libido Mortaleshomines, castè traducere vitam, Et colereut possent Genitorem pectore puro, Atque typum Christi sponsi sponsaeque referrent, Mirifice proprio quam pòst sibi sanguine junxit Effuso, penitus sponsam sic sponsus amauit. Vllius ingenij non est mysteria tanta Scire, stupent genij volventes talia mente. Contemnant alij, quos vexat vanalibido Tedas coniugij, & violenter pacta Iehovae Conculcent, nobis in relligione manendum. Tuque facis rectè sociam qui faedere, MVMMI, Adiungis lateri, virtute & stemmate claram.
Hoc vobis faustum sit terque quaterque beatum, Amborumque animos connectat copula firmo Nexu, mox pupula ludat matercula in ulnis. Viuite felices, pòst gaudia plena manento Vos, clari sectentur avi vestigia nati, Qui pietate gravis sacra praecellit in arte: Dogmata sacra docet syncerè, falsa refutans. Hisce diu hoc lumen nostris splendescat in oris Caelitus in censum, bone conditor atque redemptor Haud unquam à nobis patitor lux illa recedat. Ne medijs tandem soluatur cymba procellae Fluctibus, ipse regasillam per caerula ponti. Leopoldus Huberinus Verdensis.

ALIVD.

ETmerito pietas homini tutißima Virtus Quae nullum potuit deserniße pium. Num petis Exemplum? claro jam Mummius Elmo Procedens, mea jam Verba probata dedit A puero hic pietatis amans studiosus honesti Perpetuâ coluit Relligione DEVM Inde suo pietas cultori foenore multo Praesto est, quae decuit munera ferre, tulit Jpsi namque parans thalamum taedasque jugales Virgineum pectus conciliavit et. Pectus Virgineum quo molliter exigat annos Etquo cum subeat fulcra beata tori O quam te memorem Virgo quae laude beabo! Sublimi fueras carmine digna cani. Phoebus ut ignicomas stellas se jactitat inter: Sic tu Virginei gloria summa chori. Qui dubitet, nemo est, quoniam id tua nomina clamant Nomina virtuti consona facta tuae. Diceris egregiè Virgo Catharina Sophia Virtutem geminam nomina bina notant Nam dum pura tuae acomni sine crimine servas Clanstra pudicitiae tu, Catharina manes. Provida dumque tuis dextro moderamine rebus Consuluiße studes, Vera Sophia manes! O quâlaude tuum decorabis Virgo maritum? Pol tu dilecti gloria summa viri! O igitur foelix tu mi doctißime MVMMI Cujus in amplexus tanta virago venit. Vno tu pridem virtutis honore nitebas Post hac ast gemino conspictendus eris. Sic verè pietas tibi praesentißima merces Jam tibi cultori praemia digna ferens. Gaude igitur nuncjure tuo castißime sponse Laeticiam suadent munera tanta tibi. Et precibus si forte meis quod robur ad haeret Talia sincero pectore vota fero. Omnipotens casti qui conciliator amoris, Foedere non dubio pectore vestra liget. Vive gener Magni Mummi Reverende Basil I Te maneant Pily tempora longa Ducis: Vive toro consors Mumm I Catharina Sophiae Aurea Cumaeae tempora Vatis agas. Vivite concordi, castißima pectora, lecto Necfera coepta recens gaudia turbet Eris. Vivite felices felicia pignora lecti Edite, ut exsurgat prole virente domus. Haec conceßa Deò est sociae conjunctio vitae, Haec sunt legitimi foedera firma thori. HENRICUS MONTANUS, Northeimensis