AD LECTOREM CHRISTIANVM PRAEFATIO.
CVM ADVERSVS PRIMVM CAPVT Libri Christianae Concordiae, quod
est de peccato originis, M. Christophorus Irenaeus ingens volumen publicis
typis Anno 1581. ediderit: & in vniuersam Rempublicam Christianam
propagarit: in quo caput illud, si no̅funditus euertere, in
suspicionem tamen saltem & dubium vocare conatur apud simpliciores, vt
illos, qui de hoc certamine informati satis & instituti nondum sunt
cúmque etiam volumen illud horrendis & hactenus inauditis calumnijs,
conuitijs, verbisque iniuriarum plenis, resperserit: & omni proiecto
pudore, omnibus sinceris Doctoribus, vbicunque occasionem arripere potuit,
ignominiae maculam inurere, vniuersamque Ecclesia̅ Christi
inuoluere & perturbare, oper am dederit: extrema Ecclesiarum nostrarum,
ac libri etiam Concordiae Christianae neceßitas requisiuit & exegit: vt
librum etiam illum, non tantùm in timore Domini perlegeremus, singuláque
eius momenta diligenter expenderemus: sed hanc solidam etiam refutationem
conscriberemus, & in lucem publicè emitteremus.
Multis enim ex locis nunciatum & ad nos perscriptum est,
simpliciores quosdam Christianorum, qui his & istiusmodi scriptis facilè
per turbantur & inficiuntur, Christianam eius refutationem expetere,
& ad nostram veritatem accedere exoptare.
Quia igitur minimè nos latet, quae cum ab isto, tum ab alijs
isti consimilibus inquietis ingenijs, turbae datae, & in multis benè
constitutis Ecclesijs, hinc inde sparsis libellis, scandala ab illis, multo
iam tempore excitata, quàm etiam in omnes occasiones intenti sint, quo
erroneam suam opinionem, & conceptum virus longiùs semper atque longiùs
propagent: eò magis necessarium & salutare fore iudicauimus,
refutatio
|| [ID00004]
nem
hanc, seu solidam & firmam sententiae nostrae
declarationem, pro veritatis defensione, in libro Concordiae, quo ad caput
de peccato originis, traditae, publicè typis edendam esse.
Profitemur igitur publicè coram vniuersa Christi Ecclesia,
librum Irenaei, Examen inscriptum, quem aduersus librum Christianae
Concordiae anno 81. edidit, & reliquos, quos de hac co̅trouersia conscripsit ac promulgauit, refertos esse horrendis blasphemijs
& furoribus pugnantibus cum articulis fidei nostrae Christianae de
creatione, incarnatione, sanctificatione & resurrectione carnis:
quemadmodum idsolidè & ad oculum in hac refutatione comprobatum est
& demonstratum. Quos etiam errores, omnes piae mentes, tanquam
praesentißimum animae venenum fugere & vitare decet.
Testamur praeterea coràm DEO &
vniuersa Christi Ecclesia, consimili nos ratione Flacci Illyrici libros,
Nosce te ipsum, Demonstrationes, Confeßionem maiorem, & quae de hac
materia in claue Scripturae & alijs libris scripsit, & in orbem
Christianum diuulgauit, (quibus Irenaeus, ipsiúsque Asseclae primùm in hunc
perniciosum errorem inducti & seducti sunt) toto pectore improbare, cùm
manifestis & perniciosis erroribus & blasphemijs sint pleni, ideóque
tanquam libri erroribus polluti, infecti & inquinati, repudiandi &
vitandi sint.
Similiter omnes Christianos, quibus salus ipsorum curae &
cordi est, monemus, vt sibi caueant, à blasphemis & erroneis libris M.
Cyriaci Spangenbergij, quos pro confirmatione & propagatione Manichaei
furoris, peccatum originis esse substantiam, seu ipsam corruptam humanam
naturam, edidit: veluti in quibus articulis de peccato originis horrendè
contra verbum DEI est deprauatus: & D. Lutheri
monumenta turpiter sunt violata. Multa quide̅ scribere conatur
de caecitate Germaniae, cùm ipse talpa sit caecior, ac in tenebris sic
oberret, vt quid ipse dicat aut asser at non intelligat. De eo vnicè
laborat, ne Ecclesia Christi intelligat, quàm proculà vero aberrarit, &
quàm foedè multas pias & simplices mentes seduxerit. Ne quis igitur
apertis oculis videat, qua coecitate laboret, conatur secum alios excoecare,
& à clarißima veritatis luce in
|| [ID00005]
borrendas tenebras inducere: vt lux illi tenebrae &
tenebrae lux sint & nominentur. DEVM omnipotentem & misericordem precamur, vt turbatos & seductos in
viam reducere, veritatem suam, contra scripturientium istorum perniciosos
libellos clementer tueri & defendere velit.
Editus est etiam libellus inscriptus formula veritatis, cuius
authores furorem Manichaeum, & erroneam atque falsam doctrinam Flacci
Illyrici contra librum Christianae Concordiae suffulcire conantur. Cùm autem
eade̅ omnia in illo libello argumenta tradantur &
tractentur, quibus Irenaeus in magno illo suo volumine est vsus: non
necessarium esse visum est: illa seorsim & in specie esse refutanda.
Penes quem admonitioni aliquis est locus, is, DEI beneficio, in hac refutatione pro sui informatione, fundamentorum habebit
satis.
Nonnullis locis in refutatione examinis Irenaei rescindi multa
potuissent, cùm rem eandem decies & saepiùs in libro suo repetat. Ne
autem obijcere posset, sibi ad ea non esse responsum, & responderi etiam
non potuisse: quemadmodum istorum hominum ingenium fert & consuetudo:
singula vt sese obtulerunt, dijudicata sunt, idque ob simpliciores, qui
crebris istiusmodi repetitionibus facilè turbantur, difficulter se
explicare, & inter veritatem atque mendacium distinguere possunt, nisi
plenè de tota controuer sia sint informati.
Licèt autem Irenaeus praecipuorum Ecclesiae Doctorum, qui
adhuc in viuis sunt, labores quàm calumniosißimè traducat, eoru̅que nomina turpißimè exagitet: in hoc tamen scripto id potißimu̅ egimus, vt ad ea, quae in genere contra librum Christianae
Concordiae scrif sit, certis & solidis fundamentis responderemus.
Coetera, quae priuatas personas corúmque seripta attinent, suis authoril us
reseruauimus, qui procul dubio, si neceßitatem ita postulare iudicabunt,
sese ipsa veritate, aduersus calumniatorem istum tueri & defendere
poterunt.
Lectorem Christianum rogamus, vt in optimam partem sing ula
accipiat: & monstratae veritati locum esse patiatur, Amen.
|| [ID00006]
CAP. I.
COnfirmatio, peccatum originis non esse hominis totam corruptam naturam & essentiam, corpus, animam, cor, rationem, mentem seu voluntatem, vt aduersarij contendunt: Et refutatio fundamentorum, quibus erroneam suam opinionem confirmare conantur.
CAP. II.
Refutatio fundamentorum, quibus aduersarius probare conatur, nullum esse discrimen, inter corruptam naturam & peccatum originis: Et demonstrationes orthodoxae, discrimen illud in Ecclesia Christi iuxta normam verbi diuini, necessariò firmum & solidum retinendum esse, folio 6. & deinceps.
Defensio contra accusationem, in libro Concordiae malè ex articulo creationis discrimen statui, inter naturam & peccatum originis: Et Christiana demonstratio, fundamentum libri Concordiae ex articulo creationis desumptum adhuc solidum & firmum esse. fol. 14.
Solida responsio adaccusationem, Librum Concordiae malè ex articulo Redemptionis probare, discrimen esse inter corruptam naturam ipsam & peccatum: Et Christiana demonstratio, fundamentum illud firmu̅ esse. fol. 23. & sic consequenter.
Demonstrationes, Christum peccatum originis non redemisse. fol. 25.
Defensio fundamenti extructi è tertio fidei articulo de sanctificatione, peccatum originis non esse ipsam corruptam humanam naturam, sed profundam & tetram corruptionem eiusdem: à qua purgamur & emundamur. fol. 32.
Demonstratio, DEVM peccato originis non esse propitium. fol. 38.
Demonstratio, peccatum originis, nec baptizari, nec saluari fol. 44.
Defensio confirmationis, qua liber Christianae Concordiae ex articulo de Resurrectione carnis est vsus. fol. 47.
Discrimen inter corruptam naturam & peccatum originis, in Theologia nihil incommodare. fol. 54.
CAP. III.
Defensio fundamentorum, quibus demonstratum est, peccatum originis esse accidens malum in homine. fol. 57. & deinceps.
CAP. IIII.
Solida & vera defensio libri Concordiae, nec Pelagianos, nec Manichaeos errores in eo traditos aut defensos esse. fol. 91.
|| [ID00007]
Errata.
Pag. 1 fac. 2. li. 1. pro praemoniatur, lege, promoneatur. p.
2. f. 1. l. 28. creauit, adde, Deus. p. 8. f. 2. l. 22. Christus, adde, non.
p. 32. f. 2. l. 8. pro loquatur, loquamur. p. 34. f. 2. l. 34. Spiritus,
adde, Sanctus. p. 35. f. 2. l. 6. pro aut, autem. p. 37. f. 2. l. 24.
properpicit, perspicit. p. 38. f. 1. l. 9. criginis, adde, & peccatis
actualibus sanari: Verùm sic potius scripsisset, & scribere omninò
debuisset, ipsum peccatum seu malum originis, p. 47. f. 1. l. 14. pro 15.
13. p. 52. f. 2. l. 21. pro retenturus, retenturos, p. 53. f. 1. l. 16. pro
iusta, iustam. p. 55. f. 1. l. 10. pro perfecto, profectò. p. 59. f. 2. l.
21. Ps. 14. adde, in lingua sancta. p. 60. f. 2. l. 3. doctrina, adde, de
peccato originis. p. 63. f. 1. l. 4. carne, adde, siue natura. p. 64. f. 1.
l. 7. humanae) adde, nec pars sit creatae substantiae aut naturae seu
essentiae hominis. p. 66. f. 1. l. 33. pro haec, hac. f. 2. l. 13.
creaturae, adde, Dei. l. 21.
, adde, perinobedientiam &
. l. 19. pro malae, mali. p. 70. f.
1. l. 2. pro 25. 45. p. 71. f. 2. l. 36. pro annectit, annectunt. p. 82. f.
2. l. 28. pro aduersarij, aduersari. l. 3. pro nullo, omni. l. 6. scribit,
adde. Corruptio non est in seipsa, sedin aliqua substantia, quam corrumpit.
Non enim sul stantia est ipsa corruptio. p. 83. f. 1. l. 3. bonas, adde,
vires. p. 84. f. 1. l. 8. pro renouatat, renouata. p. 84. f. 2. l. 15. pro
qualiter, quale. p. 93. f. 2. l. 2. pro illiniatur, illinatur. p. 94. f. 2,
l. 32. pro 34. 43. p. 99. f. 2. l. 25. pro, subsistentem essentiam,
subsistente essentia. p. 100. f. 2. l. 2. pro 42. 43. p. 101. f. 1. l. 7.
lapsum, adde, sed. p. 105. f. 1. l. 14. pro 341. 431. l. 24. pro
reparaturum, separaturum. f. 2. l. 24. pro separandum, separandam, pro
sanandum, sanandam.
|| [ID00008]
|| [1]
SOLID A RESPONSIO AD EXAMEN, (HOC EST, SPIRITVM VER TIGINIS) M. CHR IS
TOPHORIIRENAEI: QVOD ANNO M. D. LXXXI. CONTRA PRIMVM ARTICVLVM LIBRI CHRIstianae Concordiae, de peccato Originis, publicè typis
edidit: Et firma demonstratio, illius articuli veritatem, in verbo DEI
esse immotam.
QVOTIDIANA testatur experientia, nullum errorem proh dolor, tam absurdum &
horrendum moueri & spargi posse, qui in Ecclesia Christi, non suos quosdam
applausores & defensores nanciscatur. Eadem hactenus conditio fuit,
blasphemi illius furoris, peccatum Originis, ipsam esse totam corruptam hominis
naturam et essentiam, corpus, animam, cor, rationem, mentem, voluntatem.
Quamprimùm enim ille ab inquietis ingenijs sparsus fuit: multi extiterunt, qui
contra etiam suam priorem confessionem & doctrinam, illi se addixerunt,
& tanquam coelestem veritatem, quae fallere non potest, amplexi sunt, &
propugnandum sumpserunt, apud quos nihil quicquam, quaecunque contra eum è verbo
Dei, & secundum illius normam scripta fuere, promouere potuerunt. Licèt
etiam in Formula Concordiae Ecclesia Christi, contra Manichaeorum illum errorem
fideliter fuerit praemonita, & veritas de illa controuersia expressè &
distinctè tradita: frustra tamen in eo elaboratu̅ fuit: Nec
defuerunt homines contentiosi, qui conati sunt, manifestaese opponere veritati,
& quo ad ipsos, lucem in tenebras commutare.
|| [ID00010]
Quò igitur dilecta Christi Ecclesia diligenter praemoniatur, nemoque habeat, quo
excusare se possit, manifestam veritatem sibi non fuisse monstratam: denuò
Ecclesiarum nostrarum doctrinam de peccato repetemus originis, & quae huic
ab aduersarijs opposita sunt, immotis veritatis fundamentis refutabimus. Deus
Opt. Max. suam nobis gratiam ad hunc laborem largiatur, ne singulari suo in
perturbata Ecclesia fructu careat: verùm plurimorum seductorum emendationi
inseruiat, Amen.
Cumque Irenaeus in libro suo praecipuè, insequentia quatuor capita in hoc
negotio, contra librum Concordiae tractet, videlicet:
I. Peccatum originis ipsam esse hominis corruptam naturam & essentiam,
corpus, animam, cor, rationem, mentem, voluntatem, &c.
II. Nullum esse discrimen, inter hominis penitus corruptam naturam &
essentiam, & inter ipsum peccatum originis.
III. Peccatum originis, non esse accidens malum, in natura & essentia
hominis.
IIII. Christianam Concordiam Pelagianos & Manichaeos errores tueri. &c.
Ad ea ordine, solidè & perspicuè respondebimus: vt Christianus Lector
intelligat, quàm longè aduersarij, à veritate in verbo Dei reuelata, recedant,
& quàm horrendos & blasphemos errores in Ecclesiam Christi, sub
praetextu zeli pietatis, in Ecclesiam Dei introducant. (Psal. 94.) Misericors Dominus, hominum
istorum oculos illuminet, quo orthodoxam veritatem videant, illique
adhaereant.
AMEN.
|| [2]
CAPVT I. CONFIRMATIO PECCATVM ORIGINIS non esse hominis
totam corruptam natur am & essentiam, corpus, animam, cor, rationem,
mentem seu voluntatem, vt aduersarij contendunt: Et refutatio fundamentorum,
quibus erroneam suam opinionem confirmare conantur.
BENE & rectè factum est, quòd in libro Christianae Concordiae expressè &
disertè negatur, peccatum originis, propriè loquendo, esse corruptam hominis
naturam,(Irenaeus in examine.
B. iij. fa. 2.) substantiam, seu essentiam, corpus &
ipsam animam rationalem, &c. quidcunque tandem aduersarij contra hanc
sententiam fingant, dicant & scribant. Tota enim sacra scriptura illam nos
docet: quam hac in parte meritò sequimur: Roman. 3. Omnes enim peccauerunt,
& egent gloria Dei: Quo in loco non inquit Apostolus, Omnes ipsum peccatum
sunt originis, sed sumus peccatores: Appellat etiam peccatum originis, defectum,
non naturam aut essentiam ipsam hominis. Peccatum igitur & non sunt substantia aut essentia, sed defectus aut
deprauatio, qua essentia hominis horribiliter est corrupta. Quòd si etiam
vocabulum peccati & sic exp licentur, quòd peccatum
originis sit insita quaedam malitia in homine, & non tantùm defectus seu
, non tamen sequitur, esse eam ipsam hominis
essentiam, sed desectum & deprauationem, in ipso homine reuerà
inexistentem.
Rom. 5. inquit Apostolus: Peccatum per vnum hominem in mundum introijt. Mundum
appellat totum genus humanum, seu omnes homines. De his omnibus scribit, in eos
in troijsse peccatum per Adamum. Quod igitur in homine non creauit, sed demum
post creationem accessit, eumque penitus corrupit, id non ipsa hominis est
essentia, corpus & anima, sed accidens quoddam. Peccatum autem, quemadmodum
Paulus docet, in hominem post creationem demum introijt. Quare non est ipsa
hominis substantia, essentia, natura, corpus & anima. Hoc euertere
aduersarij, licèt omnibus viribus conentur, nequeunt.
|| [ID00012]
Id autem non hoc pacto intelligimus, quod peccatum originis, tanquam singularis
substantia vel essentia, quemadmodum veteres docuerunt Manichaei, in hominem
peruenerit: verùm quasi iniustitia, seductio, corruptio, & extremum malum,
quo humana natura iam tota horribiliter est deprauata. Rom. 7. totum ferè
caputeò directum est, peccatum originis non esse ipsam corruptam essentiam
hominis, sed accidens potiùs malum, seu horrendam corruptionem. Sic enim scribit
Apostolus: Cum enim essemus in carne, passiones peccatorum, quae per legem
erant, operabantur in membris nostris, vt fructificarent morti. Passiones,
inquit, peccatorum, operabantur in membris nostris. Necessè igitur est, peccatum
originis, non esse ipsam hominis essentiam, seu corruptam naturam, sed
istiusmodi malum, quod efficax est in membris hominis, & quod ad peccandum
vehementer nos impellit. Intelligit autem per vocabulum (membrorum) non manus
tantùm & pedes: sed animam in omnibus suis viribus, intellectu &
voluntate. Item. Nunc autem iam non ego operor illud, sed quod habitat in me
peccatum. Scio enim, quia non habitat in me, hoc est, in carne mea, bonum. Quod
dictum expressè iterum inter essentiam seu naturam hominis, & peccatum
originis distinguit: ita, vt qui hoc dicto erudiri se non patitur: is sciens
& volens seducatur. Paulus enim seipsum nominat tanquam subiectum, item
carnem suam, & asserit in se, & in carne sua, nihil habitare boni, hoc
est, peccatum. Necesse igitur est, aliud esse ipsum Paulum, seu essentiam,
carnem & naturam eius: Et aliud malum, quod in ea habitat, illamque tàm
horrendè corrumpit. Et iterum: Peccatum non cognoui nisi per legem. Nam
concupiscentiam nesciebam, nisi lex dixisset, Non concupisces. Occasione autem
accepta, peccatum, per mandatum operatum est in me omnem concupiscentiam. Status
controuersiae est, An peccatum originis, corrupti hominis natura & anima
ipsa sit, an verò corruptio animę. Iam autem extra controuersiam est, quando
Paulus inquit: Peccatum non cognoscebam, nisi per legem, eum non intellexisse,
quòd per legem cognouerit, se, animam seu naturam & essentiam habere
humanam, sed de corruptione loquitur, quę animae seu essentię humanae inerat,
qua̅ non intellexerit sine lege. Peccatum etiam co̅cupiscentiam nominat. Omnes igitur facilè intelligunt,
substantiam naturae humanae seu animę, & prauam concupiscentiam, non esse
eadem. Substantia enim animę est à Deo, praua autem concupiscentia à Diabolo:
Sic ibidem ait: Scimus enim, quòd lex spiritualis est, ego autem carnalis sum
venundatus subpeccato.
|| [3]
Si D. Pauli doctrina esset, peccatum originis corruptam hominis naturam &
animam ipsam esse: sic ei scribendum fuisset: Anima & corpore, sub animam
seu essentiam venundatus sum: id quod absurdum auditu.
Roman. 8. inquit: Sapientia enim carnis, inimicitia est in DEVM. Vocabulis
inimicitae aduersus DEVM, intelligit procul dubio peccatum originis. Inimicitia
autem aduersus DEVM, non est ipsa corrupta hominis natura & essentia, sed
praua est inclinatio & corruptio in corde, anima, essentia & natura
hominis. Quare peccatum originis non est hominis ipsa natura & essentia: sed
horrenda est corruptio, quae eidem inhaeret. 1. Iohan. 1. inquit Iohannes:
Sanguis Iesu Christi filij eius emundat nos ab omni peccato: etiam de peccato
originis, quia dicit ab omni peccato. Necessariò inde concluditur, id peccatum
originis non esse, vnde sanguis Christi hominem seu naturam & essentiam eius
emundat. Manifestum enim est, filium Dei non apparuisse, vt substantiam seu
essentiam animae & corporis aboleret: sed potiùs vt illam emundaret, sanaret
& saluaret: Peccatum autem originis est illud malum, à quo nos sanguis
Christi emundat: Quare non est ipsa hominis natura & essentia: sed accidens
quoddam malum.
1. Ioh. 3. Peccatum dicitur, . Non autem verbis opus est:
quin potius omnibus patet, seu iniquitatem vel potiùs
iniustitiam, non esse substantiam aut essentiam: seu non idem significare, quod
ipsa hominis natura & essentia: sed accidens aliquod malum. Quod obijciunt,
, idem denotare, quod corrupta hominis natura &
essentia ipsa, horrenda est deprauatio, quam quiuis facilè intelligere
potest.
Iohannes etiam dicto illo 3. cap. inquit, Christus apparuit, vt peccata nostra
tolleret. Quod autem tollit Christus, & aufert ab homine, non est substantia
& essentia ipsa, seu corpus, anima, & ratio ipsa: sed est adhaerens
quoddam vitium seu malum. Filius enim Dei non venit, vt substantiam &
essentiam hominis tolleret, aut aboleret: sed vt corpus & animam nostram
saluaret: non igitur potest corrupta hominis natura, ipsum esse peccatum
originis, in quascunque tandem se formas transmutent.
Dauid Psalm. 51. orans: Dele iniquitates meas secundùm magnam tuam misericordiam,
non orat, vt corpus & animam suam DEVS deleat: sed vt adhaerens peccatum,
(quo vocabulo Lutherus, Heb. 13. est vsus) sui corporis & animae deleat:
sibique gratuitò remittat.
|| [ID00014]
Ps. 25. orat Dauid: Delicta iuuentutis meae, & ignorantias meas ne memineris:
quo loco sanè etiam de peccato originis agit. Distincta verò omninò sunt, &
quorum meminisse, & quorum non meminisse debet. Dauidis recordari Dominum,
delictorum autem iuuentutis suae, hoc est, peccati originis non meminisse petit.
Quare peccatum originis hominis essentia, corpus & anima ipsa esse non
potest.
Sic Psal. 38. inquit. Iniquitates meae supergressae sunt caput meum: & sicut
onus graue grauatę sunt super me. Quo loco de omnibus peccatis, & sic etiam
de peccato originis loquitur. Quòd si igitur peccatum originis, hominis
essentia, natura, corpus & anima ipsa esset, non diceret, peccata
supergressa esse super caput suum: & sicut onus graue grauata esse: sed
dicendum ei fuisset, corrupta mea natura & essentia, quae est ipsum peccatum
originis, ipsam meam essentiam supergressa est: & corrupta mea essentia
& natura grauata est super essentiam meam corruptam. Quae absurda omninò
foret loquendi ratio. Quare peccatum originis, hominis natura & essentia
ipsa esse non potest: sed malum est & horrenda calamitas, quae totam naturam
peruasit: & tanquam graue onus, quàm grauissimè premit & onerat.
Matth. 1. declarat Angelus, peccatum originis non esse corruptam hominis naturam
& essentiam ipsam: Expressè enim dicit, Iesum saluaturum esse populum suum à
peccatis suis. Peccata, inquit, filius Dei auferet: homines autem à peccatis
saluabit. Vnde Augustinus de natura & gratia, cap. 20. rectè colligit:
Peccata quippe, à quibus dicit Euangelion saluum faciendum populum Christi,
substantia non sunt.
1. Timoth. 1. inquit Apostolus, Christum Iesum ideo in mundum venisse, vt
peccatores saluos faceret. Non inquit, vt peccatum saluum faceret: quod omninò
ei faciendum fuisset, si statuisset, peccatum originis, hominis esse essentiam,
naturam seu corpus & animam ipsam.
Horum testimoniorum plura tàm è veteri quàm è nouo Testamento, contra absurdam
illam doctrinam, peccatum originis esse ipsam corruptam hominis naturam &
essentiam, allegari possent: hoc autem loco, his enumeratis contenti erimus:
Lector enim Christianus ex praecedentibus abundè cognoscere potest, quid de
aduersariorum doctrina sentire debeat, nisi sciens & volens seduci &
decipi malit.
|| [4]
Accusant autem aduersarij librum Christianae Concordiae mox ab initio, quod
expressam descriptionem peccati originis, secundùm legem Dei non proposuerit:
Sed demùm in sexto articulo, de tertio vsu legis declararet,(Examen Irenaei, B. 2. fac.
2.) quid sit peccatum originis. Non autem haec calumnia prolixa
eget refutatione: Articulo enim de peccato originis, ita peccatum originis, quid
propriè sit, ex verbo Dei describitur, vt in tanta breuitate, magis dilucidè
describi non potuerit. Pagina enim 259. fac. 1. haec ponitur descriptio.
Peccatum originis esse horrendam intimam atque ineffabilem humanaenaturae,
corporis, animae, & omnium virium corruptionem, ita vt homo ea iustitia, in
qua initiò creatus erat, penitus spoliatus, atque in peccatis, in rebus
spiritualibus prorsus sit mortuus: ad omne verò malum totus planè sit conuersus,
& quòd propter hanc naturae corruptionem & insitum ac innatum peccatum,
quod in ipsa natura haeret, è corde humano omnis generis actualia peccata
promanent. Et ibidem, fac. 2. & pag. 260. per partes ex Apologia Augustanae
Confessionis enumeratur, quid sit peccatum originis, quemadmodum ibidem Lector
Christianus cognoscere id potest.
Inprimis verò aduersarius reprehendit in libro Concordiae, in articulo depeccato
originis, haec verba, Iohan. 3. non esse citata: Peccatum est , seu peccatum est omne id, quod repugnat legi diuinae: &
obijcit, ex hoc dicto tantùm rectè intelligi posse, quid sit peccatum originis
propriè, videlicet, naturam, essentiam, seu corpus & animam ipsam corrupti
hominis, illa enim legi repugnat: Quaedam etiam dicta Lutheri allegat, in quibus
testatur, Peccatum esse & dici, quicquid legi, seu decem pręceptis non
conforme est, sed repugnat. Concedit autem liber Concordiae, omne id esse
peccatum, quod legi Dei repugnat, Item, corruptam naturam legi diuinae
repugnare. Non autem rectè concluditur: Peccatu̅ est omne, quod
legi diuinę repugnat. Corrupta natura repupnat legi diuinę. Ergò corrupta natura
est ipsum peccatum originis. Ratio haec est, maior enim huius argumenti, no̅ est vera cum signo vniuersali. Corrupta enim essentia in homine
repugnat quide̅ legi diuinae, non tamen est ipsum peccatu̅ originis: quemadmodu̅ paulò post fusiùs id
declarabitur. Hoc etiam neque in Apostoli, neque in Lutheri verbis continetur.
Quod si etiam D. Lutheri allegatis verbis, vel minima ex re esset com prehensum:
aduersarius nequaquam silentio praeterijsset: sed maiusculis literis
adscripsisset, & magnificis verbis vrsisset.
|| [ID00016]
Initiò autem in hac sophistica notandum est, in graeco textu haberi vocem
, quae idem significat, quod iniquitas: secundu̅ quae verba hic esset sensus: Peccatu̅ est
iniquitas, quae interpretatio omnium est euidentissima. Illorum quidem
interpretationem lubenter admittimus, videlicet, peccatum esse id omne, quod
legi diuinae repugnat: eadem etiam ipsi vtimur, hoc tamen seruato discrimine, ne
contra verba & mentem Apostoli, quod isti faciunt, quis ea abutatur.
Quod si etiam D. Lutherus, dictum illud Iohannis, ita in germanicum sermonem
transtulisset, quemadmodum aduersarij illud allegant: Deus bone, quanta
confidentia illis insisterent, illudque vrgerent. Cùm autem non pro ipsorum
sententiae confirmatione illud interpretatus sit, verùm hoc pacto, peccatum est
ipsa iniquitas: silentio id praetereunt, & talem vsurpant versionem, quae
illorum opinioni quàm commodissimè inseruire possit. Denique quid verbis opus
est? Constat vocabulum per se & expressè docere,
peccatum originis, ipsam hominis substantiam non esse: sed deprauatam illam
naturae corruptionem seu iniustitiam, malas inclinationes, concupiscentiam,
cognitionis DEI, tenebras in intellectu,
deprauationem voluntatis, & horrendam affectuum cordis confusionem. Quare
contra Pontificios rectè & benè vrgemus, peccatum non tantùm esse malam
actionem, sed etiam, vt diximus, omnem iniustitiam, impietatem, caecitatem,
defectum, concupiscentiam prauam in homine, quae legi aduersatur.
His autem aduersarij non acquiescunt, sed vrgent haec verba: Quicquid repugnat
seu aduersatur legi, id est peccatum: atque inde colligunt, essentia humana legi
aduersatur seu repugnat: Ergò est ipsum peccatum originale. Scire autem meritò
debebant, maiorem huius argumenti cum signo vniuersali, quemadmodum paulò ante
dictum est, nequaquam concedi. Palàm igitur confundunt & fraudulenter
permiscent, ipsam humanam naturam, quatenus iam etiam post lapsum, opus &
creatura Dei est: atque peccatum originis, quo corrupta est: & cuius causa
legi diuinae aduersatur, eidemque repugnat. Apostolus autem clarè &
perspicuè distinguit, inter corruptam naturam, & iniustitiam: in qua illa
inde ab Adamo concipitur & nascitur. Non inquit: Peccatum est quiddam
: quemadmodum omninò scribendum ei fuisset, si
doctrinam partis aduersariae confirmare voluisset: sed
appellat, seu iniqui
|| [5]
tatem.
Et nemo verè Christianorum asserere potest, , seu
iniquitatem, quiddam essentiale significare, seu de ipsa corrupta essentia
hominis, necessariò esse accipiendam.
Sic Lutheri verba, quibus scribit, peccatum magis propriè nominari non posse,
quàm id, quod pugnat cum Lege DEI, libenter admittimus.(Tom. 1. Ienensi fol. 300. &
alibi.) Consequentiam verò, quam Lutherus ipse non adiungit,
sed quam D. Lutheri verbis isti affingunt, nequaquam concedimus. Etenim si
propriè quis explicare velit, quid peccatum originis sit, nequaquam affirmari
potest, corruptam eam esse hominis naturam & essentiam ipsam: sed dicendum
potiùs est, esse corruptionem naturae, seu essentiae humanae, corrupta enim
essentia seu natura & corruptio, non sunt eadem, sed diuersa, quod pueri
etiam in Scholis norunt & intelligunt: qui adiectiua à Substantiuis
discernere didicerunt, vt deplorandum omninò sit, istos homines huic fundamento,
quod omninò nullum est, adeò vehementer inniti: & tot praestantes viros eo
sibi imponi & se circumduci, pati.
Imò inquiunt aduersarij, Concordia largitur, & necesse habet, vt fateatur
nostram naturam & essentiam corruptam esse, & hostiliter Legi diuinae
repugnare: eius etiam nonnulla ex eadem producunt testimonia: Quare necesse est,
vt concedat, corruptam nostram naturam ipsum esse peccatum. Sciendum verò est,
libenter illa nos verba dare & largiri, humanam naturam & essentiam esse
corruptam: Non immeritò autem conquerimur, inde eos adeò stolidas & ineptas
conclusiones connectere: Quae enim illa quaeso est conclusio: Natura &
essentia humana est corrupta. Ergò est ipsa corruptio, seu ipsum peccatum
originale. Pueri in Scholis, qui principia degustarunt Dialectices,
animaduertunt, hanc conclusionem falsam esse & ridiculam. Norunt enim,
quemadmodu̅ paulò antè dictum, in hac conclusione adiectiuum
& substantiuum, hoc est, naturam seu essentiam ipsam, quae corrupta est,
& corruptionem eiusdem, seu naturam & corruptionem, turpiter permisceri
& confundi, quae tamen necessariò à se inuicem distinguenda sunt, nisi
petulantia quadam Babylonicam verborum & linguarum confusionem introducere
placeat, & atra permutare albis.
Pari modo, dicta quaedam ex Concordia allegat, cor nostrum in summis fuis viribus
simpliciter DEO repugnare: Item naturalis hominis(C. ij. fac. 1. & sequent.) cor, non tantùm
à DEO esse auersum: verùm etiam aduersus DBVM ad omnem malitiam esse deprauatum:
& quae his sunt similia alia, ac inde euincere conatur. Ergo cor corruptum,
esse ipsum peccatum originis.
|| [ID00018]
Omnes
hîc intelligunt, quàm inepta illa sit conclusio: Cor homini srepugnare DEO, esse
à DEO auersum, & contra ipsum pro malitia mil itare, libenter concedimus,
ipsáque est veritas: Eam verò ob causam illud esse ipsum peccatum originis,
nequaquam his hominibus largiri possumus: Ratio est. Diuersaenim prorsus sunt,
corruptum & deprauatum esse: & corruptionem atque deprauationem ipsam
esse. Cor humanum peccato originis corruptum est & deprauatum, Genes. 6.
Psal. 14. Non tamen ipsa est deprauatio. Praedicandi enim ratio & Scriptura
sacra, ipsáque veritas, hoc, quod piae mentes facilè intelligunt, non fert.
Sic forma Concordiae asserit, peccatum originis verè esse peccatum, imò
praecipuum ac summum peccatum, fontem & radicem omnium actualium peccatorum:
Item, ex deprauato corde omnia actualia peccata dimanare. Item, rationem,
intellectum in homine, priuatum esse scientia & luce, planè esse corruptum:
Inde verò, vt aduersarij praetendunt, nullo modo concluditur. Ergò corrupta
natura, cor deprauatum, intellectus coecus, &c. ipsum est peccatum originis.
Perpetuò enim discrimen manet, inter id, quod corruptum est per peccatum, hoc
est, inter hominis deprauatum cor & intellectum, & inter corruptionem
ipsam. Essentia cordis est corrupta: non autem ipsa est corruptio. Etenim si
ipsa esset corruptio, de ea verè praedicari non posset, esse eam corruptam.
Quemadmodum rectè praedicari non posset, natura seu corpus hominis, peste est
infectum, & periculosè veneno occupatum & corruptum: Si natura &
essentia eius ipsa pestis esset essentialiter. Verùm ad pias & Christianas
mentes verbis non est opus: & omninò rationis expertem esse necesse est: qui
discrimen illud non intelligat, quod tamen isti homines vanitatis & mendacij
arguunt. Quam calumniam, suo tempore, DEVS iudicabit.
Aduersarij obijciunt: Cui tribuitur propria definitio, ei etiam tribuitur
definitum & contra. Qui concedit hominis totam corruptam & deprauatam
naturam Legi DEI repugnare, huic etiam dandum esse, totam illam, corruptam,
& Legi diuinae repugnantem naturam & essentiam hominis, esse peccatum.
Et arbitrantur, hoc fundamentum nullo modo euerti posse. Facilè autem est ad
illud respondere: propositionem primam veram esse, videlicet hominis totam
corruptam naturam Legi diuinae aduersari: alteram verò propositionem, quam inde
colligere conantur, esse falsam. Ratio est. Natura enim seu essentia hominis,
quatenus à DEO est creata, per se non repugnat Legi DEI: sed propter horrendam
|| [6]
corruptionem: qua post
lapsum Adae inquinata est, & aggrauata. Si natura, quatenus creatura DEI, in
& per se, legi diuinae repugnaret: vera esset conclusio, esse eam ipsum
peccatum originis. Hoc autem cùm minimè verum sit, (indeenim ac ideò legi
diuinae aduersatur, quia per peccatum originis corrupta est) non etiam rectè
concluditur, esse eam ipsum peccatum originis. Aduersarij autem hoc nec videre
nec intelligere volunt. Coeci igitur in sua coecitate relinquendi sunt: donec
visum illis DEVS aliquando largiatur.
Benè igitur & rectè facimus, quòd sano in intellectu concedimus: Quicquid
repugnat Legi DEI, peccatum esse, subintellige, quatenus in & per se Legi
diuinae repugnat: nec tamen largimur, essentiam humanam, seu corruptam naturam,
ipsum esse peccatum originis: cùm natura non simpliciter & per se, quatenus
natura & creatura, legi diuinae repugnet, verùm eam ob causam, quia peccato
originis tota est corrupta. Ideóque discrimen inter corruptam naturam, &
corruptionem, qua inquinata est, quaque, vt legi diuinae repugnet, impellitur,
est & manet. Et merum est figmentum: nos antecedens bonae consequentiae
dare, consequens autem antecedentis in bona consequentia negare. Immotis enim
fundamentis demonstrauimus, Antecedens, siquidem firmi fundamentiloco huius
argumentationis statuendum sit, sic informandum esse: Quicquid in & per se
legi diuinae repugnat, hoc esse peccatum, & hac posita propositione
inferendum esse: Natura hominis, in & per se, quatenus natura, legi diuinae
repugnat. Ergò est ipsum peccatum. Cuiuis autem patet minorem falsam esse,
natura enim hominis non in & per se, quatenus natura, aut substantia &
creatura DEI, legi diuinae repugnat, sed propter deprauationem, qua corrupta
est. Ad hoc qui attendit, aduersariorum Spiritum vertiginis, & fraudem
facilè agnoscere & intelligere potest. Atque haec quo ad Caput primum.
|| [ID00020]
CAPVT II. REFVTATIO FVNDAMENTORVM, quibus aduersarius
probare conatur, nullum esse discrimen, inter corruptam naturam, &
peccatum Originis: & demonstrationes Orthodoxae, discrimen illud in
Ecclesia Christi iuxta normam Verbi diuini, necessariò firmum & solidum
retinendum esse.
(D. 4. fac. 1. & se
juent.)
ADVERSARIVS denuò conatur, (verùm frustra) ex ipso libro Concordiae euincere,
humanam naturam, seu corruptam essentiam, & peccatum originis, rem eandem
esse, & nequaquam discernendam.
Initiò hoc vtitur fundamento: Liber Concordiae concedit hominem initio ad
imaginem DEI, hoc est, sanctum, mundum & iustum esse conditum.
Hinc autem colligi, non aliquid separatum & distinctum in homine, sed totum
hominem, cum corpore & anima, ad DEI imaginem, hoc est, essentialiter
sanctum esse conditum.
Ex quo porrò consequatur, ipsum totum hominem, seu totam naturam & essentiam
eius, ante lapsum, DEI imaginem, seu Iustitiam originalem, hoc est, totum omni
ex parte essentialiter, &c. sanctum fuisse.
Applicationem omittit, videlicet cùm homo ante lapsum essentialiter, quo ad
corpus & animam, ipsa imago DEI fuerit, Iam etiam post lapsum hominem
necessariò, secundùm essentiam, essentialem quoque imaginem esse Sathanae, &
sic ipsum peccatum originale.
Hoc fundamentum nobis paucis examinandum est.
Hominem initiò ad imaginem DEI, hoc est, totum, integrum, & iustum conditum
esse, nullum est dubium. Scriptura enim Genes. 1. & 2. id testatur.
Eadem etiam Scriptura Ephes. 4. asserit, non hominis naturam aut essentiam, seu
cor hominis, animam, intellectum, voluntatem, quae essentiales sunt partes
hominis, ipsam imaginem DEI essentialiter fuisse: sed imaginem DEI fuisse
iustitiam & sanctitatem veram, in qua homo fuit conditus.
|| [7]
Per se autem manifestum est, aliud esse, secundùm imaginem DEI conditum esse:
& essentialiter, quo ad corpus & animam, ipsam DEI imaginem esse: Homo
quidem, secundùm imaginem DEI totus sanctus, integer & iustus fuit conditus,
non tamen sanctitas, integritas & iustitia ipsa essentialittr fuit. Sanctum,
integrum & iustum esse: & sanctitatem, integritatem & iustitiam
ipsam essentialiter esse, non sunt eadem, sed res sunt distinctae. Sanctitas,
integritas & iustitia, in homine, seu in anima eius tanquam in subiecto
fuerunt: non autem natura fuerunt ipsa animae & corporis. Hominem esse,
secundùm imaginem DEI conditum esse, sanctum, integrum, iustum, & omnibus
numeris absolutè bonum esse, seu in iustitia & sanctitate vera conditum
esse, distinguenda sunt, nec pro ijsdem accipienda.
Licèt igitur, Scriptura seu Moyses Genes. 1. non dicat, aliquid distinctum in
homine, sanctum & integrum à DEO conditum esse: sed totum homine̅, &c. quiuis tamen facilè intelligit, ex verbis Moysis Genes.
1. cùm inquit, DEVM hominem ad imaginem suam condidisse, &c. eum distinguere
inter hominem, quo ad essentiam, corpus & animam eiusdem: & imaginem
DEI, ad quam est conditus. Quamobrem duo exprimit, hominem cum corpore &
anima, tanquam subiectum, quod secundùm imaginem DEI est conditum, &
imaginem DEI, ad quam est conditus homo. Quemadmodum id etiam ex horrenda illa
priuatione imaginis DEI colligi potest: in qua aliud est homo, qui imaginem DEI
amisit: & aliud imago DEI, quam homo amisit.
Paulus ad huc clariùs id ipsum explicat, Ephes. 4. quemadmodum diximus: De
imagine DEI non asserit, quòd sit intellectus animae seu ipsa voluntas
essentialiter: Sed iustitiam & sanctitatem veram, secundùm quam, nouus homo
à DEO est conditus. Quibus verbis clarè testatur: hominem, quo ad naturam &
essentiam suam, non esse imaginem DEI ipsam: sed imaginem DEI, quae est iustitia
& Sanctitas vera, in homine esse, & hominem in ea & secundùm eam
esse conditum.
Quare non vera est conclusio. Homo secundùm imaginem DEI initiò integer &
sanctus est conditus: Ergò ipsa essentialis Imago DEI fuit. Aliud enim est homo
secundùm imaginem DEI conditus: & aliud imago DEI secundùm quam est
conditus: Quemadmodum aliud etiam est, integrum seu sanctum, & omnibus
numeris absolutè bonum conditum esse, & integritatem atque sanctitatem esse
ipsam. Integrum & sanctum esse, subiectum nobis monstrant, in quo integritas
& san
|| [ID00022]
ctitas inest: non autem
ipsam integritatem & sanctitatem denotant: quod cuiuis patet.
Aduersariorum igitur fundamentum, si firmum esse deberet, hoc pacto extruendum
esset.
Ad quod, initiò homo est conditus, id ipsum etiam est essentialiter.
Homo initiò ad imaginem DEI est conditus.
Ergò etiam imago DEI est essentialiter, Vel:
Ergò imagò DEI est essentia humana, ipsum corpus & anima.
Prima autem Propositio, non est sim plicitcr & absolutè vera, hominem id esse
essentialiter, ad quod est co̅ditus. Hoc enim si verum esset:
necessariò omninò, homo, & illud, secundùm quod conditus est, per omnia vnum
essent: hoc autem falsum est & vitiosum: quam ob causam Moyses etiam,
hominem & imaginem DEI, ad quam est conditus, discernit: dum hominem &
imaginem, secundùm quam est conditus, distinctè exprimit.
Item, Si haec propositio firma esset, necessariò sequeretur, sanctitatem &
iustitiam, quae sunt imago DEI & creatam hominis naturam atque essentiam,
seu corpus & animam ipsam, sine discrimine, eadem esse, quod non per omnia
est verum. Verba enim essentia & sanctitas, nullam essentiam denotant, verùm
aliquid, quod in essentia seu in homine & natura aut anima eius inest.
Fundamentum igitur aduersarij nullo modo subsistere potest, sed necesse habet, vt
corruat: quemadmodum ipse etiam semet prodit, dum concludit, inquiens: Vnde
patet, ipsum hominem totum, seu totam naturam & essentiam eius, ante lapsum
imaginem DEI seu iustitiam originalem, hoc est, omnibus numeris absolutè bonum,
essentialiter sanctum, iustum, voluntati & legi diuinae co̅formem & immortalem fuisse. Cùm longè aliter informanda esset conclusio:
siquidem nugis illorum dandus aliquis locus.
Inde sequitur, totum hominem, seu totam naturam & essentiam eius ante lapsum,
essentialiter DEI imaginem ipsam fuisse. Non autem eo modo, quo est informata:
Omni enim ex parte integrum & bonum esse, iustum & sanctum esse: &
essentialiter integritatem, bonitatem iustitiam & sanctitatem ipsam esse,
magno discrimine sunt distincta: & nunquam eadem fiunt: Id quod tam apertum
est & verum, vt vel coecus, quod dicitur, in pariete illud palpare
possit.
Alterum fundamentum, quod aduersarius noster ponit, hoc est:
|| [8]
Liber Concordiae multis locis concedit, hominis natura̅ &
essentiam vsque adeò totam corruptam esse, vt in rebus spiritualibus, nihil
boni, nihil sani, imò ne scintilla quidem alicuius boni in ea amplius sit
reliqua, &c. Ergò necesse est, vt concedat, nullum esse discrimen, inter
corruptam naturam & ipsum peccatum originis.
Flagitium autem & dedecus est, in conspectu DEI, in re tam ardua, sic ludere.
Palàm enim & notum est omnibus, res esse distinctas, totum corruptum esse,
& corruptionem ipsam esse humanam naturam: Totam, omni ex parte corruptam
esse, docemus & profitemur in libro Concordiae, idque constanter & toto
pectore. Quòd autem eam ob causam, cum istis hominibus concludamus &
nugemur, totam corruptam naturam esse corruptionem, seu ipsum peccatum
originale, minimè facimus, nec facere possumus, nisi apertae & manifestae
veritati contradicere, & mendacium veritatem appellare velimus.
Similiter libenter fatemur, totum hominem, in primo suo lapsu, & corpore
& anima sua peccasse, item, totum hominem spiritualiter ad bonum esse
emortuum: Lapsu Adae, naturam & essentiam humanam totam corruptam esse: Inde
autem nnllo modo sequitur, quemadmodum inde aduersarij libenter concluderent,
corruptum essentiam vel corruptam naturam hominis, corruptionem seu peccatum
originis ipsum esse. Id quidem sequitur, Totus homo peccauit: Ergò totus est
peccator, immundus, corruptus, no̅ autem peccatum, immunditia
& corruptio ipsa essentialiter. Diuersa enim sunt totum cum corpore &
anima peccare: & essentialiter totumpeccatum seu immunditiem ipsam esse.
Illa quidem propositio vera est, totum hominem spiritualiter ad bonum esse
emortuum: inde autem non sequitur. Ergò, Homo essentialiter ipsum peccatum est
factus. Ad bonum esse emortuum, & essentialiter peccatum originis factum
esse, tanto inter de discrimine distant, quanto interuallo Oriens ab
Occidente.
Quemadmodum haec etiam vera est & orthodoxa propositio. La psu Adae naturam
& essentiam humanam, totam corruptam esse. Inde autem consequi: Ergò
corrupta hominis natura & essentia ipsa corruptio est & deprauatio, tam
ad propositum facit, quàm nix ad feruentissimum ignis calorem eliciendum.
Totius naturae, quemadmodum Lutherus in Genesi loquitur, per lapsum Adae, factam
esse immutationem, rectè dictum est: Integritatem
|| [ID00024]
enim sanctitatem & iustitiam
naturae, subsequutae sunt immundicies, iniustitia:
& natura, quae ante lapsum fuit integra, sancta & iusta: post lapsum
immunda, & iniusta facta est: non immundities
, & iniustitia ipsa. Ipse enim D. Lutherus
Genes. cap. 3. scribit: Manet natura, manent eadem membra, sed multis modis
vitiata. Natura autem per lapsum essentialiter in immundiciem & iniustitiam transmutatam esse, figmentum merum est
aduersariorum, quod in aeternum probare non poterunt.
Sic verum etiam est, quod Lutherus in praefatione Epistolae ad Rom. scribit:
Peccatum appellantur non tantùm externae illae operationes corporis, sed omnes etiam actiones, quae cum externo opere mouentur
& & concurrunt: videlicet cor ipsum cum omnibus intimis suis viribus,
&c. Verum id nondum est, cor esse ipsum peccatum originis essentialiter.
Aliud enim est cor, & quod in corde propter corruptionem mouet, & cuius
causa cor ad malum inclinatum est, & actualia peccata producit.
Eadem est ratio Scholij marginalis D. Luth. Rom. 3. scribentis: Omneid peccatum
esse, quod sanguine Christi non sit redemptum. Lutherus enim ibi vocabulo
peccati vtitur pro peccatorem esse, aut reu̅ aeternae
condemnationis. Quemadmodum etiam verum est, omne quod sanguine Christi non est
redemptum, peccatum, hoc est, peccato inquinatum, corruptum & aeternae
damnationi subiectum esse. Inde autem rectè concludi: Id omne est peccatum, quod
sanguine Christi est redemptum: Ergò corrupti hominis natura, essentia, corpus
& anima est ipsum peccatum: Id D. Luthcrus non asserit: verùm aduersarij
falsò hoc ei affingunt. Genesis enim 38. explicat sese disertè, peccatum &
mortem in homine, mala esse separabilia, quod nequaquam asseruisset, siquidem
statuisset, peccatum originis ipsam corruptam hominis naturam atque essentia̅ esse.
Quòd D. Lutherus Psal. 51. inquit, Peccatum esse omne, quod à Patre & Matre
generatur. Item, Peccatum est tota mea natura & essentia, eodem ab ipso
sensu dicitur, quem paulò antè exposuimus, totam naturam esse peccatricem, hoc
est, peccato corruptam, irae DEI, tyrannidi Sathanae, maledictioni legis, morti
& aeternae condemnationi, subiectam. Et hanc D. Lutheri sententiam esse inde
apparet, quòd mox dicto loco, haec verba subiungit: Tota natura primùm per
peccatum corrupta, & aeternae morti subiecta est. Vnde colligitur, D.
Lutherum, quando scribit Omne id peccatum esse, quod à Patre & Matre
generatur, & peccatum
|| [9]
esse
ipsius totam naturam, nihil aliud eum intelligere, quàm quòd in sequentibus
verbis dicit: Tota mea natura est peccato originis corrupta: Et quod iterum
dicto loco scribit: Dauid sic definit peccatum, vt significet peccatum efse
corruptionem omnium virium, interiorum & exteriorum, adeò vt nullum membrum
ita officium suum nunc faciat, sicut in Paradiso ante peccatum.
Eadem est ratio testimoniorum, quae aduersarij è D. Lutheri postilla
Ecclesiastica, Psal. 51. 1. Tom. Isleb. pag. 470. Et è postilla Oeconomica festo
Iohannis Baptistae allegant. Eò enim omnia respiciunt, humanam naturam omni ex
parte esse peccatrice̅, seu peccato corruptam. Hominis autem
naturam & essentiam, reipsa & essentia sua esse peccatum ipsum, hoc D.
Lutherus nec asserit, nec mens haec eius est. Verùm cùm scholastici sub
pontificatu peccatum originis extenuarint, & leue ac commune malum inde
effinxerint, quo naturalia seu naturae vires non sint corruptae, sed saluae
manserint & integrae: D. Lutherus his emphaticis verbis est vsus, naturamque
ipsam peccatum appellauit, non quòd statueret, propriè loquendo eam ipsum
peccatum esse: verùm vt indicaret, eam peccato totam & omni ex parte esse
corruptam, & non tantùm actualia peccata, esse peccata: sed etiam illud
malum, & ea noxa, quae omnibus nobis ab Adamo est congenita, & qua
natura ipsa tota vndique est corrupta: cuius etiam vitio peccat, & actualia
peccata committit.
Prorsus eadem sententia est verborum D. Lutheri, quae ex cap. 3. ad Gal. Tom. 4.
citantur. Homo, non tantùm adiectiuè & concretiuè est peccator, sed etiam
substantiuè & abstractiuè peccatum ipsum, hoc est, vndique & omni ex
parte plenus peccatis. Lutherus enim ibi non propriè loquitur, quid peccatum
sit: non etiam docet, hominem seu humanam naturam, propriè loquendo, peccatum
ipsum esse: verùm figuratè, seu vt in scholis loquuntur, per epitasin:
quemadmodum id ex proprijs ipsius verbis videre est, quae haec sunt: Cum
peccator reuerà venit in notitiam sui, non solùm sentit se peccatorem concretiuè
seu adiectiuè, sed etiam abstractiuè seu substantiuè, hoc est, non solùm videtur
sibi calamitosus, sed ipsa calamitas, non solùm peccator & maledictus, sed
ipsum peccatum & maledictum. Vt & in latina lingua, cum excellenter
volumus aliquem significare scelestum, vocamus eum scelus.
Duo in his Lutheri verbis insunt, è quibus, quo pacto verba sua intelligi velit,
facilè cognosci potest. Primum est, quod inquit. Cùm peccator reuera venit in
cognitionem sui, sentit, hoc est, videtur sibi, sic arbitra
|| [ID00026]
tur, non tantùm se peccatorem
esse, verùm propter magnitudinem moeroris & tentationis, quam in corde suo
sentit, statuit se esse ipsum peccatum. Alterum quod ait, quando hominem ipsum
peccatum appellamus, id nonfieri propriè: quòd asseramus esse eum ipsum
peccatum: verùm id fieri hoc vel illo modo, quo in lingua latina, cùm
excellenter volumus ali quem significarescelestum, vocamuseum scelus. Haec duo
si expendantur, facilè est iudicare, Lutherum hîc non propriè, sed figuratè seu
per Epitasin, hominem peccatorem, peccatum ipsum appellasse, pro pterea quia in
summis tentationibus sic statuit, se non tantùm peccatorem, sed ipsum etiam esse
peccatum: non quòd propriè loquendo, ipsum sit peccatum.
Concinna etiam, scilicet, illa similitudo in medium adducitur, si quis
praetendat, soleam ferream esse omni ex parte ferrum: & tamen distinguere
vellet, inter soleam ferream & ferru̅, malè eum facere: eandem
esse rationem peccati originalis, cùm fateamur, naturam peccato totam & omni
ex parte esse corruptam: nec tamen concedere velimus, esse eam isam corruptam
naturam, id etiam locum habere non posse, & quas huius generis similitudines
alias, de olla testacea, de pectine, de laqueo &c. allegant.
Ad eas solida haec nostra est responsio, soleam ferream & ferrum eiusdem esse
materiae, quamobrem qui fatetur soleam ferream omni ex parte esse ferrum, is quo
ad materiam, discrimen nullum facere potest, inter soleam ferream & ferrum.
Verùm inepta haec similitudo, quemadmodum & reliquae, ad hanc controuersiam,
de peccato originis, accommodari nullo modo potest. Ratio est. Hominis enim
corrupta natura, & corruptio, seu peccatum originis, non sunt eiusdem
materiae, substantiae & essentiae, quemadmodum solea ferrea, & ferrum.
Sed sunt distincta. Faber è ferro soleam ferream fabricat: peccatum autem
originis non ex nostra natura substantia aut essentia, tanquam materia, est
fabricatum: sed in eam venit, Rom. 5. Et nequaquam eiusdem cum illa est
materiae, substantiae aut essentiae, quemad modum ferrea solea cum ferro.
Qualis autem haec est similitudo: tales etiam res sunt ipsae, quas insulsi isti
homines tuentur.
Non etiam nos praeterit, DEI beneficio, vanitatem & coecitatem cordis, cuius
mentio fit Ephes. 4. non esse mediam, truncatam & diuisam coecitatem: sed
integram. Quo pacto verò id sequitur, quod inde concludere volunt: Ergò corrupta
natura, seu anima est vanitas, coecitas
|| [10]
& ipsae tenebrae. Ratio enim seu cor hominis, & vanitas seu
coecitas, quae illi inest, sanè non sunt eadem sed distincta. Ratio seu
intellectus est essentialis pars animae rationalis, & est quidem, vt
Apostolus verè loquitur, vana atque tenebris obscurata: non autem ipsa est
vanitas aut tenebrae, vt hi fictores fingunt.
Liber quidem Concordiae hac etiam loquendi forma vtitur, p. 259.(F. 2. fac. 1.) Hominis
natura & persona est peccatrix: verùm pag. 263. 264. è D. Luthero explicat,
quid per eam intelligat: videlicet non tantùm sermones, cogitationes &
actiones in homine esse peccatum, sed etiam totam naturampersonam ac essentiam
hominis, peccato originis, totaliter esse corruptam.
Eadem ratione, illam quoque loquendi formam retinet. Ipsi sumus peccatores: inde
autem nullo modo sequitur, (quemadmodum aduersarij vrgent. Ergò essentialiter
ipsum sumus peccatum. Peccatorem enim esse, & peccatum esse essentialiter,
non sunt eadem.
Liber etiam Concordiae, pag. 262. naturam nostram, appellat massam peccatricem,
verùm non eo sensu, quem inde aduersarij elicere volunt, videlicet naturam
nostram essentialiter ipsum peccatum esse. Peccatricem enim seu peccato
corruptam massam esse, & peccatum ipsum esse essentialiter, perpetuò
distincta manent, & nunquam fiunt eadem.
Par est ratio verborum libri Concordiae, pag. 260. fac. 1. nos natura tale cor,
rationem & intellectum, trahere ex Adamo, quod summis suis viribus,
simpliciter DEO aduersetur. Vnde aduersarij nostri concludere, conantur, cor
nostrum naturaliter seu essentialiter ipsum peccatum esse. Vocabula enim illa:
Indoles & natura, non id sibi volunt, naturam & essentiam nostram, esse
ipsum peccatum originis: verùm nobis propter corruptionem, quae nobis ab Adamo
est ingenita, illam vitiositatem in corde & natura nostra inesse, vt DEO
repugnemus. Non, quemadmodu̅ dictum est, quòd natura nostra, ipsum
sit peccatum originis: & quòd voces (Indoles & natura) tantundem
significent, quod essentia ipsa naturae nostrae: sed vitiositatem, quae post
lapsum in natura nostra latet: vt quemadmodum à parentibus nostris, naturam
& essentiam nostram accipimus: sic vitiositatem illam peccandi simul nos
consequi, qua natura propter lapsum Adae infecta & corrupta est. Quemadmodum
id, pag. 263. fac. 2. expressè in libro Concordiae declaratum est.
Obijcit aduersarius, Mosem & Christum non appellare distinctam(F. 3. fac. 1. Deut. 32. Matth.
12.) quandam vitiositatem in homine infideli: sed ipsos
homines infideles,
|| [ID00028]
progeniem,
adulteram, maculam. Negari autem non potest, in his testimonijs scripturae,
concretum seu subiectum, hoc est, homine̅ ipsum cum anima &
corpore, in quo peccatum seu corruptio inest, appellari. Et de toto homine id
rectè & verè dici, propter corruptionem, qua natura humana contaminata est.
Homines enim nationem esse peruersam, quae à Deo desciuerit, esse progeniem adu
Iteram, non est inditium, humanam naturam, essentialiter corruptionem &
maculam ipsam esse: sed quòd propter ingeneratam corruptionem, vitiositatem,
maculam, corrupta sit, defecerit, & adultera existat. Imò, quod amplius est,
Moses & Christus vocabulo (naturae) non vtuntur, sed voce generationis: quae
vox de hominis essentia & natura, quatenus essentia & natura est, nullo
scripturae loco intelligitur.
Apostoli Petri verba, 2. Pet. 2. labes sunt & maculae, : nullo modo id sibi volunt, incredulos essentialiter labem & maculam
esse: verùm, quemadmodum Ephes. 5. videre est, in qua phrasis eadem habetur,
, non habentem maculam, quòd labe & macula sint
defoedati.
Psalm. 116. non dicitur, Homines ipsum esse mendacium, quemadmodum (F. 3. fa. 2.) aduersarij
falsò ex hebraeo textu id allegant: verùm id habetur: Omnes homines esse
mendaces. Et permagnum omninò est discrimen, inter duas illas voces Cazab,
mendacium, & Cozeb, mendacem: quemadmodum 70. etiam interpretes, in Graeco
eam reddiderunt, : omnis homo mendax, Non omnis homo
, mendacium.
Sic Salomon Prouerb. 21. non impios peccatum appellat, sed superbiam impiorum,
peccatum nominat:
Iob, 25. Hominem non appellat corruptionem & abominationem ipsam: sed
vermiculum, filium hominis, vermem.
Dauid Psal. 51. Non se peccatum ipsum appellat, verùm in lingua sancta, haec
verborum significatio est, Tibi soli peccaui: quemadmodum & 70 Interpretes
& D. Lutherus eadem verba interpretati sunt.
Testimoniorum Augustini & Chrysostomi: Totus homo est peccatum, eadem est
ratio, quae supra in verbis Lutheri est exposita: videlicet quòd ijs docere
voluerunt: hominem, per peccatum peccatorem esse effectum, hoc est, omni ex
parte corruptum, deprauatum, irae Dei & aeternae morti subiectum.
|| [11]
Quantum etiam verba libri Concordiae, pag. 161. Nequid aliud aut peregrinum in
homine peccet, &c. attinet, non hic est illorum sensus, corruptam naturam,
ipsum esse peccatum originis: verùm directa sunt contra Manichaeos, qui nugati
sunt, peregrinum quiddam in natura hominis esse, (quemadmodum id Augustinus
refert) quod peccet: non autem ipsam naturam. Liberè profitemur, naturam ipsam
peccare: verùm non quatenus creata natura & opus DEI est: verùm quia per
peccatum originis, tota infecta & corrupta est.
Immotae igitur est veritatis, peccatum originis non esse ipsam corruptam naturam:
sed corruptionem eiusdem.
In rebus etiam spiritualibus, nullum statuimus discrimen. Non dicimus, in ijs
aliquid boni in corrupta natura esse reliquum, (ad bonum enim tota est emortua:)
verùm id inde verè concludi non potest: eam ob causam corruptam essentia̅, seu naturamhumanam, ipsum esse peccatum.
Tertium fundamentum. Librum Concordiae concedere, legem totam(G. 1. fac. 1.) naturam
accusare. Ergò totam naturam necessariò esse ipsum peccatum originis.
Legem totam naturam propter peccatum accusare, extra controuersiam est: inde
autem certo veritatis fundamento concludi posse: Ergò tota natura est ipsum
peccatum, merum figmentum est partis aduersariae: Lex enim non totam naturam
accusat, quatenus natura, seu quatenus creatura DEI in & per se est: verùm
eam ob causam, quia peccato infecta & mala est. In summa, Lex DEI accusat
& condemnat naturam & essentiam hominis etiam post lapsum, non eatenus,
quatenus opus & creatura DEI est: verùm eam ob causam, & quatenus
peccato infecta & corrupta est. Ideò Rom. 1. expressum est: Iram DEI
coelitus (per legem) reuelari super omnem iniustitiam & impietatem hominum,
eorum, qui veritatem in iniustitiadetinent. Quibus verbis clarè ostenditur,
homines à lege accusari, non eam ob causam, quòd homines & DEI creatura
sunt: sed ideò, quia impij & iniusti seu peccatores: & quòd impietas
& iniustitia illorum naturae & essentiae inest.
Et Rom. 7. Peccatum occasione accepta, per mandatum, seduxit me, & per illud
occidit. Quibus verbis denuò Apostolus clarè indicat, Legem in se peccatum
excitasse, seu viuificasse, seque occidisse: & simul monstrat, legem hominem
accusare & occidere: non quia homo & creatura DEI, sed tanquam corruptum
peccatorem, seu hominem peccatorem, propter peccatum, quod in ipso seu in carne
eius habitat.
|| [ID00030]
Acculat igitur Lex in homine non aliquid distinctum, verùm totum hominem, quo ad
corpus & animam, eam verò id facit ob causam, quia totus homo, seu tota
natura humana, peccato infecta est & corrupta.
Verum igitur & Orthodoxum est, quod Luth. Tomo 2. Ienensi. pag. 497. scribit,
nos ex lege addiscere, omnia nostra merè peccatum esse, quicquid & sumus
& agimus: cùm lex totam naturam, vtpote quae per peccatum corrupta est,
accuset, & nos homines eò adigat, vt naturam nostram peccatricem, &
peccata actualia rectè agnoscere & deplorare discamus, Rom. 3. per legem
agnitio est peccati, seu gloriae illius, quam coram DEO habere debebamus.
Quando autem Paulus Ephes. 2. Naturà nos filios irae appellat, non is eius est
sensus, naturam nostram, iram seu peccatum ipsum esse: sed nostram naturam omni
ex parte esse corruptam propter peccatum originis: & corruptam naturam ex
vtero matris nobiscum nasci: propter quam corruptionem nos naturà simus filij
irae, hoc est, irae DEI subiecti, nisi per & propter Christum in gratiam
recipiamur.
Deut. 27. Galat. 3. Maledictioni subijcit lex totum hominem, verùm non eam ob
causam, quia homo est, seu naturam habet humanam: verùm ideò, quia est sub
peccato: Rom. 3. quia carnalis est, venditus sub peccatum, quia in carne eius
malum habitat. Rom. 7. Denique quia peccato totus corruptus est: nec manet in
omnibus ijs, quae scripta sunt in Lege, vt faciat ea.
Ex quibus liquet & manifestum est, è Legis accusatione non demonstrari,
corruptam naturam seu essentiam hominis & peccatum originale, rem vnam esse
& eandem: verùm, quemadmodum diximus, humanam naturam ideò à Lege DEI
accusari, quia funditus corrupta & peccato est inquinata.
Nulláque ratione sequitur, si corrupta natura non est ipsum peccatum, legem etiam
illam accusare non posse: & nisi in & per se peccatum sit, non indigere
mediatore, &c. Paulò enim ante, ex verbis Apostoli Pauli contrarium
demonstrauimus. Rom. 1. 7. Rom. etiam 8. haec ipsa causa monstratur, ob quam
DEVS miserit filium suum, & Legi eum subiecerit, quia impossibile erat Legi,
&c. eò quòd infirmabatur per carnem. Nec Apostolus ait, DEVM filium suum,
Legi subdidisse: quòd corrupta natura nostra, seu ipsum peccatum originis erat:
seu eò quòd Lex infirmabatur per carnem, sed quòd infirmae carni, corruptae
naturae humanae impos
|| [12]
sibileerat, illam adimplere. Ex quo manifestò constat: quòd licèt
natura peccatum originis ipsum essentialiter non est: & aliud sit,
infirmitas, qua caro seu natura infirmatur: nihil ominus tamen Mediatore illam
egere: Deúmque eam ob causam filium suum misisse, quo naturam humanam, ab illa
infirmitate, redimeret.
Huc referendum est, quòd Ecclesia Christi canit, suae recordatus misericordiae:
se mihi opitulaturum esse. Et quod D. Luth. Tom. 6. Germ. pag. 260. scribit:
DEVS non naturae est inimicus. Sed docet, se ei venturum in auxilium. Item: In
eum vindicare, tanquam in proprium suum hostem, decreuit, qui opus hoc suum
inquinauit & corrupit. Et quod Augustinus de peccato originis cap. 40.
scribit: Ac per hoc DEVS hominem damnat, propter vitium, quo natura
dehonestatur: non propter naturam, quae vitio non aufertur.
Item, Hypognost. 5. Ipsi enim quòd homines, opus DEI sunt: Quòd verò in ipsis est
peccatum, opus Diaboli est, hocest, quod in illis odit DEVS, non ipsos opus
suum. Equibus testimonijs manifestò constat, DEVM naturam per peccatum non
arguere & condemnare, quatenus natura est: Verùm ideo, quia peccato corrupta
est. Hócque discrimine, natura nullo modo bona pronunciatur, aut ab horrenda
labe, qua infecta est, immunis perhibetur: sed DEI tantùm opus, & peccatum,
quo natura corrupta est, discernuntur.
Quartum fundamentum, aduersarius desumit ex Articulis(G. 3. fac. 2) Schmalkaldicis: in quibus
haec D. Lutheri verba habentur. Haec poenitentia docet nos agnolcere peccatum,
videlicet de nobis omnibus planè actum esse, & intus & in cute, nihil
boni in nobis esse, & simpliciter fieri nos alios & nouos homines
oportere. Haec poenitentia non est partialis & mutilata, qualis est ista
actualium peccatorum, nec etiam est incerta, qualis ista est. Non enim disputat,
vtrum sit peccatum, vel non peccatum, sed totum prosternit & affirmat,
vniuersum & merum esse peccatum, quoad nos, & nihil esse in nobis, quod
non sit peccatum siue reum. Quid enim diu quaerere, partiri, & distinguere
volumus? Quamobrem contritio etiam hîc, non est dubia aut incerta. Nihil enim
remanet, quo aliquid boni cogitare possimus ad expiandum peccata: sed abijcienda
nobis est omnis spes de omnibus, quicquid sumus, quicquid cogitamus, loquimur
& facimus, &c.
Similiter Confessio quoque non potest esse falsa, incerta, manca aut mutila. Qui
enim confitetur, totum in se merum esse peccatum: is com
|| [ID00032]
prehendit omnia peccata, nullum
excludit, nullius obliuiscitur. Sic & satisfactio, non potest esse incerta,
quia non est nostrum incertum, & peccato contaminatum opus. Sed est passio
& sanguis immaculati & innocentis agni DEI, qui tollit peccata
mundi.
De hac poenitentia concionatur Iohannes, deinde Christus in Euangelio, & nos
etiam. Et hac poenitentiae concione, destruimus Papam & omnia, quae nituntur
nostris bonis operibus, omnia enim fundamento putri & vano insistunt, quod
appellatur bonum opus siue lex, cùm tamen nullum bonum opus adsit: sed tantùm
mala opera, & nemo faciat legem (vt Christus Iohan. 7. testatur:) sed omnes
eam transgrediantur. Quare aedificium, quod superstruitur, tantummodò mendacium
& hypocrisis est, etiam qua in parte sanctissimum & formosissimum
est.
Et ex citatis modòverbis conatur demonstrare, discrimen inter corruptam naturam
& ipsum peccatum originis esse falsum: Multis etiam verbis de eo litigat.
Quae autem vera sententia sit verborum D. Lutheri, inde colligi potest: quòd
videlicet D. Lutherus eo loco pugnat contra Pontificios, qui varias
contritiones, varias Confessiones, varias satisfactiones pro hoc illóve delicto
excogitarunt: consternatásque mentes cum peccatis suis eò adegerunt: vt omnia
ipsis peccata enumeranda, diuidenda & partienda essent: quemadmodum inter
caetera in illorum canonibus extat: Cuiuis peccato mortali, semptem annos
integros pro poenitentia designandos esse: dum interea verorum peccatorum contra
DEI mandata, nulla fuerit ratio habita, multò minùs verè fuerintagnita.
Econtrà nonnulli poenitentiarij eius fuerunt confidentiae: vt professi sint,
tantum sibi esse bonorum operum, quibus non tantùm per se sine peccato sancti
sint: sed etiam alijs opera supererogationis communicare & vendere
possint.
Hîc exurgit angelus ille igneus, teste Luthero, B. Iohannes, preco verus verae
poenitentiae, & tonitru ac fulmine vno ferit ambos, inquiens, Agite
poenitentiam.
Postea concludit, & ostendit, quae ad veram poenitentiam requirantur, vt homo
seipsum totum corruptum, malum, peruersum, omniáque sua opera perdita, &
coram iudicio DEI nullius valoris & ponderis agnoscat.
Haec poenitentia porrò, inquit, non est partialis & mutilata, quemadmodum
illa, quę de peccatis tantùm actualibus poenitentiam agit: non
|| [13]
est etiam incerta, quemadmodum
illa. Nec enim disputat, quid peccatum, quid non peccatum sit, sed totum
prosternit, & affirmat, vniuersum merum esse peccatum. Quid ergò diu
quaerere, partiri & distinguere volumus?
Vnde manifestò iam apparet, D. Lutherum in dictis verbis, nullo modo de
discrimine inter naturam & eius corruptionem seu peccatum originis loqui
(quod discrimen alibi diligentervrget:) sed quemadmodum dictum est, de otiosa
& frustranea peccatorum distributione, quemadmodum illa à Pontificijs
excogitata, & consternatis mentibus inculcata, & in partiali atque
mutilata eorum poenitentia est comprehensa: quam reijcit. Quid verò hoc ad
controuersiam facit, in qua de discrimine, inter corruptam naturam hominis,
& peccatum originis ipsum, agitur?
Nos cum Articulis Schmalkaldicis asserimus, Intus & in cute, nihil nobis
inesse boni: omnia esse corrupta & deprauata. Id autem non idem est, quod
nullum discrimen est inter peccatum originis & corruptam naturam. Diuersum
enim omninò est, distinguere inter corruptam naturam & peccatum, quo est
corrupta: & inter peccata, in vera poenitentia & conuersionead DEVM,
more Pontificio, discernere. De qua D. Lutherus propriè loquitur.
Confitemur etiam omnia nostra & merum peccatum esse, & in poenitentia non
diu cum Pontificijs inter peccata esse discernendum, &c. Quid verò ad
Quaestionem hanc, peccatum originis & corruptam naturam hominis, rem vnam
esse & eandem, facit? Longè aliud est, agnoscere, omnia nostra merum
peccatum esse, & statuere corruptam naturam ipsum esse peccatum originis.
Clarèenim Lutherus distinguit, in nobis omnia esse & merè peccata. Inde verò
nequaquam sequitur, eam ob causam, corruptam naturam & peccatum rem eandem
esse, & non discernendam: sed contrarium potiùs.
Articulos Schmalkaldicos contritionem non ad discrimen naturae humanae referre:
sed ad Pontificiam peccatorum partitionem, patet. Lutherus enim discrimen inter
peccatum originis, & corruptam naturam, quod alibi in scriptis suis vrget,
disertè confirmat, non oppugnat, verùm, quemadmodum dictum est, Pontificiam
illam, partialem & mutilatam poenitentiam, de qua eo loco agit.
Impudentia igitur & temeritas aduersarij admirationem meretur, quòd
istiusmodi sensum verbis Lutheri affingereconatur: qui tamen in illis nullo modo
continetur.
|| [ID00034]
Quód autem D. Lutherus discrimen, inter naturam eiúsquecorruptionem expressè
doceat & tradat, insequentia confirmant testimonia, è monumentis illius
deducta.
Genes. 3. Hoc venenum sic latè per carnem, corpus, animam, neruos, sanguinem, per
ossa & medullas ipsas, in voluntate, in intellectu, in ratione diffusum est,
vt non solùm eximi plenè non possit, sed ne quidem agnoscaturpeccatum esse. Hoc
sanè clarè est & expressè corpus, animam, voluntatem, intellectum, &
quicquid in homine est, à peccato originis discernere.
Ibid. Manet quidem natura, sed multis modis corrupta, siquidem fiducia erga DEVM
amissa est, & cor plenum diffidentia, metu, pudore. Sic manent quidem in
natura membra eadem, sed quae antea nuda & cum gloria conspiciebantur, nunc
tanquam turpia & inhonesta velantur, propter interiorem defectum, quòd
natura fiduciam in DEVM per peccatum amisit. Si enim crederemus, non
erubesceremus.
Denuò asserit, naturam mansisse: multis autem modis eam fuisse corruptam: Quo
pacto igitur verum esse potest, corruptam naturam & corruptionem seu
peccatum originis rem eandem eum statuisse.
Genes. 1. cap. scribit: Manserunt intellectus & voluntas, sed valdè vitiata
vtraque. Haec verba Lutheri expressè discernunt inter intellectum &
voluntatem, & inter corruptionem, qua sunt inquinatae.
Genes. 2. Corpus concupiscentia defoedatum est: In anima amissa est cognitio DEI,
quae verba iterum clarè discrimen statuunt inter hominis corpus & animam,
& prauam concupiscentiam, coecitatem, & defectum qui accessit.
Et Genes. 3. Habemus voluntatem quoque & rationem, sed quàm multipliciter
vitiatam.
Item, Natura violata est. Naturalia corrupta sunt per peccatum. Voluntas &
ratio per peccatum vitiata est.
Ibidem: Hîc ea corruptio describitur, quae successit originali iustitiae.
Item, Peccatum ipsum naturam non solùm deformauit turpissimè, sed etiam pessimè
corrupit. Hîc sanè quiuis discrimen, quod est inter corruptam naturam &
corruptionem ipsam, videre potest, & perspicuè intelligere, Lutherum
corruptam naturam & peccatum originis non habuisse pro re vna &
eadem.
Genes. cap. 4. his verbis vtitur: Spirituales homines debent distin
|| [14]
guere inter peccatum
originale & naturam. Opus generationis est creatura DEI bona & sancta,
est enim ex DEO benedicente.
Quaeso qua ratione discrimen inter corruptam naturam hominis, & inter
corruptionem, seu ipsum peccatum originis, maiori perspicuitate declarari
posset, quàm his ipsis modò enumeratis D. Lutheri verbis est expositum.
Genes. cap. 38. inquit: Peccatum & mors sunt mala separabilia. Quòd si D.
Lutherus statuisset, corruptam naturam, & peccatum originis rem vnam esse,
non peccatum malum separabile, hoc est, istiusmodi malum, quod naturà separari
possit, appellasset.
Psal. 90. Peccatum originis appellat qualitatem, verba illius, quemadmodum in
libro Concordiae allegata etiam sunt, haec sunt: Siue igitur peccatum originis
qualitatem, siue morbum vocauerimus, profectò extremum malum est, &c. Vnde
iterum constat, nequaquam eum asseruisse, peccatum originis corruptam hominis
essentiam ipsam esse, sed malam qualitatem, vitiositatem, seu horrendum &
ineffabilem morbum, in natura & essentia humana.
Augustinus Psal. 68. tradit & retinet etiam hoc discrimen, inquiens,
Iniquitas quippe ipsa non est substantia. Non enim iniquitas est natura, quam
fecit DEVS, sed iniquitas est peruersitas, quam fecit homo.
De nuptijs & concupiscentia lib. 1. cap. 17. Carnis autem pudenda
concupiscentia non est nuptijs imputanda, sed toleranda. Non est enim ex
naturali connubio veniens bonum, sed ex antiquo peccato accidens malum.
Ambrosius in Hexaem lib. 1. cap. 8. Non enim malas arbitror intelligendum
potestates, quòd Dominus earum malitiam creauerit, cùm vtique non substantialis
sed accidens sit malitia, quae à naturae bonitate deflexit.
Iohannes Maxentius in Catholica professione: Quapropter anathematisamus eos, qui
naturale aut substantiam aliquam dicunt esse peccatum.
Huiusmodi testimonia orthodoxae Antiquitatis de discrimine inter naturam, &
peccatum originis plura allegari possent: si id huius laboris ferret ratio:
Alibi autem collecta sunt, vbi ea lector Christianus & veritatis amans
inquirere poterit.
Manet igitur discrimen inter peccatum originis & naturam, contra omnes
odiosissimas aduersarij obiectiones, firmum & immotum, &c.
|| [ID00036]
DEFENSIO CONTRA ACCVS ATIONEM in libro Concordiae malè ex
articulo creationis discrimen statui, inter natur am & peccatum
Originis: Et Christiana demonstratio, Fundamentum libri Concordiae ex
articulo creationis desumptum adhuc solidum esse & firmum,
&c.
(H. 2. & deinceps per aliquot
pagellas.)
SPIRITVS vertiginis, quo aduersaria pars agitatur, in hoc capite tam crassè
impingit: vt etiam Catechumeni illius errorem animaduertant.
Initiò enim in genere obijcit, quid peccatum sit, id ex lege esse addiscendum,
non exarticulis fidei, qui doctrinam Euangelij tradant. Malè itáque facere
librum Concordiae, qui ex articulis fidei doceat, discrimen esse inter corruptam
naturam, & peccatum originis.
Liber autem Concordiae non docet, ex Euangelio, propriè loquendo, quid peccatum
sit, addiscendum esse: verùm cùm aduersarij hactenus semper vrserint, &
adhuc vrgeant, nullum esse discrimen, inter naturam hominis & peccatum
originis, statuendum: nostri necessariò ex articulis fidei de creatione,
redemptione, sanctificatione, resurrectione carnis, &c. demonstrare coacti
sunt, eum, qui discrimen inter corruptam naturam hominis & inter peccatum
originis, in vniuersum tollat, illum simul etiam fidei articulos euertere, in
quibus discrimen illud clarè & manifestè traditur, & omnibus Christianis
ob oculos ponitur.
Et nullo pacto eadem sunt, ex lege propriè monstrare, quid sit peccatum, & ex
articulis fidei, quae Euangelium annunciant, demonstrare, corruptam naturam
hominis & peccatum originis, non esse eadem sed distincta. Quamobrem libro
Concordiae, nulla confusio doctrinae Legis & Euangelij imputari & obijci
potest, cùm diuersum sit, propriè ex Lege monstrare & docere, quid peccatum
sit, & aliud, ex articulis fidei euincere, naturam & peccatum non eadem,
sed distincta esse.
Deinde pars aduersaria multa verba facit, (quae tamen ad huius controuersiae
decisionem planè aliena sunt) de duabus illis phrasibus. Naturam hominis &
essentiam esse per peccatum originis corruptam: & naturam atque essentiam
hominis esse per lapsum Adae corruptam. Lapsum enim Adae & peccatum originis
non esse eadem: cùm lapsus Adae sit pec
|| [15]
catum actuale. Peccatum
verò originis non sit actuale peccatum, sed hominis tota corrupta natura &
essentia. Praesefert, se discrimen facere inter lapsum Adae & peccatum
originis: illud verò discrimen negare, quod liber Concordiae statuit, inter
peccatum originis & hominis corruptam naturam & essentiam: & quae
huius generis ineptiae & nugae suntaliae.
Lector autem Christianus in ipso mox limine animaduertit, partem aduersariam malè
sibi consciam & mente conturbatam esse: cúmque alia ratione sese euoluere,
& fundatae veritati contradicere nequeat: ideò has latebras & subter
fugia quaerere, quae tamen ad rem nihil faciunt.
Vtraque enim propositio vera est & Orthodoxa, diuerso respectu, si vna
quaeque earum secundùm suam proprietatem explicetur. Prior propositio, de
homine, qualis nunc est, & à Parentibus in peccatis concipitur &
nascitur. In qua verum est, naturam eius, per peccatum originis, quod à
parentibus in ipsum est deriuatum, & in quo conceptus est & natus,
corruptam esse.
Altera propositio etiam vera est, quando consideratur homo, vnde prima origine
defectus ille & corruptio naturae sit contracta. In ea enim quaestione verùm
est, per lapsum Adae essentiam & naturam humanam esse corruptam. Quare
propositiones illae modò commemoratae, sibi mutuò non aduersantur: discrimen
etiam illud inter lapsum Adae, & peccatum originis, in quo omnes homines
concepti sunt & nati, non euertunt. Aduersaria igitur pars hac inani
futilitate, qua nulla de causa hoc loco vtitur, facilè supersedere
potuisset.
Quòd autem asserit, discrimen inter lapsum Adae & peccatum originis sese
facilè concedere: non autem discrimen inter peccatum originis & naturam,
&c. verba sunt. In eorum enim non est situm poteltate, quid concedant, &
quid non largiantur. Sed in Verbo DEI, quid nam illud asserat, quid concedat
& statuat. Suprà autem ex Verbo DEI, quod immota est veritas, dictum
discrimen, inter corruptam natùram & peccatum originis ita demonstrauimus,
vt refutari nullo modo possit: Sententiáqueilla firma manebit, siue in eam
aduersaria pars consentiat, siue minùs. Verbum enim Domini manet in aeternum,
siue in illud homines co̅sentiant, siue minùs: siue acceptent,
siue repudient.
Repetit autem, hoc loco denuò ineptam suam de solea ferrea similitudinem, &
alias huius generis plures. Cùm autem suprà suo loco eum, cum insulsis suis
similitudinibus, amandauerimus: illi responso etiamnum inhaeremus.
|| [ID00038]
Tertiò, quò tamen videantur, quòd fundamentum libri Concordiae ex articulo
creationis desumptum, validè euerterint, prolixum & incomptum sermonem
texit, de discrimine naturae ante & post lapsum: interea nec videt, nec
intelligit, omnem illum laborem, meras esse praestigias, ad rem ipsam nihil
omninò facientes.
De natura enim humana in & per se quando quaeritur, ante & post lapsum
eadém ne sit, an distincta? Immotae veritatis est, hominem iam quo ad naturam,
in & per se tanquam creaturam DEI consideratam, eandem illam & nullam
aliam essentiam & naturam obtinere, quam Adam habuit ante lapsum.
Quemadmodu̅ enim Lutherus Gen. 3. & alibi multis in locis
scribit, manet natura manet intellectus, manet voluntas, sed corrupta &
vitiata &c. Adam in & per lapsum, non aliam natura̅ aut
essentiam obtinuit, quàm ante habuit: sed eandem cum priore naturam retinuit:
natura eius per lapsum non in aliam & à priori diuersam naturam, (quoad
essentiam) est transmutata: sed corrupta est & deprauata.
Merum itáque figmentum est & fabula, quod aduersarius de discrimine naturae
hominis in se, seu quoad essentiam, antè & post lapsum in medium profert.
Licèt enim Adae natura, quae ante lapsum, iusta, sancta, integra, legi diuinae
conformis, & omnibus numeris absolutè bona fuit, horrendo illo lapsu
iniusta, , immunda, legíque diuinae repugnatrix facta
sit, & sic longè alias proprietates in se receperit, quàm ante lapsum
habuit: essentialiter tamen, in aliam naturam non est transmutata: veluti, si
sanus homo peste corripiatur, natura quidem eius debilitatur, infirmatur, &
periculosè inficitur: manet tamen, quo ad essentiam prior natura, & non
essentialiter mutatur in aliam naturam (intellige secundùm essentiam) Ita quod
Adami natura bona, per lapsum corrupta est, non est in aliam naturam
essentialiter transmutata: sed vitiositatem & horrendos defectus, quibus
antea non fuit subiecta, contraxit: quorum causa iam corrupta, peccatrix,
, iniusta, immunda, reprehensioni &
condemnationi subiecta est natura.
Per se autem patet, diuersum & aliud esse: Integritatem, sanctitatem,
iustitiam, & his similia amittere: & in eorum locum, immundum, , iniustum fieri, seu immundiciem,
& iniustitiam contrahere: Et in aliam naturam transmutari, seu ipsam
immundiciem, , iniustitiam essentialiter transformari:
& sic immundiciem, , iniustitiam ipsam essentialiter
fieri.
|| [16]
Singulari etiam diligentia est notandum, aduersarium nostrum, in prolixo suo
volumine saepiùs illa verba repetere: Humanam naturam peccatum, hoc est,
iniustam esse factam, veluti I. i. fac. 2, K. i. fac. 2. K. ij. fac. 2. K. iiij.
fac. 1. L. iij. fac. 1. L. iiij. fac. 2, & pluribus locis alijs: quibus
verbis satis docet, se in conscientia sua sauciatum & victum esse: se illam
phrasin, peccatum est essentia, seu corrupta natura est ipsum peccatu̅, non posse tueri. Etenim, si sententia & doctrina eius,
nullum esse discrime̅, inter peccatum & corruptam essentiam,
seu naturam hominis, certa immota & vera esset, non opus esset, vt illam
phrasi suae adderet limitationem, essentia seu natura humana peccatum, id est,
iniusta est effecta. Si enim corrupta natura hominis, peccatum ipsum esset,
(quemadmodum id sine fine ac modo vrget) non dicendum foret, humana natura
peccatum, hoc est, iniusta est facta, sed absolutè dicendum esset, humanam
naturam peccatum, hoc est, iniustitiam ipsam esse effectam. Permagnum enim est
discrimen, inter vocabula iniustus & iniustitia. Et vocabulum peccati, in eo
sensu, quo ipsi vtuntur, quando discrimen inter corruptam naturam & peccatum
originis tollunt, nequaqua̅ idem signisicat, quod iniustus, sed
quod iniustitia ipsa essentialiter. Quòd si igitur erroneam sua̅
opinionem constanter tueri volunt, necesse est, vt alterutrum faciant: vel vt
liberè fateantur, hominem peccatum, id est, iniustitiam ipsam factum
essentialiter: aut vocabulum peccati, pervocem iniusti, ipsis non est
declarandum. Fieri enim peccatum, secundùm falsam illorum opinionem, non est
fieri iniustum, sed iniustitiam ipsam fieri. Quare necesse est, vt vel liberè
profiteantur: & errorem suum disertis verbis confiteantur: vel si id facere
recusant, vt Glossam suam, (peccatum, id est, iniusta facta est), abijciant: cùm
in ipso fundamento consistere simul nequeant.
Est autem haec Glossa euidens documentum, quód de causa ipsimet dubitent, &
sibi metuant: aliàs aequè liberè & apertè id profiterentur, quemadmodum
sentiunt: quàm quòd ore ipso occultant: assererevolunt, hominem, peccatum &
iniustitiam ipsam esse̅tialiter esse effectum: & tamen in ipso
ore verba mutilant, & detruncant, & quod voce vna largiuntur, altera
adimunt: quod in more ijs positum, qui malam causam tuentur.
Permagnum igitur in homine discrimen est, ante & post lapsum, verùm non quo
ad naturam hominis ipsam: quatenus DEI creatura & opus est: sed quo ad
integritatem, sanctitatem, iustitiam, & his similia, quibus natura ante
lapsum in Adamo decorata & exornata fuit: iam verò o
|| [ID00040]
mnibus illis spoliata est: in
eorúmque locum immundiciem, , & iniustitiam
contraxit: & sic iniusta facta est.
A DEO enim se auertere, impium & iniustum euadere, potestati Diaboli
subiectum esse, reum fieri & esse irae DEI, sceleratum esse, condemnari
& abijci, quemadmodum D. Lutherus hominem peccatorem describit, non eò
diriguntur, hominis post lapsum aliam esse naturam, secundùm essentiam, quàm
habuit ante lapsum: verùm eò, quòd natura ipsius corrupta & deprauata est,
impia est & peruersa, ty rannidi Diaboli subiecta, &c. seu quòd in
natura ipsius, loco timoris DEI, impietas, loco bonitatis malitia, loco
libertatisseruitus, loco gaudij ira DEI, loco iustitiae, sanctitatis, &
integritatis, iniustitia, , immundicies subsequuta sit.
Hoc autem non est, aliam naturam essentialiter fieri: sed in natura à DEO
condita, alias proprietates, vitiositates, defectus, corruptione̅,
deprauationem, & quae his sunt similia, acquirere Manet itáque natura
hominis: tantùm, quòd horribiliter & miserè vitiata est & corrupta.
Esse igitur haec corrupta natura nostra omninò potest, radix, fons, scaturigo
& effectrix omnium peccatorum, propter horrendam corruptionem, qua inquinata
est: non autem propterea necesse est, ipsam peccatum, seu peccatum originis, seu
iniustitiam ipsam esse, quemadmodum aduersarius, I. iij. fac. 2. & alibi
sine fine id vrget.
Quartò deuenit aduersarius ad duplicem considerationem hominis, Physicam &
Theologicam, quid scilicet homo sit, si naturali ratione consideretur: &
quid sit, quando spirituali modo, & secundùm verbum DEI examinetur: & ex
ea arbitratur se posse euincere, corruptam naturam hominis & peccatum, rem
vnam esse: sed nihil proficit. Quando enim de essentia seu natura hominis
loquimur, siue Philosophus sit, siue Theologus, siue quiscunque tandem, vna
tamen eadémque natura est, & essentia: & consideratio illa nullam
introducit essentiae mutationem. Id quidem verum est, Philosophum, qui verbum
DEI non intuetur & sequitur, longè aliter de homine loqui & iudicare:
quàm facere debebat, & quàm facit Theologus, qui verbum DEI in conspectu
habet. Quod autem propterea mutatio essentiae sequatur, seu quod discrimen
nullum sit, inter corruptam naturam & peccatum, merum est figmentum
aduersariorum, quod ex distincta consideratione hominis nunquam edoceri
potest.
Et rectè Lutherus dixit: Si homo Metaphysicè, secundùm essen
|| [17]
tiam suam, consideratur,
multa in illo deprehendo laude digna: Si autem Theologicè & qualis in
conspectu DEI est, examinatur, secundùm Scripturae iudicium, dedecus quasi esse,
hominem appellari. Verum enim omninò est, etiam post lapsum, multa homini
inesse, secundùm essentiam suam considerato, quaelaudem merentur: veluti quòd
ratione est praeditus, quòd iustum ab iniusto discernere potest, quòd memoria,
oculis, auribus & huiusmodi est ornatus, &c. quòd loqui nouit.
Quemadmodum id etiam verum est, hominem, si Theologicè seu spiritualiter in
iudicio DEI examinetur, in rebus spiritualibus, nihil boni ineo deprehendi: quin
potiùs ad bonum eum emortuum esse, liberum eius arbitrium iudicium DEI odisse:
rationem inimicam esse DEO, eúmque odio prosequi, &c. & quòd propterea
meritò, nominis sui, quo homo dicitur, pudere eum debeat. Licèt enim sit homo,
coram iudicio tamen DEI, malus, immundus, , iniustus,
impius, corruptus peccator & condemnatus est homo, irae DEI & aeternae
morti propter sui corruptione̅ subiectus. Hoc tamen non efficit,
ideò inter corruptam eius naturam & peccatum ipsum nullum esse discrimen:
sed suo loco discrimen illud relinquit: accusat verò interim eum ob horrendam
corruptionem, qua totus omni ex parte scatet, & minatur eiaeternam
condemnationem, nisi poenitentiam agat. Hoc istis hominibus, qui Spiritu
vertiginis aguntur, considerandum esset: sed coeci videre nequeunt. DEVS mentis
illorum oculos, propter Christi gloriam, illuminet, Amen.
Obijciunt verò, quando hoc pacto de natura hominis loquimini, eámque discernitis,
iustam eam statuitis, &c. Est ne verò id naturam iustam statuere, quando
dicimus, totam naturam hominis, omni ex parte, corruptam esse, & in rebus
spiritualibus, post lapsum, nihil in ea boni esse reliquum. D. Lutherus Genes.
3. & alibi, scribens naturam manere, tantùm quòd horribiliter deprauata sit,
naturam sanè non statuit bonam: sed illi attribuit, quod secundùm verbum DEI
illi asscribendum est. Interea tamen naturam illi relinquit, quae creatura DEI
est, eámque peccatum seu corruptionem ipsam non efficit. Id etiam nos
pronunciamus.
Quòd autem in Augustana Confessione contineatur, qui naturam post lapsum,
peccatum originis esse non concedat, hunc derogare passioni & merito
Christi, &c. tam impudens est mendacium, vt vix illo aliud impudentius
excogitari possit: ac certum indicium, aduersarios mala conscientia hanc causam
agere. Quemadmodum id ex Augustana Con
|| [ID00042]
fessione, ne minimoquidem verbo, edocere possunt, cuius causa etiam
eos prouocamus.
Quintò progreditur aduersarius ad discrimen, inter primam creationem hominis ante
lapsum: & inter propagationem hominis post lapsum: eáque ita inuoluit, vt
inde seipsum expedire non possit.
Hominem non esse peccatorem, ratione primae creationis, sed propter lapsum &
corruptione̅, non eget disputatione: similiter, quòd ad huc
hodiè DEVS hominem creet. Id enim nemo nostrum negat. Verùm hoc pacto nihil
adhuc ad fundamentum libri Concordiae est responsum, DEVM peccatum ipsum non
creare: quod tamen ipsi faciendum esset, siquidem corrupta natura, peccatum
ipsum: & nullum discrimen, inter corruptam naturam & peccatum esset: cùm
conditor sit humanae naturae & essentiae. Etad rem prorsus nihil facit, quòd
aduersarius multa testimonia Doctoris Lutheri de peccato originis, & totali
corruptione homi nis accumulat & conscribit.
Propriè enim illa hîc est controuersia & quaestio: an DEVS peccatumipsum
creet nec ne: Aduersarij igitur doctrina si subsisteret, corruptam naturam,
ipsum esse peccatu̅, necessariò ex erronea opinione aduersarij
sequeretur, DEVM peccatum ipsum creare: cùm naturam & essentiam nostram
creet, quae secundùm aduersariorum sententiam, peccatum ipsum est. Id igitur
liber Concordiae, & nos cum illo meritò vrgemus. Et hac se blasphemia
aduersarij liberare non possunt, si pertinaciter opinionem suam tueri conantur,
corruptam essentiam & naturam hominis, esse ipsum peccatum, & nullum
discrimen esse inter corruptam naturam ipsam, & peccatum originis. Quòd si
infinitos maximè libros scribant, omnis tamen labor frustrà ab ipsis suscipitur,
praeterire nequeunt, necesse est, vt se victos fateantur: & vel blasphemiam
illam abijciant, vel palàm & liberè horrendam illam blasphemiam defendant,
DEVM ipsum peccatum creare: quae cum primo articulo, qui creationis est,
pugnat.
Quae ex Luthero & Philippo, de propagatione & conseruatione naturae,
qualis iam est, videlicet corrupta, allegant: ipsorum blasphemias in veritatem
non transformant. Licèt enim verum sit, quemadmodum Lutherus & Philippus
rectè scripserunt, DEVM naturam, qualis iam est post lapsum, sustentare &
propagare, non tamen inde sequitur, corruptam naturam ipsum esse peccatum.
Lutherus etiam & Philippus, id non asseruerunt. Id enim si sequeretur, DEVS
peccatum etiam ipsum crearet &
|| [18]
sustentaret: quod auditu est horrendum, & neque Luthero, neque
Philippo in mentem vnquam venit, taceo quòd sic docuerint.
Nihil etiam hoc ad rem facit, quòd aduersarij praetendunt, licèt DEVS corruptam
naturam, quae peccatum ipsum est, conseruet & propaget, non tamen causam eum
esse peccati: Propagare enim eum illam, qualis nunc est. DEVM corruptam naturam
sustentare & propagare, extra controuersiam est, quemadmodum illud etiam,
propter illam propagationem, non esse eum causam peccati: corruptam autem
naturam, peccatum ipsum esse, in controuersia versatur. Et eam assertionem nos
negamus. Si enim verum esset, quemadmodum aduersarij vrgent, etiam illud
necessariò verum esset, DEVM creatorem esse ipsius peccati, cùm corruptam
naturam creet. Hoc aduersarij eludere non possunt, in quascunque tandem formas
se transmutent.
Et sanè D. Lutherus hac in parte abundè satis suam pfaemuniuit doctrinam, dum in
libro de seruo arbitrio scribit, DEVS creat Pharaonem, non quidem formando in eo
malitiam, sed ex malo semine formando eum & regendo, Item: Licèt DEVS
peccatum non faciat, tamen naturam, peccato (subtracto Spiritu) vitiatam non
cessat formare & multiplicare, tanquam si faber ex ligno corrupto statuas
faciat.
E quibus duo notanda sunt: Primùm D. Luth. corruptam naturam & peccatum, non
rem vnam statuere: sed clarè eam distinguere. Secundò, Licèt concedat, DEVM
corruptam naturam condere & conseruare: non tamen concedere, DEVM peccatum
ipsum creare: sed creare hominem ex corrupto semine, tanquam si faber ex ligno
corrupto statuas faciat. Quod tamen cum istis hominibus concedendum omninò ei
esset, siquidem statueret, corruptam naturam peccatum ipsum esse, & nullum
discrimen esse, inter ipsam corruptam naturam & peccatum. Si enim corrupta
natura, peccatum ipsum esset, & in confesso ponitur, DEVM naturam creare:
necessariò sequeretur, DEVM peccatum etiam creare.
Quareomnia illa, quae aduersarius prolixè multis paginis hoc loco obijcit, non
tantùm fundamentum nostrum non euertunt: sed illud etiam confirmant &
corroborant. Cùm enim faber, qui ex corrupto ligno statuas facit, non sit causa
corruptionis ligni: nulla etiam ei eius culpa imputari potest. Si autem lignum
ipsa esset putredo, & artifex lignum crearet, omnes sanè necessariò
faterentur, artificem causam esse putredinis. Eadem est ratio huius
controuersiae: cùm DEVS non sit causa peccati in corrupta natura humana, nec
potest, nec debet etiam haec illi as
|| [ID00044]
signari. Si autem humana corrupta natura, seu corru pta essentia
hominis, ipsum peccatum esset, quemadmodum perpetuo clamore contendit
aduersarius, Deúsque illam creasset, subterfugere non possemus. Sed dandum
omninò esset, DEVM creatorem esse ipsius peccati, cùm hominis naturam, quae
ipsum est peccatum, condiderit.
Qui igitur ab hac blasphemia alienus essecupit, huic discrimen, inter corruptam
naturam & peccatum est retinendum. Sin minùs necesse est, vt in dictam
blasphemiam (DEVM peccatum ipsum creare) turpissimè impingat. Aliter fieri non
potest.
Longè alia est phrasis: In humana natura est peccatum: Humana natura est
corrupta, ad quas Lutheri & Philippi testimonia se referunt: quàm si
dicatur, corrupta natura est ipsum peccatum. Ex prioribus nullo modo sequitur,
DEVM causam esse peccati, licèt corruptam hominis naturam creet & sustentet:
quemadmodum id ex similitudine D. Lutheri, de artifice & ligno putrido
manifestò & clarè constat. Ex altera autem phrasi, necessariò sequitur, DEVM
causam, creatorem, & conseruatorem esse peccati. Si enim iuxta illorum
figmentum, corrupta natura ipsum est peccatum, Deúsque creat & efficit
illam: necesse est, vt fateantur, DEVM peccatum ipsum creare & conseruare:
verùm id homines vel coecitate, vel petulantia prohibiti intelligere nolunt.
Aduersarij fatentur, DEVM etiam post lapsum, hominis esse creatorem: & eum
non esse creatorem & causam peccati: & tamen negare conantur, discrimen
esse inter ipsam corruptam naturam & peccatum: Quę nulla ratione inter se
conueniunt, quemadmodum ad oculum hactenus est demonstratum.
Id verò omninò prodigiosum est, quòd abijcit, si dicamus corruptam naturam non
esse ipsum peccatum, tantundem esse, ac si dicamus, corruptus homo, non potest
sine discrimine, iniustus & legi diuinae esse contrarius: cùm hae duae
phrases tam procul à se inuicem, quàm coelum à terra, mendacium à veritate sint
distinctae. Id enim simpliciter & absolutè falsum est, corruptam naturam
esse ipsum peccatum: & hanc phrasin necesse est improbari: nisi horrendam
blasphemiam, contra articulum creationis, confirmare velimus: DEVM peccatum
ipsum creare, cùm naturam nostram corruptam creet. Altera autem phrasis, si
rectè explicetur, tolerari potest. Homo enim (propter congenitam corruptionem)
sine omni discrimine iniustus est: Sed non iniustitia aut peccatum ipsum. Sine
etiam discrimine, in rebus spiritualibus legi diuinae aduersatur: Interea autem
illud perpetuò verum manet, eum propterea, ratione naturae & es
|| [19]
sentiae suae, non esse
ipsum peccatum. Vel si id concedendum, illud quoque dandum: DEVM peccatum ipsum
creare, cùm naturam creet.
Quòd etiam obijcitur, D. Lutherum dixisse, nullum esse medium inter iustitiam
& peccatum: Ergò necessarium esse corruptam naturam esse ipsum peccatum,
merae sunt nugae. D. enim Lutherus non inquit, nullum esse medium, inter
corruptam naturam humanam & inter peccatum, sed nullum esse medium, inter
iustitiam & peccatum seu iniustitiam.
Potest igitur natura humana iniusta esse: nec tamen necesse est, esse eam
iniustitiam & peccatum ipsum. Si Lutherus diceret, nullum esse medium, inter
corruptam naturam hominis & inter peccatum: aliquid haberent, quod pro se
dicerent. Hoc autem non facit: sed loquitur de iustitia & peccato. Quo
igitur ad haec etiam verba Lutheri, discrimen inter corruptam naturam ipsam,
& peccatum immotum manet: & aduersarij frustra Lutheri se verbis
iactitant, quae de hac controuersia non agunt.
Quando etiam dicitur, hominem esse peccatorem, peccati reum, & iniustum: non
autem peccatum & iniustitiam ipsam, non negatur, hominem esse peccatorem
& iniustum coràm DEO. Aliud enim est, esse peccatorem, peccati reum,
iniustum coràm DEO: quae vera sunt: & aliud peccatum & iniustitiam ipsam
esse essentialiter. Prima propositio vera est & orthodoxa. Posterior erronea
falsa & blasphema. Non igitur patimur aduersariorum clamoribus nos in
errorem induci: sed agnitae & professae veritati constanter insistimus.
Nullo etiam Aristotelico vel Nicodemico opus nobis est ,
naturam per se essentialiter neque bonam esse, neque malam: Natura enim est
mala, hoc est, corrupta, infecta, contaminata per peccatum, & tamen non est
malitia ipsa, quemadmodum hactenus saepiùs declaratum est &
demonstratum.
Libenter aduersarius hoc argumentum dilueret. Quidquid DEVS creat, hoc non est
ipsum peccatum: DEVS creat corpus & animam hominis. Ergò corpus & anima
hominis ipsum peccatum esse non possunt. Denuò autem redit ad propagationem
naturae, de qua ante etiam tot verba frustrà fecerat: argumentum verò ipsum non
adoritur. Si enim corpus & anima hominis ipsum peccatum sunt, quemadmodum
pugnant, necessariò sequitur, DEVM peccatum creare: Creat enim corpus &
anima̅: & necesse est, vt fateantur, quod aliàs pernegant:
DEVM peccatum ipsum non creare. Si autem creat corpus & animam, non autem
creat peccatum,
|| [ID00046]
effugere non possunt,
necesse est, vt fateantur corpus & animam non esse ipsum peccatum, de quo
aliàs contendunt. Denique vertant se, quocúnque tandem velint: capti &
irretiti tenentur.
Ludit etiam vocabulis, Peccati & peccatoris, eáque pro ijsdem sumit: Quiuis
autem intelligit, vocabulum peccatoris de toto homine, eiúsque corruptione, in
concreto simulloqui. Vocabulum autem peccati, de iniustitia & malo in
abstracto, vt in Scholis loquuntur, quo humana natura corrupta est: & cuius
causa homo peccator est & appellatur.
Aduersarius etiam inuersione libenter vteretur, & nostris ex verbis,
sententiam nostram veram, in falsam transformaret. Conceditis, inquit, in libro
Concordiae, semen, ex quo homo formatur, peccato infectum & corruptum esse.
Hoc si verum est, ex vestra propria Confessione necessariò sequitur, DEVM
creatorem esse peccati, cuius vos erroris nos arguitis, &c. Non autem vident
id, quod suprà est demonstratum, longè aliud esse, fateri, semen, ex quo homo
est formatus, peccato infectum & corruptum esse: & aliud peccatum &
corruptionem ipsam esse.
Quando dicimus, DEVM ex semine peccato infecto naturam nostram creare, non
sequitur, creatorem illum esse peccati, cùm discrimen sit interipsum semen &
vitiositatem, seu corruptionem, qua semen est infectum. Creat igitur DEVS
hominem quidem, ex semine peccato infecto: cùm autem semen non sit ipsum
peccatum, etiam nec peccarum creat: quemadmodum in praecedentibus satis clarè
idem est explicatum.
Si autem cum aduersario nugaremur, semen esse ipsum peccatum, necessariò
sequeretur, DEVM creatorem esse peccati, verùm de hoc suprà abundè dictum.
Nullius igitur ponderis omnia illa sunt, quaecunque hoc loco pluribus verbis
agunt.
Quod attinet libellum, formam baptizandi continentem, quòd ille libro Concordiae
non est insertus, non eam ob causam factum est, quòd planè exclusus sit, aut
quòd doctrinam de peccato originis, hoc pacto cupiamus extenuatam. Concordia non
ad Ceremonias (quae hinc inde in Ecclesijs, quae libro Concordiae
subscripserunt, variant) est directa: sed ad ipsam doctrinam: & eam ob
causam libro Concordiae non est insertus. Neminem enim ad ceremonias, in illo
libro comprehensas allegandum esse, visum fuit: Sed singulis Ecclesijs suae
ceremoniae liberae fuerunt permissae. Liberum etiam est omnibus Ecclesijs, quae
antehac illo libello &
|| [20]
ceremonijs vsae sunt, & in posterum vti cogitant, sine vllius Ecclesiae
contradictione, illo vti.
Ad Dilemma illud, DEVS cum natura createtiam qualitates & accidentia. Cùm
autem dicamus, esse qualitatem accidens, vitiositatem quandam & morbum: Ergò
dandum nobis esse, vel peccatum etiam originis eum creare: vel siquidem peccatum
originis opus est Diaboli, Diabolum illud creare: Respondemus. Primam
propositione̅ distinguimus, DEVM bonas qualitates & vires,
in & cum natura creare & conseruare: non autem peccatum originis, quod
mala est qualitas, morbus & accidens malum, quod non à DEO est aut creatur,
sed à Diabolo & voluntate hominis originem suam habet, & in creatam
humanam naturam, Rom. 5. venit.
Summatim, quemadmodum suprà dictum est, DEVS quidem creat corruptam naturam,
verùm peccatum in ea, quae mala qualitas est seu morbus, non creat. Quemadmodum
artifex putredinem in ligno non creat, sed in ea inuenit: sic DEVS peccatum,
quod in natura est, & quo corrupta existit, non creat: sed in ea illud
inuenit. Et licèt ex malo & corrupto semine hominem creet: malitiam tamen
& corruptionem ipsam non creat, quae sine ipsius opere & creatione illi
inest.
Quare concidit illud Dilemma in eo ipso loco, è quo desumptum.
Et licèt peccatum originis opus Diaboli nominetur: opus tamen in hac phrasi non
significat creaturam, siue substantiam, siue accidens appelles: Nihil enim huius
Diabolus creare potest: verùm ideò nomen illud ei tribuitur: quia author &
causa illius est. Malitiosa igitur est Sophistica, qua aduersarius hoc loco
vtitur, quae nullo pacto est probanda.
Quòd si aduersarijs par pari referre placeret, non difficile foret, ex illorum
scriptis demonstrare, Diabolum eos creatorem constituere. Verùm de his suo
loco.
Quomodo Philippi & D. Lutheri verba, (quae hoc loco ex libro eius de seruo
arbitrio allegant. Licèt DEVS peccatum non creet, &c. quorum etiam suprà
meminimus,) falsam eorum & erroneam opinionem, corruptam naturam ipsum
peccatum esse refutent, suprà solidè monstratum est: nec necesse pluribus hoc
loco ad illam respondere.
Obijcit verò aduersarius, DEVS peccata peccatis punit: nec tamen causa est
peccati. Ergò non sequitur, licèt dicamus corruptam naturam ipsum peccatum esse,
ideò eum causam esse peccatorum.
|| [ID00048]
Respondemus per distinctionem, DEVS punit peccata peccatis, non quatenus peccata,
sed quatenus peccatorum poenae sunt. DEVS enim non est peccati causa, sed
poenarum: quare obiectio illa huc non quadrat.
Sextò aduersarius etiam libenter se purgaret, è doctrina sua non consequi,
Diabolum esse creatorem corruptae naturae: Eámque actionem libenter in nos,
& librum Concordiae deriuaret. Cum ratione autem hac in parte ita insanit,
(vt ipsiúsmet verbis vtamur) vt quiuis, qui saltem illa legit, palpare possit,
non mentis satis eum compotemesse: adeóque ipsúmmet, quae dicat aut asserat, non
intelligere. Discrimen inter opus DEI & Sathanae concedit, (animaduertitenim
se elabi non posse) & conatur tamen illud eludere & conuellere.
Quando per vocabulum (peccatum) lapsus Adae intelligitur, inquitaduersarius,
verum esse, quòd discrimen sit, inter DEI & Sathanae opus: & creationem
tantùm DEI, & nullo pacto Diaboli opus esse. Quae autem quaeso ista est
confusio? Quídque id est dicere? Etest ne hoc fundamenta libri Concordiae
euertere? Vel purgare & tueri se, quòd non doceat, Diabolum conditorem
essecorruptae naturae? Iudicium huius, omnibus pijs mentibus committimus.
Quaestio non est, an prima creatio Adae, DEI aut Diaboli opus sit proprium: verùm
de eo controuertitur, cùm doceant, corruptam naturam ipsum peccatum esse: in
confesso autem sit, peccatum ipsum non DEI, sed Diaboliopus esse, & ab illo
primo authore proficisci, an non necessariò inde sequatur, si corrupta natura
ipsum peccatum sit, Diaboli etiam eam, & non DEI opus esse: cùm DEVS
peccatum ipsum non creet: vel cum peccatum DEVM authorem non habeat, sed
Diabolum, &c.
Ad hunc statum categoricè esset aduersario respondendum, ibi ille obgannit,
primam creationem Adae non esse opus Diaboli.
Cùm itáque aduersarius directè respondere vel non velit, vel non possit: solidum
nostrum fundamentum vrgemus & repetimus. Induant quamcunque faciem velint:
necesse est, vt fateantur, Diabolum creatorem essecorruptae naturae, siquidem
hanc phrasin propugnare non desinant, videlicet corruptam naturam peccatum ipsum
esse, nullúmque discrimen esse inter corruptam naturam & peccatum. Quandiu
enim id statuitur, corruptam naturam ipsum peccatum esse, & nullum discrimen
esse, inter corruptam naturam & peccatum: tandiu etiam illud asserendum est,
Diabolum esse creatorem corruptae naturae. Certò enim & verè
|| [21]
nunquam affirmari potest, DEVM
peccatum ipsum creare. Cùm igitur peccatum ipsum Diabolum, & non DEVM,
Patrem & authorem habeat, & perpetuo isti clamore contendant, corruptam
naturam peccatum ipsum esse, transilire non possunt, sed necesse liabent, vt
fateantur & dicant, Diabolum huius naturae, quae secundùm illorum opinionem
& figmentum, peccatum ipsum est, creasse, eiúsque conditorem esse. Haec
arena est, in hanc descendant, hîc manus conserant: non euagentur, & sicco
pede statum disputationis transiliant.
Fieri autem non potest, vt hincse explicent: seque illa blasphemia liberent.
Siquidem, in concepto errore, corruptam naturam ipsum peccatum esse,
persistant.
Quòd obijciunt, Diabolum, qui mendax est & homicida, naturam Adami
interemisse: & naturam humanam opus Diabolinominari, quo ad seductionem,
corruptionem, destructionem eiusdem, quòd eum, vt laberetur, impulerit &
interfecerit, nullius ponderis est: nec ad hanc quaestionem pertinet. Ratio est:
Initiò enim minimè verum est, ob corruptionem & peruersionem, cui humanam
naturam Sathanas subiecit, humanam naturam opus Sathanae appellari. Longè enim
aliud est, opus DEI in homine destruere, corrumpere, & vt isti loquuntur,
interimere: & Diaboli ipsius opus esse. Homo seu humana natura semper manet
opus DEI, & nunquam verè opus Diaboli vllo modo appellari potest: quantumuis
miserè Sathan id tractarit, & quàm horribiliter illud, per lapsum seu
peccatum corruperit.
Non igitur admiratione caret, quòd istiusmodi blasphemias, isti homines
propugnare non verentur.
Non etiam verum est, Elegans vitrum, quod homo nequam comminuit, ob illam
comminutionnm, illius hominis nequam opus rectè & verè appellari posse.
Destruere enim & opus alicuius esse, tam à se sunt, propriè loquendo,
distincta, quantum distat oriens ab occidente. Destructor operis, quod à
vitrario factum est, appellari quidem talis nequam potest: corruptum autem
vitrum nequaquam illius opus est: nullóque etiam modo propriè & verè illius
opus dici potest. Sic Diabolum corruptorem quidem & destructorem operis DEI,
hoc est, humanae naturae appellare possumus: Propter autem illam corruptionem
& destructionem, corruptam humanam naturam ipsam, verè & rectè opus
Diaboli appellari posse, in aeternum probari & certo fundamento demonstrari
non potest.
|| [ID00050]
Hacratione conqueritur quidem D. Lutherus, hominem per lapsum, turpissimam
imaginem Sathanae factum: quòd autem corruptam humanam naturam ideò Diaboli opus
appellet, nequaquam facit, nec nobis etiam id facere constitutum est:
aduersarijs, quantumuis & quandiu libuerit, cum ratione insanientibus.
Deinde, in verbo (Interimendi) hic error latet, quòd humana natura per Diabolum
sic sit deprauata, vt essentialiter etiam transmutata & Diaboli imago facta
sit: ita vt iam post lapsum, corrupta natura ipsa essentialiter sit peccatum.
Hic error supra certis & immotis fundamentis refutatus & inuersus
est.
Quòd si etiam hic aduersariorum error locum habere deberet, necesse esset,
Sathanam istiusmodi Dominum esse, qui à DEO creatas naturas essentialiter
transmutare, & alias naturas efficere, seu in alias naturas transformare
posset. Quod non minùs DEO soli adscribendum est, quàm ipsa creatio. Quare denuò
necessariò concedendum est, Diabolum creatorem esse, & diuina omnipotentia
praeditum: cùm nemo, DEO solo excepto, naturas hac ratione, essentialiter ex vna
natura in aliam transformare possit. Nihil etiam huius habet, aut tradit sacra
Scriptura, de istiusmodi essentiali transmutatione integrae naturae humanae,
qualis in Adamofuit, in aliam essentialem malam naturam, quae peccatum ipsum
sit. Absit vt hoc somnium & figmentum vnico Scripturae testimonio, rectè
allegato, confirment, & verum euincant: multa quidem hactenus confinxerunt
& nugati sunt: reuera autem nihil probarunt, nec probare etiam vnquam
poterunt.
Tertiò, Immotum semper manet fundamentum libri Concordiae, fi corrupta natura
ipsum esset peccatum, necessariò, omni contradictione excepta, consequi,
Diabolum corruptae naturae creatorem esse: cùm DEVS peccatum ipse non creet:
& peccatum Diaboli, non DEI opus sit. Licètenim multum de destructione,
corruptione, & homicidio disputent, nullo tamen modo aut ratione corrupta
natura opus Diaboli verè nominari potest. Non etiam quaestio est de destructione
& corruptione naturae, qua ratione DEVS primò eam condidit: verùm de eo, an
corrupta natura peccatum ipsum sit: & siquidem peccatum ipsum sit, an non
necessariò sequatur, cùm DEVS peccatum ipsum non creet: verùm à Sathana originem
suam habeat: Diabolum quoque eius conditorem esse: quod omninò & ex
necessitate sequitur, siquidem aduersariorum erroneę opinioni, corruptam naturam
ipsum peccatum esse, locus esse debeat.
|| [22]
Quartò, Nullius etiam ponderis sunt praestigiae illae, quibus hoc loco vtitur,
praetendens, nos opus Diaboli cum creatione permiscere, illísque postea
imputare, quòd doceant, Diabolum creatorem esse huius naturae, cùm tamen
expressè tradant, DEVM hominem condidisse & conseruare, non autem
Diabolum.
Respondemus, nos nullo modo opus Diaboli cum creatione permiscere: Verùm multò
magis de ipsis conqueri, eósque conuincere, quod hoc faciant: Qui enim docet,
corruptam naturam ipsum peccatum esse, is omninò creationem & opus Diaboli
permiscet & confundit: Aduersarius hoc facit. Ergò: Minorem veram esse, inde
constat, quòd immotae veritatis, si corrupta natura ipsum peccatum est,
(necessariò autem conceditur, DEVM non ipsum peccatum creare, verùm illud
Diabolum authorem habere) simul etiam dandum esse, Diabolum corruptae naturae,
quae secundùm illorum figmentum, ipsum peccatum est, creatorem &
propagatorem esse. Hoc negare nequeunt, si vel maximè, instar Chamaeleontis
& Prothei, multarum rerum formas iuduere possent.
Aduersarij fraus in eo latet: quòd arbitratur se abundè satis respondisse, si
dicat, Humanam naturam in Adamo, non esse opus Diaboli, & Diabolum illam non
condidisse: sed DEVM solum, &c. Hoc verò est controuersiae statum mutare,
& ad illum non categoricè respondere. Status enim controuersiae non est de
humana natura, quemadmodum DEVS illam in Adamo condidit: verùm de eo, an verum
sit, corruptam naturam ipsum peccatum esse, cuius propositionis affirmatiuam
aduersarius, nos negatiuam tuemur. Quare ad rem nihil respondet, etiamsi multum
garriat, Diabolum non esse conditorem humanae naturae, sed DEVM.
De eo enim nulla est controuersia, sed quemadmodum dictum, de proposita
quaestione, qua docent, corruptam naturam esse ipsum peccatum: & nullum esse
discrimen, inter corruptam naturam ipsam & peccatum. Quòd si respondere
ipsis placet, longè aliter necesse est, vt rem aggrediantur, non ita latè
euagari.
Nos non ita argumentamur: Diabolus Adamum, vt laberetur, impulit, eundem corrupit
& interemit: ideò Diabolus eius est creator: Tam stolidi, DEI beneficio, non
sumus: ideóque insultatione ea, qua hoc loco aduersus nos vtitur, opus non erat:
verùm sic aduersum illos argumentamur.
Qui docet corruptam naturam, ipsum peccatum esse: hunc necesse
|| [ID00052]
etiam est fateri & docere,
Sathanam corruptae naturae, quaeipsum peccatu̅ est, creatorem
esse: cùm DEVS peccatum ipsum non creet. Aduersarij sic docent, corruptam
naturam esse ipsum peccatum. Ergò, &c.
Item, qui tradit, corruptam naturam ipsum peccatum esse, & non admittit
aliquod discrimen inter corruptam naturam ipsam, & peccatum, is effugere non
potest, quin simul etiam fateatur, Sathanam corruptae hominis naturae, quae
ipsum peccatum est, esse creatorem. Principium enim hoc immotum est, DEVM
peccatum ipsum non creare.
Aduersarij autem hoc asserunt, & omnibus modis propugnant. Ergo.
Si DEVS peccatum ipsum non creat, & corrupta natura est ipsum peccatum: In
confesso autem est, illam à se ipsa esse non posse, sed necesse est, eius
aliquem esse creatorem: is autem non est DEVS: (DEVS enim peccatum ipsum non
creat) sanè secundùm aduersarij errorem, necesse est, Diabolum illius creatorem
esse, à quo peccatum originem suam habet. Et in hunc ipsum finem contradicimus
doctrinae aduersarij, quòd DEI & Diaboli opus sibi inuicem permisceri
nolumus. Quamobrem & illorum Inuersio, qua nobis confusionem illam libenter
imputarent, merae nugae sunt.
Septimò, aduersarius noster obijcit, non omnia illa testimonia, quae libro
Concordiae, ad demonstrandum, etiam post lapsum, humanam naturam creaturam &
DEI opus esse, allegantur, propriè de eo loqui: sed quaedam de regeneratione
hominis accipi posse. Quid autem id ad decisionem praesentis controuersiae
facit, an corrupta natura sit ipsum peccacatum? Etsi enim quaedam testimonia,
veluti, Esai. 54 & 64. de regeneratione explicentur & explicari possint:
explicatio tamen illa, ipsorum errori non patrocinatur, corruptam naturam
peccatum ipsum esse: & nullum discrimen esse, inter corruptam naturam ipsam
& peccatum. Garrulitate igitur inani sua, hoc loco supersedere etiam
potuisset.
Octauò, Id verò demum ridiculum est, quod aduersarius obijcit, Absurdum esse
rationis non fidei, si doceatur corruptam naturam esse ipsum peccatum: vel DEVM
statui authorem peccati, vel Diabolum creatorem naturae. Nullum enim horum
sequi: Quis vnquam pueriles magis nugas proposuit. Omninò certè fidei absurdum
est, & simpliciter repugnat articulo fidei de creatione, qua̅do docetur, corruptam natura̅ ipsum esse peccatum: & nullum
discrimen esse, inter corruptam naturam & inter peccatum. Hoc enim si verum
esset, necessariò sequeretur, cùm corru
|| [23]
pram naturam DEVS creet:
peccatum etiam ipsum eum creare: cùm secundùm illorum doctrinam, corrupta natura
ipsum peccatum sit. Vel, siquide̅ illud verum non est, nec sequi
potest: cùm DEVS peccatum ipsum non creet: alterum necesse est, vt consequatur:
cum corrupta natura sine creatore esse nequeat, in confesso autem sit, peccatum
à Diabolo originem suam habere: Diabolum corruptae naturae creatorem esse, quae
secundùm ipsorum opinionem, ipsum peccatum est.
Pari modo sequitur id, quod ex doctrina nostra concludere conantur. Si corrupta
nostra natura non est peccatum vel peccatum originis: non est iniusta nec Legi
DEI repugnat. Flagitium est, talia absurda, tam inepta audere in lucem proferre,
& mentes simplicioru̅ implicare. Nullo modo id ex nostra
sequitur doctrina.
Quando enim negamus, corruptam naturam non ipsum esse peccatum: de nulla re alia
pugnamus, quàm necessarium & verum discrimen, inter corruptam naturam, quae
etiamnum DEI & non Diaboli opus est, manere, &c: Vtque nec DEVM
conditorem peccati, nec Diabolum creatorem corruptae naturae efficiamus.
Quòd autem natura corrupta, iniusta, & immunda sit,
fatemur & toto pectore firmiter docemus: illi verò sententiae, cum priori
opinione nihil est commune.
Manet igitur fundamentum libri Concordiae ex articulo creationis desumptum,
contra omnes Sophisticas & elusiones aduersarij firmum & immotum.
SOLIDA RESPONSIO AD ACCVSATIOnem, librum Concordiae malè ex
articulo redemptionis probare, diserim enesse inter corruptam natur am ipsam
& peccatum: Et Christiana demonstratio, fundamentum illud firmum
esse.
LIBRI Concordiae fundamentum & argumentum hoc est.
Quod Christus assumpsit, id non est ipsum peccatum.
Christus humanam nostram naturam assumpsit.
|| [ID00054]
Ergò non est ipsum peccatum: sed discrimen est inter naturam ipsam &
peccatum.
Hoc immotum fundamentum, aduersarius hac Sophistica conatur conuellere. Christi
humanam naturam non esse ipsum peccatum, hoc est, iniustam: Filium enim DEI non
peccatum originis, hoc est, totam corruptam naturam assumpsisse.
Est neverò hoc aliquid respondere: & an non potiùs hoc est crassam
ignorantiam & petulantissimam imposturam prodere? Quaestio enim non est, An
filius DEI iniustam naturam humanam assumpserit, verùm an nostram naturam, sine
peccato assumpserit. Ad hoc si Christianus Lectorattendat, deprehendet,
aduersarij multiplicem excusationem meras praestigias esse, qua ne minima quidem
in re, ad statum controuersiae in hac causa respondet.
Nostram humanam naturam filius DEI assumpsit, iniustitiam autem, qua corrupta
est, non assumpsit: verùm in Incarnatione velut malum separabile, quemadmodum id
Luth. Genes. 38. rectè appellat, ab ea separauit. Vnde necessariò sequitur,
ipsam humanam naturam, & corruptionem, quae illi inest, nequaquam eadem, sed
distincta esse.
Quantum igitur ad obiectionem aduersarij, de essentiali discrimine inter Christi
& nostram humanam naturam attinet, quam aliquot paginis vrget, tanta est
tamque horrenda, vt vno verbo respo̅deamus, blasphemia: vt si
aduersario concedenda esset, vno impetu fundamentum fidei Christianae, & sic
aeternae etiam salutis penitùs ac funditùs euerteret & destrueret Nos
sequuti verbum DEI, quod immota est veritas, asserimus, nullum esse discrimen
inter assumptam humanam naturam Christi, & nostram naturam, quo ad essentiam
ipsius naturae: quemadmodum mox id ostendemus.
Extra quidem substantiam, in alijs rebus est discrimen: non autem quoad
essentiam: Secundùm enim essentiam, eiusdem nobiscum fratribus suis est
essentię, & per omnia similis, solo peccato excepto. Heb. 4. Vnde Ioh. 1.
inquit, Verbum caro factum est, hoc est, veram nostram humanam naturam
assumpsit. Et Luc. 1. Quod ex te nascetur. Et Heb. 2. Quoniam igitur pueri
participes sunt carnis & sanguinis, ipse quoque similiter particeps factus
est eorundem. Item: Non Angelos assumpsit, sed seme̅ Abrahae. Rom.
1. Qui natus est ex semine Dauid secundùm carnem. Esa. 9. Puer natus est nobis:
& Filius datus est nobis. Idem confitetur vniuersa Ecclesia Christi in
Symbolo Nyceno: Qui propter nos homines nostramque salutem, homo factus est.
|| [24]
Item Symbolum Athanasij. Perfectus DEVS, perfectus homo: ex anima rationali &
humana carne subsistens. AEqualis patri secundùm diuinitatem: minor patre
secundùm humanitatem. Et quemadmodum orthodoxa Ecclesia rectè loquuta est,
Christum secundùm assumptam humanam naturam eiusdem esse cum fratribus suis
essentiae. Contrarium qui docet aut statuit, is sit Anathema.
Aduersarius quinque colligit discrimina, inter Christi & nostram humanam
naturam: nullum autem eorum eò directum est, nullum etiam euincit, in essentia
ipsa discrimen aliquod esse, inter Christi & nostram humanam naturam:
quemadmodum etiam reuera, quo ad essentiam naturae, nullum omninò est, sed omnia
eò tendunt, Christi assumptam humanam naturam, quae ratione essentiae nobis per
omnia est similis, multis praerogatiuis exornatam, quibus natura nostra non est
praedita: quae praerogatiuae id non sibi volunt, ideò naturam ipsam, secundùm
essentiam, ab humana natura nostra, essentialiter esse distinctam. Verùm ad
rem.
Discrimina, quibus aduersarius innititur, haec sunt:
I. Christi naturam humanam à nostra distinctam esse, quo ad parentes, è quibus
Christus natus est, & nos nascimur.
II. Christum sine commixtione maris conceptum esse.
III. Personaliter eam diuinae naturae filij DEI esse vnitam.
IIII. Christum humana sua natura, non quemadmodum nos à DEO defecisse, &
inutilem factum.
V. Christum secundùm assumptam humanam naturam, non quemadmodum nos omnes, filium
esse irae.
Haec discrimina omnia facilè largimur: quòd autem Christi & nostram naturam
humanam, quo ad essentiam, discernant, nullo pacto concedimus: nec vnquam etiam
concedere possumus aut debemus.
I. Filius quidem DEI ex virgine est natus, Esa. 7. nos autem è patre & matre,
secundùm naturae ordinem nascimur. Hoc autem quid facit ad discrimen humanae
naturae per se? Nihil omninò. Etsi enim ex virgine sit natus: humana tamen eius
natura, eam ob causam, à nostra non est distincta: vel essentialiter alia
quaedam à nostra natura.
II. Etsi sine commixtione maris, obumbratione Spiritus sancti, humanam natura̅ assumpsit: nec hoc tamen aliquod discrimen facit naturae &
essentię, quoad Christi & nostram natura̅. Sed omnia eò
diriguntur, quòd sine peccato verus homo conceptus & natus sit: quod de
nobis minimè
|| [ID00056]
verum est: cùm ex
peccatoribus paren tibus, & ex semine peccato infecto: non autem obum
bratione Spiritus sancti concipiamur & nascamur.
Lutheri dictum, quod aduersarij hoc loco allegant: Christus per omnia nobis
factus est fimilis, eadémque illa caro & sanguis, quae nos sumus: verùm eo
differimus, quòd nos non è Spiritu sancto, sed ex peccatrice carne &
sanguine nati sumus, &c. nequaquam confirmat, inter Christi & nostram
humanam naturam, discrimen esse: verùm id docet, semen seu sanguinem, è quo
Christus secundùm humanam naturam assum ptam conceptus, per Spiritum sanctum
mundatum esse, vt sine peccato homo concipi & nasci potuerit. Quare
aduersariorum errorem, non nostram veram confessionem euertit.
III. Personalis vnio nullum etiam discrimen efficit, inter Christi & nostram
humanam naturam, quo ad essentiam ipsius naturae. Verùm exaltat humanam naturam,
quae nostrae naturae, quo ad essentiam, per omnia est similis (excepto peccato)
vltra omnium aliorum hominum naturam, vt nullus omninò reperiatur, cuius
naturam, filius DEI sibi personaliter & inseparabiliter vnierit, quàm
naturam istam solam.
IIII. Sic Christi assumptam humanam naturam, per omnia sanctam, mundam, iustam,
Legi DEI conformem esse, nunquam peccasse, siimiliter, aequalitatem humanae
naturae Christi & nostrae naturae, quo ad essentiam, non tollit. Iustitia
enim, mundicies, sanctitas, conformitas cum lege essentiam humanae naturae
Christi non mutat, vel ab essentia naturae nostrae discernit: verùm id tantùm
indicat, Christi humanam natura̅, quae secundùm essentiam nostrae
naturae conformis est, prae natura nostra, quae in peccatis concepta est, illam
praerogatiuam obtinere, quòd iusta, munda, sancta, Legi DEI conformis sit: cùm
nostra natura iniusta, immunda, sit, legíque DEI
repugnet. Haec autem iustitia & sanctitas, nullum constituit discrimen
naturarum, ratione essentiae, sed ratione donorum.
Similiter, nec illud discernit substantiam naturae, quòd Christi natura imagine
DEI fuit praedita, quòd omnes Prophetae & Apostoli testimonium ei
innocentiae & iustitiae perhibuerunt: cùm imago DEI, innocentia &
iustitia, non sint essentia ipsius naturae: sed dona, quae naturae hominis ante
lapsum exgratia indita fuerunt.
V. Christum, secundùm assumptam humanam naturam, non esse filium irae &
condemnationis, quemadmodum nos sumus, non probat di
|| [25]
scrimen esse inter
Christi & nostram humanam naturam, quoad essentiam ipsius naturae: verùm id
tantùm testatur, Christum, cùm secundùm assumptam humanam naturam, non in
peccatis, quemadmodum nos, conceptus sit & natus, etiam irae DEI &
aeternae condemnationi non esse subiectum. Quid verò id ad discrimen facit
naturae ipsius, quod aduersarius inde elicere & euincere conatur.
Postea transit aduersarius ad nostrum fundamentum, quod lubenter euerteret: nihil
autem aliud proficit, quàm quòd seipsum magis atque magis confundit.
I. Christum peccatum originis non condidisse, concedit verum esse, videlicet
peccatum originis per se, separatam, distinctam, seipsa subsistentem essentiam
in homine esse. Hoc verò proprium illoru̅ est figmentum.
Simpliciter enim negamus, peccatum originis in homine esse separatam,
distinctam, seipsa subsistentem essentiam. Ita quidem veteres Manichaei olim
nugati sunt: nos verò istiusmodi errorem toto pectore condemnamus. Quamobrem hac
etiam sua calumnia nihil quicquam proficiunt.
Quae hoc loco obijciuntur, carnem, veterem Adamum, & peccatum originis esse
eadem: ad rem nihil faciunt.
Caro enim non tantùm significat in Scriptura peccatum originis: sed duo simul
complectitur, videlicet essentiam hominis, & malitiam, quae illi inest,
Iohan. 3. 6. Essentiam carnis Christus assumpsit: non prauitatem &
vitiositatem carnis. Caro enim ipsius in conceptione, ab omni prauitate,
immundicie & peccato per Spiritum sanctum emundata & sanctificatafuit,
Luc. 1.
Phrasis etiam illa, vetus homo, Rom. 6. licèt de toto homine & de inueterata
malitia, quae ei inhaeret, vsurpetur: propriè tamen loquendo, non ipsam humanam
naturam denotat: Sed inueteratam malitiam & corruptionem, qua humana natura,
quoad corpus & animam, inquinata est. Et Christus quidem humanam naturam
assumpsit, sed non veterem Adamum seu prauitatem, qua humana natura infecta
& onerata est.
II. Christum peccatum originis non assumpsisse, paulò antè satis est
probatum.
III. Christum peccatum originis, in Electis non esse resuscitaturum, suo loco
explicabitur in sequentibus.
IIII. Christum peccatum originis non redemisse, id iam demonstrabitur.
|| [ID00058]
DEMONSTRATIONES, CHRISTVM peccatum originis non
redemisse.
ADVERSARIVS quatuor argumentis euincere conatur, Christum peccatum originis
redemisse. 1. ex verbo DEI. 2. ex Apologia Augustanae Confessionis. 3. ex
Catechismo. 4. ex Testimonijs Lutheri. Quae argumenta breuiter ordine in timore
Domini examinabimus.
(Mundum) Ioh. 3. idem significare, quod peccatum originis. merum est figmentum,
hominem significat, seu corruptum hominem, non ipsum peccatum. Christusvenit in
mundum, vt mundum saluum faceret, hoc est, vt perditum genus humanum à peccato
liberaret, redimeret, & saluum faceret. Si idem significaret, quod peccatum
ipsum, sequeretur, Christum venisse, vt peccatum saluum faceret: cùm propter nos
homines & non propter peccatum homo factus sit, vt in Symbolo dicitur.
Si Christus, obijciunt, mundum seu homines, qui sunt corrupta natura, redemit,
&c. etiam peccatum originis redemit: verùm distingue, & expedita tibi
erit responsio: cortupti homines & peccatum originis non sunt eadem, quem
admodum suprà probatum. Quare licèt verum sit, Christum venisse, vt mundum seu
perditum hominem redimeret, non tamen verum est, quòd ipsum peccatum originis
redemerit. Perditus enim homo & peccatum originis non sunt eadem.
Matth. 18. habetur, Filium hominis venisse, vt seruaret quod perierat. Hîc denuò
permiscent perditum genus humanum, & peccatum originis. Non inquit Christus
peccatum perijsse, & quòd venerit, vt illud saluum faciat: sed homines, qui
per & propter peccatum originis perierant, & condemnationi subiecti
erant.
Eadem est ratio testimoniorum, Ephes. 1. Coloss. 1. In quo habemus redemptionem,
per sanguinem eius, rem issionem peccatorum. Si Paulus statueret, corruptam
naturam & peccatum eadem esse, non fuisset illi scribendum. Redemptionem
habemus per sanguinem ipsius: sed ipsum peccatum originis redemptionem habet per
ipsius sanguinem, videlicet remissionem peccatorum.
Sic 1. Tim. 1. Christus venit peccatores saluos facere, peccator & peccatum
sunt distincta, Christus venit peccatores à peccato saluos facere, non autem
ipsum peccatum: Et haec sententia est omnium etiam reliquorum testimonioru̅, quę aduersarius, pro confirmatione erroneae suae opinionis, in
medium producit.
|| [26]
II. Ex articulo tertio Augustanae Confessionis allegant, Christum non tantùm
hostiam factum pro culpa originis, sed etiam pro omnibus actualibus peccatis.
Redemisse ergò eum peccatum originis.
Pro peccato quidem originis hostia factus est, verùm non vt illud redimeret, de
eo enim nihil Scriptura nouit, ne litera quidem in Augustana Confessione vel
Apologia habetur: verùm vt nos deprauatos & perditos homines, à peccato
originis & actualibus redimeret, quo salui reddamur.
III. Catechismus docet, Christum nos ab omnibus peccatis redemisse.
Ergò peccatum originis redemit.
Hoc sanè est probare? Catechismus distinguit, & non inquit, Christus peccatum
originis redemit: sed me perditum & damnatum hominem ab omnibus peccatis
redemit. Me perditum hominem redimere ab omnibus peccatis, & peccatum
originis ipsum redimere, nec eadem sunt, nec vnquam eadem sunt futura. Verùm ita
euenire solet, vt manifesta coecitate percutiamur, quando veritatis studium
reijcimus.
IIII. D. Lutherus inquit in explicatione dicti ad Tit. 2. in Postilla
Ecclesiastica, Christus seipsum tradidit pro nobis: inde sequitur, totam
essentiam tuam nihil aliud, quàm immundiciem esse extra Christum. Ergò tantundem
est, ac si diceret, Christus peccatum originis redemit.
Respondemus, Lutherus eo loco loquitur de impuritate vitae, & nullitate
liberi Arbitrij: id aduersarius refert ad peccatum originis, & ex eo
concludit, Christum peccatum originis redemisse: hoc verò egregiè sanè est
concludere: seu stolidè potiùs nugari.
Item, Lutherus inquit in Postilla Oeconomica, in die Purificationis: Omne quod
extra Christum est, merè peccatum est: Ergò, Christus peccatum originis redemit.
. Extra Christum omnia merè peccatum esse, extra
controuersiam est: inde autem sequi, Christum peccatum originis redemisse,
fabulae sunt.
Item, Christus non pro accidente malo, seu accidente morbo, in mortem se
tradidit: sed ob perditum hominem. Ergò peccatum originis redemit.
Scriptura inquit, Rom. 8. DEVM proprio suo filio non pepercisse: sed eum pro
nobis tradidisse, vt nos à peccato redimeret. Non igitur pro mero tantùm
accidente se tradidit, sed pro nobis perditis & damnatis hominibus, vt nos à
noxio illo & calamitosissimo peccatoru̅ accidente redimeret.
|| [ID00060]
Indeverò non sequitur: Peccatum
eum originis redemisse, sed nos homines à peccato redemit. Scriptura etiam non
inquit, DEVM filium suum pro peccato originis dedisse, vt illud redimeret: sed
pro nobis dedisse filium suum, vt nos redimeret.
Item 2. Corinth 5. DEVS Christum pro nobis peccatum facit: Ergò necesse est, nos
peccatum ipsum esse essentialiter.
Respondemus, Peccatum eo loco hostiam significat pro peccato, quemadmodum liquet
ex 8. cap. Epistolae ad Rom. non verò quòd Christus pro nobis essentialiter
factus sit peccatum: Christus enim neque peccatum originis neque actuale, factus
est. Quare dictum hoc, ad intentionem aduersarij confirmandam, nihil quicquam
facit. Non etiam inde concluditur, nos ipsum peccatum esse. Quemadmodum Christus
etiam pro nobis, non ipsum peccatum factus est, vt in ipso essentialis fieremus
iustitia, sed vt per imputationem, ipsius iustitia nobis imputaretur. Sic
corrupta nostra natura non est essentialiter ipsum peccatum, sed per peccatum
corrupta, à qua corruptione vt nos liberaret, Christus pro nobis peccatum, id
est, victima pro peccato factus est, vt per fidem nobis iustitia eius
imputaretur.
Nobis etiam non aduersatur, vt aduersarij falsò calumniantur, peccatum nos
appellari, in vero tamen & sano sensu: peccatum sumus, hoc est, peccatores,
corrupti, iniusti, , immundi, &c. Et in hoc sano
sensu, vocabulum peccati nobis non aduersatur. In eo aute̅
blasphemo sensu, quòd idem significet, ac peccatum ipsum esse, ad mittere id non
possumus, nisi articulos fidei, de creatione, incarnatione, redemptione &
sanctificatione, abijcere & annihilare vellemus.
Ad ineptam obiectionem, Si natura nostra & essentia, non ipsum peccatum seu
peccatum originis esset, necesse esset, sanctam illam esse & iustam: suprà
solidè respondimus.
Lutherus, inquit aduersarius, in Genesi & de seruo arbitrio vrget, si hominis
natura & essentia post lapsum, non peccatum, hoc est, iniusta sit, Christum
frustrà esse redemptorem.
Respondemus: Lutheri doctrina in hac parte, vera est & orthodoxa: Siquidem
homo, non peccatum, hoc est, non iniustus esset, Christus frustrà factus esset
redem ptor. Hoc verò quomodo probat, corruptam naturam, ipsum peccatum esse:
& Christum ipsum peccatum originis redemisse: id quod aduersarius sibi
probandum sumpsit. Peccatum enim, hoc
|| [27]
est, iniustum esse, id nequaquam idem denotat, quòd iniustitiam
& peccatum ipsum esse: quemadmodum nunc saepiùs dictum.
Aduersarius prolixam instituit narrationem, nos post lapsum opus(V. 3. fac. 2.) esse
corruptum: id quod nemo Christianorum seu Doctorum orthodoxorum vnquam negauit.
Illo autem propositionem suam, ne minimò quidem confirmat, ex eo necessariò
consequi, Christum peccatum originis redemisse.
Quae enim ista quaeso est conclusio: Nos post lapsum opus sumus corruptum: Ergò
Christus peccatum originis redemit. Nos opus corruptum esse post lapsum, nimis
proh dolor est verum: ex eo autem rectè concludi: Ergò, Christus peccatum
originis redemit, iudicet, qui iudicare potest, veram hanc & legitimam esse
conclusionem, ex prioribus collectam.
Scripturae & Lutheri testimonia, quae aduersarius hoc loco allegat, vera
quidem sunt, & testantur, nos horribiliter, peccati causa, omni ex parte
corruptos esse, nihil autem instituto inseruiunt, cuius causa ab aduersario
allegantur, videlicet ad confirmationem illius propositionis, Christum redemisse
peccatum originis.
Tandem aduersarius non ampliùs in limine impingit, sed planè(X. 3. fac. 2.) concidit,
dum grauissimis verbis contendit, non tantùm accidentale, sed etiam essentiale
discrimen esse, inter Christi & nostram humanam naturam, & ad priorem
redit cantilenam, Christi naturam non corruptam esse, quemadmodum nostram
naturam: sed per omnia, naturà seu essentialiter iustam, & legi diuinae
conformem esse.
Ad haec necesse est, vt distinctè respondeamus. Et initiò, perperam dici, humanam
naturam essentialiter iustam esse, quod aduersarij perpetuò vrgent.
Essentialiter enim iustum esse, tantundem est, ac ipsam esse iustitiam. Hoc
autem humanae naturae in & per se, neque in Adamo, neque in Christo, neque
in nobis asscribi potest. Soli enim DEO competit & proprium, per essentiam
iustum esse. Et DEVM atque iustitiam esse, termini sunt, vt in Scholis
loquuntur, conuertibiles. In DEVM enim non cadit accidens: Et si DEVS iniustus
esset, aut esse posset, ne DEVS quidem esset. Creaturas autem quod attinet, quae
extra essentiam diuinam sunt, in ijs aliud est essentia, aliud bonitas, seu
iustitia essentiae. Et hac ratione in rebus conditis seu creaturis, nequaquam
eadem sunt, essentia ipsa, & bonitas seu iustitia essentiae. In summa,
bonitas & iustitia non sunt de essentia hominis, propriè loquendo, alioquin
malus homo, ne homo quidem esset: sed sunt in essentia boni hominis. Bonum autem
com
|| [ID00062]
plectitur rem,
bonitatem in se continentem, quae ab illo separari potest,
Secundò, nullum esse essen tiale discrimen, inter Christi & nostram humanam
naturam, supra testimonijs sacrae Scripturae, inuictè est comprobatum. Quod si
humana nostra natura, ratione essentiae, Christi assumptae humanae naturae esset
dissimilis, frater noster appellari non posset. Siquidem etiam ratione
essentiae, naturae nostrae inaequalis: necessariò sequeretur, nostram eum
naturam, veluti quae ratione essentiae illi dissimilis, non redemisse. Nam, vt
Nazianzenus rectè loquitur, quod non assumpsit, id etiam non redemit. Si nobis,
quoad essentiam, est dissimilis, carnem nostram & sanguinem non assumpsit:
& sic etiam non est redempta nostra caro & sanguis. Si non est redempta,
adhuc sub peccato sumus & morte, & omnis praedicatio ac fides nostra
Christiana est inanis, 1. Corinth. 15.
Promissio etiam Euangelij nihil ad nos, siquidem discrimen est inter Christi
& nostram humanam naturam: Euangelium enim illis gratiam offert, quorum
carnem & sanguinem Christus in incarnatione sua assumpsit: quorumfrater est,
Psal. 22. Iohan. 20. & non alijs.
Huiusmodi blasphemia à nullo orthodoxorum Doctorum in Ecclesia Christi hactenus
est audita: essentiale discrimen esse inter Christi & nostram humanam
naturam: aduersarij etiam nullo solido fundamento edocere possunt, orthodoxam
antiquitatem aut etiam saniores nostri temporis Doctores, ea tradisse, quae hi
inculcant.
Corruptio, quam aduersarius vrget, nullum discrimen constituit, inter essentiam
Christi & nostram humanam naturam, sed simpliciter se refert ad iustitiam,
sanctitatem, integritatem, bonitatem, videlicet quòd Christi humana natura,
citra iniustitiam, immundiciem, & malitiam
concepta: nostra verò contra in peccato, iniustitia, im mundicia facta,
quemadmodum paulò antè diximus. Hoc verò non discernit naturas, secundùm
essentiam, sed secundùm dona, defectus & .
Angelum Luc. 1. non dicere, Accidens quod ex te nascetur, sanctum erit: sed totus
Christus anima & corpore sanctus & iustus erit: nihil in hac causa
probat. Hîc enim non agitur, an Christus secundùm humanam naturam totus sanctus
& iustus sit: quod omnes piae mentes fatentur: sed de eo, num verum sit,
Christi humanam naturam, nostrae naturae, secundùm essentiam, dissimilem esse,
de quo in dicto Angeli Luc. 1. ne verbum quidem habetur.
|| [28]
Christum iustum germen Dauidis, ob essentialem suam iustam naturam Ier. 23.
nominari, partim discrimen illud non probat, quod aduersarius probandum sibi
sumpsit: partim non rectè & propriè dictum est, Christi humanam naturam
essentialiter iustam esse. Vt enim suprà ostendimus, essen tialiter iustum esse,
tantùm competit diuinitati, nulli creaturae. Iusta est humana natura Christi,
seu iustitia est praedita: per essentiam autem iusta non est, alioquin ipsa
iustitia esset essentialiter, & sic ipse Deus.
Augustini dictum contra 2. Epistolas Pelag. cap. 2. quod aduersarius noster
contra doctrinam nostram allegat: Manichaei carnem Christi exhonorant, partum
virginis blasphemando: Pelagianiautem carnem redimendorum redemptoris aequando:
ad illorum propositum nihil facit. Adde, quòd Augustini verba non integrè, sed
truncatim pro sua parte allegent. Augustinus enim non pugnat aduersus
Pelagianos, falsum esse & blasphemum, nullum discrimen inter Christi &
nostram humanam naturam statuere, quo ad essentiam: verùm id oppugnat, quòd
Pelagiani in eo exaequent humanam naturam, cum Christi seruatoris assumpta
humana natura, quod quemadmodum caro Christi, seu humana natura, sine peccato
originis concepta, & sic per omnia sancta sit & iusta: sic quoque carnem
nostram sine peccato originis concipi, & sic non tantùm ratione essentiae,
sed etiam ratione sanctitatis, iustitiae & bonitatis, humanae Christi
sanctissimae naturae esse aequalem. Hanc Augustinus dicit falsam esse &
erroneam doctrinam: quemadmodum id etiam nos asserimus: & hoc testantur
ipsiúsmet verba, quibus hoc loco vtitur, & quae priora mox sequuntur:
Propterea quippe natus est Christus, non vtique in carne peccati, sed in
similitudine carnis peccati, quia caeterorum hominum nascitur caro peccati.
Manichaei ergò omnem carnem penitùs detestantes, auferunt carni Christi
perspicua̅ veritatem: Pelagiani verò nullam carnem peccati
nasci asseuerantes, auferunt carni Christi propria̅ dignitate̅, quam prae omnibus alijs hominibus obtinet: videlicet, quòd sola
sine peccato co̅cepta est. Vnde quiuis intelligit, Augustinu̅ Pelagianos non ideò arguere, quòd doceant, carnem Christi &
nostram carnem secundùm essentiam aequales, vel eiusdem essentiae esse: sed quia
fingebant, omnium reliquorum hominum carnem, hac etiam ex parte, carni Christi
aequalem esse, quod non minùs sine peccato concepta, quàm Christi caro: Et sic
carnem Christi, dignitate sua, quam prae reliquorum omnium hominum carne
accepit, quod scilicet sine peccato concepta est, spoliârunt.
Aduersarius obijcit, Christum non posse seruatorem nostrum esse,(Y. 1. fac. 1.)
|| [ID00064]
siquidem quoad naturalem essentiam
nostram in rebus spiritualibus, humanae eius naturae per omnia similes simus
& aequales. Quis verò nostrum hoc asserit? Ipsius figmentum hoc est
proprium. Nos non docemus, carnem nostram in rebus spiritualibus carni Christi
esse aequalem: Imò contrarium cum Scriptura & Augustino docemus:
inaequalitatem in eo ipso inesse: non quod ratione essentiae caro Christi alia
sit à nostra carne: hoc enim si verum esset, redemptor esse non posset (quod
enim no̅ assumpsit, hoc etiam non redemit) sed quòd caro nostra
peccatrix, immunda, corrupta & mala caro est: Christi verò caro munda,
sancta & iusta caro est, sine peccato concepta. Magnae igitur petulantiae
est, quòd aduersarius talia confingere & obijcere audet.
Licèt etiam post lapsum immundae creaturae factae simus: caro tamen nostra non
est essentialiter in ipsum peccatum transmutata: quod suo aduersarius contendit
clamore: sed peccatrix & immunda facta est. Etenim si essentialiter in aliam
carnem transmutata, & peccatum effecta esset: sequeretur, quatuor fuisse
Adamos, qui ratione essentiae fuerint distincti: & sic Adam, qui ad imaginem
DEI fuit conditus, non idem ille Adam post lapsum, qui antequa̅lapsuserat, foret: & alius essentialiter à priore distinctus. Posteaquam
verò conuersus & regeneratus, necessarium esset, in alium eum Adamum denuò
transformatum esse, qui secundùm essentiam, essentialiter à priore esset
distinctus: siquidem verum, lapsum & regeneratum hominem essentia &
forma substantiali differre: Non etiam mortuus Adam resuscitaretur, siquidem
verum, aliam essentiam esse à mortuis resufcitati Adae: & aliam mortui
Adae.
In tot & tam horrendos errores incidunt isti homines, qui ex Verbo DEI sese
moneri & in viam reduci non patiuntur: sed simpliciter semel conceptae
opinioni mordicùs inhaerent.
Aduerfarius etiam allegat D. Lutheri dictum è Postilla Ecclesiastica 18.
Trinitat. Dominica. Christus vnicus est homo, qui legem seruare potuit &
adimplere, reliquis omnibus hominibus secundùm naturam est similis, solo reatu
excepto, &c. Quomodo verò inde probat, Christi humanam natura̅, secundùm essentiam, à nostra natura esse distinctam? Id docet Lutherus in
citatis verbis, Christum vnicum esse hominem, qui legem seruare possit: nec esse
alium: id nos etiam constanter docemus, indeverò nullum sequitur naturarum
discrimen secundùm essentiam. Id enim si rectè inde concludi posset, Lutherus
non mox subiunxisset, omnibus hominibus secundùm naturam est similis, quae
nostra quoque
|| [29]
est confessio:
solummodò quod non subiectus est maledictioni Legis, quemadmodum nostra natura,
non etiam sic corruptus est secundùm naturam humanam, quemadmodum nostra humana
natura corrupta est. Eo ipso igitur, quo aduersarius errorem suum confirmare
conatur, eundem euertit: contrarium enim omninò D. Lutherus docet.
Concedit aduersarius, Christum verum hominem, eiusdem nobiscum(Y. 2. fac. 1.) generis
& speciei Physicè, non autem eiusdem nobiscum speciei, Theologicè
consideratum.
Respondemus, istos homines diuino iudicio sic excoecatos esse: vt ipsi quid
asserant, non videant. Hoc enim si verum est, Christi carnem cum nostra eiusdem
generis esse & speciei Physicè, qualis etiamnum est, necesse est falsa esse
omnia ea, quae aduersarius hactenus de essentiali discrimine inter Christi &
nostram humana̅ natura̅, euincere voluit: vtraque
simul vera esse nequeunt: id quod omnes piae mentes facilè intelligunt.
Aduersarius etiam facilè animaduertit, se hîc succumbere, & malam causam
tueri: sed perfricta fronte erubescere nescit: & in gloriam DEI, veritatem
profiteri. Qua ratione aliàs hoc loco concederet, Christi & nostram humanam
naturam, secundùm essentiam naturâ, aequales esse: id quod mox, & passim
alibi, disertè negat: Hoc verò est seipsum mendacij arguere.
Si aduersarij nullus esset error alius, quàm hic vnicus, carnem Christi, cum
nostra carne vnius non esse essentiae, pijs mentibus satis esset causae &
indicij, vitandi omnes illorum conciones, libros, tanquam praesentissimum
venenum.
Hic enim error fundamentum euertit fidei nostrae Christianae. Si caro Christi
carni nostrae secundùm essentiam non est similis seu eiusdem cum illa essentiae,
quemadmodum summis id aduersarius contendit viribus: Christus non est frater
noster, non etiam gloriari possumus, carnem nostram & sanguinem sedere à
dextris DEI.
Theologica & spiritualis consideratio carnis Christi, de qua cùm hîc, tùm
alibi multa verba facit aduersarius, ad rem nihil facit, nihil etiam probat: sed
merum est figmentum, quo aduersarius seipsum & alios decipit & seducit.
Caro enim Christi, siue naturaliter, siue spiritualiter consideretur:
consideratio illa essentiam ipsam non mutat. Siue Philosophus siue Theologus
hominem consideret, vnus idémque homo manet secundùm essentiam, nec consideratio
haec geminam eius constituit essentiam: Philosophus quidem aliter ac Theologus
eum considerat: qui ex
|| [ID00066]
verbo DEI
horrendam corruptionem humanae naturae aliquo modo intelligit, quę Philosophum
latet: qui illud tantùm sequitur principium, hominem esse animal rationale. Ex
hac autem distincta consideratione, non alia hominis oritur substantia, licèt
Philosophus corruptionem eius ignoret, quam perspectam habet Theologus. Sic in
Christo etiam Theologica, seu spiritualis consideratio, non aliam essentiam
humanae naturae Christi constituit, qua à nostra natura sit distincta: sed
carnem illam nostrae carni relinquit simile̅, vt Ecclesia canit:
Carne nobis similis, peccato sed dissimi lis: vnico illo excepto, quòd
Theologica, prae Philosophica consideratione id animaduertit, carnem Christi,
quae carni nostrae secundùm essentiam similis, iustam, sanctam, mundam, &
sine peccato conceptam esse & nata̅: nostram aute̅ carnem immundam esse, in peccato concepta̅ & natam,
maledictioni Legis & condemnationi subiecta̅, nisi per
Christu̅ redimatur.
Lutheri dictum è Psal. 45. de spirituali pulchritudine corporis Christi,
aequalitatem humanae naturae Christi & nostrae naturae, quo ad essentia̅, non euertit: sed eandem confirmat. Id tantùm asserit, carnem
Christi sine peccato esse: carnem nostram contrà corruptam & peccato
pollutam esse, id quod etiam nos asserimus. Quare dictum illud nihil aduersus
nos concludit.
Et quid verbis opus est. An non Luth. Genes. 38. scribit: Humanitatem Christi, de
semine & carne maledicta, perdita, damnata summorum peccatorum ortam &
desumptam, à Spiritu sancto aute̅ esse mundatam? Qua ratione
igitur aduersariorum horrendas blasphemias, de discrimine Christi & humanae
nostrae naturae, quo ad essentiam, confirmasset? Verba eius hęc sunt: Hîc
describitur semen benedictum, quod de semine & carne maledicta, perdita,
damnata ortum est, ipsum tamen sine peccato & corruptione: secundùm naturam
eadem est Christi caro cum nostra: sed in conceptione eius accessit Spiritus
sanctus, obumbrans & purificans illam massam, quam accepit de virgine, vt
co̅iungeretur cum diuina natura. In Christo igitur
sanctissima, purissima, mundissima caro est, in nobis aute̅ &
omnibus hominibus corruptissima, nisi quantu̅ in Christo
reparatur.
Haec sanè plana & perspicua est erroris aduersarij nostri improbatio: &
illius tamen istius hominis est audacia, vt Lutherum pro confirmatione suae
opinions allegare non vereatur.
Similiter, hoc etiam aduersarij est figmentum, quòd quemadmodum inter bonos &
malos angelos, secundùm naturam & essentiam discrimen est: sic etiam esse
discrimen, ratione essentię & naturae, inter Adamum, qui
|| [30]
fuit ante lapsum, & Adamum,
qui est post lapsum. Non enim Angeli mali post lapsum & suam à DEO
defectionem, in aliam naturam aut essentiam, essentialiter à priori, quam ante
lapsum habuerunt, distinctam sunt mutati: sed malam tantùm & deprauatam
habent naturam, & ratione malitiae atque impuritatis à bonis angelis sunt
distincti.
De hac quaestione notanda sunt verba Augustini lib. 1. Hypognost. Diabolus naturà
est Angelus: sed quod naturà est, opus DEI est, quòd verò Diabolus, vitio suo
est, vtendo malè naturae suae bono.
Quemadmodum & Adam ante lapsum, ab eo, qui fuit post lapsum, ratione
essentiae & naturae, non est alius atque diuersus. Id enim si verum esset,
Adamus post lapsum, non idem fuisset & mansisset secundùm essentiam numero,
sed in aliam omninò speciem atque essentiam fuisset transmutatus. Ratione quidem
bonitatis, sanctitatis & iustitiae, non est idem Adam: Malus enim est &
corruptus, & malitia, im mundicies, & iniustitia ipsi seu naturae eius
corruptae inest: verùm quo ad essentiam & naturam ipsam, idem omninò est
Adam & non alius.
In summa, Scriptura sacra nullum essentiale discrimen spiritualis, essen tialis
formae seu naturae seu speciei nouit, quod aduersarius tanto clamore, sed
frustrà vrget. D. Luth. Psal. 45. cùm alias vtatur vocabulo forma, non appellat
essentialem forma̅, sed pulchritudinem spiritualem, secundùm quam
Christus à nobis est distinctus, videlicet, quòd spiritualiter in assum pta
humana natura, purus, pulcher, sanctus, iustus, legi conformis: cùm contrà nos
in nostra carne & natura impuri, deformes, immundi, iniusti, legi diuinae
non conformes simus Id autem nullo modo discrimen humanae naturae Christi, &
nostrae naturae, secundùm essentiam constituit, verùm
eius relinquit: distinguitautem, ratione iustitiae & iniustitiae,
sanctitatis & , mundiciae & immundiciae, quae
acciden tia sunt, & non essentia ipsius naturae, sed quae ab illa separari
possunt.
Horrenda est Sophistica, qua aduersarius vtitur in allegatione dicti(Z. 3. fac. 3.) Pauli Rom.
8. DEVS misit filium suum, in fimilitudine carnis peccatricis: dum praetendit,
Christi carnem secundùm essentiam aliam esse à nostra carne: cùm Apostolus
citato loco non dicat, Christi carne̅ nostrę carni, secundùm
naturam & essentiam, non esse similem, sed secundùm peccatu̅:
quod non est caro peccatrix, qualis nostra, quemadmodu̅ id supra
ex verbis Augustini, contra 2. Epistolas Pelagianorum cap. 2. audiuimus. Longè
aliud est, ratione essentiae distinguere: quod aduersarius facir, non Paulus:
& ratione peccati discernere: quod Paulus facit. Propter quam causam
|| [ID00068]
etiam inquit: In similitudine carnis
peccati, hoc est, Christus nostram carnem & sanguinem verè assumpsit: quae
hominibus illam considerantibus, aliter quàm caro peccatrix habita &
iudicata non fuit: reuera autem peccatrix non fuit, cùm sine peccato concepta
sit, per obumbrationem Spiritus sancti.
Et vocabulum similitudinis seu speciei, quemadmodum D. Lutherus eam reddidit, non
significat imaginem aut , quem admodum olim
Valentiniani, Marcionitae & Manichaei, id vocabulu̅
declarârunt: & ex eo euincere voluerunt, Christum non veram, sed speciem
tantùm & carnis assumpsisse: sed veram significat
carnem, quae coram oculis humanis, qui conceptionem sine peccato, &
interiorem eiusdem mundiciem, per se videre & intelligere non potuerunt,
nostrae carni aequalis visa sit: cùm Christus tem pore exinanitionis, in infirma
specie carnis nostrae versatus sit, suamque maiestatem occultârit. Quemadmodum
etiam Tertull. de carne Christi contra Marcionitas hoc vocabulum sic explicat,
carnem Christi nostrae carni similem esse genere, non vitio Adae. Quare huius
dicti allegatio & deprauatio, quam aduersarius sub ea occultat, nihil omninò
ad confirmationem intentionis suae, contra carnis
Christi & nostrae, facit.
Quod praeterea obijcit, rectè dici posse, Christum secundùm humanam naturam,
nostrae naturae similem esse, sed non eiusdem essentiae, quia vocabulum
consubstantialis, tantùm de tribus personis sacrosanctae Trinitatis, rectè &
propriè dicatur: non autem de Christi & nostra humana natura. Et Scripturam
Philip. 2. & Heb. 4. affirmare, Christum quidem nobis similem factum, sed
non secundùm humanam naturam eiusdem nobiscum essentiae factum: eo omnia
tendunt, quo Marcionitarum & Manichaeorum furores paulatim suffulciantur,
& clàm subintroducantur, Christum veram humanam naturam non habere, sed
merum esse . Haeretici enim isti olim, quemadmodum ex
Patribus id colligere licet, qui illorum errores refutârunt, illis ipsis
testimonijs, ad negandam humanam Christi naturam suntvsi, quibus aduersarius
vtitur: & vocem eadem ratione, quemadmodum iste,
explicârunt. Videat igitur, quorsum tandem euadat.
Cauillatio, quae ex vocabulo , coëssentialis, quo in
articulo de Sacrosancta trinitate vtimur, deducta est: non tantùm pro aduersario
non facit, sed eundem quàm vehementissimè oppugnat. Etsi enim in sa
|| [31]
crosancta Trinitate
coëssentialitas, , longè arctior est, minúsque explicari
& effari potest, quàm si de Christi & humana nostra natura loquamur:
Christi tamen caro, verè est caro de carne nostra, & os de ossibus nostris.
Vnde Tertullianus de carne Christi rectè dixit, esse illam nostrae parem,
naturae genere, sed non vitio Adae. Christus enim similis factus est fratribus
suis, citra tamen peccatum, Heb. 2. 4.
In hoc enim articulo, in quo de Christi assumpta humana natura agit, voca bulum
consubstantialis, propriè loquendo, tantundem significat, quòd caro Christi
nostrae carni, secundùm essentiam & naturam, quemadmodum à DEO est condita,
per omnia similis est: & nullum est discrimen inter illas, quo ad naturam
& essentiam. Si enim discrimen aliquod esset, secundùm essentiam, Christus
nec esset, nec dici posset caro & sanguis nostra.
Voca bulum etiam similis, Philip. 2. Heb. 4. non est oppositum vocabulo
consubstantialis, ita vt discrimen aliquod inter Christi & nostram humanam
naturam, quo ad essentiam, constituat, aut indicet: Absit: sed eò directum est,
vt ostendat, Christum secundùm assumptam humanam naturam non tantùm, quo ad
essentiam ipsius naturae, nobis similem, verum hominem natum: sed etiam omnes
eum infirmitates, quae humanae naturae, propter peccatum adhaerent, liberrima
voluntate assumpsisse, & habitu inuentum, vt hominem, defatigatum,
contristatum, turbatum fuisse, sine tamen peccato. Heb. 4. Idque eum in finem,
quo nos ab istiusmodi infirmitatibus, quae nobis hominibus, seu nostrae humanae
naturae incumbunt, redimeret & liberaret. Quid verò hoc facit ad euertendum
discrimen inter Christi & nostram naturam, quo ad essentiam: cùm de eo
dictis in locis Apostolus non agat, imò contrarium doceat?
Ita dictum illud Augustini contra Iulianum Arrianum. (Totus homo transgrediendo
peccauit, & si totus transgrediendo peccauit, totus peccati sui vitio
perijt, &c. Si autem totus perijt, totus beneficio Saluatoris indiguit,
totum Christus veniendo saluauit, non corpus aut animam, sed corpus &
animam, quibus constat totus homo, & quibus peccasse ante videtur,
assumpsit) doctrinam nostram, & Confessionem Ecclesiarum nostrarum de hoc
articulo non oppugnat, sed confirmat.
Confitemur enim totum hominem, cum corpore & anima peccasse & perijsse:
non tamen ea ratione, qua aduersarij illud interpretantur, videlicet, quod per
peccatum ita corruptus, vt humana natura in nouam speciem, per illam
corruptionem sit transmutata: hac ratione, vt nullum
|| [ID00070]
omninò discrimen ampliùs reliquum,
inter peccatum & corruptam naturam. Nam si vocabulum corruptionis eo sensu
accipi deberet, necessariò sequeretur, Adamum per peccatum totum abolitum, &
nouam à priori planè diuersam essentiam accepisse: quod omninò falsum est &
impium. Verùm hac ratione, totam naturam hominis per omnia corruptam esse,
peccatricem, iniustam, immundam, impuram & pessimam effectam: non autem
iniustitiam, immundiciem, impuritatem, & malitiam ipsam essentialiter.
Quemadmodum enim iustitia, sanctitas, mundicies & bonitas, in humana natura
ante lapsum essentialiter natura ipsa non fuit: sed in natura creata, tanquam
summa & excellentissima dona refulserunt, quibus homo, maximè quoad animam
rationalem seu mentem, exornatus fuit: sic humana etia̅ natura,
post lapsum, per quem istiusmodi summa dona, seu imago DEI in rebus
spiritualibus deperdita est, non peccatum aut iniustitia ipsa effecta, sed
impura, iniusta, immunda: quemadmodum ante lapsum, iusta, sancta & pura
fuit.
Hoc si ab aduersario in timore Domini consideraretur, certamen illud facilè
tolleretur: verùm in pertinacibus ingenijs nihil ista proficiunt. Iudicio etiam
DEI manifesta & palpabili coecitate sunt percuisi: vt nec videre, nec
intelligere velint, aliud esse, peccatorem, immundum, iniustum, legi DEI
inconformem esse: & peccatum, immudiciem & iniustitiam ipsam effectum
esse. Immundum esse & iniustum duo complectitur, subiectum, seu humanam
naturam: & immundiciem, qua & per quam inquinata & corrupta est.
Sic verum etiam & rectum est, quòd Augustinus scribit, totum hominem per
peccatum esse corruptum: hoc est, totum impurum & iniustum effectum: non
autem impuritatem & iniustitiam ipsam. Nam quemadmodum ante lapsum seu
corruptionem, natura Adae, iusta, sancta & pura fuit: non autem iustitia,
sanctitas & puritas ipsa: Sic etiam post lapsum, natura eius quidem impura,
iniusta, immunda, quod ad corpus & animam effecta est: non autem impuritas,
immundicies, iniustitia ipsa: quod omninò necesse esset fieri, siquidem
aduersariorum opinio firma & vera.
Simili ratione hanc nostram Confessionem confirmat D. Augustinus expressè &
rotundè scribens: Christum totam humanam naturam, qua homo peccarat,
assumpsisse, & totam redemisse: si humanam naturam, qua homo peccarat,
assumpsit, eamque totam redemit: qua ratione verum est, Christum assumptam
humanam naturam, quo ad essentiam,
|| [32]
nostrae humanae naturae dissimilem, & ab ea essentialiter,
& non tantùm ratione peccati, distinctam esse?
Quod si etiam discrimen nullum inter peccatum & humanam naturam ipsam, quo
pacto verum esset, quod Augustinus scribit & docet, Dominum Christum corpus
& animam nostram, quibus peccaueramus, quae etiam assumpserat,
redemisse?
Libenter fatemur, Christum corruptam, iniustam, & omninò humana̅ natura̅ redemisse &
saluasse: Id enim tota Scriptura sacra docet. Inde verò no̅
sequitur, ipsum peccatu̅ eum redemisse, quod contendit aduersarius
noster: naturam redemit &
peccato, quo redempta natura saluaretur: peccatum verò ipsum non redemit.
Peccatricem naturam, immundam naturam, & peccatum atque immundiciem ipsam
esse, non sunt eadem. Si enim essent eadem, non liceret nobis sic loqui. Humanam
naturam à peccato & immundicie redemit, quo posset saluari: sed ita esset
dicendum, peccatum & immundiciem ipsam redemit, quo possit salua fieri. Quo
verò loco illud esset, quod tota sacra Scriptura docet, Christum propter nos
homines, nostrámque salutem, hominem factum. Item, quòd venerit, vt peccatores à
peccatis suis saluos faceret, peccatores nominat, non peccatum.
Denique D. Lutheri Genes. 3. verba quod attinet, peccatum originis esse de
essentia hominis, seipsum ibidem explicat, quòd vocabulum essentiae intelligi
velit, scilicet, non de eo, quod peccatum originis corrupta hominis essentia
& natura ipsa sit, quemadmodum aduersarius verba ipsius interpretatur: sed
intimam esse & horrendam corruptionem, totius naturae & essentiae
humanae. Sic enim dicto loco scribit: Hoc venenum sic latè per carnem, corpus,
animam, neruos, sanguinem, per ossa & medullas ipsas in voluntate, in
intellectu, in ratione diffusum est, vt non solùm eximi plenè non possit, sed ne
quidem agnoscatur peccatum esse. Et iterum: Manet quidem natura, sed multis
modis corrupta. Et Genes 1. Manserunt quidem intellectus & voluntas, sed
valde vitiata vtraque. Cuiusmodi dicta complura suprà ex Luthero fuerunt
adducta. Sic enim & in 1. Tom. Ienensi: Essentiale voco, quia per naturam
contrahimus, nec cessat aliquando, sicut actuale.
Ex quibus abundè constat, Lutherum vocabulo (essentiale) intelligere noluisse,
peccatum scilicet originis, corrupti hominis naturam &
|| [ID00072]
essentiam esse ipsam: sed hominem in
ipsa conceptione & natiuitate peccatum originis in ipsa essentia contrahere:
illúdque nunquam cessare, quemadmodnm peccata actualia interdum cohibentur, ne
in perpetuo actu versentur,
Firmum igitur & immotum manet, Christum peccatum originis ipsum non
redemisse: sed corruptam nostram naturam à peccato originis redemisse: & si
secundùm Scripturam distinctè de peccato originis, & de redemptione naturae
humanae à peccato originis loquatur, Christo debitum tribui honorem. Et graue
procul dubio homines isti subituri sunt iudicium: nisi in tempore gratiae
poenitentiam egerint, quòd horrendas adeò blasphemias, Christum peccatum
originis ipsum redemisse, adeò pertinaciter, sine vllo veritatis fundamento
defenderint.
DEFENSIO FVNDAMENTI, EXTRVcti è tertio fidei articulo, de
Sanctificatione, peccatum originis non esse ipsam corruptam humanam naturam:
sed profundam & tetram corruptionem eiusdem: à qua purgamur &
emundamur.
NOSTRVM, seu libri Christianae Concordiae fundamentum hoc est: A quo DEVS hominem
abluit, emundat, sanctificat: id non est ipse homo. A peccato originis abluit
nos Spiritus sanctus, emundat & sanctificat nos.
Quare peccatum originis non est ipse homo. Hoc argumentum est, & refutari non potest, quemadmodum pluribus paulò pòst
monstrabitur.
Aduersarius etiam fatetur, conclusionem hanc legitimam esse, siquidem verùm sit,
discrimen aliquod esse inter corruptam naturam & ipsum peccatum originis:
Illud quia nullum esse arbitratur: ideò nullum etiam argumenti esse pondus
statuit.
Esse autem discrimen, hactenus illis fundamentis est demonstratum, & in
posterum similiratione confirmabitur, vt animus modò sit veritatis studiosus
& amans, facilè, quiuis id deprehendere possit.
Puerile itaque admodum est, aduersarium, veluti parta iam horrendi erroris sui
victoria, exultare, nostrámque firmam conclusionem hac argumentatione euertere
conari.
|| [33]
Quod baptizatur & sanctificatur, id aliud nec est, nec esse potest, quàm
ipsum peccatum, seu peccatum originale, hoc est, iniustum, legique diuinae
repugnans, extra Christum ante regenerationem.
Totus homo, seu totius hominis repugnans natura baptizatur, sanctificatur.
Nihiligitur aliud, quàm peccatum esse potest.
Initiò enim frustrà pro confirmato & concesso sumit, quod reipsa merum
figmentum est, & prorsus nihil.
Si libri Concordiae argum entum reijciendum esset, priùs certis & immotis
fundamentis refutandum fuisset: priusquam hac inuersione, quae nullius est
ponderis, vterentur. Prorsus verò & quàm longissimè aberrant, idque nec
hactenus praestiterunt, nec praestare in posterum vnquam poterunt.
Deinde, quantum ad primam proposi tionem argumenti aduersarij: est illa planè
falsa: nunquam etiam solido fundamento veritatis è sacris literis confirmari
potest. Sacra enim Scriptura, nullo loco, vllo verbo dicit aut docet, id quod
baptizatur aut sanctificatur, ipsum peccatum originis esse: verùm id asserit,
omnes gentes, seu quod idem est, omnes homines esse baptizandos &
sanctificandos Matth. 28. Et Iohan. 3. non inquit Christus, Nisi peccatum
originis renatum fuerit, non poterit ingredi regnum coelorum: verùm, nisi quis
(loquitur de creatis hominibus) ex aqua & Spiritu renatus fuerit, non
poterit introire regnum coelorum. Acto. 2. inquit Petrus: Baptizetur vnusquisque
vestrum in remissionem peccatorum. Hoc sanè omnes piae mentes intelligunt, non
idem sibi velle quod illa propositio: vniuscuiúsque vestrum peccatu̅ originis baptizetur in, remissione̅ peccatorum. Et Paulus
Galat. 3. inquit. Quotquot vestrum baptizati sunt, Christum induerunt. Phrasis
illa, Quotquot vestrum baptizati sunt, nunquam sic explicari potest: Quotquot
peccata originis baptizata sunt, Christum induerunt: nisi quis de industria
& ex proposito illam inuertere voluerit.
Tertiò, aduersarius propositionem suam primam sic informat: vt satis indicet, se
ipsum non intelligere, quid dicat, aut statuat. Haec enim propositio eius est
maior: Quod baptizatur, sanctificatur, à peccatis abluitur, emundatur, &
saluandum est, id nihil aliud quàm peccatum, seu peccatum originis, hoc est,
iniustum, repugnans legi, perditum & damnatum esse potest, extra Christum,
ante regenerationem & iustificationem.
|| [ID00074]
Verbum enim abluendi, necessariò praesuppo nit subiectum, quod abluitur in
baptismo: & aliud id à quo subiectum seu homo, qui baptizatur, abluitur:
quemadmodum hoc omnibus constat.
Eandem sententiam nobis subministrat verbum emundandi: in quo sanè permagnum
discrimen est, inter subiectum seu hominem, qui in baptismo à peccato emundandus
est: & inter peccatum, à quo homo est emundandus.
Ita etiam phrasis saluandi à peccato, aliter explicari non potest, quàm de
homine, qui in baptismo à peccato abluendus & emundandus est, quo saluus
fiat.
Inprimis autem id notandum est, quòd aduersarius verba sua sic explicat, quod
baptizatur & à peccatis abluitur, id peccatum est, seu originis peccatum,
hoc est, iniustum, legíque diuinae repugnans. Quam ob causamvel ipse non
intelligit, quid dicat: vel animaduertit se victum esse, & tamen contra
dictamen conscientiae, erroneam suam opinionem tuetur. Nam si corrupta essentia
hominis est ipsum peccatu̅ originis, nihilque aliud esse potest
(quemadmodum magno alibi id clamore contendit) locum no̅ habet
glossa & interpretatio illa, qua̅ suis verbis hoc loco assuit:
videlicet. Quod baptizatur, est peccatu̅, hoc est, iniustu̅ legique diuinae repugnans. Ipsum enim peccatu̅
esse & iniustu̅ esse, atque legi repugnare, non sunt, &
nunqua̅ erunt eadem, quemadmodu̅ abundè hactenus
demonstratum: Quod si igitur erroneam suam opinionem, nullum esse discrimen
inter peccatum & corruptam humanam naturam, tueri voluerit, necesse est, vt
glossam, (quicquid baptizatur, peccatum est, hoc est, iniustum est, & legi
DEI aduersatur) planè reijciat & repudiet: aut necesse est, vt fateatur,
peccatum originis & hominem, qui baptizatur, non idem esse. Si homo
corruptus peccatum seu corruptio ipsa est, glossa locum non habet, (homo est
iniustus, hoc est, peccatum) Vocabulum enim iniusti, duo complectitur, corrupti
& iniusti hominis naturam, & corruptionem seu iniustitiam, quae
corruptae naturae inest. Iniustum esse & iniustitia̅ ipsam
essentialiter esse, res sunt distinctae. Quod si glossa (Baptizatus homo est
peccatu̅ seu peccatum originis, hoc est, iniustus) firma est
& vera, concidit opinio illoru̅ falsa, qua co̅tendunt, nullu̅ esse discrimen inter peccatu̅
& corrupta̅ hominis natura̅ Item peccatum
originis baptizari & à peccato ablui. Nam, vt dictu̅ modò est,
peccatum ipsum, seu iniustitiam ipsam esse, & iniustum esse, perpetuò sunt
distincta: & nunquam eadem futura: quod summis tamen probare conantur
viribus.
|| [34]
Quare argumentum illorum nihil concludit. Si enim inhaerent errori, cuius causa
tantas hactenus turbas dederunt, peccatum originis & corruptam naturam eadem
esse, & non posse discerni, necesse est, vt propositionem maiorem mutent
& glossam, quod baptizatur, est peccatum, hoc est, iniustum, abijciant. Sin
glossam illam retinere cupiunt, necesse est, vt fateantur dogma suum, quo negant
discrimen esse, inter peccatum originis & corruptam naturam, falsum esse
& erroneum. Vtraque simul vera esse nequit, quocunque tandem pacto eam
informent.
Insuper ipse aduersarius scribit, hominem seu corruptam eius naturam(C. 1 fac. 2.) baptizari,
& à Spiritu sancto regenerari. Hoc si verum est, illud falsum esse &
impium, peccatum seu peccatum originis ipsum baptizari, & à Spiritu sancto
regenerari: cùm peccatum originis, homo seu corrupta eius natura, diuersa sint
& non eadem.
Eò pergit aduersarius, vt probandum sibi sumat, librum Concordiae(C. 2. fac. 2.) phrases
Scripturae non rectè explicare. Quando Scriptura dicit, DEVS abluit &
emundat hominem à peccato. Sic enim eam exponere, DEVM in baptismo peccatum
originis, tanquam accidens quoddam malum, à corrupta natura abluere &
emundare. Et tamen eodem in loco concedendum ei est, verum esse, abluere &
emundare à peccatis idem esse, quod peccata propter Christum ex gratia
remittere, tegere, non imputare: verùm iustitiam Christi imputare per fidem,
quae ipsissima etiam est veritas.
Hîc meritò quaeritur, Si à peccatis emundare idem est, quod peccata propter
Christum ex gratia remittere, tegere, non imputare, verùm iustitiam Christi
imputare per fidem, &c. cui propter Christum peccata ex gratia remittantur,
tegantur, non imputentur, &c. Si dixerint, ea bona contingere & quasi
donari ipsi peccato originis, quod ex illorum sententia baptizatur, peccatum
originis vtique ipsum foret subiectum, cui peccatum ex gratia remitteretur,
sequeretur: peccatum originis tanquam subiectum manere: peccata verò illi
remitti, & propter Christum non imputari. Et sic peccato originis, peccata
actualia, propter Christum, ex gratia non imputarentur. Hac ratione, vt diximus,
peccatum originis integrum maneret: & tantùm peccata actualia tanquam
fructus dimitterentur. Et secundùm hanc tandem opinionem, peccatum originis
ipsum salutem aeternam consequeretur: Cui enim peccata remittuntur, hic etiam
salutem consequitur aeternam.
Iuxta opinionem aduersarij, obtinet & consequitur ipsum peccatum
|| [ID00076]
originis propter Christum remissionem
peccatorum. Ergò, Saluatur & possidet vitam aeternam.
Hoc etiam sequeretur: Cui iustitia Christi per fidem imputatur, id DEO gratum
est, & donatur haereditate vitae aeternae: Peccato originis iustitia
Christi, secundùm falsam istorum hominum opinionem, per fidem imputatur. Ergo,
DEO est gratum & haereditate donabitur vitae aeternae. Quod si obijciunt,
corrupta natura, quae iniusta, peccatrix & immunda est, baptizatur in
remissionem peccatorum, eíque propter Christum ex gratia peccata remitti, tegi,
& iustitiam Christi per fidem imputari: praeterire non possunt, necesse est,
vt discrimen inter corruptam humanam naturam & peccatum originis admittant,
& nobiscum fateantur: non ipsum peccatum originis, sed corruptam naturam
subiectum esse, quod in remissionem peccatorum baptizatur, cui peccata propter
Christum non imputantur. Necesse praeterea est, vt tanquam blasphema reijciant
& repudient, quòd docent, peccatum originis ipsum baptizari in remissionem
peccatorum: nullúmque esse discrimen, inter corruptam naturam & peccatum
originis.
Quare, quando Propheta Zacharias cap. 13. dicit: Baptismum esse fontem patentem
in ablutionem peccatoris, de hominibus loquitur, in quorum salutem fons ille
salutaris, contra peccatum in nouo Testamento, erigi & institui dicitur:
& nequaquam docet, corruptam humana̅ naturam & peccatum
originis eadem esse: sed quòd sacrosancto baptismate homo corruptus, seu humana
natura emundetur à peccato.
Homini eam offert & promittit consolationem aduersus peccatum originis, non
ipsi peccato originis. Aliàs consolaretur DEVS per Zachariam, non ipsum
peccatorem, cuius salutem & felicitatem aeternam DEVS promotam vult, sed
ipsum peccatum: quod horrendum est auditu.
Eadem est ratio reliquorum quoque testimoniorum, Luc. 3. Quo loco Baptismus
lauacrum dicitur in remissionem peccatorum, Et Act 2. Baptizamini in remissionem
peccatorum: Et quae his plura sunt alia. In quibus omnes piae, Spiritúque DEI
illustratae mentes vident, Baptismum institutum esse in remissionem
peccatorum.
Quaeso in cuius gratiam institutus est? Num peccati originis causa? Nullo modo.
Spiritus enim non inquit, Baptismum, peccati originis causa, aut propter
peccatum originis institutum esse, in remissionem peccatorum: sed corrupti
hominis, vt illi peccatum, in & per baptismum, tanquam lauacrum
regenerationis, remittatur. Quod si etiam aduersa
|| [35]
rij inepta interpretatio
est vera: peccato originis, in baptismo peccata remitterentur. Si enim peccatum
originis in remissionem peccatorum baptizaretur, necessariò sequeretur, peccatum
originis, in baptismo consequi remissionem peccatorum, quae horrenda est
blasphemia & contumelia aduersus Baptismum, quae homini peccatori, qui
baptizatur in remissionem peccatorum, omnem adimit & eripit
consolationem.
Denique verba illa Scripturae: Baptizamini in remissionem peccatorum, & qui
baptizatur, saluatur, &c. nullo modo admittunt, adeò turpiter se &
blasphemè deprauari, quòd tantundem significent, quod peccatum originis ipsum
baptizatur in remissionem peccatorum. Item, quod peccatum originis baptizatur,
id etiam saluatur. Haec enim forma esse deberet testimoniorum Scripturae,
siquidem aduersarij opinio certo fundamento niteretur. Phrasis illa: Quilibet
vestrum baptizetur, nequaquam aequipollet illi, ipsum peccatum originis
baptizetur. Spiritus sanctus enim expressè loquitur de miseris peccatoribus, qui
in remissionem peccatorum, seu vt remissionem peccatorum consequantur, sunt
baptizandi: & non de peccato originis ipso, quod illis in baptismo
remittitur. Haec cùm ita se habeant, necessariò verum est & manet, discrimen
esse inter hominem peccatorem, cui peccatorum remissio necessaria est: &
inter peccatum, quod in baptismo remittitur. Haec vsque adeò clara &
euidentia sunt, vt nullo veritatis fundamento euerti possint.
Sic illae voces (Qui Baptizatur) non notant ipsum peccatum originis, sed
loquuntur de hominibus, qui peccato originis corrupti sunt, & siquidem
saluari volunt, remissione peccatorum & salute, quae per baptismum, tanquam
medium & instrumentum DEI, ad hoc ipsum ordinatum, confertur, opus habent.
Meritò igitur deplorandum est hos coecos, coecorúmque duces, seipsos &
alios, turpissima hac impostura & seducere & circumducere. Verùm mentes
piae, id facilè animaduertent.
Posteaquam verò aduersarius satis animaduertit, figmentum suum, nullo subsistere
fundamento, pergit & conatur demonstrare, regenerationem hominis essentialem
regenerationem esse, qua homo, qui ante baptismum essentiale peccatum, seu
peccatum originis ipsum fuit, essentialiter regeneretur & essentialiter
nouus homo fiat, cuius natura essentialiter à priori distincta sit. Quae denuò
Diabolica blasphemia est, quae neque sacra Scriptura, neque vllo alio fundamento
demonstrari potest.
|| [ID00078]
Id cum tota sacra Scriptura & omnibus orthodoxis Doctoribus fatemur, totum
hominem, qui iniustus, peccator, corruptus, foedatus est, quoad totam naturam
& essentiam, corpore & anima, per sacrum baptismum, tanquam medium
regenerari & à peccatis emundari: & sacro baptismate totum hominem, quo
ad corpus & animam, regenerari. Quod aut in baptismo sic regeneretur, vt
essentia & natura ipsius transmutetur, & in nouam atque aliam, à priori
distinctam essentiam transformetur, id simpliciter & disertè negamus. Hoc
enim figmentu̅ est ingeniorum istorum pertinacium, extra &
sine verbo DEI, quod in aeternum etiam inde probare non poterunt.
Dauid Psal. 51. orans, Crea in me DEVS cor mundum, & Spiritum firmum innoua
in me: non simpliciter & sine discrimine creationem noui cordis petit, quod
essentialiter à priori distinctum est, sed cor mundum, seu quod tantundem est,
mundiciem & puritatem cordis sui, peccato corrupti & inquinati: Cor enim
esse, & cor mundum esse, distincta sunt: quemadmodum in sequentibus etiam,
inquiens, & Spiritum rectu̅ innoua invisceribus meis, sese
explicat, Spiritum firmum, inquit, donato mihi, intelligens corpus & animam
suam, & petens illa spiritualiter renouari, & spiritualibus donis
ornari.
Huc referenda est sententia Basilij contra Eunomium lib. 4. Dauid inquiens: Cor
mundum crea in me DEVS, non aliud cor petit, sed vt id, quod iam esset,
purgaret. Dicta est etiam creatura noua, non velut alia fieret creatura, sed
quòd hi, qui illuminantur, ad meliora opera praeparantur. Et iterum in sermone,
quòd DEVS non sit author malorum, sic scribit: Non alium occidit, alium
viuificat, sed eundem, per id quod occidit, viuificat, & percutiendo
sanat.
Quemadmodum & Lutheri testimonium in tertium caput Ioëlis, quod hoc loco
aduersarius allegat, contrarium docet. Dauid petit, in se cor nouum creari. Haec
publica est confessio, cor sibi esse immundum, hoc est, non conforme, sed
repugnans legi DEI. Orat autem Dauid, hoc cor mutari & nouum creari, ita vt
non ampliùs immundum sit, sed vt immundicies ex gratia condonetur. Hîc enim
manifestè Lutherus discernit, Dauidem fateri, sibi cor esse: verùm illud
immundum, legique DEI contrarium esse, & petit cor illud mutari, & nouum
creari, hoc est, immundiciem illam sibi ex gratia remitti & aboleri.
Aduersarius contendit, Dauidem petere essentialem creationem seu mutationem
cordis, in essentiale cor nouum, & hanc quoquevult esse men
|| [36]
tem D. Lutheri. Lector autem
Christianus facilè & sua sponte videt, eam falsam esse & contortam
interpretationem, si quaeris quid sit cor nouum? Respondet D. Lutherus verbis
Dauidis, idem esse, quod impuritatem peccati, quae inest cordi, & cuius
causa cor immundum est & nominatur, ex gratia remittere, ne ampliùs immundum
sit. Quiuis hîc animaduertere potest, Lutherum Dauidis verba, non ex sententia
aduersarij, de creationesecundùm ipsam essentiam noui cordis, sed tantùm de
mundicia eius vsurpasse.
Idem confirmat vox Hebraea, Chiddesch, quae restaurationem denotat, quemadmodum
D. Lutherus eam Psal. 57. declarat. Negari autem non potest, restaurare cor,
& secundùm essentiam cor aliud nouum creare, tam longè à se remota esse,
quàm oriens distat ab occasu.
Id etiam comprobant voces, (In me: da mihi) quae citra disputationem, Dauidis
cor, secundùm essentiam, & mutationem seu renouationem, quae in illo fit,
aut fieri debet, discernunt.
Hoc ipsum confirmant Lutheri verba Psal. 51. Tom. 4. Ienensi, fol. 397. Non est
in potestate nostra tale cor assumere, sed est creationis diuinae. Tale cor,
inquit, quo manifesto docet, sese non secundùm essentiam cor nouum intelligere,
quod essentialiter à priori distinctum sit: sed de puritate & sanctitate,
verùm, quaecunque tandem sese offerunt, ea isti homines, pro confirmatione
erroneae suae opinionis arripiunt.
Sic verborum Ezech. 11. Et dabo illis cor vnum, & Spiritum nouum tribuam in
visceribus eorum, & auferam cor lapideum de carne eorum, & dabo eis cor
carneum. Et cap. 36. Dabo vobis cor nouum, & Spiritum nouum ponam in medio
vestri, & aufera̅ cor lapideum de carne vestra, & dabo
vobis cor carneum: & Spiritum meum pona̅ in medio vestri,
&c. non ea est sententia, quam heteroclyta ista ingenia verbis DEI
affingunt, videlicet, in regeneratione hominis cor, secundùm essentiam,
essentiale eximi: & secundùm essentiam cor ei aliud nouum donari. Phrasis
enim, auferre cor lapideum, & dare cor carneum, nihil aliud significat, quàm
mundum, bonum & istiusmodi cor donare, quod DEO fidat, credat, secundùm
mandata eius ambulet: seu immundiciem, prauitatem, duricie̅ &
pertinaciam cordis humani auferre, & in eius locum in corde, mundiciem,
sanctitate̅, &c. creare, seuvera̅ fidem in
Christu̅ donare, qua postea in pręceptis eius ambulare
possimus. Haec etia̅ sententia est Ier. cap. 31. scribe̅tis. Legem meam pona̅ in visceribus eoru̅, & in corde eorum scriba̅ eam, quod pię mentes
facilè vident & intelligunt. Qua̅diu enim cor seu anima,
|| [ID00080]
velut Rex & Imperator, non est
bona, alterum etiam non consequitur: quando autem cor seu anima bona per fidem
emundatur & sanctificatur, tum certè obedientia erga DEVM, & dilectio
proximi sequitur. Non est autem necessarium, secundùm essentiam, cor
essentialiter nouum creari, quemadmodum aduersarius nugatur: sed priorem
immundiciem remitti, & cor per Spiritum sanctum emundari & fide donari.
Sic cor quidem secundùm essentiam manet: quo ad interiorem autem &
spiritualem mundiciem seu renouationem mutatur, hoc est, pura efficitur, cùm
ante fuisset immunda, DEVM diligere incipit, quem antea oderat. Haec autem
emundatio, in aeterna demum vita perficitur.
Aduersarius allegat dictum Iohan. 3. Nisi quis renatus fuerit ex aqua &
Spiritu, &c. & in de euincere conatur, regenerationem fieri
essentialiter, & peccatum originis ipsum, seu corruptam naturam, quae ex
illius sententia, peccatum originis ipsum est essentialiter, baptizari, emundari
& regenerari. Quis autam non videt, quàm crassè & palpabiliter quasi
verborum Christi peruersione seipsos confundant? Expressè enim Christus inquit:
Nisi homo renatus fuerit. Homo autem in his verbis non idem significat, quod
ipsum peccatum originis. Verùm haec est Christi intentio, corruptum hominem
corpore & animo regenerandum esse, siquidem introire velit in regnum DEI.
Quorsum autem directa est regeneratio? Eo ne & in illum finem directa est,
vt hominis totam naturam, secundùm essentiam, planè aboleat: & nouam
essentiam à priori essentia hominis non baptizati esse̅tialiter
distinctam, introducat? Nequaquam: verùm eò, vt damnata, iniusta, peccatrix,
humana natura à peccato, per remissionem in gratiam recipiatur, per fidem
emundetur & sanctificetur: & per Spiritum sanctum, noua lux, vita &
obedientia in renati hominis corde accendatur & creetur: quo in praeceptis
DEI ambulare possit.
Licèt etiam Christus non expressè dicat: Nisi separatum quoddam accidens seu
accessoria corruptio regeneretur: ad causam nihil facit. Totus enim homo, quo ad
corpus & animam, regenerandus est, non autem, vt aduersarius fingit,
essentiam veteris hominis, quae ipsum peccatum originis est, abolendam, &
nouam essentiam, quae essentialiter à priori distincta sit, creandam esse. Hoc
enim in verbo suo Dominus non docuit: Verùm id docuit, corrupto veteri homini,
qui peccato, quo ad corpus & animam, pollutus est, immundiciem illa̅ & corruptionem, ex gratia propter Christum remitti, &
non imputari, & Spiritum sanctum cor renouare, fidem, agnitionem DEI,
inuocationem, pacem, gaudium, consola
|| [37]
tionem, patientiam, spem, dilectionem DEI & proximi in
eo creare, quo vera obedientia, quae DEO grata sit, eum colere possit, donec in
futura vita, perfectè pura & sancta efficiatur.
Eadem est ratio dicti illius Pauli Tit. 3. Perlauacrum regenerationis. Expressè
enim inquit, DEVM nos saluare per lauacrum regenerationis. Quid intelligit per
pronomen (Nos) Certè non peccatum originis, sed nos homines. A qua autem re
saluat nos per lauacrum regenerationis, saluát ne nos per regenerationem, vt
essentia veteris hominis essentialiter deleatur & aboleatur, & noua
essentia à priori, secundùm essentiam, diuersa creetur: & homo sic
essentialiter nouus homo fiat: & essentialem nouam naturam, secundùm
substantiam acquirat, quemadmodum aduersarius contendit? Nequaquam. Verùm nos
homines saluat, inquit Apostolus, nos homines regenerat. A qua verò re nos
saluat? Respondet Angelus Matth. 1 Saluum faciet populum suum à peccatis suis.
Hoc satis perspicuè & clarè estdocere, in regeneratione, seu iustificatione
hominis peccatoris coràm DEO, hominem non essentialiter in nouam creaturam
transmutari: sed veterem, malam & corruptam naturamà peccatis, quibus
infecta & corrupta est, mundari & saluari. Hoc qui intelligere non vult:
is coecus est, & de industria vult decipi.
Hanc veram & orthodoxam explicationem confirmant Lutheri testimonia, quae
aduersarius hoc loco allegat.
Veluti cum dicit: Paulum asserere, hominem necesse esse, nouam fieri creaturam,
rectè dictum est: & idem nos asserimus. Lutherus autem non dicit, Peccatum
originis necesse esse regenerari, & nouam creaturam fieri. In summa, homo
& peccatum originis non sunt eadem, quemadmodum hactenus saepiùs est
demonstratum. Quare dictum Lutheri non pro ipsis contra nos, sed pro nobis
contra ipsos facit.
Item, Tom 5. Ienensi, pag. 248. inquiens, Homini esse renascendum, è peccato ad
iustitiam, è reatu & condemnatione ad innocentiam & gratiam. His enim
verbis expressè declarat, se regenerationem non intelligere, de essentiali
mutatione corruptae naturae in nouam & aliam essentiam, quae priori, quo ad
essentiam, sit dissimilis, sed de eo, quod homo regeneretur è peccato ad
iustitiam, ex reatu & condemnatione, ad innocentiam & gratiam. Manet
igitur homo, quo ad naturam & essentiam, idem homo: loco autem peccati,
acquirit per regenerationem, iustitiam, loco reatus & condemnationis,
innocentiam & gratiam,
|| [ID00082]
& sic
regeneratur. Homo, inquit Lutherus, ista acquirit, non ipsum peccatum
originis.
(E. 2. fac. 1.)
Aduersarius singulariter allegat dictum Lutheri è secundo Tomo latino: in quo his
verbis aduersus Latomum eum scripsisse perhibent: Gratia DEI renouat, mutat,
& in nouos homines transformat de die in diem, & res ista seriò agitur,
non respectibus tollendis, sed substantia & vita mutandis. Non extat verò
hoc dictum in libro illo Lutheri, contra Latomum, è quo allegatur. Quòd si verò
maximè in eo extaret, nihil decederet veritati. Verum enim est, DEVM nostram
essentiam & vitam, sua gratia mutare, dum corda fidelium de die in diem
renouat, & dona, quae in illis accendit, adauget. Quòd autem cor
essentialiter, in aliud cor secundùm essentiam transmutet: id Lutherus non
asserit, verùm istorum hominum proprium est figmentum. Sic etiam scribit
Hieronymus in 13. cap. Matth. In ista non mutatur substantia, sed voluntas,
subintellige, in nouam voluntatem, quae nouas habet vires.
(E. 4. fac. 2. &
sequent.)
Non etiam quaestio est, de virtute sacri Baptismatos, de qua multis etiam verbis
agit aduersarius: quam nos non negamus, sed toto pectore fatemur: verùm id in
quaestionem venit, an peccatum originis ipsum, in remissionem peccatorum
baptizetur & regeneretur. Et controuersiam illam vel sola verba illa Lutheri
decidere possunt, quae aduersarius pro se, verùm falsò allegat.
O cellus vt fit aspicit Effusio liquoris: Sed Spiritu vim perpicit CHRISTI fides cruoris. Fluenta sanguinis rubra Videntur hac tuente. Quae cunctasanant vulnera, Accepta de parente, Et quolibet patrante. In his enim verbis D. Lutherus disertè se explicat, in Baptismo homines regenerari: & sacrosanctum Baptismum omnem morbum curare, quo & ab Adamo hęreditario malo & nostra culpa contracto laboramus. Intelliguntautem omnes piae & veritatis amantes mentes, D. Lutherum initiò inter peccatum originis, quod morbum appellat, ab Adamo hae
|| [38]
reditario malo contractum, & inter nos homines, qui in
sacro baptismate ab istiusmodi malo sanandi sumus, discernere: Deinde sacrum
Baptismum, hominem baptizandum, secundùm essentiam non mutare, seu in aliam
essentiam essentialiter transformare, sed morbum, quo humana natura &
essentia correpta est & laborat, sanare, & ex gratia condonare &
tollere. Tertiò, Luthero ne in mentem quidem venisse, statuere, corruptam
naturam esse peccatum originis ipsum essentialiter. Haec enim illius doctrina
& opinio si fuisset, non scripsisset, hominem in Baptismo, à morbo peccati
originis, à suo ipsius morbo, qui ab Adamo ipsi ingenitus, sanari. Haecautem
& absurda & blasphema doctrina foret. DEVM precamur, vt simpliciorum
oculos aperiat, quò manifestam veritatem videre queant, nec ab insanis istis
hominibus diutiùs se circumduci patiantur.
Quo pacto etiam quaeso illa inter se cohaerent, quòd aduersarius scribit,(F. 1. fac. 2.) si quis
dicat, Homo non potest ipsum peccatum esse, idem esse ac si quis dicat, Homo non
potest esse iniustus & legi diuinae repugnare. Quis vnquam ineptiora
magísque puerilia audiuit? Peccatum enim ipsum esse, & iniustum esse &
DEI legi repugnare: nec sunt, nec erunt aequipollentes res & phrases.
Asserere, hominem peccatum ipsum esse, blasphemia est, & mendacium: docere
autem, hominem ipsum iniustum esse, & Legi diuinae repugnare, veritas est.
Vtramqueautem phrasin eiusdem sententiae esse, quando dicitur, hominem esse
peccatum ipsum: & hominem ipsum esse iniustum, id in aeternum probari non
poterit, quod pueri etiam in Scholis norunt, qui tantùm didicerunt, vtsciant,
quod discrimen sit, inter substantiuum & adiectiuum. Iniustitiam esse,
substantiuum est, iniustum esse, adiectiuum est, quod duo complectitur, iniustum
hominem, tanquam subiectum, & iniustitiam, quae homini seu humanae naturae,
tanquam accidens quoddam corrumpénsque malum inest. Quod si etiam sequeretur,
peccatum & iniustitiam ipsam esse, & iniustum esse, eadem esse, &
non distincta: necesse esset, ante lapsum, iustum Adamum, non hominem, sed DEVM
ipsum fuisse. In solo enim DEO, & aliàs in nulla creatura, neque angelo
neque homine, iustum esse & iustitiam esse eadem sunt: cùm DEVS iustitia sit
ipsa, & iustitia in DEO nihil aliud sit, quàm diuina ipsius essentia
ipsa.
Si autem antelapsum iustitia non fuitipsa Adami essentia, sed aliquid in natura
ipsius & essentia, quemadmodum id verum est & manet in aeternum: (nisi
in istum furorem incidere placeat, vt fingamus, Adamum antelapsum, DEVM fuisse)
necessariò sequetur, iniustitiam,
|| [ID00084]
malitiam, immundiciem & peccatum in Adamo & omnibus hominibus, post
lapsum, nequaquam Adae corruptam naturam, seu hominis corruptam naturam ipsam
esse, sed ab ea distinctam: id quod certissimò verum.
DEVM PECCATO ORIGINIS non esse propitium.
(H. 1. fac. 2. &
sequent.)
POSTEA transitaduersarius ad illam etiam horrendam blasphemiam, quemadmodum vna
exaltera semper consequitur: DEVM ipsi peccato propitium esse: peccatum ipsum in
gratiam recipere: eámque aliquot paginis defendit. Nosautem breuibus, sed firmis
fundamentis ad singulas respondebimus.
Initiò, quòd dicta D. Lutheri attinet, quibus se peccatum ipsum nominat,
hancveram opponimus declarationem, quam Lutherus ipse nobis suppeditat Tom. 4.
Ienensi, ad Gal. cap. 3. quo loco scribit: Si hominem peccatum appellamus,
tantundem esse, quòd fi quem lingua latina maximè improbum & scelestum
notare volumus, scelus appellamus. Vnde apparet, vocabulum peccati, in
istiusmodi testimonijs non accipi propriè, ipsum esse peccatum: sed significare,
peccato horribiliter corruptum esse.
Cùm igitur D. Lutherus passim in suis libris se peccatum ipsum nominet, ex ipsius
proprijs verbis veram habes declarationem, quomodo ea intelligenda tibi sint,
videlicet, non quòd essentialiter, secundùm naturam & essentiam ipsam
peccatum sit: sed quia natura ipsius tota immunda, per peccatu̅
omni ex parte corrupta, & irae DEI rea est. Et haec ipsi abstractiua
loquendi ratio est, quemadmodum verba ipsius se habent ad Galat. cap. 3. quo
loco sic scribit: Cùm peccator venit reuera in noticiam sui, non solùm sentit se
peccatorem concretiuè seu adiectiuè, sed etiam abstractiuè, hoc est, non solùm
videtur sibi calamitosus, sed ipsa calamitas, non solùm peccator &
maledictus, sed ipsum peccatum & maledictum. Vt in lingua latina, cùm
excellenter volumus aliquem fignificare scelestum, vocamus eum scelus.
Qui ad haecattendit, facilèomnia dicta D. Lutheri, quae in hoc certamine perperam
allegantur, respondere, & erroneam opinionem, quam sub Lutheri phrasibus,
quae in concreto de peccatore & peccato loquun
|| [39]
tur, subintroducunt, à
se repellere, & alios etiam, vt sibi caueant, praemonere potest.
Deinde, quantum aduersariorum temeritatem attinet, qua nos arguunt, quòd de
peccato originis more Manichaeorum doceamus, esse illud separatam essentiam à
natura humana, & extrinsecus in eam peruenire, &c. Et DEVM huiusmodi
peccato non esse propitium, &c. ad ea in quarta parte solidis fundamentis
respondebimus. Hoc loco de reipsa acturi: aduersariorúmque probationes, quibus
demonstrare conantur, DEVM peccato originis propitium esse, examinaturi.
Prolixum illud commentum, DEVM peccato quidem non esse propitium secundùm legem,
verùm secundùm Euangelium. Item, secundùm Euangelium, DEVM non in aeternum
peccatum odisse, sed illud in gratiam recipere: istiusmodi scatet blasphemijs
& horrenda confusione Legis atque Euangelij, vt ne tetrior quidem excogitari
& in lucem proferri potuisset.
Disertè asserimus, nec Legem, nec Euangelium ipsi peccato propitium esse aut fore
in aeternum.
Lex peccato reconciliari non potest, cùm lata sit, vt monstret peccatum Rom. 3.
vt in conscientia augeat peccatum Rom. 7. vt iram operetur in corde peccatoris.
Rom. 4. Imò vthominem occidat Rom. 7. 2. Corinth. 3.
Euangelium verò, licèt gratiam & remissionem peccatorum annunciet:
praedicatio tamen illa in eum finem non est directa, vt ipsi peccato DEVS
propitius sit aut fiat: sed peccatori. Christus Matth. 9. non inquit: Veni vt
peccatum ad poenitentiam vocarem, illi popitius essem, aut illud saluarem: verùm
peccatores. Iohan. 3. non inquit, DEVM filium suum misisse, vt peccato esset
propitius, illúdque saluaret: verùm mundo, quo peccatores saluentur.
Angelus Matth. 1. non dicit, IESVS vocabitur, vt peccatum saluet, aut illi sit
propitius: sed vt populum suum saluum saciatà peccatis suis. Similiter Paulus 1.
Timoth. 1. non asserit, CHRISTVM IESVM venisse in mundum, vt peccatum in gratiam
recipiat: eiúsque misereatur: sed ego, inquit, misericordiam sum consequutus.
Item, non dicit, CHRISTVM IESVM venisse in mundum, vt peccatum, sed vtpeccatores
seruaret.
Horrenda igitur est blasphemia fingere, Euangelium peccato annunciare gratiam:
vel DEVM ipsi peccato propitium esse aut fore, ad
|| [ID00086]
quam omnes pias mentes cohorrescere
decet, eamque, instar praesentissimi veneni, fugere & vitare.
Testimonia Scripturae, quae aduersarius pro confirmatione huius blasphemiae
producit, nullum ad probandum pondus habent.
Psal. 25. orat quidem Dauid, inquiens (vt D. Lutherus reddidit) propitiaberis
peccato meo, multum est enim. Quod si quis certus esse desideret, num Dauidis
& Lutheri sententia sit, DEVM ipsi peccato propitium esse, an verò, vt
homini, qui gratiam implorat, peccatum remittat, cùm ex fontibus ipsis sacrae
linguae, tum ex versione D. Lutheri, talis certior fieri potest. Verbum enim
Vesalachta, co̅donabis peccatum meu̅, quod Hebraeo
in textu habetur, non idem propriè significat, quod ipsi peccato propitium esse:
sed homini peccatori, qui multis peccatis oneratus est, gratiam conferre, illius
misereri: cùm ratione peccati, reus sit aliàs irae & poenae. In versione
autem Lutheri, licèt illa habeantur verba: propitiaberis peccato meo, multum est
enim: non de ipso tamen hoc intelligit peccato, DEVM illi propitium fore: sed de
Dauide, deque omnibus contritis mentibus, quae remissionem peccatorum seriò
implorant: ne DEVS peccata illis sua imputet ad condemnationem: sed vt mera ex
gratia & misericordia recipiat. Nihil igitur aliud sibi vult phrasis illa,
propitiaberis peccato meo, quàm, ne imputato mihi peccata mea: sed remittito ex
gratia illa mihi. Dauid enim implorat gratiam & remissionem peccatorum, non
ipsum peccatum.
Praeterea Lutherus Psal. 103. quo loco idem verbum habetur, hoc modo id reddidit:
Qui omnia tibi peccata remittit. Et Psal. 130. Apud te enim est remissio.
Vnde manifestò patet, nec Dauidem nec Lutherum statuisse, DEVM ipsi peccato
propitium esse.
Et quidem Dauidem non docuisse, DEVM ipsi peccato propitium esse aut fore, abundè
ex eodem 25. Psal. constat.
In eo enim expressis verbis distinguit, inter peccatorem & peccatum,
inquiens: Delicta iuuentutis meae & ignorantias meas ne memineris: Secundùm
misericordíam tuam memento mei, propter bonitatem tuam.
Similiter Psal. 51. dum petit: Miserere mei DEVS, secundùm magnam misericordiam
tuam: & secundùm multitudinem miserationum tuarum dele iniquitatem meam.
Precatur DEVM, sui peccatoris scilicet misereri: iniquitatem autem suam secundùm
multitudinem mise
|| [40]
tationum
eius petit deleri. Hoc sanè non est, docere, DEVM peccato, seu originis peccato
ipsi, propitium esse.
Exod. 32. Haec verba habentur: Auertere à furore irae tuae & poeniteat te
mali huius, contra populum tuum. Et iterum, obsecro, peccauit populus iste,
peccatum grande: fecerunt enim sibi DEOS aureos. Et nuncaut dimitte peccatum
eorum, &c. Haephrases, secundùm aduersarij opinionem, idem fignificant, quod
DEVS peccato est propitius. Vbi exarserit furor Domini, nisi in tempore
poenitentiam egerint, deprauatores isti Scripturae miserè peribunt.
Vt vno verbo ad deprauationem ipsam respondeamus, certum est, primum, apud Mosen,
dictum, non agere de malo culpae, sed de malo poenae: quemadmodum id euidens est
ex ipsis vocabulis, quibus eo loco lingua sancta vtitur. Haec enim illorum
verborum propria est, ea in lingua significatio, poeniteat te mali huius contra
populum tuum, hoc est, remitte poenam, quam populo tuo es comminatus. Quod
omnibus constat, qui aliquam eius linguae habent cognitionem: quod etiam è mox
sequentibus verbis facilè est colligere, dum Moses scribit: Poenituit Dominum
mali, quod loquutus fuerat ad faciendum populo suo. In lingua enim sancta idem
vocabulum habetur mali seu poenae: quod in Mosis oratione paulò ante
expresserat: & quod D. Lutherus voce malitiae reddiderat. Propriè igitur
loquendo, idem significat, quod remitte & condona populo tuo commeritam
poenam, cuius, institutione & adoratione aureli vituli, sesereos
fecerant.
In alteta autem precatione, horum verborum, Et nunc remitte illis peccata, à
turbulentis istis ingenijs, illam fingi interpretationem, idem significare, quod
propitius esto peccatis ipsorum: & ex ea consequi, DEVM ipsi peccato esse
propitium: animaduertunt & intelligunt omnes piae mentes, merum figmentum
esse, & petulantissimam deprauatione̅ verbi diuini: quam DEVS
impunitam non dimittet. Moses enim, vt Lutherus reddidit, clarè inquit, Remitte
illis peccata ipsorum. Non verò, sis pecccato propitius.
Pronomen etiam ipsorum, quo Lutherus in translatione sua vtitur, istiusmodi
deprauationem non admittit. Adde quòd in lingua etiam sancta, citato in loco,
haec verba habeantur: Thissa Chatthatham, hoc est, tolle seu aufer peccatum
ipsorum.
Exod. 34. nihil quicquam habetur, quod eò detorqueri posset, DEVM ipsi peccato
esse propitium: sed eò verba illa directa sunt, DEVM,
|| [ID00088]
cùm sit misericors, clemens, patiens,
& multae miserationis, atque verax, qui auferat iniquitate̅,
& condonet peccata, propitium eum fore, & miseris nobis mortalibus
peccata nostra non imputaturum. Hoc verò non est ipsi peccato propitium
esse.
Quòd autem aduersarius obijcit, DEVM ipsi etiam peccato originis, hoc est, veteri
nostro Adamo, seu toti corruptę essentiae esse propitium, ipsiúsmet figmentum
est: quo perpetuò corruptam humanam naturam, & corruptionem, seu peccatum
originis ipsum, horrenda blasphemia confundit. DEVS corruptae naturae peccata
remittit, quae illi ob veterem Adamum adhaeret, propter Christum. Peccato autem
originis nihil remittit: non est etiam illi propitius: verùm illud abolet, &
in nobis mortificat: donec in extremo iudicio, illo prorsus liberabimur.
Dauid Psal. 143. non orat DEVM, vt peccato originis sit propitius, quemadmodum
aduersarius nugatur: sed precatur, ne DEVS propter peccatum originis, aut alia
actualia peccata se in iudicium vocet.
Moysis verba Exodi 34. Domine obsecro, vt gradiaris nobiscum. Populus enim durae
ceruicis est, & auferas iniquitates nostras atque peccata, nósque possideas:
aduersarij blasphemias nullo modo co̅firmant. Moses enim in
suísmet ipsius verbis seipsum explicat, quid intelligat, videlicet, DEVM
peccatis filiorum Israël, velle propitium esse: illáque ab ijsdem auferre: Id
quod vox Hebraea, Nasa, (v. 7.) qua dicto loco vtitur, clarè indicat. Item, quòd
expressè inquit: Nósque possideas, seu in haereditatem accipias. Vnde manifestò
sequitur, Moysis sententiam non fuisse, DEVM ipsi peccato esse propitium: sed vt
homini, qui peccato pollutus est, sit propitius: illorúmque ipsis iniquitates
remittat & auferat: quo ipsius haereditas esse & manere possint. Haec
enim propriè sententia Moysis si fuisset, DEVM ipsi peccato esse propitium: ita
orandum ei fuisset: DEVS ipsi peccato sis propitius: & omittendum fuisset
pronomen (nostro) sic etiam precandum ei fuerat: sitque peccatum ipsum
haereditas tua: non autem in haereditatem nos accipito. In summa, vocabulum
(Iniquitas) non ibi de substantia, natura & essentia hominis intelligi
potest, aliàs frustrà positum pronomen, (nostrae) item vocabulum (haereditatis)
Nisi forte cum istis hominibus nugari placeret: Populum DEI esse, haereditatem
eius esse: peccatum & iniquitatem esse, eadem, miniméque distincta esse: id
quod, DEO nos iuuante, nunquam facturi sumus.
Eiusdem cum prioribus sententiae est oratio Salomonis, 1. Reg. 8, Propitius esto
peccato populi tui: hoc est, remitte populo tuo peccata
|| [41]
sua. Salomonis enim intentio si
fuisset, DEVM ipsi peccato propitium fore: non pro peccatis populi instituenda
ipsi fuisset deprecatio: sed cum hisce phanaticis, nugandum eifuisset, DEVS
propitius esto peccato tuo: omittendaeque illae fuissent voces, populi tui.
Ieremiae 31. Seipsum explicat Dominus, quid illis verbis intelligat, inquiens:
Propitiabor iniquitati eorum: & peccatorum tuorum non memorabor ampliùs,
videlicet, quòd fidelibus peccata ipsorum imputare nolit: sed ea ex gratia
remittere velit. Sic enim propitius est peccato: non quòd peccatum ipsum in
gratiam recipiat: id enim nunquam fit: sed quando fidelibus, vt diximus, ex
gratia peccata remittit, eorúmque propter Christum non ampliùs meminit. Summa,
voces illae (peccatorum illorum) clarè distinguunt, inter peccatum ipsum, cui
DEVS nunquam fit propitius: sed quòd remittit, non imputat: & inter homines,
quibus est propitius, & quibus peccata & iniquitates condonat.
Quare immotae veritatis est, DEVM peccatores quidem in gratiam recipere:
nequaquam aute̅ peccatum ipsum: sed peccato in ęternum irasci.
Magnaeigitur peruersitatis est, aurea sacrae Scripturae testimonia, tàm turpiter
deprauare, & falsò contra veritatem interpretari.
Libenter cum D. Luthero, in Ienensi Postilla Ecclesiastica Tom. 3. in Festum
Iohan. Baptistae, fatemur: Mundum per remissionem peccatorum esse seruandum.
Inde verò propriè loqu endo aliud non sequitur, quàm mundum extra Christum
iniustum esse: & peccatis plenum atque refertum. Si enim D. Lutheri
sententia fuisset, mundum, propriè loquendo, peccatum ipsum esse: non dixisset:
mundum per remissionem peccatorum saluandum esse. Vocabulum enim Mundi subiectum
monstrat, quod per remissionem peccatorum est saluandum: non autem docet,
peccatum esse recipiendum in gratiam & saluandum. Absurdè etiam diceretur.
Peccatum per remissionem peccatorum est saluandum. Huncenim in modum necessariò
instituenda foret oratio: si mundus & peccatum idem significarent: nullúmque
discrimen esset inter mundum seu homines, atque inter ipsum peccatum.
Aduersarius etiam ipse allegat Pauli verba Ephes. 2. Ex gratia vos saluati estis:
& maiusculis literis notat pronomen Vos. Quaerit etiam, qui nam illi sint:
& respondet, Vos, qui quondam mortui eratis in peccatis, His verbis opus non
esset: modò aduersarijs oculi essent ad videndum, ad audiendum, qui ipsis, proh
dolor, no̅ sunt: aliàs vel vnico hoc testimonio permouendi essent,
vt à blasphema sua opinione recederent.
|| [ID00090]
Illud ipsum enim pronomen Vos, perspicuè & clarè discrimen inter corruptam
& per peccatum ad bonum planè emortuam naturam humanam, atque ipsum peccatum
originis indicat. Vos, inquit, saluamini, A quo malo? A peccato scilicet, Matth.
1. Necesse igitur est, aliud esse peccatum, à quo saluamur: & aliud nos
homines, qui salutem per fidem in Christum exgratia consequimur.
(I. 2. fac. 1.)
Praetendit etiam aduersarius: rationi quidem absurdam esse propositionem, DEVM
peccato esse propitium. Nos contrà dicimus, etiam fidei respectu propositionem
illam esse absurdam: & per se planè basphemam: cùm in sacris literis non
tantùm nullo nitatur fundamento: sed omnia etiam turpiter peruertat &
inuoluat: quae verbum DEI expressè distinguit.
Omnia testimonia de iustificatione hominis peccatoris coram DEO, quae magno
numero aduersarius hoc loco allegat, Rom. 3. Omnes sumus peccatores, &c.
Iustificamur autem gratis, Rom. 4. DEVS est, qui iustificat impiu̅, Rom. 5. Reconciliati sumus DEO, ab ira eius seruamur: Et quę his similia
sunt alia, è diametro cum blasphemia aduersarij pugnant. Iustificamur, inquit
Apostolus, non ipsum peccatum originis. Impium iustificat DEVS: non ipsam
impietatem & peccatum. Sumus reconciliati DEO, non autem peccatum originis.
Nos seruamur ab ira: non ipsum peccatum originis.
(K. iij. fa. 2.)
Disputat praeterea aduersarius de dicto illo Ioh. 3. Ideo apparuit Filius DEI, vt
destruat opera Diaboli. Accusat nos, quòd perperàm doceamus appellando peccatum
originis venenum Diaboli, seu, quod idem est, confere̅do illud
lethali veneno, quo humana natura & essentia funditùs corrupta sit: interim
verò non meminit, ipsum Spiritum sanctum, Rom. 3. quando probare conatur, omnes
homines esse peccatores, & per peccatu̅ originis corruptos,
peccatum veneno ex Psal. 140. conferre inquiens: Venenum aspidum sub labijs
eorum. Quòd si igitur Spiritus sanctus per os Dauidis & Pauli, non est
veritus peccatu̅ originis veneno aspidum comparare: quam ob causam
eadem comparatione vti nobis non liceret: aut si ea vteremur, qua de causa malè
faceremus? Peccatum originis est venenum aspidu̅ sub labijs: non
igitur peccatum originis & labia eadem sunt. Peccati autem originis eadem
est ratio sub omnibus membris, quae est sub vno. Totus enim homo, animo &
corpore, peccato originis totus est corruptus. Quòd si labia non sunt ipsum
peccatum originis, cor etiam, anima, ratio, intellectus, voluntas, & quae
reliquae sunt & nominantur ho
|| [42]
minis partes, non sunt ipsum peccatum originis, sed peccatum
originis illis omnibus inest, omnes venas, medullas, ossa, corpus, animam,
vires, omniaque pertransijt: Si igitur corpus, anima, cor, intellectus, voluntas
hominis, &c. peccatum originis ipsum non est: necesse est, peccatu̅ originis nullam esse in homine substantiam: extra etiam hominem
non subsistit. Necessariò igitur sequitur, horrendum illud &
calamitosissimum esse in homin eaccidens.
D. Luth. etiam multis locis peccatum originis venenum appellat, quemadmodum suprà
audiuimus: inprimis verò Genes. 42. inquit: Hoc autem capite memorabilis est
descriptio, horribilis illius mali seu peccati, quod est profundum venenum in
anima & corpore, ita vt etiam velit pro iustitia haberi. Et Genes. cap. 3.
Homo peccati venenum à Sathana infusum hausit. Et tamen magno clamore
aduerfarius hanc loquendi formam exagitare non erubescit.
Obijciunt verò, venenum esse singularem substantiam seu essentiam. Quòd si
peccatum originis est venenum, necesse est, separatam quandam illud esse
essentiam seu substantiam, quae in hominis essentiam infusa sit: id quod olim
Manichaei asseruerunt.
Siquidem phanaticiisti homines intelligerent, quid Metaphoricae sint locutiones,
hac non vterentur obiectione. In his enim phrasibus similitudines desumuntur à
substantijs, & acco̅modantur ad accidentia: nulloque tamen
modo sequitur accidentia propterea essentiam seu substantiam esse ipsam. Per
similitudinem dicitur, quando peccatu̅ originis venenu̅ appellamus, no̅ simpliciter & propriè, id quod
pię mentes omnes intelligu̅t.
Olim eadem, simili modo Augustino obiecit Iulianus, quòd cum Manichaeis doceat,
peccatum esse substantiam seu essentiam, quia illud conferat frutici, quae sit
substantia: cùm tamen peccatum originis non sit substantia. Eleganter autem ipsi
respondit Augustinus contra Iul. lib. 6. cap. 8. Propter quod ego vitio, quod
generi humano Diabolus tanquam vulnus inflixit, quam uis nullo modo substantia
sit, rectè tamen adhibui de substantia similitudinem, vt fruticem dicerem.
Huiusmodi enim metaphorae seu similitudines admodum communes sunt &
notae.
Eadem ratione nobiscum & cum nostris Ecclesijs isti agunt homines, cùm
peccatumoriginis venenum esse dicatur, quod substantia est, cui co̅fertur: quòd obijciunt, necessariò consequi, doceri peccatu̅
originis esse separata̅ substantia̅ in homine,
quemadmodu̅ olim Manichaei blasphemârunt: cùm nostrae
Ecclesiae metaphoricè tantùm & per similitudine̅, non propriè
illud sic appellent.
|| [ID00092]
Quemadmodum igitur Augustinus, Iuliano, perspicuè & rotundè respondit, &
hac solida vsus est declaratione, quare peccatum originis frutici, quae
substantia est, compararit: & tamen certò statuat, peccatum originis, nullo
modo esse substantiam: ita disertè etiam aduersarijs respondemus, nos quidem
similitudine veneni, quod per se substantia est, vti: & tamen cum Augustino:
inprimis verò cum tota sacra Scriptura veteris & noui Testamenti, statuere
& docere, peccatum originis, nullo modo esse substantiam in homine, sed
malum & calamitosissimum esse accidens, quod à natura & essentia hominis
possit separari.
Diaboli opus, quod filio DEI est destruendum, non est essentialis transmutatio
hominis, aut animae, rationis, voluntatis, in summis suis gradibus, in aliam,
malam essentiam, quę ipsum peccatum originis sit essentialiter. Hoc detestandum
figmentum est aduersariorum: non verò doctrina verbi diuini. Diabolus enim
nullam eiusmodi essentialem mutationem naturae humanae, seu animae, rationis
& voluntatis, neque in summis neque intermedijs, neque infimis gradibus
efficere potest. Essentialem enim formam efficere, seu essentialem
transmutationem animae & corporis introducere, solius DEI est, non Diaboli.
Quid ergo est? Respondemus: Est ipsum peccatum originis, seu tota corruptio in
homine, quoad corpus & animam: cum omnibus fructibus peccati originalis, qui
ex peccato originis, tanquam fonte promanant. Quorum malorum Diabolus suggerendo
& instigando causa fuit: quod etiam malum ab Adamo in omnes homines est
deriuatum.
Si corrupta natura hominis, ipsum esset peccatum originis, quemadmodum aduersarij
fingunt: necesse esset eam, filium DEI, velut opus Diaboli, cuius ille causa
esset, destruere, abolere, & nouum hominem creare, qui essentialiter, &
secundùm naturam à priori esset distinctus. Non autem venit, vt corruptam
naturam hominis destrueret: & nouum hominem, essentialiter à priori homine
distinctum, crearet: verùm vt illum ipsum hominem, & illam ipsam naturam,
quam condiderat, à pecca to, cuius author & causa Diabolus, item ab ira DEI
& aeterna condemnatione liberaret & saluaret.
Quare necesse est, esse discrimen inter corruptam naturam, & inter
corruptionem ipsam, cuius Diabolus causa & author. Nec potest corrupta
natura ipsum esse peccatum originis, quod destruendum est filio DEI, & à quo
corrupta natura est liberanda.
Non etiam destruere, dissoluere, idem significat, quod substantiam
|| [43]
à Diabolo formatam, aut
essentialiter transmutatam destruere: & exilla essentialiter, aliam
substantiam efficere, quae DEO similis, & Legi conformis: Verùm, quemadmodum
dictum est, significat peccatum originis, & quicquid illi affine &
cognatum est, quo homo, quoad corpus & anima̅, corruptus est,
ex gratia condonare, & propter Christum remittere: & per Spiritum
sanctum crucifigere, expurgare, mortificare, donec homo fidelis in resurrectione
mortuorum, omnimodo ab illo liberabitur: & plenè, quo ad corpus & animam
omnésquevires, integer & sanctus erit.
D. Lutheri dictum Dominica 12. Trinita. in Ienensi Postilla, quando inquit:
Filius DEI distruit opus Diaboli, peccatum, mortem, infermum, nostram doctrinam,
non figmentum aduersariorum, quod quiuis facilè intelligit, confirmat.
Horrenda Scripturae deprauatio est, quòd aduersarius praetendit,(L. 2. fac. 2.)
ęquipollentia esse vocabula, peccato esse propitium, peccatum abolere, in
profundum maris abijcere, &c.
Item, in gratiam illud recipere, peccatum remittere: maximè cùm sub istis
phrasibus lethale venenum suum occultent, DEVM ipsi peccato esse propitium. De
quibus phrasibus paulò antè diximus, nullo eas verbi DEI niti fundamento &
certitudine: sed meram esse eiusdem deprauationem.
Postea si verum esset, corruptam naturam, ipsum esse peccatum originis: testetur
autem Scriptura, DEVM illud cum omnibus suis fructibus abolere, & in
profundum maris abijcere: Secundùm opinionem aduersariorum blasphemam, necesse
esset, corruptam naturam ipsam aboleri, & in profundum maris abijci. Haec
sanè praeclara scilicet foret iustificatio & saluatio miseri peccatoris, à
qua DEVS clementer nos protegat, Amen.
Hoc etiam vtitur aduersarius argumento, quod saepius repetere solet,(L. 3. fac. 2.) ea spe
fretus, fieri non posse, vt ad illud respondeamus.
Peccatum est, quicquid legi diuinae repugnat (& hanc propositionem concedit
liber Concordiae.)
Corrupta humana natura legi diuinae repugnat.
Quare corrupta hominis & legi diuinae repugnans natura, seu, quod idem est,
corruptus, seu legi diuinae repugnans homo est peccatum. Talis autem legi
repugnans homo seu natura, non potest peccatum actuale esse, sed necesse est,
esse eum peccatum originis, hoc est, radicem, fontem & authorem omnium
peccatorum actualium.
|| [ID00094]
Suprà autem mox sub initium huius refutationis indicatum est, maiorem huius
argumenti, addito signo vniuersali, non esse veram: & horrendam committi
confusionem rerum distinctissimarum: quare totum etiam argumentum non habet
locum.
Et sanè, qui paulò accuratiùs argumentum hoc considerat, intelligit, nullius esse
ponderis: cùm, vt in Scholis loquuntur, & iam dictum est, Maioraddito signo
vniuersali nullo modo sit vera. Non enim omne, quod legi repugnat, sine
discrimine ipsum peccatum est. Quare argumentum hoc nihil concludit. Si corrupta
natura & peccatu̅ originis absque omni discrimine eadem
essent, esset illius argumenti quaedam species. Hoc cùm ita se non habeat, nihil
argumento isto euincere possunt.
Quòd si obijciant, Legem DEI accusare totam naturam, id quod etiam nos asserimus,
& non aliquid in natura immundum, tanquam accidens malum, &c. nihil
etiam eos iuuat. Licèt enim Dominus DEVS per Legem totam naturam, idque meritò,
accuset: non tamen illam accusat, quatenus natura, creatura & opus est eius:
sed quia per peccatum originis, tota corrupta est. Ideò Esaias inquit Propheta,
cap. 59. Iniquitates vestrae diuiserunt inter vos & DEVM vestrum: &
peccata vestra absconderunt faciem eius à vobis, ne exaudiret. In his verbis
expressè aliquid nominatur, quod nec DEVS est, nec homo: quodque nec de DEI, nec
de hominis est essentia, videlicet, peccatum: & accusatur homo, non propter
essentiam, sed propter peccatum, quod partim nostrae naturae humanae inhaeret:
partim per illam sese exerit.
Imò obijciunt, concedendum vobis est, Euangelium esse annunciationem gratiae
& misericordiae DEI, & gratuitam promissionem remissionis peccatorum.
Necesse est igitur, vt verum sit, DEVM peccato esse propitium.
Respondemus, Euangelium esse praedicationem gratiae DEI, & gratuitam
promissionem de remissione peccatorum, verum est: Ex eo autem non rectè
consequitur: Necesse igitur est, verum esse, DEVM peccato propitium esse.
Euangelium enimhominibus annunciat misericordiam & gratiam DEI, Marc. 16.
Annunciate Euangelion omni creaturae: & non peccato originis. Rom. 1.
Euangelium est virtus DEI ad salutem omni credenti, no̅ ipsi
peccato. Promittit igitur remissionem peccati, homini peccatori, non autem ipsi
peccato. Nusquam enim dicit Euangelion, Christum venisse peccati causa, vt illi
sit propitius, vt illud seruet: sed propter peccatores, seu propter homines
perditos, vt illos saluet. Antecedens igi
|| [44]
tur verum manet,
Euangelium gratiam & remissionem peccatorum annunciare: consequens autem
falsum est, DEVM ipsi peccato esse propitium: cùm Euangelium peccatoribus, non
peccato gratiam offerat.
Hoc pacto firma & immota manet consolatio Euangelij, de gratia DEI, turbatis
conscientijs: cùm contra in dubium vocaretur, si Euangelium doceret, DEVM ipsi
peccato esse propitium. In conscientijs enim haec dubitatio suboriretur. De me
verò misero peccatore, quid fiet? Verùm quid verbis opus est, haec doctrina
vsque adeò euidens & perspicua est, Euangelium non docere, DEVM peccato, sed
peccatori esse propitium, illiusque peccata remittere: vt necesse fuerit
aduersario, blasphemam suam vocem, DEVM peccato esse propitium, hoc loco sic
explicare (seu peccatum illi propter Christum remittere) quo loco omnes
intelligunt, diuersa esse, hominibus propter Christum propitium esse, &
peccata illis remittere: atque ipsi peccato esse propitium.
Haec etiam orthodoxa doctrina nisi retenta & custodita fuerit, tota(N. 4. fac. 2.) etiam
doctrina Euangelij euertitur & turpissimè peruertitur. Praedicatio enim
Euangelij, non propter ipsum peccatum, vt illud gratiam consequatur, instituta
est: sed propter miseros peccatores, vt gratia illis conferatur, & peccata
ipsis ex gratia propter Christum remittantur & co̅donentur.
Omninò sanè palpabilis est coecitas, haec aduersariorum co̅clusio:
DEVS propter Christum peccatum remittit, ipsum etiam peccatum originis: Ergò
peccato est propitius. Hi enim homines, mera coecitate, qua laborant, im pediti
videre nequeunt, nec intelligere, aliud esse peccatoribus propitium esse,
omniaque peccata condonare: & aliud ipsi peccatopropitium esse. Miseris
peccatoribus DEVS est propitius: remittit illis omnia peccata originis, &
actualia, quo firma fruantur consolatione, & certi sint de aeterna salute.
Peccato ipsi non est propitius, sed remittit illud peccatoribus, non imputat
peccata ad condemnationem, quod omninò facere posset, si ratione seuerae
iustitiae, & non secundùm magnitudinen misericordiae suae nobiscum
ageret.
PECCATVM ORIGINIS NEC baptizari, nec saluari.
POST haec conatur aduersarius demonstrare, Peccatum originis(M. 2. fac. 2. & consequenter per
aliquot pagellas.) baptizari, sanctificari & saluari,
& hoc vtitur argumento: Caro ex gratia baptizatur, ex aqua & Spiritu
renouatur, sanctificatur, illustratur, viuificatur, & propter Christum per
fidem saluatur.
|| [ID00096]
Caro & peccatum originis sunt & dicuntureadem, & pro ijsdem ponuntur
& accipiuntur, quemadmodum ex Paulo & Luthero est videre.
Quare peccatum originis ex gratia baptizatur, ex aqua & Spiritu renouatur,
sanctificatur, illustratur, viuificatur, & propter Christum per fidem
saluatur.
Probationem Minoris considerabimus: & deprehendemus, minorem falsam esse
& blasphemam.
(N. iij. fa. 2.)
Paulus, inquit aduersarius, Rom. 7. carnem & peccatum originis pro re eadem
sumit, inquiens: Peccatum in me omnem excitat concupiscentiam: Et ad Gal. 5.
Caro concupiscit aduersus Spiritu̅. Item, Rom. 6. inquit Paulus,
desiderijs peccati no̅ esse obsequendum. Et ad Gal. 5. inquit:
Opera carnis sunt, adulterium, scortatio, &c. Quare cùm caro & peccatum
eadem sint, & caro baptizetur, necesse est, verum esse ipsum quoque peccatum
originis baptizari.
Intelliguntautem omnes piae & Christianae mentes, horrendam committi
deprauationem in allegatis Pauli testimonijs. Rom. enim 7. no̅ pro
ijsdem vtitur vocabulis, carnis & peccati originis, sed claris &
perspicuis verbis distinguit, quemadmodum id ex allegatis verbis manifestò
colligitur. Non enim inquit, caro & peccatum originis sunt eadem. Item,
nullum est discrimen inter carnem & peccatum originis. Sed peccatum
operabaturin meomnem concupiscentiam. In me, inquit, seu in carne mea (hac enim
phrasi etiam vtitur Rom. 7.) operabatur peccatum omnem concupiscentiam.
Necessariò igitur sequitur, carnem, eum, seu humanam naturam & peccatum
originis, non pro ijsdem accipere: quemadmodum id falsò ei affingit aduersarius.
Et sic vlteriùs etiam sequitur ex verbis Pauli, nequaquam demonstrari posse,
peccatum originis baptizandum esse, quemadmodum aduersarius nugatur.
Galat. 5. Caro concupiscitaduersus Spiritum: carnem hocloco Apostolus nominat
totum hominem, cum omnibus suis viribus, & cum corruptione, seu
concupiscentiae malo, quod carni ingenitum est: & sic carnem dicit
concupiscereaduersus Spiritum. Concupiscit autem aduersus Spiritum, eam ob
causam, non quia caro est, hoc est, homo seu humana natura: sed quia caro seu
humana natura peccato orginis & concupiscentia est corrupta. Inde verò non
sequitùr, carnem & peccatum originis, Paulo esse eadem: & nullum
discrimen esse inter humanam natu
|| [45]
ram & peccatum originis, quod discrimen Paulus Rom. 7.
vehementer, quemadmodum sub initium huius libri ostendimus, vrget. Quare ex his
verbis Pauli nunquam edoceri potest, peccatum originis baptizari &
saluari.
Rom. 6. distinguit Paulus apertis verbis inter hominem seu essentiam eius, &
inter concupiscentiam: ac hortatur baptizatos Christianos, ne peccatum seu
prauam concupiscentiam in mortalibus corporibus suis dom inari patiantur:
illíque sese subijciant & obediant. Haec enim sunt verba Apostoli. Non ergò
regnet peccatum, in vestro mortali corpore, vt obediatis concupiscentijs eius,
sed neque exhibeatis membra vestra arma iniquitatis peccato. Et tamen haec
Apostoli verba aduersarius detorquet, & ex ijs euincere conatur, carnem
& peccatum originis esse rem eandem, cùm tamen Apostolus illis ipsis verbis
contrarium doceat, & hoc dictum vnum ex praecipuis sit, quo aduersarij error
solidè refutari & euerti potest. Quòd si igitur distinctae res sunt caro
& peccatum originis, & nequaquam eadem, quemadmodum aduersarius
contendit, necesse est falsum erroneum & blasphemum esse, quod ex
deprauatione clarissimorum Pauli verborum euincere conantur, peccatum originis
baptizari, sanctificari & saluari. O coecitas coecitas, DEVS seductorum
istorum hominum misereatur, eósque conuertat, Amen.
Gal. 5. Vtitur Paulus his verbis: Desideria carnis sunt, adulterium, &c.
Comprehendit autem hominem cum corruptione, illíque opera haec, adulterium,
&c. attribuit: idque meritò. Constat enim totam humanam naturam, ita peccato
originis corruptam esse, vt nullosalios, quàm istiusmodi malos & damnatos
fructus & opera ferre & edere possit: nisi regeneretur per aquam &
Spiritum sanctum, &c. Non autem statuit, carnem & peccatum originis per
omnia, & sine omni discrimine eadem esse: quomodo enim carnem seu humanam
naturam & peccatum originis, quod in carne seu humana natura habitat,
discernat, paulò antè audiuimus.
Calumniosa igitur deprauatio est verborum Pauli, qua aduersarius vtitur, è quibus
etiam in aeternum probare non poterit, id quod in minore argumenti sui quaerit
& intendit: videlicet peccatum originis, secundùm doctrinam Pauli, baptizari
& saluari. Minorem igitur huius argumenti, falsam & blasphemam, verba
Pauli non excusant.
Testimonia D. Lutheri quod attinet, in quibus explicat, quid propriè significet
vox carnis, non etiam dicitur, carnem & peccatu̅ originis,
|| [ID00098]
per omnia eadem esse, quod aduersarius
vrget. DEVS bone, quae futura esset aduersariorum co̅fidentia
& audacia, si vspiam D. Luth. dixisset aut cripsisset, carne̅
& peccatum originis, per omnia & sine discrimine eade̅
esse: quibus id literis maiusculisnotarent, & qua̅ta
vehementia vrgerent? Hoc quidem passim in suis scriptis, quemadmodum & in
Ecclesiastica & domestica Postilla, similiter in praefatione Epist ad Rom.
In explicatione Epistolae 1. Petri, cap. 4. Tom. 2. Germanic. Ienens. pag. 368.
Totum hominem cum corpore & anima omnibúsque suis viribus appellari carnem.
Mox autem hanc causam annectit, Ideo hominem carnem appellari, quòd omnibus
viribus, interioribus & exterioribus, tantùm quęrit, quod carnale est, &
quod carni gratum.
Ex quo satis patet, Lutherum carnem & peccatum originis, non per omnia, pro
re eadem accipere, quemadmodum vult aduersarius, sed complecti eum subiectum cum
vitio, hoc est, humanam naturam cum peccato seu immundicia, qua est polluta.
Quare nec ex testimonijs Lutheri concludi potest, asseruisse eum totum hominem
esse carnem, &c. Ergò inter carnem & peccatum originis nullum statuere
eum discrimen. Lutherus enim per vocabulum carnis plura complectitur, quàm
peccatum originis, videlicet, vt diximus, corruptionem naturae, propter quam
fit, carnem seu hominem, carnalem esse, seu carnaliter esse affectum, Rom. 7. 8.
Summa, D. Lutherus nullo loco scribit, ideo totum hominem peccatum nominari,
quòd ipsum sit peccatum originis: & carnem atque peccatum originis per omnia
& sine discrimine, res easdem esse: verùm id docet, totum hominem ideò
carnem dici, quia carnalibus tantùm affectibus, desiderijs, concupiscentijs est
deditus: & nil nisi carnale ex se & per se quaerit. Vnde Genes. 4. quae
verba eius suprà sunt allegata, inter opus DEI seu naturam, & inter peccatum
originis, quo natura corrupta est, distinguit.
Libenter damus, quòd Lutherus in Postilla domestica scribit, Chrîstum, Iohan. 3.
conculcare naturam, rationem, liberum arbitrium, vires humanas, quoad salutem.
Item in Postilla Ecclesiastica, ad diem inuentae crucis: Caro sum, caro damnata
est, mortua, peccatum merum, cui nec Spiritus, nec DEVS, nec quicquam diuinae
virtutis & vitae inest. Hoc autem idem denotare, caro sine Spiritu est ipsum
peccatum originis, & nullum omninò est discrimen inter carnem & inter
peccatum originis, &c. hoc nequaquam concedimus. Nec enim Lutheri haec est
sententia: Verùm hic eius est sensus, Naturae & rationis suae in rebus
diuinis nullas esse
|| [46]
vires.
Item, se carnem esse, hoc est, quemadmodum Paulus Rom. 7. loquitur, carnalem
& venditum sub peccato, carnaliter affectum Rom. 8. carnem suam peccati
causa damnatam esse, mortuam esse propter peccatum in rebus spiritualibus,
Ephes. 2. Coloss. 2. Merum peccatum, hoc est, omni ex parte peccatricem,
immundam, iniustam, , legi DEI non conformem. Sic enim
ipse explicat vocem peccati, concretiuè sum ptam, quemadmodum suprà ex proprijs
ipsius verbis audiuimus.
Manet igitur, quo ad Lutheri testimonia, minor huius argumenti falsa &
blasphema: videlicet carne̅ & peccatum originis, propriè
loquendo, esse & nominari eadem, & peccatum originis ipsum, in baptismo
regenerari, sanctificari & saluari.
Dictum Iohan. 3. Quod ex carne natum est, est caro: nihil etiam facit ad
institutum phanatici istius Spiritus. Nequaquam enim verum est, carnem hoc loco
idem significare, quod peccatum originis: Sed caro idem denotat, quod carnalis,
quemadmodum Paulus Rom. 7. veram hanc declarationem monstrat. Ego carnalis sum,
venditus sub peccatum. Quemadmodum etiam hoc ex ipsiúsmet Christi Iohan. 3.
verbis constat, dicentis. Nisi quis renatus fuerit, &c. Pronomine quis non
intelligitur ipsum peccatum originis, sed homo, qui peccato originis & per
peccatum originis totus infectus & corruptus est. Quod si etiam vocabulum
carnis eo loco per omnia sine discrimine, idem significat, quod ipsum peccatum
originis, necessariò sequeretur, vocabulum Spiritus, dicente Christo: Quod è
Spiritu natum est, Spiritus est, per omnia & sine discrimine denotare ipsum
Spiritum. Ex quo porrò consequeretur, renatum hominem, secundùm essentiam,
Spiritum, & ipsum quidem Spiritum, atque hoc pacto DEVM esse. Id quod falsum
est & blasphemum. Hoc autem si non sequitur, nec prius locum habet, carnem
per omnia, citra discrimen significare idem, quod peccatum originis ipsum. Caro
enim & Spiritus hoc loco sibi opponuntur. Quare nec hoc dictum quicquam
confirmat, peccatum originis ipsum baptizandum & sanctificandum esse.
Quòd si obijcis, Caro omninò baptizatur, de qua Christus inquit, Omne quod ex
carne natum est, &c. Respondemus carnem, seu hominem peccatorem baptizari:
inde verò nequaquam sequitur, peccatum originis ipsum baptizari. Ratio est,
vocabulum carnis duo complectitur, humanam naturam, & corruptionem eiusdem.
Caro igitur seu homo baptizatur, Vt à carne, seu à carnali malitia &
corruptione, qua natura ipsius polluta est, liberetur; seu, vt Peccatum orginis,
& quicquid mali ab
|| [ID00100]
Adamo ipsi
ingenitum est, ex gratia remittatur: nequaquam verò ipsum peccatum originis,
sanctificari & saluari, sed hominem à peccato originis emundari sanctificari
& saluari. Hoc qui non intelligit, nihil omninò intelligit: & in rebus
spiritualibus & diuinis planè est coecus.
Voces illae (vetus homo) paulò antè etiam sunt declaratae, Et sanè si nulla alia
praestò esset declaratio, veri sensus horum vocabulorum, illa vel ex solis D.
Lutheri verbis, quibus in sua Catechesi vtitur (vetus homo in nobis submergendus
est & mortificandus) peti posset. Si submergendu̅ &
moriendu̅ est veteri Adamo in nobis, vetus Adam certè no̅ ide̅ erit cum corrupta nostra natura. Etenim
sivetus Adam & corrupta humana natura essent eadem, non diceretur, veteri
Adamo in nobis moriendum esse & submergendum, sed ipsi homini, seu humanae
naturae esset in baptismo & postea submergendum & moriendum. Negari
autem non potest, voces (in nobis) discrimen monstrare, quod est inter corruptam
hominis naturam, & inter veterem Adamum, seu peccatum originis propriè
loquendo: de quo sacer baptismus testatur, illud submergendum & illi
moriendum esse: humanam autem corruptam naturam spiritualiter esse
renouatam.
Quòd si etiam de toto homine intelligatur, quatenus non est renatus per Spiritum
sanctum: hoc tamen discrimen est retinendum, duo illud complecti, videlicet
corruptam humanam naturam & corruptionem eiusdem, quae homini in baptismo ex
gratia, propter Christum remittitur, & quorum totalis abolitio in sacro
quidem Baptismo inchoatur: in futura autem vita plenè perficietur.
Quòd ex libello Baptizandi, D. Lutheri allegatur: Baptismum esse largissimam
ablutionem omnium peccatorum, verum est & orthodoxum Indeautem verè concludi
posse. Ergò peccatum originis largissimè ab omnibus peccatis abluitur, omnibus
patet, ineptam conclusionem esse, cuius nullum sit fundamentum.
Summarum, aduersarius quem volet, colorem addat huic propositioni, peccatum
originis, in nomine sacrosanctae Trinitatis, baptizatur, sanctificatur,
saluatur: vna eadémque ratione est & manet blasphemia & corruptela
omnium testimoniorum Scripturae, quae de sacro baptismate loquuntur, seu hominem
baptizandum volunt.
Necsacra Scriptura, nec Lutherus docent, aut dicunt: Peccatum originis ipsum, in
nomine sacrosanctae Trinitatis baptizari & saluari, nec aduersarius ea se
ratione purgare poterit, in Ecclesia multa verba vsurpa
|| [47]
ri, quae in sacris
literis non habeantur expressè, quale sit vocabulum ,
& huicsimilia. Illa enim fundamentum habent in sacris literis. &
firmiter inde deduci possunt. Haec autem phrasis, peccatum originis in nomine
sacrosanctae Trinitatis baptizandum esse & saluandum, non modo nullo nititur
fundamento sacrarum literarum: sed eidem etiam è diametro repugnat: quemadmodum
hactenus ad oculum & certis fundamentis hoc est demonstratum. Quare omnes
piae mentes huiusmodi phrases, tanquam euidentissimam blasphemiam, & falsam
atque erroneam doctrinam vitare & fugere debent.
Econtraillae phrases, peccatum originis in Baptismo ablui, homini remitti,
condonari, non imputari propter Christum, expressè habetur, Luc. 3. Iohannes
praedicabat baptismum poenitentiae in remissionem peccatorum. Et Acto. 2.
Vnusquisque vestrum baptizetur, in nomine IESV CRISTI, in remissionem
peccatorum. Item Zach. 15. In die illa erit fons patens domui Dauid &
habitantibus in Ierusalem in ablutionem peccatoris & menstruatae. In quibus
verbis citra controuersiam Propheta de sacro baptismo loquitur, quem Christus in
nouo Testamento, velut fontem salutis, in ablutionem peccatorum &
immundiciae instituit.
Lutherus etiam eadem vsus est, in elegantissimo illo hymno de baptismo, inquiens:
Christum voluisse lauacrum condere, A labe nos lauare. Item quando in eodem
Psalmo inquit: Baptismum esse fluenta sanguinis rubra: Quae cuncta
sanentvulnera, Accepta deparente, Et quolibet patrante.
Quae aduersarius à P. iij. fac. 1. vsque ad aa. ij. introducit, de phrasibus
quorundam incommodis, quas alijs obijcit, cùm ad priuatas illę personas, &
non ad librum ipsum Concordiae pertineant, hoc loco refutatione nulla egent,
atque illi, quorum interest, si ita necessitas & aedificatio Ecclesiae id
flagitare videbitur, sese ipsos facilè sunt defensuri.
|| [ID00102]
DEFENSIO CONFIRMATIONIS, qua liber Christianae Concordiae
ex articulo de resurrectione carnis est vsus.
(Aa. ij. fac. 2.)
LIBRI Concordiae fundamentum & confirmatio haec est:
Quod in extremo iudicioad vitam aeternam resurget, & quod in vita aeterna
sine peccato possidebimus, id non est ipsum peccatum originale.
Huius nostrae carnis substantia ad vitam aeternam resurget, & hanc nostram
animam in vita aeterna recipiemus.
Quare corpus & animahominis, non est ipsum peccatum originis, &
necessariò discrimen est, inter hominis naturam & essentiam, corpus &
animam, & inter peccatum originis.
Hoc firmum fundamentum conatur quidem aduersarius sua Sophistica euertere, verùm
(DEO sitlaus) frustrà: quemadmodum ordine id cognoscemus.
Initiò, hac cauillatione fundamentum nostrum conuellere conantur, quòd obijciunt,
non rectè dici, corpora & animam nostra̅ in resurrectione sine
peccato, hoc est, sine originis vitio futura. Manichaeum enim esse furorem, de
peccato, tanquam de distincto aliquo accidente loqui. Manichaeos enim olim sic
docuisse.
His autem calumnijs à firmo & solido nostro fundamento, nos depelli non
patimur: Res enim, DEI beneficio, meliùs & accuratiùs nobis sunt perspectae.
Manifesta falsitas est, Manichaeos docuisse, peccatum originis singulare quoddam
accidens esse, quod in resurrectione essentialiter à natura humana sit
separandum. Augustinus enim de haeresibus & pluribus locis alijs,
Manichęorum opinionem de peccato longè aliter describit: Nimirum quòd docuerint,
peccatum non esse Accidens malum, vel infirmitatem naturae: sed substantiam
contrariam, viuentem & per se subsistentem. De hocverò alibi suo loco
pluribus. Non etiam nos docemus, peccatum originis esse essentiam, per se
fubsistentem, vel distinctum seipso subsistens accidens in natura, quod
essentialiter ab ea in resurrecticne sit secernendum. Hoc nunquam nobis in
mentem venit. Verùm sentimus, malam esse qualitatem, morbum, & profundam
atque ineffabilem corruptionem naturę, à qua tamen natura, in resurrectione,
tota & o
|| [48]
mninò
liberabitur, quemadmodum Lutherus Tom. 6. Ienensi. in 15. cap. ad Corint.
scribit. In futura noua vita, morbus & quicquid est mali, quod ab Adamo in
carne & sanguine nostro haeret, peccandi vitiositas, mortalitas & omnes
infirmitates, &c. quàm mundissimè ab illis separata, & sine peccato
erunt, &c, quemadmodum suo loco pluribus id est demonstratum. Quare haec
aduersarij cauillatio nos non oppugnat: fundamentum etiam nostrum, ne minima
quidem in re euertit.
Secundò vrget aduersarius, essentialem mutationem, nostrae substantiae &
essentiae corporis & animae: illam verò nullo testimonio sacrarum literarum
edocere potest, verùm è proprio eam confingit cerebro, è pessimo fundamento, quo
antea in doctrina de regeneratione & principio Physico seu regula, corruptio
vnius est generatio alterius, est vsus, & docuit hominem in regeneratione
essentialiter mutari & regenerari: ad quae suprà prolixè respondimus, quae
hoc loco repetere non necessarium.
Quòd si etiam aduersariorum erronea haec opinio, de essentiali transmutatione
naturae per Diabolum, vt isti loquuntur, trucidatae, in nouam essentiam, quae
alterius esset speciei, &à priori essentialiter distincta, firma
subsisteret: necessariò sequeretur, humanam naturam à mortuis non esse
resurrectura̅, nec vitae aeternae participem futura̅. Quod enim essentialiter transmutatur, & in alia̅ essentiam, à priori distinctam, transformatur, id verè non
resurgit, verè no̅ in integrum restituitur: non etiam vitae
aeternae fit particeps: sed prorsus & omninò aboletur. Si itaque corpus
& anima hominis, tali ratione transmutare̅tur, necessariò
sequeretur, corpus à morte non resuscitari, corpus & animam non restitui in
integrum, nec vita fruitura aeterna, sed destrui & aboleri. Haec verò bella
scilicet futura esset resurrectio carnis.
Tertiò delabitur etiam ad discrimen humanae naturae, in hac & futura vita,
& arbitratur, per illud, discrimen naturae & peccati originis se posse
euertere. Nihil autem promouet.
I. In hac vita, inquit, sumus iniusti, legi repugnamus: in illa altera vita,
omnibus numeris absolutè erimus iusti, innocentes, legi diuinae conformes. Verum
quidem est: Inde autem non sequitur, corruptam naturam & peccatu̅ originis in hac vita eadem esse. Longè minùs sequitur, nos in
illa vita secundùm essentiam, aliam habituros natura̅: verùm hoc
inde colligitur, essentiam nostrae naturae, quae in hac vita iniusta, immunda
& peccatrix est, in altera vita, omninò puram & innocentem fore.
Dauid Psal. 17. de imagine quidem DEI loquitur, quae in futura vi
|| [ID00104]
ta, plenè in beatis relucebit:
Nullius autem meminit essentialis transmutationis nostrae naturae in aliam, de
qua isti homines nugantur.
Petrus etiam posteriori Epistola cap. 1. inquiens: Fideles, diuinae naturae
participes fieri, de fidelibus loquitur in hac vita, & nequaquam asserit,
corpora eorum in resurrectione essentialiter in alia corpora esse transmutanda.
Haec igitur testimonia illud non euincunt, cuius probandi causa ab aduersario
allegata sunt.
Quae D. Lutherus de transmutatione naturae nostrae, in extremo iudicio asserit,
nequaqua̅ eò directa sunt, quòd docere ipsi propositum sit,
DEVM essentialiter, in resurrectione, nos in nouam naturam à priori prorsus
distinctam, formaturum: sed quòd corruptam nostram naturam sit renouaturus,
glorificaturus, iustam, immortalem, sanctam, mundam & gloriosam effecturus,
ita vt illo die, à carne & sanguine, corpore & anima nostra, peccatu̅, corruptio, morbus, & omnis generis infirmitates &
defectus sint remouendi & deponendi: quemadmodu̅ id Luth. Tom.
6. Ienenfi in 15. caputad Corinth. fol. 270. disertè & expressè docet: Quo
etiam loco lector Christianus id cognoscere & examinare potest.
II. Corpore iam nos naturali praeditos esse, qui cibo & potu sustentandus
sit, in illa autem vita corpora nobis futura spiritualia, quibus nihil horum
necesse futurum, &c. Verum quidem est: nequaquam verò illud hoc efficit, in
resurrectione, naturam seu essentiam hominis, quoad corpus & animam,
essentialiter esse transmutanda, & in nouum corpus & animam, secundùm
essentiam, à priori corpore & anima distinctum, esse transmutanda,
quemadmodum fingit aduersarius. Hoc discrimen ad praesentem controuersiam planè
nihil facit, in qua quaeritur, num hominis natura, in resurrectione,
essentialiter sit transmutanda: sed loquitur tantùm de mutatione quarundam
proprietatum, quae tamen essentiam naturae non destruunt aut immutant. Corpore
quidem spirituali erimus praediti: illud verò nullo modò in Spiritum
transmutabitur: sed spiritualibus proprietatibus erit praeditum, 1. Corinth.
15.
III. In hac vita, corpus nostrum infirmum est & morbis obnoxium, in illa vita
expers erit omnis calamitatis & miseriae, 1. Corinth. 15. verum quidem est:
Ex eo verò nondum concluditur: Ergò in extremo iudicio seu resurrectione corpora
nostra essentialiter, in nouum corpus, à priori secundùm essentiam distinctum,
transmutabitur, quod aduersario probandum incumbit. Quod enim 1. Corinth. 15.
expressum est: Seminatur corpus corruptioni obnoxium, quod D. Lutherus reddidit,
seminatur
|| [49]
corruptibile, eius
non est haec sententia, hominis corpus & naturam, in resurrectione
essentialiter in nouam & aliam essentiam aut substantiam esse transmutandum:
verùm haec, id quod corruptibile est, seu corruptionem à corpore & anima
esse remouendam. Apostolus enim clarè distinguit, inter corpus seu substantiam
& essentiam corporis, & inter corruptionem: corruptio est abolenda,
substantia verò seu essentia corporis manebit in aeternum.
IIII. Corpus nostrum in hac vita squalidum est, foetori & sordibus obnoxium:
In illa autem vita Christus corpus humilitatis nostrae reformabit, & corpori
claritatis suae configurabit, Philip. 3. rectè dicitur: Infirmitates &
sordes omnes in resurrectione plenè à nostris corporibus & natura
remouebuntur, & Christus corpora nostra, corpori suo glorioso, conformia
reddet: Hoc verò non est demonstrare, Christum in resurrectione corpora
humilitatis nostrae essentialiter in noua corpora alterius speciei, quae
secundùm essentiam à prioribus sint distincta, transformaturum. Haec enim
Philip. 3. ne minimo quide̅ verbo sunt expressa: sed Christum
corpora nostra glorificaturum: non inquit, essentialiter in alia noua corpora
transmutabit, sed glorificabit. Essentialiter in aliud corpus seu essentiam
transmutare, & glorificare, plurimum à se inuicem sunt distincta.
Quemadmodum ipse Christus corpus suum in resurrectione, non essentialiter in
aliud corpus transmutauit, sed glorificauit: essentiam ipsam non immutauit. Quòd
igitur Christus in proprio suo non efficit corpore, id in nostris etiam non est
facturus. Nihil igitur aduersarius hac ratione confirmat.
V. De hac vita dictum est, Faciem meam videre non potes, Exod. 33. In illa autem
vita, beati DEVM à facie ad faciem contemplabuntur, Iob. 19. 1. Iohan. 3. Verum
quidem est, sed nihil facit ad rem ipsam, de qua aduersarius agit, videlicet
humanam naturam, in resurrectione, essentialiter in aliam nouam naturam esse
transformandam & commutandam, quemadmodum caetera etiam omnia, quae
aduersarius porrò de discrimine huius & futurae vitae hoc loco allegat.
Perpetua quidem lucta est in fidelibus in hac vita, Rom. 7. quae in illa
cessatura est, & primitias Spiritus sancti in hac vita accepimus: in illa
decimis, quod dicitur, eiusdem donabimur Rom. 8. In hac vita imputatione
regeneramur, per imputationem & postea etiam inchoationem, quo ad nouam
obedientiam: quae in fidelibus in hac vita inchoatur, in illa autem plena erit
& perfecta. Spiritualis noua creatura, in hac vita ali
|| [ID00106]
quod habet initium: in illa
erit omnibus numeris absoluta. Hic tanquam per speculum videmus, 1. Corinth. 15.
illic à facie eum ad faciem contemplabimur. Hîc haereditatem vitae aeternae
possidemus fide: illic coràm eam intuebimur, & plenè possidebimus. Hîc
propter confessionem veritatis persequutionem patimur: illic verò tristitia
nostra, in perfectum gaudium commutabitur, Iohan. 16. & c. Verùm quid haec
faciunt ad confirmationem propositionis aduersarij seu ad controuersiae statum,
humanam naturam, in resurrectione in aliam nouam naturam alterius speciei esse
essentialiter transinutandam? Facilè omnes cordati vident, nihil omninò haec
probare. Haec quidem omnia, per se vera sunt & recta: verùm non accommodata
sunt ad id, vt ex illis probetur & demonstretur illud ipsum, de quo
aduersarij contendunt, videlicet, quemadmodu̅ dictum est, naturam
in resurrectione, essentialiter in aliam nouam, & à priori distinctam
naturam secundùm essentiam esse transmutandam.
Quare si aduersarius confictam à seopinionem confirmare voluerit, necesse est, vt
alijs vtatur fundamentis, his nihil obtinebit. Satis mirari pueriles aduersarij
cogitationes non possum us, quòd demonstrare conatur, in resurrectione fieri
essentialem mutationem naturae vnius in alteram, eámque nouam naturam alterius
speciei. Nec tamen vllum producit fundamentum, quod ad rem faciat: sed tempus
tantummodo terit demonstratione discriminis inter hanc & illam vitam, &
quae beatorum, quo ad corpora ipsorum resuscitata & glorificata, futura sit
gloria: de quibus omnibus, inter nos & illos nulla omninò est
controuersia.
Multò minùs haec ponderis aliquid habent, quibus aduersarius fundamenta libri
Concordiae euertat: videlicet, Id quod in extremo iudicio resarget, & quod
in futura vita retinebimus, minimè ipsum esse peccatum originis: Hanc nostram
carnem, sanguinem & animam retinebimus. Ergò, & c. Licèt enim beatorum
in futura vita, quo ad ipsorum corpora, multae & illustres futurae sunt
praerogatiuae, quas in hac vita nequaquam obtinemus, ab omnibus etia̅ peccatis, miserijs, calamitatibus plenè immunes erimus,
nullaeque am pliùs corporis aut animae futurae infirmitates: non tamen sequitur,
secundùm essentiam, alia, eos, & noua habituros corpora, & nouas animas.
Licèt enim corpus moriatur & in cineres redigatur: illud ipsum tamen corpus,
nec aliud in extremo iudicio resuscitabitur. Iob. 19. Beati etiam, secundùm
essentiam nullam accepturi sunt nouam aut aliam animam, aliàs necesse foret,
animam esse mortalem & mutationi obnoxiam, quod penitus falsum est, verboque
diuino repugnat Matth. 10. Animam occidere non possunt.
|| [50]
Horrendae igitur coecitatis argumentum est, quo aduersarius laborat, quòd haec
absurda non videt: & quòd tam pueriliter, tamque ineptè in causa tam graui
consequentias nectit, quas vel pueri in scholis animaduertunt, nihil
concludere.
Fatetur quidem aduersarius, nos carnem nostram seu corpus, quo in hac(Dd. ???) vita circundati
fuimus, receptutos in altera vita, quemadmodum animam etiam, & c. Mox
tame̅ ab eadem sententia dilabitur, fingens omnimodam fore
mutationem & regenerationem animi & corporis. Huic si locus esse debet,
prior propositio subsistere non potest: Sin prior immota manet, videlicet,
singulos corpus suum & animam, quibus in hac vita praediti fuerunt, in
futura recepturos, posteriori, de omnimoda transmutatione animae & corporis
locus esse non potest. Vnum necesse est, vt aduersarius neget, in quascunque se
tandem figuras transformet: Simul verae esse nequeunt.
Quantum ad regenerationem, de qua Christus, Matth. 19. loquitur, attinet, illa
non est referenda ad essentialem transmutationem animae & corporis, in aliud
corpus aut animam, secundùm essentiam, à priori diuersum: sed loquitur de
abolitione omnium peccatorum & infirmitatu̅ in natura nostra,
& de plenaria emundatione & sanctificatione nostrae naturae, vt DEVM
toto pectore diligat: Decalogo per omnia, quo ad corpus, animam & omnes
vires, obediat: cui antea non conformis repugnarat. Hoc verò longè aliud est,
quàm naturam ipsam essentialiter in aliam noua̅ & alterius
speciei natura̅ transmutari, quò aduersarij opinio inclinat. Act.
3. inquit quidem Petrus. In illo die omnia restituenda esse. Restitutio verò
illa non fignificat essentialiter aliquid destruere: & nouam atque aliam
essentia̅ inde efformare: quae à priori sit distincta.
(Restituere enim & destruere sunt diuersa) sed denotat omne malum, peccatum,
im mundiciem, calamitatemque & miseriam omnem, qua natura humana propter
peccatum aggrauata est, abolere: & in natura de nouo creare & donare
iustitiam, integritatem, innocentiam, sanctitatem, lucem, laetitiam, vitam,
denique corpus & animam illustrare & glorificare: nequaquam autem in
aliam substantiam aut essentiam transmutare.
Immutatio etiam, de qua Paulus, 1. Corinth. 15. loquitur, non significat
huiusmodi essentialem immutationem naturę in nouam naturam, secundùm essentiam à
priori distinctam, sed, quemadmodum dictum est, totalem abolitionem omnium
peccatorum, mortalitatis, & infirmitatum: & contrà communicationem
nouaru̅ proprietatum & gloriae, vi
|| [ID00108]
delicet, iustitiae, veritatis,
sanctitatis & his similium, quemadmodum illa Lutherus Tom. 6. Ienensi in
cap. 15. Pauli ad Corinthios sequentibus verbis declarat.
Vox enim graeca, quae hoc loco habetur, talem denotat immutationem, qua res de
loco vno transfertur in alium, veluti ex aqua in terram, è terra in aërem. Ita
in momento etiam nos in aliam transferemur conditionem: qui illa hora in terris,
domi nostrae seu in agro erimus, subitò à mensa aut lecto, vel laboribus,
quemadmodum incedimus, stamus, sedemus seu iacemus, transferemur: ita vt in
momento oculi, & mortui & viuentes simus futuri, & omni ratione
immutati, feremur in aëre. Hanc immutationem hoc loco intelligit. Licèt alteram
immutationem qualitatis, simul etiam complectatur: de qua iam antè suprà est
dictu̅, corpus alia veste induendum esse, hoc est,
glorificandum & illustrandum esse maiori gloria & luce, quàm corpus
solis. Verùm non hac ratione, vt id fiat, dum adhuc in hoc hospitio, hac veste
induti ambulamus: sed in momento omnibus istis nudati, & in puluerem
redacti, transferemur.
Dictum 1. Corinth. 15. Caro & sanguis regnum DEI non haereditabunt, ad rem
nihil facit. Apostoli enim nequaquam illa est sententia, carnem nostram, quoad
ipsius essentiam, regnum coelorum, in haereditatem non accepturum: verùm quoad
culpam, seu peccatum originis: quemadmodum omnes Orthodoxi Doctores testimonium
illud perpetuo consensu intellexerunt, & interpretati sunt. Et singulariter
notanda est explicatio Augustini lib. 1. retractat. de fide & Symbolo, cap.
17. Caro & sanguis regnum DEI non possidebunt. Sed quisquis ea sic accipit,
vt existimet, corpus terrenum, quale nunc habemus, in corpus coeleste
resurrectione mutari, vt nec membra ista, nec carnis futura sit substantia,
procul dubio corrigendus est, commonitus corpore Domini, qui post resurrectionem
in eisdem membris non solùm conspiciendus oculis, verùm etiam manibus tangendus
apparuit, carnémque se habere etiam firmauit, dicens: Palpate & videte, quia
Spiritus carnem & ossa non habet, sicut me videtis habere. Vnde constat,
Apostolum non carnis substantiam negasse in regno DEI futuram, sed aut homines,
qui secundùm carnem viuunt, carnis & sanguinis nomine nuncupasse, aut ipsam
carnis corruptionem, quae tum vtique nulla erit.
In his verbis Augustini ad duo capita praecipuè est attendendum: Initiò mansuram
esse hanc carnem nostram & sanguinem, secundùm substantiam & essentiam:
ea autem ratione immutandam esse, vt, secun
|| [51]
dùm corpus Christi
glorificatum, priorem quidem essentiam suam retineat: verum gloriosum, immortale
& sanctum fiat. Vnde etiam intelligitur, Augustinum nullam staruisse
essentialem istiusmodi transmutationem hominis, in aliam essentiam alterius
speciei, & c. quam adeò vehementer, sine tamen Scripturę fundamento
aduersarius vrget. Alterum, Augustinum, quemadmodum & Lutherum in hoc ipsum
dictum, 1. Corinth. 15. Tom. 6. Ienensi statuisse, mutationem essentiae hominis
resuscitati istiusmodi futuram, qua corruptio, & quicquid mali in homine
fuit, sit finem habitura: ac essentiam hominis coelesti dignitate & gloria
esse exornandam. De qua similiter Augustinus lib. 22. de Ciuit. DEI, cap. 17.
his verbis scribit: In resurrectione corporibus nostris vitia detrahentur,
natura seruabitur.
Summatim, quemadmodum regeneratio hominis, in baptismo nulla est essentialis
immutatio naturae hominis, sed spiritualis regeneratio, in qua homini peccatum
remittitur, & peccator iustus efficitur, à peccatis abluitur &
emundatur, fide donatur, per Spiritum sanctum, quoad corpus & anima̅, renouatur, noua luce, laetitia & consolatione illustratur,
nouafit creatura pręparata ad opera bona, in quibus ambulat: Iustitia,
sanctitas, veritas & his similes virtutes, in renouato corde accenduntur, vt
sic verè nouus sit homo: Denique Spiritus sanctus inchoat per fidem
mortificationem concupiscentiae prauae, & vitiosorum affectuum, qui in
homine adhuc sunt reliqui, donec in resurrectione plenè eam perficiat: &
naturam humanam, planè à peccatis liberet: & penitus eam puram & sanctam
efficiat. Ita in regeneratione hominis, in nouissimo die, essentia hominis non
essentialiter transmutabitur: sed prior manebit essentia: solum modò ea, quae
Spiritus sanctus per baptismum in illo operari coeperit, illa tum plenè
perficiet: vt corrupta natura à corruptione sua prorsus liberetur: & homo,
quoad corpus & animam, plenè & perfectè iustus, sanctus, integer,
innocens, gloriosus, immortalis & haeres aeternae fiat salutis. Vnde
Lutherus Tom. 4. in Genes. cap. 3. scribit: Fides & Spiritus sanctus non
corrumpit aut destruit naturam: sed destructam & corruptam sanat.
Aduersarius hoc quoque producit Argumentum.
Quod reum est praesentis & aeternae mortis atque condemnationis, id est
peccatum, hoc est, iniustum, repugnans legi DEI, quemadmodum Paulus Rom. 6.
inquit, mortem esse stipendium peccati.
Corrupta humana natura extra gratiam & Christum, non tantùm
|| [ID00110]
praesentis, sed aeternae etiam mortis
& condemnationis est rea. Deut. 27. Gal. 3.
Quare corrupta hominis natura seu corruptum corpus & anima, peccatum, imò
peccatum originis est, radix, fons & efficiens causa omniu̅
actualium peccatorum. Et porrò infert: cùm igitur nullum omninò discrimen inter
corruptum nostrum corpus & animam, atque ipsum peccatum originis sit,
inuertere se argumentum libri Concordiae, & sic concludere:
Cùm fideles resurrectionem carnis & immutationem totius corporis & animae
credant: ex hoc articulo fidei Christianae consequi de resur rectione, hanc
nostram carne̅ in extremo iudicio resurrecturam, & nos in
aeternavita, substantiam nostri corporis & animae, quoad indiuiduum, aliam
autem substantiam & essentiam, quo ad mutationem, totalem regenerationem,
glorificationem, consequuturos, adeò vt corpus & anima nostra, quae hîc
essentialiter peccatum, iniustitia sunt, in illa vita essentialiter iustitiae ac
legi DEI futura sint conformia.
Primum argumentum quod attinet, illius nullum omninò est pondus. Maior enim
propositio ambigua est, . Dum ait, quod reum est mortis,
id est peccatum, hoc est, iniustum. Quemadmodum enim sępiùs iam demonstratum,
peccatum & iniustum esse, non eadem sunt: nec idem significant. Si vocabulum
peccati idem significat (in quo sensu aduersarius in hac controuersia eo vt
plurimum vtitur) quod peccatum ipsum esse, per vocabulum iniustus no̅ potest declarari. Vocabulum enim (Iniustus) duo complectitur,
quemadmodum id omnes sanae & piae mentes intelligunt, videlicet subiectum
seu hominem, & vitium seu iniustitiam in homine.
Maior itaque propositio ob sui ambiguitatem Iocum habere non potest, nisi
affirmare velit, iniustum esse, propriè loquendo, idem significare, quod
peccatum & iniustitiam ipsam esse. Hoc verò aduersarius si asseruerit,
necesse est, vt tollat discrimen, inter vocabula iniustum & iniustitia:
& sic iniustum & iniustitiam rem vnam constituat. Hac autem ratione
maiorfalsissima futura. Haec enim duo vocabula, secundùm consuetudinem
linguarum, propriè loquendo, pro re eadem sumi non possunt. Esse enim iniustum,
terminus est compositus, res duas comprehendens: iniustitia autem terminus est
simplex, rem vnam significans.
Plus etiam est in huius argumenti conclusione, quàm fuerat in pręmissis. Haec
enim fuit conclusio: Quare hominis tota corrupta natura,
|| [52]
seu corruptum corpus &
anima peccatum est, imò originis peccatum, radix, fons, & causa efficiens
omnium actualium peccatorum. Prima enim propositio non simpliciter sic fuerat
informata, corruptam naturam, corpus & animam peccatum, seu peccatum
originis esse: sed quod reum est condemnationis, hoc est peccatum, id est
iniustum, legique DEI repugnat. Quae verba longè aliter se habent, quàm quae in
conclusione repetuntur: praeterquam quòd ambiguè satis etiam illa sint dicta.
Haec igitur cùm sint manifesta, Syllogismi illius nullum est fundamentum.
Quod si etiam maior, proprijssimè esset posita: videlicet. Quicquid reum est
mortis, illud peccatum est, & ipsum quidem peccatum originis, falsa tamen
esset: Nec enim omnia, quae mortis sunt rea, simpliciter & per se peccatum
& quidem peccatu̅ originis sunt. Totus quidem homo, quo ad
corpus & animam, mortis est reus: non tamen propterea peccatum aut peccatum
est originis: sed alterius rei causa mortis est reus: videlicet propter
peccatum, quo corpus & anima eius corrupta sunt. Corpus mortuum est, vel
mortis est reum propter peccatum, inquit Apostolus, Rom. 8.
Dictum etiam Pauli Rom. 6. Mors stipendium est peccati, non eò directum est, quòd
docere velit, peccatum , idem significare, quod peccatum
seu peccatum originis ipsum esse. Hoc enim ita se si haberet, necesse foret, hos
terminos esse conuertibiles, stipendium mortis est peccatum, & humanae
naturae, seu corporis & animi stipendium mors est, quod penitus est
falsum.
Alteram verò conclusionem quod attinet, est illa praecedente etiam ineptior, ita
vt manifestò appareat, istis hominibus turbatam esse & excaecatam mentem,
veluti, qui ipsi, quid dicant aut sentiant, nesciant. Quale enim illud quaeso
est argumentum?
Fideles credunt resurrectionem carnis, & mutationem atque plenariam
regenerationem totius corporis & animae.
Ergò ex articulo resurrectionis sequitur, hanc nostram carnem, in extremo iudicio
resurrecturam: & eos in futura vita, essentiam corporis & animae, quoad
indiuiduum, aliam verò substantiam seu essentiam, quoad mutationem totalem,
regenerationem, glorificationem, & c. consequuturos.
Quiuis autem Christianus, mente aliqua praeditus, deprehendere potest, huius
argumenti nullam esse connexionem: & alterum ex altero non necessariò
consequi. Caro nostra resurget & immutabitur.
|| [ID00112]
Ergò in vita aeterna, essentiam nostri corporis & animae, quo ad indiuiduum,
aliam verò substantiam seu essentiam, quo ad totalem mutationem, consequemur.
Sunt haec omninò scopae dissolutae, & ea est argumenti huius connexio, quae
maris est & arenae: quare prolixiore refutatione non eget, cùm seipsum
euertat & refellat.
Hoc quidem sequitur: Fideles credunt resurrectionem carnis: Ergò in illa die, hac
ipsa carne secundùm substantiam & essentiam iterum circundabuntur, Iob.
19.
Item, hoc etiam sequitur, Fideles credunt plenariam regenerationem carnis &
naturae suae. Ergò corrupta illorum natura in illo die plenariè restaurabitur
& renouabitur, ne vlla corruptio, peccatum, aut immundicies illi inhaereat.
1. Corinth. 15.
Fideles autem credere & expectare totalem immutationem naturae, corporis
& animae suae, in aliam naturam, in aliud corpus & animam, essentialiter
à priori natura, corpore & anima distinctam, quemadmodum aduersarius
nugatur: id falsissimum est. Scriptura enim id nusquam docet: quare nec
Christiani id credunt, imò ne credere quidem ipsis licet, cùm sit
blasphemia.
Et quaesumus, quo nam loco, in sacris literis expressum est, nos in aeterna vita
essentiam quidem nostri corporis & animae, quoad indiuiduum retenturus: hoc
est, eosdem nos illos homines fore, qui in hac vita fueramus: & tamen aliam
substantiam & essentiam, quo ad totalem immutationem, nos consequuturos.
Si in altera vita eandem essentiam habituri sumus corporis & animae nostrae,
quam in hac vita habuimus: & Adam atque Iob, & c. ijdem illi futuri
sunt, qui in hac vita, secundùm substantiam corporis & animae fuerunt, &
non alij: necesse est, falsum, impium, erroneum, miniméque verum esse, nos, quo
ad mutationem, aliam substantiam seu essentiam in resurrectione consequuturos.
Si prior & non alia essentia corporis & animae futura, quàm in hac vita
habuimus: alia etiam substantia & essentia esse non poterit.
Si autem alia futura substantia & essentia, quemadmodum isti homines fingunt
& nugantur, prior substantia animae & corporis esse non poterit,
immutent id & contorqueant, quacunque tandemrationevoluerint. Immutatio
etiam, quae in resurrectione futura beatis nullius alterius substantiae &
essentiae diuersae ab ea, quam ante habuerunt, causa esse poterit: aut necesse
est esse falsum, beatos eandem cum
|| [53]
priore substantiam corporis & animae habituros. Vni horum
necesse est, vt insistant, ambae simul verae esse nequeunt.
Conatur aduersarius ad fundamentum libri Concordiae respondere,(Ee. i. fac. 2.) in quo
concluditur: Si nullum omninò esset discrimen, inter corruptam naturam &
peccatum originis, contra articulum resurrectionis, sequeretur, etiam peccato
esse resurgendum, illíque in vita aeterna locum fore. Et infert contrarium esse
verum. Quam ob causam? Hanc videlicet, credunt enim corruptam naturam, seu
peccatum & peccatum originis in hac vita propter Christum ex gratia iustam
reputari, regenerari, & in resurrectione essentialiter immutari, &
prorsus aliam fieri. Quomodo igitur peccatum originis resurgere possit, & in
vita permanere aeterna?
Iudicent autem omnes mentes piae, qualis nam haec sit responsio, & an hac
ratione fundamentum libri Concordiae dissoluatur & euertatur, ac non potiùs
confirmetur.
Si enim haec aduersarij confessio est, corruptam naturam, (quae ex illius
opinione, ipsum peccatum originis est) in hac vita, imputatione iusta haberi,
& regenerari, & in resurrectione essentialiter transmutari, verum ac
immotum manet, peccatum originis ipsum à mortuis excitari, & sic plenè in
iustitiam transformari, ac eandem in vitam recipi aeternam. Nullum hîc ei patet
effugium: Immotae enim veritatis est, naturam hominis in extremo iudicio
resuscitandam esse illam ipsam, qua in hac vita homo est praeditus: Quòd si
natura, qua in hac vita homo est praeditus, est ipsum peccatum originis, necesse
est illud etiam in extremo iudicio resuscitari, quare hoc responso se ipsum
oppugnat.
Quòd si obijcit, humanam naturam regenerari & transmutari, vt quemadmodum
antè iniusta & peccatrix fuit, iam in resurrectione perfectè iusta &
sancta fiat, & sic plenè in integrum restituatur: necesse est, vt nobiscum
statuat discrimen inter peccatum originis, & corruptam naturam. Hoc si
facere recusat, hac se blasphemia liberare non poterit, peccatum originis ipsum
à motuis resuscitari & in vitam aeternam recipi. Quicquid enim
resuscitabitur (loquimur autem de electis) illud etiam in vitam ingredietur
aeternam. Peccatum originis secundùm illorum opinionem resuscitabitur. Ergò in
vitam recipieturaeternam. Nec quicquam eos iuuat, quod de eiusdem
transformatione in iustitiam, multa verba faciunt. Eiusdem enim hoc cum priore
est veritatis, nunquam illud vllo Scripturae testimonio, si vel rumpantur,
edocere poterunt.
|| [ID00114]
Vertant igitut se quocunque voluerint, necesse est, vtse victos faceant ur, nec
ex his se vinculis vlla ratione expedire poterunt.
Arbitrantur quidem, hoc se elabi posse effugio, quòd asserunt, non se docere
corruptam carnem seu peccatum originis, fine essentiali transmutatione
resuscitari. Iam anteautem docuimus, effugium hoc frustrà quaeri. Si enim
illorum opinio vera, nullum esse discimen, inter corruptam, quam iam habemus,
naturam & peccatum originis: Natura autem, quam iam habemus, in extremo
iudicio resuscitanda est, necesse omninò est, ipsum peccatum, quod secundùm
illorum opinionem, sine discrimine, nostra, quam iam habemus, hominis natura
est, resuscitari & resurgere, & sic in vitam recipi aeternam.
Essentialem transmutationem quod attinet, quemadmodum iam saepiùs diximus,
nunquam sunt è sacris literis comprobaturi. Quare figmentum ipsorum impium
figmentum, & damnata doctrina est & manet, vtpote quae in sacris literis
non tantùm non est fundata: sed etiam eisdem penitùs repugnat. Hactenus quidem
multa & varia aduersarij effugia audiuimus, nullam autem demonstrationem aut
fundamentu̅: quo argumenta libro Concordiae repetita
euertisset. Quin imò, in omnibus paginis, quas commaculauit, ne semel quidem
rectè ea perpendit: sed de alijs tantùm rebus nugatus est, quae huc minimè
pertinent.
Manet igitur nostram, seu Concordiae potiùs libri argumenum, contra Spiritum
istius vertiginis immotum. Quae ad finem vsque huius tractatus consequuntur,
friuolam complectuntur & otiosam repetitionem rerum praecedentium, ad quae
iam antè solidè est responsum. Quare non est necessarium hoc loco, nouam de
ijsdem instituere disputationem.
|| [54]
DISCRIMEN INTER CORRVPTAM naturam & peccatum orginis,
in Theologia nihil incommodare.
ADVERSRIVS porrò nugatur, & obijcit discrimen inter corruptam naturam &
peccatum originis, derogare aliquid, initiò imagini DEI, secundùm quam homo seu
tota natura humana condita. Hoc verò minimè sequitur. Que̅admodum
enim suprà demonstratum est, homo non fuit essentialiter imago DEI, sed ad
imaginem DEI fuit conditus. Adam enim vel natura & essentia eius si ipsa
imago DEI essentialiter fuisset, illam sine totius naturae abolitione amittere
nequaquam potuisset. Naturam verò suam, licèt infirmata sit, retinuit: amisit
autem imaginem DEI. Quare obiectio haec locu̅ non habet, tantum
abest, vt discrimen inter corruptam naturam & peccatum originis tollat, seu
quòd aliquid in Theologia incommodet, monstret.
II. Extenuare contendit lapsum Adae, quo humana natura est corrupta, quia per
illum tota natura est immutata, Hoc tam verum est, quàm prius. Huius enim
obiectionis, si aliquod pondus esse deberet, necessariò sequeretur, lapsu Adae
humanam naturam non corruptam, sed planè in nouam essentiam transmutatam fuisse:
ita vt Adam, non ide̅ ipse Adam, sed alius & nouus Adam, à
priori essentialiter distinctus sit factus Hoc verò falsum omninò est &
erroneum. Natura quidem Adae est immutata, quo ad iustitiam, sapientiam,
libertatem, mundiciem, & innocentiam, post lapsum enim iniusta est,
insipiens, immunda, in aliam verò essentia̅ non est transmutata,
quemadmodum haec omnia suprà abundè sunt demonstrata. Quare nec haec obiectio
alicuius est momenti.
III. Obijcit virtutem legis imminui, quae totam naturam, non eius aliquod
accidens accuset. Respondemus, Nullo modo. Secundùm enim nostram Confessionem,
lex totam naturam corrupti hominis accusat & arguit, non autem peccatum
ipsum in se & per se. Peccatum enim non est aliquid in se & per se, sed
est accidens aliquod malum, quo humana natura & essentia tota corrupta est:
& sic humanae naturae, hoc est, animae & corpori inest. Quamobrem etiam
lex satis iustas causas habet, accusandi & condemnandi totam naturam, nisi
ab hoc accidente malo à Christo redimatur. Denique quemadmodum in articulis
Schmalkaldicis rectè dicitur, officium legis est, homini peccatum originis, cum
suis
|| [ID00116]
fructibus reuelare, &
monstrare: quàm horrenda & profunda illud humanae naturae sit corruptio.
Quare legis officium minimè est, monstrare corruptam naturam ipsum esse peccatum
originis, & inter corruptam naturam & peccatum originis nullum esse
discrimen: verùm hoc illius est muneris, homini peccatum originis, cum suis
fructibus reuelare, & c. Homini, inquam, reuelari debet peccatum originis,
non docere, sine vllo discrimine, eum, ipsum esse peccatum originis.
IIII. Gratiam etiam DEI, arguit, contumelia affici, qui propter Christum nos
corruptos homines in gratiam recipiat.
Haec obiectio si vera esset, demonstrandum prius aduersario, corruptam naturam,
seu corruptum hominem & corruptionem ipsam, rem eandem esse: hoc autem
nunquam docere poterit. Quod sacrae literae de hoc mysterio tradunt, id nihil
derogat misericordiae diuinae. Scriptura docet, DEVM non peccatum ipsum, sed
peccatores per Christum redimere & saluare, Matth. 1. 9. Iohan. 3. Rom. 3.
1. Timoth. 1. Nihil igitur haec doctrina de discrimine peccati & naturae
humanae derogat misericordiae diuinae.
Tit. 2. , impietas non substantiam denotat, quemadmodum
aduersarius interpretatur, sed impietatem in natura hominis latentem, de qua
Apostolus inquit, nobis eam abnegandam & vitandam esse: & tamen asserere
audet, significare eam hominis corruptam naturam, seu ipsum peccatum. Longè
aliud & diuersum est, de quo Lutherus scribit, nolle intelligere, omnia,
quae in homine sunt, damnata esse & impia, & aliud docere, corruptam
naturam & peccatum originis rem eandem esse, id quod omnes facilè
intelligunt. Quare D. Lutheri verba frustrà contra nos allegantur.
V. Hoc etiam discrimen blasphemum esse asserit, contra incarnatione̅, Christi & redemptionem per ipsum facta̅. Christus enim
totam humanam naturam sine peccato assumpsit, & non tantùm bonum aliquod
accidens seu qualitatem. Hoc proprium est aduersariae partis figmentum, non
nostra doctrina. Non enim docemus, nec nunquam docuimus, nec etiam docere animus
nobis est, Christum accidens tantùm quoddam seu qualitatem humanae naturae
assumpsisse: verùm id docemus, & in posterum, DEI beneficio, docebimus,
Christum totam humanam naturam corpus & animam assumpsisse. Aduersarius
etiam confictae huius calumniae causa, qua doctrinam Ecclesiarum nostrarum
onerare conatur, grauissimas DEO poenas dabit, nisi in tempore gratiae
poenitentiam egerit.
|| [55]
Quemadmodum etiam non docemus, nostram naturam malam & iniustam non esse,
verùm id docemus, nostram naturam post lapsum, malitiam & iniustitiam ipsam
non esse. Mala & iniusta est, propter peccatum, quod in illa habitat, Rom.
7. Malitia autem & iniustia ipsa non est, quemadmodum aduersarius blasphemè
nugatur.
Sic merum est aduersarij figmentum, Lutherum in Genesi tradidisse, si peccatum
originis non esset ipsa corrupta hominis essentia sed separatum tantùm accidens
quoddam, non necessarium fuisse, mittere Christum redemptorem, & c. Haec
verba si in Luthero nobis monstrarit, laudabimus perfectò industriam eius.
Nunquam verò id faciet, cùm hac rationein eo non habeantur. Cùm autem suprà ad
obiectionem hanc responsum sit, prioribus acquiescimus.
Quòd si cùm Sophistis doceremus, peccatum originis leue quoddam malum aut maculam
esse, qua natura seu naturalia in homine non sint corrupta, sed integra
manserint, & peccatum originis leuem quandam qualitatem & malum esse,
veluti si illustris quaedam imago puluere extrinsecus aspergatur, qui facilè
rursus abstergi possit, & vnde nihil detrimenti ipsi imagini accedat, &
peccato originis non totam nostram naturam & essentiam, verùm accidentia
tantùm quaedam corrupta esse, obiectio aduersarij aliquem haberet colorem, &
c. non scilicet necesse fuisse, mitti Christum redemptorem. Contrarium autem
docemus: quare obiectio illa contra nos non facit. Nostra enim doctrina est,
peccatum originis istiusmodi horrendam, im mensam, & profundam esse
corruptionem totius naturae humanae, quo ad corpus & animam, quam nulla
creatura abolere aut emundare potuerit, sed hanc vnico & solo sanguine
filij DEI IESV CHRISTI, redimendam fuisse, 1.
Iohan. 1. Aliàs omnibus nobis in peccatis moriendum & pereundum fuisset: quo
pacto igitur aliquid passioni & merito Christi derogaremus?
Licèt etiam corrupta natura non sit ipsum peccatum originis, non tamen sequitur,
Christum non propter corruptam naturam, sed propter merum accidens tantùm
mortuum esse. Christus enim propriè propter & pro corrupta natura est
mortuus, & sanguinem suum effudit, non quòd corrupta natura peccatum
originis ipsum sit, sed quòd à peccato originis, quo tota, quo ad corpus &
animam, corrupta est, per Christum redimeretur & in aeternum saluaretur,
quemadmodum scriptum est, Matth. 1. IESVS nominabitur, quia saluum faciet
populum suum à peccatis suis. Et Symbolo Niceno dicitur: Qui propter nos
homines, no
|| [ID00118]
stramque salutem
descendit de coelis, & non propter peccatum orginis, vt illius causa
moreretur, & illud saluaret. Hoc nunquam euertent, si vel coelum misceant
terrae.
Aduersarius hoc loco denuo allegat Augustinum, quando Pelagianos reprehendit,
quòd in infantibus opus DEI ita praedicent, vt interim negent, infantes in
peccato originis concipi, & c. Et nos taxari arbitratur, qui secundùm
Scripturam, corruptam naturam & ipsum peccatum originis discernimus. Mera
autem est deprauatio verborum Augustini, qui non in Pelagianis reprehendit, quòd
naturam & peccatu̅ originis discernant: sed quòd naturam ita
extollant, quasi peccatum originis habeat nullum. Quare verba Augustini huc
planè non faciunt.
VI. Discrimen hoc imminuere etiam vult gloriam iustificationis, veluti in qua non
merum aliquod accidens, sed ipsa corrupta natura, in gratiam recipiatur &
iustificetur, seu à peccatis liberetur propter Christum fide. Nequaquam autem
ita docemus, quemadmodum aduersarius falsò nobis affingit, merum accidens in
homine iustificari: verùm haec nostra est doctrina, in iustificatione hominem
peccatorem totum, anima & corpore, quibus in partibus per peccatum totus
corruptus est, in gratiam propter Christum per fidem recipi, & omnia illi
peccata tam originis, quàm actualia condonari, & non imputari. Econtra autem
imputari ipsi obedientiam Christi in iustitiam. Rom. 4. 10. Quare haec obiectio
doctrinam nostram non impugnat.
VII. Vult detrahere, illud, aliquid regenerationi, quae sit essentialis, & c.
Cùm autem suprà solidè demonstratum sit, Scripturam huiusmodi essentialem
regenerationem nullam tradere, & c. Verùm merum eam figmentum esse
aduersarij, obiectio etiam illa, contra doctrinam nostram nihil facit.
VIII. Discrimen etiam illuddoctrinam de poenitentia diuidere, suprà ex articulis
Schmalkaldicis solidè est refutatum, quare & haec obiectio aduersarij
figmentum est.
IX. Discrimen inter corruptam naturam & peccatum originis, resurrectionem
& glorificationem corporis nostri, euertere & conuellere, falsum esse,
paulò antè comprobatum & demonstratum est.
Cùm igitur omnia, quae aduersarius hoc loco obiecit, mera figmenta sint, non est
quòd quisquam Christianorum, multiplicibus illorum clamoribus & calumnijs se
perturbari patiatur, sed potiùs agnitae veritari firmiter est adhaerendum.
|| [56]
Quòd si etiam diligenter & acuratè res consideretur, apparebit, in Theologia
plus damni, quo ad hanc co̅trouersiam, neminem dare, quàm ipsos
aduersarios, qui discrimen inter corruptam naturam & peccatum originis
tollunt & euertunt.
I. Initiò enim fingunt contra sacram Scripturam Genes. 1. 2. Ephes. 4. Imaginem
DEI & humanam naturam, sine discrimine rem eandem fuisse, qui detestandus
est error. Imago enim amissa est, natura autem, licèt corrupta, mansit, vt
Lutherus Genes. 3. rectè docet, & scribit.
II. Fingunt contra Scripturam, Adamum per lapsum essentialiter transmutatum,
essentialiter aliam naturam alterius speciei acquisiuisse, quàm habuit ante
lapsum: qui iterum detestandus est error: Adami enim essentia in & per
lapsum non est essentialiter, in aliam essentiam transmutata, sed est corrupta,
peccatrix, immunda & facta, quae antea munda,
sancta, iusta & sine peccato fuit.
III. Contra Scripturam fingunt, legem nostram naturam seu hominem ita accusare,
quòd ipsum sit peccatum originis, cùm tamen Scriptura clarè testetur, quòd
hominem accuset, quòd peccatum illi originis cum suis fructibus reuelet. Rom. 1.
Reuelatur ira DEI coelitus super omnem impietatem hominum & iniustitiam.
Rom. 3. Per legem agnitio est peccati. Vnde Lutherus contra Latomum. Tom. 2.
fol. 402. scribit: Lex aliter non tractat peccatum, quàm vt ipsum reuelet, sicut
dixit Paulus, Rom. 3. Per legem cognitio peccati. Quae cognitio duo docet,
corruptionem naturae & iram DEI. Corruptionem quidem naturae & iram DEI
docet: non autem docet naturam corruptionem seu ipsum peccatum esse.
IIII. Contra Scripturam ignominia afficiunt DEI misericordiam, dum docent, DEVM
ipsi peccato propitium esse, cùm tamen tota Scriptura contrariu̅
doceat, videlicet, Deu̅ no̅ ipsi peccato, sed misero
peccatori propitiu̅ esse. Aurea etiam Scripturę testimonia,
quemadmodu̅ suo loco ostendam, peruertunt, quae illuc
detorquere conantur. DEVM ipsi peccato propitium esse, cùm tamen aliter non,
quàm de peccatoribus intelligi possint.
V. Obscurant non tantùm lucem articuli de creatione, sed aut DEVM ipsum, aut
saltem Diabolum constituunt creatorem peccati. Si enim corrupta natura, ipsum
est peccatu̅ originis sine discrimine, alterum horum necesse est,
vt sequatur, vel DEVM creatorem esse peccati, cùm corruptam naturam, quae
secundùm illoru̅ opinionem ipsum peccatum origin is est, creat,
vel si hoc verum non est, cùm peccatum originis Diabolum au
|| [ID00120]
thorem habeat, & corrupta
natura, secundùm illorum opinionem, ipsum peccatum originis sit, & sine
creatore esse no̅ potest: necesse est Diabolum eius esse
creatorem. Alterum horum necesse est, vt fateantur: siquidem errorem suum tueri
volunt, inter corruptam naturam & peccatum originis nullum esse discrimen,
quemadmodum id suprà solidè est explicatum.
VI. Euertunt funditus consolationem, quae miseris nobis hominibus in articulo
incarnationis Christi est proposita, dum fingunt Christi assumptam humanam
naturam & nostram naturam, non eiusdem essentiae esse: sed essentialiter
distinctam. Quòd enim Christus non assum psit, id etiam non redemit. Quòd si
igitur carnem nostram & sanguinem non assumpsit, sed eam carnem assumpsit,
quae essentialiter à nostra carne distincta est, & c. nostram etiam carnem
non redemit. Eò tandem euadunt blasphemi isti, vt omni nos spolient
consolatione. DEVS autem tandem illis resistet, & Ecclesiam suam, contra
ipsorum blasphemiam tuebitur.
VII. Ignominia afficiunt passionem & sanguinem Christi, dum praetendunt,
Christum peccatum originis morte & sanguine suo redemisse, cùm tota
Scriptura testetur: nos homines, eum, morte & sanguine suo à peccato, non
peccatum ipsum redemisse, Rom. 3. 4. 5. Galat. 1. Matth. 1. 1. Timoth. 1.
VIII. Simili ratione contumelia afficiunt articulum de sanctificatione, dum
contra omnem Scripturam docent, ipsum peccatum originis baptizari, sanctificari,
emundari, regenerari & saluari. Scriptura enim expressè inquit: nos homines
baptizari in remissionem peccatorum, & non peccatum originis in remissionem
peccati baptizari, Iohan. 3. Matth. 28. Marc. 16. Act. 2. Quod omninò tamen
necesse esset fieri, si inter corruptam naturam & peccatum originis
discrimen nullum.
IX. Turpiter etiam peruertunt summum articulum de iustificatione, dùm falsum hunc
vrgent errorem, ipsum peccatum originis iustificari, & in gratiam recipi
propter Christum, cùm tamen Rom. 3. scriptura expressè dicat: Nos, nos, inquam,
homines iustificamur ex gratia: & non peccatum originis. Item, Rom. 5. Nos
ab ipso praeseruamur contra iram DEI. Item, nos DEO reconciliati sumus per
mortem filij eius: non peccatum originis. Item, per vnius obedientiam
iustificantur multi. Quae omnia cum delirio aduersariorum, peccatum originis
ipsum iustificari, nullo modo congruunt. Homines, inquit Paulus, per Christi
obedien
|| [57]
tiam
iustificantur, & à peccato liberantur, non ipsum peccatum originis. Verùm in
tàm euidentissima veritatis luce, non est quòd pluribus agamus.
X. Contra verbum DEI fingunt regenerationem significare, essentialem mutationem
naturae in essentiam alterius speciei, seu aliam essentiam à priori distinctam.
De quo non habent, quòd vel vnicum dictum, bona fide allegatum, proferant.
XI. Ineptissimè fingunt, in resurrectione hominis naturam, essentialiter in aliam
nouam naturam, nouum corpus & animam transmutari, quod etiam merum figmentum
est, quemadmodum paulò antè docuimus. Item, Nugantur, ipsum peccatum originis à
mortuis resuscitatum iri. Item, Peccatum originis, essentialiter in
resurrectione in iustitiam immutatum: Et sic vita aeterna donatum iri. Quae
omnia horrendae sunt blasphemiae, sacris literis & articulis fidei nostrae
Christianae simplicter repugnantes, quemadmodum id etiam demonstratum est.
Longè igitur rectiùs quàm aduersarius, cùm Luthero concludere possumus, Diabolum
non dormitare, huius generis absurda plura hinc inde sparsurum & operam
daturum esse, ne qua sana doctrina in Ecclesia maneat reliqua: adeo, vt si quis
totam germaniam perlustret, vix vllam Ecclesiam rectè informatam sit
deprehensurus.
Quo magis diligenter nobis ab istiusmodi phanaticis attendendum est: Veluti qui
egregiam Sathanae hac in parte operam praestant, ne qua pura Ecclesia per
Germaniam maneat reliqua.
Si enim ex illorum sententia res procederet, necesse foret, nos omnes, horrendas
huiusmodi blasphemias, de quibus hactenus egimus, vrgere, & tanquam
aeternam, immotam veritatem propagare. Id quod DEVS clementer prohibeat,
Amen.
Quibus moneri gratum est, moneri se patiantur: in inferno nulla futura
redemptio.
|| [ID00122]
DEFENSIO FVNDAMENTORVM, quibus demonstratum est, peccatum
originis esse accidens malum in homine, &c.
ACCIDENTIS vocabulum, quo in Scholis vtimur, aduersarius reiectum omninò &
improbatum vult, cùm neque in sacris literis, neque in tribus Symbolis, neque
Augustana Confessione, Apologia, Articulis Schmalkaldicis & Catechismis D.
Lutheri habeatur. Contrà autem vocabulum substantiae in Ecclesijs & Scholis
retinendum & defendendum contendit, quia Lutherus in lectionibus &
monumentis suis eo saepissimè sit vsus. Interea autem non animaduertit, etiam
vocabulum substantiae, de peccato originis, in sacris literis, in tribus
Symbolis, Augustana Confessione, Apologia, Schmalkaldicis articulis, Catechismis
Lutheri non expressè haberi. Quòd si igitur hanc ob causam vsus vocabuli
accidentis in hoc certamine esset intermittendus, quia in dictis libris non
habetur: simili ratione sequitur, etiamvocabulu̅ substantiae in
hac controuersia non esse vsurpandum: vel si illud vsurpandum & retinendum
est: idem in voce accidentis licere.
Quantum ad causas, quas aduersarius prętendit, propter quas vocabulum substantiae
seu essentiae, in hac controuersia de peccato originis non sit negligendum aut
reijciendum, ordine eas in timore Domini examinabimus.
Prima est, quòd vocabulum substantiae contra D. Lutheri & ipsorum opinionem
peruertamus. Ne verbo autem indicat, quomodo & qua ratione id faciamus.
Verùm multis verbis opus non est, cùm in hac controuersia vocabulum substantiae
non aliter intelligamus, quàm illi ipsi id exponunt & declarant, videlicet
corruptam naturam, substantiam seu essentiam eiusdem, ipsum peccatum originis,
seu animam, rationem, voluntatem, & c. esse ipsum peccatum originis: idque
eam ob causam, quia Sathan, quemadmodum illi fingunt, humanam naturam seu
animam, in summis suis viribus, per lapsum interemerit, trucidarit, &
essentialiter in aliam formam seu speciem transformarit: quódque
|| [58]
propter essentialem
transformationem seu transmutationem porrò peccatum, seu peccatum originis ipsum
sit, & nullum omninò ampliùs discrimen esse inter corruptam naturam corpus
& animam hominis, & inter ipsum peccatum originis. Hoc enim passim in
omnibus suis libris & in omnibus penè folijs, quemadmodum id negare minimè
possunt, vrgent. Id etiam testantur tituli, quibus in inscriptionibus omnium
suorum librorum vtuntur, peccatum substantiam, non accidens esse, corruptam
naturam, corpus, animam, intellectum, voluntatem, mentem, in summis suis viribus
peccatum, seu ipsum originis peccatum esse, id quod hactenus passim per totum
librum Irenęi (examen inscriptum) animaduertimus & vidimus. Atque in hac
significatione vocabulum illud reijcimus, ob rationes, quarum aliquot magna
copia in explicatione praecedentium duorum capitum, allatae sunt, & in
consequentibu setiam proferentur.
Initiò enim vocabulum substantiae, quo sensu illi eo vtuntur, tollit discrimen
inter DEI & Diaboli opus, & vel DEVM, vel Diabolum constituit creatorem
peccati. Quicquid enim substantia est, id à DEO creatum est, Ioh. 1. Col. 1. Si
itaque peccatum originis substantia est, necesse est esse eam à DEO creatam.
Quòd si à DEO non est creata, sine tamen creatore subsistere non potest, necesse
est Diabolum creatorem animae esse, & sic necesse est, corruptam nostram
naturam, quae ex illorum opinione, fine discrimine ipsum peccatum est, à Diabolo
creatam esse.
Deinde si verum esset, quod illi fingunt, Diabolum hominem per peccatum
essentialiter transmutasse, ita vt per illam essentialem transformationem,
corrupta natura ipsum peccatum originis effecta sit: iterum necessariò
sequeretur, Diabolum creatorem, & sic ipsum DEVM esse. Essentialiter enim
transmutare, & in aliam speciem transformare, nullius creaturae sed solius
DEI est opus non minùs ac ipsa creatio.
Tertiò: Nunquam ab illis demonstrari potest, corruptam naturam, seu corruptam
substantiam, & corruptionem, seu peccatum ipsum sine discrimine & rem eandem esse, id quod clarè vocabula, corrupta
natura, quae res duas non vnam complectuntur, indicant. Quemadmodum id
Augustinus de moribus Manichaeorum lib. 2. cap. 5. testatur, inquiens: Corruptio
non est in seipsa, sed in aliqua substantia, quam corrumpit. Non enim substantia
est ipsa corruptio. Quae aduersarius eludere non potest.
|| [ID00124]
Quartò: Licèt aduersarius varia testimonia ex Luthero alleget, in quibus
vocabulum essentiae seu peccati habetur: in hunc tamen vsque diem probandum
illis incumbit, in Lutheri scriptis hanc propositionem illis ipsis formalibus
verbis, quibus illi vtuntur, haberi, videlicet peccatum originis propriè sine
vllo discrimine, esse peccatu̅ originis, seu ipsum peccatum.
Priusquam hoc demonstrent, non immeritò asserimus, iniuriam eos Luthero facere,
& verba ipsius contra illius sententiam & mentem allegare: Praeterea
etiam dicimus & meritò dicimus, Nisi propositionem illam hoc modo,
(quemadmodum ipsi ea vtuntur, & Luthero asscribunt) ex illius scriptis
demonstrent, omnia illorum figmenta, omniáque ipsorum scripta vana esse,
nullóque niti fundamento. Quòd autem Glossas suas proferunt & obijciunt,
Lutherus tamen dixit: Naturam nostram esse peccatum: de nulla autem alia natura
quàm de corrupta loqui. Ergò, necessariò sequitur, corruptam naturam ipsum
peccatum esse, & cùm corrupta natura propagetur, necesse esse eam ipsum esse
peccatum originis.
Respondemus, haec ipsorum glossemata nihil aliud esse, quàm meras fabulas, donec
propositionem illam ex ipso Luthero proferant & monstrent. Si enim
glossematibus controuersiae deciderentur, facilè esset cuiuis verba illius
inuertere, & ex illis quidlibet inferre & co̅cludere,
Interea dum id monstrant, insistimus huic sententię, vocabulo substantiae in
controuersia de peccato originis locum esse non posse.
Quintò: Quòd nullum Scripturae testimonium proferre possunt, in quo corrupta
natura ipsum peccatum originis, seu substantia appelletur.
Sextò: Quòd ex monumentis Patrum edocere nequeunt, peccatum seu originis
peccatum, substantiam esse, seu corruptam naturam, (quemadmodum iam vt plurimum
loquuntur) ipsum peccatum originis esse, verùm de eo iam satis.
Altera causa est, quia loco vocabuli substantiae, quod minus notum ost, vtuntur
voce essentiae. Quantum ad vocem (essentia) cùm eodem in sensu ab illis
accipiatur, quo vocabulum substantiae, & illo significetur, ossentiam
naturae, seu corruptam naturam hominis ipsam, peccatum originis esse, eiusdem
etiam est valoris, cuius ipsa vox substantiae. Nunquam ctiam è Lutheri
monumentis edocere poterunt, vocabulo essentiae in doctrina de peccato originis,
ita eum vsum esse, quemadmodum falsò ei affingunt, quòd scilicet idem
significet, quod ipsum peccatum, seu quod
|| [59]
essentia humanae naturae iam
ipsum sit peccatum originis: & nullum omninò discrimen esse inter corruptam
essentiam naturae humanae, & inter ipsum peccatum originis. Quanto id quaeso
cum desiderio pridem in lucem protulislent, si eius vel speciem quandam proferre
potuissent. Quod ex Luthero Genes. 3. allegant, peccatum esse de essentia, ad id
aliquoties solidè est responsum, & per se intelligitur permagnum discrimen
esse, inter has duas phrases, esse ipsam essentiam, & esse de essentia.
Docent, peccatum originis propriè esse & sine omni discrimine ipsam
essentiam corrupti hominis. Lutherus autem inquit, esse eam de essentia. Id
autem hoc pacto intelligit. Quemadmodum iustitia originalis homini ante lapsum
fuit connaturalis, (quemadmodum sani oculi natura est, lucem videre:) ita post
lapsum, iniustitiam originalem, seu peccatum originis etiam homini esse
naturalem, & inesse essentiae ipsius, vt homo naturali ratione, quemadmodum
à patre & matre nascitur, natura, seu propter corruptionem, quae essentiae
& naturae eius inest, aliter non possit, quàm in rebus diuinis coecutire,
iniustum esse, malum, immundum, , corruptum esse &
peccare. Quemadmodum ipse eodem loco explicat, quòd voluntas saucia, intellectus
corruptus, & ratio vitiosa & in aliud mutata sit. Cùm enim voluntas,
intellectus, ratio antea iusta, sancta, munda, libera, sapiens, intelligens
fuerit, Deúmque naturaliter rectè agnouerit, crediderit, & reuerita sit: iam
iniusta est, , immunda, seruituti subiecta, corrupta,
insipiens, vitiosa, peruersa & ad omne malum prona: Quae horrenda omninò
mutatio est, qua loco pulcherrimaru̅ & maximè illustrium
proprietatum & donorum, adeò tetras proprietates & vitiositates
contraxit. Manet itaque nostra voluntas, intellectus, secundùm essentiam,
quemadmodum Lutherus scribit: Longè verò aliam habet naturam, inclinationèm
& proprietates, quàm habuit ante lapsum. Suas igitur phantasias è vocabulo
essentiae nondum comprobarunt: cùm Lutherus longè alia in significatione, ac
ipsi, eo vtatur.
Eadem est ratio vocabuli substantiae, quo Tom. 2. Ienensi, contra Latomum, fol.
396. vtitur, Sophistas nonnihil capere, quae sit substantia peccati, scilicet
offensio DEI, & legis transgressio. Sic enim vlteriùs citato loco scribit,
substantiam hîc accipio, non more Aristotelis sed Quintiliani. Parisienses
obiecerant Luthero, docere eum cum Manichaeis, peccatum esse substantiam,
respondet negatiuè, Non enim vti sevo cabulo substantiae pro essentia per se
subsistente, more Aristotelis, seu quòd statuat,
|| [ID00126]
peccatum essesubstantiam: sed more
Quintiliani, vbi rem denotat, seu rei alicuius proprietates & naturam, de
qua ordine dicendum est, quae eius virtus sit & operatio. Quare aduersarij
vocabulum substantiae, his Lutheri verbis palliare non possunt.
Tertia causa: Vocabulum substantiae, naturae seu essentiae in hac controuersia
esse vocabulum Confessionis, quod non minùs iam possit negligi, quàm vocabula
, sola fide, purè passiuè, & c. Haec ratio locum
si habet, etiam vocabulum accidentis pari modo erit retinendum, cùm & illud
vocabulum factum sit Confessionis in nostris Ecclesijs, maximè illo accedente,
aequi pollentia voci accidentis extare in sacris literis vocabula, de quibus
paulò post: maximè cùm sacra Scriptura in descriptione peccati originalis,
istiusmodi tantùm vocabulis vtatur, quae in Scholis intra accidentia referuntur.
De quibus suo loco pluribus.
Quarta causa: Scripturam interdum vti voce essentiae, veluti, Psal. 14. Corrupti
sunt & abominabiles facti in studijs suis. Quo loco vocabulum essentiae,
idem volunt significare, quod vocabulum substantiae, & quòd hac propositione
asseritur, corrupta humana essentia est ipsum peccatum originis. Turpissima
autem haec est deprauatio sacrae Scripturae & versionis D. Lutheri, quae
omnibus pijs mentibus occafionem praebere deberet, aperiendi oculos, vt videant,
quid in istis hominibus, & sub hoc illorum veneno lateat. Vocabulum enim
essentiae, Psal. 14. non habetur: verùm istiusmodi vocabulum, quod facinus,
opus, studium denotat, cui incumbunt & dediti sunt impij. Quemadmodum id
versiones quoque habent latinae. Lutheri verò versionem quod attinet, hanc
Germanicam loquendi consuetudinem: (quales turbas dat homo iste: quàm tetra
& abominanda ista est consusio non enim dicitur dare substantias, pro dare
turbas (Ein wesen anrichten) in versione sua retinuit, in quibus vocabu lu̅ (essentiae) ide̅ significat, quod actiones malae,
opera mala, studia mala.
Ac impiorum studia (Wesen) hîc nihil aliud denotat, quàm studium, actiones,
consilia, conatus, quibus sunt perpetuò occupati. Nullo modo autem substantiam,
essentiam, seu naturam ipsius impij. Eadem ratione non habetur, Psal. 53. in
lingua sancta: sed haec illic sunt verba: Abominabiles facti sunt in iniquitate,
iniustitia, malitia. Et hoc est, quod Lutherus reddidit, in jhrem dösen
Wesen.
Nunquam igitur Luthero in mentem venit vocabulum (Wesen) idem significare, quod
substantiam seu corruptam hominis naturam, seu
|| [60]
corruptam animam hominis. Qua
igitur conscientia, aduersarius haec testimonia alleget, eoque simpliciores
circumueniat, viderit: priusquam exardescat ira DEI.
Quinta causa: Multa aequipollentia vocabula in sacris literis extare: quae idem
omninò significent, veluti vocem carnis, cordis lapidei, veteris Adami, veteris
hominis. De quibus suprà dictum est, nullum horum vocabulorum idem significare,
quod vocabulum substantiae seu essentiae eo sensu, quo illi istis vtuntur.
Dicta enimvocabula concreta sunt, hoc est, talia, quae res duas complectuntur,
videlicet corruptam substantiam, naturam seu essentiam hominis, &
corruptionem, quae illi inest. Quare minimè verum est, aequipollentia ea esse,
& eiusdem sensus cum vocabulis substantiae, naturae & essentiae
Licèt etiam abstractiuè accipiantur, pro ipsa corruptione, nullam tamen notant
substantiam seu essentiam, sed infirmitatem tantùm, morbum seu defectum in
substantia seu essentia corruptae naturae humanae, quemadmodum suprà ex
Catechismo Lutheri minori, de voce veteris Adami est demonstratum. Nullum igitur
etiam huius rationis est pondus, idque ob eius vanitatem.
Sexta causa, Simili modo turpissimam com plectitur deprauationem, quemadmodum
& quarta. Licèt enim Ecclesia, vocabulo Wesen vtatur, dum canit, lapsu Adae
corrupta̅ esse totam natura̅ & essentiam
hominis: in his tamen Ecclesiae hymnis, non idem significat, quod corrupta
natura & essentia est ipsum peccatum originis. Verùm id eo intelligitur,
hominis naturam & essentia̅ peccato originis horribiliter esse
corruptam. Res autem planè distinctae sunt, corruptam naturam & essentiam
esse, propter peccatum originis: & corruptionem atque peccatum originis
ipsum esse, quemadmodu m hactenus solidè est demonstratum. Vocabulum (Wesen)
quod attinet Psal. 14. (Ir Wesen ist verderbet zwar) paulò antè docuimus, dicto
loco non accipi, pro hominis corrupta natura seu essentia, sed pro studio,
labore & curis impiorum, quibus dies noctésque sunt dediti. Im pudens itaque
temeritas est aduersariorum, his vocibus adeò turpiter abuti pro suo libitu,
& simpliciores, qui non meliùs rem intelligunt, adeò turpiter seducere &
circumducere. Verùm id DEVS suo quoque tempore iudicabit.
Septima causa. Si illud vocabulum abijcerent, doctrinam sese Lutheri reddituros
suspectam, confirmaturos aduersariorum accidens, tur
|| [ID00128]
baturos simpliciores, qui
statuunt peccatum originis, hominis totam naturam & essentiam esse, qui
illius doctrinae causa etiam exilia sint passi. Respondemus D. Lutheri doctrina,
etiamsi abijciatur vocabulum substantiae, nequaquam redditur suspecta. Etenim si
D. Lutheri doctrina de peccato originis, nullo alio fundamento Scripturae
niteretur, quàm quod illi, per vocabulum substantiae & essentiae,
substituere conamini, sanè infirmo niteretur fundamento. Quin contrarium est
verum, impio illo & deprauato vsu vocabulorum substantiae & essentiae,
in doctrina de peccato originis, sacrae Scripturae & Lutheri doctrinam,
potiùs conuelli & euerti, turpissima cum impostura & seductione
simpliciorum mentium, qui hoc abusu & deprauata interpretatione occupantur
& seducuntur: quàm quòd propagetur & defendatur. Veritas enim mendacij
subsidio non eget. Nec vllius momenti est, quòd praetendunt, si abijcerent,
nostros in sententia sua fore confirmatiores. DEI enim beneficio sententiae
nostrae vsque adeò sumus certi, vt perinde nobis sit, siue reijciant illud, siue
retineant.
Si abijcerent, ipsorum id inseruiret saluti, & faceret ad remouenda horrenda
scandala, quae hoc certamine in Ecclesia dederunt: Si non abijcient, in ipsorum
caput, quicquid inde mali consequetur, redundabit, Quemadmodu̅ nec
illa ratio alicuius est ponderis. Multi propter hoc vocabulum in exilia se eijci
passi sunt. Ergò est retinendum. Non enim poena, sed causa martyrem facit. Sic
non exilium verum exulem, sed causa facit. Causa si mala est, Exilium iustum.
Haec autem horrenda & blasphema doctrina est, corruptam scilicet naturam
peccatum originis esse, vel peccatum originis substantiam, essentiam, seu
naturam esse, tueri: & illius causa exilia pati absurdum est, & cum
pietate pugnat. Quare ipsi viderint, quid agant, dum & seipsos &
Ecclesiam DEI perturbant & inuoluunt.
Octaua causa est: Quòd in multis Christianis tam viris, quàm foeminis,
constantiae laude in persequutione ferenda commendatis turbaretur Spiritus
sanctus, si vocabulum substantiae abijcere cogerentur.
Respondemus, Spiritus sanctus in Christianis fidelibus perturbatur, quando sana
& orthodoxa doctrina & verba ipsius abijcienda sunt, & contrà falsae
opiniones non habentes typum sanorum verborum sunt acceptandae. Verba autem
ipsorum non habent formam sanorum verborum, sed falsa sunt & erronea,
quemadmodum hactenus abundè demonstratum. Illa igitur meritò abijcere debebant,
vnde Spiritus sanctus
|| [61]
in
talibus exultaret & gaudium foret coram angelis DEI, qui sunt in coelo.
Multos homines reperiri, qui illas voces, (substantia seu essentia) sine
perturbatione, in hac controuersia abdicare nec possunt nec volunt, ipsorum fit
culpa, qui id simplicioribus sic instillant, & tam turpiter illos seducunt.
Quare tempus est, vt poenitentiam agant, & pro remissione DEVM deprecentur:
aliàs suspiria piarum mentium ab illis seductarum, in illos ipsos deriuabuntur:
& ad ima eos tartara detrudent.
Tandem aduersarius verba libri Christianae Concordiae de accidente, seu peccatum
originis accidens quoddam malum esse, sibi exagitanda sumit, & conuellenda.
Mox ab initio obijcit libro Christianae Concordiae, non esse aliud fundamentum
propugnandi accidens suum, quàm Aristotelem illiúsque diuisione̅,
entis in substantiam & accidentia. Et multis paginis grauissimam instituit
accusationem, aduersus inanem Philosophiam, quarum absurditatum in Theologia
illa sit causa, si illius normam quis sequatur: illiúsque multa producit
exempla, quae nec ipsi negamus. Scimus enim, DEI beneficio, nobis, vt Augustinus
inquit lib. 10. de Ciuitate DEI, cap. 23. ad certam regulam, hoc est, secundùm
verbum DEI esse loquendum. Item, DEVM praecepisse, vt Bernhardus inquit, non vt
versutias Platonis, nec vt argutias Aristotelis, sed vt verbum ipsius doceamus.
Nec ignotum nobis est illud Tertulliani, Philosophos esse hęreticorum
Patriarchas. Non itaque nostri causa prolixa illa commemoratione opus fuisset.
Quòd autem verum sit, quemadmodum nos accusant, nos fundamentum nostrum in hac
causa non è Theologia, sed ex Aristotele petere: id nullo pacto ipsis
concedimus, in aeternum etiam id nunquam probare poterunt.
Priusquam enim liber Christianae Concordiae in Articulo de peccato originss, tàm
in Epitome, pag. 230. quàm in solida repetitione pag. 259. 260. 261. 262. illuc
transit, vt de discrimine substantiae & accidentis agat, & illorum
vocabulorum verum sensum declaret: praesupponit firma, solida, immota fundamenta
è verbo DEI, Augustana Confessione, Apologia, & Articulis fidei nostrae
Christianae de creatione, redemptione, sanctificatione, & resurrectione
carnis nostrae, quę hactenus repetiuimus, & contra aduersarij Calumnias
& Sophisticas deprauationes solidè & verè defendimus. Postea demum
transit ad declarationem quorundam verborum, inter quae haec etiam sunt duo,
substantia & accidens, quorum vero sensu, in explicatione huius
controuersiae carere non possumus.
Quare libro Christianae Concordiae summa vis & iniuria ab aduer
|| [ID00130]
sario infertur, dum accusatur,
quòd fundamentum suae doctrinae in hac controuersia, non ex Theologia sed
Aristotele desumat.
Quòd enim natura sumus filij irae, Ephes. 2. & condemnationi subiecti, Rom.
5. 6. id non ex Aristotele, nec ex Porphyrio est desumptum.
Sic descriptio peccati originis pag. 259. in partes quinque distributa, & ex
Apologia Augustanae Confessionis repetita, non Aristotelis est doctrina, sed
sacrarum literarum, seu ipsius Spiritus sancti, nisi nugari illis placeat,
Apologiae etiam doctrinam de peccato originis non ex verbo DEI, sed aliunde ex
Aristotele & Platone esse petitam.
Quemadmodum nec illud ex libris Aristotelis est deductum, quando liber Christanae
Concordiae ex testimonijs Scripturae pag. 230. 261. 262. demonstrat, discrimen
esse inter corruptam hominis naturam, quatenus etiamnum est creatura DEI: &
inter peccatum originis, quo tota est & omninò corrupta.
Articuli sanè fidei nostrae Christianae de creatione, redemptione,
sanctificatione, & resurrectione carnis, è quibus discrimen inter naturam
& peccatum originis solidè declaratum & ob oculos est positum, non in
Aristotelis & Platonis cerebro sunt nati: nec ex illorum Scholis desumpti,
sed ex sacris literis deducti, nisi denuò illis affirmare sit volupe, etiam
Symbolum Apostolicum ex Aristotelis Philosophia exortum, & in ea fundatum
esse.
Quae etiam libro Christianae Concordiae eo loco pag. 261. contra Manichaeos
asseruntur, illa procul dubio, non ex Aristotele petita, sed ex Augustino, qui
illa ex sacris literis collegit, sunt deprompta: in quibus ne verbum quidem
habetur, quo doceatur, peccatum originis substantiam aut essentiam se ipsa
subsistentem esse: seu, quemadmodum iam aduersarij loquuntur, ipsam corruptam
esse naturam.
Licèt enim Scriptura de corruptione hominis passim conqueratur grauiter, tamen
tam post lapsum, quàm antè lapsum hominem eum appellat, & non ipsum
peccatum.
Quòd autem carnem deprauatam, vanitatem, defectricem, inobedientem, vitem
syluestrem, generationem viperarum, & his similibus Epithetis nominat,
describit humanae naturae malitiam & horrendam deprauatione̅,
quae in illa, peccatum est subsequuta, quibus tamen discrimen corruptae naturae,
cui haec corruptio & morbus inest, & peccati atque corruptionis ipsius,
non tollitur.
Similiter licèt sacra Scriptura originis malum exaggeret, & ampli
|| [62]
ficet, idque meritò, cùm
verissimum sit, in nobis hominibus illud esse ineffabile, vbique tamen
istiusmodi verbis vtitur, quae non docent, peccatum originis substantiam esse
aut essentiam, vel corruptam naturam esse ipsum peccatum originis, sed quae
morbum, defectum & infirmitatem essentiae seu humanae naturae denotant,
& sic discrimen essentiae humanae naturae & corruptionis eiusdem clarè
& manifestò indicant.
Exempli causa, vocabula hebraea Auon, peruersitas, prauitas, vitium, incuruatio,
Pescha, iniquitas, Rescha, inquieta, ardens malitia, quae nunquam quiescit,
Chataach, peccatum, erratum. Sic etiam graeca vocabula ,
Iniustitia, , Transgressio, ,
Peccatum, delictum, , defectus,
, malitia, nequitia, quibus Spiritus sanctus in
Prophetarum & Apostolorum scriptis peccatum exprimit, nunquam ita accipi
& explicari possunt, quòd tantundem denotent, quod substantia seu essentia,
seu quod ipsa corrupta natura: id quod omnes linguarum periti facilè
intelligunt: sed necesse est, explicari ea & accipi de malo, defectu aut
infirmitate, quae hominis corruptaenaturae inest, & qua corrupta est.
Praeterea testatur sacra Scriptura multis locis, peccatum originis, cum omnibus
malis, quae illud consequuta sunt, in electis & beatis desitura, finem
habitura & abolenda esse: Naturam verò seu essentiam humana̅
mansuram, illámque glorificandam & clarificanda̅ esse. Esai.
30. Dominusvulnus populi sui, & percussura̅ plagae eius
sanabit. Esa. 38. Tu eruisti animam mea̅, vt non periret,
proiecisti post tergum tuum omnia pec cata mea. Iere. 33. Et emundabo illas ab
omni iniquitate sua. Mich. 7. Reuertetur & miserebitur nostri, deponet
iniquitates nostras, & proijciet in profundum maris omnia peccata nostra. 1.
Ioh. 1. Sanguis IBSV CHRISTI filij eius emundat nos ab omni peccato. Philip. 3.
Qui reformabit corpus humilitatis nostrae, configuratum corpori charitatis suae.
1. Corint. 15. Corruptibile hoc induet incorruptionem.
Quomodo igitur Scriptura doceret, peccatum originis substantiam, seu ipsam
corruptam esse naturam: cùm vsque adeò clarè indicet, peccatum à natura
seiungendum & expurgandum esse, naturam ipsam conseruandam glorificandam
& saluandam esse?
In super Scriptura istiusmodi vtitur vocabulis, in quibus humanam naturam, veluti
subiectum peccati, describit, peccatum autem velut accidens quoddam, quod
naturae inhaeret. Roman. 6. Ne regnet
|| [ID00132]
peccatum in mortali vestro corpore, Rom. 7. Iam non ego illud operor, sed
habitans in me peccatum. Scio enim in me, hoc est, in carne mea nihil habitare
boni. Item, Reperio igitur lege̅ in mevolente facere bonum, quòd
malum mihi adhaereat. () Rom. 8. Damnabat peccatum in
carne per peccatum. Ephe. 4. Per ignorationem, quae illis inest, Hebr. 12.
Deponentes omne pondus & circumstans nos peccatum. Iere. 17. Peccatum Iuda
tabulis cordis illorum insculptum est. Prouerb. 22. Stultitia colligata est in
corde pueri. Quae testimonia omnia clarè testantur, peccatum non esse ipsam
corruptam hominis naturam, sed illi tanquam morbum, & malum accidens
inhaerere & inesse.
Sic sacra Scriptura in eo etiam discrimen statuit, inter corruptam naturam, &
inter peccatum originis, seu corruptionem, quòd expressis verbis testatur,
hominem seu humanam naturam non condemnari, ideò quia natura aut substantia sit:
verùm ea̅ ob causam, quia peccatrix & immunda, Psal. 39.
Corripis hominem propter peccatum. Esa. 50. Venditi estis propter
peccatumvestrum. Esa. 59. Iniquitates vestrae diuiserunt inter vos & DEVM
vestrum, & peccata vestra absconderunt faciem eius à vobis, ne exaudiret.
Ezech. 3. Impius propter peccatum suum morietur. Necesse igitur est, esse
discrimen inter corruptam hominis naturam, & inter ipsum peccatum originis.
Haec enim perspicua sacrae Scripturae testimonia fallere nequeunt.
Ex his omnibus patet, nos doctrinam nostram de peccato originis, (non esse, eam,
ipsum peccatum originis, sed esse profundissimam & horrendam naturae seu
corporis & animae corruptionem, seu quod idem est, esse pessimum &
nocentissimum accidens, quod, sicut Paulus Rom. 7. scribit, habitat in carne,
seu homini adhaeret) nequaquam ex Aristotelis Philosophia vel diuisione eius
substantiae & accidentis desumpsisse: sed ex sacris literis tanquam puro
limpidissimóque fonte hausisse.
Licèt etiam Scriptura sacra his ipsis vocabulis non vtatur: In homine aliud
substantiam seu essentiam, & aliud peccatum originis, quo substantia seu
essentia humanae naturae, tanquam accidente malo est corrupta: tamen,
quemadmodum demonstratum, docet multis claris & perspicuis testimonijs,
idque non vna sed multiplici ratione, quemadmodum dictum, corruptam substantiam
seu essentiam naturae, non esse ipsum peccatum, sed discrimen esse inter
corruptam naturam & inter ipsum peccatum: quaeomnia nullo fundamento euerti
possunt.
|| [63]
Haec cùm ita se habeant, necessariò sequitur, peccatum originis nullam esse
substantiam aut essentiam, non etiam ipsam corruptam hominis naturam: sed malum
aliquod, grauem morbum, noxium accidens, defectum, ,
quae in hominis carne, quemadmodum Paulus Rom. 7. scribit, habitat, vel eidem
inhaeret. Istiusmodi malum in Scholis accidens nominatur, quod non est ipsa
hominis creata substantia, natura aut essentia: sed illi inest.
Cúmque Scriptura discernatinter corruptam hominis naturam, & inter peccatum,
licèt vocabulis Scholarum substantiae & accidentis non vtatur, meritò cum
sacris literis discernimus: nec patimur, euidens illud discrimen nobis eripi:
verùm Christiana nostra vtimur libertate, quae potestatem nobis concedit
vsurpandi Scholarum vocabula in Ecclesia DEI, quando res, quibus applicantur, in
verbo DEI illustri testimonio sunt comprehensae: quemadmodum hoc ipsum discrimen
in sacris literis, DEI beneficio fundatum est.
Si discrimen inter corruptam hominis naturam, & peccatum originis, in sacris
literis nullum haberet fundamentum, nec tot illustribus testimonijs esset
monstratum, verùm illud sine Scriptura, è nostro confingeremus cerebro, & in
Ecclesiam Christi introduceremus: satis iusta esset aduersario causa,
illudverbis & scriptis oppugnandi, & librum Christia nae Concordiae
arguendi, quòd rem tantam ex solius Aristotelis diuisione substantiae &
accidentis extrueret. Quia verò discrimen illud adeò firmo, solido, immoto
fundamento nititur, nulla est iusta causa, propter quam discrimen inter
substantiam & accidentia, cuius in omnibus Scholis Christianis est vsus,
& quod ad doctrinam de peccato originis accommodatur, tanta vehementia
exagitent & penitus reijciant.
Non liber Concordiae, nec nos hoc loco laboramus de Aristotelica diuisione
substantiae & accidentis: sed de reipsa agimus, de qua tam clarum &
expressum discrimen nobis in sacris literis est ob oculos positum, quòd verborum
inanibus nugis à nullo mortalium eripi nobis patiemur. Diuisione illa docendi
tantùm causa vtimur: cùm in Scholis nostris vsitata sit, &
studiosaeiuuentuti hactenus tradita.
Nos etiam, DEI beneficio, non latetin Scholis transcendentia tradi, que nec inter
substantiam, nec inter accidentia referri possunt. Verùm hoc causae nihil
largitur, nihil etiam adimit: cùm non potissima controuersia sit de Aristotelica
diuisione substantiae & accidentiu̅, sed de peccato originis,
num corrupta hominis natura ipsa sit, vel num discrimen ali
|| [ID00134]
quod sit, inter corruptam
naturam hominis & peccatum originis, qua in quaestione aduersarius disertè
asserit, corruptam hominis naturam, esse ipsum peccatum originis: & nullum
omninò discrimen esse, inter corruptam naturam hominis & peccatum originis.
Nos autem contrà ex verbo DEI simpliciter negamus, corruptam naturam esse ipsum
peccatum, & constanter asserimus, verum esse discrimen inter corruptam
naturam & peccatum originis.
Cùm igitur discrimen hoc inter peccatum originis & corruptam naturam adeò
euidenter & perspicuè è sacris literis demonstrare possimus, & hactenus
demonstrauerimus, nostraque doctrina, in verbo DEI, quod immota est veritas,
adeò firmiter & solidè fundata sit, de illa, quae ab Aristotele tradita
& in Scholis nostris hactenus retenta est diuisio, facilis est decisio. Siue
enim diuisione illa vtamur, siue minùs, hoc tamen secundùm sacram Scripturam
firmum & immotum manet, corruptam naturam hominis, non esse ipsum peccatum
originis, sed discrimen esse inter corruptam naturam hominis, substantiam &
essentiam, & inter ipsum peccatum originis, de quo potissimùm contra
aduersarios, & nequaquam pro Aristotelis diuisione pugnamus.
Secundò obijcit Antagonista libro Concordiae, conari nos, doctrinam de peccato
originis, quod accidens malum, & corruptio quaedam hominis sit, non autem
ipsa corrupta natura, è definitione Accidentis demonstrare. Manifesta autem nos
grauat calumnia. Fundamentum enim libri Christianae Concordiae de hoc articulo,
quid peccatum originis sit, neque diuisioni innititur substantiae &
accidentis, nec huic illíue descriptioni, quid accidens sit aut nominetur.
Verùm, quemadmodum abundè hactenus demonstratum, innititur expresso &
immotae veritatis verbo DEI, articulis fidei nostrae Christianae, de creatione,
incarnatione, redemptione, sanctificatione & resurrectione carnis, quę
manifestò testantur, & confirmant, corruptam naturam non esse ipsum peccatum
originis, sed corruptam naturam à peccato originis esse discernendam. Quòd autem
liber Concordiae definitionis meminit, quid accidens sit & in Scholis
nominetur, non eo fit fine, quòd inde ipsius doctrinae fundamenta quaerere &
deducere conetur: Nullo modo: verùm maioris declarationis causa.
Cùm enim Scriptura expressè asserat, peccatum originis esse defectum, Rom. 3.
Iniustitiam in homine, Rom. 1. Malitiam habitantem in carne, & eidem
adhaerentem, Rom. 7. & corruptam naturam à peccato
|| [64]
originis, vt suprà ostendimus,
discernat, & nequaquam rem vnam & eandem statuat.
In Scholis autem Christianorum haec vocabula omnia, quibus sacra Scriptura
vtitur, inter accidentia referantur, vtitur liber Christianae Concordiae pag.
264. definitione vocabuli accidentis, & inquit: Cùm peccatum originis per se
non subsistat, (subintellige, quemadmodum substantia, seu natura essentiae
humanae) verùm sit in natura mutabilis, virtute enim Spiritus sancti ab illa in
regeneratione aliquo modo separatur, in gloriosa verò resurrectione plenissimè
separabitur: esse illud accidens, in homine, seu humana natura, & non ipsam
hominis corruptam naturam. Hoc tam clarum & euidens est, vt etiam
aduersarius fateri cogatur hoc loco, peccatum originis non esse essentiam seipsa
subsistentem. Quòd si non est seipsa subsistens essentia, substantia certè aut
corrupta natura ipsa sine discrimine esse minimè potest: sed necesse est, esse
accidens aliquod in natura seu essentia hominis: id nos fallere minimè
potest.
Obijcit verò aduersarius, peccatum originis non quidem est seipsa fubsistens
essentia, nec tamen distinctum quiddam est in essentia hominis, sed ipsa est
hominis tota corrupta peccatrix essentia: quare accidens esse non potest.
Aduersarius quidem hoc loco asserit, peccatum originis non esse seipsa
subsistentem essentiam: & tamen ibidem, qua potest vehementia, contendit,
esse eam ipsam corruptam peccatricem hominis essentiam, nullúmque accidens. Haec
verò quomodo simul vera esse possunt? Corrupta peccatrix essentia hominis,
nullum quidem accidens est, sed est seipsa subsistens essentia & substantia,
id quod nemo negare potest. Quod si corrupta peccatrix natura hominis est ipsum
peccatum originis, necessariò verum est, quod tamen aduersarij negare conantur,
peccatum originis essentiam esse seipsa subsistentem.
Corrupta enim natura, est seipsa subsistens essentia. Vel, siquidem id concedere
recusant, necesse est, vt fateantur, hominis peccatricem corruptam essentiam,
nullam esse substantiam, sed accidens quoddam. Haec quomodo aduersarius
conciliare velit, videbimus.
Vulgatam accidentis definitionem quod attinet, Accidens est, quod adesse &
abesse potest, citra subiecti corruptionem, &c. ex qua aduersarius
concludere conatur, si peccatum originis accidens sit, necessariò sequi,
secundùm hanc descriptionem, nostram naturam bonam &
|| [ID00136]
nequaquam corruptam esse & manere.
Ad eam obiectionem haec nostra est responsio. Commune̅ illam
descriptione̅ accidentis, tanquam minus sufficientem, ad hanc
quaestionem no̅ esse referendam, in eo maximè intellectu, quo ab
aduersarijs sumitur. Id enim nequaquam verè dici potest, peccatum originis, in
natura hominis esse sine corruptione eiusdem. Sacra enim Scriptura, &
quotidiana experientia testatur, hoc accidente malo, humanam naturam &
essentiam totam corruptam esse.
Quare haec etiam generalis descriptio accidentis in libro Concordiae non habetur,
verùm altera, quae rectiùs ad praesens institutum accommodari potest. Hoc
quidemverum est, peccatum inesse humanae naturae citra totalem eius &
omnimodam destructionem aut abolitionem. Adamus enim per peccatum non est totus
abolitus & in nouam speciem transmutatus, vt idem qui prior ampliùs non
fuerit Adam: Natura enim & intellectus eius, &c. manserunt, licèt
horribiliter corrupta. Quòd autem istiusmodi sit accide̅s, quo
humana natura tota incorrupta mansit: id minimè est verum. Humana enim natura
& essentia tota peccato est corrupta, ab eodémque sic infecta, vt quo ad
hanc vitam, plenè ex illa extirpari non possit: sed abolitionis ipsius Spiritus
sanctus in fidelibus initium tantùm quoddam facit, plenaria autem & absoluta
eius abolitio demùm in resurrectione perficietur, 1. Corinth. 15.
Et quid multis verbis opus est, si peccatum originis, nullum accidens esset in
corrupta essentia humana: sed substantia vel ipsa corrupta natura &
essentia, necesse esset. Vel ipsum corpus hominis, vel partem eiusdem esse, vel
necesse esset, animam hominis ipsam esse, vel partem eiusdem: horum autem nullum
verum est, nec verum esse potest. Hominis corpus esse nequit, cùm Scriptura,
Rom. 6. dicat, quòd in corpore humano regnet: non etiam pars aut membrum eiusdem
esse potest, cùm Rom. 6. illam in membris nostris dominari & Imperium in ea
affectare asseratur. Anima etiam esse non potest. Anima enim hominis est
Spiritus viuens & intelligens, à DEO ipso conditus & est immortalis:
quorum nullum de peccato originis praedicari potest. Pars etiam animae esse
nequit. Anima enim hominis in partes diuidi non potest, sed est essentia se ipsa
subsistens, indiuidua. Quòd si pars animae nominari vel maximè posset, quod
tamen fieri minimè potest, propter illam tamen causam id locum non habet, cùm
quicquid ipsa anima est, à DEO antè lapsum sit conditum, antequam esset
peccatum: peccatum autem à DEO non est conditum.
|| [65]
Summatim, peccatum originis non potest essentialis esse forma hominis, qua homo
est, & à reliquis creaturis discernitur: veluti, quòd corpus & anima in
homine vnita vnam personam constituunt: vel quòd corpus propriam suam formam
habet: anima etiam suam ipsius formam. Haec enim omnia à DEO sic sunt creata.
Forma etiam hoc pacto esse nequit essentialis ipsius animae, qua anima est,
& sine qua anima esse & subsistere non potest: Illa enim ante lapsum
fuit, quando peccatum originis non fuit. Facultas sentiendi, intelligendi,
appetendi esse non potest. Necesse enim foret, peccatum fuisse, priusquam
existeret: seu priusquam Adam peccasset. Quemadmodum nec immortalitas, aut
spiritualis animae vita esse non potest: haec enim omnia ante lapsum fuerunt,
priusquam peccatum esset.
Extra etiam controuersiam est, Deficiente essentiali forma, qua res aliqua est
& subsistit, & succedente essentiali forma alia, indiuiduum seu
creaturam non manere, sed totam interire. Exempli causa: Si essentialis forma
Leonis mutaretur in aliquid aliud, Leo amplius non esset. Si autem alia
essentialis forma ei accederet, foret aliquid aliud & diuersum à Leone.
Quandiu autem Leo essentialiter suam formam retinet, tandiu etiam ille ipse est
& manet Leo: nihílque fit aut est diuersum à seipso. Quòd si Adam per lapsum
essentialiter suam formam amisit, necesse est, nouam eum speciem effectum, nec
priorem amplius esse Adamum secundùm naturam & essentiam. Hoc autem est
falsum. Si etiam anima Adae singulariter per lapsum, essentiam, formam &
naturam amisisset, & aliam essentialem formam & naturam acquisiuisset,
necesse foret, animam mortalem esse, non etiam ampliùs prior foret anima, quam
DEVS ipse in Adamo condiderat: sed aliam & nouam esse animam, quod falsum
est & erroneum.
Quare peccatum originis essentialis forma hominis seu animae esse non potest.
Praeterea manifestum, peccato in homine, quando ad DEVM conuertitur, succedere
iustitiam, in qua illi ipsi homines in futura vita, splendebunt vt sol: &
quidem in illa ipsa anima illorum, & illo ipso corpore, quod in hac vita
obtinuerunt. Quare necessariò consequitur, peccatum originis & iustitiam non
essentiales sed accidentales esse formas. In vno enim eodémque homine, altera
alteram subsequi potest, quod fieri non posset, si secundùm somnia aduersarij,
peccatum originis essentialis forma hominis seu animae esset. Quoties enim homo
à conuersione ad DEVM & à iustitia deficeret, necesse foret, eum
essentialiter transforma
|| [ID00138]
ri &
alium hominem fieri, & essentialiter aliam habere animam: & quando ad
DEVM rursus conuerteretur, necesse esset, denuò noua eum anima, à priori
secundùm essentiam distincta donari.
Similiter peccatum hominis proprium esse non potest, cùm non soihomini, sed malis
etiam spiritibus insit. Cúmque propria istiusmodi affectiones sint: ad quas
singulae creaturae conditę, vt ijs officia sua, ad quae creata, peragant, homo
autem in eum finem non est conditus vt peccet, peccatum hominis proprium esse
non potest.
Quemadmodum simili modo nec hominis sunt differentia, qua à reliquis creaturis
propriè est distinctus. Vera enim differentia pars est, constituens rem
differentem. Certum est autem, peccatum non constituere hominem: aliàs enim Adam
antè lapsum, integer homo non fuisset, quem admodum nec Christus, qui peccatum
non nouit: beati etiam in vita aeterna, nulli ampliùs futuri veri homines, cùm
tum nullum amplius peccatum sint habituri. Homo etiam seu humana natura, tùm est
perfectissima, quando à peccatis est immunis & libera: quemadmodum illius
illustre documentum in homine habemus ante lapsum & in Christo homine.
Summatim, inuertant quomodocunque velint, dici non potest, peccatu̅
esse quiddam constituens hominem. Homo enim aliàs non perfectus esset homo:
quando à peccato emundatus, & penitus ab eo esset liberatus. Praeterea
Christus Dominus & redemptor noster, omnia, quae ad veram humanam naturam
requiruntur, veluti corpus & animam assum psit, peccatum autem non
assumpsit, quare peccatum non potest esse pars naturae seu essentiae humanae,
qua homo vel natura eius subsistit: multò minùs autem ipsa humana natura.
Necessariò autem horum vnum aliquid esset, si corrupta natura sine vllo
discrimine ipsum peccatum esset. Item, Si inter peccatum & animam nullum
esset discrimen, sed anima ipsum esset peccatum, sancti verò homines, omnes
partes, quae ad humanam naturam requiruntur, in resurrectione sint recepturi,
non autem peccatum, peccatum certè ad naturam hominis minimè pertinet, &
neque pars eius, neque tota est corrupta humana natura. Quòd si nec corpus est,
nec pars aut membrum corporis, nec anima, nec pars eius, nec essentialis forma
hominis aut animae, nec proprium, nec differentia, aut quiddam constituens
hominem, siue pars hominis, necesse est, esse accidens malum, in corrupta natura
hominis haerens. Hoc nunquam fallere potest.
|| [66]
III. Oppugnat hic etiam phanaticus descriptionem substantiae, eamque lubenter
carperet, si quo veritatis posset fundamento.
Liber Christianae Concordiae concludit cum Augustino, pag. 264. hoc pacto. Omnis
substantia seu essentia seipsa subsistens, quatenus est substantia, vel ipse est
DEVS creator, vel opus & creatura DEI. Peccatum autem originis non est DEVS
ipse, nec est opus & creatura DEI. Necesse igitur est, esse eam accidens
quoddam malum in creatura DEI, hoc est, in natura humana.
Respondet aduersarius, non sese affirmare, peccatum originis esse(Oo. 3. fac. 2.) seipsa
subsistentem essentiam, quemadmodum olim Manichaei nugati sunt: verùm hominis
eam esse corruptam naturam & essentiam. Est ne verò hoc ad rem respondere,
si peccatum originis non est per se subsistens substantia, & tamen corrupta
est essentia, seu natura hominis sine omni discrimine, necessariò sequitur,
corruptam naturam hominis, quae secundùm illorum opinionem ipsum peccatum est,
non esse seipsa subsistentem essentiam, sed accidens quoddam. Inde verò nouum
quoddam absurdum & impium dogma exoriretur. Quòd si corrupta humana natura,
seu corrupta hominis essentia, seipsa subsistens est substantia (quemadmodum id
minimè negari potest) quae per se subsistit, & non est accidens quoddam,
eademque verè, secundùm illorum opinionem, est ipsum peccatum originis, ita vt
nullum omninò discrimen sit inter corruptam naturam & inter peccatum
originis: necessariò verum esse conceditur, peccatum originis esse singularem
quandam, & seipsa subsistentem essentiam, id quod vehementissimè aliàs
negant: quo sese à suspicione Manichaeismi liberare possint. Horum alterum
necesse est, vt fateantur, si vel angue essent magis lubrici.
Aduersarius concedit diuisionem illam esse veram in Theologia, omnem substantiam,
vel DEVM esse creatorem, vel creaturam DEI. Huic autem diuisioni hanc vult
adiungi subdiuisionem, maximè quoad creaturas: omnem creaturam vel bonam esse
vel malam. Hoc ipsi est non tantùm respondere, sed etiam fundamenta libri
Concordiae penitus euertere. Quid autem de hoc responso iudicas Christiane
Lector? An non ita res se habet, Aduersarium haec confessione diuisionis, omnem
substantia̅ vel DEVM ipsum creatorem esse, vel creatura̅ DEI, vniuersam sua̅ doctrina̅ de
peccato originis penitus & funditus subuertisse. Illa enim diuisio si vera
est, vt est verissima, & in ęternu̅ immota manet, omne̅ substantia̅ vel Deum ipsum esse, vel creatura̅ Dei, peccatu̅ verò originis secun
|| [ID00140]
dùm illorum doctrinam, ipsa est
sine omni discrimine corrupta hominis substantia, essentia, natura, horum
alterum necesse est, vt fateantur, vel peccatum originis ipsum DEVM esse, vel
saltem creaturam & opus DEI: Quòd ipse sit DEVS, haud sanè facilè
asseuerauerint, quare necesse est vt alterum fateantur, esse illud creaturam
& opus DEI: vel DEVM peccatum originis creare. Haec sanè egregia tandem
Theologia futura. Et quidem (Illyricus in 2. parte cla uis fol. 488. 497. In Co̅feßione p. 171. & alibi.) Illyricus & alij in illam
iam descenderant sententiam: vt assererent, DEVM in homine creare & formare
omnes qualitates bonas & malas: & omnia accidentia tàm bona quàm mala:
peccatum autem originis est mala quaedam qualitas, morbus & defectus in
homine. Vnde necessariò sequitur, DEVM peccati originis esse creatorem.
Subdiuisionem illam, qua asserunt, omnem creaturam vel bonam esse vel malam,
nullo modo eis concedimus. Omnes enim creaturae, quatenus creaturae DEI sunt
& nominantur, bonae sunt & minimè malae: DEVS enim nullam malam
creaturam condidit: sed omnes bonas creauit: Genes. 1. Vidit DEVS cuncta quae
fecerant, & ecce erant valdè bona.
Licèt enim Angeli & homines à DEO per peccatum defecerint, non tamen sunt,
nec dicuntur malae, quatenus DEI creatura & opus sunt, verùm quatenus in
peccatum inciderunt, malitiam, impuritatem, iniustitia̅, contraxerunt: natura quidem ipsorum facta est mala, non
autem malitia ipsa, vt isti homines praeseferunt.
Et huc referenda sunt verba Augustini contra Epistolam fundamenti, cap. 33.
Itaque si tollantur illa, quae modò enumerata sunt, bona illa, quae laudata
sunt, sine vlla vituperatione remanent. Si autem bona ipsa tollantur, nullam
remanere naturam. Ex quo iam videt, qui potest videre, omnem naturam, in quantum
natura est, bonam esse. Quia ex vna eadémque re, in qua & ego quod laudarem,
& ille quod vitupareret inuenit. Si tollantur ea quae bona sunt, natura
nulla erit. Si autem tollantur ea, quae displicent, incorrupta natura manebit.
Tolle aquis, vt non sint coenosae & turbidae, remanent aquae purae atque
tranquillae. Et cap. 34. Sed fortasse dices: Illa mala de talibus naturis non
possunt auferri, & ita naturalia debere accipi. Non nunc quaeritur, quid
possit vel non possit auferri, sed certè non paruum lumen est ad intelligendum,
omnes naturas, in quantum naturae sunt, bonas esse, quòd sine illis malis
cogitari bona illa possint, sine bonis autem illis nulla natura cogitari potest.
Et cap. 35. Quis dubitet, totum illud, quod dicitur malum, nihil esse aliud,
|| [67]
quàm corruptionem. Et paulò
pòst: Quòd si non inuenitur in rebus malum, nisi corruptio, & corruptio non
est natura, nulla vtique natura malum est. E quibus verbis Augustini manifestò
constat, hominis naturam, quatenus natura, bonam esse, & malitiam seu
corruptionem naturae & naturam ipsam non esse eadem. Et siquidem malitia
& corruptio à natura tollatur, naturam manere DEI creaturam: quemadmodum
aquae manent aquae, si id, quo coenosae & turbidae sunt, tollatur.
Dictum, Omnia, quae ex fide no̅ sunt, peccatum esse, Rom. 14. longè
aliud sibi vult, quàm de quo est controuersia. Apostolus loquitur de operibus,
quae sine fide in Christum fiunt, & asserit, opera illa peccata esse, hoc
est, DEO displicere. Illud verò refert aduersarius ad corruptam naturam hominis,
& ex eo vult euincere, corruptam naturam esse ipsum peccatum. Lutherus etiam
in libro de seruo arbitrio, hoc dictum non eo fine allegat, vt demonstret,
corruptam naturam esse ipsum peccatum: de hoc enim inter ipsum & Erasmum
nulla erat controuersia, verùm de viribus nondum conuersae seu nondum
regeneratae voluntatis humanae in rebus spiritualibus: quas D. Lutherus dicto
illo oppugnat & euertit: non autem pugnat, corruptam naturam esse ipsum
peccatum originis. Quare D. Lutheri verba ad hanc causam non pertinent, & ab
aduersario hoc loco malè & contra mentem Lutheri allegantur.
Ad obiectionem, de naturali & Theologica consideratione hominis, cuius denuò
hoc loco fit mentio, suprà solidè respondimus: cui etiamnum acquiescimus.
Lutheri etiam dictum è Psal. 90. hominem in rebus spiriritualibus habere se
instar trunci aut lapidis, huc quoque non est referendum. Hoc enim loco non est
controuersia, de viribus voluntatis nondum conuersae, in rebus spiritualibus:
sed de peccato originis, num corrupta natura, sine omni discrimine peccatum
originis ipsum sit nec ne: cuius controuersiae Lutherus in citatis verbis,
nullam omninò, ne minima quidem in re, mentionem facit.
Sic nihil etiam eos iuuat, Lutheri dictum, in Ienensi Postilla domestica, dum
inquit: Homo secundùm Theologiam consideratus, mortalis est, iniustus, mendax:
de eo enim non co̅trouertitur. Edocere volunt, corrupta̅ naturam esse ipsum peccatum originis, & istiusmodi
testimonia proferunt, quae asserunt, hominem Theologicè consideratum, esse
mortalem, iniustum, mendacem. Omnes verò facilè intelligunt, hanc probationem
esse nullam.
|| [ID00142]
Toto pectore fatemur, hominem post lapsum, ratione DEI consideratum, mortalem
esse, iniustam & mendacem creaturam. Verùm quid illud ad praesentem facit
controuersiam, qua contendunt, corruptam naturam esse peccatum ipsum? Vel coecus
in pariete palpare potest, haec non eadem esse, quando Lutherus nósque cum ipso
docemus, hominem iam post lapsum, esse mortalem, iniustam, mendacem creaturam:
& quando illi nugantur, hominem seu corruptam humanam naturam, sine
discrimine esse ipsum peccatum originis.
Distinctio Tom. 1. Ienens. fol. 81. in qua Lutherus agit de discrimine inter
benedictionem temporalem & diuinam, nihil etiam ad praesentem facit
controuersiam de peccato originis. Hoc enim diserimen immotum quidem manet,
& per se verum est & orthodoxum: non autem demonstrat id, dequo est
controuerfia, videlicet corruptam naturam sine omni discrimine ipsum esse
peccatum originis. Non quaeritur, an discrimen aliquod sit, inter temporalem
& aeternam benedictionem: verùm haec ipsis propositio demonstranda incumbit,
corruptam naturam sine omni discrimine, esse ipsum peccatum originis: Ad hanc
longè alia requiritur probatio, quàm ista modò exposita.
(Pp. 2. fac. 2.)
Tetrum est & impudens mendacium, nos docere, hominem etiam spiritualiter esse
bonam DEI creaturam: hoc è libro Concordiae nunquam edocere possunt, vel si
possunt, vt edoceant, prouocamus: Nostra enim doctrina est, licèt homo, quo ad
ipsius naturam, creatura DEI est: esse tamen eum, quo ad res spirituales, ad
bonum emortuum, esse carnalem, venditum sub peccatum, Spiritui DEI non esse
subditum: res diuinas stultitiam ei esse: nullas in rebus spiritualibus habere
vires, nisi prius sit regeneratus. DEVS iustus iudex, haec illorum mendacia
redarguet, nisi in tempore egerint poenitentiam.
Quantum ad dictum Pauli Rom. 7. Reperio aliam legem in membris meis, hoc pacto
arbitratur aduersarius se illud posse eludere: quòd Paulus de se tanquam de
regenerato loquatur: aliàs Scripturam nusquam asserere, Accidens tantùm in
homine non regenerato esse, quod peccatu̅ sit, hominis verò
natura̅ & essentiam non esse peccatum seu originis
peccatum. Multis verò verbis opus non est. Peccatum est peccatum, siue sit in
renato, siue non renato: & regeneratio nullum efficit discrimen peccati
ipsius in & per se, quòd videlicet aliud quid sit peccatum in renato, aliud
in non renato homine: Quemadmodum id Lutherus etiam contra Latomum, Tom. 2.
Ienensi, pag. 426. his verbis testatur. Nihil differt peccatu̅
|| [68]
à seipso, secundùm naturam
suam, ante gratiam & post gratiam: differt verò à sui tractatu, aliter enim
nunc tractatur, quàm antea. Antea tractabatur, vt esset & cognosceretur,
& obrueret nos, nunc tractatur, vt non sit, & eijciatur. Quemadmodum
igitur peccatum originis, quod in Paulo & in omnibus renatis est reliquum,
non est ipsa ipsius corrupta natura, sed habitat tantùm in illo, & repugnat
legi mentis eius: Ita in non renatis non est ipsa corrupta natura, sed habitat
& dominatur in illis. In eoverò est discrimen, quòd Paulo peccatum est
remissum, & per Spiritum, in seruitutem subactum, ne amplius in ipso seu
membris eius dominetur, licèt adhuc repugnet: Paulus enim per Spiritu̅ opera carnis mortificat, Rom. 8. & veterem Adamum, vnà cum
concupiscentijs suis crucifigit, Gal. 5. Quae omnia in homine non renato nec
sunt nec fiunt Illi enim peccata nondu̅ sunt remissa, emplastrum,
vt Lutherus Psal. 32. loquitur, nondum vulneri ipsius est impositum: sed vulnus
adhuc crudum est (patet) & minimè obligatum. Non renatus etiam, non est
Spiritu sancto praeditus, quo peccato in membris suis militanti, repugnare
possit.
Deinde probè nouimus, Scripturam nequaquam sic nudè loqui, accidens tantùm in
homine peccatum esse, naturam verò minimè esse corruptam, quemadmodum nec nos
eum in modum loquimur aut docemus. Constat enim Scripturam, non merum aliquod
accidens in homine accusare: sed totam humanam naturam propter peccatum, quo est
corrupta, arguit, & expressè docet, totam naturam corrupta̅
esse & mala̅. Nec tame̅ cum istis phanaticis
docet, corruptam ideò naturam sine omni peccato esse originis. Diuersissima enim
sunt, docere, totam naturam per peccatu̅ esse corrupta̅: & corruptam naturam esse ipsum peccatu̅
originis.
Diuisio etiam, qua Scriptura hominem, in Spiritum & carnem discernit,(Pp. iij. fac. 1.) seu in
veterem & nouum hominem, nequaquam id efficit, quod aduersarius asserit,
corruptam naturam ipsum esse peccatum originis, vel in Paulo, alióue homine
renato duas esse essentiales formas seu imagines, quemadmodum Illyricus &
ipsius asseclae nugantur.
Caro enim totum denotat homine̅ animo & corpore, quatenus no̅ est renatus. Spiritu̅ appellat, quatenus renatus
fide, nouis viribus, noua luce & vita est ornatus, quibus antè
regeneratione̅ no̅ fuit pręditus. Et hoc pacto
idem Paulus caro est & Spiritus, caro seu carnalis, quatenuspeccatu̅ illi adhaeret, & suos in corde & carne motus habet.
Spiritus seu spiritualis, quatenus per Spiritum S. & fide̅
peccato est mortuus, concupiscentiae carnis repugnat, ea̅demque
mortificat. Quo verò fundamento inde concludi
|| [ID00144]
potest, corruptam naturam esse ipsum
peccatum originis: & quae est connexio, Caro seu carnalem esse, totum
denotat hominem corpore & anima, quatenus non est renatus: quare corrupta
natura sine discrimine est ipsum peccatum originis. Omnes sanè intelligunt,
nullam esse huius .
Eadem est ratio vocabulorum veteris & noui hominis, in quibus vocabula, vetus
homo, rursus totu̅ denotant hominem, qua ratione peccato corruptus
à Diabolo, (quemadmodum D. Lutherus in Postilla Ecclesiastica Dominica 19.
Trinit. in Epistolam ad Ephes. 4. rectè scribit) excoecatus, & in ipsa anima
corruptus est, vt DEVM prae oculis & in conspectu non habeat, non vera
fiducia illi adhaereat: imò ne quidem vllam DEI curam aut rationem habeat,
versatur sine metu iudicij diuini: ac licèt ore cum de DEI verbo, tùm de
Euangelio eius glorietur, reipsa tamen idem manet, qui erat ante, &c. Et
complectitut simul ipsam corruptam naturam & corruptionem, quae naturae
inest, & è natura non penitus extirpari potest, quandiu homo viuit. Nouus
homo similiter denuò nominatur totus homo anima & corpore, quatenus Spiritu
sancto renatus, per fidem renouatus, nouis viribus, luce & vita est
praeditus. Vnde omnes intelligunt, aliud esse veterem illam corruptionem, &
ab Adamo innatam malitiam in natura: & aliud ipsam corruptam naturam,
quemadmodum suprà pluribus de his actum & dictum.
(In Commentario Epistolae ad
Galatas.)
Et quid verbis opus est, D. Lutherus, quem perpetuò aduersarius allegat, ipse
scribit Tom. 1. lat. Ienensi. pag. 447. Nouum & veterem hominem non
discernendu̅ esse ratione substantiae aut essentiae, sed
qualitatis diuersitate. Verba eius haec sunt: Sicut carnem sauciam aut morbosam
vtrumque appello, sanam & morbidam (neque enim vlla est tota morbus) quae in
quantum incipit sanari & sana est, sanitas vocatur, vbi verò vulnus aut
morbus reliquus est, morbus vocatur: Atque vt morbus seu vulnus reliquam sana̅ carnem impedit, neperfectè faceret, quod caro sana faceret: Ita
idem homo, eadem anima, idem Spiritus hominis, quia affectu carnis mixtus &
sauciatus est, quatenus sapit, quae DEI sunt, Spiritus est, quatenus carnis
mouetur illecebris, caro est, quibus si consentit, totus caro est, vt Genes. 6.
dicitur: Rursus si consentit totus Legi, totus Spiritus est, quod fiet, quando
corpus erit spirituale. Non ergò duo isti homines diuersi imaginandi sunt, sed
velut crepusculum matutinum, quod neque dies, neque nox est, vtrumque tamen dici
potest. Et pag. 448. Homo
|| [69]
interior & exterior, seu nouus & vetus, non distinguuntur iuxta
differentiam animae & corporis, sed iuxta affectus.
Licèt verò haec verba figmentum aduersariorum penitus euertant, authoritatem
tamen Lutheri pro se allegare non erubescunt.
Sic discrimen hoc explicat etiam Irenaeus lib. 5. inquiens: Abluti sumus non
substantiam corporis, neque imaginem plasmatis, sed pristinam voluntatis
conuersationem. Similiter Augustinus libr. 2. contra Faustum Manichaeum. Item,
Tractatu 41. in Iohan. Horrenda itaque blasphemia est, qua Illyricus &
complices eius fingunt, Apostolorum doctrinam esse, duos esse distinctos, in vno
homine homines: & quod absurdius est, esse in homine duas diuersas
substantiales formas animae. Hoc enim si verum esset, in omni renato homine
necesse esset, duo etiam distincta esse corpora. Vbi enim duae diuersae sunt
animae, ibi duo etiam diuersa necesse est esse corpora, cùm vetus & nouus
homo, non tantùm animam seu corpus complectatur: sed totum hominem corpore &
anima, cum omnibus viribus, quatenus vel renatus, vel non est renatus. Haec
tandem egregia sanè futura Theologia.
IIII. Conatur aduersarius Augustinu̅ etiam in suas partes
pertrahere:(Pp. 4. fac.
2.) cùm tame̅ ipsius sententiae contrarium omninò
doceat: peccatu̅ originis accidens quodda̅ esse
malu̅: & non natura̅ seu essentiam hominis
ipsam.
Et initiò obijcit, licèt Augustinus Manichaeorum doctrinam de peccato condemnet,
nullo tamen loco reijcere eum aut improbare hanc doctrinam, peccatum originis
est hominis corrupta natura & essentia.
Initiò autem, Augustini sententiam paucis explicabimus, postea ad testimonia,
quae ex Augustino allegant, solidè respondebimus.
Augustinum Illyrici doctrinam, quemadmodum, eam, initiò huius certaminis
proposuit, peccatum originis scilicet substantiam esse, reiecisse, suprà in
refutatione secundi capitis est demonstratum: hoc verò loco idem pluribus
Augustini testimonijs comprobabimus.
Contra Secundinum, cap. 12. scribit Augustinus: Certè omnis inter nos discretio
est, quòd vos substantiam quandam, malum esse dicitis, nos verò non
substantiam.
Cùm itaque docuerit Illyricus, peccatum originis substantiam esse, cuius
contrarium docet Augustinus, dubium non est, Illyrici eum doctrinam improbasse.
Expressè enim asserit, non esse substantiam.
Item, lib. 7. Confession. Malum illud, quod quaerebam, non est substantia, Et
cap. 16. Quaesiui, quid esset iniquitas, & non inueni substan
|| [ID00146]
tiam. Quid quaeso clarius
contra Illyrici figmentum de substantia, hoc ipso, dici posset?
De vera religione, cap. 19. Nunquam fieri potest, vt vlla substantia malum sit.
Vnde iterum apparet, Augustinum Illyrici doctrinam de peccato originis, quòd
substantia sit, improbasse.
Similiter Augustinum, Irenaei, Spangenbergij & reliquorum doctrinam, qui
statum aliquo modo inuertunt, & hoc tempore co̅tendunt,
corruptam naturam, sine omni discrimine, esse ipsum peccatum originis,
repudiasse & tanquam falsam & erroneam damnasse: similiter ex illius
testimonijs patet: quorum aliqua hoc loco recitabimus.
Augustinus de natura boni, aduersus Manich. cap. 4. Proinde cùm quaeritur, vnde
sit malum, priùs quaerendum est, quid sit malum, quod nihil aliud est, quàm
corruptio: Mala itaque natura corrupta dicitur. Quòd si malum seu peccatum nihil
aliud est quàm corruptio: Corruptio autem nulla est natura aut essentia, sanè
secundùm Augustini doctrinam verum minimè est, corruptam naturam esse ipsum
peccatum originis. De corrupta enim natura dicitur quidem, corruptam eam esse:
quòd autem ipsa sit corruptio, & quòd inter naturam & corruptionem
nullum sit discrimen, id ex Augustini scriptis nunquam demonstrabunt.
Contra Epist. fundamenti, cap. 35. Nulla vtique natura malum est, Quòd si igitur
nulla natura est ipsum malum: necesse est secundùm Augustini sententiam erroneum
esse, corruptam naturam esse ipsum peccatum originis, cùm omninò natura sit.
Lib. 11. de Ciuit. DEI, cap. 9. Mali nulla natura est. Si itaque mali seu
peccati natura est nulla, secundùm Augustini doctrinam verum esse nequit,
corruptam naturam hominis esse ipsum peccatum.
De fide contra Manich. cap. 9. Malum non potest esse natura nec substantia, nec
vita, quia hęc bonum sunt, in quantum sunt. Vnde iterum necessariò sequitur,
corruptam naturam malum seu peccatum ipsum non esse. Quatenus enim est &
subsistit, non est ipsum malum seu peccatum, sed opus DEI.
De vera religione cap. 23. inquit: Vitium animae non est natura eius. Reijcit
igitur Augustinus erroneam hanc opionem, corruptam naturamseu animam esse ipsum
peccatum originis. Lib. 2. Hypognost. Cùm peccauit homo, natura peccauit, &
facta est natura iam peccatrix, id est, vitium habens peccati, non ipsa effecta
vitiumvelpeccatum. Quibus verbis iterum expressè reijcit, corruptam naturam esse
ipsum peccatum.
|| [70]
Et ibidem: Semen ergò vitiatum est, non vitium.
Et de vera religione, cap. 25. Homo, etsi habet vitia, non tamen est ipse
vitium.
Lib. 2. de moribus Manichęorum cap. 5. Corruptio non est in seipsa, sed in aliqua
substantia, quam corrupit. Non enim substantia est corruptio. Ea igitur res,
quam corrupit corruptio, non est malum. In quibus testimonijs opinio illa
damnata est, corruptam naturam, peccatum seu cor ruptionem ipsam esse. Huiusmodi
testimonia plura ex Augustino allegare possemus: nisi iusto prolixius hoc
scriptum futurum. Et sanè ex modò enumeratis Lector Christianus satis colligere
potest, quid Augustinus de Irenaei, Spangenbergij, & ipsorum complicum
doctrina, corruptam naturam peccatum ipsum esse, senserit.
Quantum verò attinet illa testimonia, quae ab ipsis allegantur, contra ipsos
pugnant, tantum abest, vt illorum opinionem probent aut confirment.
(Pp. 4. fac. 1. &
deinceps)
Augustinus contra Secundinu̅ cap. 12. Certè enim omnis inter nos
discretio est, quòd vos substantiam quanda̅ malum esse dicitis:
nosverò non substantiam, sed inclinationemab eo, quod magis est, ad id quod
minus est, malum esse dicimus, &c. omnem illorum structura̅
funditus euertit. Etenim si peccatum non est essentia: in confesso autem est,
corruptam naturam esse essentiam, corrupta natura ipsum peccatum esse non
potest.
Hominis essentia seu natura, non mansit talis, qualis fuit: Ergò ipsum est
peccatum. Respondemus: Non mansit talis, qualis fuit, sed corrupta peccatrix
& immunda effecta est: non autem ipsum peccatum. Aliàs necesse esset,
peccatum essentiam esse, quod Augustinus pernegat, cùm corrupta natura sit
essentia.
Sic quòd Augustinus inquit, Hominem spiritualiter esse mortuum, concedimus cum
Augustino, inde verò non sequitur, corruptam naturam esse ipsum peccatum
originis. Spiritualiter enim mortuum esse, carnalem factum esse, peccato
corruptum esse, & peccatum originis ipsum esse, res sunt, vt saepè iam
demonstratum, distinctae.
Item, contra Iulian. lib. 3. cap. 26. Hominis natura tota est corrupta & mala
effecta, è qua peccatum originis in nos est deriuatum, rectè est dictum: quo
modo verò id inde sequitur. Ergò corrupta hominis natura, peccatum originis
ipsum effecta est: corruptum & malum omninò factum esse, & peccatum
originis ipsum effectum esse, res sunt planè distinctae.
|| [ID00148]
Eadem est ratio reliquorum quoque Augustini testimoniorum, quae aduersarius
hocloco allegat, quòd scilicet horrendam describunt corruptionem humanae
naturae, quam nos cum Augustino docemus & profitemur. Quòd autem in vnico
illorum, vel verbulo quidem expressum sit, corruptam naturam, sine omni
discrimine, quemadmodum aduersarij nugantur, peccatum originis ipsum esse, id
nunquam nec ex his nec ex alijs Augustini testimonijs edocere poterunt.
Referimúsque nos ad iudicium Christiani ac pij Lectoris: cui Augustini scripta
sunt perspecta.
Demonstrandum illis ex Augustino incumbit, docuisse eum, corruptam naturam sine
omni discrimine ipsum esse peccatum: allegant illi testimonia ex Augustino,
quibus docet, naturam esse corruptam. Hoc num sit demonstrare, iudicet Lector
Christianus.
Ad dictum, Totus homo est peccatum, saepiùs iam est responsum: non necessarium,
vt illa repetantur. Totus homo est peccatum, hoc est, peccator, immundus, &
corruptus: non autem ipsum peccatum. Huic enim Augustinus in omnibus suis libris
contradicit.
Augustinum peccatum originis accidens malum appellare in natura hominis, ex
multis ipsius testimonijs perspicuu̅ est & euidens: quorum
nonnulla suprà in refutatione secundi capitis allegauimus, hoc loco, vnum atque
alterum recitabimus.
Hypognosticon lib. 4. Cognoui concupiscentiam non naturale bonum, sed per
peccatum accidens esse malum.
Contra 2. Epistolas Pelagian. ad Bonifacium, lib. 2. cap. 2. Manichaei carnis
concupiscentiam non tanquam accidens vitium, sed tanquam naturam ab aeternitate
malam vituperant. Pelagiani eam, tanquam nullum vitium sed naturale sit bonum,
insuper laudant, Catholica vtrosque redarguit.
Quibus locis disertè asserit Augustinus, Manichaeos ideò damnatos esse, quòd
negarunt, concupiscentiam carnis esse accidens malum. Per concupiscentiam autem
carnis, intellexit peccatum originis. Pelagiani enim no̅ probarunt
actualia peccata, sed concupiscentiam & inclinationem ad malum appellarunt
naturale bonum, & per omnia peccatum originis negarunt. Ex quibus manifestò
constat, Manichaeos negasse, peccatum originis accidens malum esse in
natura.
Augustini verba quod attinet lib. 6. contra Iulian. cap. 7. (Hoc quippe, vnde
nunc agimus, quod nobis resistere sentimus in nobis, aut aliena est natura
separanda, aut nostra sananda. Si alienam dicimus separan
|| [71]
dam, Manichaeis fauemus.
Fateamur ergò nostram esse sanandam, vt Manichaeos simul Pelagianósque vitemus:)
figmentum aduersariorum, corruptam naturam ipsum esse peccatum, ne minima quidem
in re confirmant.
Nunquam etiam Augustino in mentem venit, secundùm istorum hominumnugas
ineptiendi: corruptam naturam, sine omni discrimine esse ipsum peccatum
originis. Initiò enim mox à principio dicti capitis inquit: Ego ipsum vitium,
quo animus vel vlla pars eius isto modo vitiosa est, libidinem dico, vt omni
vitio sanato, salua sit tota substantia. Quae verba clarè testantur, Augustinum
nequaquam statuisse, corruptam animam ipsum esse peccatum: sed potiùs vitium in
anima, & vitio illo sanato, totam substantiam animae superstitem esse, &
saluam fieri. Quòd si Augustinus docuisset, corruptam naturam aut animam ipsum
esse peccatum, scribere nequaquam potuisset, vitium illud esse in anima, &
vitio illo in anima sanato, substantiam animae reliquam manere. Peccatum enim
seu vitium sanatur & remouetur. Si igitur haec ipsius fuisset sententia,
corruptam animam ipsum peccatum esse: dicere non potuisset, vitium sanatur,
& substantiae anima manet reliqua, sed dicendum fuisset, corrupta substantia
animae aboletur, & de ea nihil manet reliqui.
Secundò scribit in eodem capite: Ego tanquam valetudinem malam ex origine vitiata
ingenitum esse homini dico vitium, quo caro concupiscit aduersus Spiritum. Hoc
etiam firmum subsistere no̅ posset, si docuisset corruptam naturam
esse ipsum peccatum originis. Malam enim esse valetudinem, seu vitium, &
homini esse ingenitum, & corruptam naturam ipsam esse, à se inuicem plurimum
sunt distincta. Peccatum originis nominat Augustinus ingenitum morbum seu vitium
in homine. Quare secundùm Augustini sententiam corrupta natura, peccatum seu
malum originis esse non potest.
Tertiò appellat in hoc capite peccatum originis qualitatem, inquiens: Ego
nominaui qualitatem, dicens, non substantialiter manere concupiscentiam, sicut
corpus aliquod, aut Spiritum, sed esse affectionem quandam malae qualitatis,
sicut est languor. Quòd si Augustinus docuisset, corruptam naturam esse ipsum
peccatum, malam qualitatem, seu affectionem malam appellare, multò minus
languori aut morbo, qui homini inest, comparare potuisset. Ita, vt siquidem
Augustini sententia fuisset, corruptam naturam ipsum esse peccatum, negare non
potuisset,
|| [ID00150]
esse eam vel Spiritum, vel
corpus. Est autem corrupta anima etiam Spiritus, spiritualis substantia seu
essentia.
Quartò ex Psal, 103, appellat peccatum in homine infirmitatem, & illam
affirmat sanari, remissione peccatorum. Quòd si eius opinio fuisset, corruptam
naturam ipsum esse peccatum, peccatum non potuisset appel lare infirmitatem.
Peccatum enim & corrupta natura non sunt eadem. Nec etiam scribere ei
licuisset, hanc infirmitatem in homine remissione peccatorum sanari: sed
scribendum ei fuisset, peccatum originis ipsum sanari, & non hominem. Item,
peccato originis remitti peccatum, non homini. Horum autem nullum ab illo est
factum.
Quintò, quantum verò ad ipsa verba allegata, manifestò discernunt inter peccatum,
quod in fidelibus adhuc viget & militat, & inter ipsos fideles. Expressè
enim Augustinus inquit, aliquid in fidelibus aduersus ipsos militare: Vnde
necessariò sequitur, corruptam naturam & peccatum ipsum non esse eadem:
aliàs non ad inuicem sibi repugnarent.
Vocabula (nostra sananda natura) non id s. bi volunt, quod phanatici isti
opinantur, quòd corrupta natura sit ipsumpeccatum, aliàs dicere non potuisset,
natura sananda: sed dicendu̅ fuisset, natura abolenda: Peccatum
enim originis ipsum non sanatur, vt maneat: sed aboletur & expurgatur ex
homine, vt tota substantia humanae naturae seu animae, que̅admodum
Augustinus loquitur, reliqua sit & salua fiat: verùm hęcest Augustini
sententia, nostram peccato corruptam naturam, quam Pelagiani noluerunt
concedere, esse corruptam, sed integram & mundam statuerunt, esse à peccato
sanandam, seu illam à peccato esse emundandam, quo integra maneat, & salutem
consequatur aeterna̅, & illud similiter cadens, quemadmodum in
Scholis hanc figuram, Augustino multum vsitatam vocant, aliena separanda, aut
nostra sananda, vniuersam doctrina̅ Augustini de peccato originis
euertere, indeque euincere non potest, Augustinu̅, cùm in hoc
capite, tùm alibi passim in suis scriptis sibi repugnare. Sed ha̅c
necesse est eius esse sententiam, nobis contra Pelagianos esse sentiendum,
nostram naturam post lapsum, non mundam, bonam, & sine peccato originis
esse, quemadmodum Pelagiani docuerunt, sed peccatricem esse, immundam &
malam, ideoque ab istiusmodi peccato sanandam & emundandam esse, siquidem
nos homines salutem consequi voluerimus.
Tandem illa etiam fraus diligenter est notanda, qua aduersarij in hac versione
sunt vsi, insequentia enim testimonia veluti Augustini annectit. Concedendum
omninò nobis est, malum seu peccatum originis, esse i
|| [72]
psam corruptam nostram
naturam: cùm tamen illa verba in Augustino nullo modo habeantur Haec enim eius
sunt verba: Fateamur ergò nostram esse sanandam, vt Manichaeos simul,
Pelagianosque vitemus.
Quis autem tam omni caret intelligentia, qui non videat, permagnum esse
discrimen, inter Augustini verba, qui simpliciter tantùm dicit, nostra
(subintellige natura) est sananda: & versionem aduersarij, concedendum nobis
est, malum seu peccatum originis ipsam esse nostram corruptam naturam. Quae
verba apud Augustinum non extant, verùm ab ad uersario, in praeiudicium suae
sententiae conficta, & Augustino sunt asscripta. Non est igitur, quod
aduersarij sibi imaginentur hac deprauatione verborum Augustini, sese malam suam
causam tueri posse & propagare.
Quòd Augustinus sequutus sacras literas, hominem tenebras appellat, lubenter
concedimus: verùm id non probat, inter corruptam naturam & ipsum peccatum
originis nullum omninò esse discrimen. Scriptura & Augustinus, hominem
appellant tenebras, quia ratio, seu intellectus in rebus diuinis, planè est
excaecatus, & lumen verae, salutaris & saluificae cognitionis DEI in
ipso penitùs extinctum: non verò propterea asserimus, corruptam naturam
hominisseu animam, tenebras & peccatum originis ipsum esse.
Ita quòd Augustinus hominem Sathan appellat, quando extra DEI gratiam
consideratur, nondum euincit, essentialiter eum, aut secundùm naturam esse
Sathanam: verùm quòd extra DEI gratiam & fidem in Christum consideratus,
corruptus, & DEI sit aduersarius: hoc verò non est ipsum esse peccatum
originis.
Augustini Confessio soliloquiorum cap. 2. nihil quoque ad rem facit. in qua ipsis
docendum, peccatum non esse accidens quoddam malum in homine: sed sine
discrimine ipsam corruptamnaturam.
Quòd etiam Augustinus in rebus spiritualibus omnia DEO, nihil homini asscribit,
benè & rectè facit. Illudverò corruptam hominis naturam, no̅
peccatum originis esse docet. Diuersissima enim sunt, DEO omnia, & homini in
rebus spiritualibus nihil asscribere: & cum illis nugari, corruptam naturam
sine omni discrimine esse ipsum peccatum originis.
Verùm itaque manet, August. hanc doctrinam, corruptam naturam, sine omni
discrimine ipsum esse peccatu̅ originis, damnasse & reiecisse:
è contra, doctrinam libri Concordię de peccato originis, malum illud &
corruptionemhumanae naturae accidens esse, approbasse.
|| [ID00152]
Postea conatur aduersarius demonstrare, licèt Augustinus peccatum accidens
appellarit, de peccato tamen illud intellexisse actuali, Illyrici figmentum est,
quod nullo nititur fundamento. Quòd enim peccatum originis accidens appellarit,
paulò antè solidè demonstrauimus, quę dam tamen eius testimonia hoc loco
recognoscemus.
Augustinus lib. 4. Hypognosticon: Quam Apostolus legem, hoc est, malam
consuetudinem nominat, & esse dicit in membris contrariam Legi mentis, ne
obediatur Legi DEI. Informent nos hoc loco phanatici, num Lex in membris Rom. 7.
de qua Apostolus loquitur, actuale an originis sit peccatum. Necesse est autem
vt fateantur, originis intelligi, non actuale peccatum.
Augustinus autem eodem loco vlteriùs scribit: Audite ergò, quanta sit iniquitas
huius mali, quídve hinc homo patiatur infirmus, Apostolo dicente &
disputante inter caetera: Nam concupiscentiam, inquit, nesciebam, nisi Lex
diceret: Non concupisces. Non dixit, concupiscentiam non habebam, sed nesciebam
quid? Vtrum malum esset. Habebam igitur, sed tanquam naturale bonum esse
credebam, cùm autem lex diceret: Non concupisces, cognoui non naturale bonum,
sed per peccatum Accidens esse malum concupiscentiam. Perspicuum sanè hoc
testimonium est, in quo Augustinus expressè de peccato originis loquitur,
Concupiscentiam esse accidens malum. Et hinc illud etiam apparet, Augustinum
vocabulo concupiscentiae non de actuali, sed de originis vsurpare peccato: &
sic originis peccatum accidens appellare.
Contra Iulianum, lib. 6. cap. 3. Hoc vitium, quod non est corpus, sed accidens,
cùm indulgentia sit remissum. Quo sanè loco Augustinus de peccato originis
loquitur, quod à parentibus per generationem contrahitur à liberis in ipsa
conceptione, & appellat illud accidens, quod homini ex gratia condonatur.
Sic dicto capite inquit: Quis nostrum dicit, malum hoc, quod paruuli
originaliter trahunt, sine substantia, in qua est, aut esse posse, aut vnquam
fuisse? Si igitur peccatum originis seu malum, quemadmodum Augustinus illud hîc
appellat, quod paruuli originaliter à parentibus trahunt, est in substantia,
& sine illa esse non potest, nunquam etiam fuit sine substantia: necesse
est, secundùm Augustini doctrinam Accidens illud esse, in substantia seu natura
hominis. Hoc enim est & nominatur Accidens, quod per se non est: nec seipsa
subsistentem habet essentiam, sed in alio inest mutabiliter. Tale quippiam est
peccatum originis, quemadmodum Augustinus hîc rectè scribit: Ne
|| [73]
cesse igitur est,
accidens illud malum esse in substantia & natura hominis: non ipsam
corruptam naturam.
Contra 2. Epistolas Pelagianorum, lib. 2. cap. 2. Manichaei carnis
concupiscentiam non tanquam accidens vitium, sed tanquam naturam ab aeternitate
malam vituperant: Pelagiani eam, tanquam nullum vitium, sed naturale sit bonum,
insuper laudant. Catholica vtrosque redarguit, Manichaeis dicens: Non natura sed
vitium est: Pelagianis dicens: Non à patre sed ex mundo est.
Ex hoc testimonio Augustini euidenter patet. Primò, Augustinum expressè peccatum
originis accidens vitium seu malum appellare contra Manichaeos. Secundò,
Manichaeos Augustini temporibus negasse peccatum originis accidens malum esse
seu in natura à DEO creatum, quod isti homines nostro quoque seculo asserunt.
Tertiò, hanc Manichaeorum doctrinam tum ab vniuersa Republica Christiana fuisse
damnatam. Quartò, vt etiam Augustinus abundè seipsum explicet, quid peccatum
originis appellet, repetit id his verbis, inquiens, Manichaeis dicit (scilicet
Catholica Ecclesia) Non natura, sed vitium est.
Quòd autem propriè in his verbis agat de peccato originis, ex eo patet.
Augustinus inuicem opponit Manichaeorum & Pelagianorum errorem. Pelagiani,
inquit, commendant concupiscentiam carnis tanquam bonam, seu naturale bonum. Non
autem laudabant Pelagiani actualia peccata: sed concupiscentiam carnis
commendabant in homine bonam esse, & pernegabant peccatum originis.
Manichaei contrà simpliciter negabant, peccatum accidens esse in natura. Ex
quibus manifestò liquet, Augustinum in illo dicto non deactualibus peccatis, sed
de ipso peccato originis loqui: quod inde etiam liquet, quòd mox carnis
concupiscentiam, de qua Ecclesia Catholica asserit, accidens, eam, malum esse,
malam valetudinem appellat, quae in homine sit sananda seu abolenda, id quod de
actuali peccato intelligi & praedicari non potest. Plura testimonia suprà
allegata sunt. Verum igitur & immotum manet, Augustinum peccatum originis
accidens appellare.
Irenaeus haec etiam verba Augustini allegat, sed deprauat: tam in(Qq. 2. fac. 2)
recitatione verborum Iatinorum, quam eorundem interpretatione. In latino sic ea
recitat: Manichaei carnis concupiscentiam non tantùm accidens vitium, sed
tanquam naturam ab aeternitate malam vituperant, cùm in Augustino habeatur: Non
tanquam, supponit ille: Non tantùm. In germanica versione sequutus est latinam
suam deprauationem, Ma
|| [ID00154]
nichaei
vituperant carnis concupiscentiam, non tantùm tanquam accidens vitium, &c.
quaeverba in Augustino sic non habentur. Huiusmodi autem euidens deprauatio, in
tanta & tam ardua religionis & fidei causa cuius conscientiae sit nota,
etiam nobis non monentibus, piae mentes facilè intelligunt.
Augustinum contra Manichaeos vrgere, peccatum originis, non esse malam naturam,
vt isti fingunt, cum humana natura permixtam, constat.
Quemadmodum & illud notum est, Augustinum docere, naturam hominis esse
peccato mutatam & malam effectam. In eo aute̅ cardo versatur
controuersiae, quòd contra Augustinum, & inprimis contra sacram Scripturam
docent, corruptam naturam, corruptionem seu peccatum ipsum esse, quod Augustinus
è sacris literis vehementissimè oppugnauit.
Augustinus contra Epist. fundamenti, cap. 35. Quis dubitat, totum illud, quod
dicitur malum, nihil esse aliud quàm corruptionem: Haec autem corruptio,
quemadmodum suprà ex Augustino intelleximus, nulla est natura, sed est in
natura, quam corrupit.
Sic illud etiam euidens est, Augustinum non propter primum Adae lapsum, peccatum
accidens malum appellare: sed etiam, & maximè, quatenus illud adhuc in
omnium hominum corde, corpore, anima, membris, vt paulus Rom. 7. scribit,
habitat. Quemadmodum id paulò antè ipsius Augustini claris verbis
demonstrauimus.
Accidens Augustino idem significare quod contingens, eueniens, merae nugae sunt,
quibus sibi ipsis aduersarij turpiter imponunt. Hoc enim posito, quemadmodum
statuendum estnecessariò, peccatum in substantia & in natura esse:
quemadmodum Augustinus lib. 6. contra Iulia. cap. 3. scribit: Et quòd corruptio
non in seipsa sit, sed in aliqua substantia, quam corrumpit. Non enim substantia
est ipsa corruptio, quemadmodum scribit lib. 2. de Moribus Manichęorum cap. 5.
etiam illud immotum manet, esse illud accidens: & non esse ipsam corruptam
substantiam & essentiam in homine.
Licèt etiam Adam inobedientia sua peccator effectus, & nos in peccatis
concipiamur: nec hoc tamen etiam efficit, corruptam naturam ideò ipsum esse
peccatum, nullúmque accidens. Conceptio enim nequaquam efficit, vt peccatum
substantia vel essentia sit, sed illud in nobis, tanquam accidens malum
relinquit, quod ab Adamo contractum, in corrupta natura haeret.
|| [74]
Multis quidem verbis Iraeneus contendit, vocabulum Accidentis in Augustino de
peccatis actualibus esse intelligendum: ne vnico vero id Augustini euincit
testimonio. Quare meritò hoc ipsi obijcitur, quae sine fundamento &
testimonio Augustini ab ipso dicuntur, eadem facilitate reijciuntur, qua ab illo
asseruntur.
Allegat etiam Augustinum de natura & gratia cap. 13. Quo loco eum docere
vult, aliud esse integram naturam hominis ante lapsum, & aliud corruptionem
eiusdem. Ne verbum autem quidem dicto in capite habetur, quod illi norunt, qui
Augustinum legerunt: Et si vel maximè dicto in capite haberetur, nihil tamen
erroneae doctrinae aduersariorum patrocinaretur: sed longè magis nostram
confirmaret doctrinam, de discrimine naturae & peccati originis. Licèt enim
natura per corruptionem mutata, & mala seu immunda effecta, non tamen ipsa
est corruptio aut immundicies facta. Corruptio enim substantię inest,
quemadmodum Augustinus rectè scribit: & non sibi ipsi.
Quae etiam ex Gregorio allegat, aliud sumus per naturam conditi, aliud per
peccatum lapsi, nequaquam docent, corruptam naturam esse ipsum peccatum
originis, quod omnes sani facilè intelligunt.
Eadem est ratio verborum Lutheri Genes. 3. Adam sic conditus fuit, vt labi
posset, quod etiam est factum. Haec enim omnia vera sunt, & extra
controuersiam posita. Quomodo verò inde sequatur, quod phanatici isti vrgent,
videlicet corruptam naturam esse ipsum peccatum: hactenus nondum demonstrarunt:
in omnem etiam aeternitatem nunquam hoc comprobare poterunt. Quae enim quaeso
illa est consequentia: Adam peccato est corruptus, malus, peccator, immudus
effectus. Ergò corrupta natura est ipsum peccatum. Omnes sanè facilè
intelligunt: hanc meram esse phantasian: & nullam firmam conclusionem.
Lutheri dictum contra Latomum: Vitium scimus id esse, quod culpam &
reprehensionem habeat, arguique dignum sit: in genere loquitur de vocabulo
vitium, quid illud denotet, nullo modo verò asserit, corruptam naturam ipsum
esse peccatum originis. Quòd enim corrupta natura culpam & reprehensionem
habet, arguique digna est: id secundùm quid dicitur, propter peccatum scilicet,
quo corrupta est, & non eam ob causam, quòd ipsa corruptio seu peccatum
sit.
Nos, quemadmodum Lutherus Psal. 51. scribit, peccatores esse, hoc est, malam
arborem, & semen, ex quo concepti sumus, peccato infectum esse & malos
proferre fructus, verum est, & orthodoxum: corruptam au
|| [ID00156]
tem naturam, sine omni
discrimine ipsum esse peccatum, quod aduersarius probare conatur, id his verbis
Lutherus non asserit: nec est etiam veritati consentaneum.
Sic nostram naturam extremè corruptam & vitiatam esse, quemadmodum Lutherus
Psal. 51. porrò docet, similiter verum est & orthodoxum: Hinc verò nondum
sequitur. Ergò corrupta natura est ipsum peccatum. Extremè enim corruptum &
vitiatum esse, & peccatum originis ipsum esse, nec sunt, nec futura etiam
sunt eadem.
Homo ipse est corruptus, vitiatus, foedatus, excoecatus: non tamen ipsa est
corruptio & deprauatio, sed istiusmodi corruptio & deprauatio naturae
& essentiae humanae inest.
Homo etiam mutatus est ab illo, & vix vmbra illius hominis, qui Adam fuit
ante lapsum: Non tamen ipsum peccatum est effectus. Augustinus lib. 2.
Hypognost. inquit: Natura humana peccatrix facta est, id est, vitium habens
peccati, non ipsa effecta vitiumvel peccatum. Post peccatum, homo peccator
dictus est, non homo peccatum.
Cum Luthero in Genesi ipsius docemus, nos homines, respectu primi Adami, pro
cadauere haberi & reputari posse. Illud tamen retinemus etiam cum Luthero,
naturam tamen mansisse, licèt horribiliter sit corrupta. Si itaque mansit,
quantumuis horribiliter sit corrupta, peccatum tamen effecta non est: sed
discrimen manet, inter corruptam naturam, & i nter peccatum, quo est
corrupta.
Quid hic illéve de accidente scripserit, id singulis per se defendendum incumbit.
Nos huic insistimus sententiae, corruptam naturam non esse ipsum peccatum
originis, sed peccatum originis esse accidens malum eu profundam corruptionem,
qua natura horribiliter deprauata est: & scimus hanc doctrinam in sacris
literis, firmis & immotis niti fundamentis.
Quod ex Lutheri disputatione de Iustificatione infert, Lutherum dixisse,
Sophistas nimis ieiunè de peccato originis loqui, dum illam appellant,
concupiscentiam, accidens, & carentiam iustitiae: Haec verba Lutheri in
impressis illius disputationibus non habentur.
(Rr. iij. fac. 1.)
V. Aduersarius vehementer oppugnat, librum Concordiae ad omnes se referre
orthodoxos, qui etiam docuerint, peccatum originis, non esse ipsam corruptam
naturam, sed horrendam & profundam eiusdem corruptionem: & obijcit nobis
Gabrielem Biel, qui sic docuerit: reliquos autem eximit. Praeterea etiam obijcit
nobis, nos doctrinam nostram, è
|| [75]
scriptis Prophetarum & Apostolorum, item tribus Symbolis, Augustana
Confessione, Apologia, Catechismis Lutheri, non posse edocere. Ad eas
obiectiones vera haec nostra est & solida responsio. Meritò librum
Concordiae ad omnes se referre orthodoxos. Hactenus enim firmis fundamentis
demonstrauimus, praecipuos Patres & Doctores Ecclesiae indo ab initio idem
nobiscum docuisse, peccatum videlicet originis esse corruptionem naturae
humanae: & non ipsam corruptam naturam, certi etiam sumus, contrarium eos
nunquam demonstrare posse.
Quòd Gabriel etiam Biel peccatum originis accidens appellauit, & nimis ieiunè
& frigidè de peccato originis, tanquam Sophista & Scholasticus est
loquutus: id nostrae Confessioni & doctrinae nihil derogat. Quae enim ipse
cum alijs Scholasticis nimis ieiunè & tenuiter, de peccato originis
scripsit, ea nos reijcimus.
Quae autem benè & rectè scripserunt, veluti peccatum originis esse accidens
& non substantiam vel essentiam, nec etiam ipsam corruptam naturam: ea nos
acceptamus & retinemus.
Sic D. Lutherum eiusdem esse nobiscum sententiae, suprà in alijs capitibus, &
passim in hoc scripto solidis fundamentis est demonstratum, & in sequentibus
id pluribus etiam monstrabimus.
Nos doctrinam nostram è scriptis Prophetarum & Apostolorum firmiter &
solidè confirmare posse, id in primo capite huius scripti, vniuersae Ecclesiae
Christi ob oculos est positum: & certi sumus, ne inferorum quidem portas
huiusmodi demonstratione posse eludere, tantum abest istos id phanaticos posse
praestare.
In Symbolo Apostolico firmiter eam esse fundatam, in secundo capite huius libri
pluribus ostendimus: quibus etiamnum acquiescimus: ac spectabimus, ecquis
illorum fundamenta nostra ex Articulis fidei desumpta euertere, nobísque
extorquere possit.
In Symbolo Niceno simpliciter eam contineri, haec verba clarè euincunt, qui
propter nos homines nostrámque salutem, descendit de coelis. Quo loco, siquidem
corrupta natura, sine omni discrimine peccatum originis ipsum esset, sic Symboli
verba informanda fuissent. Qui propter peccat um originis, eiusdémque salutem
descendit de coelis.
Similiter in Symbolo Athanasij est fundata: cùm in eo dicatur, diuinitatem
assumpsisse humanitatem. Quo loco, si aduersarij doctrina vera, corruptam
naturam, sine omni discrimine, ipsum esse peccatum, haec
|| [ID00158]
verba ponenda fuissent: diuinitatem
ipsum peccatum originis & non humanitatem assumpsisse.
In Augustana etiam Confessione illam tradi, testatur secundus articulus: vt
aliorum plurium testimoniorum, quae ex illa allegare possemus, mentionem nullam
faciamus, in quo haec verba habentur: Post lapsum Adae omnes homines, qui
naturaliter nascuntur, in peccatis concipi & nasci. Item, illum congenitum
morbum & peccatum originis, verè peccatum esse & damnare. In peccatis
concipi & nasci, & peccatum originis ipsum esse, nemo est qui dicat
eadem esse, exceptis his seductis & seducentibus hęreticis. Sic etiam
congenitum morbum & peccatum originis esse: & ipsam esse corrupta̅ naturam pro ijsdem nemo habet, his exceptis, qui ipsi, quid
dicantaut statuant, ignorant. Cùm igitur Augustana Confessio, nobiscum originis
peccatu̅ & corruptam natura̅ clarè
distinguat: nostram sanè & non phanaticorum istorum sententiam, approbat.
Plures probationes ex Augustana Confessione producere non est necessariu̅.
Peccatum originis non esse ipsam corruptam naturam, in libro Concordiae ex
Apologia Augustanae Confessionis ita euidenter est probatum, vt non facilè isti
homines ea sint oppugnaturi, taceo euersuri. Nec vllo verbo, hanc erroneam suam
doctrinam, corruptam naturam, sine omni discrimine ipsum esse peccatum originis,
ex Apologia Augustanae Confessionis edocere possunt, si vel rumpantur.
Similiter ex nostris stant partibus Articuli Schmalkaldici, dum testantur,
peccatum originis profundam esse corruptionem naturae (parte tertia, articulo
primo, de peccato) nequaquam autem docent, corruptam naturam sine omni
discrimine, ipsum esse peccatum originis. Profundam enim esse naturae
corruptionem: & ipsam corruptam esse sine omni discrimine naturam, non sunt
eadem.
D. Lutherum in Catechismis suis nostram doctrinam de peccato originis defendere,
id suprà ad oculum est demonstratum: quo loco fundamenta doctrinae nostrae ex
articulis fidei desumpta defendimus.
Idem ex alijs quoque D. Lutheri fundamentis est demonstratum, nequaquam eum
statuisse, corruptam naturam sine discrimine, ipsum esse peccatum originis.
Genesis enim 3. scribit, naturam manere, licèt peccato horribiliter sit
corrupta, & peccatum atque mortem nominat mala separabilia Genes. 38.
Meritò igitur vrgemus veteris & orthodoxae Ecclesiae consensum. Inprimis
autem consensum sacrae Scripturae, trium Symbolorum, Augu
|| [76]
stanae Confessionis,
Apologiae, Articulorum Schmalkaldicorum, Catechismorum & reliquorum Lutheri
monumentorum: Nec patimur nos illorum multiplicibus scriptionibus &
clamoribus ab instituto nos dimoueri.
Quòd obijcitur, à maiori nos dependere parte, eorum qui nobiscum sentiunt, mera
est calumnia. Cui enim rei in hac causa innitamur, hactenus abundè est
demonstratum, quibus etiamnum acquiescimus.
Nec quicquam etiam hoc aduersariorum doctrinam confirmat, semper minorem partem
adhęrere veritati. Cùm igitur ipsorum sint pauci: necessarium esse, ipsorum
doctrinam certo niti fundamento. Augustinus enim contra Secundinum Manich. cap.
26. rectè scribit. Vide ne apud vos nimius horror impietatis, faciat meritum
paucitatis. Talia quippe ibi leguntur, dicuntur, creduntur, vt in illum errorem
magis aliquos quàm paucos irruere, vel illic remanere mirandum sit.
Admonitiones scripturę & Luth. vt maiore̅ caueamus partem, ad
falsam doctrinam & doctores tantùm referendę sunt, & no̅
ad veritate̅: quae Dei beneficio, in hoc certamine à nostris &
non ab aduersarioru̅ stat partibus.
VI. Illud etiam immotae est veritatis, ante motum hoc ab Illyrico certamen, in
nostris Ecclesijs & Scholis, sine vllius contradictione, hancsonuisse
doctrina̅, peccatum originis esse accidens. Et hoc ipsum vt
fateantur aduersarij, necesse est. Quare igitur iam demum falsum & erroneum
esset dogma?
Quòd autem obijciunt, id secundùm Dialecticam, non secundùm Theologiam factum:
ridiculum planè est. Quaestio enim non est secundùm quid peccatum originis
accidens à nostris sit nominatum, & in quo libro sic sit nominatum: sed an
rectè sic sit appellatum, & an ea propositio in sacris literis, tribus
Symbolis, Augustana Confessione, Apologia, Schmalkaldicis articulis, Catechismis
Luth. sit fundata. Quòd aute̅ firmo & solido fundamento
nitatur, referimus nos ad probationes illas tam in libro Concordiae, quàm in hoc
scripto, aduersarijs eorúmque calumnijs oppositas. Et illius, DEI beneficio, in
conscientijs nostris sumus certi, etiam portas inferorum hasce probationes non
posse refellere. Allatrare quidem eas poterunt, euertere non poterunt.
Liber Concordię no̅ affirmat, è Dialectica petendum esse, quid de
peccato originis sit sentiendum, seddemonstrat, ante hoc certame̅,
ab Illyrico motu̅, nostros in scriptis, suis sine vllius etiam D.
Luth. co̅tradictione, peccatum originis accidens appellasse. Magna
enim ex parte scimus, etia̅ sine
|| [ID00160]
nostrorum hominum admonitione, non è
Dialectica, sed è sacris literis depromendu̅ & addiscendum
esse, quid peccatum originis propriè sit, quare hae illorum praestigiae ad rem
nihil faciunt.
Dictum illud: Quando (vos phanatici) veritati nihil derogare, nec illam refutare
potestis, conamini Dialecticis vestris argutijs & obscuris subtilitatibus,
argumentis, fundamentis, probationibus simpliciores inuoluere: &
praetenditis vos non assequi & colligere posse, in qua Dialectica doctrinam
nostram inuenerimus, videlicet coram DEO peccatum esse naturam humana̅, quae ex naturabona in mala̅ sit transmutata, quod
Irenaeus Augustino asscribit, & allegat lib. 6. contra Iulian. cap. 2. in
allegato vero capite planè non habetur. Quam autem fidem & authoritatem
istiusmodi citationes istis hominibus concilient: committimus iudicio omnium
piarum & Christianarum mentium.
Id quidem habetur lib. 6. cap. 2. Frustrà te intorques argumentationibus vanis,
non aduersus me, sed aduersus communem matrem spiritualem. Priora autem verba
lib. 6. contra Iulianum, cap. 2. planè non habentur. Et si maximè haberentur,
nihil tamen demonstrarent.
Sequens dictum, quod eodem loco his verbis citatur, non Aristoteles, cuius
categorias vos stultè tantùm intelligitis, eásque veras iudicatis, sed Apostolus
Paulus inquit, Pervnum hominem peccatum venisse in mundum, etiam Augustino
contra Iul. lib. 3. cap. 9. asscribitur, sed neque in octano, neque nono, neque
decimo capite allegati libri habetur. Et si haberetur etiam, nihiladuersus nos
probaret. In 7. quidem capite lib. 3. exprobrat Augustinus Iuliano, quòd è
Dialectica argumentari conetur, dialecticè autem id proponere nequeat. Illa verò
allegata verba in eo non habentur.
Aliud etiam dictum ex secundo Augustini libro, contra Iulianum in fine eiusdem
citatur, in quo Augustinus Iulianum reprehendat, quòd Patrum dicta exagitet.
Quia non possunt secundùm categorias Aristotelis de dogmatibus iudicare, Quasi
Iulianus is sit, qui Peripateticorum Philosophorum mentem assequatur, quando de
subiecto & ijs rebus, quae subiecto seu essentiae insunt, contra peccatum
originis è Dialectica arguunt. Verùm hoc testimonium, quemadmodum & his
similia alia multa nostrae doctrinae nihil adimunt. Nostram enim doctrinam de
peccato originis, quid propriè sit, non ex Dialectica, sed ex sacra Scriptura
petimus.
Liber Christianae Concordiae fundamentum & probationem doctrinae de peccato
originis non ex Philippi Dialectica deducit. Funda
|| [77]
mentum enim doctrinae
huius sacras literas & articulos fidei ponit, verùm id tantùm asserit, sine
vllius, etiam D. Lutheri contradictione, ante exortum hoc certamen vsitatum
fuisse in Scholis & aliàs, peccatum originis accidens appellare. Quare
atroci illa declamatione aduersus vocabulum Accidentis, qua isti homines
vtuntur, opus non fuisset. Inprimis autem cùm res ipsa, quae isto vocabulo est
comprehensa, in sacris literis sit expressa & solidis fundamentis edoceri
possit. Si fundamentum huius doctrinae desumeremus è Dialectica Philippi,
haberent isti homines, de quo nos meritò accusarent. Hoc autem cùm non faciamus,
frustrà multa ab istis verba profunduntur
Similiter, quae praeterea ex Augustino & Eusebio de Dialectica allegantur,
rem ipsam nec oppugnant, nec confirmant. Nemo enim ex nostris asserit,
fundamentum doctrinae, quid peccatum originis sit, è Dialectica esse petendum.
Quare frustrà omnia ista testimonia aduersus nos allegantur, ijsque Lector
Christianus à scopo abducitur.
Lutheri querela aduersus Dialecticam Tom. 1. Epistolarum directa est aduersus
Dialecticam in adolescentia sua traditam, quę respectu illius lucis, quae iam
floret, ita obscurè fuit exposita, vt nec ipse nec alij aliquid ex ea vtilitatis
percipere potuerit: non verò omnem penitùs abijcit, quemadmodum isti faciunt
phanatici.
In rebus fidei à Dialectica ad Theologiam esse transeundum, rectè dicitur, &
id nos in praesenti quoque facimus certamine, quemadmodum id fundamenta nostra
ex sacris literis & articulis fidei desumpta, satis coram DEO, ipsiusque
Ecclesia testimonij perhibent.
Author Examinis suprà ipse est fassus, vocabulum substantiae seu essentiae, quo
in hoc certamine de peccato originis vtuntur, no̅ extare in sacris
literis. Nec tamen illud abijcere volunt, cùm tamen certissimè verum sit, &
hactenus ad oculum, DEI beneficio, demonstratum, inarticulo de peccato originis,
eo sensu, quo ipsi vsurpant, sine summa blasphemia admitti & tollerari non
posse. Quare igitur non multò magis illa nobis concedenda potestas, (cùm res
ipsa, quae vocabulo accidentis explicatur, à nostris, in sacris literis, &
articulis fidei nostrae Christianae, tam firmiter fundata sit) illud vocabulum
retinendi.
Non etiam tam ipsum vocabulum accidentis, quàm rem ipsam vrgemus. Si de reipsa
consentiremus, illíque nobiscum docerent, peccatum originis horrendam esse
corruptionem naturae, quòd Scriptura docet, & Lutherus cum Scriptura, (non
autem ipsam corruptam naturam, quod
|| [ID00162]
nec sacrae literae, nec tria Symbola, nec Augustana Confessio, nec Apologia, nec
Articuli Schmalkaldici, nec Catechismi Lutheri tradunt, sed merum illorum est
figmentum,) de vocabulo accidentis, facilè conciliationis inueniri posset ratio.
Hoc autem cùm non faciant, nec facere velint, frustrà est, quòd de ipso
vocabulo, tragicos istiusmodi mouent clamores. Quandiu enim erroneas &
falsas illas phrases, peccatum originis esse substantiam, &, vt iam
loquuntur, corruptam naturam, sine omni discrimine ipsum esse peccatum originis,
retinent: tandiu intermittere non possumus, quin vocabulo Accidentis vtamur,
idque illorum errori opponamus. Idque eò magis, quòd, sicut dictum est, res ipsa
sub his vocabulis comprehensa immoto DEI nititur verbo.
Quin etiam Illyricus in demonstrationibus suis fol. 12. & 13. reprehendit
illos homines tanquam imperitos, qui in hac controuersia vocabulis substantiae
& accidentis non vtuntur. Cùm igitur vocabulum accidentis adeò improbent
& reijciant: necesse est, vt Magistrum quoque suum atque Idolum
reprehendant.
Hîc verò demum aduersarius victoriam victoriam ingeminat, quando Lutheri dictum
ex Epistola ad Galat. cap. 3. Tom. 4. Ienensi allegat. Sophista Theologus aliter
de peccato originis loqui non potest, quàm gentilis Philosophus, videlicet quòd
qualitas sit in subiecto, in anima, in essentia seu natura, quemadmodum color in
pariete. Interea omittit, quod D. Lutherus porrò annectit, in quibus abundè
seipsum explicat, quomodo verba sua accipi & intelligi velit.
Verba autem eius plenè & integrè recitabimus: Ideò peccata non sunt reuera
ibi, vbi cernuntur & sentiuntur. Nam secundùm Theologiam Pauli, nullum
peccatum, nulla mors, nulla maledictio est ampliùs in mundo. Sed in Christo, qui
est agnus DEI, qui abstulit peccata mundi, qui factus est maledictum, vt nos à
maledicto liberaret. Contrà, secundùm Philosophiam & rationem, peccatum,
mors & maledictio nusquam sunt, nisi in mundo, carne seu peccatoribus. Non
enim aliter potest Theologus Sophista de peccato loqui, quàm gentilis
Philosophus, nempe sic: Qualitas haeret in substantia aut subiecto, sicut ergò
color in pariete, ita peccatum in mundo, carne vel conscientia haeret. Igitur
eluendum est per contrarios motus, scilicet per charitatem Vera autem Theologia
docet, quòd nullum peccatum ampliùs sit in mundo, Quia Christus, in quem pater
coniecit peccata totius mundi, Esaiae 53. vicit, deleuit & occîdit illud in
corpore suo. Is semel mortuus
|| [78]
peccato, resuscitatus verò ex mortuis, ampliùs non moritur. Vbi cunque igitur
est fides in Christum, ibi reuera peccatum abolitum, mortuum & sepultum est.
Vbi verò non est fides in Christum, ibi peccatum manet. Quanquam reliquiae
peccati sint adhuc in sanctis, quia perfectè non credunt, &c. tamen illae
mortuae sunt, quia propter fidem in Christum non imputantur. Hactenus
Lutherus.
Videt igitur Lector Christianus, Lutherum contra Sophistas non pugnare, quòd
dixerint, peccatum qualitatem esse, & accidens vitiumin homine seu natura
humana: verùm ideò, quòd leuem istiusmodi qualitatem, & leuem defectum inde
fingunt, qualis color est in pariete, qui defectus per charitatem elui &
aboleri possit: cùm tamen adeò horrendum immensum malum, miseria & defectus
sit, quem nulla creatura eluere aut delere potuerit, sed qui solius IESV CHRISTI
filij DEI precioso sanguine, abluendus & delendus fuerit.
Licèt igitur peccatum in homine, tanquam subiecto insit, & naturae humanae
inhaereat: non tamen istiusmodi leuis est qualitas, qualis color in pariete,
quae facilè secundùm opinionem Scholasticorum proprijs operibus, aut charitate,
ablui potest: sed vsque adeò noxia est qualitas, adeò atrox & periculosum
malum in corrupta natura, quod nulla alia ratione, quàm sanguine IESV CHRISTI
emundari potuit, ab eoque nos miseri dam nati peccatores liberari.
Lutheri etiam sententia si fuisset, peccatum substantiam esse, seu corruptam
naturam ipsum esse peccatum, & non qualitatem, horrendam & profundam
corruptionem, defectum & vitium in corrupta natura, scribendum ei non
fuisset, peccatum in mundo & in carne esse: Item peccatum in fidelibus
manere. His enim verbis expressè distinguit, inter peccatricem & corruptam
naturam, & inter ipsum peccatum, quod ei inest. Confirmat ita ipse, peccatum
naturae, tanquam subiecto inesse. Quo pacto igitur id in Scholasticis potuisset
reprehendere? Aliud est extenuationem peccati, in Sophistis reprehendere, quòd
illud tam leuem qualitatem aut malum statuerunt, quod dilectione possit elui:
& aliud oppugnare, qualitatem illud esse aut morbum, vitium & defectum
in subiecto, seu in corrupta natura: Prius à Luthero est factitatum, posterius
non item. Aliàs enim secum ipse pugnaret.
Singulariter etiam hoc loco notandum, quòd quando aduersarius Lutheri verba
allegat, adiungit vocabulum accidentis, cùm tamen in Luthero ad Galat. 3. planè
non habeatur: quibus satis indicat, Lu
|| [ID00164]
therum accidens non in specie & nominatim reijcere: sed è proprio
eos hoc ei cerebro falsò affingere. Sic illud etiam obseruatione dignum, Lutheri
verba, non ita se habere, in latino, quemadmodum ea aduersarius in germanico
transtulit. In latino sic habentur: Qualitas haeret in substantia aut subiecto:
sicut ergò color in pariete, ita peccatum in mundo, carne vel conscientia
haeret.
Irenaeus verè illa sic est interpretatus, peccatum originis esse accidens seu
qualitatem in subiecto, in anima, in substantia, in natura, quemadmodum color in
pariete. Cùm secundùm latina verba, germanica interpretatio sic esset
informanda. Qualitas est in subiecto. Sicut ergò color in pariete, ita peccatum
in mundo scilicet haeret. Haec non eadem sunt cum versione Irenaei: non etiam
eum habent sensum, quem inde elicere conatur, id quod facile est
animaduertere.
Verba Lutheri (Galat. 3. Cùm peccator venit reuera in notitiam sui, non solùm
sentit, se peccatorem con cretiuè seu adiectiuè, sed etiam ab stractiuè, hoc
est, non solùm videtur sibi calamitosus, sed ipsa calamitas: Non solùm peccator
& maledictus, sed ipsum peccatum & maledictum. Vt in lingua latina, cùm
excellenter volumus aliquem significare scelestum, vocamus eum scelus) disertè
indicant, non propriè eum loqui sed figuratè, pro natura & consuetudine
latini sermonis, quemadmodum idem suprà, sub titulo, DEVM peccato originis non
esse propitium, mox ab initio, dictum. Quare non licèt è figuratis Lutheri
verbis, quae ipse talia appellat, ex consuetudine latini sermonis, propria
vocabula conari effingere & euincere: Lutherum, propriè loquendo, hominem
ipsum peccatum appellasse, illiúsque sententiam fuisse, quemad modum isti
homines contendunt, nullum omninò discrimen esse inter peccatum originis &
corruptam naturam: quod Luthero ne quidem per somnium in mentem venit.
In Scholis huiusmodi loquendi modi auxeses appellantur, in quibus forma seu
abstractum sumitur pro concreto, hoc est, vocabulum peccati pro peccatore. Quare
haec Lutheri verba discrimen non euertunt inter concreta & abstracta
vocabula: cuius discriminis etiam meminit liber Christianae Concordiae pag. 263.
sed illud immotum relinquunt. Aliud enim est figuratè, aliud propriè loqui. Id
autem Lutheri verba (peccator sentit & iudicat, se non tantùm esse
peccatorem, sed ipsum etiam peccatum) disertè indicant & docent Lutherum non
statuisse, corruptam naturam ipsum esse peccatum: alioquin illis verbis vti non
potuisset, sed
|| [79]
haec ei fuissent
vsurpanda. Quando peccator in veram peccatorum deuenit agnitionem, non tantùm
videtur sibi, se peccatorem esse, sed reuera etiam est ipsum peccatum: &
nullum omninò discrimen est, inter corruptam naturam, & inter peccatum
originis. Cùm autem id non fecerit: non etiam ipsi iam defuncto haec sunt
affingenda. Id quod isti homines faciunt.
Sic alterum dictum Gal. 3. è tertio latino Tomo lenensi pag. 52. 53. in quo
Lutherus contra Scholasticos scribit, Apostolum Paulum defectus & vitia in
homine non appellare habitus, quemadmodu̅ Philosophi, sed opera
carnis, quae à toto homine fiant, &c. Item, repudianda & negligenda esse
ea, quae de habitibus, concreto & subiecto disputent, &c. omnia haec
secundùm quid, hoc est, certo modo ab illo sunt dicta. Ipse enim Lutherus, quem
ad modum paulò antè dictum, in altera explicatione Epistolae ad Galat. Tom. 4.
Ienensi, latin. illis vocabulis in sano sensu, contra Sophistas vtitur.
Quemadmodum & in 53. Esaiae scribit: Singulari DEI beneficio factum, in
Grammaticis nonnulla vocabula concreta, nonnulla abstracta appellari. Quando
igitur Lutherus haec & his similia Scholasticorum vocabula reijcit:
intelligit illorum abusum, in quem ea detorserunt, non verum vsum, quem ipse
quoque retinet. Si enim per omnia illa reiecisset, nequaquam illis vti
potuisset: aut si voluisset, licuisset.
Quando de peccato loquimur originali, & cum Luthero asserimus, eam animae seu
naturae humanae, tanquam proprio subiecto inesse: non intelligimus, quemadmodum
Sophistae intellexerunt, quando de habitibus virtutum & vitiorum
disputarunt: sed intelligimus de horrenda & profunda corruptione totius
nostrae naturae, quae vsque adeò immensa & grauis est, vt nulla eam creatura
auertere possit: sed necesse fuerit, illam solius filij DEI Domini nostri IBSV
CHRISTI ope deleri aut aboleri. Sophistae autem intelligunt & explicant
illud, de istiusmodi leui habitu, consuetudine, vitio, infirmitate &
defectu, qui humanis viribus, inprimis autem charitate, facilè deleri & elui
possit. Quam erroneam opinionem cum Luthero, toto pectore reijcimus, &
improbamus. Peccatum enim originis, vt dictum, vsque adeò horrendum est malum,
qualitas, seu vitiositas, quae à nuda & mera creatura nullo modo aboleri
& sanari potest. Quamobrem haec testimonia D. Lutheri discrimen inter
concretum & abstractum non euertunt, subiectum etiam & habitum non per
|| [ID00166]
se eliminant, sed Sophisticum
tantùm abusum reijciunt, quod etiam nos facimus.
Quòd cauendum sit, ne Scholasticorum subtilitatibus de formis substantialibus, de
accidentibus & qualitatibus sana doctrina de peccato originis corrumpatur,
verissimum est. Propterea autem his vocabulis in recto salutari & sano
sensu, non esse vtendum, id locum non habet, cùm ipsimet huiusmodi ex Illyrico
vtantur subtilitatibus de formis substantialibus, animae, cordis, rationis: quas
nemo Laicorum intelligit: imò quas ipsimet satis perspicuè & euidenter in
germanico Idiomate exprimere non possunt.
VII. Praeceptor ipsorum & Antesignanus Illyricus ipse fassus est, quemadmodum
paulò antè audiuimus, insulsos illos esse homines, qui in praesenti
controuersia, de peccato originis, vocabulis (Accidens & substantia) vti
nolunt, & tamen malè à nobis fieri isti homines arguunt, quando ex sacris
literis & articulis fidei Christianae negamus, peccatum originis substantiam
seu corruptam naturam ipsam esse, & quòd contrà asserimus, esse illud
accidens malum & horrendam corruptionem in natura humana. Cùm enim
substantia non sit, seu substantia & essentia hominis non sit, non etiam sit
corrupta natura hominis: aliter sanè nominari non potest, quàm pessimum &
intimum accidens malum, seu profunda & horrenda corruptio & deprauatio
in natura.
Hoc etiam non profitemur sine fundamento verbi diuini, trium Symbolorum,
Augustanae Confessionis, Apologiae, Schmalkaldicoru̅ articulorum,
Catechismorum, & scriptorum Lutheri (ex ijs enim hactenus doctrina̅ istam solidis & firmis fundamentis comprobauimus:) sed
certis & immotae veritatis sacrarum literarum testimonijs, alijsque
authoritatibus id docemus. Quare hanc nostram, vel potiùs verbi diuini
doctrinam, vt saluam & sartam tectam nobis relinquant, necesse est.
Quod autem Lutherus Psal. 51. scribit: Tu sic defini peccatum: peccatum hoc totum
esse, quod est natum ex patre & matre: scimus DEI beneficio, non minùs
ipsis: verùm & id nouimus, Lutherum eo ipso loco, quasi in Spiritu
praeuideret, prodituros esse phanaticos, qui suam doctrinam sint deprauaturi,
haec verba adiunxisse. Hinc enascitur diuisio peccati. Nam tota natura primùm
per peccatum corrupta & aeternae morti subiecta est. Deinde alia ceu species
peccati est, quòd homo habens legem potest agnoscere, cùm scilicet furta,
adulteria, coedes committuntur.
|| [80]
Ex quibus lector Christianus perspicuè intelligit, Lutherum ista loquendi phrasi,
quando inquit, omne id peccatum esse, quod ex patre & matre natum est,
idipsum intelligere, quod sequentibus verbis exprimit, videlicet totam naturam
peccato originis corruptam, & morti subiectam esse. Et hanc propriam esse
& genuinam sententiam D. Lutheri, nullámque aliam, ostendunt mox sequentia
verba. Dauid sic definit, vt significet, peccatum esse corruptionem omnium
virium, interiorum & exteriorum, a deò, vt nullum membrum officium suum ita
nunc faciat, sicut in Paradiso ante peccatu̅. Non igitur singula
verba hinc inde ex Luthero sunt excerpenda, sed tota oratio eius est expendenda,
in qua de peccato originis agit, illúdque describit: illaque inuicem & mutuo
sunt declaranda.
Quae aduersarius hoc loco vlteriùs vrget, librum Concordiae secum ipsum pugnare,
dum affirmat, propter Ecclesiam, quae simpliciores & infirmiores adiunctos
habet, à vocabulis illis Scholasticorum, Accidentis & substantiae, in
concionibus esse abstinendum: Postea autem subiungit, quando quaeritur, an
peccatum originis substantia aut accidens sit, rotundè confitendum esse,
peccatum originis non esse substantiam sed accidens, merum est figmentum. Priora
enim verba de rudioribus tanrùm Christianis, qui vocabula illa non intelligunt,
quibúsque controuersia haec nondum satis est cognita, loquuntur: quorum sanè
ratio est habenda: & originem respiciunt huius controuersiae, in qua
istiusmodi vocabula vulgo planè ignota erant. Sequentia autem ad rem ipsam
referuntur, quando ex eo, qui rem intelligit, quid substantia vel accidens sit,
quaeritur: vt ex verbo & secundùm verbum DEI respondeat, Peccatum originis
non esse hominis substantiam, naturam aut essentiam, non esse etiam corruptam
naturam sine omni discrimine: sed accidentariam esse horrendam totius naturae
corruptionem.
Asserere nos, Neminem verè Theologum esse posse sine Aristotele: impudens est
mendacium, & propterea vlteriore & prolixiore refutatione non eget.
VIII. Verba illa libri Concordiae pag 264. quod attinet: (Si Ecclesiae &
Scholae periculoso & pernicioso certamine sunt funditus liberandae, necesse
est, omnes verè & propriè de his informari), secundùm quid dicta sunt,
videlicet considerando, quàm vehementer ea Illyricus in suis libris vrserit,
peccatum originis esse substantiam, in illo ipso sensu, quo
|| [ID00168]
vocabulum substantiae, in diuisione
substantiae & accidentis vsurpatur, & accidentibus opponitur,
quemadmodum in ipsis demonstrationibus, pag. 321. 322. & similibus locis
pluribus est videre.
Quòd si Ecclesia de Illyrici errore, & falsis dogmatibus, praemonenda fuit,
& quantum in nobis est, hoc certamine liberanda, necessarium omninò fuit, vt
quàm proprijssimè de hac controuersia omnes informarentur. Referuntur itaque
haec omnia ad ipsa vocabula substantiae & accidentis, & ad Illyrici
pertinaciam, qui Scholastico illo vocabulo substantiae perpetuò est vsus.
Caeterùm rem ipsam quod attinet, non asserit liber Concordiae, ex vocabulis,
eam, Scholasticis esse decidendam, quin potiùs ex verbo DEI, & articulis
fidei Christianae, quemadmodum fundamentum hoc in libro Concordiae clarè &
perspicuè est expressum. Meritò igitur pudere istos homines deceret, quod
secundùm quid, hoc est, certa determinatione dictum est, id tanquam simpliciter
dictum accipere & sic interpretari: quòd liber Concordiae doceat, decisionem
huius controuersiae tantùm ex Scholasticorum vocabulis, & non è sacris
literis esse desumendam.
Illa si diligenter hîc expendantur, corruunt omnia, quae de pace Arrianorum, de
Cinglianis & Victorino vrgent.
IX. Oppugnant quòd libro Concodiae, pag. 264. positum, quando quaeritur, quale
accidens peccatum originis sit, ad eam quęstionem neminem Philosophum,
Pontificium, Sophistam, imò nullam rationem humanam posse respondere: Obijciunt,
haec ideò libro Concordiae esse inserta, quòd ipsi agnoscamus, nos vocem
accidentis commodè satis tueri non posse. Verùm hoc ipsorum figmentum est
proprium.
Verum enim est & manet, peccatum originis nullam esse substantiam: omnes enim
substantiae à DEO ipso conditae sunt, non est etiam corrupta natura hominis: nam
& illa substantia quoque est, sed est mala qualitas, seu horrenda corruptio,
malum, defectus, in tota humana natura. In summa, peccatum originis non est
leuis & contempta qualitas, leuis & abiecta corruptio, morbus, malum,
defectus: sed istiusmodi est malum, quod humana ratio in hacvita non satis
assequi, aut eloqui, multò minùs sanare, tollere aut abluere potest. Nec haec
sunt pelles ouium, sed veritas ipsa, quemadmodum abundè hactenus
demonstratum.
Nequaquam verò hoc pacto statuimus, Philosophorum & phanaticorum vocabulis
esse vtendum, & verum sensum ex sacris literis esse petendum: sed
inuertimus, & docemus atque asserimus, cùm ex verbo DEI
|| [81]
firmum & immotum habeamus
fundamentum, peccatum originis non esse substantiam, non etiam ipsam corruptam
hominis naturam, sed tetram & horrendam corruptionem substantiae, doctrina
verò in sacris literis, de hac controuersia praescri pta, pulchrè admodum, cum
vsitato Scholasticorum vocabulo accidentis congruat, eam ob causam, tuto &
commodè eo nos in hac controuersia vti posse & debere. Interim spectabimus,
si quis sit, qui illam nobis Maximam eripere possit.
Possent etiam plura heteroclyta illa capita in librum Christianae Concordiae
confingere: num propterea omnia pura veritas & sacrum Euangelium?
De Arrianorum glossis suo loco dictum est satis: si fundamentum causae spectemus,
ad rem nihil omninò facit, tantùm quòd ea artifex iste opinione est persuasus,
modò rem vnam saepiùs repetat, & magnos libellorum aceruos accumulet, iam se
victoriam obtinuisse.
Nolunt sibi vocabulum substantiae in hac controuersia, quod tamen, vt saepiùs iam
demonstratum est, plenum est blasphemijs, eripi: Nos etiam non committimus,
vocabula Accidentis, morbus, vitiositas, defectus, ,
corruptio, & quae his similia sunt, quae in sacris literis tam firmiter sunt
fundata, illorum clamoribus, nostris è manibus extorqueri.
Nullis etiam vtimur glossematibus, & circulatorijs fraudibus, aduersus quas
Lutherus in seruo suo arbitrio scripsit, nihil etiam nobis cum Interimisticis
& alijs actionibus est commune: sed nostram doctrinam firmis & solidis
verbi diuini, trium Symbolorum & aliorum sanorum testimonijs,
demonstrauimus: non etiam patiemur ea istorum confictis & consutis dolis
irrita reddi: qua in re omnis illorum cogitatio, ne dicam, labor, futura est
inanis. Quòd si ad veritatem accedere voluerint, benè est: sin minùs, suo
periculo pergant quò tendunt: licèt interitum ipsorum lugeamus, illúmque
lubenter auerteremus, si vlla ratione possemus. DEVS illos conuertat, Amen.
Lutheri dictum Tom. 1. Vvitteberg. fol. 106. Adeò efficaces Diabolus errores
& corruptelas immittit omnibus phanaticis spiritibus, vt palàm(ZZ. 3 fac. 2.) gloriari
& quàm saepissimè iureiurando confirmare audeant, penes se longè certissimam
esse veritatem, quod hoc loco allegant, adeò euidenter aduersus phanaticam &
erroneam illorum opinionem, quam ex Illyrici libellis parum sanis, didicerunt,
& pro orthodoxa statuunt: vt non
|| [ID00170]
rectiùs eos depingere potuisset. Viderint ergò, vt in tempore gratiae
poenitentiam agant, & ab errore suo ad DEVM conuertantur.
Lubenter aduersarij descriptionem peccati originalis, ex Schmalkaldicis articulis
desumptam, (esse nimirum eam horrendam corruptionem, ineffabile malum)
conuellerent, vel ad minimum dubiam redderent: verùm volente Domino, procul
errabunt.
Aiunt, nos intelligere vocem corruptionis pro eo, quod naturam corrupit: sese
verò cum Luthero passiuè accipere, nimirum peccatum originis esse corruptum,
totam corruptam naturam & essentiam.
Nostram verò sententiam orthodoxam esse, ex multiplicibus elucet fundamentis,
quibus hactenus discrimen inter corruptam naturam & peccatumoriginis, DEI
beneficio, demonstrauimus: ad quae nos hoc loco etiam referimus.
Econtrà illorum sententiam falsam esse, apparet initiò ex demonstrato discrimine,
inter corruptam naturam & originis peccatum. Deinde ex ipsius Lutheri
verbis, qui inquit (verba ipsius suprà sunt allegata) Naturam manere, licèt sit
corrupta. Item, Illa ipsa membra manere. Tertiò, quòd Lutherus vocabulo illo
passiuè in doctrina de peccato originis, quemadmodum illi hoc loco allegant, non
vtitur: nec possunt etiam id hoc pacto è Luhero edocere. Quartò, quòd si illorum
sententia esset vera, necessariò sequeretur, hominem per peccatum essentialiter
totum esse abolitum, & alium nouum hominem factum, secundùm essentiam ab
Adamo distinctum, quae horrenda est blasphemia.
Prosper enim Aquitanicus aduersus Collatorem rectè scribit: Naturae humanae,
cuius creator est DEVS, etiam post praeuaricationem manet substantia, manet
forma, manet vita, & sensus & ratio, caeteraque corporis atque animi
bona, quae etiam malis vitiosisque non desunt. Quintò necesse foret, omnia illa
falsa dogmata vera esse, Christi carnem essentialiter à nostra carne esse
distinctam, non verè, ipsum, carnem & fratrem nostrum esse: ideóque etiam
nos non redemisse. Item, Christum ipsum peccatum originis redemisse, illud
sanctificare, iustificare & saluare, & quae huius generis blasphemiae
sunt plures: quas suo loco ordine recitauimus.
Praeterea verum minimè est, Schmalkaldicos Articulos docere, peccatum originis
esse corruptum, seu corruptam ipsam naturam: Clarè enim & perspicuè
asserunt, peccatum originis esse profundam corruptionem naturae, & nullo
modo asserunt, esse illud ipsam corruptam naturam, sine omni discrimine. Verùm
de hoc suprà pluribus egimus.
|| [82]
Licèt etiam D. Lutherus Gene. 3. scribat, totam naturam debilitata̅
esse, totam naturam esse in aliquid aliud transmutatam: seipsum tamen explicat,
quemadmodum suprà abundè ostendimus: mutationem hanc ipsum intelligere de
amissione bonarum virium & proprietatum, & contrà de malis
proprietatibus & prauis vitiositatibus, quae per peccatum in naturam humanam
introierunt: non autem de essentiali transmutatione totius hominis, in aliam
nouam, & priori inaequalem essentiam, quemadmodum isti homines nugantur
& fingunt. Aliquoties etiam disertis verbis asserit, rationem, intellectum,
naturam manere: tantummodò quòd vehementer sit corrupta. Verùm de his etiam
suprà copiosè egimus, quae hoc loco repetitione nulla egent.
Et hoc ipsum etiam testantur verba Lutheri, quae aduersarius ex 2. cap. Genes.
aduersus se allegat: Peccatum originis rectè nominatur omne id, quod Adamus per
lapsum amisit, eius, quod in natura integra ante lapsum habuit, veluti quòd
iustus, integer, innocens, summo intellectu praeditus fuit. Adamus sanè per
lapsum non seipsum, aut suam substantia̅ naturam & essentiam
amisit, quemadmodum Augustinus in sententijs pulchrè loquitur: Homo factus est
immortalis, DEVS esse voluit. Non perdidit, quòd homo erat, sed perdidit quòd
immortalis erat. Verùm id de integra sua natura, quam antel apsum habuit,
amisit, quòd iustus, perfectus, innocens fuit. Hae autem proprietates seu dona
in natura eius fuerunt, & non nostra substantia seu essentia Adae ipsa,
aliàs citra abolitionem naturae & essentiae suae amittere ea non
potuisset.
Cùm autem illa, vt Lutherus in Genesi rectè scribit, (citra tamen abolitionem
naturae suae) amiserit: necesse est aliud esse naturam, & aliud quod è
natura deperdidit. Et sic consequenter necesse est, aliud esse corruptam
naturam, è qua dona illa deperdita sunt: & malum, quod subsequutum est. Hoc
necesse est immotum vt relinquant, quantumuis variè & in multas formas se
transforment.
Vnde etiam Lutherus Genes. 2. scribit: Homo habet pedes, oculos, aures: sicut in
Paradiso hac forma conditus est, sed haec ipsa membra miserrimè corrupta &
deformata sunt post peccatum. Quare illorum sensus, simpliciter verbo DEI,
veritati doctrinae Lutheri repugnat, quantumuis conentur è Lutheri scriptis
errori suo & falsae opinioni decus & authoritatem addere.
Ad reliqua Lutheri testimonia, quae hoc loco denuò repetunt, in praecedentibus
saepiùs est responsum.
|| [ID00172]
Quod Psal. 14. dicitur, Corrupti sunt: seu vt Lutherus in hymno suo reddidit,
essentia illorum est corrupta: id aduersariorum falsę doctrinae nullo modo
repugnat. Corruptam enim habere essentiam, & corruptionem ipsam esse, iam
saepè demonstratum est, non esse eadem, sed res distinctas: quod ipsa loquendi
ratio satis euincit. Quamobrem etiam Augustinus lib. 2. de Moribus Manich. cap.
5. rectè scribit. Quaeverba expressè negant, corruptionem & corruptum eadem
esse.
Sic Apostolum 1. Corinth. 15. vocabulo vti in illo
dicto, corruptibile induet in corruptionem, impudens est, & palpabile, sit
venia dicto, mendacium, non enim ibi vocabulum sed
habetur: quemadmodum id textus Pauli ipse ostendit.
Nec satis sub admiratione cadere potest, haec petulans aduersarij deprauatio,
qua verba Apostoli Pauli corrumpit.
Omnibus sanè Theologis atque ipsi Luthero has phrases esse aequipollentes,
peccatum originis est corruptio naturae, & peccatum originis est ipsa
corrupta natura hominis, id nemo sibi persuaderi patietur, quàm qui ab istis
hominibus eorúmque Spiritu vertiginis turpiter fascinatus, & seductus
fuerit. Prima enim phrasis, discrimen inter peccatum & corruptam naturam
integrum relinquit. Posterior autem illud contra verbum DEI & doctrinam
Lutheri penitus tollit.
(AA. 2. fac. 2.)
Quòd etiam splendidis verbis praetendunt, nisi concedamus peccatum originis
corruptam naturam ipsam esse: dicendum nobis esse: ecquid tandem peccatum
originis propriè sit. Si dicamus esse accidens, communem descriptionem
accidentis repugnare: sin dicamus esse aliquid essentiale, tum Manichaeum nos
furorem sub pectore occultare. Ad obiectionem illam expeditè respondemus:
Peccatum originis esse horrendam corruptionem totius naturae, & non
corruptam naturam ipsam, & sic malum accidens esse in natura, Nec tamen
aduersarij doctrinam nostram communi descriptioni accidentis, quod sine
corruptione eius, cui inest, adesse & abesse potest. Vocabulum enim
corruptionis eo accipimus sensu, in quo non integram denotat corruptionem,
quemadmodum in Physicisvsurpatur, sed istiusmodi corruptionem, qua quidem tota
natura humana horribiliter est deprauata, quoad corpus & animam, natura
tamen corporis & animae prorsus non est abolita, & in nouam essentiam
transmutata, sed reliqua natura sit: ita vt corrupta natura & corruptio non
sint sine discrimine res vna.
|| [83]
Simili ratione est & manet peccatum accidens quoddam, quod sine totali
abolitione & mutatione humanae naturae in ea inest, verùm non sine
istiusmodi corruptione, qua natura omnes suas bonas saluas & integras
retinuerit, sed qua, quicquid bonarum proprietatum habuit, turpiter amisit, ac
contrà perniciosos defectus, , vitiositates acquisiuit,
vt iniusta, immunda, impura effecta sit, quemadmodum id suprà prolixè
declaratum: quò Christianum lectorem remittimus, ne necesse sit, rem vnam
saepiùs prolixè repetere.
Peccatum verò originis esse essentiale quid in homine, quemadmodum Manichaei
senserunt, id simpliciter & rotundè negamus, quemadmodum saepiùs iam
dictum.
Manet itaque doctrina nostra firma, & nihil eorum sequitur, quod inde
consequi opinantur.
De similitudine veneni, quae hoc loco repetitur, suprà etiam dictum: cui
explicationi etiamnum acquiescimus.
Quòd autem peccatum originis nihil constituamus negatiuum, id magna nostri cum
iniuria affingunt. Est ne illud peccatum originis, nihil negatiuum statuere,
quando è verbo DEI, & secundùm illud docemus, esse eam profundam
corruptionem totius naturae seu essentiae humanae, horrendum & ingens malum,
, defectum, morbum corporis & animae, tenebras
in intellectu, quoad res spirituales, cor ad dubitationes, impatientiam &
omne malum pronum, voluntatem hominis esse peruersam, & ad omne bonum
emortuam: & hoc malum vsque adeò graue & ingens esse, vt nulla illud
creatura satis assequi, nec mera creatura illud abolere: sed solùm ab vnico
filio DEI Domino nostro IESV CHRISTO aboleri & tolli potuerit. Iudicium
omnibus pijs & sanis Christianis committimus. Et viderint ipsi, qua
conscientia olim coram tribunali CHRISTI IBSV, has suas calumnias &
accusationes, quibus nos coram DEO, & ipsius Ecclesia onerant, probare &
defendere velint.
X. Posthaec docere conantur, D. Lutherum non statuisse, peccatum(Aa. 3. fac. 2.) originis
accidens malum, & corruptionem naturae & essentiae humanae esse: ac
librum Concordiae malè facere, quòd hac in parte ad authoritatem D Lutheri
prouocet. Pleraque verò repetitio tantùm sunt dictorum & testimoniorum
Lutheri, de quibus hactenus egimus, illáque explicauimus, quamobrem non
necessarium, omnia repetere, quae denuò ab il
|| [ID00174]
lo producuntur: &
Christianum lectorem ijs detinere. Nihil tamen, quod causae inseruiat, omittemus
aut praeteribimus.
Ad illa vocabula, Peccatum esse de essentia hominis, suprà respondimus.
Lutherum docere, Theologum nihil ineptius dicere posse, quàm si peccatum originis
accidens appellet, è Lutheri libris, ijs verbis, quibus citatur, nunquam
demonstrabitur.
Lutheri verba Genes. 8. Non leuis hic morbus seu defectus est, sed extrema
, cuius simile tota reliqua creatura, exceptis
Dęmonibus, non habet, pro confesso sumimus: & illud ipsum cum Luthero
docemus, aduersus omnes, qui peccatum originis extenuant. Non autem sequitur,
peccatum originis non leue est, sedextremum malum: Ergò ipsa est corrupta
natura. Id enim Lutherus nequaquam asserit.
Sic etiam in Lutheri verba aduersus Latomum consentimus, in quibus docet,
peccatum originis amplificandum & exaggerandum esse: quemadmodum Paulus
etiam Rom. 7. inquit, Peccatum se captiuum ducere, & quae huius generis
plura sunt alia. Ex istis verò omnibus minimè sequitur, ideò peccatum originis
ipsam esse corruptam naturam: illorum etiam nemo hoc asserit.
Inseritur hoc loco & vrgetur argumentum, quo Illyricus perpetuò est vsus.
Quod efficaciter operatur & repugnat, id sanè accidens esse non potest: sed
necesse est, esse essentiam, quae suam quandam habet operationem.
Peccatum originis, quemadmodum Paulus Rom. 7. scribit, operatur & repugnat
efficaciter in homine.
Quare nequaquam accidens tantùm in homine esse potest.
Sed necesse est, esse essentiam. Acicdens enim nihil est, nihil operatur.
Respondemus, In hoc Syllogismo quatuor esse terminos, quem admodum in Scholis
loquuntur. Prima enim propositio de eiusmodi loquitur natura, à qua propriae
operationes, tanquam à recto fonte procedunt: hoc est, de essentia animae
humanae: Altera propositio loquitur de accidente aliquo, quod per se ipsum non
est, nec subsistit, sed in essentia tantùm animae seu naturae humanae inest,
& vnde operationes illarum malaesunt, & legi DEI repugnant.
|| [84]
Alio modo operatur anima, alio modo malitia seu corruptio in anima, operatio,
propriè loquendo, est animae seu virium illius: quòd autem operationes aliae
bonae, aliae malae sunt: id ratione fit accidentium. Velut exempli causa. Arbor
bona, bonos fert fructus, non quatenus est arbor: sed quatenus est bona. Arbor
mala malos fert fructus, non quatenus arbor, sed quatenus, aut quia est mala.
Eadem est ratio hominis. Si arbor est bona, aut ad DEVM per fide̅
in Christu̅homo est conuersus, fert fructus bonos, cùm natura
ipsius renouatat, nouam luce̅ & vitam acceperit: quem admodum
id in Paulo, Roman. 7. est videre. Quandiu autem veterem illam vitiositatem
retinet, repugnat caro eius Legi DEI: nec facit omnia ea, quae vult. Vnde facilè
est intelligere, quòd licèt peccato in Paulo operationes asscribantur, nequaquam
tamen eas propriè tribui: verùm eam ob causam, quòd substantia animae, quo ad
malum aut bonum, nihil aliud operatur, quàm quatenus bonis aut malis
proprietatibus est praedita.
Quatenus igitur bona, & per Spiritum sanctum ac fidem renouata est, operatur
bonum, & quod DEO placet: quatenus verò non est renouata, & prauas in se
vitiositates habet, eatenus operatur malum, & quod DEO displicet. Atque hoc
pacto peccato in Paulo, Rom. 7. operatio asscribitur per Metaphoram, quemadmodum
in Scholis appellatur, in quibus id, quod proprium est creaturae viuae, rei
irrationali asscribitur. Veluti Iudicum. 9. quando arbores imperium deferunt
primò oleae, secundò ficui & viti, postremò rhamno, qui certis illud
conditionibus acceptat. Indeverò nequaquam sequitur, arbores istas, creaturas
fuisse ratione praeditas: quia orationes illis rationibus ornatae asscribuntur.
Si peccatum originis creatura esset rationalis, & per se operationes suas
haberet, rectè fieret, si propriè istiusmodi operationes & dominia illi
asscriberentur. Quòd si etiam peccato originis, propriè loquendo, istiusmodi
operationes asscribendae essent, necessariò, sequeretur, Initiò DEVM ipsum
peccatum creasse: nulla enim rationalis natura est esséue potest, quam DEVS ipse
non crearit. Quòd si peccatum originis rationalis quaedam natura esset,
necessariò à DEO esset creata. Haec verò horrenda est blasphemia contra
articulum creationis. Secundò singulis renatis hominibus duas rationales naturas
seu duas animas rationales inesse oportebit, vnam, peccatum originis, ex parte
adhuc reliquum & in homi ne sese mouens: alteram, quam homo ex regeneratione
accepit, & qua inhabitanti peccato repugnat.
|| [ID00176]
Hoc ipsum verò etiam falsum est & blasphemum, & D. Paulo in mentem
nunquam venit: quemadmodum id omnes verè Christiani intelligunt &
norunt.
Posthaec dictum illud Lutheri Psal. 90. Siue igitur peccatum originis qualitatem
siue morbum vocauerimus, profectò extremum malum est, non solùm pati aeternam
iram & morte̅, sed ne agnoscere quidem, quę pateris. Singulari
studio nobis eripere conantur, ac praetendunt, Lutherum non assertiuè ac
approbatiuè, sed , recitatiuè loqui in persona veterum
& nouorum Sophistarum: imò improbatiuè magno stomacho: veluti qui nullo modo
probet, Sophistas peccatum originis accidens seu qualitatem, morbum seu
infirmitatem appellasse.
Id verò quomodo probant? Mira, & plus quam mira ratione. Inquiunt, Lutherum
contra Sacramentarios scripsisse, illos in verbis, Hoc est corpus meum, quod
sumere pro qualiter. Item, Spiritum efficere ex quod qualiter. Item Logicos
nosse: sub termino substantiali, non potest subsumi accidentalis. Item,
Cinglianam esse Logicam, substantiam pro accidente, & contrà accidens pro
substantia sumere. Haec illorum est probatio.
Arbitramur, Christianum lectorem, vix crediturum esse, hac eos vti probatione,
verùm & liber & pagina, in qua haec probatio extat, in nobis est
notata.
Referimus autem nos ad iudicium omnium Christianorum, an hoc probare sit: &
an non potiùs sit stoliditatem & imperitiam suam prodere.
Quaestio in hoc sita est, An Lutheri verba, Psal. 90. ab eo ita prolata sint, vt
statuerit peccatum originis, qualitatem, morbumseu accidens esse: an verò non
ita statuerit, sed Sophistas eam ob causam reprehenderit, quòd docuerunt,
peccatum esse qualitatem seu morbum, & quòd seriò ab ista doctrina
abhorruerit. Nos affirmamus Lutheru̅ ita sensisse, quemadmodum
verba ipsius se habent. Aduersarij negant. Negatio haec illis probanda incumbit.
Quomodo ergò probant? Hac ratione. Inquiunt, Lutherus contra Sacramentarios
scripsit, non rectè fieri, in illis verbis, Hoc est corpus meum, quod pro
qualiter, hoc est, pronome̅ (quod) quod propriè substantiam
corporis Christi monstrat, pro aduerbio qualiter vsurpare, hoc est, pro virtute
& efficacia corporis Christi crucifixi. Perperam enim fit, etiam secundùm
Logicorum doctrinam, quando accidens
|| [85]
pro substantiasumitur, quod Cinglius fecit. Quae autem quaeso
& proportio est probationis huius ad quęstionem
illam de verbis Lutheri de peccato originis. Eadem omninò, quae niuis ad
ignem.
Initiò enim certamen est, de peccato originis, quod Lutherus expressis verbis
qualitatem seu morbum, & nequaquam substantiam seu essentiam nominat,
contradicant, quantum velint: probationes illi inferunt è verbis coenę, in
quibus Cinglius accidens pro essentia seu substantia corporis Christisumpsit.
Haec verò inter se nullo pacto cohaerent.
Deinde si huius illorum probationis aliquod esset pondus, ipse D. Lutherus pro
Logico Cingliano esset proclamandus, qui accidens qualitatem seu morbum, pro
substantia sumpserit, & cùm peccatum originis substantiam essentiam seu
corruptam naturam ipsam nominare potuisset, è falsa Logica, qualitatem eam,
Accidens, seu morbum appellarit.
Tertiò, Lutheri verba contra Cinglium, benè quidem & rectè se habent:
Peruersum enim omninò est, in verbis sacrae coenae accidens pro substantia
sumere: quòd autem doceant, Lutherum, Psal. 90. aliter loquutum esse, ac
senserit, id nunquam ex ijsdem euinci poterit: quemadmodum id omnes sani per se
vident & fateri coguntur.
Manet itaque verum, Lutherum Psal. 90. ita loquutum esse, quemadmodum senserat,
& verba ipsa se habent.
Quòd etiam Lutheri verba assertiuè intelligenda sint & non aliter, ex eo
manifestè apparet, quòd disertè inquit, siue accidens, siue morbum peccatum
originis appellemus, profectò extremum malum est, quibus verbis seipsum sanè
complectitur, & assertiuè ponit ac docet, peccatum originis, qualitatem seu
morbum esse, verùm non leuem morbum, sed extremum, grauissimum,
periculosissimum, quique viribus humanis nullo modo sanari potest.
Nouam etiam proferunt probationem ex Lutheri libro de captiuitate Babylonica, in
quo doctrinam Sophistarum de transsubstantiatione reprehendit, & inquit,
Laicos nunquam rectè intellexisse Philosophiam de substantijs &
accidentibus, quemadmodum Philosophi de illis disputant. Ergò sequi, Lutherum
Psal. 90. improbatiuè loquutum, & vocabulum qualitatis seu morbi reiecisse.
Risum teneatis amici. Quis vnquam pueriles vsque admodum probationes &
consequentias audiuit: Et tamen phanaticis istis omnia mera sapientia &
veritas videntur.
Hoc quidem verum est, Lutherum aliàs hinc inde Sophistarum doctrinam
reprehendisse, quòd peccatum originis leuem admodum
|| [ID00178]
qualitatem & infirmitatem
statuerunt: quemadmodum color in pariete: Praeterea etiam docuerunt, facilè eam
operibus dilectionis elui posse. Quòd autem vocabulum ipsum qualitatis,
infirmitatis, morbi per se improbarit, nullo pacto admittere voluerit, peccatum
originis qualitatem seu morbu̅ in homine esse nominaríque debere:
id nunquam ex Luthero probabunt: eius sumus certissimi. Peccatum enim originis
non tantùm, Psal. 90. qualitatem morbum seu defectum nominat: verùm etiam his
ipsis vocabulis, defectus, morbus, priuatio, aliquoties vtitur: videlicet Genes.
2. Item 8. & alijs locis pluribus.
(Cc. i. fac. 1.)
Lutherum etiam non simpliciter negasse, Iustitiam originalem qualitatem seu donum
fuisse: sed tantùm secundùm quid, ex eo manistu̅ est, quòd hoc
potissimum in Sophistarum doctrina Genes. 2 & 3. reprehendit, quòd iustitiam
originalem istiusmodi qualitatem statuerunt, quae donum tantùm esset,
extrinsecus naturae adhaerens, & à natura separatum, quemadmodum corona
imposita capiti virginis, quae ad naturam virginis non requiritur: cùm tamen
iustitia originalis connaturalis seu verè in natura Adae fuerit, & sine
detrimento ac corruptione naturae eius non potuerit amitti: quemadmodum id per
se verissimum est.
Pari ratione in Sophistis reprehendit, quòd peccatum originis, (quod amissam
iustitiam originalem in homine subsequutum est,) istiusmodi leuem qualitatem aut
morbum statuant, quo natura non per omnia corrupta sit: sed qui extrinsecus
tantùm naturae adhaereat, quemadmodum color parieti: qui etiam facillimè à
natura per bona opera elui possit: & hoc ipsum in Sophistis cum Luthero
meritò reprehendimus.
Quòd autem statuerit, iustitiam originalem & Adami naturam, sine omni
differentia rem vnam esse: & naturam Adae originalem iustitiam ipsam fuisse:
purum figmentum est istius phanatici, quod ex Luthero nunquam edoceri
potest.
Contrarium verò ex Luthero facilè probari potest. Ipse enim inquit, Genes. 3.
Iustitiam originalem esse amissam: & illam ob causam naturam non esse
ampliùs integram & inuiolatam, & Genes. 2. scribit: Peccatum originale
(sicut correlatiuorum natura est) demonstrat, quid sit iustitia originalis,
& è contra, nempè quod est amissio iustitiae originalis seu priuatio, sicut
coecitas est priuatio visus.
Ex quibus verbis clarè apparet, Lutherum statuisse, iustitiam ori
|| [86]
ginalem, non naturam
Adae ipsam fuisse, sed donum in natura eidem implantatum, quemadmodum oculo vis
videndi (qua similitudine etiam vtitur) est implantata. Quòd si illa laeditur,
substantia quidem oculi manet, vis autem videndi illi deest. Eadem, inquit,
ratio est humanae naturae & peccati originalis.
Anima seu natura hominis manet quidem, & non est perdita, aut abolita,
potentia autem seu virtus in ea amissa est, nec amplius adest.
Anima inspicienda est, inquit Genes. 2. postea etiam corpus concupiscentia sic
defoedatum.
In anima autem praecipuum est, quòd amissa est cognitio DEI, quòd non ei vbique
& semper gratias agimus, quòd non delectamur eius operibus & factis,
quòd non confidimus ei, quòd, cum meritas poenas infligit, incipimus DEVM odisse
& blasphemare, quòd, quando cum proximo agendum est, obsequimur
cupiditatibus nostris, sumus rapaces, fures, adulteri, homicidae, crudeles,
inhumani, immisericordes, &c. Est quidem furor libidinis pars quaedam
peccati originalis, sed maiora sunt illa animi vitia: Incredulitas, ignorantia
DEI, desperatio, odium, blasphemia.
Has calamitates spirituales Adam in statu innocentiae nesciuit. Quae verba clarè
ostendunt, Lutherum Sophistas reprehendisse eam ob causam, quòd peccatum
originis leuem qualitatem & morbum nominarunt, quo humana natura seu anima,
in suis viribus non sit corrupta, sed integra manserit.
Quòd autem docuerit, Iustitiam originalem bonam naturam in Adamo ipso fuisse,
& contrà peccatum originis, corrupti hominis naturam ipsam esse & non
malam qualitatem, defectum, morbum, & corruptionem naturae: id isti quidem
phanatici asserunt: non autem confirmant, & in aeternum nunquam sunt
confirmaturi.
Non sanè asserit, animam esse perditam: sed in anima morbum & defectum esse:
& cognitionem DEI perditam esse: gratitudinem item, approbationem operum
& iudiciorum DEI, fiduciam in DEVM: Econtrà animae inesse, inimicitiam
aduersus DEVM, blasphemiam, odium & inuidiam aduersus proximum. Et alia
horrenda vitia & defectus. Quare necesse est, eum statuisse, aliud esse
animam, aliud cognitionem DEI & huiusmodi in anima, quae inde iam sunt
amissa.
Quemadmodum similiter etiam statuit, aliud esse animam, quoad eius substantiam,
aliud ignorantiam, coecitatem, inimicitiam & odium
|| [ID00180]
aduersus DEVM, incredulitatem, &
quae his similia vitia sunt plura & defectus in anima: quae non sunt
substantiae & res essentiales, sed priuationes, defectus, morbi, quemadmodum
Lutherus ipse hoc loco & alibi nominare solet.
Cùm igitur ipse Lutherus vtramque & originalem iustitiam & originalem
iniustitiam ita describat, vt quiuis intelligat, vtramque eum qualitatem
statuisse. Originalem quidem iustitiam istiusmodi singularem, ex imiam, optimam
qualitatem seu donum, quod naturae fuerit implantatum, quod etiam sine
corruptione eiusdem, ex ea amitti non potuerit: Peccatum verò originis
istiusmodi noxiam, summè periculosam, & extremè malam qualitatem, morbum,
defectum, malum, infirmitatem, corruptionem, qua humana natura turpissimè &
miserrimè corrupta est, & quae naturae in est, manifestu̅ est
vocabulum, eum (qualitatis & accidentis) in hac doctrina non penitus
reiecisse: sed eatenus tantùm, quando cum Sophistis peccatum originis leuem
quandam & nullius ponderis atque momenti qualitatem seu morbum, quis
appellarit: qualis color est in pariete: non vlteriùs.
Id quod his praeterea verbis confirmatur, quae aduersarius è Ienensi Postilla
Oeconomica, Dominica 20. Trinitat. allegat, infelici & infausto nomine nos
gloriari, peccatum originis esse leuem quendam defectum, & exiguam noxam,
quod tantundem sit, ac si Lutherus dicat, si peccatum originis leuem quendam
defectum & exiguam noxam quis appellet, Diaboli eam esse gloriationem. Quòd
si autem extra illum Sophistarum sensum quis illud, defectum, , noxam appellet: non tantùm nihil illud incommodi in se
habere: sed bono etiam id fundamento fieri posse: nec enim ipsa est corrupta
natura: sed aliquid ab ea distinctum.
Quantum Lutheri verba è Postilla Ecclesiastica 16. Dominica Trinitatis attinet:
(Quare non est accidens quoddam: seu quòd homo ita à DEO esset conditus: sed
nostra fit culpa, qui peccato infecti sumus, &c.) disserit in illis D.
Lutherus de causa mortis, & asserit, non esse contingens aliquid, quòd
moriendum nobis sit: nec quòd homo à DEO ita sit conditus: verùm nostra peccata
eius nobis causam esse: quae verba isti homines referunt ad peccatum originis.
Si testimonia aliorum hac fide allegare licet, quoduis, quod placuerit, probare
poterunt.
Ex Apologia etiam haec verba citant: Peccatum originis non est extrinsecus
quiddam adueniens aut accidens malum: quae verba in Apologia, in Articulo de
peccato originis, non habentur.
|| [87]
Lutheri verba Tom. 3. Ien. in Confessione maiori, in qua scribit, se damnare
veteres & nouos Pelagianos, qui peccatum originis, inter peccata non
admittunt, sed defectum tantùm seu esse volunt, non in
eum finem scripta sunt, quòd peccatum originis non possit aut debeat defectus
& nominari. Haec enim Lutheri si esset intentio,
seipsum necesse foret, vt saepiùs damnaret, cùm peccatum originis saepissimè
defectum & appellarit: quemadmodum paulò antè
ipsiusmet verba hac de re citauimus. Verùm id damnat inveteribus & nouis
Pelagianis: quòd peccatum originis, peccatum esse inficia̅tur:
illud extenuant, parui faciunt, & praetendunt, istiusmodi leuem quendam esse
defectum, aut qualitatem, qualis est color in pariete: facile etiam eum
dilectione elui posse, atque hoc ipsum cum Luthero, nos etiam improbamus.
Vocabula autem ipsa, defectus, , retinemus cum Luthero,
in proprio ac sano vsu ac sensu, quo Lutherus ipse ijs vsus est, ea intellexit
& retinuit: nec istorum hominum clamoribus turbari nos patimur.
Ad dictum Gal. 3. Sophista Theologus, &c. quod hoc loco repetitur, suprà
abundè respondimus.
Quòd si verè pius Christianus haec omnia acuratè considerat, deprehendit,
quemadmodum dictum, D. Lutherum vocabula defectus, infirmitas, in sophistico
quidem illo sensu, quo peccatum originis extenuatur, reiecisse: Non autem in
sano sensu, quem ipse perpetuò retinet: Aliàs necesse fuisset eum semetipsum
damnasse: & sua ipsius scripta reiecisse. Est igitur & manet verum
peccatum originis qualitatem esse, & accidens malum, noxia mala &
periculosa, . Et quando cum scholasticis de eo loqui
volumus, meritò in praedicamentum qualitatis reponitur: ettiam ab ipso Luthero,
hoc ipso, quòd qualitatem, defectum, malum seu morbum appellat: phanatici
tumultuentur & fremant, quantum & quam diu voluerint.
Aduersarius prolixam & longam orditur telam, phanaticos, suos(Cc. 3. fac. 1.) errores
conari doctrina Lutheri defendere. Interim no̅ cogitat, de seipso,
sese, & suis complicibus loqui.
Quàm turpiter enim ipse cum suis consortibus, nomine & scriptis D Lutheri
abutatur, & sub illis erroneam atque falsam suam doctrinam venditare
conetur: id hactenus DEI beneficio lectori Christiano, ob oculos posuimus, vt
non dubitemus, pias mentes, id manu, quod dicitur, palpare: ideóque veritati,
contra phanaticos, illos patrocinaturos.
|| [ID00182]
Multis etiam idem author agit de verbis D. Lutheri, in libro Concordiae pag. 265.
allegatis. Qui isto veneno peccati originalis à planta pedis vsque ad verticem
infecti sumus, siquidem in natura adhuc integra accidêre, ac praetendit, Initiò,
Lutheri verba non integrè esse allegata. Secundò, Lutherum in illo dicto propriè
non loqui, quid peccatum originis sit, sed de peccatis actualibus. Tertiò, Nos
non rectè intelligere vocabulum veneni. Quartò, omittere nos voculam (Haec.)
Quintò, non rectè nos interpretari verbum accidere.
Ad ea solida haec nostra est responsio, Librum Concordiae in allegatione huius
dicti Lutheri propriè ad ea respexisse verba, in quibus Lutherus est fassus,
peccatum originis istiusmodi venenum seu malum esse, quo natura nostra à planta
pedis ad capitis vsque verticem infecta sit, quae verba disertè indicant,
Lutherum humanam naturam, & venenum peccati originis, seu ipsum peccatum
originis, non habuisse pro re eadem. Et cùm pro re eadem non habuerit, secundùm
doctrinam Lutheri necessariò sequi, corruptam naturam peccatum ipsum non esse.
Quòd si ipsum peccatum non est, necessariò iterum sequi, peccatum originis in
nostra natura accidens malum & corruptionem esse.
Deinde licèt Lutherus Genes. 3. vnde verba ista desumpta sunt, de Eua loquatur,
quo pacto à Sathana seducta sit & peccârit: ad nos tamen idem accommodat,
asserens mirum non esse, eadem nobis euenire, quae Heuae, veluti, qui veneno
peccati originis à planta pedis ad verticem vsque capitis infecti simus. Quae
verba, quemadmodum omnes intelligunt, propriè de peccato originis loquuntur, non
de actualibus peccatis.
Quamobrem rectè etiam à libro Concordiae de illo peccato allegata sunt: & ex
ijs probatum, peccatum originis non esse ipsam corruptam naturam, sed illam hoc
penitus esse infectam & corruptam. Quòd si non est ipsa corrupta natura, sed
est naturae infectio, à planta pedis ad verticem vsque capitis, quemadmodum
Lutherus hîc rectè scribit: necesse est, esse illud accidens pessimum, malum,
venenum, corruptionem: licèt phanatici etiam vehementiùs illud oppugnarent.
Tertiò, palpabile est mendacium, nos vocabulum veneni, pro singulari veneno, aut
eo, quod tanquam opus Diaboli in naturam humanam venerit, & hominem
corruperit, intelligere: & nunquam id aduersus nos edoceri poterit. Cùm
autem suprà ad calumniam illam responderimus: suo eam loco lector Christianus
inquiret.
|| [88]
Lutherum vocabulo veneni hoc loco intelligere Diaboli persuasionem, qua hominem
seducit, seipsum refellit. Lutherus enim dictis verbis non ampliùs de Euae
seductione, vel peccato loquitur (id enim in praecedentibus fecerat verbis) sed
de nobis hominibus, qui Heuae liberi sumus: expressis verbis peccatum originis
nominat, quo omnes nos infecti sumus.
Scripturam aliàs vocabulum veneni, pro falsa doctrina, quemadmodum & ipsum
Lutherum, interdum vti, extra controuersiam est: verùm huc non pertinet, vbi de
peccato originis propriè agitur, quod Lutherus veneno comparat, quòd quemadmodum
veneno hominis valetudo & vita laeditur & corrumpitur: ita etiam per
peccatum originis naturam nostram corruptam, & horrendam confusionem &
perturbationem in ea esse exortam: adeò vt homo corpore & anima à DEO &
lege ipsius auersus sit, & aeternae morti subiectus: nisi per Christum
redemptorem à perniciosissimo illo & lethali veneno liberetur &
sanetur.
Quartò, quod attinet pronomen (Haec) facilè omnes intelligunt: causam illud nec
iuuare, nec laedere: sed vno eodémque modo immotum manet, peccatum originis in
illis Lutheri verbis sic describi: non esse illud, ipsam eius corruptam naturam:
sed horrendam eius corruptionem, & sic accidens malum.
Quintò verbum (accidere) quod attinet: eò potissimum respexerunt, Lutherum in
allegato dicto, peccatum originis, & humanam naturam ipsam à se inuicem,
expressis verbis distinxisse: è quibus per se sequitur, peccatum originis non
substantiam esse humanae naturae, sed potius accidens eiusdem malum.
Perquam cuperet Phanaticus iste Spiritus declarationem vocabulorum Lutheri,
peccatum naturae, peccatum personae, quae in libro Concordiae Christianae
lectori, fol. 263. monstrata est, contra mentem Lutheri peruertere: verùm nihil
proficit.
Et res quidem ipsa vsque adeò euidens & perspicua est: vt necesse ei fuerit
hîc vela contrahere: suámque deprauationem aliquo modo moderari: dum scribit,
Lutherum nominare personae peccatum, & peccatum essentiale, quod hominis per
lapsum Adae corrupta natura, persona & essentia, peccatum, hoc est, iniusta
& legi DEI repugnans atque radix effecta omnium peccatorum. Ipsa, inquit,
peccatum, hoc est, iniusta & legi DEI repugnans effecta est. Quòd si haec
sola limitatio eius vera
|| [ID00184]
est: certum
etiam est, Lutherum peccatum originis, non ideò personae aut naturae peccatum
appellare: quòd persona seu natura ipsum peccatum sit: sed quòd peccatum, hoc
est, iniusta, peccatrix, immunda effecta & aeternae condemnationi subiecta
sit. Res enim distinctae sunt, peccatum originis ipsum esse & peccatum, hoc
est, iniustum esse: nec id phanaticus hic Spiritus negare potest: nisi suam
ipsius interpretationem, tanquam falsam & erroneam reprehendere &
abijcere velit.
Et sanè quid D. Lutherus citatis verbis in Euangelio ad Calend. Ianuarias in
Postilla Ecclesiastica sibi velit, id his verbis explicat. Primò inquiens:
Nostra imbecillitas & infirmitas, non in operibus spectatur, sed in natura,
in persona: tota natura, & essentia in nobis per peccatum Adae est corrupta:
Hoc non idem est, ac si quis dicat, persona, natura, & omnis essentia nostra
lapsu Adae, sine omni discrimine peccatum ipsum est effecta.
Secundò inquit, vitium est in tota essentia naturae, quòd ipsa natiuitas, adeoque
ipsa generatio corrupta est & peccato infecta. Hoc sanè non est citra omne
discrimen ipsum esse peccatum.
Licèt etiam Lutherus hoc loco dicat, Essentiam naturae esse peccatum, seipsum
tamen abundè satis explicat in sequentibus verbis: dum inquit, vitium inesse
toti essentiae: appellans peccatum originis vitium seu defectum. Defectus autem
non est ipsa substantia, natura seu essentia: & maioris intellectus gratia
adiungit, vitium seu defectum in tota inesse essentia naturae. Quare omninò
discernit inter vitium, seu defectum, hoc est, peccatum originis, & inter
naturam & essentiam, cui illud vitium seu defectus inest. Et idem omninò
ipsi est vocabulum peccati, quod peccatricis: Essentia est peccatum, hoc est,
essentia est peccatrix, immunda, corrupta, damnata.
Tertiò inquit, peccatum originis, seu peccatum naturae, peccatum personae, non
agendo committitur, quemadmodum reliqua omnia peccata: sed ipsum est, ipsum
viuit, & omnium peccatorum est causa: & est essentiale peccatum, quod
non vna hora & aliquo saltem tempore peccat: sed vbi & quandiu illa est
persona, ibi etiam est peccatum. Iterum audis, quare Lutherus, peccatum
originis, peccatum naturae, personae, essentiale appellet: scilicet, quia agendo
non committitur, quemadmodum peccata actualia: sed quia reliquorum omnium
peccatorum est causa efficiens, seu fons est reliquorum peccatorum. Deinde eam
etiam ob causam, quia non ad horam & tempus saltem peccat: verùm vbi &
|| [89]
quandiu persona est. Non
vnico vocabulo syllaba aut litera addit, ideò peccatum originis, naturae,
personae, & essentiale peccatum appellari, quòd credat, statuat, aut doceat,
naturam, personam seu essentiam hominis, sine omni discrimine, peccatum originis
ipsum esse: verùm alias indicat causas, propter quas, his illud notarit
nominibus.
Omnes etiam piae mentes intelligunt, perabsurdum futurum fuisse, si Lutherus
scripsisset, se peccatum originis ideò appellare, peccatum naturae, quòd natura
ipsum sit peccatum, aut peccatum personae: quòd persona hominis sit ipsum
peccatum originis: aut essentiale peccatum, quod ipsa essentia illud sit
hominis. Sic autem omninò ei scribendum fuisset, si haec eius sententia fuisset,
quam ipsi phanatici falsò ipsi affingunt. Cùm autem ipse causam non expresserit,
nequaquam phanaticis istis hoc permittere possumus aut debemus: vt illamverbis
Lutheri affingant.
Quartò: Eodem loco denuò inquit: Gratiae DEI est expurgare peccatum originis,
quae naturam ipsam puram & nouam efficit, quibus verbis expresse corruptam
naturam & peccatum originis, quod DEI gratia inde abolendum &
expurgandum est, distinguit. Proinde phanatici isti Luthero & verbis eius
vim faciunt, atque iniuriam inferunt.
Vocabulum peccati interdum concretiuè, interdum abstractiuè sumi, testatur ipse
Lutherus, Tom. 3. Ienensi. latin. in com. ad Galat. cap. 3. Cùm autem verba eius
suprà sint allegata, illuc Christianum lectorem remittimus. Horum itaque hominum
figmentum subsistere minimè potest, dum inquiunt, Lutherum vocabulum peccati,
nunquam aliter intellexisse, quàm quemadmodum ipsi Manichaeorum &
phanaticorum more id explicant: quòd idem significet, quod substantia seu
essentia humanae naturae: seu quod ipsa corrupta natura.
Quòd autem Lutherus contra Latomum, Tom. 2. lat. Ienensi. pag. 416. scribit:
Nequaquam esse dubitandum, vocabulum peccati, non multis, sed vno modo in sacris
literis sumi, &c. cogitandum est, qua id de causa fecerit: nimirum propter
Sophistas, qui vocabulum peccati, Rom. 7. tantùm de poena peccati intelligebant
& explicabant: ne fateri cogerentur, concupiscentiam infidelibus verè
peccatum esse, & legi DEI aduersari, quemadmodum Lutherus ipse allegato
libro paulò post, interpositis duabus paginis, id declarat. Quae igitur Lutherus
secundùm quid, certas ob causas pronunciauit: id ab istis non ita est
allegandum: qu asi
|| [ID00186]
simpliciter
senserit & voluerit, vocabulu m peccati pluribus modis accipi non posse.
Hanc enim eius non fuisse sententiam, ex illis testimonijs euidens est, in
quibus ipse illud pluribus modis exposuit, inprimis Gal. cap. 3. Tom. 4.
Ienensi.
Cùm autem omnia è Lutheri scriptis, quàm acuratissimè indagare, & in sui
praeiudicium allegare sciant: quare illud etiam in Lutheri libro contra Latomum,
non inuenerunt & viderunt, quando scribit Tomo. 2. Ienensi, pag. 418. Vltra
dicimus Sophistas nonnihil capere, quae sit substantia peccati, scilicet
offensio DEI & legis transgressio. Ex quo abundè constat, Luthero vocabulum
substantiae seu essentię in articulo de peccato originis non idem esse, quod
essentia hominis, seu quod ipsa corrupta natura: sed quòd proprietas peccati,
quae in his duobus consistit: in transgressione Legis, & prouocatione irae
DEI.
Item, quòd mox subiungit: substantiam hîc accipio, non more Aristotelis, sed
Quintiliani, qui vocabulo substantiae seu essentiae intelligit, rei alicuius
proprietates & naturam, de qua solidè & ordine docendum, quae eius vires
sint & operationes.
Haec enim verba D. Lutherus Parrisiensibus Theologis opposuit, qui illum
accusabant Manichaeismi: quòd cum Manichaeis doceret, peccatum originis esse
substantiam seu essentiam seipsa subsistentem.
Ad quae D. Lutherus dicto loco respondet, sibi iniuriam fieri, se enim vti
vocabulo substantiae, non more Aristotelico, in quo denotat rem & naturam
per se subsistentem, nec quòd docere velit, peccatum aut peculiarem esse
essentiam, aut ipsam nostram corruptam naturam: sed quemadmodum diximus, eo
sensu, quo Quintilianus eo vtitur.
Istis hominibus si oculi essent ad videndum: haec Lutheri verba non fuissent
ipsis transilienda, sed diligenter consideranda: mox certè deprehendissent, sed
Luthero vim facere, dum illi imputant, quòd docuerit, corruptam essentiam seu
naturam hominis esse ipsum peccatum, cùm vocabulo substantiae, essentiae,
naturae, in hac causa interdum vtatur.
Simpliciter enim id negat: verùm cum haec non pro ipsorum causa faciant, ideò nec
vident, nec videre etiam volunt.
(Ee. i. fac. 1.)
Deuenit aduersarius ad vocabulum (Reatus) & ostendit ex Luthero contra
Latomum, quòd illud vocabulum minùs probarit: quòd obscurum nominarit vocabulum.
Hoc quidem ita in Luthero habetur: quod
|| [90]
verò propterea vocabulum illud penitus reijciat, id eo loco non
habetur, nec etiam in Lutheri scriptis id licet reperire: sed contrarium potius.
Tomo enim 4 Ienensi Psal. 51. vocabulo Reatus ipse aliquoties vtitur: Similiter
Genes. 42.
Non igitur necesse fuisset, vt de vsu huius vocabuli tot verba profunderent.
De eo verò isti homines potissimùm laborant, si vocabulum illud reijceretur,
faciliùs se obtinere posse sperant, vocabulu̅ peccati in Luthero,
non abstractiuè, seu pro eo vsurpari, quod reum est irae DEI & aeternae
damnationis, nisi gratiam consequatur, sed pro ipsa corrupta natura.
Verba Lutheri, quae Tomo. 1. Ienensi, German. pag. 407. habentur, in quibus
reprehendit Sophistas, quòd Glossas in vocabulum peccati, Rom. 7. confingant
& in medium proponant, illúdque explicent, quòd dicto loco non propriè
peccatum significet, sed poenam tantùm, non culpam, &c. directa sunt contra
Sophistas & Pontificios, qui negant, infirmitates in sanctis verè peccatum
esse, & contendunt, vocabulum peccati, Rom. 7. quando de credentibus
vsurpatur, non propriè peccatu̅ seu reatu̅, sed
tantùm poenam, seu leue saltem delictum, & vitium denotare. Nullo verò modo
interea improbant, vocabula (vitium, defectus) in sano sensu: in quo etiam ipse
D. Lutherus, quemadmodum monstratum est, ipse ea retinet.
Committit igitur perpetuò aduersarius in allegatione testimoniorum Lutheri
fallaciam à dicto secundùm quid ad dictum simpliciter. Hoc pacto reijcit
Lutherus vocabula (vitium, defectus) in Sophistico sensu: non autem simpliciter:
Nam, quemadmodum dictum, in sano sensu ipse eo vtitur.
Phanatici isti, instar singularis deprauationis exagitant, si quis Lutheri verba,
quando inquit: nihil aliud quàm peccatum sumus, &c. ita explicat, quòd non
intelligat, corruptam nostram naturam, sine omni discrimine, ipsum esse peccatum
(id enim nusquam, vllo verbo scribit aut docet,) sed quòd immunda, hoc est, omni
ex parte peccato sit corrupta, & rea irae DEI & poenarum: cùm tamen se
ipsum, quemadmodum paulò antè ex explicatione Euangelij ad Calend. Ianuarias, è
Postilla Ecclesiastica audiuimus, hoc pacto declaret. Similiter in Psal. 51. mox
sua verba resoluendo sic explicat, se illa sic intelligere, quòd natura sua
peccato originis sit corrupta, quemadmodum aliquot
|| [ID00188]
illorum testimonia suprà allegauimus.
Haec etiam eius verba, aliter explicari non possunt, nisi omnia ipsius
testimonia, in quibus discrimen inter corruptam naturam & peccatum originis
quàm diligentissimè vrget, penitus abijcere & conculcare placeat.
(Ee. ij. fac. 2.)
Librum Concordiae pag. 231. doctrinam, quae tradat, corruptam naturam hominis,
sine omni discrimine esse ipsum peccatum originis, tanquam Manichaeum errore̅ reijcere, id non facit, vt aduersarius calumniatur, authoritate
praetoria: sed secundùm verbum DEI, quod immota est veritas, & secundùm
articulos fidei, in quibus haec doctrina reiecta & improbata est. Nec
propterea sequitur, ipsum etiam D. Lutherum Manichaeum esse, eiúsque doctrinam
reijciendam.
Nec enim Manichaeus est, nec doctrina eius Manichaeismum sapit: solummodò, quod
phanatici isti in Manichaeorum castra libenter eum pertraherent: quod fieri
nunquam nos committemus: sed contrarium è Lutheri scriptis publicè & solidè
hactenus monstrauimus.
Ad verba Lutheri ex Postilla Ecclesiastica part. 3. in die circumcisio.
(Peccatu̅ in nobis no̅ est actio aut opus: sed
est natura & tota essentia, &c.) haec vera est & expedita responsio,
Lutherum in his & similibus verbis figuratè loquutum, & abstracto vsum
pro concreto, hoc est, totum hominem peccatum appellasse, non quòd homo propriè
seu abstractiuè loquendo, peccatum ipsum sit: seu quòd corrupta natura propriè
loquendo, & sine omni discrimine ipsum peccatum sit, sed cùm totus homo,
corpore & animo peccato originis corruptus sit, quemadmodum id è Lutheri
verbis, Tom. 4. Ienensi, ad Galat. cap. 3. quae ante quoque allegata sunt,
perspicuum est & planum. Quamobrem in hac ipsa explicatione, in die
Circumcisionis sequentia verba ponit: Haec infectio (intelligit peccatum
originis) totum hominem peruasit, corpus & animam, quod verè asserere non
posset, si inter corrupti hominis corpus & animam, atque peccatum originis,
quod illud penetrauit, nullum omninò esset discrimen.
In summa, quando D. Lutherus naturam & essentiam hominis peccatum appellat,
intelligit id per Epitasin, vt in scholis loquuntur: & nihil aliud sibi
vult: quàm hominem totum immundum, peccatorem, malum effectum, quòd summis &
optimis suis viribus, ante conuersionem, nihil aliud quàm peccare possit.
Quemadmodum igitur Lutherus vocabulum caro, in seruo suo arbitrio Tom. 3.
Ienensi, pag. 215. pro carnalitate, vel pro carnalibus af
|| [91]
fectibus, explicat: Et
Tom. 6. German. pag. 253. in cap. 15. ad Corinth. scribit: Caro & sanguis
hoc loco nihil aliud significat, quàm morbum & malum, quod ab Adamo
contractum carni & sanguini nostro inest: sic rectè affirmare possumus,
vocabulum, eum, peccati interdum pro toto homine, seu pro subiecto, vnà cùm mala
accidentaria vitiositate peccati vsurpare: cùm totus homo peccator, immundus,
corruptus sit: & propriè loquendo, non intelligere eum hominis essentiam,
seu corruptam per se naturam.
Et sanè, etiam Luthero cum sacra Scriptura est loquendum: nec verba aut phrases
eius sacris literis praeponendae & anteferendae sunt: multò minùs illis
repugnare decet. Sacra autem Scriptura nusquam affirmat, peccatum originis esse
substantiam: vel sine omni illud discrimine esse ipsam corruptam humanam
naturam, quin potiùs asserit, corruptionem illud esse humanae naturae seu
essentiae, & in carne habitare, Rom. 7. Quare necesse est, vt Lutheri
phrases cum sacrae Scripturae phrasibus co̅gruant: & in
contrarium aduersus illos sensum, nec accipiantur, nec allegentur, aliàs nec
locum habiturae sunt, nec alicuius futurae ponderis.
Quòd nonnulla testimonia Lutheri de peccato, hoc loco repetita,(Ee. 3. fac. 2.) attinet,
ad ea iam saepiùs est responsum, quibus etiam acquiescimus.
Obijcit nobis aduersarius: nos tacitè & subdolè, Lutherum Manichaeum(Ff. 1. fac. 2.) esse,
proclamare: quod antè haec tempora Pontificij palàm fecerint.
Respondemus: Simpliciter id nos negare: In id enim summa diligentia incumbimus,
vt Lutheri testimonia, quibus impudenter Manichaeum errorem, in omnibus suis
libris affingere conantur, ab illo crimine liberemus. Et quidem D. Lutherus
seipsum, Tom. 2. contra Latomum, (in quo vocabulum substantiae, quomodo in hac
doctrina intelligi velit, contra Parrisiensium Theologorum accusationem, quòd
Manichaeus sit, explicat) abundè purgat, quòd nullo modo Manichaei errorem
probet (verba illius paulò antè sunt allegata.) Nemo itaque est, qui Lutherum
impudentius Manichaeismi arguat: illis ipsis qui omnia ipsius testimonia, &
omnem doctrinam, in Manichaei sententiam detorquent: & secundùm illam
sententiam necessariò accipi volunt.
Antonij Ottonis, Manichęi & complicis ipsorum confessio & testimonium, in
hac causa, nullius est ponderis: illud etiam non acceptamus:
|| [ID00190]
sed eodem illud loco habemus, quo
reliquos Manichaeos, chartas & libellos: Ipsis licet talia testimonia magni
facere: nostri illud nihil refert. Et haec hactenus de tertio capite.
CAPVT IIII. SOLIDA ETVERA DEFENSIO LIBRI Concordiae, nec
Pelagianos, nec Manichaeos errores in eo traditos aut defensos
esse.
(Ff. iiij.)
INITIO illud magno clamore exagitant, quòd nomina falsorum doctorum in libro
Concordiae non sint expressa. Nominandos fuisse falsos Prophetas, qui hactenus
perpeperam docuerunt. Non autem eam ob causam liber Concordiae iniquitatis
accusari potest, quòd nomina doctoru̅, quorum falsa doctrina, in
eo libro improbata est, non etia̅ exprimat. Aliàs ipsius Christi
co̅ciones arguendae essent, in quibus nomina Pseudodoctorum,
quoru̅ doctrinam reprehendit, non nominatim exprimit.
Similiter Epistolae etiam Pauli ad Corinthios, Gal. Philip in quibus falsa etiam
doctrina redarguitur, nomina autem Pseudodoctorum non perstringuntur. Ne verò
aliquid hac in parte à nobis requirant aut desiderent, ad ipsam etiam hypothesin
descendemus: & publicè ac liberè profitemur: Illyricum, Spangenbergium,
Irenaeum, Opitium, & alios ipsorum complices, quibuscunque tandem
appellentur nominibus, esse Pseudodoctores: & doctrinam illorum, qua
fingunt, peccatum originis esse substantiam seu essentiam, seu sine omni
discrimine esse ipsam corruptam naturam, falsam, erroneam, haereticam, &
Manichaeam esse. Quid est quòd requirant ampliùs? Reliquorum falsorum doctorum,
DEO volente, suo loco, vbi occasio futura, non negligetur mentio.
In genere de hypothesi vtagamus, huius loci & scripti non est. Progreditur
postea Spiritus ille vertiginis, & probare conatur, librum Concordiae, &
eos, qui illi subscripserunt, esse Pelagianos.
Et primò asserit, librum Concordiae, dum asserit, peccatum esse accidens in
natura, Pelagianum dogma complecti & confirmare, naturam ipsam in se bonam
esse. An non verò elegans haec admodum est probatio? Librum Concordiae eam ob
causam Pelagianum errorem tradere, ac do
|| [92]
cere, ipsam naturam
adhuc esse integram, quia peccatum accidens appellat: cùm Pelagiani nullo modo
concesserint aut docuerint, peccatum originis accidens aliquod esse in natura:
sed peccatum originis planè negarint, & ne minimo quidem consenserint, aut
concedere voluerint, esse aliquod originis peccatum, sed vehementissimè
pugnarint, humanam naturam integram & incorruptam esse: non secus ac natura
Adae, ante lapsum bona, & incorrupta fuerit. Quocirca liber Concordiae
contra Pelagianos, vtrumque asserit: Initiò peccatum originis accidens malum
esse in natura, quod isti negant: nullum enim concedunt esse originis peccatum.
Deinde esse illud horrendam & profundam corruptionem totius naturae, quo ad
corpus & animam: quam etiam isti negarunt. Quo pacto igitur verum est, aut
esse potest, Pelagianum errorem in eo tradi: & asseri naturam hominis adhuc
integram esse & bonam?
Quae hoc loco de vocabulo reatus repetuntur: ad illa paulò antè in 3. cap. est
responsum.
II. Quicunque distinguit, (inquit ille Phanaticus) inter peccatum originis &
corruptam naturam: is docet, naturam adhuc bonam, & in naturalibus viribus
minimè esse corruptam. Liber Concordiae id statuit. Ergò docet, naturam adhuc
integram & in naturalibus viribus minimè esse corruptam, & sic
Pelagianum fouer errorem.
Respondemus, discrimen inter corruptam naturam & peccatum originis, in libro
Concordiae, non pro confirmatione erroris Pelagiani, è verbo DEI, &
articulis fidei proponi & asseri: sed ad refutationem erroris Manichaeorum,
qui docent, peccatum originis esse substantiam seu essentiam seu ipsam corruptam
naturam. Ad hanc blasphemiam depellendam, discrimen illud vrgetur: non alium in
finem.
Quicunque asserit, humanam naturam integram & per omnia in omnibus suis
viribus minimè esse corruptam: is procul dubio est Pelagianus.
Liber autem Concordiae docet, & asserit contrarium: videlicet, humanam
naturam per omnia in omnibus suis viribus, respectu DEI, esse corruptam: Quomodo
igitur Pelagiani erroris argui potest?
Augustinus multis in locis, inprimis contra Epistolam fundamenti, cap. 33. &
34 (verba ipsius supra in defensione tertij capitis plenè allegauimus)
vehementer vrget, omne̅ naturam, quatenus est natura, bona̅ esse: nec tame̅ quisqua̅ adhuc fuit,
qui Pelagiani erroris eum insimularit.
Lutherus Genes. 4. & alibi inquit, Spirituales homines, necesse est,
|| [ID00192]
discrimen statuere inter opus DEI,
& peccatum originis: nec tamen Pelagiani erroris arguitur.
Imò tota sacra Scriptura, & omnes articuli fidei discernunt inter corruptam
naturam, & inter peccatum originis: nec tamen Pelagianismi accusantur.
Summatim, discrimen illud non eò directum est, vt corruptam naturam, vel minima
in re, in integrum restituat: sed contra illos tantùm, qui corruptam naturam
& peccatum originis, rem vnam & eandem statuunt, & cum Manichaeis
nugantur, peccatum originis substantiam seu essentiam esse: ideóque librum
Concordiae Pelagianismi non condemnat.
Quae aliàs, è priuatorum scriptis hoc loco allegantur: ad ea illi, quorum
interest, si necessitas id flagitare videbitur, suo tempore respondebunt. Vt vno
verbo respondeamus, summa afficiuntur iniuria, dum Pelagianismi accusantur.
III. Cùm impostor ille, in libro Concordiae, quod redarguat, non habeat: dum
reijcit illam doctrinam, si quis asserat, concupiscentiam non esse peccatum:
alios adoritur, quos huius erroris libenter argueret: Cùm autem controuersia
nobis sit de ipso libro Concordiae, non de aliorum scriptis: illi, quorum verba
hoc loco perperam allegata sunt, si necessitas Ecclesiae requisierit, facilè se
defendere poterunt.
IIII. Similiter cùm liber Christianae Concordiae expressè reijciat, si quis
doceat, peccatum originis externam quandam leue̅, & nullius
ponderis aspersam labem, & iniectam maculam esse, &c. & phanaticus
hac in parte in illo libro, quod desideret, non habeat, delabitur in eos, qui,
luto, coeno, immundiciei, veneno, &c. conferunt, nec intelligit, has
similitudines tantùm esse, quibus Augustinus, Lutherus & alij saniores
doctores, in doctrina de peccato originis vsi sunt, non vt illis, quid peccatum
originis sit, propriè describerent: sed vt aliquo modo saltem indicarent, quàm
hor rendum malum sit, licèt ipsum malum satis explicari non possit.
Suprà hoc ipse phanaticus è vocabulo veneni euincere conatus fuit, doctrinam
nostram, Manichaeismum sapere: cùm venenum sit substantia: hoc loco planè id
inuertit: & Pelagiani erroris inde nos arguere nititur: adeò secum ipse
consentit.
De vocabulo Qualitatis seu morbi, quod hoc loco repetitur, supra cap. 3. abundè
est responsum.
V. Simili modo, necesse est, vt concedat, librum Concordiae improba
|| [93]
re, si quis doceat,
peccatum originis, corruptionem esse quorundam tantùm accidentium in natura
humana: retinente interim natura bonitatem suam & integritatem virium:
asserit verò, fuisse aliquos, qui sic docuerint. Illos igitur ipsi oppugnare
licet: non defutura illis, procul dubio, est iusta defensio.
Phanaticus etiam iste, in turbato suo cerebro, hocassequi non potest: corruptam
naturam, quatenus etiamnum natura & DEI creatura est, bonam esse
appellandam: idque eam ob causam, ne natura, etiam quatenus corrupta, ipsum
malum statuatur. Hoc enim si fieret, DEVS, qui corruptam naturam etiamnum creat,
creator esset essentialis malitiae seu ipsius peccati.
Nec hac phrasi confirmatur, naturalia adhuc integra esse: & non corrupta. Quo
pacto doceret quis, naturalia integra esse & non corrupta, qui expressè
asserit & fatetur, peccato Adae humanam naturam penitus esse corrupatm?
Nos cum Luthero, inprimis autem cum sacris literis fatemur & docemus, naturam
per omnia corruptam, & peccato infectam esse: & tamen cum Luthero
asserimus, maximè autem cum sacris literis, naturam manere, licèt peccato tota
sit corrupta: Et hae phrases, inter se non sunt contrariae: Quando Lutherus
inquit, naturam manere, licèt sit corrupta, eò respicit, quo se muniat aduersus
illos, qui naturam, more Manichaeorum, ipsum peccatum statuunt: cui errori hanc
phrasin opposuit. Quando verò inquit, Naturam peccato esse corruptam, respicit
illos, qui naturam more Pelagianorum integram & saluam esse volunt: nec
fatentur, eam peccato originis esse corruptam.
VI. Liber Concordiae, fol. 231. illum reijcit errorem, quando docetur, in homine
non penitus corruptam esse hominis naturam & essentiam: sed homini aliquid
adhuc inesse boni, etiam in rebus spiritualibus. Hoc necesse est, hunc ipsum
phanaticum probare. At, inquit, Victorinus ad illum modum docuit. Respondemus,
Eam ipsam etiam ob causam opinio eius, vel ipso aduersario nostro teste, in
libro Concordiae est improbata: Quid igitur sibi ipsi molestus est? Quaerens
causam litigandi & reformandi in illa ipsa parte, in qua necesse habet
fateri, nullam sibi esse causam. Priuatas personas quod attinet, poterit, si
libuerit, dictorum atque scriptorum ab ipsis exigere rationem.
VII. Similiter reijcit liber Concordiae illum errorem, f. 231. si quis
doceat,(Ii. ij.)
peccatum originis, esse externam tantùm remora̅quandam
spiritualium
|| [ID00194]
virium: non autem
earundem & defectum, veluti si Magnes allio
illiniatur. Id aduersarius noster probare etiam cogitur: hoc verò reprehendit,
nomen eius non esse expressum, qui initiò sic docuerit. Licet autem ipsi &
omnibus etiam nomen adiungere: & eos, qui sic docent, in scriptis,
concionibus, lectionibus, si necessitas ita flagitarit, nominare.
Reipsa igitur tandem hac in parte colligitur, Spiritum istius vertiginis, ne
vnico quidem verbo demonstrasse, librum Concordiae Pelagianum esse, aut
Pelagianam doctrinam in eo contineri.
Priuatae personae, quae libro Concordiae subscripserunt, & quibus Pelagianam
doctrinam affingit, negando se purgabunt: necvnquam huius eos erroris est
conuicturus.
(Ii. iij.)
Postea conatur quibusda̅ doctoribus, qui libro Concordiae
subscripserunt, Manichaeismum obtrudere.
Hîc denuò nobis discrimen faciendum est. Et ad ea, quae in specie phanaticus iste
aduersus librum Christianae Concordiae in hac controuersia in medium producit,
in specie etiam respondebimus. Priuatas autem personas quod attinet, quarum
plures ordinenominat, illorúmque scripta allegat, cùm plerique omnes adhuc in
viuis sint, & se ipsos, DEI beneficio, abundè purgare possint, illorum id
committimus priuatae defensioni.
Et initiò, in libro Concordiae de peccato originis non doceri, illud à Diabolo,
tanquam peculiari seu malo numine, quemadmodum veteres Manichaei id appellarunt,
esse creatum: vel inuitus etiam aduersarius agnoscere cogitur: quàm id quaeso
diligenter notasset, & quàm vehementissimè exagitasset, si vel minima huius
in libro Concordiae occasio ei data fuisset.
(Kk. iij.)
Deinde euincere conatur, cùm liber Christianae Concordiae, pag. 261. doceat,
humanam naturam per lapsum non prorsus abolitam & in aliam substantiam esse
transmutatam, Manichaeum errorem, illum, complecti. Manichaeos enim olim
mutationem, seu alterationem humanae naturae & essentiae negasse.
De hac verò parte, solidam subiungemus declarationem, è qua constabit, qua
conscientia Spiritus ille vertiginis, libro Christianae Concordiae, Manichaeum
errorem affingat.
Manichaeorum verò haec fuit opinio & doctrina, Initiò, Malum seu peccatum
esse essentiam seipsa subsistentem, à DEO malo creatam.
|| [94]
Secundò, Malum seu peccatum, in bonam naturam hominis non peruenisse, lapsu aut
inobedientia contra DEVM primorum parentum, sed esse essentiam seipsa
subsistentem seu creaturam DEI mali, & cum natura hominis, tanquam rem
seipsa subsistentem & essentialem, confusam esse atque permixtam.
Tertiò, Ideóque peccatum non esse accidens malum, deprauationem, , defectum seu corruptionem in natura humana, qua bona natura
hominis immutata sit: & cum ante iusta, munda, sancta &
irreprehensibilis fuerit: iam peccato iniustam, immundam, impuram & ream
factam esse.
Haec verò quomodo congruunt, cum doctrina libri Concordiae de peccato
originis?
Liber enim Concordiae disertè reijcit, Manichaeorum doctrinam, de duobus diuinis
numinibus, Et pronunciat, doctrinam Sathanae, & mera messe haeresin,
fingere, malum seu peccatum esse essentiam seipsa subsistentem.
Similirer improbat & reijcit Manichaeum illum furorem, peccatum, tanquam
aliquid seipso subsistens, aut essentiale, in hominis essentiam venisse, &
eidem permixtam esse.
Praeterea docet & profitetur contra Manichaeos, peccatum esse accidens malum
in natura, quo bona natura hominis immutata & mala effecta sit, & loco
iustitiae, puritatis, sanctitatis, qua ante lapsum fuit praedita, iam post
lapsum iniustitia, immundicia, impuritate esse foedatam: morti, irae DEI,
tyrannidi Diaboli, temporaneis & aeternis poenis subiectam: Et haec est
corruptio seu immutatio naturae, in rebus spiritualibus, quoad conuersionem ad
DEVM seu vitam aeternam, quam sacra Scriptura tradit.
Cùm igitur liber Christianae Concordiae, corruptionem seu immutationem naturae,
quemadmodum in sacris literis descripta est, profiteatur: quibus fundamentis
error Manichaeus illi asscribi & imputari potest?
De hoc autem controuersia est, quòd Spiritus ille vertiginis cum consortibus suis
calumniatur, hominem essentialiter per peccatum esse immutatum, ita vt natura
ipsius per lapsum Adae ipsum peccatum effecta sit: & hominis corpus &
animam, essentialiter iam esse peccatum: seu sine discrimine ipsum esse
peccatum. Hoc figmentum verum esse, simpliciter negamus; & affirmamus, à
Diabolo illud esse profectum: Et hunc
|| [ID00196]
furorem improbat etiam liber Christianae Concordiae, dum essentialem abolitionem
naturae, & essentialem mutationem eiusdem in aliam naturamàpriori secundùm
essentiam distinctam, reijcit.
Escriptis Augustini, ad quae aduersarius prouocat, nullo verbo edoceri potest,
Augustinum contra Manichaeos depugnasse, bonam naturam humanam lapsu Adae
essentialiter transformatam, & in ipsum peccatum esse commutatam: adeò vt
iam post lapsum corrupta natura hominis, essentialiter peccatum effecta sit: Et
Sathanam hominem, seu humanam naturam, immutatione quadam aboleuisse,
trucidasse, & in nouam speciem, essentialem formam, priori specie seu forma,
in qua DEVS eum condiderat, abolita, transformasse, & quasi transfudisse:
quemadmodum Illyricus & hi nugatores fingunt. Certum etiam est, Augustino
nunquam in mentem venisse, hac ratione de transmutatione hominis statuendi:
tantum abest, vt hanc Diabolicam blasphemiam in libris suis ipse asseruerit
& propagarit.
Bonitatem humanae naturae, per peccatum esse immutatam, in Augustino quidem
habetur: essentiam verò hominis, in ipsum peccatum esse tansmutatam: Sathanam
hominem essentialiter, in suam imaginem transformasse: essentialem formam
hominis, in qua initiò à DEO conditus fuit, esse abolitam: & Sathanam sua
corruptione aliam nouam & essentialem formam hominis introduxisse: peccatum
originis nouam esse creaturam: corruptum hominem, quoad corruptam suam
essentiam, esse opus Diaboli. Haec omnia, asserimus, nullo verbo, è scriptis
Augustini posse edoceri.
Summatim, quemadmodum dictum est, Augustinus non aduersus Manichaeos pugnauit,
humanam naturam essentialiter in malum, seu in peccatum esse transmutatam: sed
de eo tantùm, bonam naturam hominis per lapsum malam effectam esse: malas
inclinationes & proprietates, loco bonarum inclinationum & proprietatum
acquisiuisse. Manichaei etiam contra Augustinum, essentialem mutationem naturae
non negarunt: sed mutationem bonarum qualitatum seu inclinationum in homine.
Vnde contra Epistolam fundamenti, cap. 33. & 34. corruptionem seu mutationem
bonae naturae humanae per lapsum, confert aquae limpidae, quae coeno turbatur,
remoto coeno, aqua manet limpida: ita quando malum à natura remouetur, reliqua
manet natura. Et cap. 35 36. 38. disertè se explicat, quid nam malum seu
peccatum sit in corrupta natura, inquiens: Quis dubitet totum illud, quod
dicitur malum,
|| [95]
nihil esse
aliud, quàm corruptionem? Subiungit hanc etiam similitudinem, corruptio animae
literis informatae, nominatur inscitia: corruptio prudentis, imprudentia:
corruptio iustitiae iniustitia. Et iterum inquit: Corruptio non est natura, sed
contra naturam. Quòd si non inuenitur in rebus malum, nisi corruptio, &
corruptio non est natura, nulla vtique natura malum est, &c.
Contra Secundinum Manichaeum, cap. 15. scribit: Vna igitur eadémque res, id est,
anima, in quantum substantia est, bona est: In quantum autem habet aliquid mali,
quod non est substantia, id est, consensionem istam, in tantum mala est. Et
paulò pòst. Aperi ergò iam cordis oculos, & intuere, si potes, bonum aliquod
esse quamlibet substantiam, & ideò malum esse defectum substantiae, quia
bonum est, esse substantiam.
Et cap. 19. Ecce vnde est malum? A propria scilicet voluntate. Non autem ista
natura sed culpa est, ac per hoc etiam contraria naturae, cui vbique nocet,
priuando eam bono, quo beata esse posset, si peccare noluisset.
Et contra Iulianum Pelagian. lib. 6. cap. 7. Ego nominaui qualitatem, dicens, non
substantialiter manere concupiscentiam, sicut corpus aliquod, aut Spiritum, sed
esse affectionem quandam malae qualitatis, sicut est languor.
Et iterum: Ego tanquam valetudinem malam ex origine vitiata ingenitum esse homini
dico vitium, quo caro concupiscit aduersus Spiritum.
Augustinus in Enchiridio, cap. 11. Quid est aliud, quod malum dicitur, quàm
priuatio boni?
Item in Enchiridio, cap. 12. Cùm natura corrumpitur, ideò malum est eius
corruptio, quia eam priuat qualicunque bono.
Item, lib. 2. Hypognost. Adam factus est absque peccato natura: Cùm verò peccauit
homo, natura peccauit, & facta est natura iam peccatrix, id est, vitium
habens peccati, non ipsa effecta vitium vel peccatum. Post peccatum ergò, homo
peccator dictus est, non homo peccatum.
Ex quibus omnibus euidens est, Augustinum non statuisse, aut contra Manichaeos
pugnasse, bonam naturam hominis per peccatum essentialiter, in aliam naturam,
speciem, formam, à priori diuersam, esse immutatam: quemadmodum phanatici isti
falsò ei affingunt: sed sententiam & doctrinam eius, de mutatione naturae
humanae fuisse, per pec
|| [ID00198]
catum:
bonitatem à natura humana esse ablatam, & esse corruptam, quoad eius
bonitatem. In locum autem bonitatis successisse malitiam seu vitiositatem,
videlicet, iniustitiam, immundiciem, & his similia: Malum etiam seu
peccatum, nullam naturam seu substantiam esse, multò minùs ipsam corruptam
hominis naturam: sed esse corruptionem substantiae seu essentiae humanae
naturae, seuvitium, morbum, defectum, qui naturae per generationem inhaeret.
Ille autem defectus si remoueatur: naturam per se manere reliquam.
Quòd si igitur malum seu peccatum, corruptio est, & non natura, & est
morbus quidem in natura, non autem corrupta substantia seu natura ipsa: imò cùm
peccatum seu malum, secundùm Augustini doctrinam, esse negant, nisi in
substantia & natura hominis, contra Iulian. lib. 6. cap. 4. minimè certè
verum est, Augustinum contra Manichaeos docuisse, naturam essentialiter per
peccatum transmutatam esse: nec Manichaeos etiam illud in Augustino
reprehendisse: sed hoc saltem, quòd doceret, bonam naturam hominis, hoc malo,
seu per peccatum, tanquam morbum seu malum aliquod corruptum esse. Haec autem
ipsa est veritas: Et in hanc sententiam, nec aliter verbum DEI, de immutatione
seu corruptione bonae naturae humanae, docet.
Quòd si etiam corruptio ipsa corrupta hominis est, sine omni discrimine, natura,
necesse esset, Augustinum omnem suam doctrinam contra Manichaeos inuertisse, nec
pugnasse, malum seu peccatum nihil aliud esse, quàm corruptionem bonae naturae:
Verùm contrarium asseruisse, videlicet corruptionem, & naturam, quae
corrupta est, per omnia eadem esse: & corruptionem non bono, hoc est,
naturae seu substantiae inesse: quae, quatenus natura aut substantia est, bona
est, quatenus autem corrupta, mala seu bono priuata.
Ad dictum Lutheri, totam naturam esse corruptam, suprà aliquoties est
responsum.
(Kk. iij.)
Hîc phanaticus allegat etiam Augustini verba, lib. 3. contra Iulian. Pelagian.
cap. 26. Non attendis, peccato illo magno vniuersam in deterius mutatam fuisse
naturam, vnde fuerat propago ducenda. Et asserit, Augustinum haec verba
Manichaeis opposuisse, qui naturae humanae essentialem mutationem negarint. Hoc
verò purum, putum, crassum & splendidum est mendacium. Augustinus enim,
citato capite, non contra Manichaeos disputat, sed contra Pelagianum Iulianum,
qui negabat, humanam naturam, peccato originis corruptam esse: &
contendebat, na
|| [96]
turam
adhuc integram & incorruptam esse, qualis ante lapsum fuit: quòd etiam talis
à parentibus in libros deriuetur: tantummodo, quòd in eo parentes peccarent,
quòd inter concipiendum, concupiscentiae nimium indulgerent: quae tamen naturam
liberorum non pollueret.
Non etiam Augustinus illis verbis docet, naturam lapsu Adae, essentialiter in
aliam naturam esse transmutatam. Huius enim nullo verbo, meminit: illius etiam
haec doctrina non fuit: sed loquitur de mutatione bonitatis in malitia̅, morbum, defectum, de quibus paulò antè ex ipsiúsmet verbis
abundè satis est dictum.
Alterum Augustini dictum quod attinet de nuptijs & concupiscentia, lib. 2.
cap. 34. vnde illo magno peccato primi hominis, natura ibi nostra in deterius
commutata, no̅ solùm facta est peccatrix, verùm etiam genuit
peccatores: nec illud est Manichaeis oppositum, quemadmodum omnibus eum locum
inspicientibus constat: sed oppositum est Iuliano Pelagiano, qui negabat, lapsu
Adae humanam naturam esse corruptam. Hoc verò impudens ille calumniator ita
allegat, quasi contra Manichaeos ab Augustino sit prolatum.
Praeterea mox cohaerentia verba omittit: Et tamen ipse longuor, quo benè viuendi
virtus perijt, no̅ est vtique natura sed vitium: Sicut certè mala
in corpore valetudo non est vlla substantia vel natura sed vitium. Quaeverba in
faciem, quod dicitur, contradicunt calumniatori, dum nugatur corruptionem, &
corruptum, seu corruptam naturam & peccatum rem esse eandem: & fingit
peccato humanam naturam essentialiter in aliam naturam esse transmutatam.
Eadem est ratio etiam insequentis dicti Augustini contra Secundinum, cap. 19. Non
enim non mutatur natura, quae fit ex sapiente stulta, quae obliuiscitur sui,
&c. Augustinus enim non loquitur, de mutatione sapientiae in stultitiam
& obliuionem sui. Sapientia autem Qualitas est, & bonitas seu donum in
natura, & stultitia vitiositas quaedam est in natura post lapsum. Vnde
manifestum est, Augustinum non docuisse, naturam hominis essentialiter esse
transmutatam, quemadmodum isti homines fingunt, sed in qualita tibus seu quo ad
bonitatem, quam habuit ante lapsum, veluti sapientiam, &c. factam esse
mutationem, quam per peccatum amiserit: & eius loco stultitiam
acquisierit.
Dictum illud Augustini, lib. 5. contra Iulianum, cap. 10. quod à phanatico illo
germanicè tantùm allegatur, in latino sic se habet: Angelus, quem creauit DEVS,
res à peccato libera fuit: homo, quem primùm crea
|| [ID00200]
uit DEVS, res à peccato libera
fuit. De rebus igitur à peccato liberis nata esse peccata qui negat, aut
Manichaeus est manifestus, aut Manichaeis suffragatur incautus. Illud verò in
germanica sua translatione sic reddidit, Angelus & homo, qui creatura DEI
fuerunt pura & munda, mali facti sunt: non permixtione alicuius mali, sed
defectione à bono. Quisquis ergò negat, peccatum, ab ijs rebus, hoc est, Angelis
& hominibus, qui anteà iusti & sine peccato fuerunt, orta esse, &
bonos Angelos, Diabolos, iustos homines peccatum, seu iniustos factos: is aut
Manichaeus est manifestus, aut Manichaeis suffragatur incautus.
Haec illius germanica versio, an cum Augustini verbis congruat, iudicio
committimus lectoris Christiani.
Augustinus pugnat cum Iuliano Pelagiano, qui hoc vtebatur fundamento. Ab eo, quod
liberum est à peccato, peccatum oriri & nasci non potest. Augustinus
respondet: Veritatem istud negare: quae tam Iuliani quàm Manichaei fundamenta
euertat, quibusvtebatur Iulianus. Eiúsque duo allegat exempla, vnum angelorum,
qui ante lapsum à peccato immunes fuerunt, & tamen peccarunt: alterum
hominis, qui ante lapsum liber à peccato fuerit, & tamen peccarit. Quare
certum esse à creaturis, quae à peccato sint immunes, peccatum exoriri posse:
& hoc qui neget, vel Manichaeum esse manifestum: vel incautum suffragari
Manichaeis. Aliud Augustinus hoc loco non asserit, & tamen adeò impudens est
Spiritus ille, vt Augustini verbis ea affingere audeat, quae in illis planè non
habentur. Nimirum Augustinum statuisse, hominem essentialiter in peccatum esse
transmutatum, & peccatum ipsum effectum.
Quae praeterea hoc loco, ex Augustino allegat, de natura boni, cap. 30. contra
Manichaeos, in citato capite non habentur: & si maximè haberentur, ad rem
hîc prorsus nihil facerent.
(Kk. iiij fa. 2)
Admirationem autem meretur, phanaticum istum, librum Concordiae, quo ad istam
partem de essentiali transmutatione, oppugnare: cùm tamen ipse fateri cogatur,
verum esse, hominem lapsu Adae, non penitus esse abolitum: non etiam physicè,
alium hominem, seu aliam speciem factum: Theologicè autem consideratum, alium
esse hominem.
Ad nugas istas simpliciter respondemus negatiuè: Sacra enim Scriptura,
quemadmodum in tertio cap. prolixè probatum est, vnum eundémque naturalem
hominem, qualis à patre & matre natus est, considerandum proponit: non etiam
alium quàm hunc ipsum, quomodo scili
|| [97]
cet in peccatis conceptus & natus atque per Christum
redemptus sit, considerat. Vnde Lutherus Psal. 51. rectè scribit: Theologiae
proprium subiectum est, homo peccati reus ac perditus. Diuersa etiam
consideratio, non alium efficit hominem, qui alterius substantiae seu formae sit
in Theologia, quàm aliàs per se est. Licèt enim Philosophus corruptionem hominis
non videat, quam Theologus ex verbo DEI animaduertit: sed ad id tantùm intendat,
hominem esse animal rationale: non tamen eam ob causam alius euadit, aut existit
homo in Theologia, quàm sit extra eam consideratus.
Dictum Genes. 3. Morte morieris, est quidem seuera & grauis comminatio,(Ll. ij.) in qua Adamo,
& temporalis haec & aeterna mors denunciaetur. Adamum verò hac
comminatione diuina essentialiter in aliam naturam aut formam, & sic in
ipsum peccatum fuisse transmutatum, istorum hominum figmentum est &
blasphemia. Vocabulum enim mortis, cum ipsam mortem, tum omnia, quae ad imperium
mortis pertinent, hoc est, temporales & aeternas poenas complectitur: non
autem essentialem transmutationem Adae in aliam & nouam naturam seu
essentiam, quae ipsum peccatum sit: Quemadmodum enim Adam ante lapsum,
essentialis vita non fuit: id enim si fuisset, creatus quidam DEVS fuisset: sed
viuus fuit, hoc est, vita, iustitia & sanctitate praeditus fuit: sic etiam
per lapsum non fuit essentialiter transmutatus, & ipsa iniustitia effectus:
sed iniustus factus est, seu plenus iniustitia & peccato.
Quòd si etiam comminatione diuina essentialiter occisus, trucidatus, &
quemadmodum isti homines loquuntur, in aliam essentialem formam, speciem, &
naturam fuisset transmutatus, ad Adamum, ex essentiali illa transmutatione
efformatum, gloria & beatitudo creati Adami non pertinuisset, quemadmodum
nec miseria, quae illius lapsum est subsequuta, nihil quicquam eum attinuisset,
si in alium Adamum seu hominem, essentialiter à priore distinctum transmutatus,
& ipsum pectum effectus fuisset. Filius etiam DEI hominem, quem initiò
condiderat, & qui peccarat, non redemisset, sed alium essentialiter à priori
distinctu̅, quem Sathanas sua transmutatione efformasset.
Augustinus de duabus animabus contra Manichaeos cap. 2. vocabulum mortis non sic
explicat, quòd essentialem denotet mutationem naturae humanae in peccatum: sed
intelligendum esse docet de peccato. Peccatum immortali animae sola mors est. Et
cap. 8. Etenim ani
|| [ID00202]
ma, quamuis
sit immortalis, tamen mors eius rectè dicitur à DEI cognitione auersio.
D. Lutherus etiam, Genes. 3. vbi dictum hoc, morte morieris explicat, non
loquitur de morte, seu abolitione humanae naturae, & essentiali eiusdem
transmutatione, in aliam essentiam, speciem, formam, naturam, qualem isti
phanatici fingunt.
Verùm de essentiali transmutatione, suprà in refutatione tertij capitis copiosior
habetur declaratio.
Apostolum etiam, 2. Corinth. 11. quando inquit, Serpentem Euam seduxisse astutia
sua, non loqui de essentiali transmutatione Euae, quam isti homines somniando
fingunt, ipsa verba perspicuè docent. Seducere enim & corrumpere sensus non
est essentialiter aboleri, & in aliam speciem, formam, naturam transmutari.
Sed corrumpi, seduci ab obedientia DEO praestanda, ab agnitione DEI, à iustitia,
vita & beatitudine, atque induci in coecitatem & tenebras, aberrare à
DEO, iniustum, immundum fieri, DEO repugnare. In summa essentialem
transmutationem, merum esse figmentum istorum hominum, abundè hactenus est
probatum.
Dictum Pauli, Rom. 5. Vnius hominis inobedientia, peccatores constituti sunt
multi: nequaquam idem est, quod vnius hominis inobedientia, essentiale peccatum
multi facti sunt. Peccatores, inquit Paulus, non peccatum facti sunt.
Sic dictum Psal. 58. Alienati sunt peccatores ab vtero, &c. Ioquitur quidem
de corruptione humanae naturae: non autem de mutatione eiusdem in essentialem
malitiam, corruptionem, & ipsum peccatum: nullo etiam veritatis fundamento,
haec inde elici & euinci potest.
Quòd Christus, Matth. 17. Pharisaeos, peruersam seu distortam appellat
generationem, aequè ad essentialem transmutationem humanae naturae in peccatum,
referri non potest, ac dictum priùs, sed agit tantùm de corruptione, quae per
peccatum in homine exorta est. Vnde etiam accidit, vt inde à prima conceptione
malitiam, sensum, cor, cogitationes habeat deprauatas, verùm id non est,
essentialiter in ipsum peccatum, vt isti homines docent, à Diabolo transmutari,
& sic essentialem imaginem ipsius Diaboli fieri.
Ad Augustini dicta, quae de mutatione naturae agunt, & hoc loco breuiter
repetuntur, paulò antè solidè est responsum: similiter & ad Lutheri dictum:
Tota natura est transmutata.
|| [98]
Hymnum illum Ecclesiae, lapsu Adae naturam & essentiam humanam esse penitus
corruptam, non loqui de istiusmodi essentiali transmutatione in ipsum peccatum,
& ipsam essentialem imaginem Sathanae, per se constat: Essentialiter enim in
peccatum & imaginem Sathanae transmutatum esse, & essentiam ac naturam
penitus esse corruptam, non sunt eadem, quod omnes Christiani facilè
intelligunt.
Diabolica itaque est temeritas, testimonia Scripturae & Orthodoxorum patrum,
adeò turpiter deprauare, & ad istiusmodi sententiam detorquere, quam sacra
Scriptura penitus ignorat: & inde ab initio à nullo Ecclesiae Doctore vnquam
fuit tradita. Quemadmodum nullum omninò testimonium antiquitatis &
orthodoxorum Patrum de essentiali transmutatione humanae naturae in peccatu̅, & in essentialem imaginem Sathanae vnquam proferre
poterunt. Summatim, quid orthodoxa antiquitas, de essentiali transmutatione
senserit, constat ex verbis Concilij Ancyrani: Qui credit, posse fieri aliquam
creaturam, aut transformari in speciem aliam, aut in aliam similitudinem, nisi
ab ipso creatore, quiomnia fecit, & per quem omnia facta sunt, sine dubio
infidelis est, & pagano deterior.
Allegat quoque Spiritus ille vertiginis, quasdam phrases & vocabula(Pag. 130.) ex libro
Christianae Concordiae, in quibus asseritur, peccatum nobis inesse & in
nobis habitare: Peccato originis naturam esse corruptam, fol. 260. Omnia peccato
originis esse conspurcata, & veluti veneno infecta: peccatum originis esse
aliquid distinctum à natura, non naturam ipsam. Item, peccatum originis esse
labem, &c. & quę his similia sunt plura: & ex illis edocere conatur,
librum Concordiae Manichaeum fouere furorem: Manichaeos enim olim, his loquendi
phrasibus fuisse vsos. Non autem id probat, sed simplici acquiescit assertioni.
Negando verò tandiu ipsis respondemus: donec id è libro Concordiae euincat.
Peccatum in nobis habitare asserit Paulus, Roman. 7. Peccato originisnaturam
nostram esse(August. lib. 1. contra
Iu lian. Pelag. cap. 2. 1. Iohan. 1. 1. Cor. 9.) corruptam,
affirmat Scriptura, Psal. 14. Rom. 3. Similiter Augustinus & Lutherus
passim. Similiter, per peccatum originis nos factos esse immundos, in Luthero
& Augustino saepiùs habetur. Et hoc ipsum innuit Scriptura, quando asserit,
Nos à peccatis ablui, emundari à peccatis. Scriptura Rom. 3. Augustinus &
Lutherus conferunt peccatum originis veneno. Discrimen inter peccatum originis
& corruptam naturam, solidè comprobauimus, cap. 3. Luth. in 15. cap. 1. ad
Corinth. Tom. 6. ipse appellat peccatum originis, labem, maculam, morbum,
foetorem, &c. Necesse
|| [ID00204]
igitur est,
vt sacram Scripturam, Augustinum & Lutherum, qui istis phrasibus saepissimè
vtuntur, Manichaeismi condemnent priùs, quàm vt eo nomine arguant librum
Concordiae. Procul verò sunt aberraturi.
Id etiam tanquam haereticum damnant, Sathanam peccatum originis in humanam
naturam insufflasse. Hoc si verum esset, quemadmodum phanatici isti praetendunt,
necesse esset, Lutherum etiam haereticum esse & Manichaeum, qui istis
loquendi formulis est vsus: Tomo 6. German. Ienensi, pag. 270. in 15. cap.
Epistolae ad Corinth. in explicatione horum verborum: Si autem incorruptibile
hoc induet corruptionem. Verba eius haec sunt: Ideò victoria per Christum est
parta, qui in seipso vicit omnia, vt te illis induat, à peccato tuo & morte
emundet, ne quid reliquum maneat in corruptibili corpore tuo, & omni eo,
quod Diabolus in illud insufflauit, seu quod ab eo proficiscitur, omnem
miseriam, defectum, errorem, & ignorantiam, sola natura & vero corpore
excepto.
(Mm. ij. fa 2)
Magno clamore exagitat, quòd vocabulo mali, veneni, sordium, & his similibus
in hoc certamine, aduersus illos vtamur, quae vocabula propria volunt esse
Manichaeorum, vnde nos etiam Manichaeos esse concludunt. Interea autem non
cogitant, si ita liceret concludere, Apostolum Rom. 7. etiam fore Manichęum, qui
peccatum originis malum nominat in nobis habitans. Item, quòd Scriptura ipsa,
Rom. 3. peccatum veneno confert, Vnde & ipsa Manichaeismi argueretur.
Similiter Augustinus & Lutherus, qui istis & his similibus vocabulis
sunt vsi.
Manichaeorum phrases quod attinet, quarum Augustinus in libro de haeresibus &
aliàs meminit, peccatum esse substantiam, seu rem essentialiter subsistentem, à
DEO malo creatam, & cum humana natura permixtam, per redemptionem etiam,
illam, à natura esse separatam, & sua ipsius per se subsistente natura,
saluam fore, &c. doctrinam libri Concordiae, nostrámque confessionem nihil
attinent. Huiusmodi enim blasphemias expressè, tanquam impias, reijcimus &
damnamus. Quare phanaticus ille, eas nobis obijcere non debuisset. Nec enim
docemus, & nunquam docebimus, peccatum esse seipsa subsistentem essentiam,
cum natura humana permixtam, quemadmodum Manichaei fecerunt.
Quòd verò cum Augustino in Enchiridio, cap. 11. & alijs pluribus locis,
similiter cùm Luthero Genes. 38. & alibi passim, dicimus, peccatum
istiusmodi malum esse, quod à natura separandum sit, & separatum si fuerit,
nusquam ampliùs futurum, eius in articulo fidei de resurrectio
|| [99]
ne, Esaiae 26. Mich. 7.
Hoseae. 13. 1. Cor. 15. firmum habemus fundamentum: quod phanatici isti nunquam
euertere poterunt.
Diligenter autem Lectori Christiano hîc est attendendum, quòd licèt Augustinus,
& quidem meritò, Manichaeorum doctrinam de commixtione duarum per se
subsistentium naturaru̅, quarum vna homo, alteraipsum sit
peccatu̅, ex verbo DEI reijciat, non tamen simpliciter &
omninò omnem mixtionem mali & boni, hoc est, peccati seu vitij &
corruptionis, & humanae naturae, in qua malum seu peccatum, quemadmodum
Paulus, Rom. 7. scribit, habitat, damnasse: quemadmodum nemo etiam sanus &
orthodoxus Ecclesiae Doctor, commixtionem corruptae naturae hominis &
peccati, quo corrupta natura vitiata est, vnquam improbauit & reiecit: verùm
omnes, hanc horrendam commixtionem seu confusionem agnouerunt & docuerunt.
In omnibus enim illis testimonijs, in quibus Augustinus contra Manichaeos
pugnat, bonam hominis naturam malo seu peccato corruptam esse: &
corruptionem naturae humanae inesse, tanquam horrendum malum, morbum &
defectum: simul fatetur & docet commixtionem peccati & corruptae humanae
naturae: Aliàs contra Manichaeos euincere non posset, bonam naturam hominis esse
corruptam: in quem tamen finem omnia sua scripta aduersus Manichęos direxit.
Praeterea, cùm Augustinus omnibus in locis contra Manichaeos contendat,
corruptionem nullam esse substantiam seu naturam, sed aliquid mali, vitium
aliquod, seu morbum, quo humana natura corrupta est: aliter sanè docere &
statuere non potest, quàm peccatum, tanquam morbum quendam & vitium, cum
corrupta natura esse commixtum.
Praeterea disertis verbis scribit, contra Epistolam fundamenti, cap. 33. Longum
est caetera persequi, sed manifestum est eis, qui nullo studio partium iudicant,
cum istae naturae commemorantur, ADIVNGI EIS QVAEDAM, QVIBVS DISPLICEANT, QVAE
CVM DETRAHIMVS, NATVRAE MELIORES MANENT. Vnde intelligitur eas, in quantum
naturae sunt, bonas esse, quia cùm eis vicissim omne, quod bonum habent,
detraxeris, naturae nullae erunt. Quae verba satis ostendunt, Augustinum
statuisse, peccatum, morbum quendam, seuvitiositatem quandam esse, quae cum
corrupta natura sit commixta.
Lutherus etiam multis locis monumentorum suorum, peccatum originis sic
descripsit, quòd instar alicuius immundiciae & veneni, totam
|| [ID00206]
naturam infecerit, & penetrârit.
Veluti Genes. cap. 3. 38. 42. 1. Corinth. 15. Tom. 6. Ienensi, & alijs
pluribus locis. Vnde perspicuum est, hanc doctrinam Manichaeismi argui, &
illi haeresi nequaquam conferri posse.
Obijcit nobis, cùm peccatum originis, immundiciae & veneno Diabolico
conferamus, necesse esse, esse illud aliquid reale, materiale, positiuum.
Respondemus: Peccatum originis non esse nihil negatiuè: Verùm vt in Scholis
loquuntur, priuatio & defectus est boni, quemadmodum Lutherus ipse Genes. 2.
appellat. Deinde habitus etiam est, praua quaedam & noxia vitiositas, seu
morbus, quemadmodum in Apologia Augustanae Confessionis nominatur: pessima
in homine, in anima, in corde, in omnibus viribus
hominis, inhabitans malum, Rom. 7. Inimicitia aduersus DEVM, Rom. 8. Corruptio,
Rom. 3. Non autem quiddam reale, materiale, positiuum: quemadmodum mali habitus
non aliquid essentiale sunt, nec tamen merae priuationes.
Quare mera est calumnia, quando nobis tribuunt, nos docere, peccatum esse aliquid
essentiale, substantiale, cum natura permixtum: huiusmodi enim doctrinam,
tanquam falsam & impiam, improbamus & reijcimus.
III. Praetendit, in eo etiam librum Concordiae transire ad doctrinam
Manichaeorum, quòd asserit, peccato originis tanquam spirituali veneno, naturam
nostram infectam esse & corruptam: Manichaeos enim olim etiam docuisse,
naturam peccato esse inquinatam.
Perpetuò autem confundit ea, quae acuratè sunt discernenda, Manichaei enim
docuerunt, naturam peccato, tanquam seipsa subsistentem essentiam, quae in illa
essentialiter habitat, & cum illa commixta sit, inquinatam & pollutam
esse, id quod liber Concordiae apertè damnat. Econtrà autem sacra Scriptura
docet, naturam peccato originis, veluti praua vitiositate & morbo,
inquinatam esse: quod tantum à Manichaeorum doctrina differt: quantum occidens
distat ab oriente.
Vocabulum veneni quod attinet, & eam, quae inde deducitur, fimilitudinem,
quam subinde aduersarius repetit, saepiùs iam sunt refutata.
Vocabulis sordium, macularum, immundiciae, vtitur ipse D. Lutherus Tom. 6.
Germanico in explicatione cap. 15. prioris ad Corinth. pag. 270. 271. &
alijs multis locis, nec tamen Manichaeo infectus est errore.
|| [100]
Quare etiam alij, qui hisce
vocibus vtuntur, Manichaeismi rei peragi non protinus poterunt.
Peccatum originis malum esse, seu noxam illam, qua natura corrupta est, &
no̅ ipsum corruptum seu ipsam corruptam naturam, quemadmodum
isti nugantur homines, aliquoties iam solidè est monstratum, & impudens
istorum est temeritas, quod Augustino affingere audent, docuisse eum, peccatum
originis esse ipsam corruptam naturam, cùm tamen perpetuò in scriptis suis
vrgeat, cuius suprà aliquot testimonia sunt allegata, malum seu peccatum
originis non esse naturam, sed nihil aliud quàm corruptionem naturae, Augustinus
contra Epistolam fundamenti, cap. 35. 36. 38. 40. & alibi. Quo pacto igitur
statuisset, corruptionem & corruptam naturam rem vnam esse & eandem: cùm
corrupta natura natura omninò sit, licèt sit corrupta.
IIII. Illo etiam nos Manichaeismi conuincere volunt, quòd inter corruptam
naturam, & ipsum peccatum originis discrimen statuimus, nec concedimus,
corruptam naturam sine omni discrimine, ipsum esse originis peccatum. Nihil
autem est doctrinae libri Concordiae, etiam quo ad hanc partem, cum doctrina
Manichęorum commune. Non enim docemus, peccatum originis esse seipsa
subsistentem à Diabolo creatam essentiam, in natura hominis habitantem, & à
Diabolo cum eadem permixtam, sicut Manichaei olim docuerunt: verùm cum sacra
Scriptura, Augustino & Luthero discernimus inter opus DEI, quod adhuc est
reliquum, seu inter naturam, quae DEI opus & creatura est, etiam post
lapsum, quemadmodum suprà in primo & secundo capite prolixè id est probatum:
& inter peccatum originis, quo natura est corrupta.
Vnicum saltem Augustini testimonium è libro priori de nuptijs &
concupiscentia, cap. 1. allegabimus, in quo perspicuè de discrimine hoc agit
Intentio, inquit, huius libri est, vt, quantum nos Dominus adiuuare dignatur,
carnalis concupiscentiae malum, propter quod homo, qui per illam nascitur,
trahit originale peccatum, discernamus à bonitate nuptiarum, &c. Et cap. 3.
Quis audeat dicere, donum DEI esse peccatum? Anima enim & corpus, &
quaecunque bona animae & corporis naturaliter insita, etiam in peccatoribus
dona DEI sunt, quoniam DEVS, non ipsi ista fecerunt. Hoc sanè est expressè
admodum discrimen statuere inter peccatum originis, & corruptam naturam,
quae etiamnum post lapsum est creatura DEI.
|| [ID00208]
Similiter distinguit inter peccatum originis & naturam, tractatu 42. in
Iohan. cap. 8. Venit Dominus DEVS ad hominem peccatorem, duo nomina audisti,
& hominem & peccatorem. Quòd homo est, ex DEO est, quòd peccator est,
non est ex DEO. A natura vitium secernatur. Agnoscatur natura, vnde creator
laudetur, agnoscatur vitium, propter quod Medicus inuocetur.
Verùm de hoc discrimine suprà in primo & altero capite abundè est actum.
V. Nulla habita ratione, quòd libro Concordiae, pag. 231. & 261. reijcitur,
(Oo. i. fac. 1. &
deinceps) si quis doceat, non hominem naturalem, sed aliquid
aliud & peregrinum in homine peccare, cuius causa non natura, sed peccatum
tantùm originis in natura accusetur, conatur Spiritus ille vertiginis libro
Concordiae hanc doctrinam asscribere, idque eam ob causam, quòd libro Concordiae
doceatur, corruptum cor ideò peccare, quia peccato originis sit deprauatum.
Verùm quid verbis opus est: si cor humanum, quatenus cor, in se & per se
ipsum peccaret: necessariò peccatum DEI esset creatura. Cor enim, quatenus est
cor, substantia & natura, DEI est creatura. Cùm igitur DEVS peccatum ipsum
non creet, necessariò sequitur: aliud esse naturam cordis à DEO creatam, &
malum, quod causa est, cor, quod à DEO creatum est, peccato infectum esse, &
peccare.
Verum igitur manet, cor ipsum & non aliquid aliud & peregrinum in homine
peccare: Cor enim fons est actionum. Quòd autem actiones peccato pollutae &
immundae sunt, seu quòd malae cogitationes & concupiscentia inde oriuntur,
id non cordi in se & per se, quatenus DEI creatura est, sed prauae
vitiositati seu morbo, quo oneratum est, est asscribendum, quemadmodum id suprà
sub initium huius 4. capitis etiam indicauimus.
Cor ante lapsum, priusquam calamitoso hoc malo & vitiositate peccati esset
oneratum, nihil aliud, quàm bonum, est operatum: Posteaquam autem peccato
corruptum est, ex illa corruptione id, quod malum est, coepit cogitare,
meditari, operari: & aliter iam, quàm malè agere, non potest, donec rursus
ad DEVM conuertatur, & Spiritu DEI regeneretur.
Et sanè verum est, naturam, ipsum peccatum non esse: quemadmodum enim dictum,
etiam num, quatenus est natura, opus DEI est. Naturam ab omnibus Christianis per
omnia peccatricem, iniustam, immundam, & minimè sanctam haberi &
agnosci: benè & rectè fit. Vtau
|| [101]
tem pro ipso habeatur peccato, id est & perpetuò manet
falsum & erroneum. Iniustum enim & immundum esse, & sine omni
discrimine ipsum peccatum esse, res sunt distinctae.
Confitemur & docemus toto pectore, corruptam naturam radicem & fontem
esse omnium actualium peccatorum: verùm non inde, quia natura est, sed quia
peccato horribiliter est corrupta.
Natura etiam non ideò accusatur, quia natura est: id enim à DEO habet, etiam post
lapsum, quia peccato tota est corrupta. Augustinus contra Pelagium &
Caelestinum, lib. 2. cap. 40. DEVS hominem damnat propter vitium, quo natura
dehonestatur, non propter naturam, quae vitio non aufertur.
Cor quidem per se cogitat malum: verùm inde non sequitur, esse illud ipsum
peccatum: Illam enim mali meditationem, non ex eo habet, quòd natura est &
essentia, sed à peccato, quod in eo habitat. Rom. 7. Meditatur igitur malum ex
se quidem: quòd autem illud meditatur, id non ex sese facit, seu quatenus natura
& creatura DEI est, sed quatenus peccato est corruptum.
Allegat etiam authoriste D. Lutheri verba è Psal. 51. quae sic se habent: Et
tamen hanc sententiam quidam, vt videntur, Magistri Theologi nostra aetate
defendunt, quòd naturalia sint integra, id est, quòd voluntas sit bona, etsi
aliquando per malitiam vult aut cogitat aliud, quàm quod rectum & bonum est,
tribuunt id malitiae hominum, nonsimpliciter voluntati, sicut in se est. Et ex
illis euincere conatur, corruptam naturam ipsum esse peccatum, & voluntatem
in homine, quatenus est voluntas seu creatura DEI, ipsum esse peccatum &
peccare.
Hanc autem non esse sententiam D. Lutheri, ex eo patet, quòd Lutherus in
Scholasticis id solùm reprehendit, quòd docuerunt, naturam adhuc integram esse,
& minimè corruptam, & sic voluntatem etiam non esse corruptam, posse eam
naturaliter & ex se bonum velle. Item, voluntatem non ex sese peccare, cùm
post lapsum etia mnum sit bona: sed quicquid fiat, id fieri malitia hominum.
Quae omnia cum Luthero in istis hominibus reprehendimus & damnamus.
Verissimum enim est, corruptam voluntatem per se peccare: verùm propter
corruptionem, quae voluntati inest & inhaeret: Ex eo autem minimè sequitur,
voluntas per se peccat. Ergò ipsum peccatum, & ipsa est corruptio. Licèt
enim actiones voluntatis per se sint & propriae: tamen quòd bonae vel malae
sunt, id ex bonitate est aut malitia. Quemadmodum etiam arboris est ferre
fructus,
|| [ID00210]
quòd autem boni vel mali
sunt, id ex eo est, quòd arbor bona vel mala, si bona, fert fructus bonos: si
mala, malos.
Lutheri etiam non fuisse sententiam, corruptam voluntatem ipsum esse peccatum, id
propria eius testantur verba, in hunc Psal. 51. Tom. 4. Ienensi, in quem sic
scribit: Disputabant quidem, de peccato originis, sed dicebant in Baptismo
sublatum esse, & extra baptismum in natura lumen esse reliquum, quod si quis
sequatur, dari in fallibiliter gratiam. Quia docebant, in daemonibus quoque
mansisse naturalia integra, & tantùm ainisisse gratiam. Quis autem non
videt, summè haec esse contraria, dicere, quòd naturalia sint integra, &
naturam esse peccato corruptam? Voluntas quidem est res naturalis, sed ipsi non
simpliciter de velle disputant, sed de velle bonum, idque vocant naturale. In eo
error est. Manet voluntas in Diabolo, manet in haereticis, hoc fateor esse
naturale, sed ea voluntas non bona, neque intellectus rectus & illuminatus
manet. Ergò, si verè volumus de naturalibus loqui secundùm hunc Psalmum, &
secundùm Spiritus sancti modum, tunc vocemus naturalia hoc ipsum, quòd in
peccatis & morte sumus, quòd corrupta & mala volumus, intelligimus &
expetimus. Haec enim cum praesenti Psalmi loco conueniunt, & ex eo probari
possunt.
Ex quibus Lutheri verbis euidens est, Luthero nunquam in mentem venisse,
essentialem illam abolitionem voluntatis, & transmutationem eiusdem in aliam
essentialem voluntatem, quae essentialiter ipsum esset peccatum, & hoc pacto
peccaret. Disertè enim scribit, voluntatem & intellectum, in Diabolis &
haereticis manere, no̅ autem esse bonam & integram, sed
corruptam: nec ita illustratam, quo pacto illustrata esse debebat: atque inde
euenire, quòd mala committantur. Iniuria igitur afficitur, dum à phanaticis illi
affingitur, quòd statuerit, corruptam voluntatem, esse ipsum originis
peccatum.
Moses rectè inquit, Genes. 6. & 8. omne figmentum cordis humani prauum esse,
inde à pueris. Ipsum enim corfingit, & meditatur, veluti sub stantia, cuius
proprium est aliquid operari. Quod autem figmentum & meditatio cordis
humani, à pueris praua est, id à peccato causam suam habet: ante lapsum enim
fingebat bonum: post lapsum fingit malum.
Ita Christus, Marci 7. rectè inquit, Excorde prodire cogitationes malas, cordis
enim est, cogitare, quòd autem cordis cogitationes prauae sunt & malae, id à
peccato est, quo cor est corruptum.
|| [102]
Et Paulus Galat 5. inquiens: Caro concupiscit, &c. rectè carni
concupiscentiam asscribit: quòd autem concupiscentia illa mala est, & legi
DEI repugnat, id ex corruptione seu peccato est, quod in carne habitat, Rom.
7.
Ad dictum Augustini, libro 6. contra Iulianum, cap. 7. Naturam nostram sanandam
esse, quod denuò hîc allegatur, suprà solidè est responsum.
Similiter, quae ex Postilla Lutheri Ecclesiastica in die Circumcisionis citantur,
ad ea etiam suprà responsum.
Summatim, operationes esse cordis seu naturae, extra controuersiam est: quòd
autem malae sunt, eius non natura est causa, sed malitia, qua natura est
corrupta. Peccat igitur natura seu cor ipsum, verùm non quatenus natura, seu
creatura DEI est: sed quatenus & quia peccato corrupta est.
Quòd autem ex eo consequatur, morbum in homine potentiorem esse ipsa anima
rationali seu natura, mera est phantasia, Vt enim diximus, anima seu natura
operatur: & actiones animae sunt, seu naturae hominis: quòd autem malae
sunt, & legi DEI repugnant, id à corruptione existit, qua anima seu natura
deprauata est. Peccat itaque corrupta natura per se, quia actiones principium
suum habent: quòd autem actiones illae peccato pollutae & malae sunt, atque
legi diuinae repugnant, eius, vt diximus, vitiositas in causa est, quae in
natura seu in carne haeret, Rom. 7. Et hoc ipsum intelligimus, quando dicimus,
Peccatum causam esse, quòd omne figmentum & meditatio cordis humani inde à
pueris praua sit. Verùm hac doctrina sibi satisfieri phanatici illi non
patiuntur: sed id à nobis postulant, vt secum nugemur, corruptam animam seu
naturam hominis esse ipsum peccatum: nec ideò peccare, quia corrupta sit, sed
quia sine omni discrimine corruptio seu peccatum ipsum est, quod falsum &
blasphemum, quòdque cùm ipsis asserere, nec volumus, necpossumus.
VI. Ea verò demum egregia est consequentia, qua Spiritus ille vertiginis sic
colligit: Veteres Manichaei essentialem mutationem, naturae malae, in naturam
bonam, negarunt, & vrserunt tantùm discrimen mali, seu seipso subsistentis
peccati, quod secundùm illorum figmentum, habitabat in natura humana. Quare,
inquit, Manichaei sunt, qui docent, naturam hominis in conuersione ad DEVM, seu
in regeneratione non essentialiter in nouam naturam transmutari: sed statuunt
peccatum, tanquam
|| [ID00212]
vitiositatem
quandam, à corrupta natura separari, & corruptam naturam sanari, renouari
& saluari.
Primò enim minimè verum est, Manichaeos essentialem mutationem bonae naturae,
contra Augustinum & alios Orthodoxos Doctores negasse, cùm manifestum sit,
Augustinum & alios Patres, nullam essentialem mutationem naturae docuisse:
sed mutationem tantùm in qualitatibus & accidentibus: quemadmodum supra ex
Augustino abundè hoc est comprobatum.
Augustinus mutationem naturae in bonis suis qualitatibus & proprietatibus
asseruit: illam Manichaei contra ipsum negarunt, & nullam aliam: non etiam
de alia inter Augustinum & Manichaeos fuit controuersia.
Secundò, Manichaei docuerunt separationem substantialis & per se subsistentis
peccati, quod in homine habitet: non autem morbum seu vitiositatem, qua natura
est corrupta. Hoc in Manichaeis Augustinus damnauit: & ipsam etiam nos
damnamus. Econtrà Augustinus docuit, in regeneratione seu conuersione
vitiositatem illam homini condonari propter Christum, & per Spiritum sanctum
initium fieri mortificationis & repressionis, inhabitantis in carne peccati.
Id etiam nos cum Augustino docemus: & nihil quicquam commune nobis est, cum
errore Manichaeorum.
Tertiò, Manichaei docuerunt, si seipso subsistens peccatum ab homine separetur,
in aeternum illud tamen subsistere & viuum manere. Id etiam nos cum
Augustino, quemadmodum suprà indicauimus, damnamus.
Ad Augustini dictum, lib. 6. contra Iulian. cap. 7. Naturam sanandam esse, quod
denuò hîc allegatur, vt paulò antè dictum, suprà est responsum: cui responso
etiamnum acquiescimus.
In summa, Natura peccato est corrupta. Quando igitur homo regeneratur & ad
DEVM conuertitur, initiò innatum ei peccatum, corruptio, & vitiositas,
propter Christum condonatur & non imputatur: cùm Christus illius causa
satisfecerit, quam satisfactionem homo fide apprehendit & amplectitur.
Deinde donatur illi Spiritus sanctus, Tit. 3. qui incipit peccatum ipsum seu
vitiositatem expurgare: & hominem indies meliorem & puriorem efficere:
plenaria autem purgatio à peccato in hac vita non perficitur: sed in futura
demum perficietur.
|| [103]
Ad hunc modum sacra Scriptura de regeneratione, & conuersione(Augustinus tractat. 41. in
Iohan.) hominis ad DEVM docet: & sic de eadem docet
Augustinus & inprimis Lutherus.
Quòd autem essentialem mutationem corruptae naturae, in aliam nouam naturam, quae
ipsa sit iustitia, quemadmodum antea ipsum peccatu̅ fuerat, ex
istorum opinione, docuerint, id neque in sacris literis, neque in Luthero
habetur. Quamobrem Lutherus etiam Genes. 42. scribit: Fides & Spiritus
sanctus non corrumpit aut destruit naturam, sed corruptam & destructam sanat
ac reparat. Ibidem: DEVS vult seruatam natura̅, non extincta̅, sed iubet eam corrigi, vt fiat purior. Hoc ipsum confirmat Gen.
43. Spiritus sanctus sanat naturam, & eam restituit in integrum. Hoc autem
non idem est, quod abolere, & essentialiter in aliam nouam naturam à priori
essentia, natura, forma, specie, diuersam transmutare. Euidens etiam est &
certum, Lutherum istiusmodi essentialem mutationem naturae, quam phanatici isti
fingunt, nunquam docuisse. Apparet etiam, quòd quando Lutherus de renouatione
naturae loquitur, quòd eam non intelligat, de essentiali transmutatione in aliam
naturam, &c. sed de renouatione eiusdem, quo ad bonitatem, quòd noua luce,
vita, consolatione, pace, gaudio donetur: quod cor fide exornetur,
sanctificetur, noua obedientia in eo inchoëtur, & vitiositas ex corde
paulatim expurgetur: quòd indies cor emundetur, donec in gloriosa resurrectione
ab omnibus peccatis liberabitur, purum, integrum, sanctum, iustum futurum est:
quam liberationem omnes fideles Christiani ardentissimo desiderio expetunt &
expectant.
De illa in hanc sententiam his verbis loquitur Lutherus, Gen. 1. Hoc nunc per
Euangelium agitur, vt imago illa reparetur. Manserunt quidem intellectus &
voluntas, sed valdè vitiata vtraque. Euangelium igitur hoc agit, vt ad illam,
& quidem meliorem imaginem reformemur, quia in vitam aeternam, vel potiùs in
spem vitae aeternae renascimur per fidem, vt viuamus in DEO & cum DEO, &
vnum cum ipso simus. Sicut Christus dicit. Neque verò ad vitam solùm renascimur,
sed etiam ad iustitiam, quia fides arripit meritum Christi, & statuit, nos
per Christi mortem liberatos esse. Inde alia iustitia nostra oritur, nempè illa
vitae nouitas, qua studemus obtemperare DEO, edocti verbo, & adiuti per
Spiritu̅ sanctum. Sed haec iustitia in hac vita incipitur
tantùm, neque potest in hac carne esse perfecta. Placet autem DEO, non tanquam
perfecta iustitia, aut tanquam precium pro peccatis, sed quia proficiscitur ex
corde, quod nititur fiducia
|| [ID00214]
misericordiae DEI per Christum. Deinde hoc quoque fit per Euangelium, vt
conferatur nobis Spiritus sanctus, qui resistit in nobis incredulitati, inuidiae
& alijs vitijs, & seriò optemus ornare nomen Domini & verbum eius,
&c. Ad hunc modum incipit imago ista nouae creaturae reparari per Euangelium
in hac vita, sed non perficitur in hac vita, cùm autem perficietur in regno
Patris, tunc erit voluntas verè libera & bona, mens verè erit illuminata,
& memoria constans. Tunc fiet etiam, vt omnes creaturae aliae magis nobis
sint subiectae, quàm in Paradiso Adae fuerunt.
Verba Pauli, Transformamini in nouitate mentis vestrae, Rom. 12. non significant
essentialem quandam transformationem mentis, ita vt mens, intellectus seu anima
secundùm essentiam sint abolenda, & in nouam animam, secundùm essentiam,
formam, naturam, speciem aliam & diuersam transformanda: sed denotat noua
luce, noua obedientia, noua gubernatione & motibus in corde per Spiritum
sanctum donari, & opponitur vitiositati huius mundi. seu species, non denotat aliquid essentiale & subsistens, sed significat
malitiam, quae homini corrupto inhaeret, à qua fideles sibi ipsis temperare,
& illa à sese remouere debent.
Mutatio per renouationem mentis non significat essentialem, sed spiritualem
mutationem mentis seu cordis per Spiritum sanctum, dum Spiritus sanctus nos
nouos, spirituales homines efficit, nouas meditationes, cogitationes, motus,
& gubernationem in nobis excitat, vt in vita noua ambulemus, nec huius mundi
desiderijs conformes nos exhibeamus. Atque hac ratione explicat Lutherus hoc
dictum in Postilla Ecclesiastica, in explicatione Epistolae Dominicae primae
post Epiphanias. Verba eius haec sunt: Omnes quotidie mutamur, & renouamur
mente nostra, hoc est, quotidie magis atque magis amplectimur ea, quae mundus
odit. Nihil itaque hoc dictum agit de essentiali transmutatione humanae naturae
in ipsam iustitiam, quam isti phanatici fingunt.
Eadem est ratio illius dicti Paulini, 2. Corinth. 3. Transformamur ex claritate
in claritatem. Apostolus enim nullo pacto de essentiali clarificatione humanae
naturae in ipsam iustitiam loquitur, sed agit de clarificatione &
multiplicatione donorum, quae Spiritus sanctus in regeneratione in fidelibus
inchoauit, & quotidie in illis adauget. Quemadmodum Chrysostomus, 2.
Corinth. 3. dictum hoc sic explicat: Anima repurgata & argento facta
lucidior, accipit radium à gloria Spiritus, & hunc vicissim ex se remittit.
Eóque dicit: Speculantes secundùm ean
|| [104]
dem imaginem, transformamur à gloria Spiritus in gloriam
nostram, quae in nobis gignitur, & quidem talis, qualem conuenit gigni à
Domino Spiritu.
Quando itaque nostri phanaticorum istorum figmenta de essentiali transmutatione
peccati in ipsam iustitiam explodunt, non exagitant Spiritus sancti verba, sed
phanaticorum istorum figmentum.
Aliàs cum Scriptura statuimus, hominem spiritualiter regenerari, renouari,
spiritualiter nouum creari & viuificari: verùm haec non complectuntur
essentialem mutationem naturae in aliam naturam essentialem: sed gratuitam
remissionem innatorum peccatorum, & referuntur ad inchoationem Spiritualis
interioris renouationis naturae, quo ad dona spiritualia & purgationem à
peccato. Quemadmodum Lutherus in postrema concione Vvitebergae habita, Tom. 8.
Ienensi, inquit: Peccatum quidem planè remissum est: sed nondum omninò est
expurgatum. Si Spiritus sanctus homines non gubernaret, iterum redderentur
segnes: Verùm Spiritus sanctus quotidie vulnera illa emundat. Vnde haec vita
Nosodochium quoddam est, in quo peccatum quidem remissum, sed nondum est
sanatum.
Dictum Augustini contra Secundinum, cap. 2. Malis verò iam mutatis in bonum,
Apostolus ait: Fuistis enim aliquando tenebrae, nunc autem lux in Domino, non
loquitur de essentiali transmutatione corruptae naturae in ipsam iustitiam, sed
de conuersione hominis, & de fructibus eiusdem, illos, qui ante conuersionem
intellectu fuerant excoecato, qui DEVM non rectè agnouerant, iam post
conuersionem, illustrato esse intellectu, illu minatis oculis & corde.
Ephes. 1. vt DEVM rectè intueri & agnoscere possint. Prouocamus autem phana
ticos illos, si queant, vt vel vnicum dictum Augustini de essentiali
transmutatione allegent.
Dictum etiam illud germanicè allegatur ex 32. sermone Augustini, de verbis
Apostoli. Sunt quidem res etiam malae: sed mutantur & fiunt res bonae, crede
& eris bonus: fuisti malus, eris iterum bonus, modò non discernas &
distinguas: naturam tuam necesse est sanari. Scire cupis. Ecquis sis: Tenebrae
es: crede autem, & è tenebris lux euades. Nullo autem verbo haec in allegato
sermone habentur, quemadmodum id Christianus lector in ipso Augustino inquirere
potest.
Ambrosij dictum, Carnem, quae sit instar foedissimi lacus, omnis concupiscentiae,
in templum omnium virtutum esse transmutandam, allegatum quidem: non autem
additum est, quo loco in Ambrosio habea
|| [ID00216]
tur, quo inquiri posset, bona
ne fide sit citatum: quare allegatio illa nullius est ponderis, inprimis cum
Ambrosius Hexaem. lib. 1. cap. 8. expressè scribat, Peccatum non esse
substantiam, seu rem per se subsistentem: sed deprauationem cordis & mentis.
Ex quo denuò consequitur, corruptam naturam seu animam in conuersione non in
iustitiam ipsam commutari.
Augustini dictum, lib. 3. contra Iulianum cap. 12. Natura humana secundùm
Catholicam fidem bona instituta, sed vitiata peccato meritóque damnata est,
phanaticos illos oppugnat magis quàm defendit. Naturam enim inquit peccato esse
corruptam, non autem ipsum peccatum effectam. Multò minùs inquit, peccatum ipsum
in regeneratione in iustitia̅ essentialiter transmutari: Hoc ipsum
docet Augustinus dicto de natura & gratia: aliud sibi non vult, quàm naturam
opera medici indigere: cùm non ampliùs bona & sana sit, nullo verbo egit de
essentiali mutatione ipsius peccati in iustitiam.
VII. Septimum caput Epistolae ad Rom. de solis fidelibus & renatis esse
intelligendum, tam operosa & prolixa non opus fuisset probatione: id enim
toto pectore damus, credimus, docemus, confitemur.
Id autem versatur in controuersia: num verum sit, quod phanatici isti fingunt,
Paulum in eo docere, corruptam naturam sine omni discrimine ipsum esse peccatum:
an potiùs illud sit certum, peccatum originis pessimum aliquod esse malum, seu
repugnantem vitiositatem, quę in renatorum etiam carne habitat.
Ad hanc quaestionem suprà cap. 1. & alibi passim per totum hoc scriptum est
responsum, & solidè monstratum, Paulum in 7. isto capite expressè corruptam
naturam seu carnem, in qua malum seu peccatum habitet, & ipsum peccatum
discernere: quemadmodum verba ipsius clara sunt & perspicua: veluti,
peccatum quod in me habitat: Item, in carne mea nihil habitat boni. Item, Malum
adiacet mihi. Quae verba expressè testantur, Paulum inhabitans & adiacens
peccatum, & carnem suam, in qua habitat, & cui adiacet, non pro re vna
& eadem habere.
Nihílque attinet, quòd Paulus hoc loco, de fidelibus loquitur. Peccatum enim,
quemadmodum Lutherus rectè in 32. Psal. & contra Latomum, Tom. 2. pag. 426.
432. scribit, idem est in fidelibus & infidelibus: illo vnico existente
discrimine, quòd fidelium peccata non imputantur, sed conteguntur: infidelium
imputantur & aperta manent. Illorum vulnera obligata sunt; horum patent.
Quemadmodum igitur peccatum
|| [105]
originis in Paulo habitans & carni illius inhaerens, pessima, noxia &
calamitosa vitiositas quaedam est, sic etiam in infidelibus & non
renatis.
Quare 7. caput Epistolae ad Rom. in minimo errori aduersariorum non patrocinatur:
& huc referendum est dictum Ambrosij, Rom. 7. Scio quòd non habitat in me,
hoc est, in carne mea, bonum. Non, sicut quibusdam videtur, carnem malam dicit:
sed quod habitat in carne, non esse bonum, sed esse peccatum. Quomodo habitat in
carne peccatum, cùm non sit substantia, sed praeuaricatio boni? Quoniam primi
hominis corpus corruptum est per peccatum, vt possit dissolui, ipsa peccati
corruptio per conditionem offensionis manet in corpore.
De discrimine veteris & noui hominis suprà in refutatione tertij capitis
abundè est dictum: quare non necesse illa hoc loco repeti. Pro meliore tamen
informatione, subiungemus lectori Christiano hoc Lutheri dictum contra Latomum,
Tom. 2. latino. pag. 341. Vnus est homo Paulus, qui vtrunque de se confitetur,
alio & alio respectu. Summatim, vetus carnalis homo est Paulus, quatenus non
est planè renatus: sed veterem illam vitiositatem retinet. Nouus autem
spiritualis est homo, quatenus per Spiritum sanctum regeneratus, noua luce,
vita, gaudio, nouis motibus cordis est donatus: quibus prauis cupiditatibus
carnis repugnat, eásque mortificat. Et vetus atque nouus homo in Paulo secundùm
essentiam & substantiam non sunt distincti, sed quemadmodum dictum est,
secundùm carnales aut spirituales motus & proprietates.
VIII. Manichaeum esse, DEVM peccatum originis in resurrectione planè esse
reparaturum, & naturam ab omni peccato emundaturu̅: ei
contradicit Augustinus in Enchiridio suo, cap. 11. his verbis: Peccatum &
defectus cùm sanantur, non aliquò transferuntur, (quemadmodum Manichaei de
substantiali & essentiali peccato somniaru̅t:) sed ea, quae
ibi erant, nusquam erunt, quando in illa sanitate non erunt.
Quòd si etiam Manichaea illa esset doctrina, in resurrectione peccatum è natura
esse expurgandu̅, necesse esset, Lutherum etiam esse Manichaeum,
quando Tom. 6. German. in 15. cap. 1. ad Corinthios, pag. 270. scribit: In hunc
finem victoria à Christo est parta, qui in seipso omnia deuicit, vt te illis
indueret, & à peccato atque morte emundaret, vt nihil reliquum maneat in
corruptibili corpore tuo, & omnibus ijs, quae Diabolus in illud insufflauit:
seu quae ab illo proficiscuntur, omnis generis miseriae, defectus, errores,
tenebrae, excepta natura, & quicquid ad veritate̅ corporis
requiritur, quod à DEO est creatum. DEVS enim hominem non ita
|| [ID00218]
condidit, vt peccaret & moreretur,
sed vt viueret: Diabolus aute̅ hanc labem & maculam naturae
aspersit, vt necesse ipsi sit tot morbis, foetori & miserijs eum subiectum
esse, quia peccarat. Cùm autem per Christum peccatum sublatum sit, ab eo etiam
liberandi sumus, vt omnia pura sint, & nihil mali nec molesti in terris
sentiatur: verùm non aliter, quàm quòd per mortem prius vetus hoc indumentum
peccati exuendum est, donec omninò in puluerem redigatur.
Sic necesse foret, eum Manichaeum esse, quando Genes. 38. scribit: Peccatum &
mors sunt mala separabilia.
Cùm etiam peccatum post resurrectionem nusquam futurum sit, quemadmodum
Augustinus in Enchiridio, cap. 11. rectè scribit, nulla opus esse disputatione,
quò tandem deuenturum sit. Cùm enim nihil futurum sit, propriè loquendo, nusquam
etiam deuenire poterit.
Quòd autem interdum cum Propheta, Mich. cap. 7. loquimur, Peccatum DEVM in
profunditatem maris abiecturum, figuratè loquimur: & tantundem est, ac si
dicamus, peccatum tum ampliùs non futurum, sed planè abolitum iri.
Eadem est ratio illius phraseos, peccata fidelium remansura esse in sepulchro.
Nam & illa figurata est, & tantundem significat, quòd fideles in futura
aeterna vita, nullum ampliùs habituri sunt peccatum: sed ab omni peccato prorsus
immunes erunt.
Et rectè dictum est, quando Augustinus, lib. 2. contra Iulian. scribit: Nostram
naturam peccato primi hominis esse corruptam, & non ab alia seipsa
subsistente natura esse separandum: sed esse sanandum. Haec etiam verba
Augustini è diametro cum phanaticis istis pugnant. Si enim natura ab
infirmitatibus, quibus peccato primi hominis onerata est, est sananda: vt tota
sana & munda sit: necesse est vtrumque esse verum, primum corruptam naturam
non esse ipsum peccatum, sed peccatum, horrendam esse corruptionem, à qua natura
sit sananda. Deinde naturam, ab istis accidentibus malis in extremo iudicio,
prorsus esse sanandam & liberandam, ita vt nulla ampliùs ei insit vitiositas
aut corruptio. Haec doctrina est Ecclesiarum nostraru̅, & haec
ipsa est contra phanaticos istos veritas, & tamen non verentur Augustinum
pro sua partepręfractè allegare.
Augustini dictum sermone 30. de verbis Apostoli: Natura in te sananda est, non
separanda, etiam pro nobis stat contra aduersarios. Natura in te, inquit
Augustinus, est sananda, subintellige, à peccato, & non se
|| [106]
paranda, vt Manichaei
nugati sunt, ab alia scilicet essentiali, seipsa subsistente natura, quae
peccatum seu ipsum sit malum.
Consimili modo doctrinam nostram confirmat dictum illud sermone 45. de tempore.
Peccatum non est alia natura, vt insaniunt Manichaei, languor noster est, vitium
nostrum est, non separatum alibi erit, sed sanatum nusquam erit.
Praeclarum illud Augustini dictum phanaticus iste, pro suae sententię(SS. iij. fac. 1.)
confirmatione in germanica translatione sic reddidit. Peccatum originis no̅ est singularis, peregrina, alia distincta natura & essentia,
in natura & essentia nostra, quemad modum Manichaei insaniunt, sed est
infirma, corrupta, deprauata, imò spiritualiter mortua nostra natura: nec esse
dicendum, peccatum originis tanquam rem aliquam distinctam à natura discernendam
& separandam esse: & illud separatum peccatum originis, etiam post
separationem, tanquam aliquid essentiale, certo quodam loco esse & fore: sed
si corrupta nostra natura iterum sanata, & omni pacto in integrum restituta
fuerit, nullum ampliùs peccatum reliquum fore,
Firma igitur ac immota manet doctrina Ecclesiarum nostraru̅,
contra(SS. iij. fa.
2.) Spiritus istius vertiginis figme̅ta, &
nullo fundame̅to solidè euerti potest.
IX. Aliquot paginis exagitat phanaticus iste, doctrina Ecclesiarum nostrarum,
doctrinam de incarnatione Christi eiúsque beneficijs penitus extenuari, quia cum
ipsis in has blasphemias consentire nolumus, essentiale aliquod discrimen esse
inter Christi & nostram carnem, & quòd Christi carnem, quam assumpsit,
eiusdem naturae, speciei & essentiae, cum nostra carne statuamus. Cùm autem
blasphemiae illae, supra in resposione ad alterum caput, abundè refutatae sint,
& hoc loco eadem repetuntur, quae illic etiam Spiritus vertiginis vrsit,
lectorem Christianum eum in locum temittimus: ne necesse sit, eadem in hoc
scripto cum toedio lectoris saepiùs repetere.
X. Denuò in theatrum producit Manichaeam separationem mali seipso subsistentis,
in natura humana: & vrget aduersarius noster, quando docemus, Christum
passione & morte sua, nos à peccato redemisse, & non ipsum peccatum,
doctrinam nostram cum Manichęorum furoribus planè conuenire.
Verùm obiectio haec non prolixa eget refutatione. Initiò enim toto pectore &
ore damnamus doctrinam Manichaeorum, de separatione essentialis & seipso
subsistentis peccati è nostra natura, nullum enim hu
|| [ID00220]
iusmodi essentiale est
peccatum, nec in homine, nec invlla aliqua creatura. Quemadmodum illud etiam
improbamus, si quis doceat, Christum passione & obedientia sua promeritum,
nostram naturam à peccato, tanquam seipsa subsistente essentia, liberari. Quo
pacto igitur argui possumus, doctrinae nostrae, hac in parte, quicquam cum
furoribus Manichaeorum esse commune.
Secundò cum Scriptura & Augustino docemus, contra Manichęos, Christum hominem
factum, mortuum esse, & resurrexisse, vt naturam nostram à peccato
redimeret, & non à malo seipso subsistente: Illud enim est non in nostra
natura, quemadmodum Manichęi veteres praetendebant. Quo pacto igitur haeresin
profiteremur Manichaeorum.
Elibro Augustini contra Pelagium & Coelestinum, lib. 2. cap. 33. vnicum
dictum allegabimus (è quo etiam phanaticus iste quaeda̅ verba, sed
peregrino sensu citat) in quo controuersia haec admodum dilucidè explicatur: In
hac quaestione, vbi quaeritur, non cui rei creator, sed cui rei saluator sit
necessarius, non intuendum est, quid boni insit in procreatione naturae, sed
quid in peccato mali, quo certum est vitiatam esse naturam: Simul autem vtrunque
propagatur, & natura & naturae vitium, quoru̅ vnum est
bonum, & alterum malum. Illud de conditoris largitate sumitur, hoc de
originis damnatione attrahitur. Illi est causa bona voluntas DEI summi, huic
mala voluntas hominis primi. Illud indicat DEVM creaturae institutorem, hoc
indicat DEVM inobedientiae punitorem. Denique idem ipse Christus propter illud
creandum factor est hominis, propter hoc sanandum factus est homo.
In hoc dicto agit initiò Augustinus, discrimen esse inter naturam &
corruptionem eius etiam post lapsum. Disertè enim inquit, naturam peccato esse
corruptam, Item, vtrunque propagari & naturam & corruptionem naturae.
Naturam bonam esse, quatenus natura, peccatum autem malum esse: Naturam gratia
diuina habemus: peccatum principiu̅ suum habet à prima
corruptione: Naturae causa & author est DEVS, peccati mala voluntas hominis
primi
Secundò, Christum adhuc hodiè creatorem esse humanae naturae, hominem etiam esse
factum, vt naturam illam, quam crearat, & adhuc creat, à corruptione, qua
infecta est, sanaret & liberaret. Potuisset ne autem quaeso Augustinus,
magis perspicuè veram doctrinam de peccato originis & discrimine inter
corruptam naturam & peccatum originis tradere, quàm illis ipsis allegatis
verbis ab ipso est factum?
|| [107]
Quomodo etiam maiori perspicuitate causam incarnationis Christi describere
potuisset, quàm in allegatis verbis ab ipso est factum. Et tamen phanatici isti
contendunt, Manichaeam esse haeresin, quando cum Scriptura & Augustino
docemus, Christum non hominem factum, vt peccatum ipsum redimeret &
saluaret: sed vt corruptam naturam, à peccato, quo corrupta est, liberaret:
& sic corruptam naturam iterum sanaret & saluaret. Verùm & hoc ipsum
DEVS, nisi poenitentiam egerint, iudicabit.
Symbolum etiam Nicenum docet, qui propter nos homines homo factus est: non qui
propter ipsum peccatum homo factus est, vt illud redimeret & saluaret.
Hanc nostram doctrinam confirmat illud etiam Augustini dictum lib. 4. contra
Iulian. cap. 1. cuius ipse etiam phanaticus mentionem facit. Quod malum non ex
alia substantia, quam DEVS non fecit, sicut Manichaeus insanit, nobis est
permixtum, sed per inobedientiam vnius hominis exortum & traductum, &
per obedientiam vnius hominis expiandum & sanandum est.
Initiò enim contra Manichaeos disertè docet, peccatum nullam esse substantiam seu
essentiam: sed peccatum inobedientia primi hominis exortum esse, & sic per
generationem propagatum in omnes homines, quotquot à patre & matre
concipiuntur & nascuntur. Secundò peccatum, quod non sit substantia, sed in
nostra substantia & natura insit, per inobedientiam Adae: illud obedientia
vnici hominis primi Christi abolendum & sanandum esse. Quorum neutrum
doctrinam istorum phanaticorum confirmat, qua contendunt, peccatum esse
substantiam, seu ipsam corruptam naturam: & Christum ideò venisse, vt ipsum
peccatum redimeret: verùm potiùs expressè illi contradicit, eamque damnat: verùm
coecos necesse est coecutire.
Peccatum originis, vt Lutherus Genes. 42. scribit, non esse leue aliquod malum,
quia DEVS filium suum, eam ob causam hominem fieri & mori, voluit, verum
est, Inde verò minimè sequitur, peccatum substantiam, aut ipsam corruptam esse
naturam.
Scriptura, Augustinus, Lutherus, peccatum originis amplificant, cuius auertendi
causa, filius DEI homo factus & mortuus est: Nusquam autem asserunt, ideò
illud substantiam seu ipsam corruptam esse naturam.
|| [ID00222]
Peccatum vt rectè amplificetur, necesse est id fieri, secundùm normam verbi
diuini, non secundùm figmenta istorum phanaticorum, qui asserunt, peccatum
extenuari, nisi dicatur, esse illud substantiam seu sine omni discrimine ipsam
corruptam naturam.
(Y y. iij. & deinceps)
Repetit aduersarius blasphemias suas, DEVM ipsi peccato reconciliari, illudque in
gratiam recipere: Et B B b. iij. repetit illas blasphemias, pecc atum originis
baptizari, sanctificari, illustrari & saluari. Cùm autem ad illa suprà in
altero capite solidè sit responsum, non necesse est, ea hoc loco repetere.
Nisi idem centies & saepiùs etiam in vno eodém que scripto phanaticus iste
repetat & inculcet, arbitratur, nullius esse ea ponderis. Arbitratur procul
dubio illa frequenti repetitione rerum earundem, posse se lectorem Christianum
in suas partes pertrahere, vel dubium saltem reddere. Consilium verò eius in
fumos abibit, Christiani intentionem eius videbunt & ridebunt.
(CCc. iij. fa. 1.)
Repetit illum errorem, peccatum originis seu iniustitiam, vbi regeneratum fuerit
& transmutatum, in ipsam iustitiam & imaginem DEI conuerti. Saepiùs
autem in hoc scripto solidè id refutatum est: Quare nec necessarium, hoc loco
omnia denuò repeti: & Christianum lectorem illis detineri.
(DDd. i fa. 1.)
Quaenam D. Lutheri sententia sit, de mutatione carnis nostrae, id ipsiúsmet
verbis ex explicatione 15. cap. 1. ad Corinth. Tom. 6. Ienensi, edocebimus,
verba eius haec sunt, pag. 259. Haec nostra est sententia & conclusio.
Hominis corpus immutandum esse, & speciem eam, quam iam habet, amittendam:
exceptis ijs, quae ad essentiam eius pertinent, ita vt nihil maneat, quod huius
vitae est corruptibilis: & tamen vt illud ipsum corpus & anima cum
omnibus suis membris sit & maneat, quod quisque habuit.
Ibidem, pag. 269. Graecum vocabulum quod hîc habetur, propriè significat, ita
immutare, ex loco vno transferre in alium: ex aqua in terram: ex terra in aërem.
Ita alibi etiam tum & alia ratione, idque in momento oculi erimus. Licèt
etiam alteram mutationem Qualitatis simul complectatur, de qua suprà dictum est,
corpus alia veste esse induendum, hoc est, glorificandum & illustrandum
esse, vt longè gloriosius sit ipso solis corpore.
Item, pag. 270. Hoc ipsum asserit, quod dictum paulò ante est allegatum.
|| [108]
Item, pag. 271. Non naturam odio prosequitur, sed docet, quòd eam iuuare velit,
illius hostem, mortem & Diabolum abolere, & nostrae miseriae causa verè
afficitur, cùm videat nos veneno Diaboli & morte suffocatos esse, & in
ijs malis ita detineri, vt nos ipsos inde expedire minimè queamus. Aduersus
istos, tanquam proprios suos hostes vindicare se constituit, veluti qui opus
suum infecerunt & corruperunt. Quare lethalis omninò haec est Theriaca non
in pharmacopolio, sed coelitus praeparata, & donata per resurrectionem
Christi: quae nobis minimè noxia futura est: sed illum tantùm perimet, qui illo
veneno nos infecit & corrupit. Vide reliqua.
Ex modò enumeratis verbis constat, quid Lutherus de transmutatione carnis nostrae
in resurrectione senserit. Et secundùm hanc declarationem, necesse est, dictum
etiam illud Lutheri Tom. 1. Ienensi, fol. 184. DEVM nouam & aliam carnem
creaturum, intelligi. Illam enim alterius carnis creationem, non intelligit de
essentiali immutatione, sed de totali emundatione à peccatis: quemadmodum eadem
pagina paulò ante scribit. In illo die à peccato, morte & omnibus malis
resurgemus, mundi corpore & anima, & in aeternum viuemus, &c. Et de
totali renouatione totius naturae, quoad dona & glorificationem.
Hoc ipsum confirmant testimonia Lutheri 22. Dominica post Trinitatis, Christum
corpora nostra ita emundaturum, gloria & honore exornaturum, vt conformia
futura sint corpori ipsius glorioso.
Quòd cum Manichaeis negemus, naturam à Christo non resuscitari & viuificari,
coecam naturam à Christo non illuminari, morbo infectam naturam non sanari,
nostram ingemiscentem naturam non denuò creari, nostram corrupta̅
naturam non iterum in integrum restitui, Id, sit venia dicto, palpabile &
crassum est mendacium.
Toto enim pectore fatemur, Christum nostam in peccatis mortuam naturam, Ephes. 2.
viuificare: nostram naturam coecam illustrare, Ephes. 1. Iohan. 1. 8. 12.
Nostram laborantem naturam sanare, Matth. 10. Psal. 6. Nostram ingemiscentem,
& multis miserijs onustam naturam in extremo iudicio renouaturum, & ab
omnibus istis malis penitus liberaturum, 1. Corinth. 15. Corruptam etiam nostram
naturam ab omni ista corruptione, peccato, vitiositate, emendaturum, & plenè
iustam, & sanctam, quo ad corpus & animam effecturum, quemadmodum illud
opus in nobis in baptismo inchoatur, & in extremo die perficietur. Et procul
dubio iustus iudex in illo die testimonium nobis perhibebit, nos be
|| [ID00224]
neficia eius, ne minima quidem
ex parte extenuasse, licèt cum istis hominibus insanire & blasphemare nobis
non libuerit: corruptam naturam ipsam esse peccatum originis, & peccatum in
iustitiam, essentialiter transmutari.
Non itaque Manichaei sumus: nihil etiam nobis cum impia illorum doctrina commune
est: à nullo etiam veritatis amante vlla Manichaea blasphemia obijci nobis
potest.
Quam etiam ob causam, phrases illas improbemus, peccatum est substantia, corrupta
natura sine omni discrimine ipsum est peccatum, eius è sacris literis solidas
& firmas rationes protulimus: quas portae inferorum euertere non
poterunt.
Lutheri phrases de peccato originis non reijcimus: sed illas ipsiúsmet Lutheri
verbis, secundùm illius mentem, quam perpetuò in scriptis suis retinuit,
explicamus, quemadmodum id abundè demonstratum.
Asserimus etiam, magnae esse prudentiae, agnoscere naturam extra Christum esse
peccatricem, immunda̅, corruptam: Quòd autem propriè loquendo,
ipsum sit peccatum, id secundùm Scripturam & articulos fidei iudicamus
falsum esse & erroneum.
Item, Summam purioris doctrinae esse, omnia esse peccatum, hoc est, peccato
infecta, iniusta, rea irae DEI & aeternarum poenarum, quicquid sanguine
Christi per fidem non iustificatur.
Item, Totam naturam & essentiam humanam corruptam esse. Item, Naturam hominis
malam esse, quia est corrupta. Et tamen naturam corruptam, quatenus natura,
bonam esse, quatenus corrupta, malam. Augustinus, de natura boni contra
Manichaeos, cap. 4. Mala natura dicitur, quae corrupta est, nam incorrupta
vbique bona est, sed etiam ipsa corrupta, in quantum natura est, bona est, in
quantum corrupta est, mala est.
Item, Statuimus omnia peccato infecta & mala esse, quaecunque corrupta ratio,
& deprauata voluntas in homine fingit & cogitat: priusquam homo ad DEVM
conuertatur.
Et illius etiam nos consolamur, Christum hominem pro nobis factum, nos corruptos
homines à peccato, corruptione, morte & condemnatione redemisse, vt
saluemur, Roman. 3. 4. 5. 8. 1. Corinth. 1. 1. Timoth. 1.
Quare salua conscientia calumnias istorum phanaticorum contemnimus: donec illas
Dominus ipse est refutaturus.
|| [109]
Etsi autem vicissim eos, & longè iustioribus de causis Manichaeismi arguere
possemus, quàm illi nos: maledicta tamen maledictis compensare nolumus: verùm de
his tantùm capitibus eos monebimus.
Primò, etsi non libenter audiunt obijci sibi, Diabolum, eos, creatorem statuere:
non tamen negare eos id posse, si mordicus defendant corruptam naturam sine omni
discrimine ipsum esse peccatum. Necesse est, vt asserant, cùm DEVS peccatum
ipsum non creet, Dominum DEVM corruptam naturam, quae secundùm illorum
opinione̅, ipsum peccatum originis est, non creasse, nec
creare. Quòd si igitur eam non creat: sine autem creatore existere non potest,
certum autem est, eam à Diabolo originem suam habere, necessariò Sathanas
creator erit corruptae naturae, quae secundùm illorum opinionem sine omni
discrimine ipsum peccatum est. Haec enim Regula immota est, DEVM peccatum non
creare. Quòd si igitur corrupta natura est ipsum peccatum, DEVS illam non
creauit.
Quemadmodum etiam praeterire non possunt, necesse est, vt Sathanam creatorem
constituant, si illas phrases defendere pergant, Sathanam nos homines
trucidasse, essentialem formam & speciem hominis aboleuisse: & in nouam
essentialem formam seu speciem transmutasse, ita vt homo essentialis iam sit
imago Sathanae. Essentialem enim nouam formam aut speciem introducere opus
tantùm illius naturae est, quae est omnipotens. Hoc efficere si potest Sathanas,
necesse est secundùm illorum figmentum, omnipotentia eum praeditum esse. Si est
omnipotens, necesseest esse DEVM & creatorem.
Secundò, transforment se quacunque ratione velint, negare non possunt, hanc
doctrinam, quae asserit, peccatum originis esse substantiam, Manichaeam esse:
& Augustinum eam in Manichaeis passim in suis scriptis damnasse. Augustinus
ad Quod vult DEVM, de haeresibus, lib. 2. contra Iulian. lib. 5. contra Iulian.
cap. 4. contra Secundinum Manichęum cap. 12. &c. Testimonia illa suprà sunt
allegata, quare non necesse est, ea hoc loco repeti. Et hinc factum est, illos
hanc phrasin, peccatum est substantia, qua Illyricus initiò vsus fuit, non
ampliùs vsurpare, sed hanc substituere, corrupta natura est ipsum peccatum, quae
aequè atque illa Manichaeismum redolet.
Tertiò, id etiam Manichaeum est, inuoluant id quo pacto tandem velint, quod
fingunt in omnibus renatis duas esse distinctas formas essentiales animae, vnam
veteris, alteram noui hominis, quam in regeneratione accipiat, & nouum atque
veterem hominem non qualitatibus,
|| [ID00226]
corruptione, vitiositate, seu bonitate discerni: sed essentialiter: ita enim
Manichęi etiam docuerunt, quem ad modumapud Augustinum de haeresibus & lib.
24. contra Faustum Manichaeum, & alibi est videre.
Quartò, nec illud negare possunt, quòd cum Manichaeis inficiantur, peccatum esse
accidens malum. Quare quod hanc etiam partem, eundem cum Manichaeo errorem
fouent, qui Augustini tempore annis ab hinc 1200. à tota Ecclesia fuit
damnatus.
Haec cùm ita se habeant, viderint, quomodo à furoribus Manichęis se liberent,
& illis se purgent. Certum est, de illis eos se expedire non posse, quandiu
quatuor illa capita non retractant, nec denuò ad sanam & puram doctrinam
nostram accedunt. Quare Cassiani dictum, rectè in eos quadrat, in Manichaei
cineribus ignem eos quaerere, & de nouo Manichaeos carbones fouere &
suscitare. Id enim omnibus agunt viribus, quemadmodum hactenus in toto hoc
scripto abundè & solidè id contra eos comprobatum est. Nobis Manichaeum
errorem, sine tamen fundamento libenter obtruderent: & ipsi toti in eo sunt
immersi.
Cùm autem phanaticus ille vlteriùs progredi nequeat, tandem omne venenum suum
denuò aduersus Ecclesias nostras euomit: & repetit, quae suprà etiam, in
blasphemo libello profuderat: nos extenuare & negare gratiam DEI in Christo
promissam: incarnationem Christi eiúsque meritum: opus illud gratiae Spiritus
sancti in regeneratione. Cùm autem calumniae illae, suo loco, quo prolatae sunt,
DEI beneficio, solidè & firmiter sint refutatae, non necesse est, eadem hoc
loco repetere.
Commixtionem Manichaeorum saepiùs hactenus reiecimus. Quemadmodum Sophistarum
etiam doctrinam, naturam, naturales vires integras & illaesas mansisse.
Erasmi modiculum, hoc est, liberam voluntatem, aliquid adhuc in rebus
spiritualibus posse, priusquam homo conuertatur, reijcimus, & secundùm
verbum DEI improbamus.
Synergismus in libro Concordiae expressè damnatur.
Similiter Maioris etiam propositio: Bona opera necessaria esse ad salutem: &
qui praesentiam operum in actu iustificationis requirunt.
Antinomorum etiam doctrina in libro Concordiae reijcitur.
Licèt etiam cum istis hominibus non insaniamus, asserendo liberos in vtero matris
ipsum esse peccatum, sed doceamus, peccatores, immundos, corruptos, &
iniustos esse: non tamen probamus, Anabaptista
|| [110]
rum & Cinglianorum
errorem, qui docent, liberos è fidelibus parentibus natos etiam ante baptismum,
esse sanctos: sed illam reijcimus.
Sophistarum doctrinam de mutatione qualitatum, & leui naturae vitio, saepiùs
in hoc libro improbauimus, & econtrà testati sumus, nos toto pectore credere
& docere, peccatum originis non esse leuem aliquam qualitatem, & vitium
in homine, quemadmodum color in pariete, vt Sophistae statuunt & Iesuitae
etiamnum docent: sed immensum esse & ineffabile malum, profundam esse
corruptionem totius naturae: cui malo nullum aliud possit adhiberi remedium,
& corruptionem à corrupta natura seu homine tolli non posse, quàm sola morte
& effusione preciosissimi sanguinis, resurrectione & merito totius IESV
CHRISTI filij DEI.
Vt autem cum istis hominibus nugemur, regenerationem essentialem mutationem in
homine introducere, ita vt homo regeneratus essentialiter aliam essentiam,
formam, speciem, naturam animae accipiat, & quae his similes sunt aliae
diabolicae ineptiae, &c. id nequaquam facere possumus, eas ob causas, quas
in scripto nostro reddidimus: nunquam etiam, DEI beneficio, id facturi
sumus.
Corruptam naturam minimè probamus & laudamus: multò minùs ab omni eam culpa
& peccato liberamus: verùm credimus, confitemur & docemus, DEVM toti
homini, quoad corpus & animam, totámque ipsius naturam, irasci, & ita
grauiter irasci, vt totum hominem, seu humanam naturam & essentiam, aeternae
morti & condemnationi, subiecerit, nisi homo ad DEVM conuertatur & per
Christum, remissionem peccatorum fide impetret.
Et hanc iram suam mundo, Rom. 1. reuelat & annunciat: vult omnes homines
miseriam illam toto pectore agnoscere & fateri.
Quòd autem ratione naturae irascitur, id non ex eo est, quod natura est, & ab
ipso est creata, seu quod sine omni discrimine ipsum est peccatum: sed inde,
quia peccato infecta, iniusta, , legi DEI repugnat,
& tota omni ex parte est corrupta. Vnde Paulus inquit Rom. 1. Iram DEI de
coelo reuelari, super omnem impietatem & iniustitiam hominum. Vn de
manifestum, DEVM iram suam non reuelare super homines, quòd homines & DEI
creatura sunt: sed ideò, quia impietas & iniustitia ipsis, seu naturae
ipsorum inhaeret. Et Lutherus contra Latomum scribit: Lex aliternon tractat
peccatum, quàm vt ipsum reuelet. Rom. 3. Per legem cognitio peccati: quae
cognitio duo docet, corruptione̅ naturae & iram DEI.
|| [ID00228]
Ibidem: Lux legis nos erudit, &
sub corruptione & ira nos esse docet. Ex quibus iterum constat, DEVM iram
suam per legem contra naturam, non eam ob causam reuelare: quòd natura &
creatura est: sed quia corrupta est. Eam enim ob causam toti naturae nostrae
irascitur.
Quòd si autem secundùm opinionem istorum phanaticorum, corrupta natura sine omni
discrimine, ipsum peccatum esset: non dicendum fuisset, DEVS de coelo iram suam
reuelat super omnem impietatem & iniustitiam hominum, sed DEVS reuelat iram
suam super naturam seu aduersus homines, qui peccatum, impietas, iniustitia ipsa
sunt: & sic necesse foret, peccatum & hominem vnum & idem esse.
Non etiam dicendum fuisset, lex reuelat corruptionem naturae, &c. sed
reuelat, corruptam naturam peccatum ipsum esse, & corruptionem atque
corruptum seu hominem, humanam naturam & ipsum peccatum, sine discrimine,
idem esse.
Quòd si etiam corrupta natura sine omni discrimine ipsum peccatum esset, Luth.
Tom. 2. German. in 15. cap. 1. ad Corinth. pag. 271. verè scribere non
potuisset, DEVS non naturae irascitur, sed ostendit, quod illam iuuare, hostem
verò, eius mortem & Diabolum compescere velit. Sed ita ei scribendum
fuisset. DEVS corruptae naturae ipsi tanquam originis peccato irascitur: nec eam
vult iuuare, peccato enim irascitur: & nusquam in sacris literis promisit,
quòd peccatum iuuare velit. Illúdque ab hostibus suis, morte & Diabolo
eripere. Item Augustino tractat. 41. in Iohan. scribere non licuisset. Quomodo
odit medicus aegritudinem aegroti, & id agit curando, vt aegritudo pellatur,
aeger leuetur: sic DEVS gratia sua hoc in nobis agit, vt peccatum consumatur,
homo liberetur.
Sacra Scriptura nusquam asserit, mortem & Diabolum ipsi peccato repugnare,
illúdque odisse, & DEVM ipsum peccatum ab hostibus suis, morte &
Diabolo, esse liberaturum: Verùm hoc asserit, se corruptam naturam, seu
corruptu̅ hominem esse adiuturum, & se illam, per
dilectu̅ filium Dominum nostrum Iesum Christum, à peccatis
suis saluaturum: & ab hostibus suis morte & Diabolo erepturum.
Nec sunt hae contradicentes phrases: DEVS non est naturae inimicus: sed illam
vult iuuare.
DEVS enim non naturae simpliciter, quatenus natura & creatura est, sed
secundùm quid, propter peccatum seu corruptionem, quo turpiter deprauata &
ab ipso alienata est, irascitur. Quando igitur consideratur ratione corruptionis
& immundiciae, qua est polluta, rectè dicitur,
|| [111]
DEVM naturae irasci: quando
autem consideratur, quatenus est natura, & quatenus etiamnum natura,
creatura & opus DEI est: rectè dicitur, DEVM illi non irasci, sedvelle eam
iuuare, ab omnibus peccatis emundare. 1. Iohan. 1. ab omnibus peccatis
saluare.
Non enim apparuit filius DEI, & in hunc mundum venit, vt naturae, quatenus
natura est, irasceretur, eam damnaret, aut vt hominibus, quatenus homines,
irasceretur, eósque perderet: sed vt naturam, quatenus natura, & homo,
quatenus homo, à peccato, quo infecti sunt, redimeret, & salute donaret
aeterna, 1. Iohan. 3. 1. Timoth. 1. Matth. 20. Et Augustinus contra Pelagium
& Coelestium, lib. 2. cap. 40. DEVS hominem damnat proptervitium, quo natura
dehonestatur, non propter naturam, quae vitio non aufertur, &c. Hoc
verissimum est, & in aeternum verum erit, etiamsi contra id vehementius
etiam phanatici isti insurgerent & tumultuarentur.
Verissimum statuimus, Lutheri prophetiam veram esse, DEVM veram Christianam
religionem, nobis Germanis denuò erepturum, propter nostram ingratitudinem,
securitatem, & prudentiam sapientum coram mundo. Huius autem non minima isti
phanatici sunt causa, dum blasphemum istum errorem, corruptam naturam sine omni
discrimine ipsum esse peccatum, Christum aliam carnem & sanguinem
assumpsisse, quàm nos habemus: peccatum ipsum redemptum esse, illud baptizari,
saluari & peccatum ipsum in essentialem iustitiam transmutari, & quae
his similia, non sine summo offendiculo & perturbatione totius Ecclesiae
Christianae, sine intermissione vrgent & propagant. Quare vt sibi ipsis
diligenter attendant, habent. DEVS enim has horrendas blasphemias non semper,
nisi in tempore poenitentiam egerint, ita impunitas dimittet: quemadmodum irae
illius euidens documentum, quòd horrenda coecitate ita percussi sunt, vt ipsimet
no̅ intelligant, quid asserant aut sentiant.
Illos, qui hactenus, illis blasphemijs sese inuolui passi sunt, propter DEVM,
& propriam ipsorum salutem, monitos volumus, vt hoc scripto, in quo sacra
doctrina articuli de peccato originis, ex verbo DEI, contra phanaticorum
calumnias, deprauationes, & figmenta, defensa & solidè declarata est,
informari se patiantur, à blasphemijs illis recedant, & ad sanam doctrinam
accedant.
Pro nostra persona, hilari conscientia profiteri possumus, DEVM nobis, verbum
ipsius & veritatem in conspectu fuisse: nullo odio aut si
|| [ID00230]
multate, aduersus personas
quicquam scripsisse, aut asseruisse: sed solam veritatem propagare, & ab
erroribus, qui ab aduersarijs subintroducuntur, vindicare voluisse.
Extremò, rogamus DEVM patrem omnis misericordiae, per dilectum filium, vnicum
nostrum mediatorem IESVM CHRISTVM Dominum nostrum, vt omnes eos, qui errore illo
occupati & turbati sunt, in viam reuocet, & veritatem suam, aduersus hos
& similes errores, immotam & inuiolatam conseruet, & ad posteritatem
propaget, AMEN.
SOLI DEO HONOR ET GLORIA.