Herzog August Bibliothek Wolfenbüttel (copyright information)
Texterfassung durch double keying; Genauigkeit ca. 99,95%. Strukturelle Metadaten (z.B. div@type ="section") wurden ergänzt.
Text captured by double keying; Accuracy approx. 99.95%. Structural metadata (e.g. div@type="section") were added.
AEDit Frühe Neuzeit: Archiv-, Editions- und Distributionsplattform für Werke der Frühen Neuzeit
DenenEhrnveſten/ Achtbarn/ Wolgelahr-
Des Ehrnveſten/ Wolgelahrten vnd
Vnd ſeiner vielgeliebten HaußEhre/
Der Erbarn vnd viel EhrnLugend-reichenFrawen
SUSANNÆ
.
Geborner Schepſin.
Hertzgeliebtes einigen Soͤhnleins Nahmens
JEREMIAS
,
Zu ſeinem Grab vnd Ruhebettlein daher beleitet/ vnd
ſelbiges an jetzo nach gehaltener Troſt Predigt/ der alten Mut-
ter der Erden/ in die Schoß beyſetzen werden. Vnd erinnern
vns hiebey/ wie im Buͤchlein Ruth. cap. 1. verſ. 19. beſchrie-
ben ſteht/ welcher maſſen die gantze Stadt Bethlehem der
Naëmi zu jhrer Ruͤck- vnd Ankunfft gratuliret, Gluͤck vnd
Segen wuͤnſchet: Sie aber balde darauffer lamentiret,
klagt vnd ſagt: Ach heiſt mich nicht Naëmi, ſondern Mara,Mara, denn der Allmaͤchtige hat mich ſehr betruͤbet.
Als haben die ernenten lieben Eltern/ auch biß anhero
eine vnd andere gratulation vnd Gluͤckwuͤntſchung vber jh-
rem lieben Soͤhnlein gehoͤret/ vnd jhꝛe Hertzen damit erfrewet:
Jetzo aber hoͤren wir hinwiderumb eine hertzbrechende Lamen-
tation/ daß ſie ſagen: Ach der Allmaͤchtige hat vns ſehr betruͤ-
bet. Vnd freylich/ denn jhnen jhr liebſtes einiges Soͤhnlein
in Todte entfallen/ vnd jhnen dahero jhr Eheſtand zu einem
Mara gemacht worden/ denn der Allmaͤchtige hat ſie ſehr be-
truͤbet.
Damit nun die betruͤbte Eltern vnd Groß-Eltern auß-
bevorſtehender Leichenpredigt/ heilſame Lehre vnd kraͤfftigen
Troſt faſſen moͤgen bitten wir GOtt/ daß er hierzu ſeines H.
Geiſtes beyſtand mildiglich verleyhen wolle/ Vnd etc.
Von den betruͤbten Eltern erwehlet/ vndaußgeſetzt/ wird beſchrieben im Buch der
Weißheit Cap. 4. verſ. 7.
ABer der Gerechte/ ob er gleich zuZeitlich ſtirbt/ iſt er doch in der Ruhe
GEliebte Chriſten. Es waͤchſet die Liebe der El-
Wenn vnſere Kinder zur Welt gebohren werden/
ſo iſt die Liebe gegen ſie ſo bald groß/ daß eine Mutter nicht
mehr gedencket an die Angſt/ vmb der Frewde willen/ daß der
Menſch zur Welt gebohren iſt. Joh. 16.
Wenn ſie anfangen ein wenig zu ſitzen/ zu Kirmeln
vnd Liebaͤugeln; ſo ſind ſie in vnſern Augen wie die Spielroͤg-
lichen. Denn ob man einen Vogel gleich nicht verſtehet/ hat
man doch Luſt an ſeinem ſingen: alſo ob man gleich nicht weiß
was die lieben Kinder lallen/ iſt es vns doch annehmlich ſie zu
hoͤren/ alſo daß ihm auch GOtt in dem Munde der Vnmuͤn-
digen vnd Seuglingen eine Luſt/ Lob/ vnd Macht bereitet hat/
wie die Schrifft redet/ Pſal. 8. v. 3.
Wenn ſie anfangen zu Lauffen vnd zu Reden/
vnd koͤnnen alles Wercklich fuͤrbringen/ da ſteiget gleich die Lie-
be bey den Eltern in einen hoͤhern Grad/ alſo/ daß wir in ſol-
cher Liebe offt ſelber gleich wie zu Kindern werden/ Kindiſch
mit jhnen reden/ vnd rechte Kinderwercke mit jhnen fuͤrneh-
men wie der Lacedemonier Koͤnig Ageſilaus/ der mit ſeinen
Kindern auff Stecken in der Stuben herumb ritte; Bat ſei-
nen Diener/ der ſolches ſahe nicht nach zuſagen/ biß er auch ein-
mal wuͤrde Kinder haben.
Wenn vnſere Kinder nun erwachſen/ daß ſie in dieSchule gehen/ oder zu was andern koͤnnen gehalten werden/
Ob nun Gott die Chriſtlich betruͤbte Eltern/ diß an jh-
ren ſeligen Soͤhnen nicht allermaſſen erfahren laſſen/ ſo haben
ſie doch deſſen einen guten Theil erfahren/ an jhrem einzigen
Toͤchterlein. GOtt erhalte jhnen ferner dieſen jhreneinzigen Augentroſt/ vnd laſſe ſie viel Troſt vnd Frew-de hieran ſehen vnd erleben.
Iſts aber nicht auch alſo/ Ihr meine lieben?
Wenn Kinder erwachſen ſeyn/ vnd von den Eltern in die
Frembde ſollen verſchickt werden/ daß da
jhnen angehet/ wie zu ſehen Tobiæ. 10. v. 14. an der Mutter
des jungen Tobiæ.
Aber ſo groß der Kummer geweſen/ vber jhrem Abzuge/
ſo groß vnd viel viel groͤſſer wird die Frewde/ wenn ſie gluͤck-
lich wider kommen/ wie an Jacob zu ſehen/ da jhme jetzo gute
Poſt von ſeinem Sohn Joſeph kam/ Revixit Spiritus ejus,
er war gleich wie wider Lebendig/ der zuvor fuͤr Trawrigkeit er-
ſtorben war/ vnd ſprach/ Sufficit, nun hab ich gnung/ weil mein
Sohn Joſeph lebet. Gen. 45. verſ. 28.
Daß nun heut die Chriſtliche Eltern vnd geehrte Groß-
Eltern hertzlich betruͤbet ſind/ das macht/ es hat jhr liebes Kind
vnd Kindes Kind ſich auff die Wanderſchafft begeben/ vnd
vollzogen die Walfahrt davon Jacob ſagt. Gen. 47. v. 9. Die
Zeit meiner Walfart iſt hundert vnd dreyſig Jahr.
Wenn aber die betruͤbte Eltern vnd GroßEltern beden-
cken/ mit was Ehr vnd Frewden ſie am Juͤngſten Tage das
ſelige liebe Kindlein werden wider ſehen/ ſollen ſie mit David
jhre Thraͤnen abwiſchen vnd ſagen: Nun es Tod iſt/ was ſoll
ich Faſten/ kan ich es auch wider holen? ich werde wol zu jhm
fahren/ es koͤmpt aber nicht wider zu mir.
Dieſe Chriſtliche Gedult/ beſcheidenheit vnd Troſt/
wird nun ſonderlich erwecket werden/ in den Hertzen der be-
truͤbten Eltern/ bey abgeleſenem Text/ den ſie jhnen ſelber auß-
erleſen.
Da bey wollen wir mit einander reden/
De liberorum piè defunctorum liberatione& exaltatione.
GOtt laſſe es vns zur ſeligmachenden Lehr vnd heilſa-
men Troſte kaͤfftiglich dienen vnd gereichen/ Amen.
ES iſt der Todt der Chriſten/ vnd alſo abſonderlich der
zarten vnſchuldigen Kinder eine Erloͤſung oder Auff
loͤſung/ wie S. Paulus redet in der Epiſtel an die Phi-lipper. cap. 1. v. 23. Cupio diſſolvi
Es thut es aber Paulus darumb daß er vnſern Todt ein
Auffloͤſung nennt weil wir allenthalben mit vielen Netzen vnd
Stricken vmbgeben ſind/ wie dem Gottſeligen Antonio zur
Zeit in einem Geſicht gezeiget worden/ wie die gantze Welt
mit Garn vnd Netzen vberzogen ſey/ daß er fuͤr Angſt vnd Er-
ſchrecken außgeruffen: Ah quis effugiet? Ach Ach wer ſoll
vnd kan nun hier entgehen/ daß er nicht gefangen werde? Da
dann ein himliſche Stim̃ jhm geantwortet; Orantes & ſe-curitatem vitantes, die werden nicht gefangen/ ſo Andaͤch-
Dahero wird der Teuffel auch ein Jaͤger genennt im 91.
Pſalm v. 3. Der da ſeine Garn vnd Netzen auffzeucht/ die
Menſchen Kinder zufahen/ wie die Chriſtliche Kirche davon
zu ſingen pflegt:
Legt Garn vnd Strick braucht falſche Liſt/
Daß er verderb was Chriſtlich iſt.
Wer nun Selig ſtirbt/ deſſen Todt iſt eine rechte Erloͤ-
ſung vnd Auffloͤſung/ daß er auß ſolchen Garn vnd Netzen ge-
riſſen vnd gerettet wird.
Eben dahin ſiehet auch vnſer abgeleſener Text/ vnd wei-
ſet vns/
Das
I.
iſt
Venenum iniquitatis & petulantiæ
Die hochſchaͤdliche Suͤndengifft.
Davon werden die Kinder durch fruͤhzeitigen Todt er-
loͤſet/ wie in vnſerm Text ſtehet: Sie werden weggenom-men aus dem Leben vnter den Suͤndern/ daß die Boß-heit jhren Verſtand nicht verkehre.
Ach wie wahr vnd artig redet hier die himliſche Weiß-
heit/ daß wir nemblich in dieſem Leben ſind in medio peccato-rum, zumahlen
Rari quippè boni
Ach GOtt von Himmel ſih darein
Vnd laß dich das erbarmen
Wie wenig ſind der Heiligen dein.
Vnd im heutigen Sontags Evangelio des 14. Trinita-tis fraget Chriſtus/
Gleich wie es nun gefaͤhrlich vnter Loͤwen vnd Dra-
chen vnd vnter gifftigen Schlangen vnd Wuͤrmern zu woh-
nen/ denn wenn man der Schlangen zu nahe koͤmpt ſo ſticht
ſie/ ſagt Sir. 21. verſ. 2. Alſo vnd noch viel mehr iſt es gefaͤhrlich
mitten vnter den Suͤndern wohnen/ wie allhier vnſer Buch
der Weißheit im Text anzeigt vnd ſpricht: Die boͤſen Exem-pel verfuͤhren vnd verderben einem das gute.
Eben diß beklagt auch die Weißheit Cap. 14. verſ. 26.
Das vnter andern Suͤnden auch im Schwang gehe: Derjungen Hertzen aͤrgernuͤß.
Ach junge Kinder vnd zarte Hertzen koͤnnen leicht geaͤr-
gert vnd mit Suͤnden angeſtecket werden. Denn gleich wie
ein klein Fuͤncklein zu einem groſſen Fewer werden kan/ wenn
der Wind drein blaͤſet: Alſo kan die boͤſe Luſt welche im
Menſchlichem Fleiſch vnd Blut brent/ durch boͤſe Exempel
leicht auffgeblaſen vnd zum groſſen Fewer gemacht werden.
Maſſen die Kinder eher vnd mehr ſuͤndigen imitationequam corruptione, mehr durch boͤſe Exempel verfuͤhrt/ als
Derwegen ſollen wir vns je ja mit allem fleiſſe huͤten/
daß wir die liebe Jugend nicht aͤrgern/ wie vns Chriſtus trew-
lich hierzu ermahnet/ auch die mit groſſer Straffe betrewet/
die fuͤr jhnen aͤrgerlich leben werden da er ſpricht: Wehe dem
Menſchen durch welchen Ergernuͤs koͤmpt/ es were jhm beſſer/
daß ein Muͤhlſtein an ſeinem Hals gehencket/ vnd erſaͤuffet
wuͤrde im Meer/ da es am tieffeſten iſt. Der alte Lebrer
Hieronymus
ſchreibet vber dieſe Wort/ daß bey den Juden
der Brauch geweſen/ wenn einer ein groß Laſter begangen/
man jhm einen groſſen Stein angehenckt/ verſenckt vnd er-
traͤnckt. Dieſe Straff wird denen ſo die Jugend aͤrgern auch
von Chriſto zu erkennt/ als die nicht wuͤrdig ſind/ daß ſievon der Sonnen ſollen beſchienen werden.
Aber O wie wenig ſind die dieſe groſſe Suͤnde recht erwe-
gen vnd bedencken! Darumb darffs nicht viel fragens woher
es komme/ daß jetzo die Jugend ſo frech/ ſo muthwillig vnd
in allen Suͤuden erfahren ſey?
Daher ſingt vnd ſeufftzt die Chriſtliche Kirch.
Mundus eſt ſicut meretrix, quæ deſiderio pulchritu-dinis ſuæ ad concupiſcentiam trahit videntes eam ſagt
Weil nun dem alſo vnd die Welt ſo gar im Argen ligt
1. Joh. 5. v. 19. So dencket jhr liebe Chriſtliche Vater- vnd
Mutterhertzen/ auß was Noth vnd Gefahr der heilige GOtt
ewer liebes Kind errettet/ in dem er es durch ein ſeliges Ster-
ben mitten vnter den Suͤndern weggeriſſen.
Jetzo iſt ſein Seelichen in conſortio Angelorum, mit-
ten vnter den H. Engeln/ da es lauter heilige Dinge hoͤꝛet; heili-
ge Dinge ſiehet: heilige Dinge lehret: vnd heilige Ding ver-
vbet. Es iſt nun erloͤſet von allem Vbel/ von allen Suͤnden/
vnd von allen Ergernuͤſſen. Es iſt weggeriſſen vnter den
Suͤndern/ vnd kan in Ewigkeit nicht mehr verfuͤhret/ noch
von der Suͤnde beruͤhret werden.
Das
II.
iſt
Venenum incredulitatis & Idololatriæ
Die Grund verderbliche Seelengifft fal-ſcher vnd jrriger Lehre.
Davon werden die lieben Kinder durch zeitlich Abſterben
erloͤſet/ wie in vnſerm Text ſteht: Noch falſche Lehre ſeineSeele betriegen.
Dem gottſeligen alten Macario begegnete zur Zeit der
Teuffel wie ein Tyriacks Kraͤmer/ mit allerley Flaſchen
Buͤxen vnd Salben behangen/ fuͤr gebend/ er gehe herumb vnd
ſehe auff Gelegenheit wie er den Leuten ſeine gifftige Salbẽ an-
ſchmieren/ vnd ſie dadurch zu ſeinem Suͤndendienſt bewegen
moͤge. Vnd O freylich/ iſt der Teuffel bemuͤht/ vnter andern
vornehmlich auch die Seelengifft falſcher jrriger Lehre den
Menſchen beyzubringen.
Er ſaͤet allzeit ſein Vnkraut aus Matth. 13. v. 25. vnd
wolte gern in eins/ vnd wanns moͤglich were auff einen Biſſen
Gottes Volck vnd Kirche verſchlingen/ wie vorgebildet wird
iu der Offenbahrung Johann. cap. 12. verſ. 4. Vnd wird da-
her deſto groͤſſer/ weil jhm der Teuffel einen groſſen Anhang
falſcher jrriger Lehrer macht/ wie zu leſen 1. Reg. 22. v. 22. Da
ſich der Sathan anbeut/ er wolle Ahab verfuͤhren vnd fellen/
alſo daß er außgehen vnd ein falſcher Geiſt ſeyn wolle in aller
ſeiner Propheten Munde.
Das iſt nun zumahlen ein rechter groſſer Kinderkummer
in dieſen jetzigen gefaͤhrlichen Zeiten.
Da dencket manch Chriſtlich Vater- vnd Mutterhertz/
wenn es die Gefahr betrachtet/ vnd die Verfolgunge ſiehet:
Ach ich habe ja meines Glaubens vnd Religion guten vnd rich-
tigen Grund/ daß ich weiß was ich glaͤube/ dabey wil ich auch
Leben/ Sterben/ vnd alle Verfolgung willig leiden/ hoffent
der getrewe GOtt werde mich in ſolchem guten Vorſatz ſtaͤr-
cken/ vnd bey wahrer Beſtaͤndigkeit erhalten: Aber vmb die lie-
ben Kinder/ vmb die Kinder iſts zu thun/ die moͤchten heut o-
der morgen nach meinem Tode verfuͤhret vnd mit falſcher Leh-
re eingenommen werden.
Denn wie offt geſchichts/ daß die Kinder nach der Eltern
Todte in frembder Leute Haͤnde kommen/ vnd vbel verfuͤhrt
werden. Ja es geſchicht wol offt bey der Eltern leben/ daß
die Kinder vom wahren Glanben jrre gefuͤhrt werden vnd da-
hin fallen. Entweder auß Leichtfertigkeit/ wie Ja-
cob von ſeinem Sohn Ruben ſagt/ da er jhm ſein Bette im
auffſteigen beſudelt. Er fuhr Leichtfertig dahin wie Waſ-ſer. Denn durch das Bette Jacob wird die Juͤdiſche
Darumb wir wol ſeufftzen vnd mit andaͤchtigem Hertzen
ſagen moͤgen.
Wie denn auch David daher vmb verlaͤngerung ſeines
Leben bittet im 71. Pſalm verſ. 18. Biß er den Arm des
Her- verkuͤndige Kinds Kindern/ vnd ſeine Krafft allen die
Nun denckt vnd bedenckt jhr Chriſtlichen Elternvnd GroßEltern: GOtt hat ewer liebes Kind derer Ge-
Hier in dieſer Wolthat zur Zeit das liebe Kind niemand
verfuͤhren koͤnnen/ denn es nicht gewuſt was Linck oder Recht.
Jon. 4. v. 11. vnd alſo gehabt wie vnſer Text ſagt: Einvnbefleckt Leben.
So kan es auch hinfuͤro noch viel weniger verfuͤhrt wer-
den/ denn es iſt nun in der Himliſchen Vollkommenheit: Es
iſt bald vollkommen worden/ à DEO & in DEO doctus,
Dieſen Troſt laſſet nun in ewren Hertzen kraͤfftig bleiben
vnd wolbekleiben.
Wenn jhr ewer Kind hettet ein wenig erziehen vnd es
bey vornehmer Leute information wiſſen ſollen/ wie wuͤrdet
jhr euch deſſen erfrewet/ vnd getroͤſtet haben/ hoffend/ kuͤnfftig
Ehr vnd Frewde an ſelbigem zu erleben.
Nicephorus ſchreibt/ daß Keyſer Theodoſius es offt
GOtt gedanckt/ daß zu ſeiner Zeit der gelehrte vnd vortreffli-
the Mann Arſenicus gelebt/ damit er jhm ſeine Soͤhne Ar-cadium vnd
Barſillai frewet ſich daß er ſeinen Sohn an des Koͤnigs
Davids Hoff gebracht/ 2. Sam. 19. v. 37. Wie vielmehr jhr
Chriſtliche Eltern/ ſollet jhr euch troͤſten vnd frewen/ daß
ewer liebes Soͤhnlein ſchon in die Himliſche hohe Schul ver-
ſchickt vnd angenommen worden/ vnter lauter Heiligen woh-
net vnd mit heiligen Hertzen lauter himliſche Dinge faſſet/ in
GOTT vnd bey GOtt wol vnd reichlich verſorget vnd ver-
ſehen iſt.
Das
III.
iſt
Venenum calamitatis & miſeriæ
Die Fewerbrennende Creutzgifft.
Davon entfreyet die lieben Kinder der fruͤhzeitige Toot/
wie hier vnſer Text ſagt: Darumb eilet er mit jhm außdem boͤſen Leben.
Boͤſe iſt dieſes zeitliche Leben (1.) reſpectu Diaboli,
denn der boͤſe Geiſt ein Fuͤrſt der Welt/ gewaltig wider die
Menſchen ſtreitet/ Epheſ. 6 v. 11.
Boͤſe (2.) reſpectu mundi immundi, denn die Welt-
kinder ſind boͤſe vnd ligen im argen 1 Joh. 5. v. 19.
Boͤſe (3.) reſpectu peccati, denn wir koͤnnen vns des
boͤſen vnd der Suͤnden nicht ſo gar enthalten/ weil in vnſerm
Fleiſche nichts gutes wohnet/ wie Paulus ſchreibet Rom. 7. v. 18
Boͤſe (4.) reſpectu periculi, denn hier ſtehet ein
Menſch in allerley Noth vnd Gefahr/ vnd diß Leben iſt ein
elend jaͤmmerlich ding Sir. 40. v. 1. alſo daß der Menſch gleich
iſt Compendium miſeriæ, da alles Vngluͤck jhnen zu hauf-
fen ſtoͤſſet.
Totum quod homo eſt, calamitas eſt. Ach es iſt
doch alles an den Menſchen Elend/ Creutz vnd Vngluͤck.
Daher die Thracier weineten wann jhnen ein Kind gebohren
ward/ weil ſie betrachteten/ daß es zu vielen Elend gebohren
wuͤrde.
Summa, Es bleibt wol mit den Menſchen/ vnd ſonder-
lich mit den Kindern GOttes bey des
Herrn
Chriſti
Denn gleich wie die Medici denen ſo am Hauptwehe
liegen/ etwan die Fuͤſſe baden vnd ſalben laſſen: Vnd denen
die an den Augen ſchmertzen haben/ Artzney vnd Pflaſter in
den Nacken legen/ vnd dadurch den Schmertz fortziehen vnd
zertheilen: Alſo machts auch vnſer lieber GOtt. Er ſchlaͤgt
die Kinder vnd leſt die Eltern weinen. Er legt die Oelzweige
vnter die Preß/ daß den Eltern die Augen davon vbergehen:
Damit bringet er es bey den Eltern ſo weit/ daß ſie jhm jhre
Kinder deſto williger folgen laſſen/ da ſie ſonſten zu feſte mit
halten wuͤrden. Ja ſo gar werden die Eltern durch der Kin-
der Leid vnd Kranckheit beweget/ daß ſie GOTT noch darzu
bitten/ daß er jhre Kinder hinweg nehmen wolle.
Ich muß ewer Liebe ein Gleichnus de tempore geben.
Sehet vnd bedencket/ wie weit habens die Soldaten jetziger
Zeit bey vns bracht/ vnd vns ſo mild gemacht/ daß wir ſie offt
vmb Gotts willen bitten/ daß ſie nur das Geld von vns neh-
men wollen. Womit aber haben ſie es darzu gebracht? Nicht
mit Glimpff vnd guten Worten/ ſondern mit jhrem Trotz/
vnd gewaltſamen Beginnen/ alſo/ das man nur ein aͤrgers
verhuͤte.
Alſo auch/ wenn es vns GOtt jmmer lieſſe wolgehen/
wuͤrden wir nicht gern auß der Welt wollen/ auch die vnſrigen
GOtt vngerne folgen laſſen: Drumb muß ſich GOTT mit
Creutz vnd Kranckheit was ernſter erzeigen/ an vns lauffen
wie ein Gewaltiger Job. 16. v. 14. daß wir nicht allein davon
Daumeln Pſal. 60. v. 5. ſondern wol gar darnieder fallen vnd
liegen bleiben/ daß/ da es zuvor bey guten Tagen vnd Gluͤck
geheiſſen/ wie im 10. Pſalm v. 6. ſteht: Ich werde nimmer-
mehr darnider ligen. Da heiſts alsdenn:
Hier ligich armes Wuͤrmelein
Kan regen weder Hand noch Bein
Da geben vnd ergeben wir vns denn mit vnſern Kindern/
vnd Practiciren erſt recht was wir vormahlen geſagt vnd ge-
ſungen:
Alſo muß vns GOtt gleich vnſere Kinder abnoͤti-gen. Denn das Vaterrecht vnd der Vaͤterliche
Vnd alſo hat ewer Liebe hiebey von der Weißheit ver-
nommen/ daß GOtt darumb mit den lieben Kindern auß
der Welt eile/ auff daß er ſie durch fruͤhzeitiges Abſterben von
der Suͤnde/ falſche Lehre vnd vielem Creutz vnd Leiden er-
loͤſe.
Es weiſet vns aber der abgeleſene Text auch
Worzu Gott vnſere Kinder durch fruͤhzeitigen Todtbringe vnd befoͤrdere.
Da werden nun im Text zweyerley Wolthaten erzehlet.
Die
I.
iſt Ruhe/ wie die Weißheit Salomonis allhier im
Texte ſagt: Der Gerechte ob er gleich zu Zeitlich ſtirbt/iſt er doch in der Ruhe.
Durch den Gerechten wird allhier niemand anders
verſtanden als ein Chriſtglaͤubiger Menſch/ der aus Waſſer
vnd dem heiligen Geiſt Widergebohren Joh. 3. v. 3. Vnd durch
den Glauben an Chriſtum gerecht worden Rom. 3. v. 5. Vn-
ter welche auch ſonderlich die lieben vnd vnſchuldigen Kinder
zu rechnen ſind.
Die fuͤhret jhm nun GOtt durch den Todt zurRuhe. Denn diß Leben wenns gleich auffs koͤſtlichſte iſt/ ſo
Wenn wir aber im Todte eingeſchlaͤffet werden/ da hoͤ-
ret alle Muͤhe/ alle Arbeit/ alle Noth vnd Jammer auff. Daheiſts/
non homo ſed hominis miſeria moritur.
Sein Jammer/ Truͤbſal vnd Elend
Iſt kommen zu eim ſeligen End.
Da heiſts:
So ſchlaff ich ein
Vnd ruhe fein
Kein Menſch kan mich auffwecken.
Wie von ſolcher Ruhe Eſaias cap. 56. v. ult. ſagt: Sie
ruhen in jhren Kammern. Vnd verſtehet durch die Kammern
nichts anders als die lieben Grabſtaͤdlichen/ darin die ſelig ver-
ſtorbenen Leiber jhr requiem biß zum Juͤngſten Tage halten
werden. Von welcher Ruhe auch die himliſche Stimme Pre-
digt Apoc. 14. v. 13. Selig ſind die Todten die im
Herrn
O wie wol ruhet nun das liebe Kindlein in ſeinem
Sarck vnd Schlaffkaͤmmerlein/ Ach wie ſo mancher Vn-
ruhe/ Muͤhe vnd Arbeit iſt es entgangen vnd abgeſtorben.
Im Himmel wird es mit allen ſeligen Außerwehl-ten ewige Ruhe haben vnd finden/ wie davon Eſaias ſagt
Die
II.
Wolthat iſt vollkommenheit. Davon vn-
ſer Text alſo redet: Er iſt bald vollkommen worden vndhat viel Jahr erfuͤllet.
Worinnen aber ſolche Vollkommenheit vnd rechtes Al-
ter beſtehe/ zeiget die Weißheit Salomonis in vorhergehenden
Wotten an/ vnd machet zwey Stuͤcke namhafftig.
Das
I.
iſt
Sapientia
Klugheit/ durch welche nichts
anders verſtanden wird als das wahre Erkaͤndnus GOttes/
wie es David bezeuget im 111. Pſalm verſ. 10. Die Furcht des
Herrn iſt der Weißheit Anfang/ das iſt eine feine Klug-heit. Solche Erkaͤndtnus GOttes pflantzet GOtt der hei-
In ſolchem Erkaͤndtnus GOttes vnd Chriſti/ werden
ſie nun im Himmel vollkommen. Vnd iſt jhr Alter Ehrlich/
ob ſie gleich nicht viel Jahre haben/ weil ſie nur das Erkaͤnt-
nus Chriſti/ wahren Glauben/ vnd den heiligen Geiſt haben.
Das
II.
iſt
Vita immaculata
Ein vnbeſtecktes Le-ben. Ein vnbeflecktes Leben aber fuͤhren/ heiſt nicht gantz
Vnter welche denn auch ſonderlich die kleine Kinder zu
rechnen/ als die wegen jhres vnbefleckten Lebens vnſchuldi-ge Kinder genennet werden. Welches aber nicht geſchicht/
So leſt ſich auch Gottes Geiſt offt in Kindern vnd jungen
Leuten alſo ſpuͤren/ daß ſie an Tugend vnd Froͤm̃igkeit die Altẽ
weit vbertreffen wie Ambroſius von der Jungfrawlichẽ Mar-
tyrin Agnete ſchreibet daß ſie geweſen Corpore juvencula ;
animo cana; pulchra facie, pulchrior fide. Dem Leibe
Vnd Caſſiodorus ſagt: Multi juvenes morum gra-vitate maturi ſunt, viel Junge Leute alteren ſich wol in der
Allermeiſt aber macht GOtt die Kinder vollkommen im
Todte/ denn da bringt vnd befoͤrdert er ſie zu dem Ewigen Le-
ben/ vnd macht ſie Vollkommen
I. in ſenecta, da werden
ſie ſich wol altern vnd viel Jahr erreichen. Was jhnen hier
an Jahren vnd Alter abgegangen/ das wird jhnen dort Ewig
zu gehen. Hier iſt nach Moſe Außſpruch das hoͤchſte Ziehl
des Lebens Achtzig Jahr. Pſal. 90. verſ. 10. Aber dort fuͤr
dem
Herrn
werden tauſend Jahr ſeyn wie ein Tag 2.
Er macht ſie Vollkommen
II. in ſcientia, in der
Weißheit vnd Wiſſenſchafft/ welches hier nur Stuͤckwerck
iſt: Dort aber wird das Stuͤckwerck auffhoͤren/ vnd das Voll-
kommene angehen. 1. Cor. 13. v. 9.
Er macht ſie Vollkommen
III. in juſtitia & glo-ria, in der Gerechtigkeit vnd Herrligkeit. Denn hier Wallen
Er macht ſie Vollkommen
IV. in lætitia, in der
Frewde. Hier wohnen wir in valle lachrymarum im Jam-
merthal Pſal. 84. verſ. 7. Da weinen die erſte Stim̃. Sap. 7.v. 3. Aber dort wird Frewde die fuͤlle ſeyn. Pſal. 16. verſ. 11.
Da werden ſich die ſeligen Außerwehlten frewen daß ſie
zu GOtt kommen/ vnd der Hellen gantz entronnen. Frewen
werden ſie ſich der Engliſchen Gemein/ vnd daß ſie ſo herrlich
verklaͤret ſeyn.
Ubi ſunt gaudia?
Nirgend mehr denn da.
Dahin das liebe ſelige Kindlein auch ſeinen Weg genom-
men/ vnd da ſein Seelichen ſchon allbereit von nun an hin
gelanget iſt.
Nun du liebes Patlichen/ du biſt Gluͤcklich hinuͤber
vber den ſchweren Berg des Todtes/ daran wir noch zu ſteigen
vnd kreiſen haben. Ach helffe GOtt/ daß wir auch ritterlich
vberwinden/ vnd nach ſeinem Willen gluͤckſelig vnd ſelig fol-
gen moͤgen.
Nun du liebes Patlichen/ du haſt jetzo im ſchawen
vnd in re, was wir noch gewarten im Vertrawen vnd in
ſpe.
Nun du liebes Patlichen:
Nun du liebes Patlichen/ du biſt jetzo ein rechter Je-remias worden.
Wenn jhr nun diß bedencket/ jhr Chriſtliche Vater vnd
Mutter Hertzen/ ſo wirds euch freylich kraͤfftiglich troͤſten/
den Schmertzen lindern/ vnd dz Leid ſtillen/ daß jhr werdet den
Willen ewers GOttes laſſen gut ſeyn/ vnd auß erklaͤretem
Text erkennen/ daß ewres lieben Soͤhnleins Seele jhme wol-
gefallen/ darumb er mit jhm geeilet auß dem boͤſen Leben.
Dieſen Troſt bewahre/ ſtaͤrcke/ verſigle vnd verſi-chere in ewren betruͤbten Hertzen GOtt vnſer Himli-ſcher Vater/ durch ſeinen heiligen Geiſt vmb JEſuChriſti willen/ Amen.
ANlangend nun den Lebenslauff/ des in Gott
Denn nach dem bemeltes Soͤhnlein den 9. Aprilis
☿ lauffendes 1636. Jahrs zu Nacht zwiſchen 1. vnd 2.
Vhr auff dieſe Welt gebohren worden/ von ſeinen
Chriſtlichen Eltern.
Dem Ehrnveſten/ Wolgelahrten vnd Wolbe-
nahmbten Herrn
CHRIS TIANO FABRI, J. U. C.
Vnd der viel Ehrntugendſamen Frawen
SU- Geborne Schepſin.
Auch folgends alſo bald Widergebohren/ durch
die ſeligmachende Tauffe Chriſto vnd ſeiner Kirchen
einverleibet/ vnd mit ſeinem Tauffnahmen
JERE- genannt worden: Hat es nachmahlen viel
Nun/ der Ewige vnd Allmaͤchtige GOtt/ der ſei-
nen zarten Leib zur Ruhe geleget/ ſein Seelichen zu
himliſcher Frewde gefuͤhrt/ vnd beyderſeits am Juͤng-
ſten Tage wider zum Ewigwehrendẽ himliſchen Leben
vereinigen wird/ verhelffe durch ſeinen heiligen Geiſt/
daß die hertzbetruͤbte Eltern ſoiches Chriſtlichen be-
dencken/ ſich troͤſten vnd der gewuͤnſchten Zuſam̃en-
kunfft in Ewigem Leben bey Chriſtlicher Gedult er-
warten. Welche ſich auch/ gegen die hochgeehrten
Herren vnd Freunde von Frembdes
Einem Ehrnveſten wolweiſen RathDie Herren Elteſten vnd Geſchworne
Vnd die gantze loͤbliche Buͤrgerſchafft/ daß
ſie jhr liebes Kind zum Grabſtaͤdtlein beleiten helffen
wollen/ ſolches mit annehmlich liebes dienſten hinwie-
derumb beſter moͤglichkeit erwiedern.
Helffe Gott daß wir alle als Kinder Gottes Chriſt-
lich Leben vnd Selig ſterben/ vnd am Juͤngſten Tage
in Ehr vnd Frewden zuſam̃en kommen moͤgen/ durch
JEſum Chriſtum vnſern HErrn Amen.
EHrnveſte/ Großachtbare/ Ehrwuͤrdi-
Wenn Gott der H. Geiſt zeigen vnd weiſen wil/ wie der
betruͤbten Mutter Hertz geſtanden/ gegen welcher ſich der hoch-
weiſe Koͤnig Salomon geſtellet/ als wenn er jhr liebes Kind
wolte toͤdten/ vnd in Stuͤcken zerhawen laſſen/ ſo braucht er
zwar wenige/ aber gar nachdenckliche Wort/ 1. Reg. 3, 26.
Wenn er ſpricht/ ἐ
ſchen Bibel ſieht/ turbatus fuit uterus ejus,
Ihr Muͤtter-lich Hertz entbrandt vber jhren Sohn/ hat es der Mann
Verè dixit Imperator Juſtinianus: Nullus eſt, affe-ctus, qui vincat paternum,
Num poterit Mulier curam deponere nati;
Ut Mater ſubolem negligat ipſa ſuam?
Kan auch ein Weib jhres Kindleins vergeſſen/ daßſie ſich nicht erbarme vber den Sohn jhres Leibes ?
Damit wir denn gelehret werden/ daß die liebe der El-
tern gegen jhre Kinder ſo groß vnd jnbruͤnſtig/ daß ſie es vber
jhre Vaͤterliche vnd Muͤterliche Hertzen nicht bringen koͤn-
nen/ daß ſie ſich vber jhrer Kinder Vn- vnd Todtesfall nicht
hoͤchlichen betruͤben ſolten.
Publius Mimus hat geſagt/ Homo toties moritur,quoties amittit ſuos, Ein Menſch ſtirbet ſo offt/ als er die
Sie hoffen an denſelben Ehre vnd Frewde zu erleben/
ſie hoffen an denſelben in jhrem Alter einen Troſt vnd Stab
zu haben. Sie hoffen in jhnen auch nach jhrem Todte zu Le-
ben. Denn ſie wiſſen dz der weiſe Hauß Lehrer Sirach ſpricht:
cap. 30/3. Wenn einer ſein Kind Zeucht/ das verdreuſtſeinen Feind/ vnd erfrewet ſeine Freunde. Denn woſein Vater ſtirbt/ ſo iſts als wer er nicht geſtorben/denn er hat ſeines gleichen hinter jhm gelaſſen. Da erlebete/ ſahe er ſeine Luſt vnd Frewde an jhm. Da erſtarb/ dorffte er nicht ſorgen. Denn er hat hinder ſichgelaſſen einen Schutz wider ſeine Feinde/ vnd der denFreunden wider dienen kan.
Wenn jhnen aber die Kinder ſterben/ ſimul quaſi emo-riuntur, da erſtirbet gleich alles an jhnen/ ſie hermen ſich offt
Schreibet mein auff der loͤblichen Univerſitet Leiptzig gewe-
ſer Pivat-Præceptor Herr M. Johann Hartranfft/ ſeliger
Gedaͤchtnus. Drumb ſeind die hochgeehrte Eltern nicht
zu verdencken/ daß auch ſie ſich vber dem Todte jhres einigenlieben Soͤhnleins
Sie ſollen ſich aber nicht ſo gar ſehr betruͤben/ in Be-
trachtung daß man damit nicht alleine nichts außrichte: Son-
dern daß man ſich auch damit groͤblich an GOtt dem
Her- verſuͤndige/ vnd daß jhrem lieben Soͤhnlein durch ſol-
Da auff eine Zeit der Thebaniſche Fuͤrſt Epaminondas
gehoͤꝛet/ das in der Schlacht ad Leuctras gehalten ein beruͤhm-
ter Kriegsman geblieben/ hat er geſagt O Hercules! quod o-tium hic vir nactus eſt; otium enim mors eſt, vita nego-tium, Ach wie iſt der Mann ſo bald zur Ruhe kommen/ denn
Da Cicero ſeinen guten Freund den Titium troͤſten
vnd vermahnen wil/ daß er ſich vber dem Todtesfall ſeines lie-
ben Sohns nicht gar zu ſehr betruͤben ſoll/ ſo helt er jhme vnter
andern fuͤr die vnruhige boͤſe Zeit/ welcher er alſo entgangen/
wenn er ſpricht lib. 5. Epiſtol. Fam. Hoc non dubitansconfirmare poſſum, ea miſceri, parari, im pendere Rei-publicæ, quæ qui reliquerit, nullo modo mihi quidem de-ceptus eſſe videatur. Quid eſt enim jam non modò pu-dori, probitati, virtuti, rectis ſtudiis, bonis artibus, ſedomninò libertati ac ſaluti loci? non mehercule quenquamaudivi hoc graviſſimo & peſtilentiſſimo anno adoleſcen-tulum aut puerum mortuum, qui mihi non à diis immor-talibus ereptus ex his miſeriis, atq; ex iniquiſſima condi-tione vitæ videretur. Mit dieſen Worten wil er jhn ermah-
Haben wir nicht auch jetzo eben ſolche Zeiten? Wir doͤrf-
fen ſie nicht beſchreiben; Wir koͤnnen ſie auch wegen des E-
lends nicht gnug beſchreiben.
Ah nos attigimus jam tempora, ſcilicet in quæ
Omne reſervatum eſt triſte, qvod orbe latet.
Omnîa plena malis, regiones, oppida, vici
Æqvora cum fluviis, omnia plena malis.
Wir haben erlebet boͤſe Zeiten/ wie ſie S. Paulus ſel-
ber nennet/ da man jmmer hoͤret Kriege vnd Geſchrey vonKriegen. Wie der Sohn GOttes geweiſſaget/
Sehr ſchoͤn hat ein vornehmer Mann in vnſer Nach-
barſchafft davon geſchrieben/ an einen guten Freund/ den auch
ſolch KinderCreutz betroffen:
Alſo iſt das liebe an jetzo zu Grabe begleitete Soͤhnlein
auch aller Noth vnd Gefahr entgangen/ vnd nun erſt ein rech-
ter Jeremias worden. Jeremias iſt ein Hebraiſch Wort/ vnd
heiſt auff Teutſch einen erhoͤheten des
Herrn
. Ein ſol-
Nun iſt es ein rechter Jeremias vnd von ſeinem GOtt
alſo erhoͤhet/ daß es in der Hoͤhe bey GOtt wohnet/ daß ſein
liebes Seelichen ſagen kan:
Ergò ego terrenum nunc cluctata profundum,M. Chriſt.
Gallus, Fa-
cult. Philoſ.
meo temp.
Lipſ. Aſſeſ.
Sidereos montes celſaq; templa peto.
Eja ich bin entgangen
Dem Leib/ ſo mich gefangen!
Bin Gott Lob/ kommen ſchnell
Zun Bergen Iſrael!
Nun iſt es ein rechter Jeremias/ vnd von dem Herrn
ſeinem Gott alſo erhoͤhet/ daß keine Kranckheit weiter zu jhm
kommen kan. Denn nu hat es in ſeinem Todte abgelegt/ τὸ
σῶμα ſeinen nichtigen Leib/ wie Paulus re-
det Philip. 3/ 21. Vnd iſt der Seelen nach an dem Orth/ da
æterna ſanitas, Ewige geſundheit/ da kein Todt mehr iſt/ da
kein Leyd/ noch Geſchrey/ noch Schmertz mehr iſt/ Apoc. 21, 4.
Vnd am bald zukuͤnfftigen Juͤngſten Tage wird der groſ-
ſe Kinder-Freund JEſus Chriſtus ſein Leiblein auß der Er-
den aufferwecken/ vnd es machen σύμ
ἀυehnlich ſeinem verklaͤrten Leibe wie S. Paulus be-
zeuget/ Phil. 3, 21.
Nun iſt es ein rechter Jeremias/ vnd von dem
Her- ſeinem GOtt alſo erhoͤhet/ daß kein Feind weiter zu jhm
Nu iſt es aller ſeiner Feinde toben/
Vnd alles Jammers frey vberhoben/
Nun mag jhm keine Creatur zuſetzen/
Noch jhn was letzen.
Nun iſt es ein rechter Jeremias von dem
Herrn
ſei-
Kein Ohr hat je gehoͤret/
Kein Menſchlich Auggeſehn
1.Cor.2. 9.Die Frewd/ ſo den beſcheret/
Die jhm GOtt außerſehn.
Damit ſich ja die hochgeehrten Eltern auffrichten/
vnd vber dem Todte jhres lieben Soͤhnleins zu frieden geben
ſollen.
Das aber E. Ehrnv. Ehrw. GroßAchtb. Weißh.vnd Guͤnſten/ wie auch die
Schließlich wuͤndſchen wir dem ſelig verſtorbe-nen Soͤhnlein eine ſanffte Ruhe in ſeinem Schlaffkaͤm-merlein/ vnd am Juͤngſten Tage eine froͤliche Auffer-