Illustriss.o Celsissimoq`. Principi ac Domino,
Dn. CHRISTIANO, Principi Anhaltino,
Comiti Ascaniæ, Domino Berneburgi
ac Servestæ etc. Domino suo
Clementissimo, ad Acidulas
iam jam abituro.
P
RINCEPS, egregijs quem tot virtutibus auctum
Gaudeo natali sceptra tenere solô.
Dum longum meditatus iter festinat abire
Ad fontes acidos, terra Bohema, tuos.
1
Cernimus, ut tacitus multorum corda subintret
Et dolor, et gemitus, solicitusq̀. timor.
Quandoquidem in domiti passim violentia Martis
Imminet, et tutas non sinit esse vias.
Unde etiam mecum modò civica et aulica turba
Talia certatim vota precesq̀. ferunt:
Sit tibi, summe DEUS, auræ suavissimus ille
P
RINCEPS, Romani delicium Imperij!
Cœtibus Angelicis ipsum committe, viarum
Obiectas valeant qui reserare moras!
Atq̀. acidos saltem sive hauserit ille liquores,
Da, novus existat corporis inde vigor!
Seu sortè alterius cupidus perrexerit illûc,
Quà modò conventûs. Induperator agit;
2
Fac, ut et ipsius dulcem præsentia Pacem
Promoveat, Pacem quam modò quisq̀. vocat! [353v]
Deniq̀., pro votô rebus feliciter actis,
Hûc ubi lassatis ille redibit equis,
Fac, thalami Consors, quæ pulchrè plena videtur,
Et, penè exactô tempore, ponet onus,
Sic reducem excipiat: Salve, Illustrissime Conjux,
Salve, pars animæ dimidiata meæ,
En Tibi filiolum felici sidere natum,
En iterum nostri pignus amoris habe.
Dent Superi, longos vitam is producat in annos,
Matri mille creans gaudia, mille Patri!
Humilimô ac devotissimo affectu f.
Berneburgi d. 9. Augusti, Ao. 1640.
Joach. Mechovius D.