|| [A 2r:] Radschlag auff das Interim

↑

Ernueste,1 fursichtige,2 gebietende weise Herrn, das Buch des Interims, vns von E.F.W. zugestelt, hab ich auch mit fleiß vbersehen vnd erwogen der Key. Maie. begeren, solchs von vnsern Kirchen anzunemen vnd auffzurichten. Darauff gebe ich. E.F.W. widderum zu erkennen, das vngleiche artickel im selbigem Buch gefunden werden, deren etliche von vnntigen eusserlichen mitteldingen3 als fasten, feyren,4 Kirchgesengen5 vnd dergleichen Tradition odder Ceremonien, die wir noch nie gestritten haben, wo sie in jhrem rechtem brauch gehalten werden. Etliche werden tunckel, schwach, geferlich, verdechtig vnnd zu beschwerung vnserer Kirchen dargesetzt,6 als von der Kirchen, daryn den dienern zu viel gegeben wirdt,7 vom gewalt8 vnnd gewissen9 verstandt,10 die schrifft außzulegen, fragen zu erorteren, Canones11 zu machen,12 von den letzten zwey gemercken13 der Kirchen,14 || [A 2v:] von vnterscheid des gewalts vnnd von beruffung der diener,15 von sieben Sacramenten,16 von freywilligen wercken17 vnd furbitt der Heyligen vnnd fur die todten18 etc. Welche stuͤck doch hetten mgen geduldet werden, wo die rechte Lehre daneben allenthalben frey gangen were.19 Vber diese aber seind noch mehr artickel dem Christlichen glauben vnnd lere stracks zu entgegen, wie von den vnsern bißher genugsam erwiesen ist vnd nach gelegenheit vnnd nodturfft allzeit weiter ausgefuͤrt mag werden. Als nemlich von gerechtigkeit der werck, von verdienst vnnd belonung derselben mit dem ewigen leben,20 von zweiffeln an Gdtlicher gnade,21 von erzelung der suͤnden,22 vom Opffer der Mess,23 Canon,24 Fegfeur,25 Seelmessen,26 billigung der einen gestalt,27 transsubstantiation,28 einsperrung vnnd vmbtragung des Sacraments,29 trennung der Priesterehe,30 weyhung des saltzes,31 wasser, kreuter, kertzen, glocken, dardurch den dingen newe geistliche krafft geben wirdt,32 anruffung der Heyligen.33 Weil denn diß Buch kein vnterscheid der Artickel macht vnnd darauff enderung allein in vnsern Kirchen furnimpt, die andern in jhrem alten thun bestetiget,34 so vrteile ich fur Gott vnd meinem gewissen auff mein seele, das E.F.E.W. noch kein standt oder mensch vnsers glaubens vnd bekentniß on warhafftige || [A 3r:] verleugnung seins glaubens vnnd bekentniß solchs helffen auffrichten, annemen oder bewilligen konne, der sich auch mit solchem auffrichten, annehmen oder bewilligen nicht teilhafftig mache aller abgtterey, ergernissen, so darauß allenthalben erfolgen, auch der bedrancknus vnnd verfolgung der waren Christen, mit denen er doch bißher gehalten,35 vnnd also sich selbs mit eygenem vrteil verdamme. Vnnd ist derhalben allen protestirenden stenden,36 beyde jhres ampts vnd eygenen person halben, von nten, wo die Key. Maie. auff solchem begern jhe berhuen wuͤrde, hiemit jre bekentniß zu thun, dieweil sie darzu am ersten erfordert werden, das sie fur sich selbs solchs nicht auffrichten, annehmen, noch in die auffrichtung bewilligen oder sich zu etwas widder Gottes wort, jre gewissen vnd bekentnis dringen lassen. Das aber etliche stende der vnsern der Key. Maie. jtzund so viel zu handeln frey heymgestellet sollen haben, solte solch heimstellen den andern stenden, so zu diesen sachen nicht gezogen, vnschedlich sein. Vnnd so auch gleich alle stende bewilliget, mgen37 sie doch beyde, den jren vnd andern, jre gewissen vnnd seligkeit belangende, nichts begeben.38 Die auch darumb durch die gnaden Gottes, wo es je diese wege erreichen solt, jhre be- || [A 3v:] kentnis in sunderheit fuͤren vnd erhalten werden bis an jr ende mit darstreckungk39 jhres leibes vnd lebens. Denn es muss jhe bekennet sein, sintemal40 hierin eben vnser bekentnis ytzund stehet vnnd gesucht wirdt, das wir dieses Buchs artickel sollen annehmen, auffrichten odder bewilligen. Hiemit begeren wir aber nicht, wer sonst Gottes, seins gewissens vnd ampts halben nicht wil, das sich vnsernthalben yemandts in gefahr begebe, sondern man lasse vns vnnd wem es sonst Godt gibt, vnsern glauben mit vnser eygen geferligkeit41 bekennen. Doch aber fur allen dingen ist die Key. M. demuͤtigst zu erinnern vnd zu flehen,42 nachdem die erorterung der Religionsachen auff ordentliche wege eins gemeinen, freien, christlichen Concilij gericht vnnd verschoben – wie sich auch hierin zu procediern43 gebuͤret –, das eben diese Artickel in solchem Concilio solten ersten44 gehandelt worden sein, vnd wir derhalben hiemit vora der zeit widder jrer Maie. gnedigst erbieten45 vnnd vnsere gewissen vnbillich beschweret werden, die wir sonst mit leib vnd gut jhrer Key. Maie. zu allem billigem gehorsam vns schuldigk erkennen vnd bereidt sein, allein Gott vnd vnserer seelen seligkeit jrer Ma. gehorsam vorsetzen46 muͤssen. Wo aber jre Ma. auch solche gehorsam begerete – als nicht zu achten47 – vnd auff dieses Buchs Artickel, wel- || [A 4r:] che dem Concilio vorbehalten sein, jhe dringen vnnd zwingen wolte vor der ordentlichen erkentnis vnd bewilligter zeit, das jre Ma. darob viel vnschuͤldiges blut inn solcher vnordnungk widder alle Gttliche, geschriebene vnnd natuͤrliche rechten48 wuͤrden vergiessen muͤssen. Solches alles hab ich E.F.E.W. zu vnterthenigem gehorsam auch schuldigen pflichten meins predigampts nach dem kleinen verstandt, so Godt in seinem heiligen wort mir geben hatt, zu kurtzer antwort nicht vorhalten49 wollen noch sollen. Derselbige Gott vormehre E.F.E.W. sein gnad vnd Geist, durch Christum in dieser allerhochwichtigsten sachen vnnd allen andern zu handeln, waß seine Gdtliche ehr ist, auch zu vnser Christlichen gemeine auch ewer eins yeden selbs seligkeit vnnd wolfart dienlich. Amen. E.F.E.W. vntertheniger vnd williger. N.N.

|| [A 4v:] Allerdurchleuchtigster, großmechtigster, vnuberwindlichster Rm. Keyser.

↑

Allergnedigster Herr, was E. Rm. Key. Maie. der Religion halb, nemlich, wie es etlicher gelerten meynung vnd gutbeduͤnken nach mittlerweil50 biß auff das gemein, frey, christlich Concilium51 domit gehalten soll werden oder mge, in ein schrifft verfassen, auch Churfuͤrsten vnd Fuͤrsten vnd gemeinen, des heiligen Reichs stenden furhalten lassen, das haben wir sampt derselben E. K. Maie. an vns darauff geschehen beghern52 in aller vnterthenigkeit empfangen, auch seines inhalts nach der lenge angehort, vernomen vnd mit allem fleis erwogen. Vnd wissen vns in der warheit anders nicht zu erinnern, denn das wir bißher nicht allein in allen andern sachen E.K.M. || [B 1r:] vnsers hchsten verstands, mit Gottsfuͤrchtigen, auffrichtigen hertzen alle mgliche gehorsam geleist, sondern auch der Religion halb vnns dermassen allenthalb erzeigt vnd gehalten haben, das wir es gegen Gott dem almechtigen vnd E.K.M. alhie auff erden vnd in yener welt am yuͤngsten gericht mit vnbeschwertem gemuͤt zu verantworten verhoffen. Denn soviel die ytzt gemelte Religion betrifft – beyde, der Lere vnnd Ceremonien53 halb –, do wird yhe anderst nichts bey vns gehandelt, denn wie es vnsers vnzweiffeligen glaubens in heiliger Gtlicher schrifft lauter54 gefunden vnnd vnser aller eyniger, von Gott gesandter heiland vnd seligmacher Jhesus Christus selbst geleret vnd zu leren befolhen hat, auch in der allerersten Apostolischen Kirchen55 im brauch gewesen vnnd gehalten worden ist. Welchs wir ya anzunemen, auch fur aller welt zu bekennen vnd dabey zu verharren schuldig sein, wie || [B 1v:] ehr sagt: „Wer mich bekennet fur den menschen, den wil ich auch bekennen fur meinem himlischen Vater vnnd wer mich verleugkent fur den menschen oder sich mein vnnd meins worts schemet, den wil ich auch verleugnen vnd mich sein schemen fur meinem himlischen Vater, wenn ich kommen werd in meiner herligkeit.“56 Jtem: „Wer mich liebet, der wird mein wort halten.“57 vnd wiederumb: „Wer beharret bis ans ende, der wird seligk werden.“58 Nu wolten wir yhe gerne all vnser thun dermassen anstellen, das wir nicht allein alhie auff erden E. Rm. Key. Ma. als vnser von Got furgesatzten zeitlichen Oberkeit in aller vnterthenigster gehorsam zu gefallen leben vnnd vnter derselben langwirigen vnd gluͤcklichen regierung bey gutem frieden bleiben, sondern auch darneben vns gegen Gott halten, das wir mit gutem gewissen in seiner Gtlichen forcht, vnzweyffeligem vertrawen auff sein heili- || [B 2r:] ges wort vnnd bestendiger hoffnungk der ewigen freude vnnd seligkeit in yhener welt gewertig sein mchten. Darduch denn der gehorsam gegen E. Key. Maie. nicht allein nichts entzogen, sondern dieselbig viel mehr bey vns gestercket wirdt. Jnmassen59 auch vnsere Predicanten mehr denn alle andere allhie bißher mit allem fleis trewlich gelert haben, nicht allein wie man sich zu forderst60 gegen Gott, dem allmechtigen vnnd sonsten inngemein gegen allen menschen rechtschaffen vnnd wol halten sol, sondern auch, das man nach Gott fur aller mennigliche61 E. Key. Maie. alle mgliche gehorsam zu leisten schuldigk sey, nicht allein vmb der straffe willen, deren sich die vngehorsamen billich62 zu besorgen haben, sondern auch vmb des gewissens willen, dieweil vns Gott E. Key. Maie. allhie auff erden zur Oberkeit verordent Vnnd solche gehorsam ernstlich befohlen hat. Derwegen denn auch E. Rom. Key. Maie. sich bey solcher lere ya keiner vntrew, wie- || [B 2v:] derwillens oder vngehorsams zu vns versehen63 knnen noch sollen. Ja, es sollen E. Key. Maie. billich sich dester weniger trewe vnnd liebe gegen yhr zu vns versehen, wenn wir vmb eygens zeitlichen nutzes willen odder geferligkeit halben wider vnsere gewissen von solcher lehre, die wir vnzweyfeligk fur Gottes wort vnd ordenung halten, abfielen. Denn wer vmb der ytzt gemelten oder anderer dergleichen vrsachen willen vonn demyenigen, das er in seinem hertzen fur die warheit vnnd Gottes befelh helt, abfallen darff,64 der wirdt on allen zweiffel vielmehr vmb derselben willen von E. Key. M. abzuweichen kein schew tragen.65 Vnnd wiewol also vnsere gewissen mit dieser lere, so wie obstehet alhie bey vns geprediget wirdt, dermassen eingenomen seind, das wir sie fur Gottes wort vnd || [B 3r:] befelh bekennen muͤssen, so seind wir doch erbuͤtig, wo wir aus heyliger Gtlicher schrifft, durch ein Concilium oder sonsten eines bessern bericht werden, das wir der warheit gern weichen vnnd zufallen wollen. Hierauff so gelanget an E. Rom. Key. Maie. vmb Gottes ehre vnd vnserer seelen seligkeit willen vnser vnterthenigst bitten, siea wollen solche vnsere nothwendige vnnd Christliche vrsachen vnnd das wir bißanher derselben E. Key. vnd der Rom. Kn. Maie. auch dem lblichen haus Ostereich66 mit so getrewem fleis vnd ernst anhengig gewesen vnd vns niemants daruon abwenden lassen, wie wir auch hinfuran67 yederzeit gern thun wollen, allergnedigst behertzigen. Vnnd dieweil wir auch sonsten niemandts von seinem glauben oder bekentnis zu dringen vns yemals vnterstanden, || [B 3v:] sondern einem yeden sein gewissen sampt der andern Predigen, Ceremonien vnnd Kirchenordnungen alhie vnuerhindert vnnd freygelassen, werdeb hinwieder68 auch geduldet, das wir bey demyenigen, so wir durch offentliche gezeugnis der heiligen schrifft fur Gottes wort vnnd befelh erkennen vnnd besser yhe nicht wissen, bleiben mgen vnd nicht gestaten, das wir widder vnsere gewissen vnd zu vieler Leute ergernis von yemands dauon gedrungen werden. Daran erzeigen69 E. Rm. Key. Maie. vnsers vnzweyffeligen verhoffens Gott dem Himlischen Vater vnnd vnserm Herrn Jhesu Christo einen angenemen vnnd gefelligen dienst, welchs auch vmb dieselben E. Rm. Key. Maie. wir inn allem gehorsam vngespart70 vnserer leibe vnnd vermgens vntherthenigst zu vordinen71 vnnd vmb der selben langwirige vnnd gluͤckselige Regierung || [B 4r:] Gott zu furbitten nimmer vergessen wollen. E. Rm. K. M.Gehorsamste vnterthanen.