|| [ID00003]
Ein Sermon von der heiligen Christ lichen Kirchen / durch Alexium Crosner von
Colditz auff dem Schlos zu Dresden jnn Meissen / gepredigt.
Vorrede Martini Luther.
ES haben die Papisten einen newen artickel jm glauben auffbracht / der heisst /
Wir geistlichen sind die heilige Christliche kirche / vnd malen sich jm schiffe
sitzen / vnd die andern Christen jm meer schwimmend vnd ersauffend / Darauff
stehet alle jhr gebew mit leren vnd leben / Vnd schliessen daraus / das sie gar
nicht jrren können / Sondern was sie leren vnd thun / das sey eitel recht vnd
artickel des Christlichen glaubens / Den̅ die Christliche kirche
sey so heilig / das sie nicht jrren müge weder jm leben noch leren / so gewis
regirt sie der heilige geist. Da der artickel jnn seiner macht stund vnd
herrschete / da hatten sie gut thun / Was sie wolten / das muste recht odder
vnrecht sein / wie wir allzu mal vnd leider allzu wol erfaren haben / Vnd wo er
auch noch heutiges tages mocht beweiset werden / So musten wir lassen gehen vnd
geschehen alles was sie wolten.
Aber nu sind die früchte der geistlichen / beide mit leren vnd leben / so helle
am tage / das sie selber müssen bekennen / vnd bekennens auch / das es nicht
heilig / sondern schedlich ergerlich böse ding sey / vn̅ müge der
heiligen Christlichen kirchen nicht zu gemessen werde̅ / Darumb
wol von nöten ist / zu erkennen / was doch die heilige Christliche kirche sey.
Wo es die geistlichen sind mit jrer rotten / So hat der teufel gewonnen / vnd
wir beide Gott vnd sein wort verloren / Denn wo sie
|| [ID00006]
gleich auffs aller grewlichst
jrreten / Wer wil sie des jrthumbs zeihen odder vrteilen? Füret man Gotts wort
wider sie / So können sie sagen / Wir mügen nicht jrren / wir sind die heilige
kirche / Vnd mus also aller jrthum frey vnd vngestrafft / fur heiligthum
gehalten werden.
Aus dem mus folgen / das jr geitz / hurerey vnd ander laster / mussen eitel
tugende sein / Denn wo du woltest sagen / Inn etlichen stücken vnd
offenberlichen lastern / so wider Gottes wort sind / kan man sie wol zeihen /
vrteilen vnd straffen / als die hurerey / mit dem sechsten gebot / vnd mit S.
Paulus spruchen. Das hellt vnd schafft nichts / Denn da sie offentlich wider
Gottes wort / die eine gestalt des Sacraments verdammen vnd verbieten / wollen
sie mit solchem Gottes wort vngeurteilt vnd vngestrafft sein / Sondern sagen /
die kirche könne hierinn nicht jrren / ob sie gleich / widder Gottes wort thut /
vnd haben dagegen die Einsprechung des heiligen geists. Mügen sie nu widder
solchen grossen hohen artickel des Sacraments handeln vnd sagen / Wir mügen
nicht jrren / der heilige geist regirt vns / Also / wie viel mehr / mag ein
Pfaff ein hürlin haben / widder das geringer / gebot Gottes / vnd sagen / Ich
kan nicht jrren / der heilige geist regirt mich also / Können sie aber das nicht
thun / jnn eim geringern artickel / wie solten sie es denn thun mügen / jnn so
grossem hohen artickel?
Darumb hab ich diesen Sermon Magister Alexij wollen aus lassen gehen / auff das
ein jglicher hin furt zu sehe / odder lerne / Was doch die heilige Christ
|| [ID00007]
liche kirche heisse vnd sey
/ Wo das recht wol erkant wird / so hat man einen grossen tröstlichen schutz
widder alle falsche lere / Denn freylich mus das war sein / Das die Christliche
kirche heilig sey / vnd nicht jrren müge jm glauben / weil sie mit Christo ein
leib vnd ein geist ist / Aber hie mus man warlich mit vleis auch mercken vn̅ wissen / Was heilig heisse / vn̅ was jrthum jm
glauben heisse / Denn vnser Papisten leren vns noch heutiges tages / kein ander
heiligkeit / denn die jnn vns ist vnd mit wercken erlanget wird / So doch hie
gar ein scharff vn̅ gewis vnterscheid zu halten ist / zwisschen
werck heiligkeit vnd kirchen heiligkeit / vnd zwisschen glauben vnd wercken
odder leben.
Denn das mus man ja bekennen / das die kirche / nicht durch werck odder verdienst
die heilige kirche worden ist noch werden kan / was were sonst Christus mit
seinem tod vns not odder nutze? So kan die heilige kirche auch des lebens halben
nicht on jrthum vn̅ sunde sein / Sonst müste sie liegen vnd Gottes
spot ten / wenn sie jm Vater vnser bettet / Vergib vns vnser schuld / Vnd
Christus selbs müste auch liegen / Da er seine lieben Apostel die heilig waren /
nennet / jr seid böse / vnd vnuerstendig etc. Vnd kan ja kein heilige sein / der
das Vater vnser nicht beten müsse / dazu die kirche gantz vnd gar / wenn sie
gleich am heiligsten ist / mus sie es auch beten / Sihe / solchs haben die
Papisten nie bedacht / plumpen ein hin vnd machen eitel werckheiligen jm himel /
Vnd vnter so viel legenden der heiligen / ist nicht eine / die doch ein mal
einen heiligen beschriebe / der nach der Christlichen heiligkeit / odder nach
des glaubens heiligkeit / heilig
|| [ID00008]
gewest were / Alle jre heiligkeit ist / das sie viel gebettet / gefastet /
geerbeitet / casteyet / hart gelegen vnd gekleidet gewest sind / Welche
heiligkeit schier all zumal / auch ein hund vnd saw teglich vben kan.
Darumb müssen wir anders von der sachen reden / vnd wissen / die Christliche
kirche sey heilig / nicht jnn sich selbs / sonderlich jnn diesem leben / Sondern
jnn Christo / Vnd ist eine gnaden heiligkeit hie angefangen / vnd jnn jhener
wellt volnbracht / Aber jnn sich selbs ist sie noch nicht heilig / wie S. Paulus
Rom. 6. vnd. 8. klerlich von allen Christen leret. Doch wirstu jnn diesem Sermon
weitern sinn wol finden / Gott helff vns allen bey der reinen warheit zu bleiben
bis ans ende / Dem sey lob vnd danck jnn ewigkeit / AMEN.
|| [ID00009]
|| [ID00010]
|| [ID00011]
Dem durchleuchtigen Hochgebornen Fürsten vnd Herrn Herrn Georgen Hertzogen zu
Sachssen / Landgrauen jnn Döringen / vnd Marggrauen zu Meissen / meinem gnedigen
Herrn.
GOttes gnad vnd fried durch Ihesum Christum / vnd jnn dem selben mein armes
vermögen vnd alles gut.
Durchleuchter Hochgeborner / Fürst Gnediger herr. Dis ist mein Sermon von der
heiligen Chri stlichen Kirchen / von dem meldung geschehen ist jnn(Sermon von der kirchen. Sermon vom Sacrament.)
auch meinem Sermon vom heiligen Sacrament des waren leibs vnd bluts Christi.
Aus welchem E. F. G. so jnn allwege nicht vnbillich auff die kirch referirn vnd
sich beruffen / gnediglich haben zuuernemen / welcher grosser vnterschied sey
zwüschen der Christlichen vnd Bebstischen kirchen / beuor wie es jtzt vmb
dieselb Bebstische kirch gethan ist /(Vnterschied der
Christlichen kirchen vnd Bebstischen kirchen.) Warlich / das die
Christliche Christi / vnd die Bebstische Antichristi ist / vnd also folgend
ferrer denn himel vnd hell von einander gesondert.
Vnd für der / welch eine vnchristliche kirch die ist / so das heilig Sacrament
des waren leibs vnd bluts Ihesu Christi (das gantze einige gleichformige
geheim(Eine gestalt des Sacraments. Nota.)
nis vnd werck vnserer erlösung) widder Christus ordnung vnd einsetzung / vnd
widder sein wort vnd that / den Leyen / so man also nennet / also freuelich vnd
mutwilliglich jnn eine gestalt des leibs allein / stückt vnd gibt etc.
Denselben Sermon wollen E. F. G. mit gleichem gnedigem gemüt / wie den vom
Sacrament / annemen /
|| [ID00012]
(Letzte stündlin.) Vnd damit sie jn jtzt jrem
letzten drum vnd stündlein / jrer alten vn̅ gantz kurtzen
lebentage / jn̅ der waren kirchen (jnn welcher allein heil ist /
wie ausser derselben (Inn der waren kirchen heil /
ausser der selben verdamnis.) verdamnis) befunden werden / gnediglich
geruhen / nu entlich Gott die ehre zugeben / vnd daraus mehr einen Gottseligen
waren Catholicum vnd kircher / denn einen Gottlosen falschen Papisten / fur Gott
vnd aller welt / zu jrer eigner vnd aller jrer verwanten seligkeit / gnediglich
vnd Christlich sich zubeweisen / Durch Ihesum Christum vnsern Herrn vnd heiland
Amen.
Geben zu Aldenburg / am geburts tag vnsers Herrn Ihesu Christi / jm M. D. XXXj.
jar.
E. F. G.
Vntertheniger williger / Etwa Hoffprediger.
Alexius Crosne von Colditz.
|| [ID00013]
Ein Sermon von der heiligen Christlichen Kirchen / auff das Euangelion Matthei
am xvj. cap. Du bist Petrus etc. an S. Peters vnd Pauls tag / jm M. D. XXVij.
jar / auffm Schlos zu Dres den / Durch Alexium Crosner von Colditz / die zeit
Hofsprediger daselbs gepredigt / vnd jtzt jm XXX j. jar / erstlich gedrückt vnd
ausgangen.
VOn der waren heiligen gemeinen Christlichen(Vier
Artickel dieses Sermons.) vnd Apostolischen kirchen / zu erklerung
dieses Euangelions / wollen wir / mit Gotts gnaden / Vier Artickel handeln.
Erstlich / warumb die kirch also genant(I.)
werd.
Zum andern / was die kirch an jrselbs / vnd wer jr(II.) heubt sey.
Zum dritten / worauff sie stehe / vnd gegründet sey /(II.) Entweder auff S. Peter / der ein Fels gedeutet wird / als auff
einen menschen / vnd also folgend auffn Babst / welchs Stulerbe (ich hett bald
gesagt Stulrauber) Stadhalter / odder nachfolger er sich angibt / Odder aber
warhafftiger auffs bekentnis seines glaubens / jnn den waren felsen Ihesum
Christum.
Vor das Vierd / was der kirchen gewalt / odder rechter(IIII.) der kirchen dienst vnd ampt sey / durch die Schlüs sel bezeigt
/ vnd wem derselb gewalt odder dienst geben sey / Entweder dem einigen einzelen
Petro / vnd durch jnen dem Babst vnd priestern / odder aber warhafftiger der
einigen einzelen kirchen / vnd durch sie allen gleubigen jnn gemein.
Vom ersten.
(I.)
Als von der kirchen namen / jm Euangelio jm(Worumb die
kirch also genant wird.)
|| [ID00014]
wort Kirch gegründet / Ist niemands
verborgen / das Ecclesia ein griegisch wort ist / welchs zu latein Concio /
odder Communio / auff deudsch eine Gemein / odder versamlung / vnd also die
gantze Christenheit heist.
Das aber die selb Christenheit / nach griegischem wort / auff vnser deudsch auch
Kirch genant wird / ist nicht fast gereym. Denn Kirch jnn griegischer sprach /
(Kirch.) heist eines grossen herrn haus /
Dauon entstehet / wenn man Kirch sagt / das allein das Materlich / vnd eusser
höltzen odder steinen haus vnd tempel / darinn wir zusamen komen zubeten / Gotts
wort zuhören / vnd die Sacrament zuhandeln / vnrecht verstanden wird. Dieweil
(Christenheit.) es aber also starck jm brauch
ist / las ichs bleiben / Jedoch das die Gemeine odder Christenheit dadurch
alzeit vernomen werd.
Das sey vom Ersten / als vom namen der kirchen / warumb sie also genant /
kürtzlich gesagt.
Vom andern.
(II. Was die kirch vnd jr haubt sey.)
Was die kirch an jr selbs / vnd wer jr heubt sey / gegründet jnn diesen worten
des Euangelions / Du bist Christus des lebendigen Gottes son.
(Diekirch erke̅nen / mus zuuor Christus
erkant sein.)
Von der kirchen eigentlich / vnd wie man sagt / aussem kern / vnd von der wurtzel
vnd grund zureden / mus jm der mensch zuuor Christum (als von dem die kirch
anfenglich gepflantzt / vnd versammelt / vnd also derselben erster heubtsacher /
bawmeister / vnd stiffter ist) (Christus der kirchen
stiffter.) rechtschaffen furbilden / das er wisse was er sey.
Wie denn auch Christus selbs jnn diesem Euangeli / Petro von der kirchen zuuor
vnd ehr nichts sagen wolt / er hatte jn denn zuuor / erstlich / vnd öffentlich
erkant vnd bekant wer er war / da er sprach jnn seinem / vnd aller Aposteln /
vnd also volgend jnn der gantzen kirchen vnd aller Christen namen / Du bist
Christus des lebendigen Gottes son / Das ist / du bist Gott vnd mensch /
Matthei. xvj.
|| [ID00015]
Dadurch er angab / dieweil er Gott wer / wer er ein geist / geistlich /
vnsichtbar / vnd vnbegreifflich / Das er aber ein mensch / wer / er ein leib /
leiblich / sichtbar / zubegreiffen / vnd zuhandeln.
Demnach / müssen wir nach gleichnis seines geistlichen(Gottes werck geistlich vnd leiplich.) vnd leiblichen wesens / sein
vornemlich werck auch ermessen vnd ansehen / Also das dasselb geistlich vnd
leiblich sey / nach dem er Gott vnd mensch / geist vnd leib ist.
Wie er vns denn auch sein gantz Euangelion / ia alle seine wort vnd werck vorhelt
/ darzu er vns itzt mit geistlichem / itzt mit leiblichem furet / als der beiden
leib vnd geist dienen vnd helffen wil / vornemlich durchs leibliche jns
geistliche zukomen.
Darumb er auch endlich mensch worden ist / one(Durch
Christusmenscheit wird Gott erkant.) welche seine menscheit / wir Gott
vnd sein werck / nicht hetten fassen noch erkennen mögen. 1. Cor. 1. Roma. 1
Also auch Johannis am vj. cap. speiset er leiblich(Geistliche vnd leibliche speis jnn S. Johans Euange lion.) funff
tausent man / mit funff gersten brod / vnd zweien fischen / vnd die seel
geistlich / mit seinem fleisch vnd blut / dadurch beide / den eussern vnd jnnern
menschen zuuersichern / das er sie semptlich / reichlich versorgen vn̅ enthalten wil / Wie den bauch mit leiblicher speise eusserlich
vnd zeitlich / Also die seel mit geistlicher speise jnnerlich vnd ewiglich.
Des gleichen andere viel mirackel / die er leiblich(Leibliche mirackel Christi / geschehen an vns geistlich.) than /
werden an vns geistlich erfullet / Als wie er die leiblich blinden hat sehend
gemacht / Also die wir geistlich blind sein / werden jnn Gotts erkentnis / durch
seine reiche gnad des worts teglich erleuchtet / Die wir jnn sund gestorben /
vnd gantz tod sind / werden jnn gnaden zu einem Gottformigen leben erweckt / vnd
also furt an.
Also auch von der kirchen / müssen wir reden zweierley(Zweierley kirchen.) weise / Nemlich / das sie sey eusserlich vnd
jnner
|| [ID00016]
lich / odder
leiblich vnd geistlich / nach dem bild vnd glei chnis jres heubtsachers /
werckmeisters / ersten pflantzers (Zweierley
mensch.) / bawmeisters odder stiffters / Ihesu Christi / wie er Gott
vnd mensch / leib vnd geist ist / vnd der mensch nach seinem gleichnis / auch
ist leib vnd seel / das ist ein eus serer vnd jnnerer mensch.
Des gleichen / wie sein wort / dadurch er die kirch (Zweierley wort.) erstlich versammelt hat / vnd ewiglich regirt vnd
enthelt / Ein eussers vnd jnners / ein geistlich vnd leiblich wort ist / Das
eusser / welchs jm eussern leserlichen buch staben der schrifft stehet / vnd ist
nicht das furnemist wort / Das jnner aber / welchs das ware wort / ist / die
substantz / der vnsichtbar syn / vnd lebendige meinung Gottes / durchs eusser
wort / als durch ein instrument ausgesprochen vnd angezeigt.
(Eine kirch / zwifeidigs an sehens.)
Doch also eigentlich zuuernemen / das allein eine einige / gemeine / heilige
Christliche Apostolische kirch sey (wie die Gottheit vnd menscheit eine person
jnn Christo geben / vnd leib vnd seel einen gantzen menschen (Vnterschiedliche werck / wie jnn Christo / also auch jnn
der kirchen.) an vns / vnd buchstab vnd meinung ein gantz wort) vnd
allein der wirckligkeit vnd vbung halben / jnn eine eussere vnd jnnere
vnterschieden (Als denn auch jnn dem einigen Christo vnterschiedliche wirckung
der Gottheit vnd menscheit / als da sein almacht vn̅
barmhertzigkeit / befunden werden Marci am viij. cap.) Also das das leibliche
der eussern / vnd das geistliche der jnnern kirchen geeygent / vnd zugelegt werd
/ Vnd wie der jnner mensch dem eussern obligt vnd den selben regirt / (Die geistliche kirch / ist vber die leibliche.) vnd
das fleisch dem geist vntertheniglich geleben vnd volgen sol / Also auch sol
sich die eusser kirch / nach jrer weise / der jnnern allenthalb vergleichen
vn̅ vntergeben.
Aus diesem folgt / das die eusser leibliche kirche / (leibliche kirch. Eusser vnd) wie die menscheit Christi / ia als vnser
eigner leib / vnd eussers wort / sichtbar / zuhören / zubegreiffen / vnd zuhan
deln / Auch an person zeit / stad odder stell / hie vnd dort /
|| [ID00017]
jnn der welt zu strawet ist / vnd
wandelt allenthalb eus serlich / dem eussern groben menschen / vnd vnserm leib
zu gut / den selben jnn die jnner vnd geistliche kirch zufuren.
Wie denn der eussern kirchen Gotts dienst / an sich(Der
eussern kirchen Gotts dienst / ist nicht der rechtschaffene.) selbs
nicht der rechtschaffen ist / darin die gerechtigkeit vnd fromigkeit / so fur
Gott gelten / vnd volgend die seligkeit / vornemlich stehen / sondern allein
eine wegeleitung dazu / wie eine hand odder zeichen am wege / die selbs nicht
von stad kommet / aber forder zukomen an weiset.
Diese eussere kirch / hat jre Ceremonien / kirchenbreuch(Die eusser kir ch hat jre statut / ordnung /
Ceremonie̅ etc.) / statut / satzung / vnd ordination
/ nach zeit / stell vnd person / bequemlich zuorden / auff vn̅ ab
zusetzen / Gleich sam der eusser leib / zu seinem wesen ordentliche bequemigkeit
hat / als schlaffen / wachen / essen / trincken / arbeit / ruhe / jedes zu
dieser vnd jhener gelegener zeit vnd stell etc. Vnd wie er one dieselb seine
bequemigkeit / gedeilich nicht mag bestehen / Also auch nicht diese eussere
kirch / ia das gantz menschlich leben / sonder gute ordinantz vnd regiment.
Darumb haben die heiligen veter vnsere altfodern / jnn der ersten kirchen / gar
mit grossem vleis / etliche(Ceremonien von Vetern
ausgesatzt.) besondere ordnu̅g / statut / vn̅ Ceremonien / dem rech ten Gottes dienst vnd wort auffs
allergemessest / geordent vnd ausgesatzt.
Aber nicht wie jtzt / das man den gewissen (die(Die
gewissen verstricken.) Christus mit seinem blut hat frey gemacht)
damit einen strick an hals würff / das ist / das die jhenen so sie halten /
selig sein / vnd verdampt / die sie nicht halten / Wie sie denn bis her bey
todsund / ban / gehorsam / vn̅ grossem zwang / vnd Gottes zorn /
vnrechtlich vnd widder Gott / geboten sind etc.
Sondern viel mehr / das sie jnn der eussern kirchen(Ceremonlen an stad der dis ciplin.) sein / wie eine disciplin /
ordination / zucht / vnd erbar
|| [ID00018]
keit
(Gleichnis.) / Als jnn einer wolgeordenten policey
vnd Commun / da gewichte / mas / elen / burgerliche gesetz / vnd alles das
gemeinen nutz fordert / ordentlich vnd wol versehen ist / Deut. xxv. cap.
Odder als jnn eines vorsichtigen hausuaters haus / alle ding wol geordent sein /
vnd die gantze familia odder hausgesind / geberdig / wolgezogen / sitsam /
tugentlich / erbarlich vnd Gottseliglich lebt / zu gutem vnd vnstreff lichem
exempel vnd vorbild / allen menschen.
(Ceremonien S. Pauls.)
Also leret Paulus. j. Cor. xj. Die menner die da beten odder weissagen / das sie
jre haubt nicht decken sollen / die weiber aber sollens decken / des gleichen j.
Cor. xiiij. Das jr zwene odder drey weissagen sollen / vnd die andern richten
vnd erkennen / die weiber aber sollen stil schweigen.
Was ist das anders / denn das jnn dieser kirchen Ceremonien / vnd eine
sewberliche feine disciplin / vnd gute ordnung sein sol? Damit alles besserlich
/ erbarlich / vnd ordentlich zugehe / wie er denn jnn diesem capitel
beschleust.
(Ceremonien sind nötig.)
Sehet / also / müssen wir jnn dieser eussern kirchen gute ordnung / satzung / vnd
Ceremonien haben / zu erinnerung vnd anleitung des eussern fleischlichen groben
menschen / der als ein blinder / forder denn man jn bey (Gleichnis.) der hand leitet / nicht komen mag / so
wir anders vernünfftige menschen / vnd nicht vnbelebte / sinlose bestien sein
wollen / wie denn gantz rauchlose leichte leute / an den orten befunden werden /
da alle gute ordnung nidergelegt / vnd diese kirchenbreuch abgeschafft vnd ab
than sein / so man doch der selben fast als wenig geraten mag zu eusserm guten
wandel / als der leib schlaffens vnd wachens / essens vnd trinckens / wie gesagt
/ Denn weren wir nicht blut vnd fleisch / sondern eitel geist / möchten wir
essens vnd trinckens / dieses vnd anders / entraten.
|| [ID00019]
Darumb / wer jm vornimet allenthalb one solche(One
Ceremnien leben / ist gleichsam one leib leben.) eussere kirch / vnd
gute Christliche ordination derselben zuleben / dieweil er alhie jm fleisch ist
/ thut eben als der nicht ein mensch sein wil vnd leben / Sondern den leib von
der seel reissen / odder wie Paulus sagt. j. Cor. v. Aus der welt gehen / vnd
eitel purer vnd lauter Engel vnd geist sein / vnd also fliegen one flugel / vnd
ehe denn die selben gewachsen sein.
Als denn auch die jhenen / so die Cerimonien vnd(Verachter der Ceremonien / machen Ceremonien.) ordnung der kirchen
verwerffen / wie sie dieselben verwerffen / dennoch teglich newe auffrichten /
damit sie an zeigen / das man derselben je nicht mag vberig sein / zum wenigsten
die iugent vnd einfeltige menschen / auch den groben Her omnes vn̅
pofel damit erbarlich vnd sitlich(Was die Ceremonien
nützen.) zuleiten / vnd jm zaum zuhalten.
Doch sol man fur allen dingen wol gewar nemen(Wie die
Ceremonien sollen gebraucht werden.) derselben Ceremonien / statuten /
vnd eusserer ding dieser kirchen / das man je die rechtfertung vnd seligkeit /
(welche allein stehet jm glauben auff Ihesum Christum Ro. j. iij. x) darein
nicht setze / wie oben gesagt /(Das gesetze zeigt sund
/ vn̅ auff Christum.) sondern sie treibe vnd vbe / wie
Mose vnd die Propheten das gesetz / welchs / wiewol es von Gott geben war /
dennoch nicht rechtfertiget vnd seliget / sondern allein die sund zeiget / vnd
vmb hülff / gnad / gerechtigkeit vnd seligkeit / auff Ihesum Christum
weiset.
Vnd das man sie nicht fur notwendig zur seligkeit(Ceremonien seligen / noch verdammen.) achte / so sie gethan / odder
verdamlich / wenn sie nicht aus verachtung zu ergernis nachgelassen.
Vnd also folgend / das man also fest vnd stets darob(Nicht allzeit an Ceremonie̅ hangen.) nicht behaffte /
wie wir denn thuen vnser lebenlang / vnd bis jnn die gruben / das wir allzeit
vnd allein am eussern hangen / vnd nimer zum jnnern komen / so doch(Leiblichs des geistlichen hal ben. Gleichnis.)
das leibliche vmb des geistlichen willen / vnd nicht das geistliche des
leiblichen halben geschicht / Als die milch ling / seugling / vn̅
kinder / die allzeit der Tocken spielen /
|| [ID00020]
an der mutter brust hangen / vnd
milch trincken wollen / vnd die harte mannes speise nimer odder langsam
angreiffen.
(Ceremonien sein wie kinder milch.)
Darumb auch die Ceremonien von vielen eine kindermilch odder kinderbrey / vnd
speis der schwachen / nicht vnbequemlich genant werden / daran wir nicht vnser
lebenlang kleben / sondern dauon zu volkomenheit / furt vnd furt gedencken
sollen.
Wie denn Paulus zun Galatern am iiij. vnd Colossern (Elementa mundi.) am. ij. cap. die Ceremonien nennet Elementa mundi /
das ist weltliche odder eussere dinge / one geist vnd rechtschaffens hertz / Des
gleichen sagt die Epistel (Milch starcke
speis.) zun Hebreern am. v. cap. Von der milch vnd starcken speise / durch
welche milch verstanden wird des gesetzs lere / als da sein Ceremonien vnd
andere kinder zucht / (Catechismus.) wiewol auch
furnemlich der Catechismus / odder die erste predig des Euangelions / dauon j.
Petri. ij. vnd jm anfang des. 6. cap. zun Hebreern / Als da ist Buss / glaub jnn
Gott / Tauff / vrstend / gericht etc. auff welchen so wir nicht beharren /
sondern furt faren sollen zu der gerechtigkeit Gottes / die da ist durch
Christum / vnd zu seinem erkentnis / wie daselbs gesagt wird / viel weniger auff
den Ceremonien.
(Die Ceremonien / der schwachen halbe̅ /
nicht gantz abzuthun.)
Dieweil aber seuglinge / schwache / vnd vnvolkomene bey vns sein / vnd teglich
auffwachssen / vnter iungen vnd alten / sollen wir die wir menner worden / vnd
etlicher masse zu stercke vnd volkomenheit komen / den vnuolkomen vnd schwachen
/ den steg vnd brucken / das ist solche Ceremonien vnd eussern wandel / nicht
gantz abwerffen / Doch als fern / dieselben Gottes wort nicht zu (Etliche Ceremonien mehr Jüdisch vnd heidnisch / den̅ Christlich.) entgegen sein / wie man solcher viel
findet / mehr Jüdisch vnd heidnisch den̅ Christlich / Damit sie /
wie wir gewandelt / auch wandeln / vnd nach vns komen / vnd als kinder jnn
Christo / auch menner vnd gros werden mögen / wie wol die selb vernunfftige
lauter milch der
|| [ID00021]
ersten predig des
Euangelions / wie gesagt aus S. Peter(Catechismus
allen Cerem nien vorzuzih) vnd zun Hebreern / daran anzufahen vnd zu
lernen / allen Ceremonien allzeit sol vorgezogen werden.
Welchs aber nu die Ceremonien vnd eusserer wan(Welchs
die Ceremonien) del / jnn dieser eussern kirchen sind / ist niemands
verborgen / die weil man sie fur augen teglich sihet vnd vbet / Als da sind alle
eussere geberde vnd erzeigen / die(Eusser geberd vnd
erzeigen.) man jnn der kirch odder tempeln / zu eusserm Gottes dienst
braucht / als mit neigen / bücken / knyen / hin vnd her wenden / Brustschlahen /
hend auff heben / gen himel sehen / psallirn / singen / lesen / orgeln /
pfeiffen / leuten / dieses vnd jhenes thun / diese oder eine andere ordnung vnd
manier halten.
Welchs alles (als im tempel / vnd ausserhalb des(Ceremonien des alten Testaments / sein des newen figur.) selben /
gegen jm zu beten etc.) im alten Testament viel war / auch zu der selben zeit
von Gott geboten / als fur eine figur vnd andeutung vnsers lebendigen / waren /
vnd recht geistlichen Gottes diensts.
Wie wir denn nicht verneinen mögen / das vns jnn vielen der selbigen Ceremonien /
die geheimnis vnd gna de des Euangelions / gleichsam entworffen / angebildet vnd
abgemalet sind / als wir jnn der Epistel zun Hebreern / vnd an viel orten zun
Corinthern befinden / vnd das Leuitisch priesterthumb / auch Aaron klar
figurirn(Leuitischpriesterthumb. Aaron.) /
was vns durch das ewig priesterthumb vnd opffer Christi geben sey / etc.
Die weil aber nu die figur / durch die warheit Ihesum(Figur weicht der warheit.) Christum / erfüllet / höret sie auff / wie
die nacht der Sonnen vnd dem tag entweichen vnd stat geben mus / Also / das sie
nimer not gebot sein zur seligkeit / denn allein / wie angezeigt / den eussern
groben leib eine zeit lang damit zufüren / Die weil wir sonst / wie Johan(Gott im geist dienen / vnd liebe werck vben / wird
allen Ceremonien vorgezogen.) nis am. iiij. cap. stehet / vornemlich
Gott im geist / durch Ihesum Christum dienen / vnd eusserlich gar nichts anders
/ denn gute Christliche werck der lieb / vben sol
|| [ID00022]
len / jnn aller demut / dem
nehesten zu gute / vnd Gott zu ewigem lob vnd preise etc.
(Auff die Ceremonien nicht zu viel zu wenden.)
Demnach / sol man gut auff sehe̅ habe̅ / das die
selben Ceremonien jnn gebeud / zirden / vnd andern vberpracht / zu nachteil des
nehesten lieb / vnd verseumnis rechter Göttlicher ehre / zimlicher messiger
weise gehalten / vnd nicht vbermacht werden / wie es jtzt bey vns gewaltiglich
gehet / das an einen eussern tempel vnd haus / vnd desselben eussern Gottes
dienst / viel gelegt / mit gold / silber / gemeld / bilder / taffeln / glocken /
orgeln / kleidung / turmen / gebeude / gestifften / vnd allen pracht vnd
vberkostligkeit / vnd des rechten lebendigen tempels an vns selbs / vnd an dem
nehesten / gar vergessen wird.
(Der eussern kirchen diener.)
Vnd diese eussere Kirch / nach gleichnis der jnnern / vn̅ jres
einigen geistlichen obersten heubts Ihesu Chri sti / hat jre diener / auff seher
/ versorgere etc. gleichsam (Der eussern kirche̅ viel die ner / ein die ner.) ein einig eusserlich haubt
(wie wol es nicht ein heubtoberkeit odder herrschafft / sondern eine lautere
dienst barkeit ist) jnn vielen vnterschiedlichen personen / nach dem mass der
vnterschiedlichen gegebnen Gottes gaben / die doch im dienst des einigen
einhelligen Gottes worts (wie sie daraus einen Gott / eine Tauffe / einen
Glauben / vnd ein Sacrament predigen vnd leren) alle sampt / wie die Aposteln /
dieses falles eine person / einen diener / einen Bisschoff / einen prediger / ja
wie am iiij. cap. der Geschicht der zwelff boten geschrieben ist / ein hertz vnd
eine seel geben.
(Aller dinge ein heubt.)
Nach welchem auch Gott fast jnn der gantzen natur / vnd aller Creatur / eine
seuberliche feine ordnung gemacht / vnd jedem ding gleichsam sein heubt geben
hat / Die weil auch Christus vornemlich / vnd one alle (Christus aller ding heubt.) mittel / nicht allein der jnnern / sondern
auch der eussern kirchen / vnd aller dinge jnn himel vnd erden / das oberst vnd
aller gröst heubt ist / Dauon alle heubter
|| [ID00023]
vnd oberkeit jren gewalt vnd
herrschafft / gleichsam zu lehen empfahen vnd haben.
Sehen wir an vnter andern creaturn vn̅ geschepffen(Gleichnis.) Gotts / die Byen / das gering vnd
gantz nichtige thierlin / es hat seinen Biner odder weiser / vnd also furt / ist
allen vnd jeden creaturn Gottes etwas geben / daran sichs haltet.
Viel mehr / mus diese vnsere eusser sichtbare Kirch / auch nicht heubtlos / vnd
one jre vorwalter vnd versorgere etc. sein / sol sie bestehen / als wenig der
sichtbare leib one heubt bestehen vnd leben mag.
Vn̅ das befrembde sich niemands / das ich also gantz(Leiblich ding wil leiblich gehandelt werden.)
eusserlich / leiblich / jrdisch / vnd einfeltiglich fare / denn leib wil jhe
nicht anders / denn leiblich gefüret werden / so ist auch diese eussere Kirch
kein andere / denn eine sichtbare / jrdische / leibliche Kirch.
Wie aber diesem / sol sich dis eusser heubt / ja diese(Geistlicheöber keit / ist eine dienstbarkeit.) vorsteher vnd
versorgere / fur keine öberkeit odder herrschafft fur sich selbs anzihen / odder
von andern dafur achten lassen / Sondern fur eine pure / vnd wie man sagt /
brunlautere dienstbarkeit / allen menschen vn̅ gan tzer
Christenheit / jnn gantzer gelassenheit vnd demut /(Weltliche öberkeit Gotts dienerin.) zu diene̅ (Als auch
die weltliche öberkeit / anders nichts ist / denn eine Gottes dienerin / Ro.
13.) Nach welchem Christus auff die frage seiner Aposteln / da sie wissen wolten
/ Welcher der grösser sein solt / jnen bescheid vnd befelh gab / das der / so
der grösser sein wolt / der andern diener sein solt / Matth. am. xx. Mar. x.
Luc. xxij. Des gleichen. 1. Pet. 5. cap. Vnd Paulus. 1. Cor. 4. Dafur halt vns
jederman / nemlich / fur Christus diener vnd haushalter(Christus aller diener.) vber Gottes geheimnis.
Vnd nach dem Exempel Christi / der nicht komen war jm zu dienen lassen / sondern
das er dienet / Matth. xx. cap.
Darumb sich denn der Bapst / knechts knecht schreibet / so anders der Titel nicht
erlogen / vnd vmbgekert /
|| [ID00024]
(Der Bapst knechtsknecht.) vnd herr aller herrn
meinet / Denn er jhe selbs sagt / das er mit den seinen / als die es von jm
allein neme̅ müssen / (Imperium merum et
mirtum.) Imperium merum et mixtum / das ist / vollen gewalt / vnd
geistlichen vnd weltlichen vermengt hab / villeicht also vermenget / vnd durch
einander verwirret vnd verirret / das sie widder geistlich nach weltlich
sein.
(Der Kirchen diener / soll man ehren vnd neeren.)
Hinwidder aber / sol jhe niemand also grob vnd vndanckbar sein / das er die
selben heubter / ja rechter / kirchen diener / so der kirchen dienen vnd vor
sein / verachten / vnd die selben zu jrem / vnd jres Ampts enthalt / nicht
williglich vnd gern fordern / ehren / neren vnd vnterhalten wol / wie es denn
jtzt geschicht / das man schwerlich einen geschickten frumen Pfarher vnd
Prediger / jnn einer grossen vnd mechtigen stad / getrawet zuerneren / da man
zuuor drey odder vier Clöster / vnd so viel odder mehr gestifft voller müssiger
/ vnnützer freslinge vnd mastsew / vberflüssig gefüllet hat.
Sondern wie jr wesen stehet / nicht jnn prangen odder hoffart / sonder jnn
dienstbarkeit der Christen / also auch nicht jnn verachtung oder verkleinung der
selben / (Der Kirchen diener ampt odder dienst / vnd
nützbarkeit.) die weil sie sein Christus diener vnd haushalter vber
sein geheimnis / das ist / vber sein Euangelion. 1. Cor. 4. die da pflantzen vnd
begiessen / das ist / predigen vnd leren / durch welche Gott das gedeien gibt.
1. Cor. 3. Ite̅ / Legaten an Christus stat / welche füren das wort
vnd dienst der versünung. 2. Cor. 5. die vns jnn Christo Ihesu durchs Euangelion
geberen. 1. Cor. 4. vnd Gottes gehülffen / die jnn vns den rechten grund Ihesum
Christum legen / vnd Diener / durch welche wir gleubig werden. 1. Cor. 3. Summa
/ die da an vns erbeiten / vermanen / vnd vns im Herrn vorstehen. 1. Thessal. 5.
vnd fur vns wachen / vnd endlich fur vnser seelen rechenschafft geben müssen /
Hebre. 13. welche allesampt solche dienst sein / die auch warlich die Engel
Gottes nicht grösser noch heiliger haben mögen / Darumb jhe dienstlicher sie
|| [ID00025]
sein / jhe höher man sie achten vnd
versorgen sol / Vnd wie Paulus sagt. 1. Timoth. 5. Sie sein zwifeltiger ehre
wirdig / beuor die im wort erbeiten / vnd sollen mit aller zimligkeit vnd
erbarkeit vnterhalten werden. 1. Cor. 9. Deut. 25. Vnd Christus selbs / Luce.
10. Der erbeiter ist wirdig seines lohns / wie ferrer folgen wird.
Vnd zu solchem heubt / ja nach Christus wort vnd(Verordente diener der kirchen / von Chri sto.) meinung / zu solcher
dienstbarkeit (Die weil die vornem lich vnd allenthalb stehet / nicht jnn
herrschafft vnd prechtigem regiment. 1. Pet. 5. sondern jnn dienst vnd
verkündung des worts / jnn darreichung der Sacrament / entbindung der sund etc.
1. Cor. 4. Matth. 16. 18.(Diener des worts an Christus
stat.) Johan. 20. Darumb es auch Paulus. 2. Cor. 5. heist eine
Legation / oder Mundborschafft an Christus stat) hat vns Christus seine Aposteln
zugleich / vnd also folgend(Die Aposieln / vnd jre
nachfolger sein der kirchen diener.) alle jre nachkomende / welche von
der Kirchen ordentlich dazu verordent werden / dargestelt vnd ausgesand / Darumb
sie auch Aposteln / das ist / mundboten heissen / Matth. 10. Luce. 9. als zu
dieser Legation / Botschafft(Wie Christus gesant ist
also auch die Aposteln vnd kirchendiener.) vnd werbung / vornemlich
des worts Christi / vnd nicht jres worts / gesand / wie auch Christus nicht sein
/ sondern des Vaters wort / zu reden / gesand ist / Johan. 5. 7. 8. 12. 14.
Vnd hat solchs gethan / jtzt mit gemeiner rede zu allen(Gemeinewort der sendung der Aposteln.) jnn gemein / als Marci am. 16.
Gehet hin jnn alle welt / vnd predigt das Euangelion allen Creaturn / Jo an. 20.
Gleich wie mich der Vater gesand hat / so sende ich euch / welchen jr die sünde
erlasset / den sind sie erlassen / vnd welchen jr sie behaltet / den sind sie
behalten.
Itzt mit besonderer rede zu etlichen jnn sonderheit /(Besondere wort der Apostel sendung.) Als do er zu Petro drey mal sagt
/ Joan. 21. Hastu mich lieb / so weide meine schaff / Damit er jme durch solch
dreyfaldig repetirn vnd widder gedencken / das ampt vnd trewen vleissigen dienst
des worts / als daran der gantzen Kirchen seligkeit gelegen / so viel
hertzlicher vn̅
|| [ID00026]
(Johan. x.) tieffer einbildet / Dauon sich auch
Christus selbs Johan. 10. einen hirten heist / an dem weide finden werden alle /
so durch jnen / als durch die rechte thür / aus vnd ein gehen.
(Weiden ist predigen.)
Damit das wort / Weiden / nicht vor regirn odder herrschen / noch dadurch einige
herrschafft odder öberkeit zubestetigen / sondern fur predigen / vnd mit Gottes
wort speisen / dienen oder versorgen / angezogen werde.
Des gleichen Luce am. 5. da Christus zu dem selben (Christliche weide vnd fischerey.) Petro sagt / das er von nu an solt
mensche̅ fangen / Wie wol beide / diese geistliche weide vnd
fischerey / vnd das gantze Euangelion / mit allem seinem geheimnis / dadurch
bedeutet / jnn solchen vnd andern worten zu Petro / allen Aposteln zu gleich
befolhen sein / Wie sie die auch zu gleich geübt / vnd darumb alle zu gleich zu
Aposteln gemacht / vnd gesand worden sind / Matthej. 4. 18. vnd Marci. 16.
Damit sich keiner dem andern / als ein besonders (Gleicheit aller Aposteln.) heubt / so mehr oder minder / denn zu
gleich mit jme die schlüssel hab / vnd dadurch die sund zuuergeben / zu predigen
/ die Sacrament zu reichen / etc. möcht vorzihen / auch einiges gewalts anmassen
/ vnd höher / mehr / oder (Wie Petrus nicht mehr / ist
/ denn ein ander Apostel / also auch der Bapst nicht mehr / den̅ ein ander Kirchen diener.) besser zu sein. Wie sich auch Petrus (der
von vielen vnrecht dafur gehalten wird / vnd viel vnrechter nach jme der Bapst)
dafur nie hat angeben / jnn dem er sich selbs jnn seiner Epistel 1. Pet. 5.
nicht ein heubt / sondern mit den Eltisten / einen Miteltisten vnd mitgenossen
nennet / als die jm gleich / vnd er widder mehr noch minner sey / denn sie
sein.
Daraus folget / das also gleichsam ein eussers heubt / versorgere / oder diener /
so der eussern Kirchen vor sein vnd dienen / sein müssen eusserlich.
Vnd dem also nach / wenn es der / so man den Bapst nennet / mit seinen creaturn
den Cardineln / Ertzbischonen / Bischouen / etc. nicht wer (welchen Bapst die
eusse
|| [ID00027]
re kirch / wie
wol nicht vor gantz / doch fast der grösser(Der Bapst
von der gantzen gemeinen Kirchen nicht angenomen.) teil der selben /
jtzt dafur erkennet vnd helt / als der im Regime̅t sitzet / wie er
auch mag / wie man sagt vom hasen im pfeffer / er sey darein komen wie er wol)
so müst es doch ein ander / mit andern seinen gleichen /(Gleichnis.) mitgenossen vnd beyhelffern sein.
Doch welchs namen / als des Bapsts namen / seines(Bapsts namen gehessig.) Gottslesterlichen wandels halben / aller welt
nicht also verdechtig vnd gehessig were / Auch jnn der schrifft / als wol als
der Cardinel namen / mehr odder besser gegrün det / als da sind die namen
Bisschoff / Hirte / Diener etc. Vnd der sich nicht höher ansetzet / den̅ ein eussers heubt odder diener / gleich mit andern dienern /
allein der eussern / vnd nicht der jnnern kirchen / wie er denn vermeslich vnd
freuelich / beider herr vnd heubt / vnd nicht diener sein wil.
Wie wol es befunden / das auch diese eussere Kirch /(Die eussere Kirch one Bapst.) etlich mal vnd jar / on Bapst gewest /
vnd dennoch bestanden ist / wie es denn jtzt auch mit jr fast gethan vnd(Clemens. vij. Pont.) zu stehet / das der jtzig
Bapst Clements. 7. die weil er mehr ein weltkrieger / denn kirchendiener sein
wolt / jnn jtzigen kriegsleufften / des. M. D. XXV ij. jars / da die stad Roma
von den Keiserischen des. v. Caroli erobert(Carolus.
v. Imperator.) vnd eingenomen / beygethan odder verlorn ist / vnd von
jme niemand etwas wissen wil.
Aber daru̅b jn̅ keinem wege / vn̅ mit
nichte also zuuer(Verkeret wesen des Bapstumbs.)
neme̅ / das ich das Babstumb dadurch wolle bestetigt / vnd dem
selben grewlichen grewel damit etwas zuhülffe gered haben / das solchs von
Göttlichem recht / der masse vnd also sein müst / wie es jtzt widdersinnisch /
verkert / streflich / vnd gantz sundlich vn̅ vnrecht stehet / als
eine mehr denn Keiserliche oder Königliche Oberkeit vnd Herrschafft / Ja fast
als ein gantz weltlich /(Das Bapstumb itziger zeit /
an person vn̅ ampt böse.) Antichristlich / vnd Teuflisch
reich / welchs jtzt nicht allein von person / wesen / ampt vnd stand /
Gottslester
|| [ID00028]
lich /
ergerlich / schedlich / sondern von haut vnd haren / fast allenthalb vnd durch
aus / böse vnd verdampt ist / das gar schwerlich / wie im sprichwort / ein
reiner peltz / vnd was guts daraus werden mag / es bessers denn Gott selbs /
odder werde durch seine herrliche zukunfft des grossen / letzten vnd Jüngsten
tags / durch das hellisch fewer / odder sonst jnn ander wege / wurtzlich vnd
gründlich ausgereutet vnd vertilget / jnn dem es alles leibliche vnd geistliche
zurüttet / jnn einander henget vnd menget / verwirret vnd verirret / Gottes wort
vntertritt / vnd jnn seinen eigen vorteil vnd gesüch / felschlich deutet /
krümmet / keret vnd verkeret / dadurch die gewissen beschweret / gemartert vnd
bedrengt / gebant vnd verdampt werden / vnd solcher gestalt allenthalb ist
widder Gott / widder die menschen / vnd widder alle vernunfft vnd schrifft.
(Wie das Bapstumb sein sol.)
Sondern / wo es jhe sein sol / das es sey / wie oben gesagt / eine lautere
dienstbarkeit / jnn aller gelassenheit vnd demut / mit dem wort vnd Sacrament
gemeiner kirchen / zu dienen / wie die weltliche öberkeit mit dem schwerd dienet
/ vnd allein der selben kirchen rechtschaffene ware Binde vnd lösse schlüssel /
vnd geistlich schwerd des worts / als ein frumer diener / zugleich den andern
seinen mitdienern / vnd nicht das leiblich eisern schwerd / als ein blutgyriger
Tyran / vnd gewaltiger weltherr zufüren.
(Was der Bapst nütze sey / vnd thun sol.)
Vnd ein solch Christlich dienstlich heubt / ja ein solcher frumer vnd getrewer
knecht vnd diener / zu sampt seinen gleichen nebendienern / wil nicht vnnötig
sein dieser eussern kirchen / nicht allein gute Christliche zucht vnd ordnung /
vnd feinen reinen eussern wandel zuerhalten / wie gehort / sondern auch alle
secten / rotterey / ketzerey / spaltung / vnd was allenthalb jrrigs vnd böses
jnn der kirchen auffwachssen wil / dem selben allem / an stat der kirchen / von
jme vorzeitig / mit vernunfft vnd
|| [ID00029]
gutem rat zubegegen / vnd mit Gottes wort allenthalb abzuleinen vnd zu
dempffen.
Wie denn auch kein besonders odder einiges heuslein(Gleichnit.) / wie klein / gering vnd arm das jmmer ist / als die
tegliche erfarung lernet / one sein heubt vnd haushalter(Kein haus on heubt.) / jn̅
heuslichem gutem wesen sein mag / Ja auch kein offentlich schandhaus / mit
züchten zu reden / also verlassen ist / es hat zum wenigsten / als ein heubt /
seine öberste schandfraw / wie wol es ein grob vngewaschen gleichnis ist / doch
fast gereym vnd gemes / vnsern / dieser eussern kirchen / heubtern vnd dienern /
wie sie jtzt vnterm Bapstumb sind / Gott verleihe jnen vnd vns al len besserung
/ Amen.
Denn also sehen wir auch / das die jtzige / so man also(Die Euangelische Kirche nicht haubtlos.) nennet / Euangelische kirche
/ welche die beste sein sol / als Gottes wort am allergemessisten vnd gleichsten
/ darnach geordent vnd gerichtet / one gute ordnung vnd satzung / des gleichen
one jre heubter / diener vnd vorsteher / so solche ordnung schliessen / stellen
vnd darob halten (als die mit grossem vleis visitirn / inquirirn / ordinirn /
reformirn) nicht bestehen kan / Also / das sie not wendig zu heubtern / odder
dienern auffwerffen / erwelen vnd setzen mus / jnn besondern stedten / flecken /
dörffern / jre Pastores / Pfarhern vnd Prediger / als gemei(Pastores.) ne Bischone / Darnach vber ein gantz
Ampt / Refier /(Superattendentes.) odder kreis /
einen so sie nennet / Superattendentem / als Ertzbischoff / vnd vber sie alle
jnn gemein / den Gottsgelerten grossen Christlichen Lerer / Doctor Martin(M. Lutherus.) Luter / Als den Bapst / vnd jr
aller öberst heubt / diener vnd vorsteher etc. Damit jhe bewisen wird / wie
richtig es jmmer zugehe / das sie dennoch sonder heubt / versorgere / odder
befelhabere / darauff alle glieder achtung vnd auffmercken haben / vnd nach
Gottes wort / sich daran halten / jnn keinen weg ordenlich bestehen mag.
Vnd von dieser eussern kirchen / jn̅ besonder / vnd hin
|| [ID00030]
(Eussere Kirch jn̅ der schrifft
gegründet.) vnd wider zustrewet leiblich / auch mit ausgedrucktem namen
/ haben wir viel jnn S. Paulus Episteln / vnd Geschichten der zwelff boten / Als
von der Kirchen zu Antiochia / Jerusalem / Tessalonicha / Corinth. vnd andern /
Auch one ausgedruckten namen / vnd fast als jnn gemein von jr / Matthej. 18. da
Christus vnter anderm (Sags der Kirchen.) spricht
/ Sags der Kirchen / vnd damit die eussere Kirch gleichsam einsetzt / bestetigt
/ vnd jr den geistlichen (Die eussere Kirch hat gericht
vn̅ straff) gerichts zwang vnd die straffe befilt vnd
gibt / als nemlich / offentliche Gottslesterung / vnordnung / vngehorsam /
ketzerey / rotterey / hurerey / wucher / ehebruch / vnd der gleichen vnart vnd
sund zu straffen.
Doch mit diesem bescheid / das der sundig bruder / (Was
der eussern Kirchen gericht sey / vn̅ wie es gebrau cht
werde̅ sol.) nicht gekerkert / noch getödtet / auch
sonst nicht jemand geldes / odder gelds werd / vnd anderer zeitlicher hab vnd
guts / wie es im misbrauch / vnd dem schwerd befolhen ist / Sondern der sund vnd
ergerlicher mishandlung halben / was die ist / sol vorgenomen / vnd etliche mal
zuuor / zur besserung brüderlich vermant werden / vnd so er sich nicht bessert /
vnd wedder die Kirch / noch (Ban̅ / wie
der gebraucht wer den sol.) den straffenden bruder hört / das er als
denn jnn Bann verkündigt / vnd auch Bennisch gehalten werd / das ist /
abgesondert von der Christenheit vnd den Sacramenten / wie Paulus sagt. 1. Cor.
5. Was gehen mich die an / so draussen sind? vnd mit den selben solt jr auch
nicht essen etc. Also das der Bann allein den himel / vnd nicht die welt
verschliesse / welchs der weltlichen öberkeit zustehet.
Darnach hat auch Paulus than. 1. Timoth. 1. vnd. 1. (Paulus Ba.) Cor. 5. da er jr zween Hymeneum vnd Alexandrum / vnd einen
andern / der mit seiner stieffmutter zuschaffen hatte / dem Satan odder Teuffel
/ zum verderben des fleischs / vbergab / auff das der geist selig würde / am tag
des Herrn.
(Bann zur besserung.)
Das also alles nicht zu verderb odder verdamnis /
|| [ID00031]
sondern zur besserung geschehen sol
/ als nemlich / hertzlicher mitleidender weise / aus gantz veterlichem Christ
lichem gemüt / die verwircker / die weil sie aus brüderlicher vermanung nicht
wollen / durch den Bann dahin zu dringen / das sie jre sund erkennen / vnd leid
tragen / das sie vom Cörper vnd der gemein Christi / durch jr böses leben / vnd
vngehorsam abgesonderte glider worden sein / vnd dadurch vervrsacht werden / mit
besseru̅g / zu der gemeinen kirchen vnd versamlung widderumb
zu keren.
Widder alle / so den Christlichen Ban̅ / der doch ein(Bann / ist Gottes fluch.) fluech vnd maledeyung
Gottes ist / von jme widder die sunder geboten / verachten / vnd dadurch allen
gehorsam vnd straff der Kirchen / also freuelich mit verachten.
Das aber nu endlich rechte ordnung / jnn dem vnd al(Verordente Kirchendiener) lem anderm gehalten würde / vnd nicht ein
jeder einigs ampts odder diensts / sonder befelh / vnordentlich / vnd one allen
guten vnterscheid / sich vnterfieng / damit sich ein jeder / an gewissen
geordenten personen vnd stellen / dazu sonderlich deputirt / gesetzt / vnd
verordent / wuste zuerholen / des worts odder predig / der Sacrament des
heiligen tauffs / vnd des waren leibs vnd bluts Ihesu Christi / der Schlüssel
der bindung vnd entbindung der sund / des gerichts / Auch ketzerey / rotterey /
vnordnung / vnd zwispalt / so die entstünden / zu dempffen vnd zu tilgen / vnd
was sonst allenthalb solche eusserliche administration vnd dienstbarkeit dieser
eussern kirchen belanget.
So sein erstlich vor die selben diener / an stat vnd von wegen der gantzen
einigen gemeinen / auch aller besondern eintzelen eusserern kirchen (die weil es
vnmüglich / auch one not ist / die selben allesampt an einen ort leiblich
zuuersammeln / wie sie geistlich jnn einen glauben des worts vnd der Sacrament
versammelt werden)
|| [ID00032]
von Christo
beruffen / erwelet / gesand / vnd verordent die heiligen zwelff boten / Matth.
10. Luce. 9. wie oben gesagt.
(Wie die Aposteln, also sein auch nachfolgende verordente /
der Kirchen diener.)
Vnd folgends nach jnen / diese / nemlich / von welchen Paulus meldet / zun
Ephesern am. 4. Er hat etliche zu Apostel gesetzt / etliche aber zu Propheten /
etliche zu Euangelisten / etliche zu Hirten vnd Lerer / das die heiligen
geschickt sein zum werck des ampts / dadurch der leib Christi (das ist / die
heilig Kirch) erbawet werde / bis das wir alle hinan komen / zu einerley glauben
/ vnd erkentnis des Sons Gottes etc. Vnd Act. 20. Habt nu acht auff euch selbs /
vnd auff die gantzen herd / vnter welche euch der heilig geist gesetzt hat zu
Bisschonen / zu weiden die Kirch odder Gemeine Gottes / welche er durch sein
eigen blut erworben hat etc.
(Vielfeltige Namen der Kirchen diener.)
Welche auch sonst mit vielen andern namen / so doch alle auff einen dienst vnd
ampt des worts / vnd der Sa crament stimmen / genant werden / Als Bapst Cardinel
(wie wol der beider namen ausser der Schrifft ist / (Bapst / Cardinal ausser der schrifft.) vnd sonst wenig anders / denn
Pilatus im glauben / gedacht werden) Bisschoff / Diener / Leuiten / Diacon /
Pfarhern / Prediger / Versorger / Auffseher / Vorsteher / Vorwalter / Befelhaber
/ Stadhelder / Mithirten oder (Prelati.
Prepostti.) Vnterhirten / Auch nicht vnbillich Prelaten / Prepositen /
das ist / vorgesetzte odder vorgezogene / die fur andern / als gelerte / frume /
erbare vnd genugsam tügliche (Der Kirchen diener
representirn die Kirch.) leute / dieser gantzen eussern Kirchen / jnn
allem so jr an ligt / trewlich vor sein / vnd folgend / wie die Aposteln /
dieselb representirn / bedeuten / vnd allenthalb vertretten vnd verwalten
sollen.
(Wie die Kirchendiener geehret vnd geneeret werden
sollen.)
Darumb sie auch / demselben statliche volge zu thun / billich sollen verhalten /
vnd hoch geehret / auch zimlich vnd erbarlich vnterhalten werden / wie oben
gemeldet.
(Die Kirchendiener sollen)
Doch nicht also / das man sie zu grossen Landsfursten mache / vnd grosse land /
Schlos vnd Sted vnter
|| [ID00033]
geb /
die allein dem schwerd / weltlicher gewalt vnd öber(nicht Fürsten sein / die man gemachte fürsten heisst.) keit befolhen
sein / Matth. 20. Mar. 10. Luce. 22. damit sie dem wort Gottes / vnd seelsachen
/ darin jr regiment vnd dienst stehet / one der welt hindernis / gewarten
mögen.
Denn Fürst vnd Bisschoff zu gleich / sein fast / wie(Duo simul contraria in eodem subietto Episcopus et Princeps.) zwey
widderwertige streitige ding / als schwartz vnd weis / jnn. einem supposito /
odder einer person zu gleich / widder alle philosophey vn̅
vernunfft / mögen sich auch eben als wenig beysammen leiden / stimmen auch eben
als wenig zu sammen / als eine heerpauck vn̅ eine laute /(Fürst vnd bischoff / wie eine pauck vn̅
lauten.) da eins das ander teubet vn̅ dempfft / das es
nicht mag gehört werden.
Wie man sihet / das vnsere Bisschoue / ob sie gleich geborne scheffers odder
sawhirten kinder sein (wie wol der selben wenig zu bret / vnd Bisschoff lichem
ampt komen) dennoch der liebe Fürst / vnd gnade Herr / also kützeln vnd sticht /
das sie / wie die vollen Esel / so das(Gleichnis.) futter sticht / dauon gumpen / lecken vnd geylen / vnd
sich vornemlich vnd allein des Fürstenthumbs / vnd was der welt pracht ist /
annemen / vnd des guten frumen Bisschoffs / vnd des rechten Bisschoff lichen
ampts gantz vergessen.
Denn wie die geboren Fürsten (es hette denn Gott(Fürsten sein vntüglich tzu Bisschouen / vnd widderumb / Bisschoue zu
Fürsten.) sonderlich jndert einen mit einer frömigkeit vnd schick
ligkeit beraten) der schrifft nicht sonderlich achten / vn̅ also
nicht tügen zu Bisschouen / die der schrifft wol ergründet sein sollen / wie
Paulus sagt zu Tito. 1. cap. Also auch widderumb / vnd viel weniger sein tüglich
/ die Bisschoue zu Fürsten / als die nicht können / noch sollen weltlich regirn
/ Matth. 20. Mar. 10. Luce. 22. vnd wird dieser gestalt die Kirch / durch sie
beide / Fürsten vnd Bisschoff jnn einer person / als im sprichwort ist /
gleich(Sprichwort.) wie eine kindbetterin
oder Jud / mit schweinem fleisch versorgt.
|| [ID00034]
(Fürstlichem vnd Bischofflichem ampt zu gleich / mag
schwerlich genug geschehen)
Wenn nu von beiden / Fürsten vnd Bisschouen jnn besonder / wol behertzigt vnd
bedacht würd / was eines jeden ampt jnn sonderheit foddert / so würde jeder
gewislich finden / das er nicht einem allein / viel weniger beiden ampte̅ zu gleich / möcht vor sein noch gnug thun / vnd würde also der
Bisschoff / den Fürsten wol lassen Fürst bleiben / vnd hinwidder würde der Fürst
/ den (Ein jedes ampt dedarff seinen gantzen
man.) Bisschoff auch lassen Bisschoff sein / als die beider seid / vnd
ein jeder fur sich selbs / wie den̅ ein jedes ampt gewislich
seinen gantzen man haben / wil / voll auff vnd gnug zu thun haben.
(Widder die Fürsten / so sich jnn die Bistumb drin
gen.)
Inn besonder / würden sich die hoch vnd gros geboren Fürsten / nicht also jnn die
Bistumb kauffen vn̅ eindringe̅ / dieweil es mit
einem Bischoff vmb die schrifft vnd lere / vnd vornemlich vmb ein gut Christlich
vorbiltlich leben zuthun ist / vnd also mehr mühe vnd erbeit (Wie es vmb ein Bisschoff sol gethan sein.) haben
wil / den̅ reisige hohe pferde reiten (ich hett bald etwas anders
gesagt) den sperber auff der hand füren / vnd nach wachteln zihen / ja tag vnd
nacht pran gen / prassen / pancketirn / spielen / jagen / tornirn / rennen /
stechen / toll vnd voll sein / Darnach die knie vor sich (Aue Rabbi.) biegen / vnd Aue Rabbi / vnd gnad
Juncker sich grüssen lassen.
(Mangel rechtschaffener pfarhern vnd prediger.)
Als man denn jtzt mit grossem nachteil wol findet / auch an den gemeinen armen
Pfarhern (welche jnn dem sie rechtschaffen predigen / gewislich die rechten
Bisschoue sein / wie zuwider / die grossen gefürsten Bisschoue / nicht Bisschoue
sein / jnn dem sie nicht predigen / sondern viel mehr mit jrer weltmacht dem
wort sich widdersetzen) die weil Gott aus sonderer gnade (dem darumb ewig lob
vnd danck sey) dem gemeinen man die auge̅ hat auffgethan / das er
vor menschen trug vnd lügen / mit dem waren Gottes wort / hinfurt wil versorgt
sein (zu welchem / zusampt einem vntadelbarn wandel / viel emsiger vleis / mühe
vn̅ sorg gehört)
|| [ID00035]
das man der selben Pfarhern nu fast mangel vnd gebrechen hat.
Als der selben etwa zu viel waren / da es im sanfft /(Wie etwa zu viel Pfarhern waren / also sein jr jtzt zu wenig.)
faulentzen vn̅ schlaffen / mit fressen / sauffen etc. zugieng /
vnd ein jeder vngelerter Esel ein Pfarher sein mocht / vnd die selben Pfarren
vnd Pfründen zuerlangen / gen Rom / vnd sonst hin vnd wider reiseten vn̅ lieffen / vnd pferde / wagen / esel / ross vnd man / darumb
vbeten vnd(Ein Esel den andern reiten.) müheten
/ das offt vnd viel ein esel den andern darüber zu tod reit etc.
Also sein jr nu zu wenig / die weil es mühe vnd erbeit kostet / vnd der hals
daran wil gestreckt sein / vnd findet sich nu endlich im auskerich / wie im
sprichwort / wer das schermesser fressen hat / das ist kürtzlich / was(Sprichwort.) man allenthalb gesucht hat / nemlich
/ mehr gelt / gut vnd eitel ehre / denn Gott vnd die seel.
Wie es den̅ / diesem nach / leider alzu war ist / das der(Prelati secun dum quid.) mehrer teil / derselben
Bapst / Bisschouen / Prelaten / Pfarhern / Prediger etc. dieweil sie die Kirch
representirn vnd bedeuten sollen / anders nichts sein / denn eine blösse
representation vnd bedeutung der Kirchen / thun also dem namen vberig gnug / vnd
mehr denn zu viel / jnn dem sie nimer thun / was sie sollen vnd bedeuten / das
ist / nimmer odder gar selten / der Kirchen recht vor sein.
Wie ein gemaltes menlein / ist auch representatiue /(Gleichnis.) das ist / bedeutlich / ein mensch / aber nimmer der
rechtschaffen(Gemalt men lein.) / thetige /
lebendige mensch / oder aber / wie eine wollen sackpfeiff / ob sie gleich nicht
pfeiffet / wird dennoch(Wollen sackpfeiff.) eine
sackpfeiff genant.
Wolan / wie wir sie on Gotts geist / allein nach gunst /(Wie wir kirchendiener ord nen / also haben wir
sie.) vnd ansehen der person / nicht durch die rechte thür ein füren /
sondern dieblich vnd mörderisch eindringen / Jo han 10. (wie denn ein jeder die
seinen zu solchen grossen Bisschoff lichen ampten vnd andern reichen pfründen
|| [ID00036]
vorscheubet) Also vnd die
selben haben wir / damit wir (Gleichnis.) jhe
hirten haben als wir schaff sein / vnd wie das volck ist / das also der priester
sey / Osee. 4. vnd garstige putter / zu pfinnichtem fleisch kome etc.
(Wir solten al le frum sein.)
Wie aber diesem / wir allesampt solten auch die sein / so wir nicht sein / das
ist / frume Christe̅ / wie jhene Nonne sagt / Wir solten alle
Jungfrawen sein / wenn wirs weren / Sie sind jhe die selben verordenten von der
eussern kirchen / derselben / vnd allen Christen / auffs trew (Wie die Kirchendiener zu statuirn habe̅,) lichst vnd vleissigst vor zu sein / mit dem wort vnd Sacramenten
eusserlich / des gleichen / durch der Kirchen mit wissen vnd verwilligung / mit
eusserm statuirn vnd ordinirn / jnn allewege nach Gottes wort / vnd dem selben
auffs aller gemessigst vnd gleichest / zur besserung / vnd nicht zu verderb /
welchen auch (ob es gleich Judas selbs were) jnn seiner masse / gehorsam sol
geleistet wer den / wie volgen wird.
(Niemand sol sich vnberuffen zu einigem Kirchen ampt selbs
vorzihen)
Daraus schleust sichs / das also jnn solcher eussern Kirchen (damit erbarkeit /
zucht / gute ordnung / friede / lieb vnd einigkeit jnn Gott erhalten werde)
verordente Kirchendiener / Pfarhern / Prediger / vnd andere / wie gesagt / vnd
durch dieselben gute Christliche ordnunge / gesetz / statut vnd Ceremonien etc.
sein müssen / wie folgen wird / damit sich niemand von jm selbs vorschiesse /
einig kirchen ampt odder dienst zu vben vnd zuuerwalten / one befelh vnd
besonder grosse not / den̅ der da von der Kirch / vnd wie gehört /
von der Kirchen befelhabern / dazu ordentlich beruffen / erwelt / gesand vnd
gesetzt wird / wie sich das eigent vnd gebürt.
(Was der Bisschoue ordinirn vn̅ weihen
sey.)
Welchs noch jtzt im sche in von den Bisschouen gehalten wird / mit denen / so sie
zu priester machen / vnd heissens mit rechtem namen ordinem odder weyhung /
welchs nichts anders ist / denn das die Christliche gemeine / Christlich recht
hat (eben wie sie auch die Bischoue erwelt) einen aus jr / er sey geistlich
odder welt
|| [ID00037]
lich / wie mans
nennet / so er allein des lebens vnd der lere tüglich / zu einem Prediger odder
Pfarhern / ordentlich / das ist / on sein selbs eindringen / zuerwelen etc.
Dawidder sich denn der vnordenliche grobe vngehalten(Pösel eine bestia mit vielen heubten.) pöfel / vnd rasende tolle Her
omnes empört (der darumb nicht vnrecht eine Bestia mit vielen heubten genant
wird / als welcher köpff nimer oder selten zusamen stimme̅ / wie
auch viel köche selten recht saltze̅ oder(Gleichnis.) wol kochen / vn̅ viel
hirten gemeiniglich vbel hüten) vn̅ vnschicklich sich anmassen
vn̅ sage̅ / Wir sind alle geist lich vnd
priester (welchs war ist jn̅ seiner weise vn̅ art /
wie du hören wirst) vnd darauff geberen vnd widdergeberen / das ist / teuffen /
zelen odder zeugen also jre eigen(Generant et
regenerant.) / auch frembde kinder / leiblich vnd geistlich / predigen
/ halten Messe / reichen einer dem andern das Sacrament(Widder den pöfel / so sich der Sacrament / vnd kirchen
diensts vnordentlich zupflegen vnterstehet.) (als man spötlich dauon
sagt / gleich wie sich die thalen miteinander essen) vnd vben allen Kirchen
dienst / zu widder aller guten ordnung der selben eussern Kirchen / die selben
alle / mögen als mutwillige / vnd freueler angezogen / vnd von der Kirchen / wo
die brüderliche gütige ermanung nicht helffen wil / mit dem Bann / gesagter
weise / gestrafft werden.
Auch ist diese eusser Kirch / eine gemeine versamlung(Gute vnd böse jnn der kirchen.) aller derer / die vnter dem namen
Christi / jnn dieser zeit Christen genent werden / sie seins oder seins nicht /
vnd entweder gut odder böse / denn also ist auch die jnnere ware Christliche
Kirch zum teil noch mit vielen sundigen mensche̅ vermengt / doch
durch Christum / der Kirchen one bemalung / mackel vnd runtzel / das ist / on
nach teil oder schaden der sund / wie von Dauid / vnd andern(Dauid.) sundern jnn der waren Kirchen / volgen
wird.
Also das zweierley früchte / weitz vnd tresb / jnn dem(Zweierley früchte. Zweierley fische.) einigen acker sein / auch
zweierley fische / gute vnd böse jnn dem einigen netze / das ist / jnn dieser
eussern Kirchen / wie Christus anzeigt / Matth. 13. jnn sonderheit bey
|| [ID00038]
dem bösen samen / der jnn guten
gesehet war / da der Herr den bösen nicht wolt ausreissen lassen / sonder zu
gleich mit dem guten auffwachssen / dadurch Christus / nach dem er langmütig ist
Ro 3. angibt / das die bösen / (Die bösen zur
besserunge zu dulden.) so viel es on ergernis jmmer geschehen mag /
jn̅ der Kiren / zu jrer besserung / sollen geduldet
werden.
(Judas Ananias jnn der Kirchen.)
Also waren Judas vnd Ananias jnn der Kirchen / Act. 5. Also werden darein gezelt
Bapst / Bisschoue / Pastorn / Pfarhern / prediger etc. die nach der
eusserliche̅ Kirchen vor die grösten vnd besten gehalten / vnd
vor Gott gantz gotlos mögen besunden werden / Also auch wir fast alle / den̅ wer mag widersprechen vnd leucken / das solche eussere gemeine /
entweder vor gantz nicht Gottlos / odder jhe zum teil nicht sundig sey? Das sey
von der eussern Kirchen gesagt.
(Innere vnd geistliche kirch.)
Die jnnere geistliche Kirch / nach Gottes vnd vnserm eigen wesen / wie der selb
ein geist ist / Johannis. 4. Des gleiche̅ vnser selbs jnnerer
mensch / Also ist sie auch geist lich / vnsichtbar / mit leiblichen sinne̅ nicht zubegreiffen / auch nicht an person / zeit / vnd eussere
gewisse stell vnd ort / hie odder dort eigentlich vnd allein angehefft / als
etlicher masse die eusser Kirch / wie gehört / Sondern ist allein jnnerlich / im
hertzen / gewissen vnd seel des menschens / vnd durch den einigen glauben zu
fassen.
(Wie die jnner Kirch vnsichtbar sey.)
Doch nicht zuuernemen / das sie also geistlich vnd vnsichtbar sey / das wir die
personen oder menschen / so die Kirch geben vnd machen / nicht sehen mögen / vnd
das die selben nicht jnn zeit vnd stell weren / one welche sie (Die jnner kirche nach eusseren dingen nicht
zuachten.) nicht sein / noch leben können / Sondern das niemand weis /
welche von der waren Christlichen Kirchen eigentlich vnd gewis sind / vnd das
die selb Christliche Kirch / wider nach diesen / noch jrgend nach andern
eusserlichen dingen / mag geachtet / erkand oder geurteilt werden / wie den̅ Christus selbs sagt / Luc. 17. Das reich Gottes (das ist
eigentlich die heilig Kirch) kompt ni
|| [ID00039]
cht mit ensserlichen
geberden / Man wird auch nich sagen / Sihe / hie oder da ist es / Eben als wenig
man sagen kan von dem verklerten Christo (nach welchs gleichnis(Verklerter Christus.) diese geistliche Kirch
gerichtet ist) Sihe / hie oder da ist Christus / Denn er spricht selbs /
Matthej. 24. Ir solts nicht gleuben / Also auch Johan. 4. Es kompt die zeit /
das jr wider auff diesem berge / noch zu Jerusalem werdet den Vater anbeten /
Die warhafftigen anbeter / werden den Vater anbeten im geist vnd jnn der
warheit.
Denn gleich wie niemand vor Gott ein Christ ist /(Wer
fur Got ein Christ sey.) denn der an Ihesum Christum gleubt / vnd
erkent / das er jnn jme vnd seinem blut von sunden gewaschen / seiner vnschuld
vnd aufferstehung / durch den glauben teilbar sey / vnd also new geborn im
heiligen geist / Joh. 3. Also auch diesen glaube̅ / aus dem der
mensch ein Christ(Wie der glatt be vnsichtbar ist /
also auch ein Christ.) wird / erkent noch weis niemand / denn allein
Gott / der jn allein gibt / Ephe. 2. Vnd der heilig geist / der im men
schengezeugnis gibt / das wir kinder Gottes sein / wie Paulus sagt / Ro. 8. Gal.
4.
Denn wir elende arme Adams kinder / die wir anders(Glaub wird etlicher masse / doch vngnugsam / an wercken erkand. Adams
kinder.) nichts denn blut / fleisch / vnd sünder sein / mögen diesen
glauben nicht sehen / den̅ allein an früchten vnd wercken (die
weil wir niemand jns hertz sehen mögen / ob er rechtgleubig sey odder nicht /
Vnd auch ein geistlich mensch / von niemand mag geurteilt werden
eusserlich.(Ein geistlich mensch mag
eusserlichnicht geurteilt werden.) 1. Cor. 2.) Aber wir werde̅ zu mehr malen betrogen vom schein der falschen schaffswollen /
damit sich die schönen wolffe vnd heuchelbelge bedecken / Das ist von den
scheinbarn gutgleissenden eussern wercken / die nicht(Werck triegen.) von dem jnnern hertzen / so durch den glauben zuuor
gerechtfertigt ist / eraus brechen / wie denn Christus dauor verwarnt / Matth.
7.
Darumb mögen wir von niemand rechtschaffen vnd(Niemand
für Gott ein Christ.) gewislich sagen / das er vor Gott ein Christ sey
(wie
|| [ID00040]
(Sacrament empfahen / vn̅ Christlichen
namen füren.) wol wir den mehrern teil den Christlichen namen füren /
vnd die Sacrament empfahen / welchs / vnd der gleichen / Christliche zeichen
sein eusserlich / vnd vor der welt / aber an sich selbs vor Got niemand zum
Christen / noch gerecht / noch selig machen) Sondern wir gleuben / (Wenig Christen.) es sein etliche / vnd der wenig /
wie Christus sagt / Matthej. 20. vnd. 22. Viel sein jr beruffen / aber wenig
ausser welet / Die selben wenig erwelten / vnd von ewigkeit versehene / die also
jnn rechtem glauben stehen / sein die rechten waren Christen von der jnnern
waren Kirchen.
(Die ware jnnere Kirche ist vnsichtbar.)
Daraus entstehet krefftiglich / so wir die waren Christen eigentlich vnd
gewislich nicht erkennen / noch vrteilen / noch sehen mögen eusserlich / viel
weniger die selb ware heilige Christliche Kirch / von den selben waren / rechten
/ vnd vnerkanten Christen versamlet. Wie (Die jnner
kirche wird gegleubt.) wir denn auch die selb ware heilige Kirch / jnn
Artikeln vnsers glaubens gleuben / als die nicht sinnbegreiflich / sondern ein
geistlicher Cörper / Leib / Reich / Gespons oder Braut / vnd einiger Schaffstall
Christi ist / Ro. 12. 1. Cor. 12. vnd. 14. Ephe. 4. Joan. 10. Vnd also
allenthalb geistlich vnd vnsichtbar / die weil sie im glauben auff Ihesum
Christum gegründet ist / welchen Petrus an (Der glaub
vn̅ die jnner kirch sein vnsichtbar.) stat der
gantzen Kirchen bekand / Denn der glaub nicht ein eusser ding ist / sondern on
alle mittel jnnerlich im hertzen verborgen / vnd gantz geistlich / wie Paulus
sagt Ro. 10. Mit dem hertzen gleubt man zur gerechtigkeit / Vnd das hertz ist
vnerforschlich / Jere. 17. welchen glau ben auch nicht blut vn̅
fleisch / oder etwas eusserlichs / sondern Gott der himlisch Vater jnn Ihesu
Christo / durch den heiligen geist / jnn vns formirt vnd eingeusst / Wie
Christus alhie sagt / Matth. 16. Blut vnd fleisch (Die
Christlich Kirch ist nicht stellig / vnd alfo folgend nicht allein zu
Roma.) hat dir das nicht offenbart etc.
Darumb wir warhafftiglich nicht sagen mögen / das die selb heilige Christliche
Kirch / als stellige / vornemlich zu Roma / hie odder dort / an diesem odder
jhenem
|| [ID00041]
ort / gewislich / sonderlich
/ vnd allein sey. Eben als Got die Christenheit / vnd den glauben / allein jn̅ einem winckel verweiset / gedrenget vnd gesteckt hett / so er
doch die Aposteln / das Euangelion vnd seine reiche vn̅ milde gnad
zu predigen / vn̅ dadurch die Christliche Kirch von allen örten
zuuersammeln / jnn alle welt hat ausgesand / Marcj. 16. Sondern viel mehr vnd
warhafftiger / ist die heilig Christlich Kirch / bey vnd jnn vns / Luce. 17. Vnd
also folgend / jnn der Tartarey vnd Türckey(Wo die
Christliche Kirche sey.) / Auch vnterm Bapst zu Roma / ob er gleich
als böse als der Türck / odder als der Teuffel selbs sey / vnd sonst vberall /
jnn aller welt / jnn gemein / da rechtgleubige Christen menschen sein / Ja die
rechtgleubigen sein die Kirch selbs / wie gesagt / vnd weiter folgen wird.
Von dieser jnnern Kirchen / wie von der eussern / ist(Die jnner kirche jnn der schrifft gegründet.) auch viel schrifft
beider Testament des alten vnd newen / Esaie. 60. 65. Jere. 31. Psal. 21. Ich
wil deinen namen meinen brüdern verkündigen / vnd im mittel der Kirchen dich
loben. Vnd daselbst / Mein lob ist bey dir jnn deiner grossen Kirchen / Also am.
88. Psalm / auch am. 149. Sein lob ist jnn der Kirchen seiner heiligen. Des
gleichen Matth. 18. Johan. 20. Hebre. 12. Da er von den erstlingen der Kirchen
redet / welche im himel geschrieben sind. Vnd alhie Matth. 16. da Christus sagt
/ vnd auff diesen fels wil ich meine Kirchen bawen.
Vnd diese Kirch wandelt allenthalb jnn geistlichen(Die
jnner kir che ist von geist lichen dingen.) dingen / wie die eusser
jnn leiblichen / als im glauben vn̅ glaubens sachen vnd artikeln /
die selben vnuerruglich vnd vnueranderlich / sonder zu vnd absatz ewiglich
zuhalten.
Vnd jnn jr ist der rechte ware lebendige Gottes(Inn der
jnnern kirchen der rechte gottes dienst.) dienst / dadurch man Gott im
geist / vnd jnn der warheit rechtschaffen dienet / Joan. 4. als durch den
glauben / wie sich jnn der eussern Kirchen erzeigen die früchte oder werck / die
aus dem glauben komen / der durch die lieb wirckt / Gal. 5.
|| [ID00042]
(Eussere dinge sein der eusseren Kirchen. werck.)
Darumb wie alles / so allenthalben eusserlich vnd sichtlich geschicht / Auch das
eussere Gottes wort / jnn dem es allein mündlich gepredigt / vnd die heiligen Sa
crament / jnn dem sie eusserlich vnd sichtlich gehandelt vnd empfangen werden /
als der leib vnd blut Christi leiblich gessen vn̅ getruncken / vnd
jns tauffwasser sichtlich getaucht / sein allesampt werck / allein der eussern
kirchen / welche jrer halben / vnd jnn dem sie allein als ein werck eusserlich
gethan / vor Got niemand zu einem (Innere dinge sein
der jnneren Kirchen werck.) Christen / noch gerecht / noch selig machen
/ Also auch / alles gute / so jnnerlich geschicht / als das jnner Gottes wort /
vnd die geistliche jnnere niessung des leibs vnd bluts Christi jm glauben / vnd
der vnsichtbar glauben jnn dis wort der Tauffe / dazu die vnsichtbare gnade /
vnd das rechtschaffen geistlich jnner gut / welchs sie jnnerlich jnn der seel
vnd hertzen wircken / sein die rechten werck der jnnern geistlichen Kirchen /
welche allein vor Gott Christen / rechtfertig / frum vnd selig machen.
(Christus der jnnern Kirchen heubt.)
Vnd die selb Kirch / hat das einig vnd allein allergröst vnd öberst haubt Ihesum
Christum / wie wir folgends sagen werden.
(Alle priester / nach der jnnern Kirchen.)
Auch nach dieser geistlichen jnnern kirchen / sein wir alle geistlich vnd
priester vor Gott / nach dem exempel des einigen waren öbersten priesters Ihesu
Christi / Wie die schrifft sagt / Exodi 19. Ir solt mir ein priesterlich
königreich / vnd ein heilig volck sein / Vnd aus der selben schrifft spricht S.
Peter. 1. Petri. 2. Ir aber / seid das ausserwelte geschlecht / das königliche
priester tumb / das heilige volck etc. Vnd vor diesen worten / das wir ein
heilig priestertumb / auff Ihesum Christum sollen gebawet sein / die wir
geistliche opffer sollen opffern (Wie wir alle priester
sein / vn̅ priesterliche ampt geistlich vben solten.) /
Gott angeneme durch Ihesum Christum.
Alhie lern du grober Her omnes / wie es zugehe / wen̅ du jhe ein
priester sein wilt / vnd priesterliche ampt vben / wie wirs denn alle sein
sollen / vnd dasselb ampt
|| [ID00043]
vben /
vornemlich geistlich / wie Petrus sagt.
Du magst vnd solt predigen / deinem selbs hertzen /(Predigen.) jn̅ tieffer betrachtung / beschauligkeit /
vnd nachgedencken des Göttlichen worts / damit dirs aus deinem hertzen nimer
empfall / sondern allzeit darnach gleubst vnd lebst / wie auch die gebenedeite
Gottes gebererin / vnd allzeit jungfraw Maria thet / die alle wort jn̅ jrem hertzen betrachtet vnd behielt / Luce. 2.
Du magst vnd solt Messe halten / vnd das Sacrament(Messe halten) nemen teglich / durch den glauben jnn tod vn̅ blut Ihesu Christi / deinen glauben daran zu stercken vnd mehren
/ vnd Gott seiner erlösung zu dancken / wie Johan.(Sermon vom Sacrament.) 6. leret / Vnd jnn meinem Sermon vom leib vnd
blut Christi klerlich angezeigt ist.
Du magst vnd solt Teuffen durch die widdergepurt /(Teuffen.) jnn annemen / durch Göttlich gnad / eines newen
gottformigen menschens / wie denn die heilige Tauffe haben wil / vnd seine
eigentliche krafft ist / als ich dauon weiter gelert hab / jnn meinem Sermon vom
Sacrament(Sermon vom Tauff.) des Tauffs /
auffs Euangelion Johannis 3. vom Nicodemo.
Du magst vnd solt beten / vnd Gott opffern deinen(Beten
/ opffern.) leib / zu einem beheglichen vnd lebendigen opffer / durch
tödtung des sundigen fleischs / vnd leben des geists / wie dauon zun Römern am.
12. vnd. 1. Pet. 2.
Vnd also folgend / magstu vnd solt allen eussern wan(Den eussern Kirchen dienst jnn jnnern zu wandeln.) del der eussern
kirchen / vnd jres priestertumbs odder kirchendiensts / jn̅ dem
jnnern vnd geistlichen wandeln.
Wie wol diese Ampter / durch ordentlichen beruff(Wie
man Priesterlich ampt eusserlich vben mag Weiber nottauff.) der
Kirchen / vnd one beruff der selben / als jnn nöt / eusserlich zu vben
menniglich nicht verbotten / sondern gebotten wird. Wie denn man vnd weib jnn
solchem fall der not / one allen vnterscheid / kindlein teuffen mögen vnd sollen
/ vnd auch warhafftig getaufft sein vnd bleiben / vnd keines widdertauffs
bedörffen. Des glei
|| [ID00044]
chen(Predig.) wir alle / dem jrrenden vnwissenden
predigen / vnd Christum vortragen vnd leren sollen / mit beiden dem (Sacrament reichen. Beichthören.) wort vnd leben.
Auch das Sacrament des leibs vnd bluts Christi austeilen / vn̅
beichthören / vnd den schwachen gewissen raten / vnd mit Gottes wort trösten /
wie (Sermon von der Beicht.) ich das alles jnn
einem andern Sermon von der Christlichen Beicht gelert hab.
(Wie wir alle priester vnd priesterin sein durch den
heiligen geist.)
Vnd durch solche krafft vnd vermögen der kirchen / aus dem blut vnd tod Ihesu
Christi sein wir also allesampt geistlich / priester vnd priesterin / pfaffen
vnd pfeffin / wie mans nennet / durch den heiligen geist gesalbet jnnerlich / ob
gleich eusserlich wid der kappe noch platte / widder schmire noch salbe / noch
büchse dazu kompt.
(Inn dem eini gen Christo / sein wir alle einer.)
Denn jnn diesem allein / sein wir allesampt einer vnd gleicher macht / der
vnterst geordente Christ / auch der vnuerordente (jnn nöten allein) als der
öberst Bapst / nach dem wir alle haben nur einen Gott / einen Christum / einen
heiligen geist / ein wort / einen glauben / eine Tauffe / eine vnd gleiche
Sacrament etc. dadurch solchs alles geschicht / vnd des Bapsts gott nicht mehr
ist / (Bader vnd Bapst gleich.) denn des baders /
vnd vnser aller Gott / welcher solchs alles / durch vns so wol als durch jn
wircken mag / vnd auch wirckt / wie solchs zeigt Paulus Gal. 3. Hie ist kein
Jude noch Grieche / hie ist kein knecht noch freier / hie ist kein man noch weib
/ denn jr seid allzumal einer jnn Christo Ihesu. Vnd. 1. Cor. 12. Denn wir sind
jnn einem geist alle zu einem leibe getaufft etc.
Wenn du nu ein solcher priester odder pfaff werest / wie du es denn sein solt /
würdest dafur ichs achte / mit deinem eigen vnd jnnerlichen priestertumb oder
pfafferey / als viel zu schaffen haben / das du dich des frembden vnd eussern
vnuerordent / nicht viel würdest annemen / wie dirs denn von dir sels / sonder
beruff / vnuerordent / vnd one not / nicht gebürt / damit nach Sanct
|| [ID00045]
Paulus befelh. 1. Cor. 14. alles
ordentlich zugehe. Vnd(Alles ordentlich.) zun
Römern am. 10. Wie mögen sie predigen / wenn sie nicht gesand werde̅? Dadurch er angibt / das sich selbs keiner senden / eindringe̅
/ noch einigs ampts annemen /(Kirchendiener sollen
gesand sein.) vnterstehen / vnd wirdigen sol / Wie ers den̅ fast jnn allen seinen Episteln / vor seine höchste ehre anzeucht
/ das er Apostel / das ist / gesanter sey von Christo / vnd nicht der sich selbs
gesand hab / Von welchen Jeremias(Paulus ein
gesandter.) sagt am. 23. cap. Ich hab nicht gesand diese Propheten /
vnd sie sein gelauffen. Auch ist Christus selbs(Christus ein gesandter.) gesand / von seinem himlischen Vater /
Johan. 20.
Also viel sey auch von der jnnern Kirchen zur besserung(Widder die kirchen störer vnd störmer.) gesagt / damit wir zu
nachteil des nehesten lieb / vnd vnserer eigner seligkeit / mit der Kirchen /
vnd dem so jr eigent vnd folget / nicht also gar vergeslich vn̅
jrre faren / als jtzt die vnsinnigen Schwermer vnd Hummel(Schwermer.) geister / Ja auch / mit vrlaub
zureden / als etliche vnserer grossen Hansen vom löblichen Adel vnd Rethen /
beider(Grosse Hansen.) der Fürsten vnd Sted
/ welche / wenig bescheidenlicher / den̅ die Auffrürischen baurn /
die Kirch zu sampt(Auffrurissche baurn.) dem
jren allenthalb zurutten. Auch gestifft / Clöster / Clausen / vnd was des
eussern dinges alles ist zur fordernis der jnnern Kirchen / mehr des zeitlichen
guts / dasselb an sich zubringen / denn Gotts vnd des nehesten lieb halben /
einnemen / schleiffen / zerbrechen / vnd tilgen.
Wie sie denn (damit wir natürliche vnd schalcks(Vergleichung natürlicher vn̅ schalcks narren.) narren
bey einander setzen vn̅ vergleichen / so doch einer vnendlich
besser ist denn der ander) nach des frumen alten Klaus narrens seligen
sprichwort / jnn dem er jnn Behem sol gesagt haben / Er trinck den guten wein /
vn̅(Klaus / Sechsischer
Kurfurstlicher natürlicher narr.) blieb sein leben lang ein ketzer /
Als die rechten schalcks narren vnuerschempt hinach stocken vnd lallen / Sie
nemen das feiste reiche Kloster odder gestifft / vnd würden(Schalcksnarren.) / vnd blieben auch jre lebetage
gut / ja falsch Euangelisch etc.
|| [ID00046]
Als sie denn auch warlich / wie sie selbs bekennen / dieweil jn der Stern als
sighafft leuchtet / den besten (Sprichwörter) riemen aus der haut schneiden / vnd die feuste nicht spa ren
/ noch bey sich behalten / sondern weidlich darnach (Nachgriff der falsch Euangelischen.) greiffen / vnd nicht minner nach
den silbern vnd gülden götzenbilden / vnd also ein götz nach dem andern. Item
nach den grossen Monstrantzen / heiligen sergen / kelchen / pacificalen / perlen
/ gesteinen / vnd andern köstlichen kleinoten. Des gleichen nach den hochseiden
kaseln / kappen / ornaten vnd gezirden etc. darein sie sich / jre weiber vnd
kinder / frenseln vn̅ schmücken / vnd dennoch vnterm schönen
schein / des recht Christlichen guten (Gemeiner
kasten.) wercks / des gemeinen armutkastens / das solchs alles zu
rechtem guten brauch darein gewand werd etc.
(Als fern Euangelisch / als fern genieslich.)
Vnd sein also gewislich ferrer nicht Euangelisch / denn sie nutz empfinden / so
jn doch nichts minner hertzlich vnd anligend ist / den̅ des
gnadenreich Euangelion Christi zusampt dem armut / welch heilig Euangelion (Euangelion der bösen schandmantel.) sie hierzu
allein zum schanddeckel misbrauchen / so es doch solche rauberey vnd dieberey
nicht leret / sondern allenthalb weret.
(Geistlich vnd weltliche reuber.)
Wie wol es auch bey mir streitig ist / welchs die grösten reuber vnd dieb sein /
entweder dieselben weltlichen odder geistlichen / so die weltlichen das zeitige
/ aber die (Vnrecht gut droet nicht.) geistlichen
das zeitige vnd ewige zugleich rauben vnd nemen / vnd seins dennoch nu entlich
beide wenig gebessert vnd reicher.
(Schalck vber schalck.)
Dieweil aus Gotts vorhengnis / schalck vber schalck komen ist / also / was
erstlich die geistlichen betrieglich geraubt haben / jtzt von den weltlichen
widderumb gewaltiglich beraubt werde̅ / nach gemeinem sprichwort /
(Gepfropfft almus.) zu einem gepfropfftem
almus / vnd also zu beider verderb / wie Esaias 33. sagt / damit es jhe
allenthalb hingehe / wie es herkomen ist / Eben wenn ein schalck nimmet dem
andern / vnd werden beide gefangen. Als denn
|| [ID00047]
solch vngerecht gut bey gerechtem /
eben so viel thut vnd(Vnrecht gut bey gutem / thut als
viel / als kornwürmer vnterm korn.) nützet / als schedliche kornwürmer
vnter gut korn vermengen / die es alles auffressen vnd verzeren / Wie es den̅ augenscheinlich ist / das es alles zu wenig / vnd eins mit dem
andern vnter den henden gleichsam zu wasser wird / vnd verschwind / wie der
staub vom wirbel odder drehwind / als der erst vnd. 34. Psalm sagen.
So es doch erstlich / da man Klöster vnd gestifft /(Schein vnd deckel des vnrechten brauchs mit dem kirchgut.
Reformation.) vnd derselben vermögen vnd einkomen / begund
anzugreiffen / im schein einer vermeinten Reformation oder besserung ward
vorgegeben / als geschechs dem gemeinen armut zu gut.
Nemlich / das geschickte junge leut darauff studirn /(Studenten.) vnd der Kirchen zu trost solten aufferzogen werden.
Auch so etwa lands not / an brand / krieg / stewer / teu(Lands not.) rung / Türckenzug / hausarmut / vnd
der gleichen gebrechen vorfielen / das solchs dazu solt hinderlegt / gebraucht /
vnd also des armuts verschont / vn̅ dem allenthalb damit geholffen
vnd geraten werden.
Ja wol hinterlegt / also hinterlegt / odder warer verlegt(Hinderlag des kirchguts.) / das er nindert erfur
zubringen / noch widder zufinden ist / gleichsam eins das ander suchet / vnd
beide aussenbleiben.
So wird auch selden zur Lahr / vnd sonst jnn ander(Hülff mit dem kirchgut.) wege geholffen / denn eben denen so vor gnug
haben / oder wol verdient vn̅ angesehen sein / vnd damit gleich
sam versoldet vnd abgefertigt werden / als der grossen Hansen kinder vnd
verwanten / die offt zu solcher lahr geschickt sein / als ein Esel zur leyer /
vnd sonst bey menniglich also verdient / als bey den kröpeln vnd lamen die
jhenen / so sie jnn kat vnd dreck stossen.
Wie auch mit dem gemeinen kasten / dieweil er offt(Austeilung des gemeinen kastens.) mehr nach gunst / denn nach
notturfft ausgeteilt wird / dem gemeinen bettel also ist verkomen / das wir fast
allesampt betler worden sein / Es wern denn reicher wor
|| [ID00048]
den die so man kastenherrn
nennet / oder dieser gestalt billicher Taschen vnd Tastenherrn / so mehr vor
sich selbs taschen / kasten / vnd Tasten / stelen vnd nemen / denn andern geben
/ das es wol eines bedenckens bedarff / etwas jnn den kasten zulegen / zu
welchem ein ander denn du / die Schlüssel hat etc.
(Stewer vnd schatzung.)
Des gleichen wird des armuts verschont / dieweil nu das kirchengut fast
erschepfft / vnd wie eine gelde kuhe versigen ist vnd verschwunden / das hinzu
dasselb dürff tig armut (vber das es hals vnd bauch zusetzet) mit stewern / auff
setzen etc. auff den grad vnd die rieben ge schabt wird vnd geschunden.
(Vergleichung der Egyptischer plagen mit den
Kirchreubern.)
Summa / solche falsche Mund Euangelier / vn̅ gleisnerische
verlogene Maul Christen / ja solch gotlos / gewinsüchtig ertzteufels gesinds /
vnd hellekericht / allesampt vber einen hauffen / so der kirchen gut (welchs
(Kirchen gut der armen schatz.) der armen
schatz ist) also gewaltiglich vnd freuelich / oder auch arglistiglich vnd
dieblich zu sich reissen / kratzen / scharren / rauben / vnd stelen etc. sein
vor Gott vnd aller welt / vor anders nichts zuachten / denn vor die kefer vnd
bremen / hummeln vnd brommen / fliegen vnd mucken / frösche / hawschrecken / vnd
vor das gantze böse geschwürm vnd gewürm / des gantzschedlichen vngezifers vnd
gifftigen geschmeisses jnn Egypten / welche also der Kirchen vnd der Armen gut /
eben wie diese / die vberbleibling vom hagel erhalten / vollent auffressen /
verwüsten / vnd allenthalb verheren vnd verzeren / vnd werden auch endlich / wo
sie sich nicht bekeren vnd (Pharao.) bessern /
solchen wert vnd lohn nemen / wie Pharao / der haubtsacher solchs vngemachs /
dauon geschrieben ist im andern buch Mose / am. 7. 8. 9. 10. 11. cap. Gott geb
jn rechten sinn / damit hinfurt seliglich zuhandeln / Amen.
(Kirchen störmer kennen widder Gott / noch sich
selbs)
Denn damit geschichts gewislich / aus gerechtem Gottes gericht / zu einer ernsten
straff vnd plag / jn̅ dem sie die eusser kirch also turbirn /
beleidigen / vn̅ zureissen /
|| [ID00049]
das sie aus rechter stockblindheit
/ jre eigen jnner vnd(noch diejnner noch die eusser
kirch.) geistliche Kirch / den rechten lebendigen Gottes tempel mit
zureissen / stören vnd tilgen. Vnd also aus verharter bosheit nicht erkennen /
wider die eusser noch jnner Kirch / widder geistlich noch leiblich / noch Gott
noch mensch / auch nicht jren eigen leib vnd seel / nach welcher bild vn̅ gleichnis / die Kirch / wie oben gesagt / von Chri sto gemacht /
vnd auffgericht ist.
Zu welchem grossen ergernis vnd verderb / vnsere vnschickliche(Vnschickliche Prediger sein vrsacher alles
vngemachs.) vnd vnbescheidne prediger (so noch jtzt das land vol ist /
vnd die besten sein sollen / den es Got barm hertziglich verzey / vnd jr selbs
erkentnis vnd besserung verley / Amen) nicht wenig vrsach geben haben / jn̅ dem(Nachteil der ergerlichen eiteln
geist predig.) sie erstlich / one allen guten vnterscheid / predigten
vnd lereten / das die Kirch / vnd alles so jnn der Kirchen vn̅
gantzen Christentumb ist / allein geistlich / vnd jnnerlich wer etc.
Daraus entstünde bald (als denn das böse / beuor da es genies findet / bald seine
volge hat / so im guten niemands ernach wil) was allenthalb eussers war an
gebewden(Kirchen störung.) / tempeln /
bilden / zirden etc. das solchs allessampt zuruttet / vnd entgentzet /
zuschlahen / zuhawen / verbrant / geschleifft / verwüstet vnd zerstöret ward.
Auch gestifft / Klöster vnd Clausen / als ein eitel vergeben(Münche vnd Nonnen aus treiben.) vnnütz ding /
eingenomen. Pfaffen / Münche / vnd Nonnen ausgetrieben / vnd zu grossem
sundlichen wesen / jns elend veriagt würden etc.
Das man also am kleinen (wiewol es allzu gros war) anbis oder lerete / bis man
zum grösten auch kam. Wie die hund / so erstlich die kleinen lederrimlein
kawen(Gleichnis.) / vnd letzlich die gantzen
grossen heute hinach fressen(Gemeine empörung vnd
auffrürer. 1525.) vnd verdawen. Als denn bald ernach / gleichsam aus
vrsach vnd exempel dieses falles / eine vnerhörte empörung entstünd / fast von
menniglich / vnd jnn der bösen vnfridlichen hertzen noch nicht gantz erlosschen
|| [ID00050]
ist / nicht allein widder die
selben geistlich genanten / sondern auch fast widder alle von Got geordente
oberkeit.
Vnd forder / das nu die eussern guten werck allesampt (Verachtung aller guten werck.) / dadurch wir doch vnsern
rechtschaffnen glauben gegen dem nehesten / vnd vns selbs beweisen sollen /
Hebre. 6. cap. Als da sein trawe / lieb / gehorsam / forcht / erbietung / gedult
/ gabschafft / Summa / alle tugent / erbarkeit / zucht / vnd guter wandel vber
einen hauffen / vntergangen sein vnd verloschen.
(Verachtung der predig. Müntzer.)
Ja welchs das gröst ist / so sein etliche vnd der viel (als etwa Müntzer mit
seinen himlischen / odder rechter / teuffelischen propheten) die aus solcher
eiteln geist predig / das heilig gnadenwort Christi / die eusser münd lich
predig des Euangelions / daraus doch der glaub entstehet / Ro. 10. gantz
verachten / vnd selbs nicht lesen / noch von andern hören / sondern allein
jnnerlich / vom geist / wie sie sagen / odder anders wo her aus der lufft /
wollen gelert werden / gantz verkerlich vnd widdersinnisch / one alles forschen
/ hören / vnd nachgedencken der schrifft / wie volgen wird.
(Verachtung der arbeit.)
Als denn etliche jn̅ die vnsinnigkeit gerieten / das sie one zuthun
der hend vnd erbeit / allein von Gott wolten erneret vnd enthalden werden / vnd
gleichsam mit fingern jns maul gegeben haben.
(Verachtung der Sacrament.)
Also auch die Tauff lesterer vnd Sacrament schender / so die heilige Tauff ein
hundsbad nennen / vnd die leibliche niessung des waren leibs vnd bluts Christi /
ein fleisch fressen / vnd blut sauffen etc. was allenthalb jnn der kirchen
eusserlich gehandelt wird / nichts wollen sein lassen / sondern allein die jnner
niessung im glauben / vnd was sonst allenthalb geistlich geschicht.
Vnd wollen also / dieweil sie noch alhie jnn blut vnd (Klügler vber Christum.) fleisch stecken / bis vber die oren / vnd
derhalb der eusseren ding jnn der Kirchen / als wenig on sein mögen / als
|| [ID00051]
jrer eignen haud vnd haer / dennoch
klüger / geistlicher /(Christus hat auch eussere dinge
gethan.) engelischer vnd allenthalb jnnerlicher sein denn Christus
selbs / gleichsam er / vnd nach jme seine Aposteln / mit nichtes eusserlichen
weren vmbgangen.
So doch Christus die eusser Kirch / da er sprach /(Eusser Kirch.) Sags der Kirchen / als wol als der jnner / als er sagt
/ Auff diesen fels wil ich meine Kirch bawen / dazu den(Bann.) Bann / jnn dem er sprach / Halt jn vor
einen heiden vnd publicanen / einsetzt vnd bestetigt. Mehr jnn solcher eussern
kirchen / das eusser wort / so mit dem mund gepredigt(Mündlich wort.) / vnd jnn die oren gefasset wird / auch das eusser
sichtbar wasser des Tauffs / vnd das leibliche essen vn̅(Tauffwasser. Leiblich Sacrament.) trincken seines
leibs vnd bluts / jnn sichtigem brod vnd wein / Dazu eingrosser teil des
Euangelions / auch bald alle Episteln vnd Geschicht der Aposteln / vol vnd
vber(Eusserer guter wandel.) vol sein /
alles eussern guten wandels / das es verdrieslich ist / etwas dauon erzelen / so
vns dis einige. 1. Pet. 2. vberig gnug ist / jnn dem er spricht / Vnd füret
einen guten wandel vnter den heiden / auff das die so von euch affterreden / als
von vbelthetern / ewr gute werck sehen / vnd Gott preisen / wens nu an den tag
komen wird.
(Keisertumb.)
Vnd Summa / so bestetigt auch Christus selbs das Keisertumb / vnd dadurch das
schwerd / vnd alle weltliche(Schwerd.) öberkeit
/ so es doch ein gantz eusserlich weltlich(Oberkeit.) reich ist / da er spricht / Gebt dem Keiser / was des
Keisers ist / Matth. 22. Auch selbs den zol gibt / Matth. 17. Vnd Paulus Roma.
13. Sie tregt nicht vergeblich vnd on vrsach das schwerd etc. So haben auch die
Aposteln(Concilium der Aposteln.) ein eusser
offens Concilij gehalten / vnd darin viel eussers dinges geordent vnd gesetzt /
wie jnn jren geschichten am. 15. Vnd letzlich / so alles jm geist vnd geistlich
sein solt / so were Christus jnn seinem himel ein geist / vn̅(Nota.) vnsichtiger / vnbekandter Gott blieben /
vnd nicht ein eusserer / sichtbarer / natürlicher vnd kendlicher mensch worden /
als der allein mit seinen Engelischen geistern /
|| [ID00052]
vnd nicht auch mit vns
fleischlichen mensche̅ hett wollen vmbgehen / so er dieser gestalt
/ wol hette vngeschaffen gelassen etc.
Zu widder allen / so aus vnuerstand vnd vnwarheit (Vnuerstand vnd rechter verstand der wort / Mein reich ist nicht von dieser
welt.) sagen / Christus vnd die Aposteln haben nichts eussers gesetzt
vnd geordent etc. Inn dem sie zu behelff nemen / den vbel verstanden spruch
Johan. 18. Mein reich ist nicht von dieser welt. Damit sie alles eussere / on
allen vnterscheid verwerffen / so es doch warhafftig gesagt ist / das zanck /
hadder / schwerd / waffen / krieg vnd vnfriede / welchs die rechte welt ist /
nicht Christus reich sey. Wie er denn volgend sagt / Wens von der welt were / so
würden zwar meine diener vor mich streiten etc. Darumb er auch Petrum das
schwerd hies einstecken / Matthej. 26.
(Was Christus reich sey.)
Sondern Christus reich ist eigentlich / von allem / was tugent vnd gut ist / von
jnnen vnd aussen / doch ein jedes jnn seiner art / weise vnd masse / das ist /
das allein das jnner / vn̅ nicht das eusser / rechtfertigt vn̅ seligt etc.
(Gleicher jrsal / das die Kirch von etlichen al lein
geistlich / vnd von etlichen allein leib lich gemacht wird / die weil sie zu
gleich leiblich vnd geistlich ist.)
Wiewol auch jnn solchem fall / zu der lincken hand / zu weit aussem geschir
geschagen / vnd nicht weniger schedlich geirret ist / jnn dem etliche die Kirch
allein leiblich vnd eusserlich / Wie hinwider etliche zu viel zur rechten hand /
dieselb allein jnnerlich vnd geistlich / vnd nicht zugleich leiblich vnd
geistlich gemacht / vnd also alles / wie zu viel auff geistliche jnnere / also
auch zu viel auff eussere leibliche ding / als jnn welchen eusserlichen dingen /
die seligkeit vornemlich stehen solt / gezogen haben.
(Irsal der Pa pisten jnn eussern dingen / vor geistliche
dar gegeben.)
Als man sihet / das die Papisten vn̅ Sophistengantz widdersinnisch
/ zu grossem verderb der selen / der eusseren kirchen werck / als da sind sitten
/ zucht / geberde / fast en / feiern / speis / kleidung / vnd was allenthalb die
Ce remonien vnd eusserer wandel sein / der jnnern kirchen also zugelegt haben /
das sie eitel Euangelion / glauben
|| [ID00053]
vnd glaubens artickel daraus gemacht / vnd allesampt auff die gewissen / vnd
also auff himel vnd helle / vnd auff die seligkeit vnd verdamnis getrieben haben
/ vnd(Alles verkert.) ist dadurch nu endlich
fast dazu kome̅ / das also weder leiblichs noch geistlichs
vnuerruckt / reine vnd jnn seinem rechten stand / eigenschafft vnd wesen /
blieben ist.
So es doch leichtlich zuerkennen ist / wie es allenthalb(Aus eigenem erkentnis / entstehet der kirchen / vnd der
selben werck erkentnis.) vmb die Kirch / vnd derselben werck vnd vbung
gethan sey / so allein der mensch (welche die rechte Kirch / odder jhe ein glied
der selben ist) sich selbs erkennet / Als nemlich / wie der selb ein jnnerer
vn̅ eusserer mensch ist / Also ist auch die Kirch jnnerlich
vnd eusser lich / vnd also zu gleich geistlich vnd leiblich. Vnd volgends(Ecclesia sicut in spiritu sine errore et sancta / Ita
in carne erronea et peccatrix est) / wie sie nach dem geist heilig /
rein / on jrsal / vnd gantz jnnerlich vnd geistlich ist / wie auch der jnner
mensch jnn Gotts gnaden / Also ist sie nach dem fleisch odder leib / sundig /
vnrein / jrsall / vnd allenthalb eusserlich vnd leiblich / wie der eusser mensch
one gnad. Damit nicht jemand vermeine / das die Kirch allenthalb / vn̅ on alle mittel vn̅ vnterscheid / gantz heilig
vn̅ on jrsal sey etc. Denn allein gesagter weise / nach dem
geist / vnd jremgeistlichen jnnern wesen / Wie es denn am kern der ersten vn̅ allerbesten Kirche̅ oder Christenheit / den
heiligen Aposteln / jn̅ dem sie scheinlich geirret haben /
auch(Aposteln haben geirret.) scheinlich
befunde̅ wird. Vnd dem also nach / nach dem geist / als nach
de̅ geist zu rede̅ / das ist / nach jrem jnnern
wesen / so jn̅ Gotts gnad vnd dem glauben stehet / wandelt man
allzeit on jrsal / jnn warheit vn̅ gerechtigkeit / wie nach dem
fleisch / als nach dem fleisch / das ist / nach jrem eussern wesen / so
ausserhalb solcher Götlicher gna de vn̅ glaubens ist / wandelt man
allein im schein vn̅ far be / solcher warheit vnd gerechtigkeit /
Ja jn̅ jrtum vnd sund vor Gott. Vnd also allenthalb / mit dem
jnnern(Eigenschafft des leiblichen vnd
geistlichen) vnd geistlichen handelt man gegen Gott / mit dem eussern
vn̅ leiblichen gegen dem nehesten. Im jnnern vnd
|| [ID00054]
geistlichen stehet vornemlich die
seligkeit / Im eussern vnd leiblichen allein die anleitung vnd fordernis zur
seligkeit. Vnd also folgend vnd letzlich / hat auch ein jedes ding jnn der
kirchen / seine vnterschiedliche vnd besondere (Alles
jnn der Kirchen wol geordent.) bequemigkeit / ordnung vnd eigentumb /
auff beide das leibliche vnd geistliche zu gleich / wie im anfang gesagt / vnd
furder volgen wird.
(Durch gute ordnung bestehen alle ding.)
Wenn man nu also auff solcher richtiger baen / vnd königlicher mitler strasse
wandelt (darauff der Teufel nicht gern wandeln lesst / als der allezeit seine
zwerch höltzer mit einwirfft / vnd auff abe oder jrre wege weiset) vnd alles /
sonder gute ordnung / nicht also durcheinander (Alles
widdersinnisch.) kochet / brawet vnd kawet (wie denn jtzt alles
widdersinnisch vnd verkert ist / jnn dem das geistliche leiblich / vn̅ das leibliche geistlich sein wil / so doch jn̅
gemeiner kirche̅ alles wol geordent sein sol) so würde meines
geringen achtens / ein jedes ding jn̅ seinemwerck vnd wesen / auch
ein jeder jnn seinem beruff vnd ampt / vnd der er an sich selbs sein sol / wol
bleiben / vnd würde keins dem andern die sichel jnn frembden schnitt also (Wie die kirch widderumb mag zu recht bracht werde̅.) vermeslich einlassen. Auch würde sonder zweiuel / die
Kirche vnd gantze Christenheit / als jrrig / vnordenlich / vnd vnfridlich sie
leider jtzt ist / gantz richtig / einig / wol geordent / vnd fridlich jnn Gott
widderumb werden / Amen.
(Der öberkeit gebürt das bö se jnn guts zu wenden.)
Damit aber sol der ordenlichen öberkeit nicht geweret noch verbotten / sondern
alhiemit mehr gebot / raum vnd vrsach gegeben sein / ein ordentlich Christlich
einsehen zu haben / zur besserung vnd nicht zur verderbung (welchs denn
eigentlich jr ampt ist) jnn der Kirchen allen falschen zusatz vnd misbrauch / so
dem rechten wa ren Gotts dienst zu widder vnd verhinderlich / zu wenden vnd
abzuschaffen / Beuor jnn Klöstern vnd gestifften / vnd sonst allenthalb da man
abgöttisch / widder-Christlich / sundlich vnd ergerlich lebt / vnd wol wegrer
|| [ID00055]
vnd besser were / das des orts
/ da solche ergerliche stifft vnd Klöster sein / ein Teich / auch one fische /
sonder voller(Ein Teiche voller frösche ist besser /
denn ein Closter vol ler böser Münche.) frösche / odder aber gantz öde
vnd leer wer / wie denn der selben Teuffels genister / fast alle dörffer / sted
vnd flecken / welde vnd felde vol sein / Damit doch endlich die abgötterey
ausgefegt vnd hinweg gekert / vnd der schedliche schendliche Leusesamen der
gleissnerischen(Schalcks Münche. Vertumbte herrn.
Buelhertzige Nonnen.) falschen schalcks München / vnd verbufften /
vertumbten odder Thumherrn / vnd buelhertzigen Nonnen / von der scheittel vnd
schwarten gründlich hindan abgelauset / vnd allenthalb zum besten verandert vnd
gewend werde / Darauff sprech ein jeder bey sich selbs mit hertzen / Amen.
Damit also frembde sund der öberkeit / durch jr verhengen(Frembde sun de der öberkeit) vnd zusehen / jnn jr
eigen schos nicht fall / als denn etliche viel / vnd freilich vnter vns auch zum
teil sein mögen / die weil sie so gar jns leucken kommen / sich(Von jrtumb vnd sunde keren / ist eine Gotts
ehre.) schemen / weltlicher schand halben (so es doch vor Gott die
rechte ehre ist) widder zu keren / vnd einige veranderung odder verbesserung zu
machen / ob es gleich als vnrecht / das sochs nicht allein zu sehen / sonder
auch zu greiffen / vnd im finstern zu tappen sey / vnd doch sonst jnn alle
frembde sachen die hend mit einlassen / vnd alle welt meistern / vnd / wie im
sprichwort / vberall des Teufels vorlauff sein wollen. Gott erleuchte sie
gnediglich(Sprichwort.) / durch seinen
heiligen geist / Amen.
Aus welchem allem / vnd aus allenthalb wolgegründeter heiliger schrifft / wir nu
end lich / wie man sagt / die seiten zu samen zihen / vnd mit(Sprichwort.) Gotts gnad schliessen wollen diese
gemeine diffinition vnd angebung / der gemeinen einigen heiligen Christlichen
vnd Apostolischen Kirchen / was sie an jr selbs sey / als nemlich.
Die heilige Christliche Apostolische Kirch / ist eine(Was die gemeine Kirch sey.)
|| [ID00056]
gemeine aller Christgleubigen
mensche̅ / vom ersten der schepffung anfang bis zum letzten
ende / jnn aller welt leiblich / durch den heiligen geist jnn einen glauben des
worts / vnd der Sacrament Ihesu Christi / jres einigen öbersten heubts / als
desselben einige vnd vereinigte / heilige / warhafftige / vnd vnjrsale / liebe /
braut / gemein schafft / bruderschafft / leib / reich / tempel / vnd schaffstal
etc. versammelt geistlich.
(Werck des natürlichen geists.)
Denn gleichsam vnser natürlicher geist / seine natürlichen glieder / so er von
jnnen vnd aussen hat / als da sein heubt / hend / füsse / hertz / lung / leber /
etc. jnn einen (Werck des heiligen
geists) natürlichen leib verfügt leiblich. Also auch versammelt der heilig
geist / seine geistlichen glieder / welchs da sein alle Christgleubigen / jn̅ den geistlichen leib Ihesu Chri sti / das ist / jnn die heilig
Christlich Kirch / geistlich.
(Alle besondere kirchen werden jnn die ge meine kirchge
zelet.)
Aus welchem volgt / das also alle sondere kirchen / vnd Christliche gemeine odder
versamlung / als die besondere Kirch zu Antiochia / zu Jerusalem / Rom / Dresden
/ Aldenburg / Colditz / Lausig / Thumirnicht / vnd alle andere / wo die selbigen
jnn sonderlichen örten der gantzen welt zurstrewet sein leiblich (wie den̅ alle Chri sten an einem ort allein / leiblich nicht wesen noch
sein mögen) jnn diese gemeine Kirch / als von der sie mit nichte sollen
ausgeschlossen werden / jnn einem wort oder Euangelio / glauben / vn̅ Sacramenten / allesampt versammelt sein geistlich.
(Catholica. Vniuersalis.)
Darumb sie denn Catholica / oder Vniuersalis / das ist / eine grosse gemeine
Kirch / als die vber den gantzen erdenkreis ausgebreitet / vnd jnn welche alle
besondere (Christiana Apostolica.) kirchen jnn
Christo Ihesu verfasset vnd gezogen sein / genant wird / Psal. 21. Auch
Christiana vn̅ Apostolica / jnn dem sie sich ans wort / glauben
vn̅ Sacrament helt / so jr Christus gepredigt vnd geben / vnd
volgend durch seine Apostel hat predigen vnd geben lassen / Ephe. 2.
(Zwey ding im Christentumb)
Denn im gantzen Christentumb haben wir anders
|| [ID00057]
nichts / denn das wort vn̅ die Sacrament Christi. Das(Won.)
wort ist kürtzlich / dadurch wir gelernt werden / vn̅ wird darin
verfasset / was allenthalb zum glauben vnd zur(Sacrament.) seligkeit not ist. Die Sacrament aber / welche vnserer
schwacheit vnd vnglauben dienen / sein als gewisse zeugen(Sacramenta appendix sunt verbi.) vnd zeichen /
die vns des worts versichern vnd vergewissen / das dasselb an jm selbs / vnd was
es verheisst / war ist.
Diese heilige gemeine Christliche Apostolische Kirche(I
Wie eine kirche ist / also ist jnn jr allenthalb einigkeit.) / wie sie
eine einige Kirch ist / vberngantzen erdenkreis ausgebreitet / Also ist / vnd
sol jnn jr sein gantze vnd volkomen einigkeit / Nemlich / Einigkeit des gemüts /
hertzens vnd willens / Einigkeit eines worts / eines(Ecclesia vna / et vnita.) glaubens / einer hoffnung / einer lieb /
eines Gotts / einer Tauff / vnd allenthalb einer vnd gleicher lahr vnd
Sacrament.
Das alles zeigt klerlich Paulus Ephe. 4. da er sagt / Es ist ein leib / vnd ein
geist / ein herr / ein glaub / ein tauff / Vnd forder des orts / Ir solt
sorgfeltig sein jnn lieb / vnd halten die einigkeit des geists / im band des
frieds.
Also. 1. Cor. 1. Ich bitt euch durch den namen vnsers Herrn Ihesu Christi / das
jr alle ein ding redet / vnd vn ter euch nicht sey zwispalt / sonder seid
volkomen jnn einem sinne / vnd jnn einerley meinung.
Vnd. 1. Cor. 14. Er ist nicht ein Gott des zwispalts vnd vneinigkeit / sondern
des frieds.
Darumb alle Christen / von dieser einigkeit der Kirchen(Gotts hausgesind vnd mitburger der heiligen.) / mitburger der
heiligen / vnd Gottes hausgesind genant werden / Als die alle auff den einigen
grund der Propheten vnd Apostel / welcher ist Ihesus Christus / stimmen /
gründen vnd bawen / Ephe. 2. vnd. 1. Cor. 3.
Sehet / das ist die einige Kirch / vnd jnn jr anders nichts denn eitel lieb /
friede vnd einigkeit / wie des lebens / also auch des worts / glaubens / vnd der
Sacra
|| [ID00058]
ment / nach dem
anbild des einigen vnd allein Gottes / der die lieb / vnd also die einigkeit
selbs ist / Johan. 4.
(Wo vneinigkeit ist / da ist nicht die kirch.)
Als bald aber diese einigkeit / freuelich vnd mutwilliglich / widder die
offentliche vnd erkandte Gotts war heit / von der Kirchen genomen wird vnd auff
hört / so ist sie jtzt nicht mehr eine ware Christliche Apostolische Kirch /
auff den einigen bestendigen waren grund der Propheten vnd Apostel / das ist /
auff Ihesum Christum (Ecclesia malignantium.) /
gebawet / Sondern /
Ecclesia Malignantium /
Das ist / eine Kirch der gotlosen / abtrönnigen / vnd sonderlingen. Item / eine
Buben / Ketzer / Secten oder Rotten kirch / ja eine rechte Ertzteufels Synagoga
/ eine Spelunca / Lotter vnd Mordgrube / hell vn̅ verdamnis der
seelen / auff den vnbestendigen / vnd vneinigen falschen grund der eiteln welt
vn̅ des teufels gebawet / Dauon der. 21. Psalm sagt / Mich
haben viel hund vmb geben / der gotlosen kirch odder gemeine hat mich belegert.
Auch Psal. 25. Ich hasse der Bubenkirch / vnd bey den gotlosen wil ich nicht
sitzen.
(Seligkeit jnn der Kirchen / ausser der kirchen
verdamnis.)
Vnd alle so jnn dieser heiligen Kirchen sein / mit jr eintrechtiglich haltend /
an einem Gott / einem wort / einem glauben / lieb / hoffnung / vnd Sacramenten /
wie ge sagt / werde̅ allein selig. Wie alle so sich daraus
schliessen / trennen / rotten / spalten vn̅ sondern / verdampt.
Das ist figurirt vnd angebildet / wie Petrus sagt. 1. Pet. 3. an (Archa Noah bedeut die Kirch.) der Arca vnd Kasten
Noah / da alle so darin waren / erhalten wurden / vnd alle ausserhalb der selben
ertruncken / Genesis 7.
(II. Haubt der Kirchen ist Christus.)
Vnd solche gemeine heilige Christliche vnd Apostolische Kirch / wie sie allein
eine ist / vnd jnn jr eitel einigkeit / Also hat sie auch / nach jhrem jnnern
vnd geistlichen wesen / dauon oben gesagt / allein ein einig heubt / dasselb ist
der einig vnd allein vnser Herr vnd Heiland
|| [ID00059]
Ihesus Christus / vnd nicht S.
Peter / vnd nach jm der Bapst / noch eine Creatur jnn himel vnd erden / wie sie
denn nach jrem eussern wesen / hat jre diener / verwalter vnd versorger etc.
Dauon sagt Paulus Ephe. 1. Vnd er hat jn geben zum heubt / vber die gantze Kirch
/ welche Kirch ist sein leib / vernim ein geistlicher leib.
Coloss. 1. Vnd er ist das heubt des leibs der Kirchen etc. auff das er jnn allen
dingen das primat / herrschafft / oder vorgang hab.
Ephe. 5. Christus ist das heubt der Kirchen / vnd er ist seines leibs (das ist
der Kirchen) heiland.
Ephe. 4. Last vns wachsen jnn allen stücken an den / der das heubt ist Christus /
aus welchem der gantz leib zu samen gefügt / vnd ein glied am andern hangt /
durch alle glenck etc.
Ephe. 5. Der man ist des weibs heubt / wie Christus das heubt ist der Kirchen.
Vnd wir sein glieder seines leibs / von seinem fleisch vnd gebein.
1. Cor. 12. Ir seid der leib Christi / vnd glider von glid.
Schawe / also ist Christus das einig vn̅ allein heubt / regent /
meister / hirt vnd öberherr seiner waren Kirchen vnd Christenheit / durch
welchen / als durch ein leiblich heubt / dem leib der Kirchen / jnn alle glider
einflus / vnd(Gleichnis.) enthalt / gnad / vnd
alles gut geben wird / dadurch er alles jnn allen dingen sey. 1. Cor. 12.
15.
Derhalb auch warlich dieser Kirchen kein ander(Christus
das einige heubt der geistlichen kirchen.) heubt / meister / hirt /
regent vnd oberherr not ist. Denn so die ware jnner Kirch / vnd das Reich Gottes
(dem sie viel mal vergleichet wird im Euangelio / beuor jnn(Kirche vnd reich Gottes ein ding.) diesem
heutigen) ein ding sein / vnd Christus darin regirt / als der da sitzet zu der
rechten hand seines himlischen Vaters / vnd dis genaden reich seiner
heiligen(Zur rechten Gottes sitzen.) Kirchen
allenthalb im geist vnd verborgenheit füret / (wie Paulus zun Colossern am. 1.
cap. vnd der. 109.
|| [ID00060]
Psalm klerlich
sagen) so mag sie kein jrdnisch heubt haben.
(Bapst ist ein Monstrum jnn der Kirchen.)
Denn also würde ein monstrum / vnd wie ein wunder odder vngeschick der natur aus
jr (gleichsam ein Esels kopff auff eines menschen leib stünde) so der leib mit
allen seinen glidern jnnerlich vnd geistlich / on mackel vnd runtzel geheiligt /
vnd gar vnstreff lich / Ephe. 5. ein jrdnisch / eusserlich / sundig heubt hette
/ von blut vnd fleisch besudelt vnd bemackelt / wie denn der Bapst vn̅ alle menschen sind.
(Gott alleine gibt den glauben jns hertz / vnd forschet
dasselb / vnd die gedancken)
So auch weder der Bapst / noch einige Creatur jnn himel vn̅ erden /
einigen glauben / tugent / vnd guten willen (welche warlich das ware Regiment
sein / des gnadenreichs Christi / das ist / dieser waren jnnern vnd heiligen
kirchen) jns menschen hertz zu geben / noch daraus zu nemen / vermag / vnd
dasselb hertz vnd die gewissen (Gedancken sind
zolfrey.) zu regirn / oder die gedancken (die weil sie / wie im sprich
wort / zolfrey sind) zu wissen vnd forschen / denn allein (Christus das einige heubt nach dem jnnern
menschen.) Ihesus Christus / wie Paulus sagt zun Ephesern vnd Colossern
/ beider seits am. 2. Cap. Darumb auch kein Christ einigem menschlichem heubt /
nach dem jnnern menschen vnd wesen / denn allein Gott selbs / mag vnterthenig
sein.
Welchs villeicht / durch Gottes verhengknis / die (Bapstesel.) grewliche wundersame figur eines Esels kopffs auff einem
weiblichen leib / vnd von den Gottsgelerten / der Bapst esel genant / vnd im M.
CCCC. vnd XCV j. jar / zu Rom jnn der Tyber tod funden / figurirt vnd angebildet
(Contrafactur des Bapsts.) hat / dem Bapst
seine Contrafactuer vnd eben bild vor die augen zu stellen / zur besserung /
darin sich zu spiegeln vnd zu erkennen / Als wie es gantz vngereim / vnd wider
den gemeinen laufft der natur ist / einen Esels kopff auff eines menschen leib
zu setzen / Also ists vnendlich vngereimer / vnd wider alle Gottes ordnung / den
Bapst / als ein menschen heubt / auff den geistlichen
|| [ID00061]
leib Ihesu Christi / das ist /
seine Kirch zu setzen.
Diese heilige / gemeine / Christliche vnd Apostolische(III. Der dritt artikel.) Kirch / die weil sie ein solch gros heubt
hat / Nemlich / Ihesum Christum / welcher die vnirsale vnd rechte(Die Kirch jrret nicht.) Gottes warheit selbs ist
/ Johan. 14. so wird sie / nach gesagtem jhrem geistlichen jnnern wesen / durch
sein wort / vom heiligen geist / jnn ewiger weisheit vnd war heit Gottes /
regirt vnd enthalten / Also das sie / so lange vnd alle die weil sie an solchem
wort hanget / nicht jrren / noch etwas ordnen / gebieten vnd verbieten mag / das
dem selbigen ewigen vnd vnueranderlichem Gottes wort / das er selbs ist / Johan.
1. mag zu widder vnd entgegen sein.
Darumb sie Paulus. 1. Timoth. 3. nennet eine Kirch(Die
Kirch ist eine seul vnd grundfest der warheit.) des lebendigen Gotts /
vnd eine starcke seul odder pfeiler / vnd ein firmament vnd grundfest der
warheit / Inn besonder der warheit / als darauff Gott alle warheit bawen wil /
sonder lügen / jrthum vnd betrug. Vnd zun Ephesern am. 5. on bemalung / flecken
/ odder runtzel der sund / durchs wasserbad gereinigt / das sie eine herliche
Kirch sey. So spricht auch Christus selbs alhie / Matthej am. 16. das sie die
hellepforten (ob sie wol grossen sturm vnd anstösse der verfolgung von jn haben
wird) nicht vberweldigen sollen. Das ist aller hellischen vnd(Hellepforten.) Teuffelischen gewalt / Als da ist
sund / vnd was der sund volgt / welt / lügen / jrthum / ketzerey / rotterey /
verfolgung / tod / teufel / helle / vnd alles vngemach.
Durch die pforten odder Thor bedeutet / darumb / das die gewaltigen / vnd die
öberkeit gemeinlich jnn(Pforten jnn der
schrifft.) den pforten vnd thoren sassen / gericht vnd gerechtigkeit
zu halten / menniglich gemein / vnd wie eine weite pfort odder thor offen zu
sein / jrem anligen offentlich audientz vnd verhör zugeben / vnd recht
zuuerfügen / vn̅ fur dem armut sich nicht zunerkriechen noch
zuuerschlissen / wie es jtzt von der herrschafft vnd öberkeit vnbil
|| [ID00062]
lich geschicht / vnd derhalb
vor Gott eben als wenig herrn sein / wenn sie das armut nicht hören / als die
Bischoue vor Gott nicht rechte Bischoue sein / die nicht predigen / noch
Sacrament reichen etc. dauon Deut. 16. vnd. 17. cap.
Welchs denn gantz klar ist / Matt. 16. da alle andere (Vielfeldiger jrriger wahn von Christo / ausser der Kirchen.) menschen
jrreten / vnd mit mancherley opinion vnd wahn / hin vnd wider wancketen von
Christo / wer er were / das etliche sagten / Er were Helias / etliche Jeremias
etc. vnd also auff einen hauffen jrreten vnd feileten / Bestund einmütig / als
ein starcker vnwanckender pfeiler vnd grundfest / ja als ein steinharter fels /
die hei lige Kirch / jnn Petro / an welcher stat er redet / auff der rechten
vnirsaln warheit / vnd gewislich erkand / vnd bestendiglich bekand Christum /
sagend / Du bist Christus des lebendigen Gottes son.
(Kirch durch Gottes wort versammelt vnd regirt.)
Denn wie die Kirch / durch das wort des lebens vnd der warheit versammelt ist /
als sie denn Christus damit anfenglich / vnd volgends nach jme seine jünger /
durch den heiligen geist / versammelt haben / vnd noch teglich ein jeder Christ
jnn besonder / damit zu der Kirchen / vnd zu Gott mus geholt vnd bracht werden.
Also mus sie auch jtzt vnd allzeit / bis an der welt ende / mit dem selben
einigen / vnirsaln / waren Gottes wort versammelt / regirt vnd enthalden werden
/ sol sie jnn gutem bestendigem wesen bestehen vnd bleiben / vnd nicht rren noch
sundigen.
(Gottes wort ist ein Leib vn̅ Mutter der
Kirchen.)
Denn Gotts wort ist ein geistlicher leib / darin / als das kind im natürlichen
leib der mutter / die gantze Kirch / mit allen jren glidern vnd Christen
empfangen / formirt / geborn / ernert / auffgezogen / gesterckt / vn̅ erhal ten wird geistlich / wie Esaias sagt am. 46. Auch die
Epistel zun Ebreern am. 1. cap. Er tregt alles im wort seiner krafft / Vnd
Jacobi. 1. Er hat vns geborn nach seinem willen / durch das wort der warheit /
auff das
|| [ID00063]
wir erstlinge weren seiner
Creaturn.
Daraus volgt / das also alle krafft vnd vermögen / ja(Der Kirchen krafft jnn Gottes wort.) das gantze rechte geistliche
wesen vnd leben der Kirchen / jnn Gottes wort stehet / als jnn der waren
geistlichen speis der seelen / wie des menschens eusser natürlich leben / jnn
leiblichem essen vnd trincken / dauon die schrifft sagt / Deut. 4. vnd Matth. 8.
cap.
Derhalb sie nicht jrren kan / wie gesagt / die weil vnd(Welcher gestalt die Kirch nicht jrret.) als lange sie durch den
heiligen geist / aus dem selbigen wort der warheit Christi / regirt vnd
enthalten wird. 1. Johan. 3. Die aber werden allein durch den heiligen geist
regirt / die da ware Gottes kinder sind / Roma. 8. So sind aber nur die Gottes
kinder / die jnn den namen Christi gleuben / Johan. 1. vnd dieser glaub kompt
allein aus dem gehör des worts / Roma. 10. on welchs der heilig geist / jnn
vnsern hertzen nicht mag empfangen werden / noch einigs guts wircken / Gal. 3.
vnd. 2. Cor. 3.
Also schleust sichs vnwidersprechlich / das sich die regierung(Als sern das wort recht gehet / als fern wird die
Kirche recht regirt.) des heiligen geists / durch welche man nicht
jrren kan / nicht weiter streckt jnn der Kirchen / mit aller Constitucion /
ordination / vnd satzung / gebot vnd verbot / denn so fern das Göttliche wort
gehört / angenomen / gegleubt / vnd dem gentzlich gelebt vnd gefolgt(Christiana Ecclesia.) wird / so denn ist sie auch
eine rechtschaffen vnirsale Kirch / durch den heiligen geist regirt vnd
enthalten.(Kirche durch den heiligen geist im wort
geregirt.) Hinwider aber / so bald dis wort verlassen / vnd freuelich
vnd mutwilliglich widder die helle offene erkandte warheit Gottes / dauon
abgefallen wird / hört auch als bald auff zu regirn der heilig geist / vnd
regirt dagegen der Teufel der böse geist / vnd ist als denn eine gewisse(Malignantium Ecclesia) Ecclesia malignantium /
das ist / der gotlosen vn̅ ketzer Kirch / wie oben angezeigt.
Welchs Jeremias am. 8. cap. bekrefftigt / Sie haben Gottes wort verworffen / vnd
ist jnn jnen keine weisheit. Vnd Esaias am. 58. Welche nicht reden nach
die
|| [ID00064]
sem
(Morgenlicht.) wort / den wird nicht leuchten das
Morgenliecht / das ist / der heilig geist. Also auch Luce. 5. fieng Petrus jnn
Gottes wort volle netze vnd schiff mit fischen / one das wort gar nichts / ob er
wol die gantze nacht geerbeit hatte.
(Gottes wort ein Ruder / Siegel vnd Scepter.)
Denn dis wort ist das einige Ruder vnd Siegel des schiffs Petri / damit es durch
alle strudel / wirbel vnd meers ferligkeit gefurt wird. Es ist auch der einig
scepter vnd regiment des geistlichen reichs Christi / welchs die Kirch ist /
Psal. 2. 109. Vnd wo das nicht ist / da ist (One Gottes
wort / kein regierung des heiligen geists) auch keine regierung des
heiligen geists / Wo aber der nicht ist / da volgt notwendig / schnell vnd bald
/ finsternis / sund / lügen / jrthum / trug / ketzerey / tod / teufel / helle
vnd verdamnis / wie es klar aussagt Paulus Roma. 8. Wer nicht den geist Christi
hat / der ist nicht sein / ja er ist kein Christ / vnd also volgend auch
gewislich nicht von der Christlichen / sondern von des Teufels kirchen / vnd
ewiglich verdampt.
(Sundere jnn der waren Kirchen.)
Aber hiedurch nicht also zuuerstehen / das darumb die waren Christen / jnn dieser
waren Kirchen / als jre ausserwelte vnd heiligen glieder / nicht auch jnn etwas
jrren / fallen vn̅ sundigen mögen / die weil wir allesampt (Sundensack tragen.) jnn diesem leben / den
Sündensack am halse tragen / vn̅ also noch nicht gar gut vnd
volkomen sind / sondern vns von tag zu tag bearbeiten sollen / besser zu werden
alhie jnn diesem leben / vnd dort jnn jhenem auffs aller beste vnd gantz
volkomen.
(Dauid.)
Also sind gefallen / vnd haben schwerlich geirret vnd gesundigt / Dauid vnd
andere viel / vnd sundigt / jrret / fellt noch jtzt der gerechte / des tags
siben mal / Prouerbiorum. 24. Vnd sind dennoch jnn der Kirchen / als den es
durch Christum / nicht vor jrrig / sundlich / noch verdamlich geschatzt
wird.
(Gott lesst die seinen fallen vnd leiden.)
Denn also lesst Gott vnterweilen etwas / gleichsam hefichts vnd trübs jnn lautern
wein / mit vnterlauffen /
|| [ID00065]
das ist /
vnschuld mit schuld vermischet werden / vnd sei ne heiligen vn̅
waren Christen straucheln / sincken / sundigen / jrren vnd leiden / dadurch sie
jre schwacheit vnd vnvolkomenheit (das sie menschen sind) erkennen / vnd also
volgend nach der gnad / trost vnd hilff Gottes / so viel emsiger gyren /
seufftzen vnd ruffen / vnd im glauben / warheit / vnd allem guten wachsen / vnd
darin gemehrt vnd gesterckt werden / vnd tregt jnn des gleich / vnd
langmütiglich die selb jre schwacheit / jrthum vnd(Gott tregt vn ser schwacheit) sund / wie auch andere jre gebrechen
vnd vbel / die weil sie auff den waren grund Ihesum Christum / als auff den
starcken Ruckhalter / Sündentreger vnd lückenbüsser / der alle vnsere gebrechen
ausbüsset / erlegt vnd erfüllet(Christus vnser
sundentre ger.) / gegründet sind vnd gebawen / wie dauon Paulus sagt.
1. Cor. 3.
Damit von den Sacrament schendern vnd Kirchen feinden / wider dieselb heilig
kirch vnd jre Sacrament /(Widder die Kirchenfeinde vnd
Sacrament schender) mit warheit nicht gesagt werd / jnn dem die
Kirchendiener / vnd sonst jre besten glieder / so auch die Kirch ge ben vnd
machen / jrren vnd sundigen / das sie darumb nicht Catholica / sed Malignantium
Ecclesia / das ist nicht eine Christliche / sondern eine ketzerische vnd tenfels
Kirch sey / dadurch jre Sacrament nichtig / vnd also folgend auch nicht
anzunemen / noch zu empfahen sein sollen.
Dieweil doch die Kirch / wie oben gehört / zugleich(Kirch geistlich vnd leiblich.) geistlich vn̅ leiblich
ist / vnd also folgend nach dem geist gewislich heilig / vnd vnirsal / wie nach
dem fleisch oder leib / jrsal / vnd eine sunderin / darumb sie denn teglich(Ecclesia in spiritu sancta / in carne pecca trix / vt
supra. Gnadenlemblein) betet / Vergib vns vnser schuld etc. vnd
Christus / als das gnaden lemblin / welchs der welt sunde tregt / Johan. 1. aus
seiner selbs milde vnd güte / solchs alles / on allen der Kirchen vnd jrer
Sacrament nachteil / barmhertziglich duldet / tregt / vnd gleichsam vberhucket
vnd verdeckt / als das aus menschlicher schwacheit oder ge
|| [ID00066]
brechligkeit / vnd nicht
vorsetziglich geschicht / wie Pau lus zun Römern am. 8. sagt / vom schwachen im
glauben (Die schwachen zu dulden.) / das man den
auffnemen sol / den̅ Gott hab jn auff genomen.
(Kirche vnd Sacrament auff Christum gegründet.)
Denn Christus gründet seine Kirch vnd Sacrament weder auff dich noch mich / noch
einiges menschen wirde odder vnwirde / gerechtigkeit odder vngerechigkeit /
warheit odder jrthum / stercke oder schwacheit / etc. das jn dadurch etwas zu
odder abgieng / vnd entweder genomen odder gegeben wird / Sondern auff sich
selbs / vnd sein vnirsals wort der warheit / vnd auff seine selbs wirde /
gerechtigkeit / warheit / stercke vnd volkomenheit / Wie Gottselig / odder auch
Gottlos der Kirchendiener / vnd sonst alle menschen jmer sind / ob auch der selb
Kirchendiener als frum als der Teuffer Johannes / vnd als böse als der verrether
Judas / vnd ein Judas selbs sey (wie denn auch derselb Judas von Christo zu
einem Apostel / solch ampt vnd dienst des worts vnd der Sacrament / doch on
nachteil der selben / mit den andern frumen Aposteln zugleich zupflegen / erwelt
(Von sunde vnd jrthumb abzustehen.) war) so
doch / das man hinfurt auff dem erkandten jrthum vnd sund / wo die verhanden /
vnnachleslich nicht beharre / sondern durch das / so die Propheten verkündigt /
vnd die Apostel gelert haben / das ist / allenthalb mit Gottes vnbetrieglichem
warem wort / als mit der einigen stim des rechten hirtens / zu seinen rechten
schaffen / vnd nicht mit eignem menschlichem gutdüncken odder wahn / den selben
jrthum vnd sund / beide an der lere vnd leben / wende / besser / vnd gentzlich
abthue.
(Die offentlich bösen zumeiden / aber nicht die Sacrament
so sie reichen etc.)
Damit man / als die feinde des Creutzs Christi / an derer menschen bosheit vnd
verdamnis nicht teilbar werde / so den offnen richtigen weg Göttlicher warheit
verlestern. Denn also sind die selben bösen / so die vnwarheit vor die warheit
dargeben / vnd dieselb halstar rig vertreten / vnd dennoch vngestrafft sein
wollen / zu
|| [ID00067]
meiden / wie Paulus zun
Philippern am. 3. sagt / (doch das die Sacrament / so von jnen jnn dem glauben
empfangen werden / wie sie jn von der Kirchen befolhen / vnd von Christo
eingesetzt / nach dem sie Christi / vnd nicht des menschens sind / vnd derhalb
allein jnn seinem / vnd nicht jnn einigs menschen namen zu empfahen / nicht
zugleich mit jnen vermiden noch verachtet werden) dieweil Christus nicht der
masse tregt vnsere freuel vermessenheit / sein blut dadurch zu
verunreinigen(Christus tregt vnsere schwacheit /
vnd nicht vermessenheit.) vnd vnter die füsse zutretten / als vnser
gebrechliche schwacheit / das er mit vns durch die finger sehen / vnd gedult
tragen kan.
Denn allein solche mutwillige wissentliche verleugnung(Was ketzer vnd eine ketzerkirch macht.) vnd verfolgung der offnen
erkanten warheit / vnd freuel bekentnis vnd verfechtung der sichtbaren vnd
greiff lichen vnwarheit / macht ketzer / vnd eine gewisse ketzer Kirch / so
sonst on das / weder der Kirchen / noch jren Sacramenten etwas empfelt oder
genomen wird /(Der kirchen vn̅
Sacrame̅ten entgeht nichts / durch bos heit jrer
diener) damit sie nicht Kirch vnd Sacrament sind vnd bleiben / ob auch
gleich zu weilen / durch Göttlich verhengnis / vnter den waren Christen / als
waren gliedern der waren Kirchen / etwas vngares vnd vnreines von blut vnd
fleisch / das ist / jrrigs vnd sundigs (dieweil wir jnn diesem leben / bis vber
die ohren darinn stecken) gleichsam vnd ancks vnd nicht vorsetziglich mit vnter
laufft (wie es denn mit den angenemen lieben kindern geschicht(Die lieben kin der.) / wie wol sie nicht allzeit
recht thun / dennoch die lieben kinder sind / die nichts verterben können etc.)
so allein / wie gesagt / der ware grund Ihesus Christus /(Den grundt Ihesum Chri stum nicht zuuerlassen.)
vnd aller glaub / vertrawe vnd zuuersicht auff jn (wie auch der masse die
Propheten / Aposteln / vnd die gantze Kirch mit allen jren Sacramenten darauff
gebawen vnd gerichtet sind / als auff den einigen Scopum(Propheten / Aposteln / kirch Sacrament / auff den grun
dt Christum gebawet.) vnd ziel aller vnserer seligkeit) von jnen nicht
verlassen / sondern stet vnd fest daran gehalten wird / wie zu den
|| [ID00068]
Ephesern am. 2. geschrieben ist /
Es sey gleich jn̅ solcher (Vbirbaw von
holtz / hew / vnd stoppeln / gold / silber / vn̅
edelgesteinen.) jrer menschlicher schwacheit / jrthum vnd vnuerstand /
der vberbaw nicht allzeit von eitelm purem gold / silber / vnd edelngesteinen /
sondern auch von holtz / hew vnd stoppeln mit vnter.
(Vnwarheit mag der grvn dt Christus / nicht
ertragen.)
Welchs alles dieser starcker grund Ihesus Christus / dieweil er die warheit selbs
ist / vnd also folgend die vnwarheit vnd jrthum endlich nicht ertragen mag / zu
seiner zeit wol offenbaren / bessern / vnd zu recht bringen wird. Als Paulus zun
Philippern am. 3. sagt / Vnd so jr etwas jnn andere wege vernemet / das wird
euch Gott auch offenbaren. Vnd. 1. Cor. 3. Der tag wirds klar machen / denn er
wird mit feur offenbar werden / vnd welcherley eines jglichen werck sey / wird
das feur beweren.
(Tag vnd feur jnn der schrisst.)
Das ist / die offenbarte vnd erkandte warheit Gottes vnd seines worts / durch den
tag bezeigt / wird vns vnsern jrthum / sund vnd werck entdecken / vnd / damit
wir darinn nicht verderben / als das klare helle liecht vnd tag / die finsternis
solchs jrsals / von vnsern augen vnd hertzen allenthalb hinnemen / so / das auch
der selb tag / das ist / solche helle erkandte vnd offenbarte Götliche warheit
jnn vns / zum zeichen / das sie standhafftig vnd rechtschaffen sey / durch das
feur mancherley Creutzs vnd anfechtung / so dadurch bedeutet ist / zu sampt
vnsern wercken / wird geprüfet vnd bewert werden.
(Verbum Crucis.)
Wie denn solch wort der warheit / ein wort des Creutzs vnd leidens ist. 1. Cor.
1. dadurch vnsern glauben zu prüfen vnd zu vben / als das gold durchs feur. 1.
Pet. 1. (Tag.) Des gleichen auch die schrifft von
beiden / vom tag der erkandten warheit / vnd von solchem feur der
widderwertigkeit (Feur.) vnd anfechtung viel sagt
/ Vom tag / Esa. 8. Psal. 118. Ro. 12. Vom feur am. 11. vnd. 16. Psalm /
Ecclesiastici. 17. vnd Sapien. 3.
|| [ID00069]
Damit also dan holtz / hew vnd stoppeln / des vnbestendigen(Bedeutung des holtzs / hews / stoppeln / golts / sil
bers / vnd edel gesteinen.) menschlichen jrsals / jn̅
eitel recht lauter / rein vnd fein gold / silber vnd eddelgestein der
bestendigen Göttlichen warheit verwandelt werden / vnd durch die selb erkandte
vnd vnuergengliche Gottes warheit / wider alles verzerliche feur aller
anfechtung vnd not / leiblicher vnd geistlicher / ewiglich bestehen vnd bleiben
/ wie dauon reichlich sagt Paulus. 1. Cor. 3.
Vnd jrzt / Gott lob / krefftiglich jnn vollem schwangk vnd werck gehet / nach dem
Gott den frölichen schönen(Offenbarung des göttlichen
worts.) hellen tag / vnd erkentnis seines etwa verfinsterten / ver
irreten / vnd verdruckten waren Euangelions / widderumb gnediglich hat scheinen
/ vnd jnn die welt komen lassen / das nu endlich aller alter verwerter vnd
vnbekandter jrthum vnd sunde / so wir bisher fur die rechte vnirsale Gottes
warheit vnd seligkeit / vnrechtlich(Tag. Fewer.)
gleichsam angebetet vnd gehalten haben / durch solchen hellen tag vn̅ erkentnis seines gnadenworts / vnd durch das hitzige grosse feur
vnd flammen so manchfeltiger vnchristlicher verfolgung der Tyrannen dawidder /
also klerlich offenbaret vnd kentlich gemacht ist / das nu solchs nicht allein
allen sehenden augenscheinlich zu sehen / sondern auch allen blinden empfintlich
zugreiffen(Je mehr die warheit verdruckt wird / je
meher sie auffgeht.) ist / dazu auch dieselb Göttliche warheit / mit
vnendlicher frucht / so viel mehr auffgangen vnd gefordert ist / so viel mehr
man sie verdruckt / vnd gehindert hat.
Denn wo das ware erkentnis vnd bekentnis Petri /(Wo die
kirch vnd Sacrament sein.) vnd aller Aposteln / vnd also folgend aller
Christen / jnn rechtem glaube̅ krefftiglich geht / Matt. 16. Du
bist Chri stus des lebendige̅ Gots son / Alda ist warlich die ware
Kirch / die waren Sacrame̅t / vn̅ der ware einige
grund aller Propheten vn̅ Aposteln / auff welchen der ware le
bendige tempel Gotts (welchs eigentlich sind alle recht gleubige̅.
1. Cor. 3.) gewislich gemeint ist / vn̅ gewidembt(Tempel Gots) vnd gegrundfestet / Aus welchem
grund dieselb ware
|| [ID00070]
Kirch vn̅ Christenheit teglich wechst vn̅ gemehrt wird / wie
das Christus sagt / Matt. 16. Vn̅ auff disen fels (als auff den
bestendigen grund / welcher ist solch bekentnis / nicht von blut vnd fleisch /
sondern von Gott dem himlischen Vater offenbaret) wil ich meine Kirch bawen.
Eigentlich Meine / als die ware gemeine Christliche / (Gemeine kirch.) Apostolische Kirch / vnd lebendigen Tempel des
heiligen geists / vnd nicht vornemlich die Griechische / Römische (Römische vnd besondere kirchen.) / oder ander
besondere allein / den̅ als fern sie auff solchem grund auch
stehen / vnd dadurch allesampt / wo sie auch jnn aller welt sind / jnn diese
einige gemeine (Alle kirchen ei ne kirch jnn
Christo.) Christliche vnd Apostolische Kirch / gezogen werden / wie
gesagt / Vnangesehen / ob solch bekentnis durch viel oder wenig geschehe / so
auch gleich der selben bekenner (Viel vnd wenig machen
die kirch.) allein zween odder drey sind / wie dauon Christus selbs
sagt / Matth. 18. Wo zween odder drey versamlet sind jnn meinem namen / da bin
ich mitten vnter jn.
Denn so Christus / als das heubt / jnn vnserm mittel ist / wer mags
widdersprechen / das solch mittel odder versamlung / nicht sein geistlicher leib
sey / das ist / eine (Ein warer leib / eines wa ren
haubts.) ware Kirch? Damit also wir viel vnd allesampt / sein ein
geistlicher einiger warer leib / des geistlichen einigen waren heubts Ihesu
Christi / vnd nicht als viel leibe an einem heubt / gantz vngewönlich / vnd
widder allen (Secten vnd spaltung wid der die ware
einige kirch.) laufft der natur / das einer sey Paulisch / der ander
Cephisch / der dritt Apollisch / der vierd Bepstisch odder Antichristisch /
odder dis odder jhenis / was vom menschen / von blut vnd fleisch / vnd der welt
ist / dadurch die einigkeit der waren / gemeinen / Christlichen vnd
Apostolischen Kirchen / jnn die Secten vnd Rotten der falschen vneinigen ketzer
vnd teufels Kirchen zertrennet wird vnd zurissen / welchs denn solcher gestalt
geschicht (Nachteil aus verachtung der
Catholica) / so die rechte Catholica / mit verlassung dieses jres einigen
waren grundes Ihesu Christi / vnd seines heilbaren worts / nicht gehalten
wird.
|| [ID00071]
Aus diesem allem / ist niemand also thum vnd grobhirnig(Was aus Gots wort nicht ist / das ist nicht aus vnd mit Gott.) / das
er selbs nicht schliessen möge / was vnvberwindlichs daraus folgt / als nemlich
/ das also allesampt vber einem hauffen vnd klumpen / nichts ausgeschlossen / so
es aus Gottes wort nicht ist / vnd mit jm auff diesen einigen grund Ihesum
Christum eintrechtig nicht haltet / noch williglich jme sich vntergibt / darnach
zu thun vnd zulassen / sondern dem selben mutwilliglich vnd wissentlich sich
widersetzt / das es auch aus vnd mit Got nicht sey / vnd also folgend auch nicht
mit der waren Kirchen / sondern aus / vnd mit dem Teufel / vnd Teufels
Kirchen.
Welche ware Kirch / mit Gottes wort einig / ja das(Gotts wort vnd die kirch einig.) sein sol vnd wollen / das es selbs
ist vnd wil / wie Christus ist das ewig wort seines Vaters / auch das der Vater
selbs ist vnd wil wesentlich / vnd gleich ewiglich / Johannis. 1. Das sagt klar
Christus selbs / Matth. 12. Wer nicht mit mir ist / der ist wider mich / vnd wer
mit mir nicht sammelt / der zerstrewet / Vnd Johan. 8. Wer aus Gott ist / der
höret Gottes wort / darumb hört jrs nicht / denn jr seid aus Gott nicht.
Demnach / das reine heilige Gottes wort / vnd lauter(Gotts wort aller dinge re gel.) feine Euangelion Christi / vnd die
gantze ware vngefelschte heilige schrifft (welche vns Christus forschen heisst /
Johan. 5. als die von jm gezeuget / vnd er selbs(Christus dur ch die schrifft bezeugt.) jm nicht ferrer wolt gegleubt
haben / denn als viel die Schrifft / Propheten / Gesetz vnd Psalmen von jm sagen
/ Luce. 24.) wie sie von anbegin gewest / vnd jmer vnd ewiglich bleiben wird /
Esa. 40. Also ist sie / vnd sol auch sein vnd bleiben zu ewigkeit die einige
Regel / richt scheid / probstein / zal / ellen / mass vnd gewicht vnsers gantzen
Christlichen glaubens / wesens vnd lebens / darnach regulirt / gelebt / geordent
/ gesetzt / geboten vnd ver boten / geprüfet / bewert / gemessen / gewegen vnd
abgeteilt jtzt sind / vnd hinfurt sollen werden / alles was
|| [ID00072]
Bapst / Bischoue / Concilia /
Keiser / Könige / Fursten / (Alles nach Gotts wort
gerichtet.) Reichstage etc. Ja die gantze heilige Christliche Kirche
oder Christenheit vornemen vnd schaffen / vnd jhe vorgenomen vnd geschafft haben
vnd werden.
(Gotts wort vnueranderlich / one zu vn̅
abthun.)
Also / das sie an dem selben heilbarn Gottes wort / den vnueranderlichen heiligen
Christlichen glauben / vnd die Sacrament belangend / zu oder abzuthun / wie man
sagt / nicht das minste herlein / pünctlein / stipfflin / odder steublin macht /
noch zuwalden jhe gehabt / noch jtzt haben / noch künfftig haben werden / Matt.
5. Deut. 4. Gal. 1. So euch jemand anders predigen wird / denn das jr empfangen
habt / der sey ein fluch vnd maledeiung / Vnd Summa / Johan. 10. spricht
Christus selbs / Die Schrifft mag nicht gebrochen odder auffgehaben werden / Des
gleichen Matth. 24. Luc. 21. Himel vnd erden werden vergehen / meine wort werden
nicht vergehen.
(Gotts wort vber die kirch / Babst / vnd alles.)
Daraus sich vnvberwindlich schleusst / wie die Kirche vber den Bapst ist (der
diener er sein wil / so er jr an ders nicht mehr vndienet) Also ist die heilige
Biblische schrifft von Gottes wegen / als rechter Oberherr vnd Richter / vber
sie beide / vnd vber alles im Christen thumb / nichts ausgeschlossen / Welchs
durch vnendlich viel schrifft / wie zum grössern teil gehört / so wir jr anders
/ als dem waren mund Gottes / die ehre geben wollen / als wir denn sollen / vnd
vns selbs nicht mehr denn jr gleuben / erhalten wird.
Wiewol viel vnkrefftigs dawidder gesagt wird / zuuor (S.
Augustin spruch.) der falsch allegirte odder dargebrachte / vnd also
(Ego vero Enangelio non crederem / nisi me
Catholicae Ecclesige commoueret Auctoritas.) vbel verstanden spruch
Augustini / im buch widder die Epistel Manichei / Fundamenti genant / am. 5.
cap. da er spricht / Ich gleubte nicht dem Euangelio / mich beweget denn der
gemeinen Kirchen Auctoritet / ansehen / odder glaubwirdigkeit.
Welchs mit nichte zuuernemen ist / das er die Kirch
|| [ID00073]
dem Euangelio vnd der schrifft hat
wollen vorzihen / wie er denn an viel orten das widderspielgibt / vnd obs auch
gleich der masse von jm geredt / wer es doch nicht bündig / Denn das wer
eigentlich die tochter vber die mutter / den knecht vber den herrn / vnd die
magd vber die fraw / setzen / vnd Christo widersagen / welcher spricht Johan. 5.
Er neme nicht zeugnis von menschen.
Denn es ist gar ein grosser vnterscheid ein ding Recognoscirn odder erkennen /
vnd dasselb / wie mans nennet(Auctorisare.
Recognoscere.) / Auctorisirn / das ist bestetigen odder bekrefftigen.
Der bestetigt ein ding / welcher der öberst oder herr ist /(Bestetigen.) Der vnterst aber / erkennets vnd
nimets an / als fur des(Erkennen.) herrn meinung
vn̅ willen / dem er schüldig ist zugeleben.
Gleichsam der vnterthane seines herrn brieff vnd schrifft annimet / vnd daraus
zeuget / erkennet vnd bekennet(Gleichnis.) / was
des herrn meinung vnd willen ist / sich gehorsamlich darnach zu halte̅ / Aber darumb ist er nicht vber des herrn schrifft / denn das
were sich dem herrn vorzihen / Sondern mus sich der schrifft vergleichen vn̅ vntergeben etc.
Also ist es auch mit der Kirchen / die hat aus dem(Wie
die kirch das Euangelion erkant hat.) heiligen geist / den jr Christus
blut vnd tod erworben hat / jnn rechtem glauben erkand vnd angenomen / das
Euangelion Christi / vnd die heilige schrifft / als fur das ware lebendige wort
vnd willen Gottes / dem sie / als desselben worts vnterthane / jnn allem
gehorsam geleben vnd folgen sol.
Also / das die selb Kirch (nach dem sie warhafftig(Die
kirch macht dem menschen / vn̅ nicht dem Euangelio
Auctoritet.) ist. 1. Timoth. 3. vnd durch den heiligen geist / aus dem
selben waren Gottes wort regirt wird) allen menschen / vnd nicht dem Euangelio
Christi / eine Auctoritet / ansehen / vnd glaubwirdigkeit mache / Dasselb heilig
Euangelion auch fur das ware Gottes wort zu erkennen vnd anzunemen / durch jr
ansehen vnd glaubwirdigkeit / wie sie es dafur erkand vnd angenomen hat.
|| [ID00074]
(Die kirch auffs Euangelion gebawet / vnd nicht
widerumb.)
Denn die Kirch auffs Euangelion / vnd nicht das Euangelion auff die Kirch gebawet
ist / Matthej. 16. Dadurch das Euangelion der Kirchen / vnd nicht die Kirch dem
Euangelio gleuben macht / Vnd also das Euangelion vnd die heilige schrifft die
Kirch / vnd nicht hinwidder die Kirch das Euangelion bestetigt / Vnd das ist der
ware verstand dieses spruchs Augustini.
(Wie es nicht alles kirch vnd schrifft sey / was also
genant wird.)
Wie aber nu dieser heiligen schrifft (welche das ware aussprechen ist / des
heiligen geists) jnn vielen Constitucion / ordination vnd satzung / von Bepsten
/ Bischouen / Concilien / Keisern / Königen / Fursten / Reichs tagen etc. gelebt
vnd nachgangen sey / also / das ein jeder seine meinung die Schrifft vnd Kirch
heisst / vnd doch nicht ferner von der schrifft vn̅ waren kirchen
/ sondern viel mehr von eigenem menschlichem wort / vnd des (Verbietung der ehe / vnd speis.) Teufels kirchen
ist / Als mit verbietung der speise / der ehe vnd anderm mehr / wilchs Paulus
Teufels leren heisst. 1. Timo. 4. wil ich jedem zu bedencken heimstellen.
Auch mit welchen sonst die Kirch bebördet / vnd vntreglich (Wie sich das gewissen gegen menschen satzung halten sol.
Augustin.) beladen ist / vn̅ villeicht von jren
heubtsachern / mit einem finger nicht werden angerurt / Matthej. 23. Luce. 11.
Wie sich des beklagt der heilig Augustin / das auch zu seiner zeit (damit ich
schweig / was seits her vnendlich erwachsen) die Kirch mit solchen menschlichen
satzungen viel vntreglicher beladen gewest sey / denn die Juden selbs / die es
doch von Gottes gesetz hatten / so die vnsern eitel lauter menschen funde sind
etc.
Doch nicht der meinung / das man sich vnordenlich dawidder empörn / auffrur / vnd
vnlust erregen sol / wie es denn jtzt fast vnschicklich vorgenomen wird /
Sondern das man allein die gewissen dauon erretten sol (Die gewissen erretten.) (das ist / sich nicht fur frum / noch gerecht
/ noch selig halten im hertzen / so sie gethan / noch vnfrum / vngerecht vnd
verdampt / wenn sie widder die lieb nicht nachge
|| [ID00075]
lassen werden) vnd so man jr
on ergernis nicht mag ab sein / das man sie als einen andern vnfall oder zwangk
der Tyrannen / vmb Gottes willen trag // Als Christus Matth. 5. sagt / So dich
einer zwingt zu tausent schritten / gehe mit jm die andern zwey tausent / Doch
alles / so fern es nicht sey widder Gott vnd sein wort / dem man allzeit mehr /
denn dem menschen / gehorsam sein sol / Act. 5. cap.
Denn wir jhe nicht widersprechen mögen noch sollen /(Die eusser kirch hat eusserlich zuorden.) das die eusser Kirch /
durch jre befelhaber / jnn Ceremonien / vnd den dingen / die zu guten sitten /
zu zucht / vnd zu eusserm Christlichen / erbarm vnd richtigem wandel gereichen /
zu setzen vnd zu orden hat eusserlich / vnd die selben jre ordnungen / nach
bequemigkeit vnd gelegenheit / auff vnd abzusetzen / doch alles zur besserung /
vnd nicht zu verderb / wie oben gesagt.
Als wir denn auch befinden / wie jtzt dis / jtzt jhenes auffgesetzt / vnd zu
dieser vnd anderer zeit / nach gelegen(Eusser kirch
ordent nach person / stad / vnd zeit. Inner kirch ist nach Gots ewigem wort
geordent.) heit der sache / stell / person vnd weil / widderumb
abgesetzt / verandert / vnd gantz auffgehaben vnd abgethan ist. Wie nach der
jnnern Kirchen / die allein nach dem ewigbleibenden Gottes wort geordent ist /
alles vnuerruglich vnd vnueranderlich blieben ist / vnd bleiben mus
ewiglich.
Demnach / sollen nicht gehört werden die jhenen / so on allen vnterscheid / alle
statut / satzung vnd ordination(Widder die verechter
der Kirchen statut vnd ordnung.) der Kirchen verachten / Als da sind
vnser eitel Engel / odder eitel geister (wo sie anders nicht eitel Teufel sind)
die fur grosser fleischlicher geistligkeit / on alles eussere leben wollen / vnd
also weder recht fleischlich noch recht geistlich / vnd wie im sprichwort /
weder hund(Sprichwort.) noch röde sein.
Sondern die Kirch / vnd von jrer wegen / jre geordente(Wie die kirch en diener ordnung machen sollen.) Kirchendiener /
Bisschoue / Pfarhern / Prediger / etc. mögen vnd sollen gute Christliche ordnung
/ statut / Ce
|| [ID00076]
remonien
(Christliche sta tut / auff Chri stlichen Gots
dienst.) etc. machen vnd schliessen / Als da sind / das die leut
ordenlich / zu dieser odder jhener gelegener zeit / an diesem odder jhenem
bequemen ort / zusammen komen / das Euangelion hören / Sacrament empfahen / jnn
der Gemein dis odder jhenes beten / singen / lesen / vnd Gott jnn Christo
allezeit preisen vnd loben / Des gleichen / wie allenthalb / das gute gefordert
/ sund vnd ergernis verhütet werde etc.
(Cöcilium der Apostel.)
Also haben gehalten die heiligen Apostel ein eusser / gemein / offen / Christlich
/ vnd frey Concilij odder versamlung / vnd darin viel dinge statuirt vnd
ordinirt eusserlich (Wie jnn den Concilien vnd
Christlichen versamlungen / vnd sonst durch die Kirchendiener sol statuirt
werden.) / wie im. 15. cap. jrer Geschicht befunden wird / Doch mit
solchen statuten vn̅ ordnungen die gewissen / so durch Christus
blut gefreiet / nicht zuuerstricken / das ist / nicht zugebieten bey verdamnis
vnd seligkeit / jnn dem sie gehalten odder nicht gehalten / Sondern eine zeit /
so lang sie nützlich / zuhalten / vnd vber eine zeit / so sie nicht mehr
nützlich noch ergerlich / noch auff die gewissen dringen / nicht zu halten / Wie
denn dasselb der Apostel Concilij / vnd darin jre ordnung / vornemlich vom blut
/ ersteckten / vnd götzenopffer nicht zu essen / von im selbs / vnd on einig der
Apostel zu thun odder abschaffen / widderumb fiel / vnd frey ward dasselb zu
essen / auch zu der Apostel zeiten / die doch solche ordnunge selbs gestellt
hatten.
(Vnsere Concilia nicht kreff tiger denn der Apostel.)
Derhalben auch vnsere Concilia / satzung vnd ordenung / jnn diesem vnd jhenem
eusserm dinge / was das selb allenthalb ist / jhe nicht heiliger / krefftiger /
noch mehr sein mögen noch sollen / denn der Apostel Concilij vnd ordnung /
Sondern wie der selben / also auch die vn (Ordnunge
nach Gottes wort vnwandelbar.) sern / nach gelegenheit der zeit /
person vnd stell / mit guten gewessen zu wandeln / Wie dagegen alle ding / so
aus dem klaren / hellen vnd ewigbleibenden Gots wort geordent werden /
vnwandelbar sind vnd ewiglich bleiben / nicht menschlicher ordnung / sondern
Gots worts
|| [ID00077]
halben / wie die
gleubigen Samariten sagten / Joan. 4. Wir gleuben nu fort / nicht vmb deiner
rede willen / wir haben selber gehört vnd erkennet / das dieser ist warlich
Christus der welt Heiland.
Vnd solcher weise sollen die statut vnd satzung / jnn(Der Kirchen satzung zu hal ten.) vnd ausser den Concilien
auffgerichtet / fur Christlich geachtet vnd gehorsamlich gehalten werden / vnd
welcher sich freuelich dawidder setzet / so fern sie / wie gehört / widder Gotts
wort vnd die gewissen nicht sind / der sol als ein Empörer vnd zerstörer guter
Christlicher ordnung (on welche die Kirch vn̅ gemeiner nutz(Straffe der vbertretterder Kirchen satzunge.)
nicht bestehen / noch Gott beheglich gedienet werden mag) von Christlicher
gemeine / als ein schedlich / erger lich glied abgeschnitten vnd verstossen
werden / Wie denn die Kirch jnn solchen vnd gleichen fellen / das gericht vnd
straffe von Gott hat / als oben angezeigt ist / wie auch die weltliche öberkeit
jn̅ weltlichen dinge̅ etc. Darumb auch Paulus.
1. Timo. 2. befilt / fur die Könige(Fur die öberkeit
vnd alle menschen zubitten.) vnd alle Oberkeit / auch fur alle
menschen / zu bitten / das wir (gleichsam durch der öberkeit schutz vnd gute
ordnung / vnd volgend durch vnserer der vnterthanen gehorsam) ein geruglich vnd
stille leben füren mögen / jnn aller gotseligkeit vnd erbarkeit.
Wenn aber keine andere statut / ordnung / satzung(Vnchristliche statut auff vn christlichen Gotts dienst.) vnd
Ceremonien gemacht werden / denn das man viel eussern / ertichten / geferbten /
vnd gleissenden falschen Gottes dienst anrichtet / Wie desselben alle
winckel(Glantz des falschen Gots diensts.)
vol stecken / vnd den rechten lebendigen Gottes dienst fast vertunckelt /
vnterdruckt vnd vertreibt (so on alles gleissen / jnn der schlechten einfalt des
hertzens wandelt(Rechter Gottes dienst vnter der
torheit des Creutzs.) / wie er vnter der thorheit des Creutzs
verborgen vnd verachtet ligt) vnd die leute damit wil gerecht / frum / Got
angeneme vnd selig machen / vnd also allenthalb auff die gewissen dringen / so
sollen wir sie auch im gewissen nicht höher achten vnd halten / denn sie
|| [ID00078]
Christus gehalten hat (das ist
gantz vnchristlich / vnd fur nichts / ob sie auch der Bapst / Keiser / vnd also
alle Concilia vnd Reichstage setzten) dauon Esa. 29. vnd Matth. 15. Ir Gottes
dienst ist gar verloren / dieweil sie leren solche lere / die nichts den̅ menschen gebot sind / Vnd forder zeiget Esaias an gantz
erschrecklich / das Gott solche Meister / mit jren Schülern vnd Jüngern / als
blinde vnd blindeleiter / herter verstocken / vnd allenthalb jnn jrer eigen
ertichten vnd falschen heiligkeit verblenden wil.
(Was der rechte Gotts dinst sey.)
Dieweil der rechte lebendige vnd angeneme Gottes dienst / anders nichts ist /
denn was Gott jnn seinem wort befolhen hat / welchs alles im glauben vnd der lie
be verfasset wird reichlich.
Was nu widder Gotts wort vnd gebot / widder den glauben vnd die liebe / so darin
begriffen sind / geordent vnd gesetzt wird / das ist kein Gottes dienst /
sondern stracks widder Got / vnd ein rechter teufels dienst / vnd kein recht
gebot noch gesetz / vnd also folgend auch niemand schüldig zu halten / sondern
viel mehr schüldig nicht zu halten.
(Widder alle menschliche statut vnd werck.)
Wie da sind alle statut / ordnung / regeln / obseruantien / dazu alle werck vber
einen klumpen / der gestalt gerichtet / das man dadurch von sunden / frey vnd
los werden / vn̅ die seligkeit verdienen wil (dieweil sie doch
allein fur der welt / eusserlich / vnd im schein mögen etwas gezogen / frum vnd
gerecht machen / aber jnnerlich im hertzen vnd fur Gott / gar nicht) Als man
solchs alles (Menschliche gerechtigkeit jnn
wercken.) mit grossem Ablas verheissen / vnd die werck verkaufft hat /
vnd keinem heiligen ein tacht oder liechtlin jnn andere wege / denn dadurch
selig zu werden / gebrent ist / Ich wil geschweigen / aller München / Pfaffen /
(Göttliche gerechtigkeit jm glauben auff
Christum.) Nonnen / vnd sonst aller menschen stand / wesen vnd leben /
darin ein jeder gesucht vnd gemeinet hat selig zu werden / so doch solche ehre
Christo allein zustehet / vnd
|| [ID00079]
durch
jnen mit vnwidderruff lichem sententz vnd vrteil beschlossen ist / Johan. 14.
Niemand kompt zum Vater denn allein durch mich / als durch den einigen /
richtigen / vnirsaln weg zu der gnad vnd seligkeit.
Vnd dis / vnd so viel sey auch von Christlichen vnd vnchristlichen statuten /
ordnungen vn̅ Ceremonien etc. wie sich die jnner vnd ausser die
gewissen erstrecken / zu notdurfft gesagt.
Denn wie man fast alle ding hat vbermeistern vnd verbessern wollen / also auch
hat man sich an diesen(Wie vber die schnur gefart sey
mit den statuten.) recht Christlichen statuten nicht benügen lassen /
Sondern man hat vielmal gegriffen / vnd greifft noch frisch lich vber die schnur
/ vnd gibt an dis vnd anders fur der waren vnwandelbarn Kirchen gebot (die doch
nichts anders setzet / denn das Gottes wort bereit gesetzt hat /(Inner kirch nach Gotts wort geordent.) vnd an
sich selbs ist) welchs auch die grobe eusser Kirche / so mans beym liecht
anschawet / widder fur gut noch Götlich achten mag.
Vnd dadurch die eusser vnd jnner Kirch (so der wirckung(Eusser vnd jn ner kirch vermengen.) halben vnterscheiden / wie oben
gesagt) also jnn vnd durch einander verstecken vnd vermengen / wie im
kartenspiel geschicht (das ich jhe auff groben wandel /(Gleichnis vo̅ karten gemeng.) auch
grobe gleichnis gebe) da das Tauss als bald / als der König oben ligt / das ist
/ das wir der eussern Kirchen zu legen vnd geben / das der jnnern zustehet vnd
eigen ist / vnd widderumb / wie oben nach der lenge vermeldet / So wir doch /
nach Götlicher ordnung / jedem das seine geben vnd lassen sollen / als denn
Christus beiden / dem leibe vnd seele / nach seiner Gottheit vnd menscheit / dem
werck nach also zu reden / ordentlich gedienet / vnd jedem seine gebür vnd recht
than hat.
(Christi ordent licher dienst. Vnrechter ver stand vnd dar
geben Gotts vnd der kirchen namen.)
Dem nach / gehets noch zu teglich / mit vielen frumen Christlichen hertzen / wenn
sie den herrlichen grossen namen Ihesu / vnd der Kirchen hören / empfahen sie
darob einen gütigen eiffer vnd wolmeinung / ja auch
|| [ID00080]
ein zittern vnd schrecken / aber
nicht nach rechtem verstand / erkentnis vnd wissenheit / wie Paulus sagt / Roma.
10. vnd vermeinen es seien eitel harte donnerschleg / die auch das hertz vnd
augeapffel rüren / das sie alles / bey verlust der seligkeit / halten müssen /
was jn jnn Got tes vnd der Kirchen namen / on allen vnterscheid / vorgegeben /
gesatzt vnd gebotten wird / vnd achten alle Bennisch vnd ketzerisch / so
dawidder faren. Welchs alles recht vnd gut ist / so es ordentlich / rechter
vnterschiedner / vnd mitler weise geschicht / wie denn von der Kirchen
geredt.
(Es ist nicht al les Gots vnd der Kirchen gebot / was
Gottes vnd der Kirchen namen hat.)
Aber alles vnter Gottes vnd der Kirchen namen / zu zihen / vnd ein Göttlich vnd
Kirchen gebot daraus zumachen / beym Bann / Todsund vnd verdamnis / wie mans
heiss vnd hefftig auffmutzen kan / was diesem odder jhenem Bisschoff des nachts
vorkomen vnd getrewmet hat / wie den̅ solcher superstition alle
Bistum / Stifft / Pfarhen vnd Clöster vol vn̅ vber vol / vnd doch
(Inn Gottes vnd der Kirchen namen / hebt sich alles
vnglück an.) anders nichts sind / denn eussere / menschliche vnd der
eussern Kirchen gebot (welchs eigentlich heisst jnn Gotts vnd der Kirchen namen
/ die allein zu gutem sollen gebraucht werden / alles vnglück vnd vngemach
anfahen / vnd mit den selben jnn betrug hantirn vnd werbe̅
(Inn betrug hantiern.) / wie Petrus sagt. 2. Pet.
2.) das las jm sein gewissen vnd hertz niemand bekümmern noch jrre machen / oder
beschwere̅ jnnerlich / das es entweder seliglich oder ver
damlich sey / ob es gethan oder gelassen werde / so man allein eusserlich nicht
vngehorsam / vnd dem nehesten nicht ergerlich sey.
(An Gottes wort hanget vnd langet alles.)
Aus welchem allem / on alles widdersprechen weiter folgt / dieweil alles an Gotts
wort hanget vnd langet / Auch die Kirch daraus geborn / vn̅
dardurch allenthalb auff Ihesum Christum / widder alle hellepforten zubestehen
ergründet ist / wie angezeigt / Das also wedder Kirch / noch Concilia / noch
Bapst / Cardinel / Bisscho
|| [ID00081]
ne
/ hoheschulen etc. Auch weder Reich / noch Reichstage / noch Keiser / Könige /
Fursten / Herrn / odder der etwas(Gottes wort an sich
selbs / hat keinen menschlichen richter noch ausleger.) / was von blut
vnd fleisch / vnd also vom menschen vnd aller welt ist / vnd von aller derselben
besten krafft / macht / vernunfft / kunst / weisheit / mennige odder vile /
altem gebrauch / langer vbung / gewonheit vnd herkomen etc. vber dis gnaden wort
Gottes zu richten / zu vrteilen vnd zuerkennen / noch dasselb zu deuten /
zuerleutern / auszulegen / zu limitirn odder messigen etc. einigen gewalt noch
macht haben / als vber andere zeitliche ha(Gott selbs
sei nes worts richter vnd ausleger.) be vnd gut / Sondern allein Gott
selbs / Als wie er das wort selbs ist / Johan. 1. Also auch wil er selbs darüber
/ der einig vnd allein Richter / erkenner / deuter / erleutrer vnd erleuchter /
verklerer vnd ausleger sein / wie volgen wird.
Nach dem sich aber / an solchem einigen einhelligen(Wie
jnn vngleichem verstand des worts gehandelt werden sol.) Gottes wort
(doch nicht aus schuld desselben worts / sondern derer / so da mehr weise sein
wollen / denn sie sollen / Rom. 12.) vielfeltiger vngleicher / vnd vnrechter
verstand zutregt / wie denn leider jtzt des grossen ergerlichen / vnd
Gottslesterlichen jrsals / fast aller dinge jnn(Irsall
fast aller dinge.) der gantzen Kirchen vnd Christenheit / keine zal /
masse noch ende ist / vnd dennoch ein jeder auff beide vnirsale(Gemeiner / auffs wort vnd die Kirch beruff.) /
das wort vnd die Kirch / als mit jnen eintrechtiglich haltend / sich beruffet
vn̅ fusset / vnd darauff allenthalb zeucht vnd fleucht /
dadurch ein jeder gerecht / vnd niemand vnrecht sein wil / vnd also des jrrens
nicht weniger(Jeder wil gerecht / vnd niemand vnrecht
sein.) / sondern von tag zu tag vnendlich mehr vnd mehr wird etc.
Solchem jrsal zu weren / mögen vnd sollen Bapst /(Vom
beruff der Concilien vnd anderer Christlicher versamlung.) Bischone /
Pfarherrn / Prediger etc. als Kirchendiener / die darumb verordent vn̅ da sind / Auch mit zuthun der Oberkeit / des Keisers / Königen /
Fursten etc. als der Kirchen eingeleibten gliedern vnd verwanten / Ein Ge mein /
offen / frey vnd Christlich Concilij / oder sonst ein
|| [ID00082]
national / odder eine andere
Christliche versamlung nach dem Exempel vnd anbild der Apostel Concilij / (Vom gebet vnd wandel jnn Concilien) Acto. 15.) jnn
Gottes vn̅ Christi namen / beruffen vnd halten / vnd alda mit
einmütigem gleubigen hertzen vn̅ empsigen anhaltenden gebet / mit
flehen / bitten / forschen / fragen / suchen vnd nachgedencken / Gott vmb
rechten verstand der schrifft bitten / vnd als denn / jnn solchem vertrawlichen
gebet / wie denn Gott die rechte weisheit von jme wil gebeten haben / Jacobi. 1.
vnd erhörung zugesagt hat / Matth. 18. frölich zur sachen greiffen vnd thun.
(Wie die schrifft geurteilt vnd gedeutet werden mag.)
Also / das sie die schrifft zu vrteilen vnd zu deuten ha ben / doch jnn allewege
mit diesem gemessen befelh / Nemlich / nicht nach jrem geist / das ist / nicht
nach menschlicher vernunfft / weisheit / eigen gedüncken / oder ver stand / auch
nicht nach ansehen der person / vermeinter heiligkeit / geistligkeit /
wirdigkeit / viele / mennige / langer vbung / gebrauch / gewonheit / grosser
Titeln / vnd was der dinge des eiteln bluts vnd fleischs viel sind / welche alle
liegen vnd triegen / jrren vnd verfüren / wie des die schrifft beider Testament
vol vnd vber vol ist / (Schrifftgeber) Sondern
nach meinung / rat vn̅ sin̅ / des rechte̅ Schrifft gebers / das ist / des vnirsaln / waren / lebendigen
vnd hei ligen geists Ihesu Christi.
(Wie der heilig geist bewei set wird im vr teil vnd deutung
der schrifft.)
Welcher dieses falles / der masse gespürt vnd bewisen wird / so wort mit wort /
schrifft mit schrifft / text mit text / vnd dunckel sprüche jn̅
vnsern augen (so sonst die schrifft an jr selbs auffs liechtest ist) mit hellen
sprü chen / vnd klaren ausgedruckten worten der schrifft / aus (Die schrifft ist hell.) gelegt / erleutert vnd
verklert werden (welchs Paulus. 1. (Geistlich
gerichtet.) Cor. 2. geistlich gerichtet heisst / als das da nicht durch
die menschen / sondern durch Got selbs gedeutet ist / der jnn der schrifft / wie
das kind jnn den windeln / verwikelt (Die schrifft jr
selbs genugsam zur auslegung.) ligt) wie denn die schrifft jr selbs
gnugsam ist / sich auszulegen / vnd also jnn einander verfasset / geflochten
|| [ID00083]
vnd geschlossen / das jmer eins
auffs ander ordentlich gericht / vnd eins dem andern gleichsam die hand reichet
/ vnd auffs ander zeigt / deutet vnd weiset / vnd allenthalb jn̅
keinem weder zuviel noch zu wenig / Gleichsam(Gleichnis.) eine ketten oder ring / darein man nichts mehr schliessen
/ noch daraus nemen mag. Damit also das gleich formige / einhellige vnd
ewigbleibende Gottes wort /(Gottes wort jm selbs
gleich) jm selbs jn nichte zu wider noch vngleich / Sondern jnn
allewege jm selbs auffs enlichst vnd gleichest sey (als zu welchem weder gethan
/ noch dauon genomen werden sol / Deut 4.) vnd / on einige sein selbs
widerwertigkeit / ewiglich bestehe / vnd nimer mehr vergehe / Esa. 40.
Nach welchem auch Christus selbs gethan hat / jnn(Christus durch die schrifft beweist.) dem er zubeweisen / vnd die
Juden vnd seine Apostel im glaube̅ zu stercken / das er der ware
verheissen Messias were / hielt er jnen fur / vnd gegen einander die schrifft /
das gesetz / die Propheten vnd Psalmen / Vnd sonst jnn vielen andern jrrigen
streitigen sachen / die lere belangend / beide mit dem Teufel vnd Phariseern /
wie es jnn allen Euangelisten zu sehen ist.
Des gleichen die Aposteln vnd Euangelisten / allenthalb(Aposteln refe riren auff die schrifft.) auff die schrifft sich
referirn vnd zihen / vnd eine schrifft mit der andern vergleichen.
Also auch Hieronymus / Augustinus / Ambrosius / Ciprianus / Hilarius / vnd andere
Christliche Lerer / welche jrer vnd anderer lere / weiter denn sie jnn der
schrifft gegründet / gar nicht wollen gegleubt haben.
Welchs alles die heilige schrifft von beiden / dem Richter vnd Ausleger / gar
klerlich anzeigt / wie man vnter anderm findet.
1. Johan. 2. Ir bedörfft nicht das euch jemand lere /(Richter. Salbung.) sondern wie euch die salbung (das ist / die
eingeistung / einsprechen / odder eingeben des geists Christi) allerley leret /
so ists war / vnd ist keine lügen / vnd wie sie euch gelert hat / so bleibt bey
dem selben.
|| [ID00084]
(Ausleger.)
II. Petri. 2. Vnd das solt jr fur das erst wissen / das keine weissagung jnn der
schrifft geschicht / aus eigner auslegung / denn es ist noch nie keine
weissagung aus menschlichem willen erfur bracht / sondern die heiligen menschen
Gottes haben geredt / getrieben von dem hei ligen geist.
Also auch Johan. 6. aussem. 54. cap. Esaie / Sie werden alle von Gott geleret
sein.
Vnd Jere. 31. Ich wil mein gesetz jnn jre sinn geben / vnd jnn jre hertzen
dasselb schreiben / vnd ich wil jnen ein Got sein / vnd sie sollen mein volck
sein / vnd es wird hinfurt niemand seinen bruder oder nehesten leren vnd sagen /
Erkenne den Herrn / denn sie sollen mich alle erkennen / vom kleinsten vnter jn
/ bis auff den grösten.
(Wie es zuuer stehen / das der mensche Gottsgelerig
sey.)
Welchs nicht zuuernemen ist (wie es die eitelgeister vernemen / so alles
felschlich auff den geist zihen) das darumb das schrifftliche wort / oder
mündliche predig nicht zu hören / vnd an jm selbs nichts sey / noch darnach zu
studirn / lesen / trachten / gedencken etc. sondern nur faulentzen / jnn himel
vnd jnn die lufft gaffen / vnd das maul nach dem heiligen geist auff sperren /
wie der faul baur vnter dem bawm ligend / nach pflaumen / das sie jme von jn
selbs / vnd on sein zuthun / jns maul fallen (Die
schrifft forschen.) solle̅ / Dieweil doch Christus die
schrifft forschen heist / vnd sonst kein anders noch besonders warten / Joan. 5.
vnd on derselben schrifft vleissigs forschen / studirn / lesen / predig hören
etc. als wenig seinen heiligen geist / vnd durch jnen den rechten verstand der
Schrifft geben wird / wie Esaias am. 8. sagt / vnd Paulus Gal. 3. vnd 1. Cor. 3.
cap. als wenig er vns on erbeit erneren wird / so er vns doch zu erneren auch
hat zugesagt / Psal. 54. vnd Matthej. 6.
(Gott wircket durch ordentliche mittel.)
Dieweil Gott wircket vornemlich durch seine ordentliche mittel / Als wie die
erbeit / vnd das zuthun der hende / das rechte von Gott geordente mittel ist
|| [ID00085]
vnserer narung / dadurch seinen
segen / gedeien vnd zunemen(Wie die erbeit das mittel
ist vnserer narung / also ist auch das mittel der gna den des hellige̅ geists / das wort.) zuerlangen / Genesis. 3. Also ist
auch das wort des Euangelions / zusampt seinen waren getrewen dienern /
verkündigern vnd predigern / das rechte mittel / dadurch er seinen heiligen
geist / vnd jnn dem selben den waren verstand / frucht / vnd folge des worts
mitteilt vn̅ gibt / auch Christum selbs / den glauben / die
vergebung der sünde / vnd das ewig leben / Also das Gott durch seine
mitwirckende mittel (darumb vns Paulus. 1. Cor. 3.(Der
mensch ist Gottes gehülffe.) Gottes gehülffen nennet) aller dinge der
einige vnd allein rechte heubtsacher allzeit sey vnd bleibe / Als / wie wol
solchs alles durch vnsern vn̅ des mündlichen worts(Nota.) dienst geschicht / dennoch nicht vnser /
sondern Gottes werck allein sey / der alles jnn allen dingen ist vnd wircket. 1.
Cor. 12. vnd. 15.
Summa / durch diesen einigen richter / ausleger / vnd oberherrn Gott den heiligen
geist / müssen wir aus der(Gott der heilig geist
richter vnd ausleger der schrifft.) finsternis vnd lügen aller
menschlicher vernunfft vnd weltweisheit / jnn das klare liecht / vnd bestendige
warheit Götlichs worts / vnd erkentnis desselben / solchs anzunemen / darin zu
vrteilen / zu erkennen vnd zu deuten / vnd darnach zu thun vnd lassen / vnd zu
leben vnd sterben / gefurt werden / wie Dauid sagt / Psal. 35. Herr jnn deinem
liecht / werden wir das liecht sehen / das ist / so du durch deinen heiligen
geist erleuchtest / werden wir erleuchtet / vnd die warheit erkennen / Des
gleichen sagt Christus Johan. 14. das allein dieser sein heiliger geist / vns
alle warheit leren mus etc.
Dis weiset auch vber diese krefftige sprüche der(Anzeig
der vernüfft / das der heilig geist richter vn̅ aus leger der
schrifft sey.) schrifft / die fleischliche / grobe / tolle vernunfft /
ja wol vnuernunfft jnn Gottes sachen zu achten / Dieweil der mensch / vn̅ alles was das beste an jm ist / durch Adams fall / allenthalb
verderbt vnd verblendet ist / so mag er(Vernunfft /
vnuernunfft. Nachteil des falles Ade.) aus eignen krefften vnd
vermögen / ausser der gnaden Gottes / weder Gott / noch was Götlich / geistlich
vnd
|| [ID00086]
himlisch ist / nicht erkennen /
vnd also folgend auch gar nicht begreiffen noch verstehen / viel weniger
vrteilen / richten / deuten vnd auslegen / was Christus / sein wort / (Euangelion Gottes krafft) vnd Euangelion sey / jnn
dem es eine Gottes krafft / vn̅ also gantz geistlich ist / Ro.
1.
Wie dauon sagt der. 13. Psalm / Der Herr sahe von himel auff der menschen kinder
/ das er sehe / ob jemand verstendig were / vnd nach Gott fraget / aber sie
waren ausgewichen / vnd alle miteinander vntüchtig.
Des gleichen Esa. 59. Wir haben mit den henden / wie der blinde an der wand /
getappet / vnd / als die on augen / gegriffen / im mittemtag haben wir vns
gestossen / als were es jnn der finsternis.
(Blindheit vnd jrthumb am menschen.)
Kürtzlich / es ist an vns allen / jnn Götlichen dingen anders nichts denn
blintheit / finsternis vnd jrsall / wie Johannes am. 1. sagt / Das liecht
leuchtet jnn die finsternis / vnd die finsternis habens nicht begriffen. Vnd
Esa. 54. Wir alle haben geirret als die schaff / vnd ein jeder ist seinen weg
gangen.
(Thorheit jnn Gotts sachen sich einlassen zu
richten.)
Derhalben es eine gantz grosse freuel vermessenheit ist / ja eine eitel lauter
narheit vnd thorheit / der dinge schiedsrichter / deuter vnd ausleger sich
anmassen / so man nie erkand / noch von sich selbs zu erkennen einig vermögen
hat.
(Vernunfft erreicht nicht der schrifft vr teil.)
Denn solt die heilig schrifft nach menschlicher vernunfft geurteilt vn̅ ausgelegt werden / wie were es müg lich / zum rechten verstand
der selben jmer mehr zu komen / ja wie möchten wir jmer ein gantzer leib Christi
(Wenschen re de hat widder rede.) sein / das
ist / eine ware einige Kirch / eines gemüts vnd sinnes / on einige spaltung vnd
zwitracht? Die weil (Gottes rede / on
widerrede.) menschen rede nimer als gut ist / sie hat allzeit widderrede /
gleich wie Gottes rede ist standrede vnd schlosrede / on alles widderreden odder
widdersprechen.
(Wenschlich vrteil vnstett.)
So ist auch der menschen vrteil gantz vnstett vnd mancherley / vnd jmer eins
anders denn das ander / vnd
|| [ID00087]
also
allenthalb widdereinander / wie wir den fall mit den Sacraments schwermern /
Widderteuffern vnd an(Sacramentschwermer /
Widerteuffer) dern / so allein nach menschlicher vernunfft faren / mit
grossem nachteil / jnn der hand haben.
Vnd welchs das gröst vnd ferlichst ist / könden wir(Auff menschlich vrteil sich nicht zu verlassen.) weder mit glauben
noch gewissen / noch seel / weder jnn tod / noch einiger not / auff solch
menschlich vrteil vnd auslegung / so mit jnen selbs vneinig / fussen / vnd vns
darauff verlassen / noch einigen vertrawen odder trost der seligkeit darein
setzen / dieweil Jeremias am. 17. den menschen verflucht / der einem menschen
trawet / vnd das fleisch (das ist / das vrteil / auslegung / vnd vermögen
menschlicher vernunfft vnd krafft) zu seinem arm setzet (das ist / sich darauff
verlesst) vnd das hertz von Gott abwendet / So es on das sonst klar ist / das
nichts mit jm selbs / viel weniger mit andern einig ist / es werde(Vneinigkeit on den heiligen geist.) denn durch
den heiligen geist / der im einhelligen wort empfangen wird / vereinigt vnd
vertragen etc.
Vnd ist also allenthalb / Götliche schrifft / mit dem kot vnd vnflat menschlicher
vernunfft vnd weisheit(Was da sey Göttliche heilige
schrifft / mit menschlicher vernu̅fft auslegen.) richten
vnd deuten / Eben das / dauon Esaias am. 1. saget / wein mit wasser vermischen /
vnd silber zu silberschaum machen / vnd also folgend / gleichsam liecht mit
finsternis / oder die helle sonne mit einer liechtlosen finstern latern
erleuchten / Wie auch jnn diesem fall der(Gleichnis.) blinde Heid sagt / das der höhest me̅schlicher verstand / gegen die geringsten Götlichen dinge / sich gehab / wie
der nachteulen auge / gegen dem hellen sonnen glantz. Summa / Paulus sagt. 1.
Cor. 2. Der natürliche mensch vernimet nichts vom geist Gottes / es ist jm eine
thorheit / vnd kan es nicht erkennen. Also auch rund vn̅ dür
abgesagt / spricht Christus selbs / Joan. 14. das die welt den geist der warheit
/ als den sie weder sihet noch kennet / nicht empfahen kan / vnd also viel
weniger etwas der geistlichen warhafftigen dinge / so durch den heili
|| [ID00088]
gen geist gegeben werden /
als da sind richten vnd deuten Gottes wort / vnd das Euangelion.
(Es gefellet dem heiligen geist vnd vns.)
Darumb auch die frumen Aposteln / jnn jrem Concilij / Act. 15. dem heiligen geist
jnn allem die ehre gaben / jnn dem sie sagten / Denn es gefellet dem heiligen
geist vnd vns etc. vnd nicht vmbgekert / das hinterst zu forderst / als / vns
vnd dem heiligen geist / Durch welchs sie angaben / das jnen. / als allein vnd
nicht mehr denn mundboten / mitteln / rustzeugen / gehülffen / dienern vnd
predigern etc. ernachmals anders nichts wolgefallen must / entweder die schrifft
zu vrteilen vnd deuten / oder aber die gewissen mit etwas zuuerbinden / Denn was
dem heiligen geist / als dem geber vnd erleuchter der schrifft / von ewigkeit
wolgefallen ist / welchs sein wolgefallen (Wolgefallen
des heiligen grists jnn der schrifft.) / alles jnn Propheten vnd der
schrifft reichlich verfasset vnd begriffen wird / wie auch S. Jacob jnn diesem
Concilij / alles auff der Propheten rede fleucht vnd zeucht.
(Jacobus. Miebrauch der schrifft / von den vermeinten
geistlichen.)
Damit die geistlich genanten diese wort / als andere mehr / jnn jren vorteil
nicht zerren vnd zihen mögen / wie sie denn hieraus vnrecht zwacken / klauben
vnd schliessen / Als solten Bapst / Bisschoue / Concilia / Keiser / Könige /
Fursten / Reichstage etc. gleichsam fur sich selbs / vnd neben / oder wol wider
den heiligen geist (als der eines gehülffens oder verhinderers bedörff) macht
haben / die schrifft auch zu meistern / vnd nach menschlichem willen / verstand
odder vernunfft / darob zu richten / zuerkennen vnd auszulegen / vnd vber odder
neben (Keine newe glaubens artikel zu setzen / noch die
gewissen zu beschweren.) die selb heilig schrifft / auch das jre / als
etwas besonders vnd newes hinzu zuthun / eben als Gott nicht alles / so zur
seligkeit not ist / volkümlich ausgerichtet habe / vnd also jres gefallens /
setzen vnd ordnen / gebieten vnd verbieten / vnd das alles auff die gewissen
schlahen etc. welchs die meinung nicht hat.
(Falsche lerer.)
Wie denn solche S. Peter. 2. Pet. 2. heisst falsche
|| [ID00089]
lerer / die neben einfüren werden
schedliche secten / Vnd(Neben einfüren.) spricht
eigentlich neben einfüren werden / als das jre lere nicht richtig vnd
rechtschaffen sey / die gleich vnter augen darff gehen / Sondern als diebliche
vnd falsche / neben der waren / vnd dem waren grund Ihesu Christo / mit ein
schleufft / vnd vnterschoben oder vntermenget wird / fur die warhafftige vnd
gute sich zuuerthun /(Gleichnis.) wie meusedreck
vnterm pfeffer etc.
Darumb sie auch Petrus daselbst nennet / verleugner(Verleucker des Herrn.) des Herrn / der sie erkaufft hat / die den weg
der warheit verlestern / vnd viel verfüren / vnd derhalb ein schnell verdamnis
vber sich füren / als derer vrteil nicht seumet / noch jr verdamnis
schlefft.
Wol ists war / das alle Christen zu gleich / alle geister(Alle lere von allen Christen zu vrteilen.) / lere
vnd auslegung aller menschen / Ja auch aller Concilien vnd Reichstage / ob sie
aus Gott / vnd Gottes wort seien odder nicht / vrteilen / prüfen oder
bewern(Vnterscheid / Gottes wort / vnd die lere
aus Gottes / wort vrteilen.) mögen vnd sollen (denn es sind zwey
vnterschiedliche dinge / Gottes wort an sich selbs / vnd die lere aus Gottes
wort richten odder vrteilen) Darumb vns Christus Matth. 7. warnet fur falschen
Propheten / Lerern vnd Predigern zu hüten etc. Dadurch er frey erleubt vnd
befilhet(Fur falschen propheten zuhüten.) /
jnn dem man sich fur jnen hüten sol / das man jre lere zuuor erkennen / vnd
folgend richten mus. Also auch Paulus. 1. Cor. 14. Die weissager (das ist / die
ausleger od der lerer der schrifft) lasst reden zween odder drey / vnd die
andern lasset richten. Vn̅. 1. Thess. 5. Die weissagung (das ist /
die ausleger odder lerer) verachtet nicht / prüfet aber alles / vnd das gute
behaltet. Des gleichen. 1. Johan. 4. Ir lieben / gleubt nicht einem jglichen
geist / sondern prüfet die geister ob sie von Gott sein / denn es sind viel
falscher propheten ausgangen jnn die welt. Vn̅(Gleichnis der prob der lere / von eusserer prob der
metallen.) Ephe. 5. Vnd prüfet was sey wolgefellig dem Herrn.
Vnd diese prob odder bewerung / beider der geister vnd lerer / geschicht eben wie
die prob des goldes odder
|| [ID00090]
silbers /
so von den probierern / vber das feur / gemeinlich durch diese vier ding /
geprüfet vnd erkand werden / (Fünfferley
prob.) Als nemlich / mit strich / stich / flos / gos / Denn wie das gold
oder silber / nach der vornemlichen prob des feurs / bestehet vnd rechtschaffen
ist / so es durch diese vier / seine natürliche farbe / art / werd vnd güte
mitbringet / Also auch sind rechtschaffen die lere vnd geister / wo sie Christum
jnnehalten / vnd auff jnen / als den einigen rechtschaffen grund / gentzlich
weisen vnd stimmen. 1. Johan. 4. vnd widderumb jnn allem allenthalb das
widderspiel.
(Gleichnis vom vberbaw)
Odder wie Paulus sagt. 1. Cor. 3. vom gleichnis eines geistlichen vberbawes /
welcher allenthalb mit dem grund sich vergleichen mus / Also sol sich
vergleichen vn̅ gegründet sein aller geistlicher bawe / so an der
lere vnd leben ist / auff vnd mit dem einigen grund Ihesu Christo / auff jme
allenthalb zu fussen vnd rugen etc.
(Die geistlichen wollen allein die schrifft zu prüfen
haben.)
Vnd solche Christliche / vnd jnn der schrifft geboten prob / beider der geister
vnd lere / wie auch ander viel dinge / haben vnsere Bepst / Bisschoue / vnd
hochgelarten etc. jnen allein freuelich zugeschrieben / vnd andern wider recht /
nicht allein genomen / sondern auch strenglich (Geistlich recht / vngeistlich vnrecht.) verboten / wie es jr geistlich
recht / ja dieses falles vngeistlich vnrecht / ausweiset / damit sie jhe jre
lere / als die das liecht schewet / verdechtig machten / vnd gleichwol jnn allem
vngestrafft blieben / vnd was sie furgeben / fur lauter heiligthumb must
angebetet vnd angenomen werden / so doch ein jeder seines / vnd nicht eines
andern glaubens lebt / Abakuk. 2. Rom. 1. vnd also jedem seine / vnd nicht eines
andern seele gelten wird / (Eines jeden eigen seel
gelten.) Darumb auch jedem auff seine schantz zu sehen gehört /
vnangesehen / was andere / odder auch Concilia / odder Reichstage geschlossen
haben.
(Was Concilia vnd Richstage jn̅ Gottes wort
vermögen.)
Aus welchem allem / allenthalb letzlich vnd beschlies lich wol scheinbar ist /
was Concilia / Reichstage / vnd
|| [ID00091]
alle andere Christliche versamlung / vnd derselben ratschlege / vrteil / deutung
/ ordnung / satzung vnd beschlüsse jnn Gottes wort / vnd ausser dem selben /
sein vnd vermögen / Nemlich / wo sie Christum (gleichsam durch das anstreichen
an jnen / als an den rechten goldstein(Goldstein
Probstein) odder probstein) rechtschaffen vnd vngefelscht ferben vnd
dargeben / vnd also mit strich stich / flos vnd gos /(Christum ser ben etc.) wie gesagt / auff jme bestehen / vnd jme sich
allenthalb vergleichen / Vnd wie Paulus spricht. 1. Cor. 3. Inn allem liecht vnd
tag / das ist / durch alles vrteil / vnd klar(Am tag
vnd im feur bestehen.) offentlich erkentnis / Des gleichen jnn aller
hitze vnd feur / das ist / jnn aller teuff lischer vnd menschlicher ver folgung
vnd anfechtung / Auch jnn gewalt / weisheit / mennig / ansehen etc. aller welt
dawider / die rechte gute prob / auff dem selben einigen Ihesum Christum
bestendiglich halten / vnd auff jme allein / als auff dem(Prob auff Christum hal ten.) einigen waren grund
vnd fels / sussen / beharren vn̅ bleiben / so sind sie eigentlich
vnd gewislich aus Gott / vnd sollen on alles widdersprechen gehalten werden /
nicht als menschliche / sondern als Götliche beschlüsse / ob sie auch der
geringste / schlimste gense hirt geschlossen hab / Matth. 28. Lernet sie halten
/ alles / was ich euch geboten hab. Vnd Luc. 10. Wer euch höret / der höret mich
/ vnd wer euch verschmehet / der verschmehet mich.
Wo sie aber hinwidder etwas anders / denn den(Christum
nicht serben etc.) Christum ferben / streichen / stechen / fliessen /
giessen vnd jnn andere wege einen andern falschen beygrund neben einbringen / so
sind sie gewislich nicht aus Gott / vnd sollen als jrrige / Widderchristische /
vnd verdamliche menschenfünde vnd geticht verachtet / vnd mit nichte gehalten
werden / ob sie auch gleich alle Bepste / Bischo ue / Keiser / Könige etc.
geschlossen vnd geboten haben / Matth. 15. Alle pflantzung / die mein Vater
nicht gepflantzt hat / sol ausgereutet werden.
(Concilia sind nicht die Christliche Kirche.)
Damit sich also weder Concilia / noch Reichstage /
|| [ID00092]
noch einige versamlung fur sich
selbs / vnd ausserhalb dieses rechtschaffenen grundes Ihesu Christi / vnd seines
waren worts / fur die ware / jnnere / geistliche / vnirsale / gemeine / heilige
/ Christliche vnd Apostolische Kirche haben auff zublasen vnd darzugeben (wiewol
vngezweiuelt etliche sondere frume Christen fur der (Gelieder der Kirchen jnn Concilien.) welt vnbekand / vnd Gott
wolbekand / als ware glieder der waren Kirchen / darunter sein mögen) als die
alle jre lere / vrteil / auslegung vnd satzung / als vnirsale / jres gefallens
vnd willens / fur das ware / lebendige Gottes wort / vnd vnueranderliche Artikel
des glaubens / wollen gehalten / angenomen vnd gegleubt haben.
(Concilia / schwerlich der eussern Kiren glieder.)
So sie doch anders nichts / denn schwerlich der eussern leiblichen kirchen diener
vnd glieder sind / welche viel mal vnchristlich geirret haben / vnd jrren mögen
/ wie denn solchs bey menniglich also klar vnd vnuerborgen (Concilia haben geirret.) ist / das es wegerer ist
dauon still schweigen / denn zubeweisen.
(Die eussere Kirch mag be deutlich versammelt wer
den.)
Vnd auch sonst vnmüglich ist / dieselb eussere leibliche Kirch / wie sie
allenthalb an jr selbs ist / jnn andere wege zuuersammeln / denn allein
Representatiue vnd bedeutlich / jnn etlichen besondern verordenten personen.
Viel weniger die rechtschaffene jnnere / nach dem (Die
geistliche jnner Kirch / mag nicht ver sammelt werden leiblich. Eigenschafft
der waren Kirchen.) solche jnnere Kirch / wie oben gesagt / allenthalb
geistlich / vnd jnn verborgenheit ist / weder an person / stat / noch zeit
gebunden / allein von den vnsichtbarn vnd vnbekandten fur der welt / waren / vnd
von ewigkeit versehen / vnd Gott wolbekandten lieben Gotts kindern / die jnn
einigkeit des glaubens vnd geists stehen / vnd welche Kirch / durch die
regierung des heiligen geists / nicht jrsal / noch von wandelbarn dingen ist /
sondern von dem ewigwerenden Gottes wort / vnd jnn welcher der ware Gottes
dienst / vnd die gewisse gerechtigkeit vnd seligkeit / wie ausserhalb derselben
eitel verdanmis
|| [ID00093]
befunden wird etc.
Inn welchem allem / an den Concilien / Reichstagen / vnd andern allensampt
versamlungen / das widderspiel krefftiglich erscheinet.
(Auff die Con cilia sich nicht zuuerlassen.)
Damit man sich nicht also gantz tröstlich auff die Concilia / als auff die
bestendige Gotts warheit selbs / zuberuffen vnd zuuerlassen habe (als jnn nöten
den stich vnd puff damit zuhalten) vnd die selben mit so(Stich vn̅ puff halten.) viel er
personen bemühung / vnd vergeblicher zeit vnd vnkost zuuolfüren / als weren sie
die rechte vnirsale ware / gemeine heilige Christliche vn̅
Apostolische Kirch / Wie denn alles wündschen vnd schreien von menniglich / doch
on allen guten beschied vnd verstand / anders nichts ist / denn Loncilium /
Loncilium / als were der sachen damit nu endlich wol geraten / vnd allenthalb
fruchtbarlich abgeholffen.
So doch aller Concilien vnd Reichstage / vnd der(Aller
lerer / von allen vrteil.) gantzen Christenheit lere / vrteil /
auslegung / satzung vn̅ beschlüsse jnn Gottes wort / Auch ein
jeder Christ jnn sonderheit / vnd fur sich selbs / wol examinirn / prüfen vnd
vrteilen / vnd als denn darnach thun vnd leben / an nemen vnd verwerffen sol /
wie oben angezeigt aus S. Pauln 1. Tessal. 5. Das man alles prüfen sol / vnd das
gute behalten. Vnd aus S. Johansen. 1. Johan. 4. Das man die geister / ob sie
aus Gott sind / prüfen sol.
Wiewol es nu aus Gottes gnaden / auch fast dazu(Der
Bapst vnd geistliche wollen nicht mehr Concilia haben.) komen ist /
dieweil man weis / was Concilia sind vnd vermögen / vnd das derselben satzung
vn̅ beschlüsse von menniglich bewogen / vnd geprüfet werden
sollen / die selben / jnn dem sie sich Gottes wort vergleichen odder nicht
vergleichen / anzunemen odder zuuerwerffen / wie gehört / das der Bapst /
Cardinel / Bisschoue / vnd der gantze geistliche geistlose hauff nach den selben
(als denen solcher brat nimer wol schmeckt) hinfurt nicht(Sprichwort.) gros verlangen tragen / ja wol gar
nicht leiden mögen /
|| [ID00094]
sondern jnn
allwege verschieben vnd hindern / Inn besorg (Sprichwort.) / es möchten jn die steigreiffen / wie man spricht /
kürtzer gezogen / vnd anders zureiten gesetzt werden / Auch die dreykrönige /
spitze vnd breite hüter / zusampt den brewtischen / pfobenschwentzigen / odder
langschlepigen kleidern / mit anderm jrem vberpracht / empfallen etc.
(Der gemeine man des worts bericht.)
Inn dem der gemeine man / durch Gottes gnad / des worts berichtet / vnd aus grund
desselben / weder sie noch jre Concilia / fur die gemeine / vnirsale / heilige /
Christliche vnd Apostolische Kirch (wie sie es auch nimer mehr sein mögen)
erkennen wil / das man also alles (Concilia geben nicht
die Kirch.) jr menschlich furgeben / satzung vnd beschlüsse / vrteil
vnd auslegung der schrifft / auch ausserhalb vnd wider die schrifft / wie das
Euangelion selbs vnd glaubens Artikel / bey verlust der seligkeit / halten must
/ vnd nur dazu sprechen / Amen / vnd alles billichen / Ja / recht vnd gut
heissen / vnd dawider mit einem wörtlin nicht mögken / ob es gleich widder Gott
vnd alle welt sey.
So doch Gott / dem darumb ewig preis sey / solchs forder nicht verhengen / noch
lenger zusehen wil / vnd nu endlich den vnmündigen / sprachlosen vnd seuglingen
/ (Vnmündige vnd seuglinge) das ist / denselben
einfeltigen vnnerstendigen / die sie bis her fur narren gehalten / vnd nicht
dawidder haben reden dörffen / den mund auch geoffent hat / Psal. 8. hinwidder
zu sagen / wie der erste Psalm spricht / Nicht also jr gotlosen / nicht also /
Vnd am. 113. Psalm / Nicht vns Herr / nicht vns / sondern deinem namen die ehre
etc. Da mit also aller menschlicher hauff / gewalt vn̅ weisheit /
Got vnd seinem wort weichen / vnd den allein die ehre / platz vnd raum geben
müssen.
(Mennig macht nicht die Kirch.)
Denn es fur Gott nicht gethan ist / vmb den grossen ansehelichen hauffen / vnd
menge odder viele / wie gehört / als gemeinlich auff den Concilien vnd
Reichstagen zusamen komen / das der selbe hauff als bald die
|| [ID00095]
Kirch geben / vnd also nicht jrren
must / so offt nichts minner von der Kirchen ist / vnd nichts mehr jrret / vnd
also folgend die schrifft auch reine / warhafftiglich / vnd on jrsal nicht
deuten noch handeln mag / denn eben der selb grosse hauff / die gemeinlich sind
/ wie wir sehen / ge(Wo von der grosse hauffe
sey.) borne weltfursten / grosmechtige hansen vnd herrn vom Adel / vnd
also schlemmer / prasser / pancketierer / tornierer / renner / stecher / tentzer
/ jeger / spieler / hurer / ehebrecher / vnd den mehrer teil der schrifft
vnerfaren / vnd / mit vrlaub / ein fast gottlos volck / dem waren Gottes wort /
jnn vielem / wo nicht jnn allewege / zu widder.
(Der kleine hauffe gibt fur andern die Kirch.)
Sondern so jemand die ware Kirch geben vnd machen kan / thun es fur diesen allen
viel mehr / die wenig frumen vnd Gotts gelerten / wo sie auch / als jrem frumen
Got wolbekand. 2. Timoth. 2. jnn der weiten welt / on solchen grossen pracht vnd
schein / vmbwebern / vnd leiblich zurstrawet sind.
Dieweil die ware Kirch vnd Christenheit gewislich(Welche die Kirche machen.) ist / allein der vierd / vnd also der
kleiner teil des wolgeraten samens jnn guten acker / Marcj. 4 ja das kleine
heuff lin / Luce. 12. vnd die wenig erwelten aus vielen / Matthej. 20. vnd die
den engen weg zum himel finden werden / Matthej. 7. Summa / auch allein zween
odder drey / so jnn seinem namen warhafftiglich versammelt sind / Matth. 18. Als
welche aus Gotts wort / durch den(Werck des kleinen
heuffleins.) heiligen geist / newe geborne Creaturn / vnd ware Gottes
kinden sind / die jnn seinem namen versammelt / vnd jnn dem selben alles anfahen
/ mitteln vnd enden / die schrifft vleissig forschen / vnd mit rechtglenbigem
hertzen / vnd stetem anhaltenden gebet / mit hertzlicher begir vnd senung / zu
Gott / vmb sein wares wort / vnd alle der Kirchen not / seufftzen / ruffen vnd
schreien.
So hinwidder derselb geistlos grosse prechtige hauff(Werck des grossen hauffens.) der eiteln weltkinder / der ding keins
selten / oder nimer gedencken / noch zu sinne nemen / Sondern wenn sie viel
|| [ID00096]
bey der sache thun vnd ausrichten
wollen / reiten sie zu Concilien vnd Reichstagen / jnn grosser / jch weis nicht
ob mans herrligkeit odder leichtfertigkeit nennen sol / gleichsam zur hochzeit
vnd tantz / odder mit solchem pracht vnd macht / als jnn eine feldschlacht / vnd
also freilich on alle güte vorbedacht / glauben vn̅ gebet / mehr
jnn jren denn jnn Christus vnd der Kirchen namen vnd sachen / als die eiteln
fleischs vnd bluts kinder / die man den̅ als bald fur die vnirsale
gemeine Kirch halten sol / denen auch der heilig geist als bald entgegen fliehen
mus / vnd sie wilkomen heissen (aber hewer nicht) ja die des heiligen geists
dazu gar nicht bedörffen / der sie meistere vnd lere / sondern den sie meistern
vnd leren.
Wie es denn augenscheinlich / wie sie allenthalb noch (Der grosse hauffe widder Gottes wort.) allem freuelm mutwillen / mit
Gottes wort / widder Gottes wort / vnd also widder Gott selbs / sind vmbgangen
(Welltsachen.) (damit ich der welthendel still
schweige / jnn welchen sie fast als viel rats vnd guts / als jn̅
geistlichen sachen geschafft haben) jnn dem sie als die rechten teufels (Ehe vnd speis) lerer / die ehe vnd speise verboten
/ das gantze Sacrament (Sacrament.) des leibs vnd
bluts Christi gestückt / vnd jnn eine gestalt zurissen / vnd also den leyen (wie
auch die Sacramentschwermern spötlich dauon lestern) als einem hund ein stück
trockens brods zugeworffen / ja auch kaum jnn der Messe ein wenig gleichsam
schertzlich / (Gerechtigkeit. Gnad. Glaub. Werck.
Menschliche satzung. Seligkeit.) allein geweisst / vnd nicht gegeben /
Item / die gerechtigkeit der gnaden vnd glaubens / den vermeinten / vnd selbs
ertichten eignen vnd frembden menschlichen lumpenwercken geeigend / vnd mit jren
menschlichen satzun gen / der on zal sind / die gewissen beladen vn̅ gefangen / vnd summa / die seligkeit gesetzt / da keine ist.
(Vnradt aus verachtunge Göttliches worts.)
Darumb auch alles also geraten / vnd ausgangen ist / welchs zuhören erschrecklich
/ vnd leider allzu viel war ist / das zu viel malen / jnn vielen Concilien / sie
allesampt vber einen hauffen / Bapst / Cardinel / Bisschoue / Kei
|| [ID00097]
ser / Könige / Fursten /
Herrn etc. an diesem wort angelauffen vnd zuschanden worden sind / vnd schedlich
vnd verdamlich geirret haben / vnd also fur Got / kein recht(Concilia geirret.) schaffens Concilium / viel
weniger / die rechte ware Got tes Kirch / noch rechte deutung vnd auslegung der
fchrifft / Sondern ein gantz rottisch Conciliabulum / so man also nennet / vnd
falsche teufels Kirch / vnd der schrifft eitel verkerung / jrsal vnd grewel
gewislich gegeben haben.
Vnd wiewol solchs fast geschwind / vnd zureden etwas(Blut vnd Fleisch wil obe̅ schwimmen / wie das feiste)
zu viel ist / vnd blut vnd fleisch / welchs nicht gern vnterligt / sondern jhe
oben schwimmen vn̅ auch etwas im spiel sein wil / gantz bitter ist
/ vnd von hertzen weh thut zuhören / so sag ichs doch warlich niemands
damit(Protesiacion.) zuschmehen / sondern
von Gottes vnd der warheit wegen / aus schüldiger pflicht meines beruffs /
menniglich zu Christlicher warnung vn̅ besserung / damit man sich
/ wie bisher geschehen / der vnwissenheit nicht zubeklagen / noch jnn einigen
weg zu entschüldigen habe / Sondern viel mehr / das man der mal eins Got die
ehre gebe / vnd endlich sich erkenne / was man gethan / vn̅ künff
tiglich / des falles halben / thun sol / dieweil ewr etliche vnd nicht die
vnanselichsten / als von des Reichs stenden / hiebey sind / so jnn solcher sache
mit zuuerfügen / vnd zu walten haben.
Vnd forder / das jr jnn solchem fall (damit ich also(Erempel.) ein Exempel zur besserung erzele / wiewol die selben ver
drieslich vnd gehessig sind / beuor denen so sie rüren vnd treffen) nicht auch
so gar vergeslich vnd jrre faret / wie(Erempla
odiosa.) mir etwa von einem grosmechtigen landsfursten begegnet ist /
vn̅ hinwider mit grosserer vngedult den von mir / nicht mocht
verlegt vnd verantwortet werden.
Inn dem der selb Furst / als wir dazumal redens wurden der Concilien / so er
vnirsal vnd fur die Kirche hielt / vnd ich zuwider sprach / wie die selben
geirret het
|| [ID00098]
ten / vnd die Kirch
nicht wern / mit grossem zornlichem affect / vnd hefftiger bewegung / eben diese
vngestüme wort zu mir sagt / das muste die sucht vnd tausent teufel sein / das
eine solche etliche grosse Conciliums versamlung / als zu Costnitz / darin sein
grosser vater auch gewest / vn̅ gewislich die ware Kirch were /
jrren solt etc.
Inn welchem / der gut frume Furst / villeicht aus gütigem vnd angebornem eiffer
seines anherrens / als (Cayphas.) solt jm solchs
an seinen ehren zu viel nachteilig sein / mit vrlaub zu reden / fast wie Caiphas
prophetisieret / die weil es gewislich nicht allein eine sucht / seuche odder
plage ist / Auch freilich nicht allein ein tausent teufel / wie er sagt /
Sondern alle seuchte / vnd alle teufel vber einen hauffen / vnd keinen
ausgeschlossen / seins eigentlich vnd gewislich / die aus Gottes verhengnis /
vnser sund halben / ein solch Concilij odder Rotterey vnd der gleichen
Reichstage versammeln vnd anrichten / darin (Widder den
stachel treten.) man also mit sehenden augen / offentlich vnd
mutwilliglich widder den stachel tritt / vnd widder Gottes wort vnd das
Sacrament des leibs vnd bluts Ihesu Christi handelt / dasselb widder seinen
befelh / jnn eine gestalt zustückeln vnd brückeln / vnd die frumen Christen / so
mit warheit dawidder halten / darumb zuuerbrennen vnd tödten etc.
Vnd dieweil hochgedachter Furst thet / gleichsam solt vn̅ must
Gottes wort solchem hohem menschlichem an sehen entweichen / also / das man
solchs offentlich nicht sagen dürfft / verantwortet ichs widerumb mit diesem
gelimpff / seinen zorn zu mildern vnd senfften / wiewol es hulff was es mocht /
Er solt sich als hoch vnd sehr nicht bewegen / sondern beider seits hintersich
vnd fursich gedencken / das die warheit / die Gott selbs ist / Johan. (Warheit wil nicht geschwigen sein.) 14. jren rhaum
haben / vn̅ der menschen halben / als viel vnd gros sie jmer sind
/ entweder Bapst oder Keiser / lebendige odder todte / gros vater odder gros
mut
|| [ID00099]
ter etc. jnn
keinen weg geschwiegen sein wolt.
Denn so es jhe mit Fursten solt vergolten vnd vmb die selben gethan sein / die
doch jnn diesem fall / nicht mehr denn der allerschlimste vnd geringste mensch /
gelten / so hett ich widderumb von einem glaubwirdigen / seiner F G
hoffsverwanten / gehört / das weiland auch ein grosser Furst / nemlich / der
theur Deudsche held / Hertzog Albrecht zu Sachsen etc. hochlöblicher gedechtnis
/ gewönlich gepflegt hett zu sagen (jnn dem er villeicht(Hertzog Albrecht zu Sachssen.) den ausgang dieser
ding / so doch bey seinem leben / jnn der gestalt / wie jtzt / nicht auff der
ban waren / vor zeitlich gespürt hat) das man jnn kurtzer zeit erleben würde /
das durch Götliche schickung / beiden geistlichen vnd weltlichen öberkeiten /
die warheit vnd jr be ginnen / jnn gutem vnd bösem / auch von geringen leuten /
gar nicht vnter die banck würde gesteckt / sondern frey / vnd on alles schewen
vor vnd nach geschrieben / ge sagt vnd gesungen werden / so denn solt man auch
fur lieb nemen / vnd darumb / als die es wol verdient / nicht gros zürnen
etc.
Vnd Summa Summarum / das ende vom lied ist(Bey Gott
kein ansehen der person.) das / das bey Gott kein ansehen der person
ist / Acto. 10. Er wird auch gewislich sein wort vn̅ rechten
verstand / brauch / vnd nutz desselben / nicht jnn jre hertzen / mund vnd hand
legen / darumb das sie sind Bapst / Bisschoue / Keiser / Könige / Fursten etc.
die da grosse Concilia / vnd herrliche Reichstage zuuersammeln haben / Sondern
viel mehr / das sie seien ware frume Christen etc.
Auch nicht darumb / das sie prangen / pancketiern / tantzen / reiten / rennen /
spielen / jagen / wie oben gehört / Item / fleischlich vnd felschlich practicirn
/ ratschlahen / die frumen vermeinten ketzer / mit schwerd / wasser vnd(Fromme ketz er.) feur zutilgen / von weiben /
kinder / lnaden vnd leuten zu veriagen / Sondern / das sie einmütig vnd
hertzlich bitten / beten / Gottes wort hören / lernen / darnach forsche̅ /
|| [ID00100]
grübeln / fragen
/ gedencken / vnd die frumen Gottes gelerigen / prediger / vnd diener des worts
verhalten / vnd Gottes ehre / vnd der Kirchen gedey / jnn allewege recht
schaffen suchen / mit welchem es von Gott dem heiligen geist / als dem
erleuchter vn̅ geber alles guten / von oben herab geholt vnd
erlangt wird / wie die schrifft sagt / Sapien. 6. Die weisheit wird leichtlich
gesehen von denen / so sie lieb haben / vnd funden von denen / so sie suchen /
Die sie begern / den kompt sie vor / das sie sich den selben ehe erzeige / wer
sie früe suchet / der wird nicht erbeit haben / den̅ er wird sie
vor seiner thür sitzen finden.
(Wie den Aposteln der hei lig geist geben sey.)
Des gleichen den lieben Aposteln / als am. 1. vnd. 2. cap. jrer Geschicht
befunden / der heilig geist auch gegeben ist / jnn dem sie am Pfingstag /
einmütig im gebet versammelt / vnd jnn stetem glauben auff die verheissung des
vaters warteten / Also auch am Ostertag / Luce. 24. den zweien jüngern / so gen
Emaus giengen / vnd sonst den eilffen / vnd andern allen / dieweil sie von
Christo redeten / vnd jnn seinem name̅ versammelt waren / Christus
sich jnen zuerkennen gab / dazu jr augen / sinne vnd hertzen öffent / das sie
die schrifft verstunden.
(Der heilig geist wird Richter vn̅ Deuter der
schrifft bleiben.)
Dabey es auch noch wol bleiben wird / das also der heilig geist / der waren
heiligen Kirchen / vnd jrer rechten glieder / das ist / aller warhafftig
gleubigen / vnd seiner Gottsgelerigen kinder vnd schüler / die / als seine
schaff / seine stim hören / Joa. 10. hertz lieber vater / hirt / schulmeister
oder leremeister sein vnd bleiben wird / Als von dem allein der verstand /
vrteil / vnd auslegung aller schrifft / vnd rechter Göttlicher weisheit
eingegossen vnd geben wird / ob auch die vernunfft / gewalt vnd alle welt /
darob brausen vnd krachen / bersten vnd brechen solt / mit allen Concilien /
versamlungen / ratschlegen / Reichstagen odder Armtagen.
(Reichstage / armtage.)
Die denn wol also genant werden mögen / denn jhe reichlicher vnd prechtiger sie
gehalten / vnd jhe mehr
|| [ID00101]
darauff
verspielet / verfressen vn̅ versoffen / verprasset / verschlemmet
/ vnd allenthalb vnnützlich vnd schendlich mit stocknarren / huren vnd buben
etc. verzeret vnd anworden wird / jhe mehr die kugel dem armut vbern bauch
waltzen mus / mit steurn / schatzen / vff setzen etc. die zech vnd gelack
zubezalen / vnd das spiel allenthalb zuuerlegen vnd aus zuf üren etc.
So wird auch Got der heilig geist / welcher der menschen(Wo nicht eynigkeit / alda ist nicht der heilig
geist.) hertzen / zu solchem erkentnis Gottes vnd seines worts /
erleuchtet / vnd zu allem guten anzündet / reget vnd beweget / als der nicht ein
geist des zwispalts ist. 1. Cor. 14. jnn jrem mittel gewislich nicht sein / als
wenig als jnn einem hauffen voller / trunckner / jrriger / vnfridlicher /
vneinigen buben / wo sie bey jn selbs / vnd vntereinander / zu gleicher ehre
vornemlich / vnd der gemeinen Kirchen heil / wie die heiligen Aposteln einmütig
waren im glauben vnd gebet / nicht auch mit hertzen / hand vnd mund einig sein
werden.
Wie es bisher ergangen / das auff etlichen vielen statlichen Keiserlichen
Reichstagen / da auch viel ist(Vneinigkeit auff den
Reichstagen. Türck.) furgenomen jnn Gottes wort / auch widder den
Türcken / vnd andere der Christenheit anligen zuhandeln / vnter so vielen
Fursten / geistlichen vnd weltlichen schwer lich zween oder drey antroffen sein
/ die der sachen von hertzen vnd recht einig / vnd jnn dem einigen / einhelligen
Gottes wort / vnd andern jren weltsachen / gleich gestimmet hetten.
Ja was sag ich von gleich stimmen oder einig sein?(Keine traw.) so auch keiner dem andern / auch im wenigsten gar
nichts(Eigen gesuch.) vertrawet / sondern
nur ein jeder das seine gesucht hat / vnd gestracks jnn grossem vbermut vnd
hoffart /(Hoffart.) nur alles empor vnd
widereinander / das heubt widder die glieder / vnd die gliedmas widder das
heubt.
Vnd wollen vns dennoch des rechten waren Friedreichs(Friedfurst Christus.) / oder Friedfurstens Ihesu Christi (wie jn
Esa
|| [ID00102]
ias am. 9. cap.
nennet) gros trösten / vnd auff jnen trotzen vnd pochen / den Türcken vnd alle
feinde zufressen / (Gleichnis.) so wir doch fur
augen sehen / wie schwerlichzu lessche̅ / ja gantz vnerleschlich
ein haus ist / das von jnnen brennet / (End vnd aus
gang der vneinigkeit.) Also auch / die wir von jnnen / vnd vnter vns
selbs / vnd mit Gott vnd seinem wort nicht einig sein / wenig nutz schaffen /
sondern zu grund vnd boden gehen werden.
Wie es denn zu rechter Gottes straff vnd plag daraus (Exempel Marie.) erfolget ist / als die heilige Gottes gebererin / vnd
allzeit jungfraw Maria sagt / Luce. 1. das Gott jnn seinem arm / widder sie
gewalt geübt / vnd zerstrewet hat solche hoffertige jnn jres hertzen sinn / das
ist / das all jr hertz / gedancken / sinn / furnemen / ratschlag / beschlüsse /
Concilia / Reichstage / dazu mühe / erbeit / nachreisen / kost / zerung vnd
alles / so darauff gewand / nicht allein / wie man sagt / als der staub vom
drehwind verwehet vnd zerstrewet / vnd zu wasser / vnd gantz zu nichts wür den /
vnd also on frucht vnd nutz zuronnen sein / Sondern auch diesen gifftigen
stachel vn̅ drachen schwantz (Drachenschwantz.) nach jn gelassen / das grösserer irsal / zanck /
neid / hass / empörung / auffrur / verfolgung / verbitterung / eines gegen dem
andern / vnd alles vngemach vnd hertzenleid / denn zuuor jhe gewest / daraus
erwachsen ist / wie wirs denn alles fur augen / vnd mit verderblichem schaden /
jnn feusten haben / Gott wol es gnediglich wenden / Amen.
Sehet / der masse ists war / vnd bestehet allenthalb / das die heilige
Christliche / Apostolische Kirche nicht jrret / vnd also eine ware Kirche ist /
ob ach gleich jre glieder / aus schwacheit / jnn etwas jrren / so dargegen / die
freuel vnd wissentlich jrrenden nicht die ware / sondern eine ertzketzerische
vnd teufels Kirche geben / vnd wie man sich jnn streitigen / jrrigen sachen des
worts / vnd vrteil vnd deutung desselben / vnd jnn prüfung der lere vnd geister
/ Auch mit Concilien / Ceremonien / sta
|| [ID00103]
tuten / satzungen / vnd
ordnungen der selben / vnd ausser halb derselben sich halten / vnd das gewissen
allenthalb darnach richten sol.
(IIII. Die kirch Christi Braut.)
Vnd dieweil nu die Kirch / gesagter weise / nicht jrret / sondern als warhafftig
/ geberdig / sitlich vnd eingezogen / Gottes wort allein sich gehorsamlich
vntergibt zu regirn / vnd eigens wahns vnd gedünckens als(Gleichnis.) ein wiltfang / vnd sigellos schiff
auffm meer / one ruder vnd rudler / hin vnd wider nicht jrrelaufft etc. hat sie
jm Christus / der rechte ware breutgam / zu einer gespons vnd braut von ewigkeit
versehen / erwelet vnd ausserkorn.
Gleichsam ein jeder breutgam odder freier der braut sich gern vermhalt leiblich /
welche nicht ausweidlich /(Gleichnis.) sondern
sein eingezogen / vnd seinem wort vnd willen allein vnd allzeit gelebt / vnd dem
jnn nichts widderspricht noch widderstrebt / wie die bösen hundsbellende(Hundsbelle̅d weib.) vnd
widdermurrende weiber / dauon Osee am. 2. cap. Ich wil dich mir jnn ewigkeit
vertrawen / Also auch Paulus Ephe. 5. Christus hat geliebt die Kirche / vnd hat
sich selbs fur sie geben / auff das er sie heiligt / vnd hat sie gereinigt durch
das wasserbad des Tauffs / im wort des lebens / auff das er sie jm selbs
zurichtet eine Kirch die herrlich sey / die nicht hab einen flecken odder
runtzel / odder des etwas / sondern das sie heilig sey vnd vnstreff lich.
Diese geistliche heyrat Christi des breutgams / mit der braut seiner Kirchen /
vnd jedem Christen / wird an(Ehestandt ist ein zeichen
der geistlichen hey rad Christi mit der kirche̅ vnd
Christen.) gedeutet im eussern ehestand mannes vnd weibs leiblich /
Ephe. 5. Gleich wie man vnd weib sind ein leib / Gene. 2. vnd haben alles gemein
/ Also was Christus hat vnd ist / das ist alles der Kirchen odder Gemein /
seiner braut / das ist / vnser aller.
O wie freudsam vnd tröstlich ist das allen Christen /(Der sünder trost durch Christi heyrad mit der kirchn) das wol Paulus
sagt zun Ephesern am. 5. Dis geheim
|| [ID00104]
ist gros / Ich sag aber von Christo vnd der Kirchen.
(Welt sreyet nach gut.)
Der nicht / als die welt / nach gute / so er auch bey vns / das ist / ausserhalb
der gnaden / nicht hett bekomen mögen / sondern das er vns alles gute zubrecht
vnd gebe / gefreihet hat. Wir haben sund / schand / tod vnd helle / Christus hat
gerechtigkeit / ehre / leben vnd heil / das (Glaub ist
der brautring.) wird alles vnser / so wir durch den Brautring des
glaubens / Christo vertrawet werden jnn der Kirchen.
(Vngleicheit Brauts vnd breutgams.)
O wie ein gar vngleicher zeug vnd geselschafft / O eine vngleiche arme braut / zu
dem reichen breutgam / Zu starckem trost allen sundern / das er sie jnn annemung
seines worts / auch barmhertziglich annemen wil / jnn dem er sich also mit vns
geistlich verheyratet.
Von dieser heyrat Christi mit der Kirchen / nennet (Christus ein Breutgam.) er sich selbs viel mal einen breutgam / Auch
vergleichet er viel mal das himelreich einem menschen / der seinem son hochzeit
machet / Matt. 9. Mar. 2. Luc. 5. Joan. 3.
(Die Braut reine zubewa ren.)
Vns gebürt aber hinwidder / diesem grossen / frumen vnd getrewen breutgam / die
braut reine vnd frum zu bewaren / damit sie / wie man sagt / nicht gassier /
jrre / auslauff / hüre vnd ehebrech / Wie wir leider jtzt fast alle / an dem
frumen breutgam huren / ehebrechen / vnd vntrew werden / Wie dauon Ezechiel am.
16. vnd jnn Canticis / Du bist nacket vnd blos zu mir komen / Ich hab dich
bekleidet / vnd bist zu einem andern gelauffen / Das ist / Gott thut vns alle
gnad vnd gut / wir aber huren vnd sundigen / Psal. 72.
(V. Gemeinschafft der heiligen.)
Vnd von dieser heyrat / wird die Kirche eine gemeine Christliche Kirch / odder
gemeinschafft der heiligen / das ist / der waren Christen / genant / Als welcher
alles mit Christo vnd den seinen zugleich gemein ist / wie dauon Paulus sagt. 1.
Cor. 12. Das jnn vnserm leib / das ist / jnn der Kirchen vn̅
Christlichen Gemein / kein zwispalt sein sol / sondern die glieder eins fur das
ander sorgfeltig (Gleichnis.) / Eben wie am
eussern leib / einglied des andern acht
|| [ID00105]
hat / vnd jme dienet etc. Also auch
/ das durch die liebe / die nicht eigensuchtig odder eigennützig ist / alle ding
geistlich gemein sind / im guten vnd bösen / das wir aller frumen menschen werck
vnd guts zu eigen haben / vnd sie widderumb das vnsere / Also auch die sund /
damit eins dem andern die bürde helff tragen / vnd dadurch das gesetz Christi
erfüllen.
Daraus scheinet klar / das ein rechter Christ jnn dieser(Ein Christ jn̅ der kirchen wird nicht ver
dampt.) Kirchen / nicht kan noch mag verlorn vnd verdampt werden etc.
vnd ist also allen Christen gantz tröstlich / widder alle anfechtung jnn gemein
etc.
Auch ist die Kirch / die rechte geistliche bruderschafft / darin vns mit Christo
/ vnd gantzer Christenheit(VI. Bruderschafft jnn der
kirchen.) / was jnn jr guts geschicht / brüderlich vnd zu gleich wird
mitgeteilt / Also / das wir jnn jr / durch den glauben jnn Christum / alle ein
ding vnd einig sind / Gal. 3.
Vnd diesen grossen trost empfand Dauid / Psal. 118. Ich bin im mittel deiner
Kirchen die dich fürchten / vn̅ deine gebot halten / Des gleichen
Heliseus. 4. Regum. 6. Fürcht dich nicht / jr sind mehr mit vns denn mit jnen /
Denn jnn dieser Kirchen / wie von weniger zal sie fur der welt ist / bricht
durch dasselb kleine heuff lein / fur Gott gros geachtet / vnd hilfft einer dem
andern trewlich vber vnd hindurch.
Auch diese Gemeinschafft / Bruderschafft / vnd selige vereinung / zeigt vnd gibt
vns Christus im Sacrament(Gemeinschafft vndbruder
schafft jm Sa crament angezeigt.) seines leibs vnd bluts / so er vns
teglich zugeniessen gibt leiblich vnd geistlich / dadurch er jnn vns / vnd wir
jnn jme sind / Johan. 6. vnd. 1. Cor. 10. vnd also eins mit dem andern
brüderlich gemein / vnd einig / vnd allenthalb ein kuchen / wesen vnd leben /
wie jnn meinem Sermon vom Sacrament gesagt.
Widder alle falsche ertichte menschliche geltbruderschafft(Gelt bruderschafft.) / darin / wie im sprichwort
/ die beutel nicht schwestern sein / vnd allein so fern gilt / als fern der
pfen
|| [ID00106]
nig wendet /
darauff man doch mit grossem nachteil der seele / die seligkeit vertrawet hat
vnd gebawet.
(Aus obgesag temist zuerken nen ob man jnn derkirchen
sey.)
Aus welchem allem / ein jeder wol abzunemen / vnd sich selbs zu prüfen vnd
zuerkennen hat / ob er ein rechter Christ vnd warhafftig jnn der Kirchen sey
odder nicht (jnn welcher ist vergebung der sund vnd heil / ausserhalb (Inn der kirch en heil / ausser der kirchen ver
damnis.) welcher / weder vergebung noch heil) Beuor die jhenen / so aus
vnuerstand der Kirchen / alles auff die Kirch fliehen vnd zihen / vnd zum deckel
vnd behelff (Wider die so one verstand alles auff kirch
vnd Concilia ziehen.) jres vermeinten furnemens / anders nichts
furwenden vnd schreien / denn Kirche / Kirche / Wie auch / Loncilium / Loncilium
/ so sie doch eins als viel vernemen als das ander / das ist / gar keins / vnd
fur Gott mit allem jrem handel vnd wandel / wesen vnd leben / als bald widder
die Kirch / als mit der Kirchen / vnd mehr ausserhalb denn jnnerhalb derselben
sind / zu verderb der seelen / Gott helff jn jnn die einigkeit seiner waren
Kirchen / Amen.
Also viel sey auch vom andern Artikel ge sagt / was die Kirch / vnd wer jr heubt
sey / vnd was sich zu notdurfft nach der lenge / dabey hat zugetragen.
(III.)
Vom Dritten Artikel.
(Auff wen die kirch gegründet.)
Auff wen die Kirch gegründet sey / angezeigt im Euangelio / Du bist Petrus / vnd
auff den Peter odder (Die kirch auff Christn̅ allein vnd nicht auff Petrum / noch den Babst / noch einigen
menschen noch menschlich) Fels / wil jch meine Kirch bawen.
Eigentlich vnd gewislich ist die Kirch nicht auff Petrum / als den fels oder
grund / vnd viel weniger auff den Bapst / odder jrgent auff einen menschen
gebawet vnd gegründet / wie sich die wort eusserlich / vnd allein / wie man sagt
/ obenhin / vnd nicht jnnerlich ansehen / dafur achten lassen / Matthej. 16.
Sondern auff Chri
|| [ID00107]
stum / vnd
das felsig / steinharte / bekentnis des bestendigen(vermögen vn̅ werck gegrün det.) glaubens jn jnen /
nicht allein Petri / sondern eines jeden Christen menschens / ja der gantzen
Kirchen vnd Christenheit / jnn dem wir mit Petro / jnn rechtem glauben Christum
erkennen / vnd jnn demselben bestendiglich bekennen / sprechende / Du bist
Christus des lebendigen Gottes son / Das ist / das er Got sey ewiglich / vnd fur
vns mensch worden zeitlich.
Als welch bekentnis des glaubens auch nicht geschicht(Bekentnis des glaubens nicht vom me̅ schen / sondern von
Gott.) vom menschen als vom menschen / das ist / aus eigner krafft vnd
vermögen / sondern durch den heiligen geist / der jnnerlich jnn vns bezeuget /
das wir Gottes kinder sind / vnd schreien Abba lieber Vater / Ro. 8. vnd
daselbst / der heilig geist gibt zeugnis vnserm geist / Darumb Christus alhie
Matth. am. 16. sagt / Blut vnd fleisch hat dir das nicht offenbart / sondern
mein Vater der im himel ist.
Damit also der mensch von jm selbs / vnd von allem / so auch das best an jm ist /
gentzlich abfal / vnd auff den einigen Ihesum Christum allenthalb zufal / als
auff den waren bestendigen grund vnd felsen / darauff alle seligkeit zubawen vnd
zuuertrawen.
Das aber die Kirch nicht auff Petrum / noch einigen menschen gewidembt vnd
gegründet sey / Erscheinet(Vrsach / warumb die kirch
auff keinen menschen gegründet sey.) / das jr Christus zusagt /
Matthej. 16. das die hellepforten sie nicht vberweldigen sollen / So haben
dieselben (on das es sonst aus der schrifft klar ist / auff keinen menschen
weder zu trawen noch zu bawen) jnn diesem Capitel / als Petrus fur sich selbs
jnn sonderheit /(Die hellepfor ten haben Pe trum
vberwel digt.) vnd nicht im namen vnd an stat der gemeinen Kirchen
redet / an jm gewalt geubet / da jn Christus eine̅ Satan nennet /
das ist / einen Widdersacher / der jm ergerlich vnd hinderlich sey an seinem
leiden / der nach dem menschen(Sathan.) vnd
nicht nach Gott rede. Des gleichen da er jnen verleugent / Johan. 18. Vnd so
mans sagen darff / vber
|| [ID00108]
weldigen sie teglich / vnd mehr denn es gut ist / nicht allein vnsere
Bepste vnd Bisschoue / ja auch fast alle menschen.
Darumb eigent vnd gibt recht der heilig Augustinus (Augustinus.) diese wort Christo / vnd nicht Petro / vnd sagt / Du bist
Petrus / vnd auff den Peter odder fels / den du bekant vnd erkennet hast /
sprechend / Du bist Christus des lebendigen Gottes son / wil ich meine Kirch
bawen / Auff mich wil ich dich bawen / vnd nicht mich auff dich.
(Ciprianus.)
Vnd der heilig Ciprianus / zeucht an Petrum fur eine figur der Kirchen / vnd sagt
/ Der einige Petrus redet fur alle / vnd gab antwort im namen der Kirchen /
darumb der felsige Peter / den starcken glauben der Kirchen bedeutet. Also viel
sagen dauon Augustinus vnd Ciprianus / vber das es die klare / ware meinung der
schrifft ist.
(Beide Petrus als ein glied / vnd die kirch als der leib /
auff Christum gebawet Nichts auff sich selbs gebawet.)
So ists auch an sich selbs klar vnd war / das Petrus ein glied odder teil der
Kirchen ist / die auff den waren felsen Christum gebawet ist / Ist er denn nu
ein glied / zusampt dem leib der Kirchen auff den felsen Christum gebawet / so
mag er der fels vnd grund selbs nicht sein / Dieweil nichts auff sich selbs
gegründet ist vnd ge bawet.
Vnd wo auch die Kirch allein auff Petrum gegründet were / müste der einige vnd
allein Petrus / vnd kein Apostel / noch andere menschen / von der Kirchen /
gleubig / vnd Christen sein / Was weren denn wir anders / denn heiden / vnd
ausserhalb der Kirchen / da kein heil ist / Das wolt Gott nicht.
(Christus der fels / das hau bt / vnd grund)
Darumb wie Christus das heubt ist / Ephe. 1. vnd der fels. 1. Cor. 10. Also ist
er auch der einige grund / vnd keine andere Creatur / darauff die Kirche vnd
gantze Christenheit gebawet vnd gegründet ist / von wegen jres bestendigen
glaubens jnn die Gottheit vnd menscheit Christi / dauon sagt Paulus. 1. Cor. 3.
Einen an
|| [ID00109]
dern grund kan zwar
niemands legen / ausser dem / der gelegt ist / der ist Ihesus Christus. Vnd zun
Ephesern am. 2. cap. so er spricht / wie wir erbawet sind auff den grund der
Apostel vnd Propheten / da Ihesus Christus der Eckstein ist / der den gantzen
baw jnn einander füget / vnd also allenthalb zusamen hellt vnd tregt.
Dadurch er also der gantzen Kirchen vnd aller gleubigen / die einige vnd allein
weisheit / gerechtigkeit / heiligung / vnd erlösung (welchs der rechte grund ist
/ etc.(Nota.) wider alle menschliche kreffte vnd
werck) nu vnd ewig lich sey vnd bleib / vnd keines andern / denn seiner allein
sich zu rhümen haben. 1. Cor. 1. Jere. 9.
Das sey vom Dritten Artikel / damit nicht jemand vermeine die Kirch stehe auff S.
Peter / vnd volgend auff dem Bapst / Denn so sie auff jme / odder einigem
menschen / vnd menschlichen krefften vnd wercken stünde / würde sie warlich auff
eim tribsand / ja auff peltzermeln(Auffn triebsand /
vnd peltzermel bauen) stehen / Beuor jnn dieser zeit / da wir nicht
wissen / wie es vmb den Bapst gethan sey / dieweil etliche sagen / er sey von
den Keiserischen gefangen / etliche / von den kriegsknechten gehangen / vnd
würde also der vberbaw dem grunde allenthalb antworten / vnd zu gleich mit jme
sincken vnd fallen / wie denn Bapst vnd(Nota.)
Bepstische fast eines leders / vnd gleicher hare vnd wol len sind.
So es on das / nicht eine kleine freuel vermessenheit(Vermessenheit des Bab sts.) ist / von einem solchen schwachen /
fleischlichen / sündigen grund / als der Bapst vnd alle menschen sind / eine so
gar grosse last / eines solchen vngleichen vnd gantz vntreglichen geistlichen
vberbawes der gantzen Christenheit auff sich zu laden / welcher von jm selbs
nicht gnugsam vermögig vnd starck ist / darauff man / wie man(Sprichwort.) spricht / eine haselnus / ja ein
pflaumsederlein / so doch sehr leicht ist / sicher legen vnd bawen möcht / jch
wil geschweigen / die gantze Kirch vnd Christenheit / welche
|| [ID00110]
das ware herrliche grosse reich
Ihesu Christi ist.
(IIII.)
Der vierde Artikel.
(Was der kirchen gewalt / vnd wem er geben sey.)
Was der Kirchen gewalt / dienst odder ampt / vnd wem er geben / sey / Gegründet
im Euangelio / Dir wil jch des himelreichs Schlüssel geben / alles was du auff
erden binden wirst / sol auch im himel gebunden sein / vnd alles was du auff
erden lösen wirst / sol auch los sein im himel.
(Kirch gewalt)
Dieser Kirchen gewalt / ist nicht die gewalt vnd macht des Bapsts / odder andern
Kirchendiener / jres gefallens den himel auff vnd zu zusperren / gebot / verbot
/ statut / satzung vnd ordnung zu machen / vnd die see len vnd gewissen / damit
zu binden vnd entbinden (wie (Misbrauch der
schlüssel.) sie denn mit den Schlüsseln zu fern vmb sich greiffen / vnd
alles jr vngereimet furnemen / der schlüssel gewalt heissen / Gleichsam die
Schalcksschlüssel / so man dietterich nennet / odder die gemeine grobe
hausschlüssel / (Schalcksschlüssel. Diettrich.
Hausschlüssel) welchs eckse vnd beil sind etc. on allen vnterscheid /
alle schlos vnd gewarsame / zugleich gewaltiglich vnd dieblich schliessen odder
öffnen / Als sie denn auch fast aller wellt schetze / durch solchen der
Schlüssel misbrauch / auffgeschlossen / vnd beider weise gewaltiglich vnd
vntrewlich (Brauch der schlüssel.) an sich bracht
haben etc.) Sondern ist warlich der gewalt / das reine / lauter / vngefelschte
Gotts wort / vnd Euangelion Christi zu füren vnd predigen / vnd (Entbinden. Binden.) durch dasselb die Sacrament
austeilen / vnd den gleubigen jre sund auff lösen / entbinden / nachlassen /
verzeihen odder vergeben / Aber den vngleubigen die selben binden odder
vorbehalten / vnd nicht auff lösen / verzeihen (Souiel
hastu / souiel du gleu bst / vnd widde rumb.) noch vergeben (denn so
viel hastu vnd wirdest gelöset / so viel du gleubest / so viel hastu nicht / vnd
wirdest fester gebunde̅ / so viel du nicht gleubest) Auch die
jhenigen / so dem wort Gottes offentlich zu wider vnd entge
|| [ID00111]
gen leben / vn̅ mit bösem wandel jrem nehesten ergerlich sein / vnd widder jre straff ende
brüder noch die Kirche hören wollen / zuuerbannen / das ist / von der
Christlichen(Verbannen.) Gemein
ausschliessen / wie dauon oben vermeldet.
Welchs alles angebildet ist / jnn gleichnis der materlichen(Gleichnisdes kirchen dinsts / durch die eussern
schlüssel.) Schlüssel / mit welchen wie man leiblich auff vnd
zuschleusst / Also ist auch jnn der Kirchen / ein geistlich auff vnd
zuschliessen / ein geistlich lösen vnd binden / das ist / vergebung vnd
vorbehalt der sunden.
Damit also vber diese zween rechte Schlüssel / nemlich(Binde schlüssel vnd Löseschlüssel.) / den Binde vnd Löseschlüssel /
hindan zusetzen vnd zuuerwerffen alle andere falsche nachschlüssel / als da sind
der Feilschlüssel / Gewalt schlüssel / Schlüssel des er kentnis / vnd andere /
vnd allein diese beide jnn warem(Nachschlüssel)
brauch / des waren Gottes worts rechtschaffen vnd trewlich zufüren etc.
Damit es also niemand dafur halt / das das eusser(Das
eusser Babstumb, wird nicht bestetigt durch die schlüssel.) weltlich
Bapstumb / jnn diesen worten möge odder sol gegründet vnd bestetiget sein / wie
es denn der Bapst selbs dafur hellt / vnd vnuerschampt sich angibt / das er der
waren Kirchen heubt / fels vnd grund sey / vnd die(Geistlicher verstand von geistlicher kirchen.) Schlüssel gantz zu
eigen hab / etc. Denn alles so jnn diesen worten begriffen wird / nicht leiblich
/ sondern allenthalb vnd allein geistlich gehandelt vnd verstanden.
(I. Geistlich bekentnis Petri.)
Erstlich / das Bekentnis Petri / von wegen aller Aposteln / vnd also folgend
aller Christen / das er bekant Christum einen lebendigen waren Gottes son /
geschach nicht vornemlich mit dem mund eusserlich / sondern viel mehr durch den
glauben / mit dem hertzen jnnerlich / wie denn mit dem hertzen gegleubt wird /
on welchen hertzglauben / das mundbekentnis nichts ist / Roma. 10.
Zum andern / Der fels / welcher auch nicht Petrus /(II.
Geistlicher sels.) vnd nach jme der Bapst / sondern Christus selbs vnd
allein ist. 1. Cor. 10.
|| [ID00112]
(III. Geistlich gebew.)
Zum dritten / Das gebewd / welchs auch nicht ein eussers gemeinet ward / sondern
ein newer geistlicher baw des menschens / zu einer newen Creatur jnn ein
Gottförmigs leben / Johan. 3. Rom. 6.
(IIII. Geistliche kirch.)
Zum vierden / Die Kirch / auch nicht fur die eussere angezogen / sondern fur die
geistliche vnd jnnere verwilligung aller gleubigen / jnn einen Christlichen
glauben zu gleich / darumb sie auch Christus alhie / Matthej. 16. das himelreich
heisst.
Zum funfften / Der Kirchen streit / kampff vnd anfechtung (V. Geistlicher streit.) / so auch nicht mit
eusserlichen feinden vnd waffen / sondern jnnerlich mit den hellepforten der
sunde / tods / teufels vnd hellen ist / Ephe. 6.
Zum sechsten vnd letzten / auch nicht die leiblichen / (VI. Geistliche schlüssel.) sondern die geistlichen Schlüssel / wie
oben gesagt / der bindung vnd entbindung der sunde / so im eussern wort
versprochen / vnd durch den jnnern glauben des hertzengefasset vnd angenomen
wird / Johan. 20.
(Geistlicherver stand allenthalb.)
Aus welchem scheint / das also alles geistlich ist / vnd aller Christen jnn
gemein / zueigen / vnd dem eussern Bapstumb allenthalb vngemes / vnd das der
Bapst vn̅ Bepstische keinen behelff hieraus haben / jr eusserlich
/ leiblich vnd weltlich Bapstumb / vnd desselben regiment / herrschafft / vnd
gewalt zu bekrefftigen vnd erhalten (Kein regime̅t des babsts jn̅ der jnnern kir chen.) /
Vnd also folgend / das sie fur sich selbs / als eitel bluts vnd fleischs kinder
/ jnn der selben geistlichen jnnern Kirchen / kein regiment / gewalt / krafft /
noch macht haben / denn allein der öberst vnd höhest priester Ihesus Christus
selbs / wie gesagt.
(Die kirch hat die schlüssel.)
Vnd diesen aller edelsten vnd tewersten schatz vnd gewalt der Schlüssel vber die
sund / damit das blut Ihesu Christi jn̅ der Kirchen reichlich
ausgeteilt wird / hat vns Christus mit dem selben seinem blut vnd tod erworben /
vnd den selben aus gnad / lieb vnd barmhertzigkeit / jnn die schos seiner lieben
braut / der heiligen
|| [ID00113]
Christlichen
Kirchen gelegt vnd zu eigen geben / vnd(Gleichnis.) hat jr / als ein getrewer breutgam / bey dem seiner
lieben braut vnd gemahel alles vnuerschlossen / gemein / vnd eigen ist / diese
schlüssel vnd solchen gewalt vber die sunde / gleichsam an die seit gehenckt /
vnd vntergeben /(Eigenschafft einer Christlichen brawt
vn̅ seel / nach eigenschafft der kirchen.) Beuor
dieweil sie die ist / die Ihesum Christum fur jren hertzlieben breutgam / vnd
fur jr einigs heubt erkennet / daran sie sich allein sol halten / vnd fur jren
einigen grund / darauff sie fussen / sich verlassen / vnd bawen vn̅ vertrawen sol / Vnd sich hellt jnn rechtschaffner einigkeit vnd lieb / on
mackel vnd runtzeln der sund / vnd jren selbs willen bricht vnd begibt / vnd
seinem willen vnd wort allenthalb sich vntergibt / dasselb allein / on jrsal /
sich zuregirn vnd leiten lassen / wie oben nach der lenge von der Kirchen
eigenschafft angezeigt ist / Dermasse / vnd die jhenen wir denn allesampt sein
müssen vnd sollen(Nota.) / so wir eine frume
braut / vnd frume Christen / ja jnn dieser Kirchen sein wollen / vnd der
Schlüssel / das ist / der vergebung der sund / mitgebrauchen / empfinden vnd
geniessen.
Vnd hat also folgend / die selben Schlüssel des vergebens(Die Schlüssel vn̅ vergebung der Sünd /
der kirchen geben.) vnd vorbehalts der sund / nicht dem einigen
einzelen Petro / vnd nach jme dem Bapst / vnd also allein den priestern geben /
Sondern jnn S. Peters namen / der einigen einzelen heiligen Christlichen Kirchen
/ vnd volgend allen Christen / welchs denn anzeigen vber die schrifft Augustinus
/ Ciprianus / Origenes / auch die alten Canones.
Denn wie der einige Petrus fur die andern Aposteln(Was
Petro gesagt / ist / allen gesagt.) alle geredt hat (wie es denn auch
eine vnordnung gewest were / wenn sie allesampt auff ein mal hetten reden / vnd
eben als durch einander pladern sollen) Also hat jnen allen Christus antwort
geben jnn dem einzelen einigen Petro.
Vnd das ist klar vnd offenbar / da Christus zu allen
|| [ID00114]
Aposteln sagt / Wer sagt denn jr /
das ich sey? vn̅ Petrus fur sie alle antwortet / Du bist Christus
des lebendigen (Gleichnis.) Gottes son. Darauff
auch Christus jm / vnd den andern allen / die Schlüssel / das ist / den gewalt
vber die sund / zusagt / jnn seinem wort / als jnn einem gewarsamen Schatzkasten
/ verfasset / Als denn mitbringt das 18. cap. Matthej / darin Christus spricht
zu allen Aposteln / Warlich jch sag euch / alles was jr binden werdet auff erden
/ sol auch gebunden sein im himel / vnd alles was jr lösen werdet auff erden /
sol auch los sein im himel / Welche wort fast eine deutung sind / dieser wort
alhie im. 16. cap. Matthej.
(Allen Aposteln die schlüssel gegeben.)
Da mit wirs nicht vernemen / noch dafur halten sollen / da er Petro sagt / Dir
wil jch die schlüssel geben etc. das er darumb die andern des gewalts solt
entsetzt ha ben / Sondern ist eben das gesagt / Du solt auch einen sein aus
diesen allen / so die gantze Kirch vnd Christenheit bedeuten / denn jch auff
solch bekentnis des glaubens / nicht aus dir / noch einigem menschen / Sondern
aus Gott geschehen / die Schlüssel vnd diesen gewalt zusag / vnd geben werde /
so ich zuuor leiden / sterben / vnd widderumb aufferstehen mus / wie er denn zu
der selben (Die̅ schlüssel
verheissen.) zeit Petro / vnd den andern Aposteln die Schlüssel nicht
gab / sondern allein verhiesse / da er sprach / Ich wer de odder wil dir die
Schlüssel geben etc. Vnd folgend nach seiner aufferstehung / jnen allen die
selben gab / wie (Die schlüssel gegeben.) er zuuor
verheissen hatte / Johan 20. Nemet hin den heiligen geist / welcher sund jr
vergebt / sollen sie vergeben sein etc.
(One den heiligen geist sein die schlüssel vnnütz.)
Durch welchs alles angeben wird / das die gemeine Christliche Apostolische Kirche
/ durch die Aposteln representirt vnd bedeutet / aus dem heiligen geist / vnd
Gottes gabe / durch das blut vnd tod Ihesu Christi / die Schlüssel warhafftig
hat / on welchen heilige̅ geist / sie der Schlüssel nicht recht
brauchen / noch die sunde
|| [ID00115]
vergeben
mag / Denn wer den nicht hat / der ist kein(Glaubens
ar tickel von der sund vergebung.) Christ / Rom. 8. So ists auch ein
Artikel des glaubens / das wir gleuben / das jnn der heiligen Christlichen
Kirchen sey vergebung der sunde / durch den heiligen geist.
Damit sich niemand auff blase vnd vberneme /(Vergebung
der sund / ist nicht des men schens.) als vnsere vermeinte geistlichen
/ des gewalts der vergebung der sunde / als aus jme / sondern durchs wort / aus
dem heiligen geist / den Christus aus gnaden seiner Kirchen mitgeteilt hat / Vnd
wir den selben auch empfahen jnn der Kirchen / vnd ausserhalb der selben /
vnd(Nota.) von vns selbs / gar nichts /
widder den heiligen geist / noch vergebung der sunden durch jn / noch einig heil
odder seligkeit.
Aber der Bapst / Bisschoue / Pfarhern / Predigern /(Babst vn̅ Bi schoue sein die ner der schlüssel vnd der
kirchen.) vnd alle verordente / die der Schlüssel brauchen / sind
allein diener vnd nicht herrn / beider der Kirchen vnd der Schlüssel / Denn also
viel vnd nicht mehr haben sie / als viel jnen die Kirche gibt / die es förder
vom heiligen geist / aus dem blut vnd wunden Christi schepffet vnd nimpt /
Gleich wie ein Amptman / der den gewalt nicht(Gleichnis.) von jm selbs / sondern vom herrn hat etc.
So ist auch ein jeder fur sich selbs vngewis / ob er(Die kirch ist des heiligen geists gewis / oder nicht der besonder men
sch.) den heiligen geist habe odder nicht / darumb er denn fur
sichselbs / die sunde nicht mag entbinden vnd vergeben / Aber gewis ist ein
jeder / das er den heiligen geist hat / so / das im namen vnd an stat der
Kirchen geschicht / welche solchen gewalt hat vom namen Christi / Luc. 24. Da
Christus sagt / das gepredigt sol werden busse / vnd vergebung der sunde jnn
seinem namen.
Sehet / daraus habt jr / was die Schlüssel / das ist / der rechte Kirchen gewalt
odder dienst sey / Als nemlich / vergebung der sunden / vnd wem sie gegeben sind
/ als nemlich / allen Aposteln / vnd also folgend der Kirchen / das ist / der
gantzen Christenheit / an Christus stat (darumb man auch der Absolution vnd
entbindung /
|| [ID00116]
vmb Christus willen /
bestendiglich gleuben sol) Also / (Die Schlüssel mein
vnd dein) das die selben Schlüssel nu mein vnd dein sind / vnd nicht
allein des eintzelen einigen S. Peters / vnd nach jm des Bapsts / vnd derer / so
man Priester nennet / odder (Gleichnis.) Kirchen
diener allein / Wie vber einen gemeinen Schatzkasten / nicht einem allein /
sondern vielen die Schlüssel befolhen werden / den selben zuuerwaren vnd
auszuteilen etc.
(Alle Aposteln mit Schlüsseln zumalen.)
Darumb auch nu die Aposteln allesampt jnn gemein / wie zuuor S. Peter jnn
besonder vnd allein / mit den Schlüsseln billich mögen abgemalet vnd angebildet
werden / So fern man anders / der bilder vnd gemel (Bilder der heiligen.) des der heiligen / als allein zum Exempel vnd
erinnerung jres glaubens vn̅ lebens / vnd zu messigem schmuck vnd
zierde / jnn der eussern kirchen bedörffend ist / Aber jnn keinen weg / vnd mit
nicht / die selben / fur mitler / (Christus der einig
mitler.) fursprecher / versüner / odder furbitter fur Gott / denn
allein Ihesum Christum / anzuruffen / vnd zu halten.
Vnd solchs alles von solchem vermögen der Schlüssel (Weiber tauff) / haben wir jnn erfarung vnd vbung / Nemlich / wie beide
/ man vnd weib / jnn not die kindlein teuffen mögen vnd sollen / als oben gesagt
/ Also jnn derselben not / odder aber aus ordenlichem beruff der Kirchen / mag
vnd sol ein jeder Christ / jnn krafft der Schlüssel / gemeiner (Beicht hören.) Kirchen gegeben / seinen nehesten
sundigen bruder beichthören / von sunden embinden / vnd mit Gotts (Predig) wort / als durch die predig / trösten vnd
stercken / Auch (Sacrament.) das Sacrament des
altars reichen etc. Damit wird er (Herr alles
miteinander.) dazumal sein warer rechter Bapst / Bisschoff / Pfarher /
Prediger / vnd herr alles miteinander.
(I. Gleicheit aller Aposteln vnd Kirchendiener.)
Denn wie man den einigen Petrum / vnd nicht auch die andern Aposteln alle
zugleich / zu einem Bapst vnrecht gemacht hat / Also auch hat man vnrecht
gemacht / die zwelff Jünger allein / zu priestern / vnd nicht auch die andern
Leien allesampt.
|| [ID00117]
Vnd Summa / wie Christus im namen seiner Aposteln(II.
Das gantze Sacrament allen Christen gegeben.) / der gantzen Kirchen
vnd Christenheit / sein gantz Sacrament leibs vnd bluts / jnn beider gestalt /
brods vnd weins / dargibt.
Vnd wie seine Kirche / auff aller Christen bestendigen(III Die Kirche auff aller Christen glauben gegründet.) glauben / vnd
erkentnis / vn̅ bekentnis seiner Gotheit vnd menscheit gegründet
ist.
Also gibt er auch derselben seiner Kirchen / vnd allen Christen jnn gemein / die
Schlüssel / mit ordentlichem brauch derselben.
(IIII. Die Schlüssel der Kirchen geben.)
Vnd von diesem habe jch darumb jnn die lenge geredt / das daran die seligkeit
allenthalb gelegen ist / welche stehet jnn vergebung der sunden / der sich
kein(Nutz / der Schlüssel gewalt zuwissen)
mensch fur sich selbs anzihen kan noch sol / er sey Bapst odder Bisschoff /
Sondern was er hat / das hat er als ein diener / aus der milden güte Gottes im
wort / durch(Die Kirche durch das blut Christi
begnadet.) den heiligen geist / von der heiligen Kirchen / die durchs
blut vnd tod Christi / damit begnadet vnd begabet ist / Damit aussem menschen
kein Abgot gemacht / vnd alda nicht heil gesucht noch gesetzt werde / da keins /
sondern mehr verdamnis ist.
Wie wir denn sehen / das sich der Bapst mit seinen(Des
Bapsts drengen mit der Kirchen / vmb die Schlüssel.) Bisschouen (odder
solcher gestalt billicher Bissch affen) auff den heutigen tag / mit der Kirchen
/ vmb die Schlüssel vergeblich drengen / reissen vnd beissen / Vnd die vergebung
der sunde / als jr eigen hab vnd gut / stücken(Bisch
affen.) vnd teilen / jnn tag vnd jar / jnn halbs vnd gantzs / Als wir
denn finden jnn jren falschen Ablas brieuen / bestimpte zal der sunde vergebung
/ jtzt fur gantz / jtzt(Misbrauch mit der vergebung
der sunde.) fur halb / schier fur den dritten teil / jtzt also viel
tage / bald also viel jar Ablas etc. Dadurch sie den gantzen Christum (welcher
gar odder nichts vergibt) gleich(Gott vergibt gar
odder nichts.) also halbhöseln / stücken vnd teilen / wie sie jn auch
im Sacrament seines leibs vnd bluts / mit der einen gestalt / halbiren vnd
trennen.
|| [ID00118]
(Was vnradt entstanden / aus falscher des babsts an
gebung.)
Welchs fast die gantze vrsache vnd anfang ist alles vngemachs / damit die
Christenheit jtzt also betrübet vnd beleidigt wird / jn̅ dem der
Bapst sich dadurch anmasset jr herr zu sein / der knecht er sein sol / vnd
zueigen zuhaben / was aller jnn gemein ist / Vnd alle wellt sich dafur achten
lesst / das er der gemeinen waren heiligen Christlichen vnd Apostolischen
Kirchen / on alle mittel vnd vnterscheid / heubt / fels vnd grund sey / das auff
jm dieselb stehe / das er allein die Schlüssel vnd vollen gewalt habe / zu
seligen vnd zuuerdammen / vnd also vber die Schrifft / Kirche / Concilia /
Reichstage / vnd alle versamlung sey / vnd volle macht habe jnn alles / jnn
himel vnd auff erden / vnd jnn der helle etc.
(Vnrad gebirt vnrad.)
Dauon weiter vnradt / wie denn einer den andern gebirt / entstanden ist / das er
hat fur recht haben wollen / so es doch fur Gott vnrecht ist / seines gedünckens
vnd furnemens / on vnd widder beide / die Schrifft vnd Kirche / jnn allem zu
statuirn vnd ordiniern / zugebieten vnd zuuerbieten / vnd alles zuthun vnd
zulassen / als / wie (Semper freyer.) man sagt /
ein Semper freier / von menniglich vngestraffet / Ob er auch gleich die seelen
offentlich verfüret vnd verdampt / Vnd dieselben menschen satzung / dem Euan
gelio vn̅ der Kirchen vergleichet / ja vorgezogen / vnd hö her
geachtet / vnd solchs alles mit beschwerung der gewissen / Vnd das jchs ein ende
mache / sich jnn Gottes stuel / odder jhe dem fast gleich / gesetzt / Wie die
söne Zebedei begerten / jnn seinem reich zur rechten vnd lincken zu sitzen /
Matth. 20. Mar. 10.
(Babst jrdisch er Abgot. Füssküssen. Empör tragen.)
Darumb er sich einen jrdischen Abgot hat nennen / des gleichen die füsse / auch
mit vrlaub / schier den hintern küssen / vnd empor von der erden tragen lassen
(wolt Got / er würde zu seiner besserung auch bein harn empor getragen) vnd
beide Kirchen / die eusser vnd jnner (Sprichwort.) eingenomen / vnd doch der selben durch Gottes gericht /
nu keine hat / wie das sprichwort ist / wer alles
|| [ID00119]
sein vnd haben wil / der ist vnd
hat nichts / Also ist er / weder herr noch knecht / Ein herr ist er nicht /
den̅ herrschafft / gehet die ware jnner Kirch nichts an / So
ist er(Babst wider herr noch knecht.) auch kein
knecht noch diener / denn er weder predigt noch handelt / was das mündliche
Gottes wort / vnd der eussern Kirchen dienst belanget / Vnd zusteubt / zufleugt
vnd zergehet / vnd wird also gar nichts mehr jnn(Babst
ist nichts.) der Kirchen / als der sich selbs / durch sein alles sein
/ allenthalb zu nichts macht / entsetzt / verstört vnd vertilget / Darumb er wol
zürnen solt / wenns ein ander thet / Aber also gehets mit allen / die Got
verblendet / das sie sich selbs nicht kennen mögen / Esa. 29.
Da mit Er aber dennoch auch etwas bleibe / vnd(Babst
ist etwas / wie ander böses.) nicht gar nichts sey im spiel / So gibt
er mehr einem Ty rannischen weltfursten / denn trewen Kirchhirten / Als der an
stat der Schlüssel / das schwerd vnd krieg füret / Zanck / brand / mord / raub /
jamer / not vnd tod / stifftet / vnd anrichtet / wie es vnleugbar vnd fur augen
/ vnd(Carolus. v. jmperator.) dieser jtziger
Keiser Carol der. V. mit einem schaden vber den andern / allzu viel empfindet /
vnd / wo jn Gott nicht verhütet / teglich mit verderb empfinden wird.
Aber du lieber Gott / Es haben sich vmb die öberkeit(Der Aposteln zanck vmb die örberkeit.) gezanckt die lieben Aposteln
(so es auch leiblich ver namen / wie jtzt der Bapst vnd die Bisschoue) ehe sie
den heiligen geist empfiengen / Matth. 20. Mar. 10. Luce. 22. Ja es gransen /
reissen vnd beissen sich zweene(Zweene hund vmb ein
bein.) hunde / vmb einen groben harten knochen vnd bein / So ist jhe
dieser schatz / die vergebung der sunde / der aller(Vergebung der sund der gröst kirchen schatz.) theurst vnd gröst / als
daran die seligkeit ligt / Aber dar an beweisen wir / so wir vns desselben / als
fur vns allein / vnd zu eigen zu haben / vnd andern stückweis auszuteilen /
wollen anzihen / als der Bapst vnd Bisschoue thun / das wir nichts denn eitel
menschen / ja nichts den̅ blut vnd fleisch sind / das ist / sund /
lügen / eigen gesuch / jrthum etc. die wir dieses schatzes widder eigenschafft /
|| [ID00120]
noch rechten brauch / gar nicht
wissen / Als das er ein solcher reicher / vnerschepff licher / vn̅
vnuerminderlicher (Genadenschatz die vergebung der
sunden.) gnadenschatz ist / so auch alle menschen / den zugleich ha ben
/ vnd alle dauon zugleich nemen / Das jm aus den wunden vnd blut Ihesu Christi
jmer mehr vnd mehr zufleusst / vnd so viel mehr dauon wird vergeben / das jm
vnendlich mehr vnd mehr / zugelegt wird vnd gegeben (Vergebung der sund / vmb sonst zugeben.) / Vornemlich / so er lauter
vmb sonst / sondern eigen gesuch vnd gewin / gegeben vnd ausgeteilt wird / wie
es denn geschehen sol / als wir jnen aus lautern gnaden / liebe vnd
barmhertzigkeit Gottes / vmb sonst / vnd vmb nichts empfangen haben / Matth.
10.
(Vnrechte mel nung von vol lem gewalt des Bapsts.)
Wie denn diesem allem zu widder / der Bapst vnrecht rhümet / Er habe Plenitudinem
potestatis / Ceteri in partem solicitudinis tantum etc. Das ist / Er habe
allenthalb vollen gewalt / die andern aber allein stückweise (Plenitudo po testatis.) / als die von jm teil nemen
müssen / wie da sind allein die sich priester nennen / vnd nicht auch die andern
/ so man Leien Christen heisset.
(Grad vnd vn terschied der wirde.)
Darauff sie denn jre vnterschiedliche gradus vnd stende der wirde gemacht haben /
das einer Bapst / vnd also der öberst ist / der ander vnd nehest nach jm ein
Cardinal / der dritte ein Ertzbisschoff / der vierde ein gemeiner Bisschoff /
vnd also fort an / bis auff die letzten Pfarher vnd Prediger / so wol fur Gott /
die besten / doch jrer aller Esel vnd narren sein müssen.
(Grad der sun devergebung.)
Also auch mit der sunde vergebung / das sie etliche sunde Bepstliche / etliche
Bisschoffliche casus odder felle nennen / dadurch sie jtzt dis vergeben / jtzt
jhenes (Vorbehalten felle.) reseruirn vn̅ vorbehalten (ja recht vorbehalten / als die alle solche frembde
sunde / auff jre helse vnd seele laden (Die sunde kre
mers weise ab zegen.) vnd behalten) vn̅ als fur eine
besondere gewinliche kra mers ware / gleichsam bey löten vn̅
quintin / ausmessen / (Jubel vnd gülden
jar.) abwigen vnd verkauffen / Beuor auff dem grossem jarmarckt / so sie
mit rechtem namen / das jubel odder gül
|| [ID00121]
den jar geheissen haben /
als das Nobeln / Ducaten vnd Kronen / gold vnd silber / vol auff / vnd zum
vberflus bracht hat / darauff sie denn jubilirten vnd gaudirten / sungen vnd
sprungen / schlemmeten vnd temmeten / hureten vnd bufften / vnd nichts denn was
dem leibe wol thet / vbeten etc.
Wenn aber nu endlich der Bapst vnd seine Creaturn(Was
dem Bapst vnd geistlichen zu thun sey.) odder gesandte / die geistlich
genanten / solchs alles behertzen wolten / Beuor das dieser schatz nicht jr
eigen / sondern der gemeinen Kirchen ist / vnd vmb sonst sol ausgeteilt werden /
wie wir jnen vmb sonst empfangen haben / vnd das jnn der Kirchen / der grösser /
der kleiner vnd aller diener sein sol / würden sie nach den Schlüsseln / nicht
also nachgreiffig sein / Es würde auch(Falschwariger
Ablas kram.) der falschwarige grosse Ablaskram / vnd anders / dadurch
man aussen Sacramenten vnd fast aus allem / was jnn der Kirchen vnd gantzem
Christenthumb ist / einen Trewdelmarckt / stricke vn̅ geldnetze
macht / vnd fast aller misbrauch / durch Gottes gnade / verschwinden vnd
vntergehen / dagegen besserung / vnd alles guts auffgehen / Amen.
Das sey vom vierden Artikel / vnd allenthalb / von(Beschlus.) der Kirchen vnd Euangelio / zu diesem mal / wo nicht zu
viel / doch meines bedunckens / jhe gnug / Damit wir / durch die reiche Gotts
gnade / jnn vnserm heiligen glau ben / darein die Christliche Apostolische
Kirche gezelet ist / gebessert / vnd ware glieder / vnd kinder derselben(Kirch ein Artikel des glau bens.) waren /
gemeinen / heiligen / Christlichen / Apostolischen Kirchen allzeit befunden
werden / Vnd endlich wissen mögen / was wir gleuben / vnd von jr halten sollen /
Zu ewigem preis Gottes / vnd nach seinem willen / zu vnser aller seligkeit /
durch Ihesum Christum vnsern Herrn vnd Heiland / AMEN.
Gedruckt zu Witemberg durch Dans Lufft.