Magdeburg, 2. August 1557.
UB Leiden, Cod. Pap. 3, Gubernatores et inspectores instituti historiae ecclesiasticae Magdeburgensis ad Georgium Cassandrum et Cornelium Gualterum, 1557.
Sekretär der Zenturien. Adresse, Datumsangabe und Unterschrift von Wigands Hand. Unterschrift von Judex. Unterschrift von Aleman. Unterschrift von Copus.
Papier, Format gr. 2°.
Transkriptionen:
[2v] a Doctissimis & integerrimis viris, D[omino] Cornelio Gualthero & D[omino] Georgio Cassandro Dominis & amicis suis colendis. Coloniae.
[1r] S[alutem]. Integerrimi & clarissimi viri, scitis procul dubio, quod maximis sumptibus & laboribus historiam Ecclesiasticam, in Ecclesia Christi summopere necessariam, comportare & contexere Deo adspirante conemur. Cum autem publicum sit hoc opus, eiusque cura ad universam Ecclesiam Christi pertineat, non dubitamus, quin omnes pii tale institutum sponte probent, & parati sint omnibus officiis illud iuvare. Intelleximus autem ex praestantissimo viro D[omino] Doctore Casparo à Nydbruck, & vos duos vniversae antiquitatis studiosissimos & peritissimos esse, et ingentem ac preciosissimum thesaurum veterum monumentorum pro utilitate Ecclesiae ex multarum regionum bibliothecis conquisivisse. Praedicavit etiam idem Doctor vestram pietatem & humanitatem, & fecit certissimam spem, quod à nobis rogati, nihil nobis, quod quidem ad publicam utilitatem spectare videretur, denegaturi essetis. Mittimus ergo iam magna confidentia ad vos hunc nostrum Wilhelmum, ac petimus in re omnium amplissima vestrum auxilium & piam communicationem. Inprimis autem cuperemus eiusmodi libros, qui aliàs non existarent, & ad historiam annorum Christi usque ad millesimum pertinerent.1 Nam caetera recentiora existimamus facilius haberi posse. Ac si integra quaedam volumina usui nobis dari possent ad breve tempus, [1v] faceretis rem nobis gratissimumb . Bona enim fide quocunque velletis tempore vobis summa cum gratiarum actione restituerentur. Sin transmittere omnia quae nobis profutura essent non potestis, saltem huic studioso potestatem faciatis rogamus, ut quaedam describere, quaedam colligere, et excerpere istic apud vos liceat. Ante omnia verò vt omnium indicem quamprimum ad nos mittat. Hoc officium ipsi Christo, cuius historiam teximus, totique eius Ecclesiae gratum erit, et nos vicissim de aliquo gratitudinis munere cogitabimus. Methodon nostri instituti Wilhelmus habet, ex qua intelligere potestis, si non summa industria, saltem accuratè & fideliter, omnia à nobis fieri.2 Prolixius ista à vobis peteremus, nisi ex multorum relatione certò cognovissemus, vos et pietate singulari praeditos, et libenter communicare quae ad Ecclesiae Christi utilitatem spectant, nec alium habere studiorum et laborum finem. Benè in Domino valete.c Magdeburgi 2. Augusti 1557.
d Gubernatores & inspectores institutae historiae Ecclesiasticae.3
e Ioannes Wigandus pastor Magdeburgensis.
f Martinus Copus Medicinae Doctor.
g Ebelinck Alman Burgher yn Magdeburg.
a Handwechsel zu Johann Wigand
b Verbessert durch Sekretär aus iucundissmum
c Handwechsel zu Johann Wigand
d Handwechsel zu Sekretär
e Handwechsel zu Johann Wigand
f Handwechsel zu Martin Copus
g Handwechsel zu
h Handwechsel zu Matthaeus Judex
1 Diese Bitte bereits in dem Brief von Flacius an Nidbruck am 15. Dezember 1554, 541215.
2 Die hier erwähnte Methodus ist bereits die letztgültige, die in die Druckfassung der ersten Zenturie als Inhaltsverzeichnis und orientierender Index des Gesamtwerkes Eingang fand.
3 Die Gubernatores hatten sowohl die inhaltliche wie administrativ-finanzielle Aufsicht über das gesamte Unternehmen der Zenturien, deshalb gehörten ihnen als städtische Bürgen der Stadtphysikus Martin Copus und der Rat Ebeling Aleman an. Vgl. 550308 und 590419. Die Inspektoren wiederum waren eher für die inhaltliche Kontrolle der Arbeiten zuständig. Im Gremium übernahmen Wigand und Judex diese Funktion. Vgl. 560216B.