[A 1v:] Vorred.
Es saget der Heilige Geist durch das auserwelt Werckzeug Gottes Paulum,
das alles, was geschrieben ist, vns zur lere geschrieben sey, Roͤm. 15.1 Jtem,
das was auch den Alten widerfaren ist, sey vns gleich als zu einem Fuͤrbilde
(5) geschehen, vnd sey vns armen Menschen, die wir in den letzten betruͤbten
zeiten2 leben, zur warnung geschrieben. Demnach, so offt als wir gedencken
an den aller weisesten Koͤnig Salomon vnd seine zeit oder leuffte,3 auch sei-
ner Nachkommen suͤnde vnd jammer erwegen, koͤnnen wir vns nicht gnug-
sam daruͤber verwundern, sehen auch offentlich, das es sey ein klar Ebenbild
(10) oder Figur4 vnserer zeiten vnd elenden jammers. Dann, lieber Gott, wer solte
sich nicht vberaus hoch verwundern vnd daruͤber entsetzen, das ein solcher
Man, den Gott mit feinem Geist vnd Weisheit fuͤr allen Menschen auff Erden
gezieret vnd erfuͤllet, mit dem er auch selbs gered,5 der auch so vnaus-
sprechlich viel guts gethan vnd ausgericht hatte, nicht allein in weisem, ge-
(15)rechten, gluͤckseligen Regiment, sondern auch in allerley freien vnd [A 2r:]
hochnuͤtzlichen kuͤnsten, die er zu gutem teil entweder erdacht oder ja viel-
feltig gebessert hat, vnter welchen das noch das groͤste ist, das er den Tem-
pel, in welchem allein Gott auff Erden wonen wolte, vnd in welchem man
allein Gott recht dienen solte vnd in keinem andern auff der gantzen Welt
(20) nicht, gebawet vnd die ware Religion vnd Kirchen Gottes in eine rechte ord-
nung, form oder gestalt gefasset, geordinirt vnd endlich auch in schwang mit
vnendlicher vnkost muͤhe vnd arbeit gebracht hatte,6 Wunder vber alle wun-
der, sage ich, ist es, das sich ein solcher thewrer vnd von Gott hochbegnadter
Man so schendlichen von losen,7 vnuerstendigen Weibern hat vberreden las-
(25)sen, wider den klaren offentlichen Befehl Gottes, den er selbs vnzelig mal
gelert vnd getrieben hat, offentlichen Abgoͤttern Kirchen zu bawen, abgoͤttische dienst anzurichten, ja auch endlich sie selbs anzubeten.8 Es ist auch
ein vnaussprechlich wunder vnd schier ein Mirackel, das weil die leute dazu-
mal so wol vnd richtig von Gott vnterwiesen, weil auch on zweiuel dazumal
(30) vberaus viel hochuerstendige vnd hochgelerte treffliche leute in dem Koͤnig-
reich Jsrael, son­derlich aber zu Hierusalem an der Hohen schul im Tempel
vnd zu hoff waren, nicht sich wider den Koͤnig mit vermanung vnd sonst mit grosserm ernst, laut dem befehl Moysi Deute. 13.,9 gesetzt haben vnd jn dazu
gehalten, das er ent-[A 2v:]weder willig oder auch vngern von solchen grewlichen Abgoͤttereien hette abstehen muͤssen. Denn es scheinet, als haben die
andern J
den nicht viel dawider gered, jn auch daran nicht gehindert oder
dauon abgehalten. Aber es ist leichtlich zu gedencken, das neben der grew-
lichen bosheit vnd angebornen vnart, das wir Gott vnd seine Religion nicht
(5) hoch achten, wird vielen Prosopolipten10 im wege gestanden sein, das sie
also gedacht haben: „Sihe, das ist der allerweiseste Man in der gantzen Welt,
ja auch ein lebendiger Heilig, mit dem der Allmechtige, ewige Gott selbs
persoͤnlich geredt hat. Er wird wol wissen, was zu thun sey. Er sihet mehr,
wenn er schlefft, denn wir, wenn wir wachen.11 Er kan nicht jrren, weil er so
(10) viel vnaussprechliche grosse werck vnd thaten gethan vnd ausgericht hat
etc.“ Ach, die leidige12 Prosopolipsia hat stets den groͤsten schaden in der
Kirchen Gottes gethan. So aber gleich etliche erkandt vnd bey sich beschlos-
sen, das Salomon eine grosse, grewliche, vnermesliche Suͤnde damit begien-
ge, ja auch andern vnzeligen Menschen zu suͤndigen vnd Abgoͤttereien vr-
(15)sach gebe, vnd endlich den erschrecklichen zorn Gottes vber sich vnd andere
vnzelige viel Menschen, zeitlich vnd ewig, fuͤrete, so haben sie doch,
entweder aus furcht oder auch aus verzweiuelung das sie nichts ausrichten
konden, alle vermanung vnd straff solcher Abgoͤtterey vnterwegen13 gelas-
sen. [A 3r:] Es werden auch on zweiuel jr viel von den Weisesten, gelertsten,
(20) kluͤgsten vnd heiligsten Leuten gewesen sein, die jres nutz halben, vnd auff
das sie einen gnedigen Koͤnig haben moͤchten, solche grewliche thaten vnd
Suͤnde nur meisterlich geschmuͤcket14 haben, also nemlich, das man den
frembden Weibern vnd jren Dienern jren Gottesdienst nicht wehren konde,
durch welche doch, als fuͤrnemlich durch des Pharaonis Tochter, nur viel
(25) nutz dem gantzen Volck Gottes vnd jrer Religion geschehe, als nemlich gunst
solches gewaltigen Koͤnigs, fried, mehrung des Koͤnigreichs, allerley nuͤtz-
liche wahre15 vnd handlung, welchs alles die Jsraeliter von den Egyptiern
hetten, vnd es were endlich16 zu hoffen, das man durch solche gemeinschafft
vnd freundschafft die Egyptier zur waren Religion gemehlich bringen wuͤrde.
(30) Gewislich wird jenen Leuten wol so wenig an solchen vnd dergleichen So-
phistischen, adiaphoristischen, gleisnischen17 farben18 gemangelt haben, als
es den vnsern jtziger zeit mangeln koͤnne. Denn die Menschliche vernunfft in
solchen stuͤcken ein rechter Meister ist. Es ist auch weiter ein gros wunder, das, da gleich Salomon von Gott vmb solcher seiner Abgoͤtterey willen ge-
strafft ward, er dennoch nicht Bus that, auch nicht solche seine Abgoͤtterey
abschaffen vnd vertilgen wolte. Denn es scheinet, als weren sie jmmer hin
bis auff seine Nachkomne geblieben vnd gewehret.19 [A 3v:] Da nu Salomon
(5) vnd gantz Jsrael mit solcher grewlichen Abgoͤtterey Gottes zorn verdient vnd
verwirckt hatten, das darnach, neben andern vielen straffen, auch das Koͤnig-
reich in zwey teil gerissen ward,20 daraus ferner ewige, anheimische21 kriege
entstunden,22 da folget der Tyrann Jeroboam, welcher mit vnrecht das
Koͤnigreich bekommen hatte. Derselbige, damit er sein geraubtes Reich be-
(10)hielte, stifftet widerumb newe Abgoͤttereien vnd verfelschung der waren Re-
ligion.23 Da ward abermal ein ewiger, steter, jemmerlicher, ergerlicher zanck
zwischen den zweien hauffen oder Kirchen Jsrael vnd Juda. Die Jsraeliter,
die nu eine Abgoͤttische, falsche Kirchen hatten, verachteten Judam, da noch
die Religion etwas reiner geblieben war. Vnd da gleich der Tyrann sampt
(15) den Jsraelitern von Gott vnd jren Bruͤdern von dem Stam Juda erinnert vnd
vberwiesen24 waren, das jre verfelschte Religion vnrecht were, gleich wol
auff das sie nicht musten beken­nen, sie hetten geirret, auch damit der Tyrann
sein geraubtes Gut nicht wider verlieren muͤste, so wolten sie nicht von jren
erkanten vnd vberzeugten verfelschungen abstehn, sondern verharreten
(20) darinnen, sie vnd jre nachkomne, zu jrem zeitlichem vnd ewigem verderbnis,
verachteten vnd verspotteten dazu auffs mutwilligste, was jnen jre Bruͤder
aus Gottes Wort sagten oder schrieben, sungen oder maleten.25 Wer koͤnde
jmmer mehr gleuben vnd dafuͤr halten, das eine solche vberteuflische bosheit
vnd [A 4r:] halsstarrigkeit, ja rasende, vnsinnige verstockung in eins Men-
(25)schen hertzen kommen koͤnde, wenn mans nicht, beide in der heiligen
Schrifft lese, auch leider mit der that erfuͤre, sehe vnd fuͤlete. Wer koͤnde auch
gleuben, das eine solche schoͤne Kirchen, wie sie in Jsrael zur zeit Dauids
vnd Salomons gewesen ist, so ploͤtzlich solte in eine Abgoͤttische Teufels
Rotten verendert werden? Der Heilige Geist zwar selbs verwundert sich des-
(30)sen vnd saget im Esaia:26 „Wie gehet das zu, das die frome Stadt zur Huren
worden ist? Sie war vol Rechts, Gerechtigkeit wonet drinnen, nu aber Moͤr-
der. Dein Silber ist schaum worden vnd dein getrenck mit wasser ver-
mischet. Deine Fuͤrsten sind abtruͤnnige vnd Diebsgesellen etc.“ Jtem:27
„Wenn vns der Herr Zebaoth nicht ein wenig Samen liesse vberbleiben, so
(35) weren wir wie Sodoma vnd gleich wie Gomorra.“ Das sey nu von den alten zeiten des Volcks Gottes als fuͤr ein hertzlich Klaglied, auch vns zur war-
nung, kuͤrtzlich28 gesagt. Denn wie angezeigt die alte zeite vnd diese Ge-
schichten sind vnsers vergangen vnd gegenwertigen jammers ware Abcon-
terfeiung,29 vnsere Lere vnd warnung, wie denn die zeiten, personen vnd
(5) Sache leicht miteinander zustimmen vnd zu reimen oder zu uergleichen sind,
denn sie zumal sich auff einander reimen vnd einerley sein. Nu wollen wir,
in Gottes Namen, auch von vnserm betruͤbten jamer vnd schweren leufften,30
Gott [A 4v:] zu Ehre, der Warheit vnd Kirchen Gottes zum besten, etwas an-
zeigen vnd nach einander kuͤrtzlich erzelen.
(10) Erstlich, es ist ja meniglich31 wol bewust, das, nach dem Gott aus sonder-
licher vnaussprechlicher wolthat, durch den thewren, heiligen Man D[oktor]
Martinum Lutherum, den dritten Eliam,32 die ware Religion aus der Egyp-
tischen Finsternis des Rhoͤmischen Pharaonis oder Antichrists errettet vnd
erkleret,33 auch die Kirchen recht angericht34 hat, wir allzumal eine Lere vnd
(15) Religion eintrechtig vnd einmuͤtig erkandt vnd bekant haben, bis zum seligen
Tod des obgedachten Mans Gottes Lutheri, ja auch bis zu der grewlichen
verfolgung vnd kleglichem jammer des Kriegs,35 damit vnsere Kirchen
vberzogen sind worden.
Zum andern, da nu derselbige grosse jammer vnd schaden vnsern Euange-
(20)lischen Kirchen widerfure, die widersacher so gewaltig vnd mutig wurden,
das Conci­lium zu Trient sich wider vns setzte,36 auch endlich das verflucht
Jnterim an tag kam vnd man so hefftig vnd streng anhielte vnd grewlich
drawete, das man sich dem Concilio vnterwerffen, auch das Jnterim an-
nemen solte,37 da sind fast alle gewaltigen (ausgenommen etliche seer wenig)
(25) vnserer Religion dahin aus furcht, hoffnung oder sonsten aus leichtfertigkeit
gefallen, dem Gottlosen Concilio sich vnterworffen vnd das Jnterim ange-
nomen, wie solchs klar aus den Actis der zweien Augspurgischen Reichsta-
gen,38 aus der erfarung vnd [B 1r:] aus der offentlichen Histori Sleidani39 zu
sehen vnd zu uernemen ist. Zum dritten, da nu solche gewaltigen, jrer verheissung nach haben wollen,
das Jnterim ins werck setzen vnd gleichwol beneben gesehen, das solchs
dennoch vberaus schwer vnd gefehrlich sein wolte, weil die vnterthanen
solch Papistisch Buch vnd Religion nicht gerne annemen wuͤrden, derhalben
(5) so haben sie aus angebung jrer weisen den weg fuͤr den besten angesehen,
das man nicht flugs40 das gantz Interim eindruͤnge, sondern erst einen gerin-
gern vnd leichtlichern anfang machte, darnach so koͤnde man fein jmer
gemehlich fortfaren, laut der Politischen vnd Artzten Regel: „Omnis subita
mutatio periculosa.“41 Alle grosse vnd ploͤtzliche verenderungen sind gefehr-
(10)lich. Zu dem hat es jnen sehr bequemlich gedaucht,42 das man etliche der
fuͤrtrefflichsten vnd bey dem Volck ansehenlichste Theologen zu jren boͤsen
anschlegen vnd fuͤrnemen gebrauchte. Denn was die selbigen loben oder
auch schreiben vnd anrichten wuͤrden, das wuͤrde gewislich weder der ge-
meine man noch die andern gemeine Prediger oder Lerer duͤrffen anfechten
(15) vmb der grossen vnd ansehenlichen leute namen willen. Jtem, es haben sich
auch hierzu sehr viel andere, sonderlich aber von den gewaltigen vnd Weisen
gefunden, welche alle zum teil aus grosser furcht der siegenden vnd trium-
phirenden widersacher, zum teil auch aus hoffnung groͤssern nutz zu vber-
kommen,43 wie denn auch geschehen, zu jrem guten fuͤrnemen statlich ge-
(20)holffen haben. Daraus denn seer viel practiken vnd rathschlege [B 1v:] ge-
schehen sein, wie man Christum gefangen nemen konde, also aber, ne tumul-
tus fieret in populo, damit nicht ein auffrhur vnter dem volck enstuͤnde. Es
sind auch allenthalben in Deutschland sehr viel iunge Interim gezimmert
worden,44 vnter welchen doch das fuͤrnemest, vnd welchs auch der warheit
(25) Gottes nach dem grossen Interim am meisten schaden gethan hat, ist das
nemlich, so das klein, iung oder Adiaphoristisch Interim genennet wird.45
Die gestalt aber aller solcher handlungen, ja auch der gantzen Kirchen Got-
tes, ist dazumal also formirt gewesen, gleich als wenn man ein herde schafe
zur schlachtbanck triebe, da hinter den schafen weren etliche fleischhauer46
(30) mit geisseln, beitschen, stecken, ruten vnd fleischhauer hunde, die greslich
belleten vnd jtzt das, jtzt jenes schaff bissen. Vorn her aber giengen etliche
den schafen bekante hirten, welche den armen, einfeltigen47 schafen freundlich zusprechen vnd sie fortzugehen zu jrem verderben lockten. Denn die wi-
dersacher, ja auch vnsere gewaltigen trieben vns auffs hefftigst mit drawen,48
ja auch mit schrecklicher gewalt, damit wir ja widerumb in Egypten49 zum
Antichrist durch jre Interim keren wolten. So stunden da forn an auch vnsere
(5) fuͤrnemesten Theologi oder Lerer vnd viel andere Weisen vnd gewaltigen,
versuchtens auch jrem besten vermuͤgen nach, wie sie die arme Kirche Christi
mit jren listigen, sophistischen vnd gleisnischen50 Interim fort zu locken ver-
moͤchten. Zum vierden, da nu die sachen der kirchen Gottes so gar vbel vnd gefehrlich
(10) stunden, das auch alle tag nicht allein einzele personen, sondern auch [B 2r:]
gantze Kirchen vmbgekert51 vnd (so zu reden) dem Teufel vnd seinem Anti-
christ geschlachtet wuͤrden, da merckten erst die armen Christen solchs vn-
gluͤck vnd ward bey jnen gar ein jemerlich, vnaussprechlich seuftzen vnd
hertzlich wehklagen, das doch Gott jemand erwecken wolte, so jtzt in sol-
(15)cher not vnd vnaussprechlichem jamer der Kirchen Gottes, etwas zum trost
vnd vnterricht, mit verlegung52 der mancherleien vnd geschwinden53 verfel-
schungen vnd vermanung zur bestendigkeit, schreiben wolt. Sie klagten auch
jemerlich, das zuuor in friedes vnd sichern zeiten jederman geschrieben vnd
geschrien hette, aber nu, do es die rechte zeit dazu verhanden were, wolte
(20) niemands daran. Das solch betruͤbnis vnd hertzlich seuffzen vnd sehnen nach
Christlichen schrifften war, ist vnleugbar, es wissens vnd bezeugens auch
noch heutiges tags vnzelige Christenmenschen. Vnd wiewol von erst die
Christen aus dem Interim (weil es etwas groͤber war, weil auch etliche
schrifften der vnsern vnd anderer dawider ausgangen waren)54 sich noch
(25) zimlich auswickeln55 oder auswircken56 konden, so war doch darnach, da die
Adiaphora kamen, aller trost hilff vnd rath wider verloren vnd verschwun-
den, also das die armen Christen durchaus nicht wusten, wohin sie sich jm-
mer wenden, was sie thun oder lassen solten. Da war nicht allein der leib-
liche, sondern auch der geistliche fried verloren. Es wusten die armen Christen
(30) nicht dazumal, was sie mit guten oder boͤsen gewissen thun oder lassen
konden, sondern giengen jrre, gleich als in einer tieffen finsternis, in grosser
trawrigkeit vnd wehmut, klagten vnd beweineten jren jamer [B 2v:] vnd
elend on trost, vnd sehneten sich vnaussprechlich seer, das doch jemand moͤchte auffstehen, der sie in solchem fall recht vnterweisen vnd den ver-
fuͤrern, sampt den falschen Bruͤdern,57 das maul stopffen koͤnde.
Zum fuͤnfften, jn solchem grossen jamer vnd betruͤbnis, ja so zu reden, ver-
zweiuelung aller Christen, gab Gott dennoch seine gnad vnd segen, das wir
(5) vnd etliche andere pusilli Christi58 vns wider solche listige, hochschedliche
vnd verfuͤrerische vergleichunge Christi vnd Belials59 setzten vnd dawider,
der warheit zu gut, so viel Gott der Herr gnad gabe, handelten, vnterweisen
die leute von den vielfeltigen, grewlichen suͤnden, so in solcher Adiapho-
risterey vnd kleinem, iungem Jnterim stickten, vermaneten die leute zur
(10) bestendigkeit, ernstlichem Gebet zu Gott vmb huͤlff vnd rettung, troͤsteten sie
auch auffs beste wirs thun koͤnden vnd es die hochbetruͤbte zeit gab.60 Es war
aber alles solchs vnsers schreibens end vnd summa nichts anders, denn eine
vermanung zur bestendigkeit in der so viel jar her erkanten, bekanten vnd
angenommen lere vnd Religion, dahin giengen eigentlich alle vnsere Schriff-
(15)ten vnd sonst nirgent hin, wie solchs dieselbige noch heutiges tags bezeugen.
Ehe wir aber angefangen haben solche wichtige sachen offentlichen zu han-
deln, haben wir zwen, ich Jllyr[icus] vnd Gallus, zu mehrmaln mit den Adia-
phoristen auffs aller fleissigst gered vnd freundlichen gebeten, das sie doch
solche Gottlose verglei-[B 3r:] chungen (welche eine rechte Jsagoge, einlei-
(20)tung oder einfuͤrung des Interims, ja eine rechte verderbung vnserer Kirchen
weren) nicht foͤrdern, sondern viel mehr hindern wolten.61 Sonderlich ich,
Jllyr[icus], hab fast ein gantz jar mit den Adiaphoristen gehandelt, da ich jr
wancken vnd der Jnterimisten Teuflische practiken vermerckt, das man ja den
widersachern nicht in dem geringsten weichen wolle, welchs sie mir auch zu
(25) mehrmaln auffs ernstlichst verheissen, die Adiaphora, alles weichen vnd ver-
gleichen nur auffs hefftigst verdampt vnd vber die Achitopheles,62 so sie da-
zu mit gewalt vnd listen gezogen, nur auffs aller jemerlichst geklagt haben.63 Zum sechsten, da wir nu gleich aus not haben angefangen dawider zu schrei-
ben, vnd die armen Christen von solchen verfelschungen vnterweisen vnd
vermanen, so haben wir gleichwol solche Christliche bescheidenheit gehalten,
wie im Buͤchlin von der Einigkeit64 nach der lenge von mir, Jllyr[icus], ange-
(5)zeigt vnd erklert ist, das wir allein abschaffung der hochschedlichen Adia-
phoristerey, auch stets Christlichen fried zu mehrmaln ernstlich gesucht vnd
gern die schuld solcher verfelschungen von jnen auff die Achitopheles oder
auff den G. geist65 geschoben hetten. Endlich so haben wir nie solche boͤse,
lesterliche vnd gifftige wort vnd schmehen wider sie gebrauchet, wie zuuor
(10) vnd newlich wider vns geschehen, sondern schlecht66 von der sachen gehan-
delt vnd angezeigt, das solch weichen vnd nachgeben vn-[B 3v:]christlich
vnd hochschedlich sey, wie man denn das in solchen sachen mus reden, wil
man anders was klar vnd deutlich anzeigen, denn auch solcher greulicher
jamer fuͤrnemlich von jnen herkomen ist. Dagegen aber haben vns die Adia-
(15)phoristen flugs67 von anfang hefftig verdampt, als zum zeugnis, ehe wir was
von jnen geschrieben, bald vmb Ostern des 49. jars in des Pseudobasilij
Oration,68 das ich, Jllyricus, were von der Kirchen Gottes abtruͤnnig worden,
also gar allein sind sie die Kirchen Gottes. Sie grieffen auch die sach mit
gewalt an von anfang des 49. jars, wie die erschrecklichen Exempel etlicher
(20) mehr Prediger offentlich bezeugen.69 Allenthalben wo irgent in Deudschland
die Kirche vnd ware Religion verdruͤckt70 vnd verhoͤret71 sind, das ist durch
jr Exempel ansehen vnd schrifften oder durch jr jung Interim geschehen.
Allenthalben sagten die wanckelmuͤtige zu den bestendigen Lerern vnd
zuhoͤrern: „Sihe dieser vnd jener hochgelerter dein Preceptor, diese vnd jene
(25) hohe schul etc. williget in das vnd jenes. Bistu den kluͤger, heiliger oder ge-
lerter denn sie?“ Da aber je etliche bestendiglich wider solche verfelschun-
gen sich setzten, so kostete es die Jnterims vnd Adiaphorn knechte nicht
mehr denn einen brieff an jre Adiaphoristen, denn da kam bald von jnen eine
damnation oder verdamnung vber solche, das man sie auch weg triebe, wie
(30) es denn auch geschach. Da giengs darnach nach dem spruch: „Percutiam pastores et dispergentur oues gregis.“72 [B 4r:] Drumb, so ward an etlichen
orten das Augspurgisch Interim, an etlichen orten auch das gantz Babstumb,
an etlichen sonst allerley Adiaphorische verfelschungen vnd grewl, on mas
vnd ende, widerumb eingefuͤrt.
(5) Zum siebenden, neben vielen andern schrifften auff jrem teil, gieng auch
eins mit dem Titel „Gruͤndlicher bericht”73 aus, darinnen sie sich zu jrem
Jnterim bekanten vnd alle solche vergleichungen Christi mit Belial mit hoͤch-
stem fleis vnd ernst verteidingten. Jtem, da sie sahen, das es mit dem gantzen
jungen Interim nicht wolte angehen, da zimmerten sie draus einen kurtzen
(10) auszug,74 welchen sie auch im Druck ausgehen liessen mit einem ernstlichen
Mandat,75 das alle Pfarherrn denselbigen annemen vnd halten solten vnd
musten. Derselbige auszug ward den Pfarherrn hin vnd wider geschickt, vnd
ward auch an vielen orten bereit angenomen, die sich aber dawider setzten,
wurden an die Consistoria gewiesen vnd darnach den Amptleuten vnd Pfle-
(15)gern weiter, gleich als auff die fleischbanck zu opffern, befohlen. Jtem, noch
mehr sie hielten Conciliabula76 mit einander vnd schrieben ein Agend77 oder
gros Pontifical, darinnen sollen seer viel greuliche Papistische grewel sein,
damit sie die Kirchen Gottes haben beschmeissen78 wollen. Es ist gewislich
nicht on vrsach, das sie es so gar fleissig bergen, sich desselben schemen vnd
(20) deshalben nicht an das liecht lassen kommen. [B 4v:] Wer aber ein summa
von beider seits schreiben haben wil, der sol wissen, das alles vnser schrei-
ben vnd thun zu dem zil vnd end gerichtet vnd gemeint ist, das es sey (wie
auch oben beruͤret) eine vermanung zur bestendigkeit in der erkanten war-
heit, vnd sonderlich zu der Augspurgischen Confession. Vnd widerumb jhrer
(25) der Adiaphoristen sey ein lauter schein vnd betrug, durch den die leut haben
sollen zum Bapsthumb gefuͤret werden, wie denn der fuͤrnemste Meister
selbs etliche mehrmaln seinen Traum von den Adiaphoris also erklert hat, das es sey fenster oder etwas zum schein machen, das da hat zu der Mess
vnd gantzem Bapstumb gereichen vnd dienen sollen.79
Zum achten, da nu solche der Jnterimisten vnd Adiaphoristen Meisterstuͤck
allzumal vmbsonst waren, weil stets dawider geschrieben ward vnd die Gott-
(5)fuͤrchtigen Christen sich dawider sezten, da ward widerumb Anno 1550 ein
grosser rath gehalten,80 wie man doch dem armen, krancken Interim helffen,
damit es doch einmal einen fortgang gewinnen koͤnde. Vnd wie aus den actis81
vnd Sleidani histori82 klar ist, klagten die jenigen, so das Interim angenomen
hatten eintrechtig, dz sie es darumb rollend ins werck nicht fortsetzen koͤn-
(10)den, dieweil viel Schmehebuͤcher dawider zu N.83 ausgiengen. Drumb be-
schlos man vber solche Cantzley Gottes84 das Crucifige.85 Da giengs an vnd
machte sich fast gantz Deutschland des vnschuͤldigen Bluts der Christen vnd
der verfolgung Jhesu Christi wissentlich vnd wider der Gewissen teil-
hafftig.86 [C 1r:] Aber der Allmechtige, guͤtige Gott wandte vnd kerte solche
(15) boͤse fuͤrnemen so wuͤnderlich vmb, das sich das Jnterim vnd die Adiaphora
sampt jrem Vater dem Antichrist wenig desselbigen zu frewen haben.
Zum neundten, nach dem krieg nemlich,87 am ende des 1551 vnd folgenden
jars, haben wir vns gleichwol seer bemuͤhet, das doch der Adiaphoristischer
streit zu einem Christlichen ende gebracht, die jrthumen auffgehaben vnd
(20) fried vnd einigkeit angerichtet wuͤrde, wie denn solchs vnsere gedruͤckte Schrifften offentlich ausweisen, darinnen wir mittel vnd weg zum fried fuͤr-
geschlagen, vns auch dazu aller billigkeit nach erbotten vnd den gegenpart
dazu prouocirt haben.88 Jtem, da dieselbige zeit Osiander vnd Schwenckfeld
die Adiaphoristen Religion auffs hefftigst angrieffen,89 haben wir in vnserm
(5) grossen betruͤbnis vnd gefahr nicht wollen denselbigen beyfall thun, wie sie
auch viel andere vermeinten, sondern jnen noch darzu auffs ernstlichst, so
viel vns jmer muͤglich gewesen, widerstanden.90 Jtem, so haben wir neben
andern handlungen eine offentliche Schrifft lassen ausgehen,91 darinnen wir
vns erbotten vnd sie prouocirt zu einem Christlichen, vnparteischen vrteil,
(10) auch etliche mittel zur einigkeit vnd hinlegung der streitigen sachen fuͤrge-
schlagen. Sie aber dagegen haben neben der zornigen verdamnung vnd leste-
rung aller vnsern, so sie, beide schrifftlich vnd in lectionibus, auch Predig-
ten, gethan,92 neben [C 1v:] der zum teil gefallenen Adiaphoristerey, den
jrthum, das gute werck zur seligkeit noͤtig sein, auffs hefftigest in gedruͤckten
(15) schrifften zu treiben angefangen vnd dazu gethan, das nie jemand on gute
werck selig worden sey, vnd das es vnmuͤglich ist, das jemand on gute werck
koͤnne selig werden,93 dadurch dann eigentlich den armen, groben94 suͤndern alle hoffnung der seligkeit genommen, das Euangelium mit dem Gesetz ver-
mengt vnd die krafft des leidens vnd verdiensts Jhesu Christi scheuslich ge-
schmelert wird etc. Dawider nu viel, Gott lob, vnd von vielen Christen
gruͤndlich geschrieben ist. Vnd wiewol sie, die Adiaphoristen, auch nicht ge-
(5)feiert95 haben, jedoch so sind sie gleichwol seltzam damit vmbgangen. Jtzt
haben sie es verdamnet, auch in offentlichen lectionibus vnd predigten, jtzt
widerumb gelobt, wie sie es denn noch heutiges tags loben.96 Weiter, so
haben wir von anfang des 56. jars abermal eine Apologiam semptlich lassen
ausgehn,97 darinnen wir mittel vnd wege zur einigkeit angezeigt vnd vns
(10) abermal zum Christlichen vrteil erbotten. Jtem, im selbigen 56. Jar haben ich,
Jllyr[icus], vnd Wigandus durch mehr statliche98 personen, vmb Christlichen
fried fast den gantzen Sommer gehandelt.99 Endlich hat N.100 durch zween
Doctor anzeigen lassen, er wolte gern mit vns, sonderlich mit mir, Jlly[ricus],
in gegenwertigkeit sich vnterreden.101 Da haben wir vns durch ein eigenen
(15) botten schrifftlichen erbotten, wir wolten komen,102 aber er hat vns gar zor-
nig vnd vngestuͤm in einem brieff, den er mit seiner eigen hand [C 2r:] ge-
schrieben,103 geantwort, darin er vns vnd vnsere mitbruder tolle,104 rasende
heuchler, luͤgner, insidiatores105 genent vnd gelestert. Jtem, in demselbigen
56. jar haben ich, Jllyr[icus], vnd Gallus etliche brieff an N. geschrieben,106
(20) jn auffs freundlichst gebeten vnd vermanet, er wolte doch vmb Gottes willen
die Adiaphorische vnd Maioristische jrthumen, so er zuuor eingefuͤrt, auffheben, auff das die ware Religion moͤchte lauter107 vnd rein erhalten, ein
Christlicher fried vnd einigkeit widerumb angerichtet werden. Da hat er vns
halb ja, halb nein geantwort.108 Endlich aber hat er solch vnser Christlich
schreiben vnd vermanen also gedeutet, das wir jn damit trawrig machen vnd
(5) mit einander jn zu wuͤrgen raths weren worden.109 Da ich, Jllyr[icus], nu ge-
sehen, das mit vnser priuata actione oder handlung vmbsonst sein wolte, lies
ich darauff ein Buͤchlin mit dem Titel „Von der einigkeit“ ausgehn,110 dar-
innen ich mich erst entschuͤldigt, darnach viel mittel vnd conditiones zu der
Christlichen einigkeit gewiesen habe, mich auch zu allen denselbigen
(10) fuͤrgeschlagnen mitteln auch andern bessern, so etwa ein ander erdencken
moͤcht, hoͤchlich erboten.
Zum zehenden, so hab ich, Jllyr[icus], beide muͤndlich vnd schrifftlich, mit
vielen hochgelerten, auch gewaltigen, grossen Herrn selbs gehandelt vnd an-
dere handeln lassen, dz sie wolten jr bestes dazu thun, auff dz doch dieser
(15) Adiaphoristischer handel moͤcht durch vnterhandlung oder auch durch ein
vnparteisch frey vrteil Christlich erkent vnd geendet werden. Als zum zeug-
nis: ich hab im anfang des 1557. jars zwo fuͤrstliche [C 2v:] Personen in mei-
ner gedruͤckten Bekentnis trewlichen gebeten, das sie mit den Adiaph[oristen]
von den dingen handeln wolten, welchs sie auch gethan.111 Aber was sie
(20) damit ausgericht, wei­sen jtzt fein aus die Lesterschrift, so darnach ausgangen
sind.112 Solchs mein Supplicirn113 bey den Gelerten vnd weltlichen Herren,
das sie zur Christlichen noͤtigen einigkeit rathen vnd helffen wolten, deuten
mir die Adiaphoristen, so solche verfelschungen nicht auffheben, auch kei-
ner Christlichen einigkeit begirig sind, das ich die grossen Herren anhetze, sie wolten sie entweder vertreiben oder gar dazu wuͤrgen. Wollen sie nu je
also alles zum ergsten deuten, wer kan denn solchen leuten helffen oder
rathen? Weiter, so haben ich, Jllyr[icus], vnd Wigandus auch im Sommer des
56. jars nur auffs fleissigst gehandelt, muͤndlich vnd schrifftlich, mit vnsern
(5) lieben bruͤdern in Christo, den Predigern in Sachssenland, das sie doch auch
wolten versuchen, zwischen vns vnd den Adiaphoristen von auffhebung der
Corrupteln vnd Christlichen einigkeit zu handeln.114 Solchs hat sich nu ein
zeitlang verzogen,115 doch haben sie sich gleichwol zimlich116 wol erbotten.
Es haben auch etliche solch vnser begeren den Adiaphoristen angezeigt, da
(10) hat jnen der fuͤrnemster geantwort, sie solten nur komen, denn er wolte sich
aller gebuͤr nach willig vnd bereit erzeigen vnd vernemen lassen.117
Zum ellfften, jm anfang des 1557. jars kamen nu obgedachte Lerer aus den
fuͤrnemsten stedten in Sachssenland,118 welche viel zwischen vns vnd [C 3r:]
den Adiaphoristen zu C.119 gehandelt haben. Der gantze handel aber, in sum-
(15)ma kuͤrtzlich dauon bericht zu thun, gieng dahin, das wir stets (Gott weis es)
weichen, nachgeben vnd gelindere conditiones pacis suchen vnd willigen
musten.120 Aber es konde sich endlich kein baum finden, der dem Marcolpho
hette koͤnnen wolgefallen,121 bis das endlich der fuͤrnemster Adiaphorist122 klar sagt, er woll die Adiaphora gantz vnd gar nicht verdamnen, noch jemand der dabey gewesen nur pregrauiren123 oder beschwehren.124 Also kriegte der
handel zu C. sein end. Die Adiaphoristen sind durch den gantzen handel gar
boͤs vnd vngestuͤm gewesen, wie aus jren Schrifften, so sie den gesandten
vbergeben, zu sehen ist.125 Aber mit reden sind sie noch wuͤnderlicher
(5) gewesen, also das N.126 etlich mal, da man mit jm auff das allerfreundlichst
gehandelt hat, auffgefaren ist vnd geschrien: „Jr seid komen, das jr mich
vnterdruͤcket. Nempt mich hin, martert mich, creutziget mich, wuͤrget mich
etc.“127 Jtem, sie haben auch eben in dem handel wider vns vnd die Mitler
oͤffentlich gepredigt, auch mit namen128 vns luͤgener vnd Buben (contra ius
(10) Gentium)129 gescholten.130 Jtem, sie haben einen vberaus schendlichen, vn-
fletigen Pasquillum wider vns gemacht131 (wie denn auch der theter132 be-
grieffen133 worden ist), darinnen sie mit namen die Sechssische Gesandten
vnd vns schendlich ausgeholhuͤpelt134 haben. Nach diesem handel ist bald ein
ander im Februario geschehen, da ein Durchleuchtiger, hochgeborner Fuͤrst
(15) etc. durch seine stadtliche Ge-[C 3v:]sandten vnd namhafftige personen eine
gewisse Formulam des vertrags beiden parten fuͤrzuhalten vnd vom fried zu
handeln geschickt hat, wie denn zuuor beider teil seine F. G. darumb gebeten
hatten. Aber vber dieselbige gesandten sind die Adiaphoristen so gar vnwil-
lig gewesen, das sie sie auch nicht ausreden vnd jr gewerb thun haben lassen wollen.135 Jtem, hernach, kurtz vor Ostern,136 hab ich, Jllyr[icus], vermoͤcht den hochwirdigen Bischoff Vergerium,137 das er von auffgebung der jrthu-
men vnd Christlichen einigkeit mit dem fuͤrnemsten Adiaphoristen138 han-
deln wolte, wie auch geschehen. Aber er hat gentzlich nichts ausrichten koͤn-
nen, denn derselbig stets zu jm gesagt hat: „Lieber, sagt mir nichts dauon.
Last vns von was anders reden.“139 Wie endlich mit grossem ernst vnd demut
jtzt im Collo140 bey den Adiaphoristen durch statliche vnd fuͤrtrefflichste per-
sonen gesucht worden ist, das sie doch wolten die jrthumen verdamnen, fried
vnd einigkeit in vnsern Kirchen helffen auffrichten,141 aber alles vmbsonst,
(10) ist fast ruͤchtbarlich,142 es wird auch ein mal, wils Got, besser angezeigt vnd
ausgestrichen143 werden.
Dieses haben wir jtzt also nach einander kuͤrtzlich erzelen vnd anzeigen
wollen, wie die sach oder Adiaphoristischer Streit von anfang sich erhaben,
wie vielfeltigmal wir auch vnsere Christliche modestiam vnd gelindigkeit
(15) bewiesen, nach Gottseligem fried vnd auffhebung der jrthumen hertzlich vnd
freundlich getrachtet vnd dagegen, wie die Adiaphoristen alle Christliche,
freundliche vnterhandlung vnd mittel zum fried hoffertig144 ausgeschlagen
vnd [C 4r:] verhindert haben, geschweigen viel iniurien vnd felschlichen
aufflagen,145 die sie wider mich, Jllyr[icus], vnd sonst erdacht vnd von mir
(20) vnwarhafftige brieue vnd bericht (darauff bereit zum teil geantwort) schier in gantz Deutschland ausgebreit vnd mich grewlichen Ketzerey (on grund)
beschuͤldigt haben.146
Zum zwelfften, so haben wir nu eine zimliche lange zeit keine schrifft wider
die Adiaphoristen, vmb friedes willen, ausgehen lassen, bis vns Menius147
(5) dazu gedrungen hat,148 aber sie haben dagegen etliche mehr, ja seer viel
vberaus gifftige, vnwarhafftige schrifften lassen ausgehn,149 darauff anders-
wo, sonderlich in der Apologia,150 geantwort ist.
Zum dreizehenden, weil die Adiaphoristen so gar mutwillig151 in jren jrthu-
men verharren, dazu alle schuld noch auff die, so den verfelschungen wider-
(10)standen, werffen, jr verfelschungen verkleinern vnd nur ein kinderwerck nen-
nen, auch endlich alle freundliche Christliche friedhandlung in dieser sache
stoltz vnd vbermutig ausschlagen, so haben wir vnd viel andere frome Chris-
ten, die vns dazu vermanet, fuͤr gut vnd noͤtig angesehen, alle jre Adia-
phorische jrthumen vnd ergernisse aus jren eigen schrifften, sonderlich aber
(15) aus jrem jungen oder L[eipziger] Jnterim152 gezogen, in einer sonderlichen
schrifft ausgehn zu lassen, auff das die gantze Kirche jren schaden wuͤste
vnd sich wider solche schedliche verfolgung setzte, mit beten, bekentnis vnd
verdamung derselbigen. Aber wir wollen hie kuͤrtzlich etliche mehr vrsachen
erzelen, auff das jederman vnsers thun rechenschafft habe.
(20) Fuͤrs erste, es ist offtmals bewiesen, das man sol vnd mus die Adiaphoristrey
schriftlich vnd muͤndlich [C 4v:] straffen vnd verdamnen. Das kan aber nicht
wol153 geschehen, wenn man alle die jrthume nicht weis, oder nach einander
erzele vnd darthu.154
Zum andern, es ist seer nuͤtzlich den armen, einfeltigen155 Christen, das man
(25) jnen gleich als auff einer Tafel, beide die jrthumen vnd die warheit Gottes,
erzele vnd fuͤr die augen male, damit sie was Christlich vnd gut ist annemen
vnd was vnchristlich vnd falsch ist fliehen vnd meiden koͤnnen. Zum dritten, es erfodert die ehre Gottes vnd seines lieben Sons, das man die
listige, schedliche Werck des Satans, die Christus zerstoͤret, vnd sonderlich
die hochschedliche jrthume offenbare, allen bekant mache vnd straffe.
Zum vierden, zu gleich wie vns hochnuͤtzlich vnd troͤstlich ist, wenn wir
(5) befinden, das eben die jrthume des Bapsts oder andere lang fuͤr vns von den
waren Christen verdamnet sind, also wird on allen zweifel diese erzelung der
verdampten jrthumen auch den nachkomen einen hertzlichen trost geben,
wenn sie nemlich wissen werden, das eben die jrthumen von jren voreltern
gestrafft vnd verdampt sind. Denn der Teufel kompt gemeiniglich mit seinen
(10) alten jrthumen herfuͤr, alleine das er jnen eine andere farbe anstreicht oder
eine andere Sophistische laruen anzeucht.
Zum fuͤnfften, es wird solche erzelung oder fuͤrmalung der Adiaphorischen jr-
thumen auch denen, so gefallen,156 vnd nu sicher hin gehen vnd meinen, sie
habens nur wol ausgericht, zu jrer [D 1r:] Busse vnd Bekerung dienstlich sein.
(15) Zum sechsten, weil die Adiaphoristen weit von der sachen lauffen, schreien
dagegen vnd tichten, was sie geluͤstet, so mus man sie herzu durch solche
erzelung jrer jrthumen zur sachen ziehen vnd treiben.
Zum siebenden, wie Moses die Juͤden offt ernstlich erinnert von allem jamer,
daraus sie Gott erloͤst, sie auch Gott dafuͤr zu dancken vermanet,157 also wird
(20) auch diese erzelung der Adiaphoristischen jrthumen, von denen vns Gott
gnediglich erloͤset, zu erweckung der Dancksagung in vielen Christen dienen
vnd nuͤtzlich sein.
Zum achten, es sind die Christen allenthalben grewlich als halsstarrige vnd
vngehorsame leute geschmehet, auch verfolget worden, nur darumb, das sie
(25) die Adiaphoristerey nicht willigen vnd annemen, sondern die bis auff den
heutigen tag verdampt haben wollen. Darumb, so mus man dessen vrsach sa-
gen vnd beneben anzeigen, wie grewlich die Adiaphorische jrthume sind.
Zum neunden, es ist wissentlich, das die Christliche Kirchen stets gepflogen
hat die jrthume verdamnen vnd offentlich verzeichnen,158 darumb, so muͤs-
(30)sen wir jtzt solchs auch thun vnd solchem Christlichen Exempel nachfolgen.
Zum letzten, wil man den jrthumen widerstehen, so mus man die Christen
zum Gebet wider solche jrthume erwecken. Das kan aber nicht wol159 ge-
schehen, wenn man nicht dabey anzeigt, wie grosse jrthume vnd gefahr ver-
handen sind. [D 1v:] Vermanen derwegen alle Christen bey jrer Tauff pflicht
(35) vnd gehorsam,160 den sie dem allmechtigen Gott schuͤldig sind, sonderlich aber rechtschaffne Christliche lerer vnd regenten, sie wollen doch vmb Got-
tes willen diese vnd andere jrthumen, so jtzt in der Kirchen Gottes frey gehn
vnd wallen,161 mit allem ernst vnd fleis betrachten, erwegen vnd auffs erst
jrem besten vermuͤgen nach dazu thun, damit solche vnd dergleichen Gott-
(5)lose jrthume einmal gentzlich durchaus moͤchten verdampt vnd aus der Kir-
chen ausgerottet werden.
Es meinen aber vnd sagen leider etliche sichere leute, das Jnterim sey lang
mit sampt den Adiaphoris hinweg,162 drumb, so duͤrffe man sich nicht so
hoch daruͤber bekuͤmmern. Aber es ist dem viel anders. Derwegen, so sol
(10) man diese nachfolgende vrsache, warumb man dazu mit ernst thun solle vnd
muͤsse nur wol betrachten.
Erstlich, das die Adiaphora noch in vielen Kirchen (so gleichwol
Euangelisch sein wollen) offentlich sein, da sie auch durch das fuͤrnemst, jr
jung oder Adiaphorisch Jnterim eingefuͤret sind. Dann alda gehet man noch
(15) vmb mit Creutz vnd fanen, mit Creutz begraben etc.163 Die vergangne Ostern
hat man noch alda den klotz, wolt sagen, Crucifix, mit anbetung, liechtern,
gesengen, grossen Papistischen gebreng vnd endlich mit grosser trawrigkeit
vnd mit leiden begraben, jm auch lassen tag vnd nacht singen, bis sie jn wider
auffgesungen164 haben. Jtem, man geht da auch noch vmb mit der abgoͤt-
(20)tischen monstrantz.165
Zum andern, es stecke die Adiaph[oristischen] jrthume noch vnzeligen men-
schen in jren hertzen, denn man kan [D 2r:] nicht so bald einen jrthum aus-
rotten als einseen. Darumb, so mus man die armen Gewissen fleissig, klar
vnd emsig vnterrichten vnd die hochschedliche jrthumen aus jrem hertzen
(25) auswurtzeln.
Zum dritten, das exempel des weichens, nachgebens vnd vergleichens Christi
vnd Belials wird noch gewislich der kirchen zu allen zeiten grossen,
greulichen schaden thun. Denn als bald jrgend ein gefar angehn oder sich
zutragen wird, so wird man widerumb zu solchem flickwerck vnd verglei-
(30)chen Christi mit Belial komen, zweien Herrn dienen166 vnd, wie man sagt,
auff beiden achsseln167 tragen wollen, dazu auch der grossen Theologen ex-
(808)empel vnd gruͤnde anziehen.168 Darumb, solchem kuͤnfftigen vbel fuͤrzu-
komen, ist hoch von noͤten, das man solche boͤse exempel klar verdamne vnd
auffhebe, damit sie nicht mehr schaden thun muͤgen.
Zum vierden, das die gedruͤckte vnd vngedruͤckte Adiaph. schrifft noch ver-
(5)handen sind, welche auch on zweifel, so sie nicht verdampt werden,
noͤtiglichen grossen schaden der Kirchen anlegen werden. Derhalben ist von
noͤten, so man anders der Kirchen Gottes trewlich rathen wil, das man solche
Adiapho. schriffte als jrrige verdamne, damit sich auch andere leute dafuͤr zu
allen zeiten zu huͤten wissen.
(10) Zum letzten, es haben sich die armen Christen in Deutschland nur auffs
greulichst mit diesen Bulen169 mit dem Antichrist zu Rom mit abfallen,
stillschweigen, wancken, verfelschen, ja auch verleugnen, die warheit Gottes
versuͤndiget vnd den grausamen zorn Gottes, der ein verzerends fewr ist,170
vber sich vnd gantz Deutschland, ja auch vber die nachkomne geladen.
(15) Dieser vnaussprechliche schaden vnd jamer ist [D 2v:] viel groͤsser vnd
vntreglicher denn keine Menschliche oder auch Englische171 vernunfft fassen
vnd verstehen kan. Es sagt die h. Schrifft: „Durum est incidere in manos
omnipotentis Dei.“172 Was kan doch groͤsser vnd greulicher sein, denn sol-
chen erschrecklichen zorn Gottes auff sich laden vnd des aller grausamsten
(20) Straff Gottes alle tag gewertig sein. Ach, das die Menschen solchs nicht zu
gemuͤt furen wollen. Derhalben, auff das sie dem zukuͤnfftigen zorn Gottes
entfliehen moͤgen, ist es hoch von noͤten, das man jnen solche grewliche
suͤnde anzeige, damit sie Bus thun, Gott vmb gnad vnd verzeihung bitten vnd
der zeitlichen vnd ewigen straffe entrinnen moͤgen. Der Allmechtige, ewige
(25) Gott erhalte vns bey seinem wort vnd erloͤse vns von dem Antichrist vnd
seinen Greweln,173 vmb Jhesu Christi seines lieben Sons willen. Amen.
Nicolaus Gallus, Superintendent zu Regens[burg]
Johannes Wigandus, Superint. zu Magd[eburg]
Matthias Flacius Jllyricus.
(30) Johannes Aurifaber, Hoffpredig. zu Weimar.
Anthonius Otto, Pfarherr zu Northusen.
Mattheus Judex, Diaconus zu Magdeb. [D 3r:] Die Adiaphorische Jrthume oder Corrupteln vnd Ergernisse.
Wiewol die Adiaphorische verfelschungen vnd vergleichungen Christi mit
Belial durch viel vnd mancherley Schrifften, dazu mit seltzamen, boͤsen
practiken174 in die Kirche Gottes mit vnaussprechlichem schaden der Goͤtt-
(5)lichen warheit vnd vnzeligen Seelen ewigem verderbnis eingefuͤret sind, je-
doch so ist die fuͤrnemste, schedlichste vnd gewisseste, oder am meisten
gleubwirdige Schrifft, die nem­lich, so man das L[eipziger] oder jung Jnterim
nennet,175 welchs im anfang des 1549. jars im Jarmarckt176 auff den Landtag,
da man vom Augspurgischen Jnterim berathschlaget hat, der gantzen Land-
(10)schafft von den Adiaphoristen fuͤrgehalten worden ist. Welchs jung Jnterim,
wiewol es nicht von stund an177 gedruͤckt, ist es doch offentlich publicirt178
vnd alsbald in allen andern vmbligenden Landen als ein authenticum, glaub-
wirdiger Beschlus, ausgebreitet worden, da man denn statlich179 dauon berat-
schlaget vnd an etlichen orten es auch ange-[D 3v:]nomen, an etlichen aber
(15) verworffen hat, das also solche Schrifft, iungs Jnterim oder formula der
Adiaphoristerey nicht mehr einem menschen, zweien oder nur einer Stad,
sondern fast dem gantzen Deutschland zugehoͤrig ist. Auff das aber nicht je-
mand sagen moͤchte, es were vielleicht eine vngewisse180 schrifft, weil sie von
den Adiaphoristen selbs nicht offentlich in Druck gegeben,181 so ist zu wis-
(20)sen, das sie einen auszug daraus gezogen vnd den offentlich gedruckt haben,
darinnen sie, wie auch in neben publicirten, ernstlichen Mandat,182 klar solchs
jr Jnterim einen beschlus des Landtages nennen.183 Damit sie klar anzeigen,
das es eine gewisse184 vnd beschlusschrifft sey, welche sie auch mit der
that185 zu halten vnd zu exequiren gedechten. Gott gebe, es gefalle darnach
(25) jemand oder nicht. Darumb so ist, wie gesagt, solch Jnterim eine gewisse
vnd offentliche Schrifft, darauff man nur recht fussen186 kan. Das nu weiter
solche Schrifft hernach von vns eben also zu Magd[eburg] gedruckt, wie dieselbige zu L[eipzig] publicirt ist, beweise ichs mit diesen vnbeweglichen187 gruͤnden. Zum ersten, so haben wir ein exemplar desselbigen L[eipziger] oder jungen
Jnterims mit des fuͤrnemsten Adiaphoristen188 eigner hand gebessert, wie
(5) jederman der es nur sihet solchs bekennen mus, welchem exemplar wir im
Drucken nachgefolgt haben. Darumb dis exemplar allein kan gnugsam bey
allen der warheit liebhabenden zeugnis geben, das solche jre Formula oder
Jnterim von vns nicht im gedruͤckten exemplar verfelscht sey.
[D 4r:] Zum andern, so haben wir eben das Exemplar, das den gesandten der
(10) stad W. auff den obgenanten Landtag, da solch Jnterim publicirt worden,
vbergeben ist. Wenn man nach der schreiber hand, so dazumal solche Jnte-
rim abcopirt, forschet, so wird man befinden, das der sachen also vnd nicht
anders sey. Solch Exemplar ist auch zum Druck gebrauchet worden vnd
stimmet aller ding.
(15) Zum dritten, so haben wir ein exemplar, so vns etliche aus dem ausschus
mitgeteilt haben, welchs auch aller ding mit den andern stimmet. Solche leut
sind wol so ehrlich, das sie nicht leiden werden, das man sage, sie haben
solch jr Jnterim verfelscht.
Zum vierden, so haben wir ein exemplar, welchs vns der wolgelerte vnd
(20) namhafftige Man Plateanus,189 s.g. etwa Schulregent zu Z[wickau] vnd sonst
ein ehrlicher Man vnd Burgermeister alda, zugeschickt haben.
Zum fuͤnfften, so hat der wolgelerte vnd trewe diener Christi, Joachimus
Westphalus, in einer gedruckten schrifft bezeuget,190 das er sampt dem
achtbarn Herrn, D. Johanne Aepino, Superint. zu Hamburg seliger gedecht-
(25)nis, flugs nach obgedachtem Landtag vnd publicierung, eben vnd aller ding
ein solch exemplar von L[eipzig] bekommen habe, wie es hernach von vns
zu Magd[eburg] gedruckt worden ist.
Zum sechsten, es ist auch bald nach der vorgenanten publicierung den Predi-
gern zu M[eißen] eben ein solch Exemplar fuͤrgehalten worden,191 wie es her-
(30)nach gedruckt, mit solcher anzeigung vnd begeren, das solches were ein Be-
dencken der Precepto-[D 4v:]ren vnd aller fuͤrnemsten Theologen, derhalben
solten sie auch darein willigen vnd es annemen, wie sie das noch bezeugen.
Zum siebenten, so bekennet der Adiaphoristische Fuͤrsprecher in seiner jtzi-
gen gedruckten Schrifft,192 das er sampt andern Theologen den 13. Martij des
(35) 1549. jars ein Bedencken gestelt193 vber die schrifft oder Bedencken der gros-
sen Theologen, so wir zu Magd[eburg] hernach gedruͤckt vnd das L[eipziger] oder jung Jnterim genant haben,194 welchs auch ein gros zeugnis sein mus,
das jtzt der Adiaphoristische fuͤrsprecher selbs bekennet, er habe sampt an-
dern Theologen wol lenger denn ein jar zuuor, ehe wir solch Jnterim ge-
druckt haben, ein bedencken oder vrteil daruͤber gestelt. Darumb, so ist ein
(5) Authenticum scriptum, vnd nicht von vns ertichtet.
Endlich, so ist Anno 1550 ein Buch ausgangen mit dem Tittel „Gruͤndlicher
bericht“195 mit einer nebenschrifft Pf[effingers], darinnen solch jung Jnterim
auffs aller ernstlichst vnd fleissigst verteidingt vnd den hochgelerten Theol-
ogen klar zugemessen wird, dasselbig Buch sampt seinem, Pf[effingers], lest
(10) zu, das solcher Druck des jungen Jnterims recht sey, ausgenomen im anfang
solten zwey woͤrtlin sein ausgelassen worden,196 aber es ist jm auch dis
geticht197 von zweien woͤrtlin gnugsam widerlegt worden.
Nach dem nu angezeigt ist, das das jung Adiaphorisch Jnterim ein gewisser
vnd bestendiger Grund der Adiaphoristrey ist, so wollen wir nu in Gottes
(15) namen die Adiaph. jrthume vnd ergernisse, so in der Adiaphoristrey
geschehen sind, [E 1r:] nach einander klar, trewlich vnd on Sophisterey
erzelen.
Von der Erbsuͤnde vnd Menschlichen Freien willen.
1. Die Adiaphoristen haben klar die Papistische, jnterimistische Jrthumen
(20) von der Erbsuͤnde gewilligt. Denn sie sagen im jungen Jnterim, das sie das
Aug[sburger] Jnterim nicht anfechten, was belangt den Menschen nach dem
fall.198 Jn dem gedruͤckten jrem Bedencken aber sagen sie noch mehr, das
nemlich das Jnterim in solchem stuͤck vnstrefflich sey.199 Dagegen aber so ist
offenbar, das nicht al­lein die groben Papisten in dem artickel von der Erb-
(25)suͤnde jrren, sondern auch das Jnterim folget jnen fein nach. Denn das Jnte-
rim zeiget nicht gnugsam klar an, das auch die verderbung des Ebenbilds
Gottes vnd suͤndliche luͤsten an sich selbs warhafftig suͤnde weren, sondern
sondert viel mehr ab den mangel der Erblichen Gerechtigkeit von der boͤsen
art verderbter natur vnd sFndlichen begirden.200
(30) 2. Jtem, so saget auch das Augs. Jnterim, das die boͤse art vnd begirden
widerstreben den oͤbersten krefften der Seelen,201 gleich als nicht das meiste
teil des Teuflischen gifft oder verderbten natur were eben in den oͤbersten
krefften der Seelen, nemlich in parte rationali, intellectu et uoluntate. [E 1v:] Dieser Papistischer, sophistischer vnd Philosophischer jrthum ist der warheit
hoch schedlich. Denn so die oͤberste krefften noch recht vnd allein die vn-
terste verderbt sind vnd jnen widerstreben, so ist gar leicht ein Meritum con-
grui202 daraus zu zimmern. Si rationalis potentia adhuc esset salua et integra,
(5) parua esset corruptio in ho­mine. Darumb ist das eine grosse vnd hochsched-
liche verkleinerung vnd schier (so zu reden) auffhebung der Erbsuͤnde.
3. Es sind noch mehr samen vnd wurtzel der jrthumen im obgedachtem Ca-
pitel des grossen Jnterims, welchs die Adiaphoristen gantz vnd gar approbie-
ren, loben vnd sagen, das es vnstrefflich sey, von welchem besihe die Ham-
(10)burgische Confession wider das Jnterim.203 Das ist auch nur wol zu betrach-
ten, das jr L[eipziger] Jnterim an diesem ort nicht allein von dem Augspur-
gischen Jnterim, sondern stracks in genere redet, sagend: „Zum andern, so
viel betrifft die Lere, erstlich von dem Stand vnd wesen des Menschen fuͤr
vnd nach dem fall, ist kein streit.“204 Das warlich kein zweiuel ist, das die
(15) Adiaphoristen damit bewilliget haben alle Papistische jrthumen, so sie bisher
in den zweien artickeln wider vnsere ware Lere verteidingt haben, Denn sie
sagen schlecht:205 „JST KEIN STREIT.“206 Was saget aber die Augspurgisch
Confession207 vnd Apol.208 dagegen?
[E 2r:] 5. [sic] Weiter, so gibt das junge Jnterim dem freien willen des Alten
(20) Adams oder Menschlichen krefften fuͤr der Widergeburt gar zu viel zu, denn
es saget, das der freie wille in bekerung des Menschen mitwircke, oder sey
causa cooperans,209 so doch der Mensch fuͤr seiner Widergeburt allein zum
boͤsen von jugend auff geneigt ist, ein feindschafft mit Gott hat vnd alles,
was Gottes ist, verachtet vnd verlachet, Rom. 8.,210 1. Cor. 2.211 Vom Artickel der Rechtfertigung.
Den Artickel von der Rechtfertigung haben die Adiaphoristen vielfeltig ver-
felscht vnd verfinstert.
6. Denn zum ersten, so haben sie, den Papisten zu gefallen, hinweg
(5) geworffen das woͤrtlin SOLA, ALLEIN,212 das wir allein durch den Glauben
gerecht werden, welchs aus diesen gruͤnden klar vnd offenbar ist.
Der erste, sie haben seer lang zur zeit des Jnterims, als nemlich Anno 1547.,
48. 49., solch woͤrtlin vnd lere gentzlich in jren lectionibus, Predigten vnd
Schrifften verschwiegen vnd gar nicht gedacht, so doch solchs der fuͤrnemste,
(10) streitige punct mit den Papisten ist.
Der ander, in P[egauischem] handel vnd Bedencken, da dieser artickel, wie
auch das jung Jnterim bekennet, mit den Papistischen Bischouen verglichen
worden ist, stehet klar: „Wir streiten nicht vom woͤrtlin [E 2v:] SOLA,
ALLEIN“,213 welchs bedencken der fuͤrnemester Adiaph[orist]214 selbs mir,
(15) Jllyrico, in die hand gegeben hat, mit dem begern, ich wolt jm etliche meher
Exemplar ausschreiben215 lassen, damit er sie auszuteilen het. Vnd hab ich,
Jllyricus, dazumal mit jm ernstlich solcher vnd dergleichen verfelschungen
halben gered vnd gehandelt.216 Es were aber mit diesem folgenden grund
gnugsam bewiesen, das, wiewol sie mehr Bedencken vber das Gottlos JNTE-
(20)RJM, so solche noͤtige Lere vom glauben ALLEIN mit fleis aussen liesse
vnd verfelschte, gestelt, jedoch so haben sie solche verfelschung des Jnte-
rims nirgend nicht gestrafft, auch diese lere vnd woͤrtlein SOLA, wir werden
ALLEIN durch den Glauben gerecht vnd selig, nicht dawider gesetzt, noch
bewiesen. Was ists nu fuͤr vrsach, das sie so gar williglich zu solchen zeiten
(25) vnd not das woͤrtlein vnd lere vergessen, sonderlich in den schrifften vbers
Jnterim, so sie es nicht verworffen haben?
7. Die andere verfelschung ist, das sie in obgedachtem P[egauer] Bedencken
gesetzt haben, das wir FURNEMLICH durch Christum gerecht werden,217 welche aus der vorigen folget. Es ist fuͤrwar nicht vmbsonst, das ein Schrei-
ber mit dem zunamen Cell. M. Gallo klar bekand, das man alda so gar vn-
barmhertziglich den Artickel von der Rechtfertigung gemartert habe, das jn
auch selbs verdrossen hat, denn er hat alda alle rede auffgeschrieben.218
(5) 8. Die dritte verfelschung des Artickels von der [E 3r:] Rechtfertigung ist,
das die Adiaphoristen in jrem gleisnischen219 Bedencken ernstlich vnd fleis-
sig treiben, das gute werck zur Seligkeit noͤtig seien.220 Welchen jrthum
Ma[jor] hernach groͤblich221 gemehret vnd verteidingt hat. Wider welchen jr-
thum von mehr Lerern trewlich geschrieben vnd gestritten ist.222 Diese ver-
(10)felschung entschuͤldigt auch P[hilippus] Rom. Cap. 6. Fol. 38.223
9. Die vierde verfelschung, sie haben vber das gros Jnterim, lang zuuor denn
es publicirt ist, ein Bedencken geschrieben vnd ausgebreitet, darinnen diese
wort stehen: „Wiewol im Jnterim der Artickel von der Rechtfertigung
schwach gesetzt ist, jedoch sol man nicht dawider streiten“,224 wie jnen die
(15) Hamburger flugs im anfang solchs in gedruckten schrifften fuͤrgehalten
haben.225
10. Die fuͤnffte verfelschung, so offt sie von der Rechtfertigung durch den
glauben in jrem jungen Jnterim vnd andern Adiaphorischen schrifften han-
deln, so gebrauchen sie stets solche formel oder weise zu reden: „Der Glaub,
(20) so neben sich hat die liebe, hoffnung vnd andere Tugenden, macht vns
gerecht.“226 Welchs nichts anders ist, denn eben die Papistische verfel-
schunge de fide formata,227 das wir gerecht werden durch den glauben vnd
die liebe oder gute wercke. Jtem, sie pflegen auch zu sagen in obgedachten
Schrifften: „Es sein vnd mFssen auch die andere Tugende, als lieb, hoffnung etc. beim Glauben sein.“228 Aber so sihet gleichwol der Glaub auff das Ver-
dienst Christi, welchs auch die obgedachte [E 3v:] Papistische verfelschung
de fide formata ist. Diese vnd der gleichen verfelschunge hat auch die
Mechelburgische Formula fuͤr eim jar in obgedachtem Jnterim gemerckt vnd
(5) ernstlich verdampt.229
11. Die sechste verfelschung der Rechtfertigung ist, das im L[eipziger] Jnte-
rim nirgend klar von der iustitia imputatiua, oder zugerechenter [sic] Gerech-
tigkeit Christi,230 gehandelt wird. Jtem, man findet auch nirgend darin klar
vnd ausdruͤcklich, das allein die Gerechtigkeit des verdiensts Christi vnsere
(10) ware Gerechtigkeit fuͤr Gott sey.
12. Die siebende verfelschung ist, das D[oktor] Ma[jor] in seiner Disposition
vber die Epistel zun Roͤmern,231 jtem, im grossen Comment klar vnsere Ge-
rechtigkeit auff vnsere Ernewerung vnd gute werck ziehet.232 Jtem, das er
leret: Wir werden durch den Glauben vnd Bekentnis selig. Wie solchs alles
(15) weiter in meiner, Jllyr[icus], Bekentnis zu sehen ist.233 Diese alle Ma[jors]
jrthume komen nirgend her denn aus der Adiaphoristerey, darumb jn auch
die andere Theologen nicht straffen wollen, sondern lassen zu solche Buͤcher
bey jnen offentlich, als recht, drucken, lesen vnd verkauffen. Ja, auch
P[hilippus] hat Rom. fol. 78.234 vnd in der Emendation235 der Mechelbur-
(20)gischen Friedformel eben eine solche Adiaphorische verfelschung hinzu
gesetzt, das er nemlich die Ernewerung des H.Geists in die Gerechtigkeit, die
fuͤr Gott gilt, geflickt hat.236
13. Die achte verfelschung ist, das sie in jrem Adiaph[oristischen] Jnterim
zulassen, das diese Papistische, so-[E 4r:]phistische verfelschung der reden
(25) Pauli: Wir werden gerecht durch den Glauben, das ist, der Glaub ist nur ein anfang zur Gerechtigkeit, auch recht sey. Diese grewliche verfelschung der
reden vnd meinung S. Pauli haben vnsere Kirchen stets bisher gestrafft vnd
damniret. Eben diese verfelschung ist auch in P[hilippi] Bedencken.237 Ja, es
war solche verfelschung auch in die gedruckte Disputation Jsinderi Anno
(5) 1548 komen,238 wie aus den Exemplaren zu sehen.
14. Die neunde verfelschunge, das wiewol Paulus, Johannes, Christus vnd
die gantze H. Schrifft stets setzen, das gute werck nach der rechtfertigung als
fruͤchte oder effectus folgen, wie denn auch vnsere Kirchen stets bisher ge-
leret haben, auch Augustinus seer fein saget: „Opera sequuntur iustificatum,
(10) non praecedunt iustificandum.“239 Jedoch habens die Adiaphoristen offent-
lich vmbgekert vnd fuͤr der Rechtfertigung gesetzt. Denn sie sagen stets, wie
auch oben gehoͤrt: Es sind da, vnd muͤssen da sein neben dem Glauben, die
Liebe vnd andere viel Tugenden. Gleichwol aber werden wir durch den
Glauben an Christum gerecht vnd selig. Solche verfelschung bestetigt auch
(15) die rede: Gute Werck sind noͤtig zur Seligkeit, nemlich als ein fuͤrgehend
ding. Denn das vermag eigentlich diese rede, laut aller Menschen sprach vnd
verstand, wie wol man hernach seer mancherley deuteley240 vnd Sophistische
Gloͤslin241 der Proposition gesucht242 vnd versucht hat, wie zum teil im drit-
ten teil der Apologien wider den Adiaph. Fuͤrsprecher angezeigt ist.243
(20) [E 4v:] Verfelschunge der Lere von guten Wercken.
15.
Das L[eipziger] Jnterim, auch das vorig gedruckt Bedencken, setzt klar die
gute Werck fuͤr der Rechtfertigung, wie auch zuuor gesagt, das ist, ehe gute
fruͤchte denn den guten baum, welchs ein grosser vnd grober jrthum ist vnd
(25) schadet der warheit Gottes vielfeltig, wie angezeigt.
16. Der ander jrthum ist, das die jtzt gedachte schriffte dringen, das gute
werck zur seligkeit noͤtig seien. Welchen jrthum D[oktor] M[artinus] aus der Adiaphoristerey genomen vnd denselben weidlich244 amplificirt,245 auch
andere groͤbere hinzugesetzt, das niemands je on gute Werck selig worden
sey, vnd das es vnmuͤglich ist, on gute Wercke selig zu werden, ja er hat
auch stracks darzu gethan, das eben vnser Tugende vnd gute Werck vnsere
(5) Gerechtigkeit seien, vnd das wir durch die bekentnis die Seligkeit vber-
komen246 oder die wolthaten Christi vns appliciren in Dispos. Rom. 10.
cap.247 Jtem, er saget, das wir durch vnsern Christlichen wandel, kampff vnd
streit die zukuͤnfftige seligkeit vnd glori erlangen werden. Was ist das
anders, denn das wir durch gute werck das ewig leben vberkomen? Jn dem
(10) andern teil seiner Homelien. Welcher aber von den Adiaphorischen Theo-
logen straffet ernstlich diese grobe jrthumen?
[F 1r:] Von der Busse.
27. [sic] Die erste verfelschung der Lere von der Busse ist, das die Adiapho-
risten in jrem Jnterim die Bus offentlich in drey teil, wie auch die Papisten,
(15) teilen, nemlich in Beicht, Absolution vnd Satisfaction, oder gnugthuung. Es
setzen aber die Adiaphorische fuͤr das wort gnugthuung ANHENGIG.248 Nu
ist der Beicht vnd Absolution nichts anders anhengig denn eben die Satis-
faction. Es erkleret sich auch jr Jnterim selbs also. Denn das wort ANHEN-
GIG erkleren sie flugs mit den worten Almosen geben, Beten vnd Fasten,249
(20) welche werck man im Bapstumb den Beichtenden zur Gnugthuung fuͤr die
suͤnde auffzulegen pfleget. Also haben sie auch in jrem fuͤrnemlichen Be-
dencken vber das Augspurgisch Jnterim, die Jnterimistische Lere von der
Gnugthuung weder gelobet noch gestrafft, sondern es gelassen in eines jglichen
erklerung.250 Aber in jrem Adiaphorischen, jungen Jnterim haben sie es stracks
(25) gelobt vnd angenomen, wie gehoͤrt.
18. Die andere verfelschung ist, das sie haben aus jrer teilung der Busse den
Glauben (wie die Papisten zu thun pflegen) ausgeschlossen, vnd also ein
Judas Busse, welche den Menschen in verzweiflung lest stecken, damit
gewilligt. 19. Die dritte verfelschung ist, das jr Jnterim die Busse an der reige251 der
Papistischen 7 Sacramenten252 gesetzet vnd also willigt vnd bekennet, das
die Bus [F 1v:] ein Sacrament sey, wie es die Papisten haben wollen.
Von der Kirche.
(5) 20. Die erste verfelschung ist, das sie in jrem Jnterim willigen vnd klar
setzen, man sol das jenige leren, was die Kirche erkennet vnd ordnet,253
gleich als nicht fuͤr langst erkant vnd geordnet were, was man leren vnd gleu-
ben sol, nemlich zum ersten: „Habent Moysen et Prophetas“,254 zum andern:
„Hunc audite“,255 zum dritten: „Qui vos Apostolos, et alios vestra docentes
(10) audit, me audit.“256 „Vos eritis mihi testes usque ad fines orbis terrae.”257
Matth. Marci, et Lucae vltimo. Aber damit hat man dem Gottlosen Concilio
zu Trient258 vnd Bepstlichen, auch Bischouenlichen Traditionibus einen
Grund259 legen wollen, das jre Decreta vnd Canones musten gehalten wer-
den. Hilff lieber Gott, wie seer hat man vber diesem Artickel bisher disputirt,
(15) vnd wie viel ist auch der Kirchen Gottes dran gelegen.
21. Die andere Verfelschung von der Kirchen ist, das sie eine solche gestalt
der Kirchen tichten, darinnen die Thumherrn jren stand vnd wesen mit
gesengen etc. behalten, darinnen die Ordinarij Bischoue jre jurisdiction vben,
vnd endlich darinnen auch der oͤberste Bischoff (das ist der Bapst) regire.
(20) Eine solche Kirchen malen260 die Papisten, Jnterimisten vnd Adiaphoristen
damit denn vnsere kirchen gentzlich verdampt wird. Aber hieuon hernach.
Hiezu gehoͤrt, das im L[eipziger] Jnterim am ende klar der von Zeitz vnd
Meissen fuͤr Ordinarien vnd wa-[F 2r:]re Bischouen von den Adiaphoristen
vnd Mamelucken261 erkant vnd bekant werden.262 Jtem, das die Adiapho-
(25)risten in jrem fuͤrnemsten gedruckten Bedencken vber das gros Jnterim schreiben, sie wollen niemands rathen, das er wider das Capitel von der Kir-
chen im Jnterim streite oder dawider sich setze.263
Von den sieben Sacramenten.
22. Das Adiaphorisch Jnterim setzt fein nach einander alle sieben Papistische
(5) Sacramente,264 das kein zweiuel sein kann, es wird also der Papistische
jrthum von sieben Sacramenten gelobt vnd bestetigt, sonderlich weil solch jr
jung Jnterim die Papisten zu uersuͤnen geschrieben vnd gestelt ist. Der we-
gen, so zeucht auch Sidonius265 in seiner Apologia des Catechismi mit gros-
ser pracht solche meinung der Adiaphoristen an, das sie nu mehr die sieben
(10) Papistische Sacramente willigen.266 Vnd in dem fuͤrnemsten Bedencken
vbers Jnterim straffen sie nicht allein die zal der sieben Sacramenten,
sondern sie willigen, das auch die Confirmation, Oelung vnd Priesterweihe zu
andern Sacramenten gezelet werden.267
Von der Tauffe.
(15) 23. Die Tauff (saget das Adiapho. Jnterim) sol gehalten werden mit den alten
exorcismis vnd andern alten Ceremonien.268 [F 2v:] Damit werden offentlich
die alte, abergleubische, papistische Ceremonien von den geweihtem Cresem, Saltz, Wasser269 vnd andere gewilliget vnd angenomen, sampt andern jrthu-
men de opere operato,270 denn jnen zu gefallen geschihet solche Reforma-
tion. Drumb sagen auch die Adiaphoristen in jrem fuͤrnembsten Bedencken
vbers Jnterim, das von der Tauff kein streit sey.271
(5) Von der Firmelung.
24. Die Firmelung haben erst die Adiaphoristen gewilliget in jrem fuͤr-
nembsten Bedencken vber das Jnterim, also das sie gerathen, man solle nicht
dawider streiten.272 Aber in jrem Adiaphorischen Jnterim woͤllen sie auch ha-
ben, das jederman sol gefirmelt werden vnd bekennen, das dadurch der H.
(10) Geist vnd die gnade Gottes gegeben werde.273
Vom Abentmal des Herrn. 25. Die erst verfelschung vnd grobe vnwarheit ist, das die Adiaphoristen in
jrem fuͤrnemsten Bedencken schreiben, das vnsere Kirchen mit dem Jnterim
stimmen,274 was die gegenwertigkeit des Leibs Christi belanget, das ist, das sie
(15) nachgeben die Transsubstantiation,275 welchs nicht war ist.
26. Die andere ist, das, da sie von der Communion handeln, nicht anzeigen,
mit was glauben ei-[F 3r:]ner das Abentmal des Herrn geniessen sol.276 Das
sie also fast auff gut Papistisch ein Opus operatum aus der Communion
machen.
(20) 27. Die dritte ist, das sie vnterscheiden die Mes von der Communion vnd in
gantz weit von einander gescheidenen Capiteln dauon handeln,277 damit sie denn die Papistische Messe bestetigen. Denn vnsere vnd die alte Messe
nichts anders ist, denn eben die Communion. Darumm ist in diesem vnter-
scheid on allen zweiuel der grosse Grewel des leidigen Antichrists begraben.
28. Die vierde ist, das sie in dem jungen Jnterim die gantze Papistische
(5) Messe widerumb auffrichten vnd befehlen, das man sie halten sol mit
Mesgewandt, Liechtern, Leuten, Confiteor, Introitu, Kyrieleyson, Graduali,
Alleluia, Gloria in Excelsis Deo, Dominus vobiscum, Collectis, Epistola, Se-
quent., Euangelio, Credo, Oremus, Offertorium, Praefatione, Sanctus, CON-
SECRATIONE, Pater n[oster], Agnus Dei, Commun[ion], Collecten, et
(10) Benedictione, alles lateinisch.278 Das ist ja die gantze Mess sampt dem Gott-
losen Confiteor,279 da die Heiligen angeruffen werden. Ja, es wird gewislich
auch der Gottlose Canon vnterm wort Consecration280 on zweiuel verstan-
den, sonst hetten sie auff die gewoͤnliche weis geredt vnd gesagt, die wort des
Abentmals des Herrn, wie solches auch Me[lanchthon] in seinem bedencken
(15) vber solch Jnterim geurteilet hat.281
Summa: Es wird stracks die gantze Papistische Messe wider auffgericht.
Darumb saget auch das Adiaphorisch Jnterim, das die Messe hinfuͤrder in
[F 3v:] diesen Landen gehalten werde etc.282 Gleich als wolt man sagen:
Bisher ist die Mess in diesen Landen nicht gehalten worden, aber hinfurt sols
(20) aller ding geschehen. Sonst straffen sie nirgend im selbigen Jnterim mit ei-
nem einigen woͤrtlin die Grewel, so bey der Papistischen Messe sind.
Von der Oelung.
28. Die Gottlose Oelung straffen die Adiaphoristen nicht in jrem grossen Be-
dencken, sondern rathen viel mehr, man solle darumb mit den Widersachern
(25) nicht streiten.283 Aber in jrem Adiaphorischen Jnterim setzen sie die Oelung
klar vnd ausdruͤcklich wider ein, straffen auch vnsere Kirchen, das sie bisher
die Oelung vnterlassen vnd nicht gebraucht haben.284
Von den Schluͤsseln.
29. Die erste verfelschunge der Lere von Schluͤsseln ist, das sie die
(30) Schluͤssel, das ist, die Jurisdiction, Ordination vnd das gantz Regiment der Kirchen dem Antichrist vnd seinen Bischouen (wie anderswo gesagt)
vbergeben haben,285 welche, wie sie auff oder zuschliessen werden, ist gar
leichtlich zu rathen vnd abzunemen.
30. Die andere ist, das sie die Verfolger der warheit, on alle Bus oder
(5) abbittung der Suͤnden, fast286 absoluirt haben, ja dazu sich zu jnen widerge-
kert [F 4r:] vnd begert, das sie, die Papisten, vns absoluiren vnd in die Kir-
chen annemen wolten. Das heist, meine ich, die Schluͤssel recht brauchen,
scilicet, hindersich.287
32. [sic] Die dritten, sie haben etlichen mehr verfuͤrern leichtlich Amnistias
(10) gegeben. Wider die Osiandrische Amnistiam haben sie nichts geschrieben
oder gehandelt,288 wiewol sie gebeten vnd vermanet waren. Sie begeren auch
jnen selbs Amnistiam, so sie doch nicht allein in dem geringsten nicht be-
geren, sich mit der hochbeleidigten Kirchen zu uersuͤnen, sondern noch dazu
in jren greulichen jrthumen halsstarrig verharren vnd alle die, so sie Christ-
(15)lich bisher vermanet haben, verdamnen vnd vnterdrucken wollen. Wird man
nu so gar nerrisch vnd leichtfertig den Verfuͤrern Amnistias geben, so ist
leichtlich abzunemen, das man andere Suͤnder viel mehr one Bus absoluirn
wird, oder man wird je mit solchen Exempeln andere dazu verursachen.
33. Die vierde verfelschunge der Schluͤssel ist, das sie mit der that die
(20) Schluͤssel in vielen Kirchen zerbrochen haben. Denn sie haben einen ver-
banten in der Kirchen zu M. absoluiren lassen, welche Histori auff ein ander
mal sol, ob Gott wol, erzelet werden. Sie haben auch etliche verfuͤrer vnd
perturbatores der Kirchen, welche andere Lerer vnd Kirchen als verfuͤrer
oder auch eins vnehrlichen Lebens oder wandels in ban gethan, verdampt,
(25) gebunden vnd abgesetzt haben, widerumb los gemacht vnd [F 4v:] in die fuͤr-
nembste Empter der Kirchen ge­holffen vnd eingesetzt, vnter welchen ist auch
Stephanus Agricola, ein offentlicher abtruͤnniger Mameluck oder Apostata.289
34. Die fuͤnffte, das sie die Schluͤssel vnd Regiment der Kirchen der Welt-
lichen Obrigkeit als jr zugehoͤrig vbergeben haben.290 35. Endlich ist das ja eine grewliche verfelschunge der Lere von den
Schluͤsseln, das sie nicht haben wollen, das man das Gesetz scharff predigen,
sondern nur in gemein vnd fein sanfft die suͤnde straffen sol. Darumb sie
auch etliche Prediger, so etwas ernstlicher die suͤnde angegrieffen vnd ge-
(5)strafft haben, verdampt vnd von jrem ampt absetzen lassen.291 Jtem, sie pfle-
gen jre Ordinanden sonderlich zu L. also zu vnterrichten vnd vnterweisen, das
sie nicht harte Stoici mit straffen, Gesetzpredigen vnd schelten sein wolten.
Von der Bekentnis.
26. [sic] Die Bekentnis der warheit oder warer Lere vnd Religion ist bey den
(10) Christen ein hochnoͤtig stuͤck, beide zu erhaltung vnd ausbreitung der war-
heit, vnd auch zu ausbreitung vnd preis Goͤttlicher Ehre. Es haben aber die
Adiaphoristen das Bekentnis fast gantz vnd gar vnter die banck292 gesteckt in
der allergroͤsten not, da sie am meisten von noͤten gewesen, ja gar hinweg
gethan vnd auffgehaben. Denn es haben nicht sie allein hin vnd her, wie
(15) [G 1r:] ein Rohr gewancket, sondern auch die gantze kirchen Gottes vnd
Religion in die Papistische verstellen293 wollen vnd damit bezeuget, das sie
nu fuͤr jren vorigen abfal Busse gethan vnd sich widerumb zu jrer der
Papisten Kirchen vnd alten Reli­gion vmbwenden wolten. Jtem, sie haben in
jrem gedruckten vnd vngedrucktem Bedencken offentlich zu mehrmaln ge-
(20)schrieben, das das Bekentnis nicht jederman zu gleich noͤtig sey.294 Ja, sie
haben schlecht295 geleret, das man zur zeit der gefahr oder Verfolgung wol
sich mit den Widersachern in Religions Sachen vereinigen oder vergleichen,
sich nach jrer Religion gestalt, weltliches friedes halben, stellen vnd
verstellen koͤnde. Vnd weiter (das noch erger ist), so haben sie durch jren
(25) gedruckten Gruͤndlichen Bericht vnd andere Schriffte alle die jenige, so da-
zumal vmb der bestendigen Bekentnis willen etwas gelitten vnd gros gefahr
ausgestanden haben, ausgeschrien, das sie nicht Christi, sondern jrer eignen
pertinaciae, halsstarrigkeit halben Merterer gewesen, vnd also sich selbs
mutwillig in gefahr gebracht haben.296
(30) Summa: Was ist doch die gantze Adiaphoristerey anders gewesen, denn eine
rechte verleugung vnd abfall von der ernewerten, erkanten vnd bekanten wa-
ren Lere vnd Religion Christi? Vnd dazu nicht allein ein Exempel der ver-
leugnung, sondern auch eine Lere vnd vermanung zur verleugnung vnd abfall? [G 1v:] Von der Christlichen Freiheit.
37. Die Christliche Freiheit, die vns der Son Gottes durch sein leiden vnd
sterben erworben, haben die Adiaphoristen vielfeltig geschwecht vnd ge-
mindert.
(5) 38. Denn erst, so haben sie die Kirche Gottes dem schweren, tyrannischen
Joch des leidigen Roͤmischen Pharaonis oder Antichrists vnd seiner Bischouen
vnterworffen, damit nemlich, das sie jnen das Regiment vber die Kirchen
vbergeben haben.
39. Zum andern haben sie in mehr Schrifften, als fuͤrnemlich der Pf[effinger]
(10) in seinem Buch, jtem, im Gruͤndlichen Bericht vnd andern geleret, die Kirche
sey schuͤldig der Weltlichen Obrigkeit in verenderungen der Ceremonien den
gehorsam zu leisten,297 ja wenn gleich die Kirchen seer gute vnd Christliche
Ceremonien hat, es sey auch die Oberkeit gleich der waren oder einer andern
Religion anhengig, haben also schlecht die Schluͤssel der Kirchen Gottes der
(15) Weltlichen Obrigkeit vberantwort vnd citirten daneben das dictum Christi:
„Date Caesari, quae sunt Caesaris, et Deo, quae Dei sunt.“298 Gleich als die
Christliche Ceremonien der Monarchen gut299 oder Regalien300 weren.
40. Zum dritten haben sie auch damit die Christliche Freiheit hoch be-
schweret, das sie fast alle [G 2r:] Christliche, nuͤtzliche Ceremonien haben
(20) hinweg nemen vnd die Papistische Abgoͤttische stat der Kirchen auffdringen
wollen, wie denn die Sechsische gedruckte Epistel an die Adiaphoristen ein
Grund Regel oder Gesetz aus dem Adiaphoristischen handeln citirt, welche
also lautet: „Vnd in Mitteldingen soll man es alles halten, wie es die alten
Veter gehalten haben, vnd jener teil jtziger zeit auch noch helt.“301 Darumb,
(25) so haben sie ja wollen die Kirche Gottes wider jhren willen vnd danck mit
vielen Latinischen Gesengen, Horis Canonicis, Messen etc., jtem, mit viel
Festen, mit fasten, mit der Teufels Lere von verbot der Speisen vnd mit an-
dern vnzeligen beschwerungen vberladen, beschweren vnd sie also jrer Frei-
heit berauben.
(30) Vom Antichrist.
50. [sic] Es ist eine vnaussprechliche vnd wunderbarliche wolthat vnsers
lieben Gottes, welche nicht weniger dann die Erloͤsung der Kinder Jsrael aus
Egypten ewig zu betrachten vnd zu preisen ist, das vns nemlich der Barm-
hertzige, ewige Gott in diesen vnsern letzten vnd betruͤbten zeiten den Antichrist, vnter welches erbarmlichen dinstbarkeit wir so lange zeit gewesen
sind, durch seinen dritten Eliam,302 Doctorem Martinum Lutherum heiliger
gedechtnis, gnediglich offenbaret, [G 2v:] vns auch aus der grewlichen fins-
ternis vnd Tyrannischem joch desselbigen Rhoͤmischen Pharaonis wunder-
(5)barlich ausgefuͤrt vnd entlediget hat. Darumb rhuͤmet auch die Heilige Schrift,
sonderlich Paulus vnd die Offenbarung Johannis, solche wolthaten Gottes
vber die massen hoch. Es rhuͤmen sie auch alle Veter, die es weder erlebt
noch verstanden haben. Es lobet sie auch Doctor Martinus seliger gedechtnis
selbs vnd mit jm vnzelige ware Christen, die entweder noch im leben oder
(10) allbereit in dem Herrn entschlaffen sind. Ja, eben die Offenbarung des
Antichrists ist jtzt ein hochnoͤtig stuͤck oder Artickel der waren Lere Christi,
welchen man vmb vieler vrsachen jtzt erhalten vnd ernstlich treiben303 mus.
Diese vnaussprechliche vnd der gantzen Christenheit hochnoͤtige wolthat
Gottes, der Offenbarung des Antichrists, haben die Adiaphoristen grewlich
(15) verfinstert, geringert vnd schier gantz vnd gar, so viel trawn304 an jnen gele-
gen war, hinweg genomen.
51. Denn auffs erste haben sie die zeit, seider Doct. Martini seligen Todt,
nicht mit fleis vnd ernstlich angezeigt vnd inculcirt den Einfeltigen,305 wer
doch der rechte Antichrist sey, viel weniger haben sie mit dem Engel in Apo-
(20)calypsi klar geschrien: „Exite, exite, Gehet aus, gehet aus, aus Babylon mein Volck etc.“306 Ja, sie haben leider den jren gebotten, das sie also Predigen
solten, damit sie nicht mit Namen307 auff den Bapst schelten. Also haben sie
auch den Voitlendischen gerathen.308
[G 3r:] 52. Zum andern, so haben sie in jrem jungen, adiaphoristischen Jnte-
(25)rim den Antichrist vnd seine Bischouen widerumb in die Kirchen Christi ein-
setzen wollen,309 daraus doch Christus solche Keuffer vnd verkeuffer mit der
Geissel seines Allmechtigen Worts ausgetrieben hat.310 Ja, sie habens nicht
allein in die Kirchen, sondern auch vber die Kirchen als Regenten vnd Herrn
setzen wollen.
(30) 53. Vnd weil die Heilige Schrifft bezeuget 2. Col. [sic] 2.,311 der Antichrist
sitze in der Kirchen vnd erhebe sich vber alles, das Gott heist, vnd die Adiaphoristen aber denselbigen grewlichen Abgott widerumb in die Kirchen zu
setzen sich vnterstanden haben, so haben sie ja mit der that auch den aller-
hoͤchsten Artickel von der Gottheit angegriffen vnd beleidigt.
54. Zum dritten, haben sie die gantze Kirchen vnd Religion in jrem jungen
(5) Jnterim vnd andern Adiaphorischen verfelschungen nach dem Bepstischen
Greweln verstellet vnd deformirt, beide in Ceremonien in Sacramenten, vnd
auch in der Lere, wie das aus den vorgehenden vnd nachfolgenden Artickeln
oder zeugnissen klar zu sehen ist. Die Sechsiche Epistel wirfft jnen fuͤr, das
sie leiden, das man vnter jrem Namen, schein vnd ansehen alle Papistische
(10) Grewel vnd Abgoͤttereien widerumb in die Kirchen einfuͤret,312 wiewol man
doch nicht seer bedarff hiezu das zeugnis der obgedachten Epistel, denn es
ist fast jederman im [G 3v:] gantzen Deutschland bekannt, das, wo man
jrgend in eine Kirchen das Gottlos Jnterim oder das Bapstumb eingefuͤret,
man stets den leuten fuͤrgehalten vnd geschrien hat: „Willigen doch solches
(15) die Hochgelerten Adiaphoristen etc. Warumb wolt jr euch denn des wegern?“
56. Sie haben auch alle Reformationes der Kirchen Gottes vnd die Of-
fenbarung des Antichrists in ein verdacht bracht, als weren sie des leidigen
Teufels vnd Menschlicher Philonikie313 vnd ehrgeitz werck vnd thun. Durch
diese vnd dergleichen mittel vnd wege ist fast die gantze Offenbarung des
(20) Antichrists von den Adiaphoristen offentlich verfinstert vnd auffgehaben
worden, so doch dieselbige jtzt (wie vor gesagt) ein gros teil vnd noͤtiger
Artickel des Christlichen Glaubens ist.
Von Ceremonien oder Mitteldingen.
57. Die Ceremonien der Kirchen Gottes, so allein zu gemeinem vnd geist-
(25)lichem nutz oder zur geistlichen erbawung der Kirchen Gottes, zur zier vnd
guter Ordnung etc. auffgericht vnd gehalten werden solten, wie solches Paulus
fuͤrschreibt,314 haben die Adiaphoristen dahin gerichtet, das sie dem bauch
dienen, friede, ruhe vnd gute tage von den Verfolgern Gottes erlangen moͤch-
ten vnd sollten, wie vnleugbar. Darnach haben sie dieselbige in sonderheit
(30) nach [G 4r:] einander verfelschet vnd vom Geistlichen nutz vnd auffbawung
zu gemeiner Geistlichen verderbung verwandelt. Zum andern haben sie fast
alle Geistliche Deutsche Lieder D[oktor] Martini vnd anderer aus den kir-
chen geworffen, welche doch den armen Christen zur erbawung vber die
massen dienstlich sind, vnd dafFr ander Latinische Choralische hinein ge-
(35)setzt, so vom gemeinen Man weder verstanden, noch sonst zur erbawung dienstlich sind, vmb der Materi vnd Musica willen, wie solches aus jrem
jungen Jnterim vnd dem auszug offenbar ist.315
58. Denn fuͤrs erste haben sie eine solche Regel (wie auch oben gehoͤrt)
gesetzt: „Vnd in Mitteldingen sol man alles halten, wie es die alten Veter
(5) gehalten haben vnd jener teil noch helt.“316 Daraus ja klar zu mercken ist, das
sie schlecht alle Papistische Ceremonien haben wider auffrichten wollen, wie
solchs auch die obgedachte Sechsische Epistel bezeuget.317
59. Zum andern haben sie in jrem Jnterim die Horas Canonicas vnd den
gantzen Papisticum Boatum, das vnnuͤtz Papistisch geschrey vnd heulen,
(10) wider auffgericht vnd gewilligt,318 damit sie, beide die Lerer vnd zuhoͤrer,
von der noͤtigen Lere Christi zu dem vntuͤchtigem, vndienstlichem geschrey
oder geplerre abgewand,319 das sie nicht zeit, noch krafft hetten, die noͤtige
lere Jesu Christi zu treiben vnd zu hoͤren.
60. Zum dritten, so richten sie widerum auff oder geben je vrsach in jrem
(15) Jnterim, die Seelmessen vnd Vigilen zu restituiren oder wider auffzurichten.
[G 4v:] Denn sie gebieten darin, man sollte nicht allein beim Begrebnis sin-
gen, wie in vnsern Euangelischen Kirchen der brauch ist, sondern auch nach
dem Begrebnis, welchs allein bey den Papisten gewoͤnlich ist, vnd solchs
darzu nach der verstorbenen oder jrer freunden begeren,320 darunter on zwei-
(20)fel etliche wol moͤchten Papistische Gesenge, das ist, Seelmessen vnd Vigi-
lien begeren zu singen, welche denn jnen damit gewilligt weren.
Zum vierden, sie richten widerumb auff viel Festen, dazu auch das Festum
Corporis Christi, jtem des Teufels Lere oder verbot vom fleisch essen.321
61. Aus der widerauffrichtung des Fests Corporis Christi ist komen, das man
(25) an etlichen orten die Procession mit Creutz vnd Fanen, auch mit der Abgoͤt-
tischen Monstranz wider angericht vnd dieselb noch jerlich helt. Sie haben
auch die Eleuation322 widerumb auffrichten wollen, welches hette desto mehr
zur Abgoͤttischen anbetung dienen muͤgen.
Summa summarum: Sie haben die gantze Lere von Ceremonien verfelschet.
(30) Denn sie haben geleret, jr end sol nicht so fast323 zur Geistlichen erbawung
oder nutz, als zur fleischlichen wollust oder bauch fried dienen. Jtem, sie
haben klar geleret, das nicht die Kirchen vnd ware Lerer, sondern die
weltliche Obrigkeit, sie sey gleich der waren oder falschen Lere vnd Reli-
gion anhengig, die oͤberste macht vber die Ceremonien habe. Denn sie haben nur seer vnd hefftig [H 1r:] gestritten vnd geschrien, das wir der K[aiserlichen]
M[ajestät] auch in verendrung der Ceremonien aller ding zu gehorsamen
schuͤldig weren, denn es were (sagten sie) geschrieben: „Date Caesari, quae
sunt Caesaris etc.“, wie solches auch oben beruͤrt vnd angezeigt ist.324
(5) Vnd zum Beschlus des handels von Ceremonien: Was kan doch lieber Gott
jmmer fuͤr ein groͤssere verfelschung der Christlichen Ceremonien sein vnd
heissen, denn das sie zur verleugung vnd verdammung Goͤttlicher Warheit,
zum ergernis der armen, schwachen, einfeltigen Christen, zur sterckung der
Gottlosen, zur versuͤnung der verfolger, vnd also in summa, zu verderbnis
(10) der seelen, zur verfelschung der warheit Jhesu Christi vnd zur vnehre Gottes
sollen gebraucht vnd gezogen werden? Jch weis warlich nicht, wie doch
jmmer ein ding ein erger ende haben koͤnde. Der Allmechtige, barmhertzige
Gott regire vnsere hertzen vnd thue vns einmal vnsere augen auff, damit wir
nicht stets sehend blind325 sein. Amen.
(15) Das sey nu gesagt von den mancherleien, vielfeltigen Adiaphoristischen
Jrthumen vnd misbreuchen, so die Adiaphoristen zur zeit des Jnterims durch
jr Bedencken oder jung Jnterim vnd andere boͤse Adiaphorische Schrifften
begangen haben. Vnd wiewol alle die bisher erzelte jrthumen vnd misbreuche
klar, one Sophistica vnd cauillationibus,326 aus dem Text jres Adiaphorischen
(20) Jnterims koͤnnen genomen vnd verstanden werden, jedoch zu gewisser vnd
weitern bekreffti-[H 1v:]gung derer, wollen wir kuͤrtzlich auch etliche andere
zeugnis darbringen. Erstlich, man bedencke vnd erwege nur, welcherley meinung das Adiapho-
risch Jnterim, ja auch die gantze Adiaphoristerey fuͤrgenomen gewesen ist:
(25) Quia, teste Hilario, ex causis dicendi sententia dictorum cognoscitur. Nem-
lich der meinung vnd vrsach vnd keiner andern, das man des lieben Creutzes
Christi absein327 vnd die widersacher oder verfolger, die Papisten, den Bapst,
sampt allen den seinen versuͤnen koͤnde vnd mͤchte, welchs je vnleugbar vnd
sie selbs in jrem gedruͤckten „Gruͤndlichen Bericht“ klar bekennen muͤssen,328
(30) wie auch jr eigener Fuͤrsprecher in seiner lesterschrifft.329 Jst nu dieser der
scopus oder ziel jrer Adiaphoristerey gewesen, zu dem man gezielet vnd ge-
schossen hat, so ist leicht abzunemen, wie die Bogen vnd Pfeile haben muͤs-
sen gerichtet werden. Freilich haben solche jre schrifften allzumal muͤssen nach der Papisten schmack330 vnd wolgefallen zugericht, oder mit Bepstischen
Greweln gesaltzet vnd gezuckert sein.
Zum andern, so hat der Antinomus331 bald nach der publication des jungen
Jnterims fuͤr vielen grossen Herren offentlich geprediget vnd gesagt:332 „Die
(5) Theologen haben eine ordnung nach dem Augspurgischen Jnterim gestellet,
auch das Jnterim gebilliget. Darumb so solte niemand mehr wider das Jnte-
rim predigen, leren, reden oder schreiben.“ Welche predigt auch als bald von
etlichen Predigern desselbigen orts den Adiaphoristen [H 2r:] zugeschickt
ward, mit bit, man wolt sie verlegen333 etc. Aber es ist nicht geschehen, es
(10) war keine Philomela334 verhanden, die da wider hetten singen wollen. Diesel-
bige Predigt ist am ende des jungen Jnterims von vns gedruckt.335
Zum dritten, so haben auch die Bischoue, so alda gegenwertig waren im
Landtag, also verstanden, auch offentlich protestirt, dz sie solch Jnterim oder
bedencken der Theologen, dazu jr gemuͤt, also verstehn, das sie damit das
(15) grosse Jnterim willigen vnd billichen. Denn also lauten der Bischouen eigne
worte:336 „Was aber die Artickel, so jr vns vbergeben, in sonderheit betrifft,
achten wir dieselbigen dahin gemeint, das sie sich mit der Keisserlichen
ausgegangen Ordnung des Jnterims im verstand vergleichen sollen, wie wir
denn der Theologen vnd ewer gemuͤt dahin gerichtet verstehen.“ Dieser der
(20) Bischouen verstand oder Glossa vber das jung Jnterim ist wol so starck, das
sie allein vns aus dem kleinen Jnterim das gantz gros Jnterim machen koͤnne.
Dieser Glosse verstand vnd protestation haben die Adiaphoristen nicht mit
eim wort widersprochen. Derwegen, weil die Bischoue solch Adiaphoristisch
Jnterim vnd das gemuͤt der Theologen, so dabey gewesen, also verstanden
(25) vnd sie, die Theologen, es nicht verneint haben, so mus auch gewislich eben
die meinung der Adiaphoristen gewesen sein.
Zum vierden, so hats auch die gantze landschafft,a sonderlich die gesandten
von den stedten vnd der Adel, solch jr Jnterim also verstanden, das es mehr Papi-[H 2v:]stische Grewel in sich hette, denn sie auch demselbigen darumb
hefftig widersprochen haben.337
Zum fuͤnfften, es haben auch also solch Adiaph. Jnterim verstandenb alle
Gottfuͤrchtige vnd bestendige Christen, so es entweder gesehen oder gelesen
(5) haben, wie denn auch seer viel dem widerstanden haben.
Zum sechsten, bezeugen solche meinung der Pflug338 vnd sein Aduocat
Venatorius in jren gedruckten Schrifften,339 darin sie die Adiaphoristen seer
loben, das sie widerumb haben zu der heiligen Mutter der Kirchen vmbkeren
vnd sich mit jr versuͤnen wollen, schelten dagegen mich, Jllyricum, hefftig
(10) vnd alle andere, so die Adiaphoristen in solchem guten vnd loͤblichen fuͤr-
nemen, oder an der reise in Egypten zum Rhoͤmischen Pharaoni, verhindert
vnd auffgehalten haben.
Zum siebenden, es verstehen vnd deuten auch die Adiaphoristen selbs also
jre Adiaphoristerey, das es sey eine inclinatio ad Papatum, wie sie selbs be-
(15)kant in der Epistel an die Hamburger,340 in der Oration Jsinderi,341 in einer
vermanung zur Adiaphoristerey etc.,342 jn der auslegung des Trawms von
Fenstern,343 jn der Epistel an Carlwitz, darin steht: „multa uolens largior
etc“,344 jn einer andern Schrifft darinnen sie schreiben: „Wir lassen viel
hochwichtige sachen fuͤruͤber gehen etc“,345 jn jrem „Gruͤndlichen bericht“
(20) im anfang jres jungen Jnterims, da jnen klar diese Frage fuͤrgelegt ward:
„Lieben Herren, K[aiserliche] M[ajestät] gebeut vns, das wir das gros Jnte-
rim annemen sollen. Was rahtet jr Herrn Theologen dazu? Was ist ewer bedencken?“ Darauff antworten die Theolo-[H 3r:]gi also: „Vnser bedencken
stehet darauff, das man der K. M. vntertheniglich gehorsam leiste.“346 Was ist
nu das anders, denn sagen: Ja, jr solt das liebe Augs[burger] Jnterim annemen
etc.? Darumb ist das ein klar, offenbar zeugnis der Adiaphoristen selbs, nem-
(5)lich das all jr Adiaphorisiren ein lauter billigen vnd annemen des Jnterims
vnd des Bapstumbs dazu gewesen sey.
Zum achten, es ist je war vnd nur wol bewust, das die Herrschafften an
denen orten, da die Adiaphoristerey am meisten gezimert ist, den wider-
sachern verheissen haben, das gantz Jnterim anzunemen vnd in jren landen
(10) auffzurichten, wie solchs neben andern zeugnissen auch aus der offentlichen
Histori Sleidani offenbar ist.347 Weil sie denn solche grosse verheissung so
tewer einem solchem ernsten, wackern vnd triumphirenden Monarchen in
solcher grossen schreckung gethan haben, wie kan doch, lieber Gott, wol
muͤglich sein, das jre Religion handlungen so flugs auff solche verheissung
(15) vnd bewilligung des Jnterims geschehen sind, nicht dahin gerichtet vnd ge-
meint worden sind.
Zum neunden, es ist war vnd vnleugbar, das alle die, so Adiaphorisirt, ge-
wichen, Reformationes zur zeit des Jnterims gezimert haben, viel gnedigere
Monarchen, Bapst vnd Bischouen gehabt haben denn die, so fest bey jren
(20) vorigen Ceremonien, on einige Adiaphoristerey, bestanden vnd die Warheit
offentlich vnd ernstlich bekandt haben. Was kans aber fuͤr ein vrsach sein
denn eben diese, [H 3v:] daruͤber wir klagen, nemlich das sie, denselbigen zu
wolgefallen, sich zum Bapst geneigt vnd gelencket haben.
Zum zehenden, man frage den newen Adiaphoristischen Fuͤrsprecher, was er
(25) doch von der Adiaphoristerey halte. Erst saget er, das die fuͤrtrefflichsten,
hochweisesten Leute dazumal so gar erschrocken waren durch die verfol-
gung, das sie nicht gewust, was sie thun oder lassen solten. Jtem, das c sie
solche Adiaphorische Bedencken darumb gestelt haben, auff das sie der
verfolgung los sein moͤchten.348 Das ist warlich ein boͤser vrsprung oder an-
(30)fang, auch ein boͤs end oder ziel. Denn was aus einem fuͤrchtsamen, be-
stuͤrtzten Mut herkompt oder auch zur versuͤnung die verfolger, sonderlich in
Schrifften oder reden gehet, da kan man nicht Christlich, eiuerig,349 vol
Glaubens vnd H. Geists sein, sondern ist gemeiniglich ein abfall, verleugnen,
ein heucheln vnd schmeicheln den Feinden. Aber wir wollen noch ein klerer
(35) zeugnis vnd vrteil desselbigen Fuͤrsprechers von der Adiaphoristerey hierzu schreiben, vnd lautet also:350 „Christen leut sollen in allen jren reden vnd
hendeln auffrichtig vnd warhafftig sein, Mund vnd hertz sampt allen geber-
den vberein stimmen, zuuoraus aber in Religions vnd Glaubens sachen.
Drumb moͤgen die wol bedencken, wie REDLICH sie handeln, vnd ob sie
(5) auch vn-[H 4r:]sers Herrn Gotts sampt der Key. Maie. nicht SPOTTEN, so
allein mit eusserlichen Ceremonien Papisten oder Jnterimisten sich STEL-
LEN vnd es aber doch innerlich im hertzen nicht sein wollen. Vnd widerumb
innerlich im hertzen, oder viel mehr heimlich in WJNCKELN,351 fuͤr etlichen
Leuten wollen sie Christen gehalten sein, da es keine fahr352 hat, Gott zu
(10) keiner fuͤrderung vnd keinem Menschen zu Erbawung vnd besserung gerei-
chen kan, vnd es aber gleichwol eusserlich zu Gottes Ehr, des Euangelij er-
fuͤrderung vnd des Nehesten Erbawung vnd besserung gar mit nichten BE-
KENNEN wollen.“ Dieses des Adiaphoristischen Fuͤrsprechers vrteil vnd
zeugnis solte man je hoch achten vnd gedencken, es habe jn die liebe, klare,
(15) helle warheit gedrungen, das er hat also dauon reden muͤssen, sonst die af-
fecten hetten jn tausentmal ehe zu dem widerpart gezogen, wie auch endlich
geschehen.353 Andere seine zeugnisse, damit er nur viel grobe stuͤcke im
jungen Jnterim insonderheit anzeigt, wil ich der kuͤrtze halben jtzt vnter-
lassen, sonderlich weil sie in der Apologia354 erzelet sind.
(20) Zum eilfften vnd letzten (damit wirs nicht allzu lang machen), man frage die
erfarung selbs, wohin doch die Adiaphoris[tische] verfelschung gemeint vnd
[H 4v:] gericht waren. Jsts nicht war, das wo nur die Adiaphora hinkomen
sind, dahin ist als bald das Jnterim gereiset oder gefolget, oder je das groͤste
teil dauon, sonderlich so sich niemands dawider gesetzt oder dem widerfoch-
(25)ten hat? Es ist je vnleugbar, das fast allenthalben die Adiaphora gleich als ein
alphabet zum Jnterim gewesen sind, oder das jm thuͤr vnd fenster, auff das es
in die Kirche Gottes hinein rumpeln355 vnd mit gewalt dringen moͤchte, auff-
gethan haben. Jsts nicht auch war, das wo nur die Adiaphora hinkomen sind,
da hat man als bald angefangen, dem Bapst guͤnstiger zu sein, nichts von jm
(30) in vngut zu reden, vnd dagegen des Luthers vergessen, die ernewerung des
heiligen Euangelij nicht sonderlich hoch vnd werd halten, vnd endlich die
eiuerige356 vnd dem leidigen Bapst vnguͤnstige Prediger vnd Buͤrger entwe-
der zu ueriagen, zu arrestiren oder je jnen das maul zu stopffen? Summa: wenn die Adiaphoristen gentzlich nichts mehr gethan, gered oder
geschrieben, denn das sie ein solchen rath, antwort oder Bedencken einer
solchen Landschafft auff jre Frag gegeben haben, wie jm anfang jres jungen
Jnterims steht, so were dennest eine vberaus grewliche verleugung vnd
(5) offentlicher abfall, ja auch vermanung zum Abfall. Denn da sie rathgefraget
waren in der aller wichtigsten sachen auff diese meinung: „Lieben Herrn
Theologi, der K[aiser] gebeut, das wir das Jnterim annemen sollen, was rathet
jr dazu?“ Antworten die Adiaphoristen also:357 [J 1r:] „Vnser Bedencken ste-
het darauff, das man der Roͤmischen Key. Ma., vnserm Aller gnedigstem
(10) Herrn, GEHORSAM leiste vnd sich also verhalte, das jre Ma. vnd menig-
lich358 aller vnser gemuͤt zu ruhe, frieden vnd einigkeit geneigt vermercken
muͤge. Das RHATEN wir trewlich, wollen auch FVR VNSER PERSON, so
viel jmmer muͤglich, DAZV DJENEN vnd vermanen. Denn (wie etliche von
vns one grund reden vnd schreiben) ist vnser gemuͤt vnd fuͤrnemen zu keiner
(15) ZWJSPALT oder weiterung,359 sondern zu ALLEM DEM, wie OBGEMEL-
DET, gerichtet, das ZEUGEN wir MJT GOTT SELBS, dem aller Menschen
hertzen bekandt.360 Vnd solchs soll vnd WJRD das WERCK SELBS aus-
weisen.“
Da rathen sie klar vnd ausdruͤcklich einer solchen grossen Landtschafft, das
(20) sie das Gottlos Jnterim anemen solte, sagen auch dazu, das sie solchs nur
trewlich rathen, zeigen auch an, das sie selbs zu solchem gehorsam bereit
vnd willig sein, welchs auch das werck selbs ausweisen sol, vnd endlich be-
tewren vnd bezeugens darauff mit dem allertewersten Eyd, damit man ja kei-
nen zweifel haben [J 1v:] koͤnde, was jr hertz vnd endlich gemuͤt sey. Lieber
(25) Gott, wie koͤnden sie klerer die warheit Gottes verleugnen oder ernstlicher zu
verleugung vnd abfall immer mehr rathen vnd vermanen?
Ach, was bedarffs viel wort, es mus ja ein seer vnuerschempter Mensch sein,
der noch daruͤber viel streiten vnd disputiren wolt, ob die Adiaphoristerey ein
abweichen zum Bapstumb vnd eine verenderung vnd verfelschung vnserer
(30) waren Religion gewesen sey oder nicht, weil die sache so gar oͤffentlich am
tag361 ist. Ja, das, wo man nicht in der zeit durch sonderliche schickung Got-
tes widerstanden hette, gantz Deutschland zum Bapst abgefallen were, wie
denn schier362 alle Kirchen von einem ort des Deutschen Lands bis zum
andern (ausgenommen etliche wenig) entweder verheeret, papistisch vnd oͤde
(35) gemacht, oder ja vberaus seer zerruͤttet vnd jemmerlich mit des Antichrists
geschmeis beschmissen waren etc. Von den mancherleien Ergernissen, verfolgung, scheuslicher vneinigkeit vnter den Lerern in vnsern Kirchen, be-
truͤbung des heiligen Geists in vieler Gottsfuͤrchtigen hertzen, verwirrung
vnd erbarmlichen363 zerruͤttung der Kirchen Gottes, ewige verderbung vnze-
liger Seelen, verletzung Gottes Ehre vnd andern vielen vnzeligen schaden
(5) vnd jamer, so aus der Adiaphoristerey eigentlich herkomen sind, were wol
noch viel zu reden vnd zu schreiben vnd aller ding billich zu klagen, aber
kuͤrtz halben wollen wirs jtzt vnterwegen364 vnd dabey wenden lassen, son-
derlich weil solche schaden vnd jam-[J 2r:]mer viel groͤsser sind denn sie
jrgent eins Menschen vernunfft, hertz vnd wolredenheit fassen, begreiffen
(10) vnd ausreden koͤnde. Allein an jenem tage,365 welcher zwar auch nicht weit
sein kann, werden wirs erfaren, sehen vnd hoͤren, wenn nemlich der rechte
erforscher vnserer hertzen366 vnd gestrenger Richter eines jglichen thun, jm
fuͤr die augen, fuͤr allen lieben Engeln vnd Gottes Heiligen halten vnd jn
darumb auffs grewlichst straffen wird.
(15) Ach Allmechtiger, ewiger Gott, der grossen blindheit vnd verstockung der
armen Buler der Babylonischen Huren367 vnd jrer Prosopolipten, das sie
doch nicht ein mal bedencken wollen, wie offt sie selbs zuuor alle verglei-
chunge Christi mit Belial, nicht allein vor diesen betruͤbten zeiten, sondern
auch eben zu diesen zeiten vnd dazu eben diese gegenwertige Adiaphoristrey
(20) verdampt vnd verflucht haben. Das sie auch nicht bedencken vnd warnemen
wollen, wie schendlich sie nicht allein die Ceremonien vnd Kirchenordnun-
gen mit dem Antichristischen sawrteig beschmissen,368 sondern auch die
ware, reine lere Jhesu Christi schier in allen Artickeln verfelscht haben, wie
sie solches von jrem eigen gewissen vnd vns offtmals vberzeuget sind. Das
(25) sie auch nicht wollen bedencken vnd betrachten, wie viel vnzelige grewliche
ergernissen sie in der Kirchen Gottes gegeben vnd angericht haben, wie denn
P[hilippus} selbs dazumal geschrieben hat in einer Adiaphorischen schrifft,369
das solche verenderungen bedeuten, eine inclinationem, das ist, Abfall zu
dem Antichrist machen, auch schwach [J 2v:] vnd zaghafftig fuͤren, auch in
(30) grosse betruͤbnis manch gut hertz, vnd stercken dagegen oder bekrefftigen
die Papisten. Denn, lieber, sage mir, wer hat sich dazumal nicht geergert, da
man gesehen hat, das solche Leute zu lauter Windrohren370 oder Wetter-
hannen371 worden waren? Das sie nicht betrachten, wie vnzelig viel Kirchen vnd Seelen sie mit jrer
Adiaphoristerey vnd Antichrists Bulerey verwirret, verheeret372 vnd in die
Helle hinein oder in ewig verderben gefuͤret haben, denn da die Kirchen der
reinen Lere vnd Religion allenthalben beraubet waren, hat man jre junge
(5) Jnterim gewiesen vnd gesagt: „Seid jr denn gelerter oder heiliger denn ewre
Preceptores etc.?“ Summa: allenthalben sind die Kirchen allein durch jr
aÙtÕj œfa, oder ansehen verheeret vnd der heilsamen warheit Gottes be-
raubt worden.
Das sie nicht bedencken wollen, das dieser Jrthum (Gute Werck sind noͤtig
(10) zur Seligkeit) vielfeltig die ware Religion, die Ehre Christi vnd der armen
Suͤnder trost vnd ewigs Heil grewlich beleidiget, hinweg nimpt vnd raubet.
Das sie nicht wollen bedencken, wie ein grewlich Schisma sie mit solchen
verfelschungen vnd des Antichrists Bulereien angericht haben, wie sie denn
selbs jre Adiaphoristerey „Pomum contentionis“ in Oratione Isinderi373 ge-
(15)nant haben.
Das sie nicht bedencken, wie einen grewlichen schaden solch jr boͤs Exempel
vnd falsche Lere zu ewigen zeiten der Kirchen Gottes thun wird, da stets in
gefahr vnd Noth seer viel Leute dahin [J 3r:] lauffen vnd andere mit sich
fuͤren werden, zu der hohen Adiaphorischen Weisheit, „Axla tragauit utra-
(20)que“, „auff beiden achseln tragen“,374 das man zweien Herren werde die-
nen375 vnd also mit verleugnung vnd verfelschung der warheit den Teufel vnd
die Gottlosen versuͤnen wollen, mit dem schein: „Ey, es habens zuuor wol
andere grosse Leute gethan etc.“
Das auch die vnseligen Verfuͤrer nicht bedencken vnd betrachten wollen, wie
(25) eine scheusliche Bulerey mit dem Antichrist ist, das sie viel andere geleret
vnd in die Kirche Gottes eingefuͤret haben. Sie sehen ja (so sie anders noch
sehen koͤnnen oder wollen), das jtzt hohe vnd nidrige personen den leidi-
gen376 Antichrist anbeten vnd fuͤr jm niderfallen, auff das sie von jm die
Reich dieser Welt,377 als Bistuͤmen, Probsteien, Ebteien vnd Canonicaten,
(30) wie Daniel geweissaget hat,378 erlangen. Darumb, so opffert da einer seinen
Son, der ander seine Tochter dem Moloch,379 das sie geschmirte380 Pfaffen, beschorne381 Moͤnchen vnd Nonnen werden, vnd also dem Teufel ewig die-
nen, Christum jren Schoͤpffer vnd Erloͤser on vnterlas lestern vnd schenden,
mit sich auch dazu vnzelige Seelen in das ewig verderbnis hinein reissen vnd
fuͤren, vnd wollen gleichwol dabey der Augspurgischen Confession anhengig
(5) vnd verwant sein. Ja, sie sehen auch, das solche Adiaphoristen jtzt abermal
verbieten die von Gott geschaffene vnd zugelassene speise,382 gebieten das
Sacrament in der Kirchen, auff Papistisch „Consecriren“, mit liechten vnd
gloͤcklin zum krancken tragen, neben dem, das sie [J 3v:] seider383 des Jnte-
rims her, viel gefallene Grewel angericht vnd behalten haben. Ja, sie sehen,
(10) das man grewliche Abgoͤttereyen nach vnterweisung oder vnterrichtung jrer
Juͤngern wider anrichtet. Zu solchen allen grewlichen Abgoͤttereien, Bule-
reien mit der Babylonischen Bestien, ob sie wol wissen, das sie vrsach, rath
vnd lere gegeben haben, sehen auch, das fuͤr jren augen solche Grewel
getrieben werden, jedoch so gedencken sie nicht ein mal daran, wie man
(15) solche jre Bulerey vnd grewliche beschmeissung auffheben moͤchte, oder sie
nur straffen, sondern wollen lieber haben, das dem Teufel vnd Antichrist
gedienet, Gott gelestert vnd vnzelige Seelen in das ewig verderben gefuͤret
werden. O wehe, wehe euch an jenem tage.
Wo sind jtzt auch andere Lerer vnd Prediger, das sie nicht jre meuler auff-
(20)thun vnd jre stim wie eine Posaune wider alle solche verfelschunge vnd
Bulereien auffheben,384 auch die arme Christen fuͤr jrem zeitlichen vnd
ewigem verderben warnen vnd on vnterlas vermanen?
Das endlich nicht betracht wird, wie man mit solcher vielfeltiger Bulerey des
Antichrists das gantz Deutschland mit grossem vnd grewlichen zorn Gottes
(25) beladen hat, welcher vns gewislich, beide hie zeitlich vnd dort ewiglich, wo er
nicht versuͤnet vnd gestillet wird, wie ein alles verzerendes Fewr brennen vnd
verzeren wird.385 Derwegen so ist die hohe, ja vnaussprechliche not der
Kirchen Gottes vnd aller Christen Men-[J 4r:]schen verhanden, das man in
der zeit bedencke, was doch zu vnserm zeitlichen vnd ewigem fried vnd wol-
(30)fart diene, vnd wie man doch dem zukuͤnfftigen, grausamen zorn Gottes
entfliehen muͤge, das ist, das wir auffs aller erst, fuͤrnemlich solche grewliche
Hurerey mit dem leidigen Antichrist erkennen, bekennen, Busse thun vnd es
dem Allmechtigen, barmhertzigen, lieben Gott, vmb seines lieben Sons Jhesu
Christi willen, abbitten. Das ist der einig einzige. Vgl. Art. einig 3), in: DWb 3, 207f. weg, dem kuͤnfftigen jammer in diesem leben (wie denn die grewliche Geissel Gottes, der Tuͤrck, nicht weit
ist)386 vnd in jenem leben zu entfliehen.
Der Allmechtige, ewige Gott erhalte vns bey seinem Wort387 vnd behuͤte vns
fuͤr falscher Lere in diesem leben, vnd in jenem fuͤr seinem aller grewlichsten
(5) zorn vnd straffe, vmb seines lieben Sons Jhesu Christi willen. Amen. Amen.
Finis.