Text
CXXIV.
a Tobiæ Hübnero . S. P.
ITa felix sim, Vir
b Amplissime & Nobilissime, ut ego vereor planè ac erubesco
in tuum venire conspectum. Quis enim ullus cliens tam frigidus
c tam supinus
esse potest, quàm ego fui hactenus; qui non dicam aliquot diebus, sed mensibus
ipsis
1 ne perfunctoriâ qui-[347]dem salutatione officium meum tibi probavi.
Poteram quidem caussari negotia,
d & alia, quæ emplastri vicem arcessere solent
in istâ culpa deprehensi: sed malui ego meipsum
e accusare potiùs, & reum
|| [
463]
peragere ad tribunal tuum, quam ineptissimis excusationibus perdere chartam.
Quis enim unquam persvaderi
f sibi patiatur, sic me distringi negotiis, ut ne
supersit tempus paucis literis ad amicos exarandis? Alii hoc nomine suas prætexant
g
culpas. Mihi jam apud te ineptire non fuit. Troadum
h Senecæ, ut noster
Opitius germanicè loqui docuit,
2 mitto duo exemplaria compacta. Alteram tibi
á me habeas,
i alterum illustrissimæ
j & incomparabili Principi tuæ,
3 cujus virtutes
indies
k magis magisque demiror, cum prolixâ atque humillimâ officiorum
meorum denunciatione
l ut
m offeras, etiam atque etiam abs te peto. Tertium
exemplar ad Nobilissimum Dominum
Werderum ,
4 si grave non est, permittendum
curabis: cujus Tassum
5 nimis impatienter expectamus. Ecqvando prodibit
tamdiu promissum o-[347]pus? Quando erit
n ut Germanicas nostras Musas
ambiguam palmam Italis fecisse Camenis
o appareat; quæ in te jam olim omnem
Gallicam svaviloquentiam argutiasque superarunt.
6 Hanc
p lucem celeri turbine Parca neat
q .
7 Philostratum Græcum cum versione
Federici Morelli 8 Prof. Reg. Parisiensis
r
memini in Illustrissimi Principis tui
9 bibliotheca vidisse. Ejus usum ad mensem
unum abs te ut petam, facit ilia tua insignis comitas, quâ præsenti mihi certam
impetrandi fecisti spem, quicquid istiusmodi abs te orarem. Qui tuus in me
animus ut demutaverit, nullus equidem adduci possum. Is enim nobilium animorum
s
status est, qui mundi supra lunam: quò nullæ mutationum vices pertingere
possunt. Vale
t Vir
u Nobilissime & amare
Buchnerum perge, qui ut se
tibi probare possit, omnia paratus est & facere & pati. Vale.