Text
Auff
1 des Edlen/ Gestrengen | Herren Georgen Köhlers | von Mohrenfeldt
2 / Fürstlichen | Lignitzischen Rahtes/ | Vnd der auch | Edlen/ Vielehrentugendreichen Jungfrawen | Annen Elisabethen
| geborner Henrichin von Geyersberg/ | Erbjungfrawen auff Bielaw/ | des Weylandt | Edlen/ Ehrenvesten vnd Wolbenambten | Herrn Sebald Henrichs | von vnd auff Geyersberg/ Kroitsch/ Bielaw | vnd Langenwalde/ nachgelassenen | ehelichen Tochter/ | Den 13. Aprilstag
des 1638. Jahres zur | Lignitz angestellte Hochzeit/ | Martin Opitzen Glückwündschung. | Dantzigk/ bey Andreas Hünefelden [1638].
[Handschrift: [A ij r]]An den Herren Bräutigam.
DAß der weite baw der Welt
Vber vns vnd hier
a auff erden
Stete trew im wechsel helt
Die nicht kan gebrochen werden/
Daß sein zeug stimmt überein/
Solches macht die Lieb‘ allein.
Daß stets Sonn‘ vnd Monde sich
Theilen in die beyden zeiten/
Daß der Abendstern (der dich
Vnd dein Hertz bald wird begleiten)
Vns auch bringt den Morgenschein/
Solches macht die Lieb‘ allein.
Daß daß Meer/ der Schiffe bahn
b /
Zähmen muß die strengen wellen/
Läufft das feste Land nicht an/
Sondern leßt jhm gräntz vnd stellen
Gantz vnd vnverrucket seyn/
Solches macht die Lieb‘ allein.
[Handschrift: [A ij v]]
Solte
c sie/ die eintracht schenckt/
Zaum vnd zügel fahren lassen/
Alles was auff Frieden denckt
Würde Krieg vnd Waffen fassen/
Alle sachen vntergehn
Die auff jhrer krafft bestehn.
Sie verschafft daß sich ein Land
Mit dem andern wol vertreget/
Vnd den Bund (o edles pfand!)
Vnzerbrochen helt vnd heget:
Sie erwecket rechte brunst/
Vnd der hertzen gegen-gunst.
Selig ist dein stand vorwar
d /
Selig/ weit vor alle güter/
Weil auch dir/ o werthes Par/
Also heilig die gemüter
Von der Lieb‘ vmbfangen sindt
Die den Himmel selber bindt/
e [Handschrift: [A iij r] ] Diese
c Liebe suchet nicht
Solcher sinnen schnöde sachen
Wo das beste gut gebricht/
Welche blind sind vnd blind machen/
Derer grund auff sande steht/
Springt wie glaß/ wie schnee zergeht.
Nein: sie pflantzt bescheidenheit
3 Vnd vernunfft in die Gedancken/
Sie gebiehrt bestendigkeit/
Sol vnd kan vnd wil nicht wancken/
Sieht/ nechst Gott/ auff klugen raht
Den sie vmb vnd in sich hat.
Sie verstricket festiglich
Seelen die einander gleichen/
Vnd veranckert
f sie in sich
Daß sie nimmer mögen weichen/
Daß bey dem was sie erkiest
Einig jhr genügen ist.
[Handschrift: [A iij v] ] Solche
c wolfarth ist auch dir/
Allerliebster Freund/ bescheret:
Deine lust/ dein trost vnd ziehr
Wird von dem dir jetzt gewehret
Der den anfang vnd beschluß
Bey der heyrat machen muß.
Dieser jungen schönheit liecht
g /
Dieser glantz der schönen jugend/
Der an alter nichts gebricht
Weil sie zeitig ist an tugend/
Vnd durch witz die jahr‘ ersetzt/
Jst das ziel so dich ergetzt.
Zwar durch vrtheil vnd verstand
Hast du jhre huld erkohren/
Vnd dein hertz auff sie gewandt:
Dennoch ist sie auch gebohren
Dich zu lieben/ als wie du
Jhr zu seyn des lebens rhu.
[Handschrift: [(A iiij)r] ] Nim
c/h was dir der Himmel giebt/
Was dich in der welt erquicket/
Jn der welt die auch jetzt liebt/
Weil die Lufft den Regen schicket/
Vnd in dieser Frülingszeit
i Mit der Erde sich verfreyt;
Weil der Acker hochzeit macht/
Weil das Feld ein brautkleidt
j treget
Reich an güldner Blumen pracht/
Weil der Pusch grünt/ weil sich reget
See vnd Vfer/ Vieh vnd Wildt/
Vnd der Vögel lied erschillt
4 .
Kennt dein Lieb die liebe nicht/
Bruder mein/ du kanst sie lehren;
Vnschuld/ scham/ furcht ohn bericht
5 Werden deine frewde mehren:
Einfalt kriegt hier danck vnd preiß
Für dem allen was man weiß.