Bearbeitet von Alejandro Zorzin

‖ [3] Ad manus Celeberrimi Domini Georgii Spala
tini Philosophiae Doctoris, Fautoris Co
lendissimi etc.


Sal'utem' cum recommendatione.

Eruditissime ac Venerande Spalatine, quas ad me D'ominatio' T'ua' cum exemplo literarum ad religiosum Patrem Garganum1, strenuum nostri Joann'is' Reuchlin amatorem defensoremve, scribundarum laetus excepi ac perlegi, eas cum literis commendatitiis, quas pro amore doctissimi Capnionis ad duos ut in epigrammatis videre licet, Capellanos, quos apud Iudicem causarum etc. praestare scio, conscripsi, quarum alienarum ad religiosum Patrem Garganum editarum copiam2 si placet videre impera, et destinare paratus sum. Ego adhuc unas ad quendam sollicitatorem, qui curaret, quo celerius ad nos responsa pulsatorum redirent, scriberem, si ille posset illinc ad eos cum scriptis pervenire literis, fac me certiorem, et quod fieri libet efficiam. Quoniam totus sum tuus et strenuus in operis exhibendis. Detineo mecum literas, quas ad coruscantem Virum Joannem Capnionem exaravi3 datas et obscuratas, quando placet eas transmittere, rescribendas reddam alicui scribae. Optime Vale, ‖ [4] me ama et commendatum habe. Dat'um' celerrime Wittemburgae, 21. Julii, anno 1516.


Andreas Carolstatensis,
totus tuus.


Velim scire quis te, de Doctoratu I'uris' U'triusque' susce
pto reddidit certiorem.

1 Es handelt es sich um das im vorigen Brief von Spalatin erbetene Empfehlungsschreiben an Garganus (vgl. KGK 28).
2 Es geht um den Brief, den Karlstadt selbst an Garganus von Siena zu schreiben vorhatte (vgl. KGK 28).
3 Demzufolge hatte Karlstadt an den von ihm verehrten, lichtsprühenden Johannes Reuchlin einen datierten und verdunkelten Brief verfasst (KGK 32), dessen Übersendung er aber noch hinausschob (vgl. KGK 35).