Christlike Kercken Ordeninge / Ceremonien vnde Gesenge / Vor arme vngeschickede Parheren yn dem löff liken Förstendome Her togen Ericks / gestelt vnde yn den Druck gegeuen.

Mit einer Vorrede, Ant. Coruini.

Von Goddes gnaden / wy Elizabeth / Geborem Marckgraffin tho Brandenborch / etc. Hertoginne tho Brunswig vnde Lünenborch / We dewe / Entbeden allen vnde ydern vnsen vnderder danen / Geistlikes vnde Wertlikes standes / vnsen groth vnde gnedigen willen thouören.

LEuen getruwen / nadem male wy de vornemesten Artickel vnses waren olden Christliken gelonens / Desgeliken / den Catechis mum edder Kinderlere / iuw tho gude yn den Druck affgeferdiget / Debbe wy ock vor nödich angeseen / eine Kercken Ordeninge mit etliken Christ liken Gesengen / iuw tho stellen tho lathen / Nicht dat ein Christlick wesent vnde lëuent / yn ydelen Ceremonien sta / Besunder dat wy den noch gerne yn allen vnsen Kercken / eine enicheit / dewile de gemene man / vël vp de sülue süth / yn düssem falle hebben wolden. So wëthe wy yo ock vth dem hilligen Paulo / dat eine solcke vtherlike Eerbarheit der Ceremonien / yn der Kercken syn moth. j. Corinth. viiij. Wat wolde de yöget süs vor eine öuinge hebben? Wor mede scholde me den gemenen man / tho dem gehöre des Wordes bringen?

Dat wy öuerst etlike vnde vël der süluen Ceremonien vpgerichtet vnde geholden hebben willen / hefft de nodt / yn vnses fründtliken leuen vnmündigen Söns Förstendome / vnde vnser Lifftucht / also gefördert / Vnde hebben hirinne den schwackgelöuigen / etliker mathe / darmede se dorch dat rokelose wesent / alse me yn etliken Kercken süth / nicht geergert wörden / denen willen / Wëthen süs (Godt hebbe loff) wol / worynne ein Christlick wesent vnde lëuent steit / vnde dat de rechten Anbëder / den Vader ym Geiste vnde Warheit anbëden schöl len. Johan. iiij. Willen vns derhalnen ock vör beholden hebben / wenn nu dat Wort ein tidtlanck lutter vnde reine geprediget / vnde de Euangelische Stende tho gelick eine Ordeninge vörnemen wörden / dat wy alse denne ock macht hebben willen / tho voranderende vnde tho vorbeterende / wat de nodt förderen wert.

Demna ys an iuw Parheren vnse gnedige begër vnde gesinne / gy willen iuw yn de Ceremonien vnde Kercken Ordeninge / alse me de süluen iuw hyr vör geschreuen hefft / ernstlick schicken / vnde ydt alle yn der Kercken Eerbarlick holden vnde anrichten? Dessüluen geliken an iuw vnse Amptlüde / dat gy / so vël iuw de sake belanget / ock allen flith by vngnediger straf fe vörwendet / Dat hirynne nicht öuertreden / vnde so mothwillige öuertredinge geschë / solckes gestraffet werde. Darannedo gy Godde ein wolgefallen / vnde vnser thouorlatigen meninge. Datum Münden / etc. Ym jare des ringerntals. xlij.

Allen Parheren vnde Kerckendenern des löffliken Förstendomes Hertogen Ericks / wünschet Antonius Coruinus dessüluen Förstendomes Superintendens / gnade vnde frede dorch Christum.

WErdigen / Wolgelerden leuen Heren vnde Bröder / Nademmale sick dat meiste dël manck iuw so lange her beklaget / se können sick yn der Ouerlendischen sprake / yn welckerer de vthgeghane Förstlike Ordeninge gedrücket / nicht wol schicken / Vnde darum me de sülue leuer yn Sassisscher sprake lesen wolden / So hebbe ick iuw vnde iuwen Parkinderen / de sunder twiuel ock gerne öhrer moder sprake leuer wenn eine frömde hören / tho gude / mit dem Drücker Henninggo Rudeno gehandelt / dat he de genömede Ordeninge / sunderlick so vël alse der Kercken Ceremonien belanget / yn Sassisscher sprake noch ein mal vpgelecht vnde gedrücket hefft. So gy denn nu nene entschüldinge / darmede gy iuwe nalaticheit lenger smücken kündt / mër hebbet / So ys van Ampts wegen myn ernstlick beger / vor myne person gantz fründtlike bede / gy willen iuw vordan yn iuwe Ampt (angeseen dat gy so sware rekenschop dem Ertzherden Christo an yennem dage daruan geuen möthen) der mathen schicken / dat gy iuwes flites an dem süluen dage genëthen vnde nicht entgelden möget / Wente ydt betüget de hillige Daniel ym xij. Cap. nicht vorgefflick / wat vor eine herlicheit getruwen Lerern / alse denn wedderuaren schölle. So werde gy vngetwiuelt ock hyr by vnser hochlöffliken Landesförstinnen vnde gnedigen Frouwen / dessüluen geneten / vnde einen sünderliken rohm by allen fromen herten darmede ynleggen. Tho dem schölle gy alle mögelike vördernisse / vor schop vnde gunst dar mede erlangen / vnde iuw nichts tho my / denn ydel fründtschop vor seen / Wo gy iuw öuerst anders alse recht vnde iuwe Ampt fördert / schicken werdet / so mach ick iuw nicht vörentholden / dat mick öhre F. G. ernstliken beuolen hefft / na geschenen vormaningen vnde warningen / de vngehorsamen vnde vntüchtigen öhres Ampts / thoentsetten / vnde andere so geschickt vnde from syn / an öhre stat tho vorordenen. Wil mick ock hyrinne mit Goddes hülpe dermathen richten / dat gy eruaren vnde seen schölt / dat ick der yenigen fuelheit vnde vngeschicklicheit / so sick nicht betern willen / vp myner Conscientien nicht berouwen lathen wil. Solckes hebbe ick iuw hertliker guder wolmeninge vnangetekent nicht lathe wille / vn by iuw yn alle gebörlike fründtlike wege tho begünstigen geneget vnde öuerbödich. Datum Pattensen am Dinstage na Agnetis / Anno etc. xliiij.

De Ceremonien wo de allenthaluenyn Steden / Ble cken vnde Dörpperen / geholden werden schöllen.

DEwile de hillige Augustinusad Inquisitiones Januarij secht / Wat wedder den Gelouen vnde guden sede nicht sy / Vnde ock süs jemande thor beteringe des lëuendes vellichte reitzen könde / schal men nicht allene nicht vor werpen / sunder ock louen vn de vël mër holden / So wëthe wy de gewöntliken Gesenge der Kercken / de dem Worde nicht tho weddern syn / nenerleye wiss tho vorwerpe / Wente wat scholde süs de yöget yn der Gemene vor eine öuinge hebben? Edder ys de Musica nicht eine gaue Goddes / de me tho syner eere bruken kann? Sunderlick wenn me mit dem munde vnde herten tho gelick singet? Ydt wert warlick de hillige Ambrosius / edder wol solcke Gesenge yngesettet (Wowol ydt Augustinus vor benömedem Ambrosio Confessinonum Lib. ix. Cap. vij. tho schrifft) orsake dartho gehat / vnde vp den spröke Pauli geseen heb ben / dar he secht. Latet ydt althomal eerliken vnde ordentliken thoghan. j. Corinth. xiiij. Vp dat nu ock by vns eine öuinge vnde Ordeninge yn der Kercken bliue / vnde nicht althomale vor gha vnde öuer einen hupen hen geworpen werde / So wille wy ydt also (alse volget) hyr vnde dar yn den Kercken / Vnsem fründtliken leuen vnmündigen Söne / vnde vnser Lifftucht / vnderworpen / gelickförmich vnde eindrechtich geholden hebben. Nicht dat yn solcken vthwendigen Ceremonien / ëuen de Godtsalicheit sta / sunder dat dennoch yn den Kercken eine Ordeninge / tucht vnde zyr syn moth / darmede de Gemene man / de gemënliken hyr vp süth / dat Wort deste leuer tho hören vnde anthonemen gereitzet werde.

Wo me ydt an den Sönnauenden vnde Vyrauenden yn den Kercken holden schal.

DDewile men solange her an den Sönnauenden vn de Vyrauenden / de Vesper al le tidt yn den Steden stadtliken gesungen vnde geholden hefft / So wille wy o ck desülue gesungen vnde geholden hebben / vp solcke wise vnde mathe alse volget.

Thom ersten schal me vp de gewönlike wise anfangen. Deus in adiutorium meum intende / mit dem / Gloria patri etc.

Darna schöllen de Jungen eine Antiphen de Tempore anheuen / vnde vp de sülue dre Psal men singen. Me schal öuerst solcke Psalmen / fyn lancksam vnde mit andacht singen / vpdat nicht mër ein spot vnde hülen / wenn ein singent wedderumme daruth werde.

Na sölcken Psalmen vnde der Antiphen / mach me ock singen einen Hymnum / Sünderlick de Tempore / so gemënlicken reine syn / Wel ckere öuerst dersüluen nicht reine weren / schal medaruor nemen / dede reine syn.

Vp den Hymn um volget denn ein Versikel / Item ein Antiphen vnde dat Magnificat / Dat sülue Magnificat / dewile ydt ein drepliker Louesanck ys / vnde derhaluen yderman billick wëthen scholde / Mach de Scholmester / na der gelegenheit / Düdesch edder Latinesch singen.

Wenn dat Magnificat mit syner gewönliken Antiphen also gesungen wert / so schal de Parner edder Cappelan / buthen vor dem Altare / ein Capittel vth dem nyen Testamente thom volcke / wenn dat sülue vorhanden ys / lesen / darmede se yn dem Texte voruaren vnde dorch lüfftich werden / Vnde dat ock mit korten Sum marien voruaten / Vnde wenn denn solckes geschënys / so schal de Vesper mit einer Christliken Collecten vnde dem Benedicamus besloten syn.

Yfft alse denne ock Communicanten vorhanden weren / de des andern dages tho dem Hochwerdigen Sacramente ghan wolden / de süluen schal de Parner edder Cappelan hören / vnderwisen vnde Absolueren / Vnde thom Sacramente nemande tholathen / he hebbe sick denn also bewiset / vnde syne Absolutien entfangen.

Vnde dewile vel entfoldige Parheren syn / de sick yn solcker Absolutien süluest nicht schicken können / so mach ein yder / dese nicht beter maken kan / düsse nauolgende bruken.

Eine form der Absolutien

DE Allmechtige Godt hefft sick dyner Erbarmet / vnde dorch dat vordenst / des alder hilligesten Lydens vnde Vperstandinge / vnses HEREN Ihesu Christi / synes geleueden Söns / vorgifft he dy alle dyne Sünde. Vnde ick alse ein beropen Dener der Christlicken Kercken / vth beuële vnses HEREN Ihesu Christi / vorkündige dick solcke vorgeuinge der Sünde / Im namen des Vaders / des Söns vnde des hilligen Geistes / Amen. Gha hen ym frede / Dick geschë alse du gelöuest.

Eine Vormaninge de an den Sönuauenden vnde Vyrauenden / na gedaner Bicht vnde entfangener Absolution / allen de Communiceren willen / Int gemene geschën schal.

GY alderleuesten ynn Godt / dewile wy morgen dat Auentmal vnses HEren Ihesu Christi / bedencken vnde holden willen / darynne he vns syn Flesch thor spise / vnde syn Bloth thom drancke / den gelouen darmede tho stercken / gegeuen hefft / schölle wy billick mit grotem flithe / ein yder sick süluest pröuen / Alse vns de hillige Paulus yn der Ersten Epistel thon Chorinthern am xj. Capit tel vormanet hefft / Wente ydt ys solck Sacramente tho einem sünderlicken troste vnde stercke gegeuen / den Armen / bedröueden vnde zachhafftigen Conscientien / de öhre Sünde bekennen / Goddes thorn vnde den Dodt früchten / vnde na der gerechticheit hungerich vnde dörstich syn. So wy öuerst vns süluest pröuen / vnde ein yder yn syne Conscientien gheit / werde wy gewislick nichtes anders finden / denn alderley grüwelike Sünde vnde den Dodt / den wy mit der sünde vorschüldet hebben / vnde können vns doch yn nenem wege süluest daruth helpen.

Darumme hefft vnse leue HERE Ihesus Christus sick öuer vns erbarmet / vnde ys vmme vnser Sünde willen minsche geworden / vp dat he dat Gesette / vnde allen willen Goddes / vns tho gude vorfüllede / vnde den Dodt / vnde allent wat wy mit vnser sünde vorschüldet hadden / vor vns vnde tho vnser Vorlösinge / vp sick neme vnde erlede / Vnde dat wy yo genslick dat gelöuen / vnde dorch den gelouen frölick yn synem willen lëuen möchten / Nam he na dem Auentmale dat Brodt / sede danck / brack ydt vnde sprack / Nemet hen vnde ethet / dat ys myn Liff / dat vor iuw gegeuen wert. Dat ys / dat ick minsche byn worden / Vnde allent wat ick do vnde lide / ys althomal iuw egen / vor iuw vnde iuw tho gude geschën / vnde des tho einer gewissen antekinge vnde tüchenisse / geue ick iuw mynen Liff thor spise.

Desgeliken nam he ock den Kelck vnde sprack / Nemet hen vnde drincket alle daruth / Dat ys de Kelck des nyen Testamentes / yn mynem Blode / dat vor iuw vnde vor vele vorghothen wert / tho vor geuinge der sünde / so vaken alse gy ydt don / schölle gy myner darby gedencken. Dat ys / dewile ick mick iuwer angenomen / vnde inwe Sünde vp mick geladen heb be / wil ick mick süluest vor de Sünde yn den Dodt offern / myn Blodt vorgeten / Gnade vnde vorgeuinge der sünde vorweruen / vnde also ein nye Testamente vprichten / darynne de sünde vorgeuen / vnde ewichlick nicht mër schal ge dacht werden / Des tho einer gewissen antekinge vnde tüchenisse / Geue ick iuw myn Blodt tho drinckende.

Wol nu also van dem Brode ethen / vnde van dem Kelcke drincken wert / Ock den wörden / de he van Christo höret / vnde den teken / de he van Christo entfanget / gentzlicken vnde vaste gelöuet / de blifft ym HEren Christo / vnde Christus yn öhme vnde wert ewichliken lëuen / Darby schölle wy nu syner gedencken / vn de synen Dodt vorkündigen / Nömlicken / Dat he vor vns gestoruen / vnde tho vnser rechtuerdiginge vpgestan sy / Vnde öhm darume danckseggen / ein yder syn Crütze vp sick nemen / vnde öhm na volgen / Vnde na synem Gebode ein den andern lenen / gelick alse he vns geleuet hefft. Wente wy synt alle ein Brodt vnde ein Lyff / sintemale dat wy alle eins Brodes dëlhaff tich syn / vnde vth einem Kelcke drincken.

Dyth althomale / wille gy iuw leuen fründe wolynbelden / vnde wol betrachten vnde beher tigen / darmede gy morgen / dat hochwerdige Sacramente tho geneten / desto geschickeder syn mögen / Vnde ghat also hen ym frede / Amen.

YDt schöllen vnde möthen öuerst hyr de Parners / ein flitich vpseent vp dat volck hebben / dat se vth rechter beger tho Chri sto / vnde nicht vth gewonheit thom Sacramente lopen.

Desgeliken schöllen so ock wiss syn / wenn öhne openbare Goddeslesterer / Eebreker / Spe ler / Fulsuper etc. vörkomen / Dat se de süluen mit vornufft thostraffen / vnde thor beteringe tho vormanen wëthen / Vnde wenn sie nicht ernstlicke beteringe vnde afflatinge van solcken lasteren thoseden / schöllen sie ock thom Sacramente (me spöre denn ernstlicke beteringe)nicht thogelaten werden.

Wo men vorbenömede dage vp den Dörperen holden schal.

VP den Dörpern ys selden de bruck gewesen / Dat me Vesper gesungen hefft. Ydt weren denn truwen gro the Marcketblecke gewesen / De süluen / wenn de Parner hülpe hefft / hebben sick ock tho richtende na den Steden. Ouerst yn den Dörpern / dar mende Vesper nicht singen kan / schal ydt de Parner an den Sönnauenden vnde Vyrauenden also holden.

DEs auendes vmme dre edder veer slegen / wenn de arbeit ein ende hefft / schal de Op perman mit der Klocken / dat volck tho samende yn de Kercke beropen / vnde mit öhn einen Düdeschen Psalm edder dre singen / Vnde wenn de süluen gesungen syn / so schal de Par ner / den Catechismum ein veerdël van einer stun de driuen / vnde de sülue predige mit dem / Da pacem domine / Düdesch edder Latinesch besluten.

Vnde wenn denn dat Da pacem gesungen ys / so schal he de Communicanten hören / vnder wisen vnde Absolueren / alse vor angetekent.

Wo me ydt an den Söndagen vnde Vyrdagen yn den Steden holden schal.

DEs morgens fro wenn me na gewönliker wise tho der Metten geluth / vnde dat volck thosammende gebracht hefft / so schal de Parner edder Caplan de Metten mit dem Deus in adiutorium anheuen etc. Vnde darup dat Inuitatorium mit dem Venite singen lathen / Doch hyrinne thoseen / dat de Inuitatoria riene syn.

Vp dat Venite singet me dre Psalmen mit einem edder dren Antiphen dede reine syn.

Darna schal dorch einen Jungen / eine Lectien vth dem Nyen edder Olden Testamente / buthen vor dem Altare thom volcke gelesen / vnde vp solcke Lectien ein Christlick Responsorium ge sungen werden / Wil me öuerst dre Lectiones vn de dre Responsoria singen / schal tho des Parners vnde Scholmesters gefallen stan.

Na dem Responsorio dat Te deum laudamus / Düdesch / also / Dat dat Thor einen versch vnde de gemene hupe dat ander singe / Sonderliken öuerst moth de Opperman vth dem Chor hyr treden / vnde de Gemene / dat se fyn ordentliken singe / regeren.

Wenn dat Te deum gesungen ys / schal me thom volcke ein Capittel vth dem Nyen Testamente lesen / mit den Summarien vp dat de Lüde yn der Schrifft vnde dem Texte geöuet werden.

Vp solck Capittel singet me dat Benedictus mit einem Antiphen / vnde beslüth also de Metten mit einer Christliken Collecten / Benedicamus / vnde Da pacem domine / Düdesch edder Latinisch.

Vp den Dörpern kan me nene Metten holden / vth den orsaken / Dat de Parners nene hülpe hebben.

Ordeninge der Misse vnde des Auentmals.

HDt ys am dage vnde openbar / Dat benëuen dem hochwerdigen Auentmale / vël grüweliker missbrüke yngeretten syn / de me nenerleye wiss / ane mercklicken nadël der eere Christi vnde synes hochwerdigen vordenstes / dülden ed der liden kan / Alse nömeliken / dat me ein Offer vor de lëuendigen vnde doden daruth gemaket / vnde einen lasterliken Jarmarckt / hyr angerichtet vnde gestifftet hefft. Item dat me einerleye gestalt yn der vorsamelinge der Leyen gebruket / dat ys / solck Sacramente gedelet / vnde den Leyen na der ynsettinge Chri sti / dat sülue nicht gantz gereket hefft. Item / dat me vële Gesenge vnde Collecten / ock hyrinne genöret hefft / dede gantz vnde gar vnreine / wedder de hillige Schrifft / vnde derhaluen nenerleywiss tho liden syn. Wy willen swigen den lasterliken Canon / de by na / den gantzen bruck düsses Auentmals vordunckelt hefft.

Wowol wy nu solckes missbrukes haluen / alle Seelmissen vnde Winckelmissen / yn vnses fründtliken leuen vnmündigen Söns Förstendome vnde vnser Lifftucht affgedan hebben willen / So schal doch nicht desteweniger / dat Auentmal vnses HEren Ihesu Christi / vp dat herlikeste geholden / vnde ock de Gesenge vnde Ceremonien / dede Goddes worde nicht tho wed dern syn / dar by gedüldet werden / vp wise vnde mathe alse volget.

ERstliken schal de Parner mit dem gewönliken Ornat / vor den Altar treden / vnde dat Chor den Introitnm fyn lancksam / dat dar uth nicht ein Esel geschrey werde / singen lathen / nicht dat solck Ornat thor sake ichteswat do / besunder dat me vth leue / den swacken hirmede denen schal. j. Corinth. xiij. Kertzen vnde Lichte / kan me solcker orsake haluen ock liden.

Vp den Introitum singet me na gewönliker wise / dat Kyrie eleyson / Gloria in excelsis / Et in terra pax. Edder vor dat / Et in terra. Allene Godt yn der höge sy eere etc.

Wenn dat / Et in terra vthe ys / volgt de Col lecta vnde Epistel. Vnde ydt were thor beteringe nütbarliken / dat de sülue Epistel / Düdesch thom volcke gesungen edder gelesen wörde.

Na der Episteln singe dat Chor dat Haleluia / doch dat ydt ock reine sy / Wo nicht / schal me vor dat Haleluia / einen Düdeschen Psalm mit der gemene singen.

De Sequentz belangende / schal me vp dat Haleluia de sülue ock singen / doch also / Dat me van Paschen wente vp de Pingesten / singe / Victi me paschali. Van Pingesten wente vp Trinitatis Veni sancte spiritus. Van Trinitatis so lange ydt den Parheren gudt düncket / de Sequentz. De sancta Trinitate. Vam Winachten / wente Purificationis Marie / Grates nunc omnes. Me schal öuerst hyr twischen einem ydern versche / de gewönlike Düdesche gesenge singen. Alse yn den Paschen / Christ ys erstanden. In den Pingesten / Nu bidde wy den Hilligen Geist. In den Winnachten / Gelouet syestu Ihesu Christ / etc.

Wenn de Sequentz gesungen ys / schal de Parner dat Euangelium darup anheuen / vnde singen.

Na dem Euangelio singet he / Credo in unum Deum. Vnde de gantze gemene antwerdet / Wy glöuen. Vnde volget darna de predige. De predige öuerst schöllen se besluten vp solcke wise alse hyrna volget.

Besluth der Predige.

LEuen fründe / nademma le wy ytzundes Goddes wort / vnde dat Euangelion gehört / Vnde nu wider ein gemene beth / vor allerleye nodtrufft tho dönde vorsamelt syn / so wille wy vnse herten vpheuen / vn de Godt vnsen leuen Vader ernstliken dorch synen söne Christum vnsen leuen Heren anropen / dat he vns synen armen elenden kin dern / gnade geuen wolde / Dat gehörde Wort vnde Euangelium / mit rechtem gelouen tho vorstande vnde tho vatende. Dat sülue ock yn der meninge yn dat lëuent tho bringen / dat yderman kundt vnde openbar werde / dat wy manck de ge hören / by welckeren ane vnderlath / de name Goddes gehilliget / Syn Rike erkandt / vnde syn wille vullenbracht werde.

Thom andern / Nademmale de arne groth / vnde der arbeider weinich synt / Wille wy bidden / dat Godt vmme Christus willen / syn wort with vthbrede / Rickliken by vns wonen lathe / vnde rechtschapen Prediger / de recht mit dem Worde vmme thoghande wëthen / geuen wille. Vp dat nicht allene wy / sunder alle Lande vnde Stede / Godt yn Christo erkennen / vnde der salicheit mit vns dëlhafftich werden mögen.

Thom drüdden / Wille wy vor de Höuede düsser Werlt bidden / Alse nömeliken vor Keyserlike Mayestat vnsen gnedigesten Heren / Vor Könnincklike werde / Vnde vor alle de yennen / de yn grothen Regimenten sitten / vnde an Goddes stede dat swerdt vören / Dat den süluen Godt vm me Christus willen / syne wissheit vnde gnade yn solcker mathe vorlenen wille / dat se ein Gödtlick / nütbarlick vnde cerlick Regimente vören / Yn den saken der stridtbarliken Religion eins werden / Goddes wort vordedigen vnde annemen / Vnde sick darna eindrechtigen / wedder den Ertzefyndt der Christenheit den Törcken / setten mögen / Wente se yo dat swerdt darumme vören / dat se de Vnderdanen vor vnbillicker gewalt beschütten schöllen / Roma. xiij.

Thom veerden / Wille wy ock yn sunderheit bidden / vor vnse gnedige Frouwen vnde Förstin nen / Vnsen jungen vnmündigen Heren / vnde de gantze junge Herschop / Dat se Godt thor vörderinge vnde vthbredinge synes Wordes / lange tidt gesundt vnde frisch erholde / öhren fynden vnde weddersakern yn düssem valle stüren / vnde alle sake tho syner eere vnde thom besten vögen wille. Desgeiken dat ock de / de vnder öhren F. G. yn Ampten sitten / Godt früchten / De arme Lüde wedder de billickheit nicht bedrö uen / Ohren Heren trüwe bewisen / Vnde sick allenthaluen recht vnde Christlick holden mögen.

Thom Föfften / Wille wy bidden vor alle be dröuede herten / Vor alle swacken vnde krancken / Vor alle de / de vmme des Wordes willen voruolginge liden / dat se Godt dorch synen Geist ym gelouen stercke / vnde bestendich wente an dat ende yn der bekentenisse der warheit erholde / Sunderlick öuerst wille wy ock hyr / vor de bidden / de den gelöuigen solck Crütze vth vnwëtenheit vpleggen / dat se öhren ardom mit Sünte Pawel erkennen / vnde tho rechter Christliker beteringe komen mögen.

Thom Sösten / Wille wy bidden / dat vns Godt dorch synen leuen Söne Christum / vnse sünde / darmede wy de mannichuoldige plage Gödtlikes torns / ytzundes vorhanden / vordenet hebben / gnedichlick vorgeuen / synen torn van vns aff wenden / vnde tho rechtschapener beteringe vnses lëuendes / mit afflegginge solcker straffe / helpen wille.

Spreket dat Vader vnse.

VNse Vader de du bist ym Hemmel. Gehilliget werde dyn name. Tho kome vns dyn Rike. Dyn wille geschee / alse ym hemmel / also ock vp erden. Vnse dagelike brodt giff vns hüden. Vnde vorlath vns vnse schuldt / alse wy vorlaten vnsen schüldenern / Amen.

Dewile öuerst solck vnse Gebeth / ym gelonen ghan vnde geschën moth / so latet vns ock be seen / wat vns Christus vnse leue HEre tho löuende beuolen hefft. Wente solckes ys gar fyn be grepen ym Symbolo Apostolorum.

ICk Gelöue yn Godt den Vader allmechtigen Schepper hemmels vnde der erde. Vnde an Ihesum Christum synen enigen Söne / vnsen HEren / De entfangen ys van dem hil ligen Geiste / Geborn van der Junckfrouwen Marien / Geleden vnder Pontio Pilato / Gecrütziget / gestoruen vnde begrauen / Neddergeuaren tho der Helle / Am drüdden dage wedder vp gestan van den doden / Vpgeuaren tho Hemmel / Sittende tho der rechtern handt Goddes des Almechtigen Vaders / Darher he komen wert / tho richten de lëuendigen vnde de doden. Jek gelöue an den hilligen Geist / eine hillige Christlike Kercken / de gemene der Hilligen / vorgeuinge der Sünde / Vpstandinge des flesches / vnde ein ewich lëuent / Amen.

Vörder latet vns nu beseen / wat de minsehe de also gelöuet / vth Goddes beuël / vor gude wer cke tho dönde schüldich sy / Wente solckes hebbe wy yn den Tein Geboden öuerflödigen.

Du schalt nene ander Gödde hebben benëuen mick. Du schalt den namen dynes Goddes nicht vnnütte vören. Du schalt den Vyrdach hilligen. Du schalt dynen Vader vnde Moder eeren. Du schalt nicht Döden. Du schalt nicht Eebreken. Du schalt nicht Stelen. Du schalt nene valsche tüchenisse reden wed der dynen negesten. Du schalt nicht begern dynes negesten hus. Du schalt nicht begern dynes negesten fron wen / knecht / maget / vee / edder wat syn ys.

Nademmale öuerst nën minsche so from edder hillich ys / de nicht dachlikes ychteswat vth schwackheit do / dat solcken Geboden tho weddern sy / So wille wy vns alle tho gelick vor God de demödigen / vnse Sünde bekennen / Godt dorch Christum vmme gnade bidden / Vnde also seggen.

ICk arme elende bedröuede Sünder / kome hor bekentenisse Godde mynem hemmelischen Vader / Vnde bekenne mick / dat ick de tidt mynes lëuendes / noch nüwerle vullenbracht hebbe synen Gödtliken willen / wedder yn gedancken / noch yn worden / noch yn wercken / Dat ys mick lëdt van herten / Vnde bidde derhaluen dick / O Godt hemmelische Vader / du woldest gnedich syn mick armen Sünder / vnde myner sünde nümmermër gedencken / dorch dat bitter Liden vnde Steruen / dynes Söns mynes leuen HEren Ihesu Christi / woldest mick ock geuen vnde yümmer yn mick vormeren / dynen hilligen vnde guden Geist / de mick lere vnde vöre yn alle warheit / De ock myn sündige herte yümmer anholde / nichtes anders anthouangende edder tho dönde / alse dyn Gödtlike wille ys / De mick ock stercke yn der lesten stunde mynes affschedes / dat ick leue HEre / by dick ewichlick mö ge beholden werden.

De Absolutien.

ALlen den yennigen / de öhre sünde also van herten bekennen / vnde de thouorsicht öhres herten allene vp den vor denst Ihesu Christi setten / Wil ick alse ein dener der Ker cken / yn krafft der Slötrel vnde des Euangelij / vth Christi beuël / vorgeuinge der sünde vorkündiget hebben.

Ouer den öuerst / de öhre sünde van herten nicht bekennen / vnde ock de thouorsicht öhres herten / nicht setten vp dat vordenst Christi / blifft de thorne Goddes.

De frede vnses HEren Ihesu Christi / besitte vnse herten van nu an wente yn ewicheit / Spreket alle / Amen / Dat geschee.

WEnn de Parner vp solcke wise also besloten hefft / gheit he wedderumme heraff vor den Altar / Vnde dewile he sick dar thor Communion geschicket maken / vnde alles bereden moth / so schal yn midler tidt de Gemene einen fynen Düdeschen Psalm singen.

Wenn de vthe ys / schal de Prester de gewönlike Prefation anfangen / vnde na der süluen alles vullenden / gerade alse he sölckes yn den Ampten hyr benöuen gedrücket / ordentliken seen vnde finden wert.

Wenn me öuerst vp de Söndage vnde Vyrdage nene Communicanten hefft / so schal me de Misse / alse rede angetekent ys / holden / wente vp dat Patrem / vnde de Prefatien mit der Substantz des Auentmals vthe lathen. Doch öuerst na der Predige / mit einem Psalm edder twen / vn de Christliken Collecten dat Ampt also befluten.

In den Dörppern kan me de Misse / vmme der willen / dede singen möthen / so stadtliken nicht holden. Demna schöllen de Parners / vor den Introitum / dat / Et interra / dat Haleluia / vnde de Sequentz / alse einen Psalmen singen / vnde sick süs der hyr bouen angetekenden Ordeninge / so vël ydt mögelick ys / gelickförmich holden.

Van der Vesper an den Söndagen vnde Vyrdagen.

WO men ydt an den Sönnauenden vnde süs anderen Vyrauenden / de Vesper geholden hefft / Also schal se an den Söndagen vnde Vyrdagen geholden werden. Vthgenomen / dat vor dat Capittel vth dem nyen Testamente / De Epistel edder Catechismus dorch den Cappelan geprediget vnde gedreuen werden schal.

Van vormydinge der Vullerye / an den Vyrdagen vnde Söndagen.

DEwile öuerst an solcken dagen / grother misbruck mit öuerigem frethen / supen / spelen vnde dantzen / gewesen ys / daruan sick dat volck / sunderlick mothwillige Lüde / swarlick vam Parner werden lathen affwisen / So wille wy yn krafft düsser Ordeninge / yn allen vnsen Steden / Blecken / vnde Dörperen / de Winhüser vnde Beerhüser / vp sölcke dage / wente dat de Vesper geholden ys / vorboden hebben / Vnde wenn gelick yemandt na der Vesper tidt / thom Wyne edder Beere / yn Kröge edder Werdes Hüser ghan wolde / Dem süluen schal nicht lenger / alse beth tho Negen slegen / Wyn edder Beer gereket werden. Wörde öuerst solckes vth mothwillen öuertreden / so schöllen dorch vnse Amptlüde / beide de Werth vnde de Geste gebörliker wise gestrafft werden / Doch moth solckes van eerliken geselschoppen vnde Gesteryen / edder ock van frömden vnde wanderenden Lüden nicht vorstan werden.

IN den Dörpperen / kan me ydt mit der Vesper also nicht holden. Ouerst dat dennoch ock dar süluest ydt allent recht vnde Christlick thogha / Schal de Parner na middage mit der klocken dat volck tho hope vördern / Vnde wenn he eine Psalm edder dre mit öhne gesungen hefft / so schal he darna den Catechismum / edder de Epistel des dages mit der vthlegginge / predigen / Desgeliken de geistliken Leder vnd Psalmen dat volck singen leren.

Wo me de Krancken in den hüsern Communiceren schal.

WEnn de Parner wor van einem Krancken geuördert wert / vnde tho öhm yn syne behüsinge kümpt / so schal he van ersten einen disch vp dat eerlikeste bereden lathen / vnde de Ostien / den Kelck vnde Wyn darup leggen vnde setten / Vnde alse denne den krancken fragen / yfft he ock ichteswat beswerlikes yn der Conscientien föle / darynne he sunderlikes trostes vnde rades yn hemelicheit bedörffte / Secht he denn ya / so hete he dat volck afftreden / höre öhm syne Bicht / Dele öhm mede de Absolutien / vnde tröste öhn vth der hilligen Schrifft / sunderlick mit den spröken / Der vorgeuinge der sünde / Item / ein ander vnde ewich lëuent mit Christo na düssem thogesechten lëuende / vp dat alder beste alse he kan.

Ys öuerst de Krancke yn der Conscientien / sunderliker gebreke haluen vnbeswerdt / vnde vor hen ym gelouen wol vnderwiset / so vormane öhn de Prester openbar vor dem volcke / der angeborn sünde / de he mit sick yn de werlt gebracht / vnde wat he yüwerle weder Goddes gebode vnde wil len gehandelt hebbe / wol tho betrachtende / Holdt öhm ock vör / dewile de Dodt der sünde beloninge sy / dat he derhaluen ewichlick vordömet syn müste / wenn nicht de Here Christus yn düsse werlt komen were / vnde vns vorgeuinge der sünde / De Gerechticheit vnde Salicheit / mit synem Lyden / Steruen vnde Vpstandinge erworuen hedde.

Dewile öuerst Christus yn düsse werlt komen sy / vnde vns vorgeuinge der sünde / nicht allene dorch syn Steruent er woruen / sunder ock dorch syn wort allen gelöuigen angeboden vnde gegeuen hefft / Welcker he denn ock mit dem Sacramente synes Liues vnde synes Blodes / alse mit ei nem gewissen teken / darby me synen gnedigen willen yegen vns / erkenne / vnde den louen darmede stercken schal / betüget hebbe / so schölle vn de möthe he ock syn herte ergeuen / vnde de thosegginge des Auen tmals / dorch den gelouen yn der meninge ergripen / dat he nicht twiuele an sol cker thosegginge / sunder dat ym herten fastichlick gelöue / Wat öhm hyr van Christo vorsproken / vnde mit dem ethende vnde drinckende synes Liues vnde Blodes vorsegelt vnde bekrefftiget sy / dat öhme dat sülue gewisliken wedderuare / vnde ock geschën werde.

Ydt mach ock de Parner dem Krancken / so he ydt swackheit haluen liden kan / einen Psalm twe edder dre vorlesen / Alse nömeliken den cij. xxxvij. edder lj. Darmede syne Conscientie deste beter tho freden gestelt werde.

Na solcken gelesen Psalmen / schal he öhm de gemene Bicht vör spreken vnde de Absolutien mit delen / Vnde darna mit vorghandem Vader vnse / dat Sacramente consecreren / vnde vp wise alse hyr bouen yn der Misse angetekent ys / mit aller Reuerentz vnde andacht vthdelen.

WEnn de Krancke also mit dem Hochwerdigen Sacramente vorseen ys / so schal öhne de Parner thor dancksegginge vor solcke grothe woldath / reitzen vnde vormanen / vnde den ciij. Psalm mit öhmelesen / schal öhn ock thor bestendicheit vormanen / dat he vaste ym Gelonen sta / vnde dem Düuel / yfft he öhm de sake anders vörbelden wörde / gar nenen rhum geue.

He schal öhme thom öuerflode / den Text vth dem Euangelio Johan. am iij. Also hefft Godt de Werlt geleuet / wol ynbelden / Vnde na dem süluen ock dat Euangelion van dem vorstor uen Lazaro. Johan. am xj. Item dat xv. Cappittel yn der Ersten Episteln thon Corinthern vör lesen / Darmede solcker krancke vmme der vpstandinge vnde des thokomenden lëuendes willen / sick deste williger yn den Dodt tho begeuen wëthe.

Wil ydt öuerst de gelegenheit des krancken dat mal nicht liden / so mach de Parner des anderen edder drüdden dages tho öhm ghan / vnde gelickwol solckes vthrichten / Wente me weth yo vth dem Euangelio Sünte Matth. wat ydt vor ein gudt Christlick werck sy / de Krancken yn öhrer nodt trösten vnde tho huss söken.

Van predigen in den werckeldagen / vnde vam Singen.

INden Steden schal me alle dage yn den Werckeldagen Metten singen / Vp wise vn de mathe alse volget.

NA dem / Deus in adiutorium etc. Schal de Scholme ster singen / Veni sancte spiritus Düdesch edder Latinesch / Vp dat Veni sancte spiritus / Einen edder twe Psalmen / mit einer Christliken Antiphen.

Wenn dat Antiphen gesungen / schal darup volgen dat Te deum / Düdesch edder Latinesch / darna vël volckes yn der Kercken ys.

Vp dat Te deum / schal dem volcke ein Capittel / vth dem Nyen Testamente vörgelesen / vn de mit korten Summarien voruatet werden / vn de darup / alse hyr bouen angetekent / ein gemene gebeth geschën.

Na dem lesen vnde gebede / schal me dat Benedictus vnde ein Antiphen singen / vnde darna solcke Metten mit einer Collecten vnde dem Benedicamus besluten.

Van den Predigedagen yn der Wëken.

OVerst am Middeweken vnde Frydage / schal vor dat Ca pittel / dat me dem volcke de andern dage vörlist / eine Predige geschën / Vnde na der Predige de Wittem bergische Letan ye gesungen werden / Vnde de Parners schöllen dat volck / solcke bëdedage flitich tho besökende / vnde yn de Kercke tho komende / bidden vnde vormanen.

Wy seen ock vor gudt an / dat solcke Predige vth dem Catechismo geschën / sunderliken dat erste Jar / darmede dat volck / beide junck vnde oldt / ym süluen geschicket werden / Vnde solckes schal sünderlick yn den Steden vnde grothen Par ren (dede hyr Kaspel genömet werden) geschën / hebben ock tho solcker behoff / einen Catechismum mit syner vthlegginge lathen vthghan.

Van den Festdagen.

WOwol vnderschedt der dage / by Christliker fryheit / dede alle dage gelick Hillich achtet / nicht bestan schal edder kan. Co los. ij. So ysset öuerst den noch nütbarlick / dat me etlike besunderlike dage bestemme / Doch ane vorwerringe der Conscientien / alse were ydt ein nödich dinck thor salicheit / vp welckere Goddes wort geprediget / De Sacramente gereket / vnde dat gemene gebeth / statliker den vp ander dage / geholden werde. Wente dat etlike dage yn solcker meninge / ock van den Olden bestemmet wor den syn / betüget Hieronymus super Epistolam ad Galatas in Cap. iiij. Doch schöllen de Parners flitich vp dem Predigestole mit Goddes worde / vnde de Amptlüde mit der straffe / alse yn freten / supen / spelen / vntidigem dantzen etc. Alse süs lange her vp solcke dage geönet / öuertredin ge geschën wörde / anholden / dat sölcken misbrüken mit gudem rade vnde lindicheit gestüret werde / Doch synt hyrinne eerlike metige gesterien / Kinderdöpen / vnde Brudtlechte vthgesloten etc.

Wy willen öuerst yn sunderheit / düsse nauolgende dage / alse den Soudach / mit flitigem Pre digen / Sacrament reken vnde ernstlikem gebede geholden hebben. Nicht dat yemandes Conscien tie / yfft he yo vth nodt ichteswat don edder schaf fen müste / darmede vorstricket syn schölle / besunder dat ein erbarlike Ordeninge by vns gehol den werde.

Dre Feste van der gebenedieden Moder Christi Marie / Alse nömeliken. Dat Fest van der vorkündiginge / do de En gel tho öhr gesandt wart. Dat Fest der reninge. Dat Fest van Marien berchgange. Alder Aposteln Feste. Dat Fest Johannis Baptiste. Dat Fest Marie Magdalene. Dat Fest Michaelis. Denyen Jars dach. Dat Fest der Wysen / de me de hilligen dre Könninge nömet.

Dat hoge Fest der Winachten / mit den nanolgenden dren dagen / alse Sünte Steffens dach / Sünte Johannes dach / der vnschüldigen Kinder dach / schal me mit den gewönliken Gesengen / dede Christlick vnde reine syn / vp dat eerlickeste holden / Nicht dat wy öuereinmal an solcke dage de Conscientien vorknüppen willen / sunder dat me fyne Historien hyruan yn der Shrifft hefft / de me sick mit Predigen seer nütte maken kan.

So hefft ock dith Fest sunderlike dreplike gesenge / beide Düdesch vnde Latinesch / dede nenerleye wiss thonorachten edder thouorwerpen syn.

Van der Quadragesima / de wie de Fasten heten / ys hyr bouen yn vnsen Locis gesecht / Dar by lathe wy ydt bliuen / Mit vormaninge / dat de / dede flesch ethen / van den andern dede nën ethen / vnuoroömpt vnde vnuorachtet blinen / Vnde wedderumme / de / dede ydt nicht ethen / ock derhaluen nene vorachtinge liden möthen /

Doch moth me hyr wëthen / dat solck vasten nicht ein werck sy / darmede me vorgeuinge der sünde erlange / sunder eine liffuke öuinge / dorch welckere me tho allem guden / sunderlick thom ge bede deste geschickeder werde / Vnde scholde billick solck vasten / alle tidt by vns Christen ym swange syn.

Also leret ock Sünte Pawel / Wol ethe / de schölle dem Heren ethen / Wol nicht ethe / de ethe dem Heren nicht / vnde dancken doch vp bei den syden dem Heren / Roma. xiiij. Vnde vor allen dingen moth me hyr thoseen / dat de negeste ane nodt nicht geergert werde.

De Stilleweke schal me also holden / dat alle dage eine Predige yn der Passien Christi vnses lenen Heren geschë / Vnde sunderlick schal yn dem grönen Dönnerdage geholden werden / de ynsettinge des Hochwerdigen Sacramentes des Auentmals / Doch moth me dem volcke ock anseggen / dat de entfanginge dessüluen Sacramen tes nicht ëuen van nodtwegen vp düssen dach geschën möthe / besundern dat solckes einem ydern / dorch dat gantze yar / thogelathen syn schölle / Wente ydt moth de Conscientie / an nenem besundern dage gebunden syn. Coloss. ij.

Den Pasche dach sampt den twen nauolgen den dagen / wille wy ock mit den gewönliken sengen (welckere dersüluen reine syn) geholden / Vn de de Vpstandinge vnses leuen Heren Ihesu Christi / vp dat herlickeste geprediget vnde beghan hebben / Wente wol weth nicht / dat dorch de predige vam Liden vnde vpstandinge Christi / de lüde thor vorgeuinge der Sünde vnde gerechticheit geuöret werden? Roma. iiij.

Desgelcken wille wy ock den dach der Hemmeluart Christi / Mit predigen vnde rekinge der Sacramente / vmme vaken vorbenömeder Ordeninge willen / geholden hebben.

De Pingestdach hefft ock eine herlike Historien / nömeliken / wo de hillige Geist yn füriger ge stalt / vam Hemmel heraff den Apostelen gegenen sy / schal darumme mit den nauolgenden twen dagen / ock by vns eerlick geholden werden.

Wat wy öuerst hyr van den Festdagen anteken / de nicht sunderlike Historten yn der Schrifft hebben / Vp den süluen mach me namiddage schaffen vnde don / wat einem ydern yn syner behusinge / edder ock süs / van nöden ys / Vnde solckes schal ock ane geuar syn.

Vam Solte / Water / Krude / Palmen vnde Fladen wyen.

DEwile alle Creaturen / ricklick vnde genochsam dorch dat wort / thor tidt der Scheppinge / gesegent vnde gewret syn / Vnde hyr van dem gelöuigen wider nichtes genördert wert / denn dat he de süluen mit dancksegginge vnde wol bruke. j. Timo. iiij. So schal solck Wyen / dewile ydt yn der Schrifft nenen grundt hefft / gantz affgedan syn.

Ordeninge der hilligen Söpe / Vnde der Nodtdöpe.

YDt schöllen sick de Frouwen / des Nodtdöpens nicht lichtlick annemen edder vnderstan / alse süslange her ge schën ys / Sunder wo ydt de hoge vnuormidtlike nodt vördert / dar scyöllen se solckes mit vorghandem gebede von / des hilligen Vader vnses / Se schöllen ydt ock so ordentlick vnde ernstlick don / dat se darna dem Parner des gründtliken bericht genen können / wo ydt althomal thogeghan sy.

Wenn denn de Parner befindet / dat ydt mit vorghandem gebede / vnde statlick / Ym namen des Vaders / des Söns vnde des hilligen Geistes geschën ys / so schal he ydt nicht noch ein mal Döpen / sunder allene dat Euangelium van den kinderken by der Döpe lesen vnde dith nauol gende gebeth.

Latet vns beden.

DE Almechtige Godt / vnde Vader vnses HEren Ihesu Christi / de dick dorch dat Water vnde den hilligen Geist / anderwerff geboren / vnde dick alle dyne Sünde vorgeuen hefft / de stercke dick mit syner gnade thom ewigen lëuende / Amen.

Frede sy mit dick.

Ordeninge der Döpe.

THom ersten / schal de Prester fragen / wes dat kindt sy / Wo ydt heten schölle? Vnde darna düsse nanolgende vormaninge don.

Eine vormaninge tho den de by der Döpe vmmeher stan.

LEuen fründe yn Christo wy hören alle dage vth Goddes worde / voruaren ydt ock beide an vnsem lëuende vnde steruende / dat wy van Adam her alle ynt sampt yn Sünden entfangen vnde geboren syn / darynne wy denn vnder Goddes thorne yn ewicheit vordömet vnde vorloren syn mösten / wo vns nicht dorch den eingeboren Goddes Söne / vnsen leuen HEren Ihesum Christum daruth geholpen were.

Dewile denn dith gegenwerdige kindeken / yn syner natur / mit geliker sünde / yn der gestalt alse wy ock / vorgifftet vnde vorunreiniget ys / Vn de Godt öuerst de Vader aller gnaden vnd barm harticheit / synen Söne Christum der gantzen werlt / den Kinderken nichtes weinigers / denn den Olden / thogesecht vnde gesandt hefft.

Welcker ock der gantzen werlt Sünde gedragen / vnde de armen Kinderken nichtes weinigers / sunder gelick so wol alse de Olden / var Sünden / Dodt vnde vordömenisse vorlöset / vnde salich gemaket hefft / vnde beuolen / me schölle se tho öhm bringen / dat se gese gent werden.

Darumme so wolde gy vth Christliker leue / düsses vegenwordigen armen Kindekens iuw vegen Godt / ernstliken annemen / dat sülue dem HEren Christo vordragen / vmme vorgeuinge der sünde / vnde dat ydt yn dat Rike der gnaden vpgenomen werde / vorbidden helpen.

Vngetwiuelder höpeninge vnde thouorsicht / vnse leue HEre Ihesus Christus / werde solck iuwe werck der leue / dem armen Kindeken bewisen / yn allen gnaden van iuw annemen / vnde ock inwe gebeth gewislick erhören / sintemale he de kinderken tho öhm tho bringen / süluest beuolen / vnde se yn syn Rike vpthonemende / vorsproken vnde thogesecht hefft.

Darumme myne geleueden / ick vormane vnde bidde iuw alle / de gy hyr vorsammelt syn / vth Christliker leue vnde trüwe / dat gy thom ersten tho herten nemen vnde bedencken willen / dat dreplike werck Goddes / vnde den grothen ernst de darinne ys / vnde angetekent wert / Wente vth den wörden düsses gebedes höre gy / seeth ock vth dem wercke / wo armsalich vnde elende / de Christlike Kercke / düth kindeken hyrher drecht vnde vor Godt so bestendichlick vnde openbar bekennet / dat dat sülue Kindeken / ein Kindt des thorus / der sünde vnde vngnade sy / vnde darumme so van herten vmme hülpe vnde gnade biddet / dat ydt dorch de Döpe ein Kindt Goddes werden möge.

Bedencket ock mit flite / dat ydt yo nicht ein schimp edder kinderspeel js / düth Christlike tap per werck tho handelende / welcker dem Düuel beyegent / vnde öhn nicht allene van dem Kinde drifft / sunder ock dat Kindt wedder öhn / also wedder einen steden gewissen fyndt / syn leeuelanck tho striden vorplichtet / Derhaluen ysset hoch van nöden / mit einem stercken Gelouen vn de hert gründtlikem vortruwen tho Godde / andechtichliken tho bidden / dat Godt de Almechtige dat Kindeken nicht allene van des Düuels gewalt loss make / sunder ock also stercken wille / dat ydt dem fynde ym leeuende vnde steruende / stadtliken wedderstandt don / vnde erholden werden möge. Darumme wille gy mit flite vp iuw süluest achtinge hebben / yn einem rechten Gelouen allhyr tho stande / Goddes wort tho hörende / vnde andechtichlich tho ropende vnde tho biddende / Wente wy yo alhyr thom gebede nicht vorgeues / sunder vth nodt vormanet wer den / vp dat Godt vnsen ernst / vnde ein recht vor trüwelich herte erkennen möge / Ock düth hoch werdige Sacramente / dorch vns dem Düuel nicht thom spotte gesettet / vnde Godt de Allmechtige nicht geuneeret werde / de darynne solck einen öuerswenckliken Rikedom syner gnaden / öuer vns güth / dat he de döpe süluest ei ne nye gebort nömet / Also / dat wy dorch desülue / van aller Tyrannye des Düuels / ock der Sünde / des Dodes vnde der Helle erlediget / kin der des Leeuendes vnde eruen aller göder Goddes / vnde Medeeruen Christi werden / Hyrumme lathet vns vmme Goddes willen / solcke öuerricklike Godtlike gnade nicht vorechtlick / sunder mit aller schüldiger danckbarheit handelen / Dewile doch dyth hochwerdige Sacramente der Döpe / vnse enige trost vnde ynganck ys / tho allen Gödtliken gödern / vnde gemenschop aller Hilligen.

Wo me Döpenschal De Parner spreke.

VAr vth du vnreine geist / vnde giff rhum dem Hilligen Geiste.

Darna make he dem Kindeken ein Crütze vor dat vorhöuet vnde an de Borst / vnde spreke.

NYm hen dat teken des hilligen Lrützes / beide an dat vorhöuet vnde an de borst.

Latet vns Beden.

ALmechtige ewige Godt / ein Vader vnses Here Ihesu Christi / du woldest seen vp düssen dynen Dener (edder Denerinne) den (edder de) du thom anuange des Gelouens gnedichlick beropen heffst / vnde woldest alle blindtheit des herten van öhm (edder öhr) driue / Chorith alle stricke des Satanas darmede he (edder se) gebunde ys / do öhm (edder öhr) Here vp de dör diner göde / vp dat he (edder se) mit dem teken dyner wyssheit bestreken / aller begerliken stencke loss werde / vnde thom söthen geröke dyner Geboth / dar yn dyner kercken frölick dene / vnde van dage tho dage thoneme / Darmede he (edder se) düchtich wer de tho komende tho der gnade dyner Döpe / vnde arstedye ent fange / dorch Ihesum Christum Amen.

Latet vns beden.

GOdt du vnsterfflike thoflucht / alle der yennen de dar bidden / Du Erlöser der vnderdenigen / frede der biddenden / Leeuent der gelöuigen / vp standinge der Doden / Ick rope dick an öuer düssen dynen Dener / edder Denerinne / de dyner Döpe gaue bedet / vnde begert dorch de Geistlike Wed dergebort de ewige gnade tho erlangende nym öhn / edder se / vp Here / vnde dewile du gesecht heffst / biddet / so werde gy entfangen / Söket so werde gy vinden / kloppet an so wert iuw vpgedan / Darumme so giff nu dat gude / deme / dede biddet / vnde öpene de dör / de me / dede ankloppet / vp dat he (edder se) den ewigen segen düsses Hemmelschen gebades erlange / vnde dat thogesechte Rike dyner Gaue entfange / dorch Ihesum Christum vnsen Heren Amen.

Latet vns beden.

GOdt Abrahams / Godt Isaacks / Godt Jacobs / Godt de du dynem knechte Woysi vp dem berge Synai erschenen bist vnde de kinder Israel vth dem Lande Egipten geuöret heffst / vnde vorsegest se mit dem Engel dyner göde / de se bewarde dach vnde nacht / Wy bidden dick Here / dat du dynen hilligen Engel her schicke woldest / darmede he ock düssen dynen Dener / edder Denerynne / beware / vnde vöre öhne / edder se / thor gnade dyner Döpe / Dorch Ihesum Christum vnsen Heren.

Darumme du vormaledyede Düuel / erkenne dyn ördel / vn de gyff de eere dem leeuendigen vnde waren Godde / Gyff de eere Ihesu Christo synem Söne / vnde dem Hilligen Geiste / vnde wick van dussem Dener / edder Denerynne / Goddes. N. welckeren / edder welckere / Godt vn vnse Here Ihe sus Christus / tho syner hilligen gnade vnde segen / vnde thom borne der Döpe / dorch syne gnade gnedichliken beropen hefft / vnde düth teken des hilligen Crützes dat wy an syn vorhöuet maken / möstest du lei dige Satanas / nümmermer mit freuel antasten / dorch den dede thokümpstich ys / tho richtende de leeuendigen vnde de Doden / vnde de werlt dorch dat vür / Amen.

So höre nu / du vorflokede Sathanas / besworen dorch den namen des ewigen Goddes / vnde vnles Heilandes Ihesu Christi / vnde wick van hyr / tzeterende mit dynem hate öuerwunnen. Du schalt nichtes gemene hebben mit dussem knechte / edder Denerynne / Goddes / de nu vp dat Hemmelische gedencket / vn de dick sampt dyner werlt entsecht / vn de de yn sali ger vnsterfflicheit leeuen wert / Darumme giff de eere dem hilligen Geiste / de van der hogen Borch des hemmels kümpt / dewile dyn bedroch vorstöret ys / vp dat he düth herte / dat ym Gödtliken borne gereiniget ys / Godt tho einem gehilligeden Tempel make / darmede he gentzlick van aller schult der vorigen laster / vorlöset / düsse knecht / edder Denerynne / Goddes / dem ewigen Godde alle tidt danck segge / vnde leue synen Namen tho ewigen tiden / Amen.

Ick beswere dick du vnreine Geist / ym namen des Daders vnde des Söns vnde des hilligen Geistes vp dat du vthuarest vnde wikest van düssem Dener / edder Denerinne / Goddes. N. Wente de büth dick / du vorflokede vn vordömede / de mit dröge vöthen öuer dat Weer geghan ys / vnde de Petro do he sincke de / de handt rekede Ihesus Christus vnse leue Here / dede thokümpstich ys tho Richtende de leeuendigen vnde de doden / vnde de werlt dorch dat vür / Amen.

Latet vns beden.

HEre hillige Vader / Almechtige Godt / Ick bidde dyne ewige vnde alderrechteste göde / de du bist des lichtes vnde der warheit anheuer / dat du öuer dussen dynen Dener (edder Denerinne). N. dynen segen geuest / vnde woldest öhn / edder se / vorlüchten / mit dem lichte dynes vorstandes / Reinige vnde Hillige öhn / edder se / Gyff öhm (edder öhr) de ware erkentenisse / vp dat he (edder se) werdich gemaket werde / tho komen tho der gnade dyner Döpe / vnde holde de vaste höpeninge / den rechten rath / de hillige lere / darmede he / edder se / geschicket werde tho entfangende de gnade dyner Döpe / dorch vnsen Heren Ihesum Christum / Amen.

Nu volget dat Euangelion Sünte Marcus.

THo der tidt bröchten se kinderken tho Ihesu / dat he se scholde anrören. Ouerst de Jün ger bedrouweden de / de se bröchten / Do dat Ihesus sach vordroth ydt öhme vnd sprack tho öhn. Latet de Kinderken tho my komen / vnde weret öhne nicht / wente solcker ys dat Hemmelrike / Warliken ick segge iuw / wol dat Rike Goddes nicht entfanget alse ein kindeken de wert dar nicht henyn komen / vnde he vmmeuenck se / vnde leide de hende vp se / vnde segende se.

Darna spreke de Parner de Vaddern vp düsse nauolgende meninge an.

ICk vormane iuw yn krafft Christliker leue / de gy ytzundt an des Kindekens stede by der Döpe doth / wenn ydt syner Olderen / dorch des dodes edder andern vnfal berouet wörde / eer denn ydt thom bruke syner vornufft queme / dat gy ydt flitich vnde truwelick willen vnderrichten vnde leren. Chom ersten de tein Gebode / vp dat ydt den willen Goddes vnde syne Sünde dar dorch lere erkennen / Darna den Christliken gelouen / dorch welckeren wy Gnade / vorgeuinge der Sünde / vnde den hil ligen Geist entfangen / Chom lesten ock dat Vader vnse / darmede ydt Godt anropen vnde vmme hülpe bidde könne / dem Satha / wedderstandt tho dönde / vnde Christlich tho leeuende / wente dat Godt an öhm voruülle / wat he ytzundt yn der Döpe an öhme angefangen hefft / vnde ydt salich werde.

Darna legge de Parner dem kinde de handt vp dat höuet / vnde spreke.

VAder vnse de du bist ym Hemmel / gehilliget werde dyn Name / thokome dyn rike / dyn wille gesche / alse ym hemmel also ock vp erden / vnse dachlike brodt giff vns hüden / vnde vorlath vns vnse schuldt / alse wy vorlaten vnsen schüldigern / vnde vör vns nicht yn vorsökinge / sunder vorlöse vns van dem öuel / Amen.

Darna spreke he ock den Gelouen.

Ick gelöue an Godt den Vader / almechtigen / Schepper hemmels vn der Erden / Vnde an Ihesum Christum synen einge boren Söne / vnsen Heren / De entfangen ys van dem hilligen Geiste / Geboren van der Junckfrouwen Warien / Geleden vnder Pontio Pilato / Gecrütziget / Gestoruen vnde begrauen / Neddergefaren tho der Hellen / Am drüdden dage wed der vpgestan van den Doden / Vpgefaren tho Hemmel / Sittende tho der rechtern handt Goddes des Almechtigen Va ders / Darher he komen wert / tho richtende de leeuendige vn de de doden. Ick gelöue an den hilligen Geist / eine hillige Christ like Kercke / Gemenschop der hilligen / Vorgeuinge der sünden / Vpstandinge des flesches / vnde ein ewiges leeuent / Amen.

Wenn dat gescheen ys / so Lese de Parner wider.

OCk wethe du Sathanas / Dat dyne straffe na ys / dat dyne pene nicht with ys / dat de dach des Gerichtes vor der dör ys / de dach der ewigen pene / de dach de dar kome wert / alse ein glöendich backouen / an welkere dick / sampt alle dynen Engeln / de ewige vordömenisse beredet ys. Darumme du vordömede vnde de du vordömet werden schalt / van wegen dyner bössheit / gyff de eere Christo synem Söne / vnde dem Tröster dem hilligen Geiste / Vn des süluen krafft gebede ick dick / yfft du vnreine Geist ock süst / dat du vthghast vnde wikest van düssem Dener (edder denerynne) Goddes / velckere (edder welckere) Godt vn vnse Here Ihesus Christus / hüden tho syner gnade vnde segen / vn de thom Döpborne dorch syne gaue gnedichliken beropen hefft / Vp dat he (edder se) syn Tempel werde / dorch dat water der Weddergeborth / thor vorgeuinge aller Sünde / yn dem namen des süluen vnses Heren Ihesu Christi / de dar thokümpstich ys tho richtende / de leeuendigen vnde de Doden / vnde de Werlt dorch dat vür / Amen.

Wenn dith althomal ordentlick also by der Döpe also gescheen ys / so lathe de Prester des Kindes Vaddern / dem Dü uel entseggen vnde spreke.

N. Entsechstu dem Düuel?

Antwert. Ick entsegge.

Vnde allen synen wercken?

Antwert. Ick entsegge.

Vnde alle synem wesende.

Antwert Ick entsegge.

Darna frage de Prester / Löuestu an Godt den Vader Almechtigen / Schepper Hemmels vnde der erde.

Denne Antwerden de Vaddern / Ja ick gelöue.

LOuestu an Ihesum Christum synen enigen Söne vnsen Heren / de entfangen ys van dem hilligen Geiste / geboren van der Junckfrouwen Warien / ge leden vnder Pontio Pilato / gecrütziget / gestoruen vnde be grauen / neddergeuaren tho der Helle / Am drüdden dage wedder vpgestan van den doden / Vpgeuaren tho hemmel / Sittende tho der Rechtern handt Goddes des Almechtigen Vaders / darher he komen wert / tho richtende de leeuendigen vnde de doden?

Antwert. Ja ick gelöue.

GElöuestu an den hilligen Geist / eine hillige Christlike Kercke / de gemene der hilligen / vorgeuinge der Sünde / vpstandinge des flesches / vnde na düssem leeuende ein ewich leeuent?

Antwert. Ja ick gelöue.

Denne neme de Prester dar Kindt yn syne hende / vnde holde ydt öuer den Döpensteen / vnde frage.

Wultu gedofft syn?

Antwert. Ja / Ick wil.

So Döpe he dat Kindt vnde spreke.

Vnde ick Döpe dick ym namen des Vaders / vnde des Söns vnde des hilligen Geistes / Amen.

Darna gripen de Vaddern dat Kindt an / vnde dewile se ydt sampt dem Prester öuer der Döpe holden / secht de Prester.

DE Almechtige Godt vnde Vader vnses Heren Ihesu Christi / de dy anderwerff geboren hefft / dorch dat Water vnde den hilligen Geist / vnde hefft dy alle dyne sünde vorgeuen / de sülue sy dick gnedich vnde geue dick dat ewige leeuent / Amen.

Darna settet de Prester dem Kindeken dat We sterhemdeken vp / vnde sprickt.

NYm hen dat witte kledt welcker dar bedüdet de vnschuldt de du yn der Döpe ent fangen heffst dat sülue schaltu ane makel / vor den richtestol Ihesu Christi bringen / vp dat du dorch dat vordenst Ihesu Christi / dat ewige leeuent bekomen mögest.

Frede sy mit dick.

Van dem Catethismo / vnde der Lonfirmation edder Verminge.

WEnn de gedofften Kinderken vpwassen / vnde thom vorstande komen / So schal me se de tein Geboth / den Gelouen / dat Vader vnse / vnde wat thom Catechismo gehört / mit der Vthlegginge / vp dat trüwelikeste leren edder leren lathen / Vnde wo hyr de Oldern gestoruen edder so vngeschicket weren / dat se süluest öhre Kinder vorsümen wolden / so schal de Parner / mit bidden / flehen vnde vormanen / anholden / dat der vorsümenisse yn düssem valle vor gekomen werde / Ouerst düth schöllen de Vaddern dartho don / vp dat se öhrer thosegginge alse dem Prester by der Döpe geschen ys / genochsam don vnde nakomen.

Vnde dewile an solcher kinder tucht mechtich vel gelegen ys / vnde de sülue ock Goddes Geboth hefft / Deutero. iiij. vnde xj. also / Dat se ane sware Sünde / nicht nagelaten werden kan / So wille wy öuermals hebben / dat solck Catechismus dorch dat gantze Jar vp gelegene dage / mit den Kindern gedreuen werde / Vnde sunderlick yn der Vasten / schal he vor dat Salue Regina / wenn me einen Dudeschen Psalm edder twe / edder Salue Rex Christe gesungen hefft / ein veerdel van der stunde alle dage driuen / Vnde denne darup / Vorlene vns frede gnedichlick / gesungen werden.

Wenn sick nu hyr de kinder wol anlathen / vnde ock yn solcker Christlicker lere vnde tucht / wol thogenomen hebben / also / dat se yn allen Höuetpuncten vnde Artickelen vnses Gelouens ferdich syn / vnde rechten bescheidt geuen können / so schöllen se dorch de Oldern vnde Vadderen / an den Söndagen vnde Vyrdagen / de de Parner dartho bestellen schal / vor der gantzen gemene heruör gebracht vnde examineret werden.

Vnde wenn se denne de Parner dar geschicket vindet / so schal he öhne de hende vpleggen / vnde mit der gemene / ein ernstlick gebeth don / dat se Godt vmme Christus willen / dorch de krafft des hilligen Geistes / vn solckem Gelouen stercken vnde bestedigen wille.

Vnde schal öhne darna vorlöuen / dat se thom Dische des Heren ghan / so vaken alse öhne dat van nöden syn wörde. Wo öuerst he de Parner vngeschickede Kinder vünde / so schal he se fyn fründtlick vormanen / dat se noch flith vor wenden / vnde sick yn solcker Lere geschicket macken / des geliken de Olderen / dat se ein vpseent hebben / darmede solckes geschen möge.

Tho solcker Confirmation mach de Parner tidt bestemmen / wenns öhme gelegen ys / vnde ock Kinder vorhanden / de tho solcker examination düchtich synt / Desgeliken / mach he ock van den negesten Parheren / twe edder dre dede geschicket synt / tho sick nemen / darme de solcke Christlicke Ceremonia ein deste stat licker anseent hebben. Wowol ydt gudt were / dat solckes alle tidt / yn bywesende des Visitatoris / edder dorch öhn süluest vthgerichtet wörde / Doch dewile desülue an allen enden nicht syn kan / moth ydt dorch de Parners gelickwol geschen.

Wo öuerst de Parners solcken Catcchismum Predigen / vnde wat vor eine ordeninge se darynne holden schöllen / werden se ock yn der vthlegginge / de hy rby gedrucket werden schal / een vnde vinden.

Ordeninge / wo me de Eel de ynleden vnde thosamende geuenschal.

NAdem male Godt de Here / den Eestandt süluest yngesettet / vnde darna / dorch Christum synen Söne / ock dorch de Apostolischen schriffte twischen einem Manne vnde einer Frouwen / so herlich bestediget hefft / So wille wy / yn vnses fründtlicken leuen vnmündigen Söns Förstend ome / vnde vnser Lifftucht / alle vnsen Amptlüden ernstlick beuolen hebben / Allenthaluen flitich vpthoseende / dat düsse standt yn Goddes frucht / Tucht vnde Reuerentzie / mit gebörlicker solemmitete / vulendet werde.

Vnde dewile süslange her vel hemelikes vorlouens / wedder der Olderen wethen vnde willen / van Yungen luden geschen ys / So schal solckes nu vordan gantz vnde gar vorboden syn / Wo ydt öuerst dar öuer geschen wörde / so schal ydt doch krafftloss syn vnde nicht gelden / Wente ydt ys yo billick / dat yn solcken cerlicken Christlicken saken / de Kinder den Olderen gehorsam syn / na lude des veerden Gebodes / Du schalt Vader vnde Moder eeren.

Desgeliken schöllen nu vordan / Brudt vnde Brüdegam / vor der gantzen gemene / yn der Kercken / na dem se dre mal vpgeboden / thosammende gegeuen werden.

Dewile öuerst de Düuel ein fyndt düsses standes ys / vnde sick vth dessüluen anreginge / veel vnwillens vnde seltzame velle hyrinne thodragen / also dat de man vnderwilen van der frouwen / edder de frouwe vam manne löpt / vnde gescheden syn willen / So wille wy allen vnsen Amptlüden vnde Richtern / beide yn Steden / Blecken vnde Dörppern / ernstlick beuolen hebben / nene Eheschedinge vör thoemende / Sunder wenn beide parte vor den Vndergerichten vorhört / schal me ydt alles wat vor geuallen ys / schrifftlick vp vnse Cantzelye vnsen Reden thoschriuen / vnde darsüluest des Rechten gewarden / Wente dewile Godt / so hoch vam Eeliken stande höldt dat he ock vth den beiden Liuen des Mans vnde der Frouwen / einen liff maket / mit anhangenden worden / Wat Godt thosamende geuöget hefft / dat schal de minsche nicht scheiden. So gedencke wy ock nenerleywiss ane mercklike vnde yn der Schrifft voruatede orsake / de Eeschedinge tho tho lathende.

Eelike lüde dede van einander syn / schöllen na Sünte Pawels lere. j. Corinth. vij. wedderumme vorsönet vnde thosammende gebracht werden / Wo öuerst solckes nicht syn wil edder kan / Dar schal dat schüldige deel / vnses fründtliken leuen Söns Förstendome vnde vnser Lifftucht / ewichlick vor wiset syn / Vnde dat vnschüldige deel vp vnser Cantzelye / beschedt vp ansökinge vorwachten.

Yn den saken / de de angeboren fründtschop vnde vorboden gradus belangen / dat lathe wy by den geschreuen Rechten / Wente vp eine vorgelikinge bliuen / Wowol wenn sick eine solcke sake vnuorsichtlick tho dröge / dat der armen Conscientie geraden syn müste / so schöllen dennoch vnse Vorordenten / alle tidt tho seen / dat der süluen / so verne ydt Christlick vnde mögelick ys gehulpen werde.

Vnchristlike vnde vneerbarlike bylager / gedencke wy van nenem Vnderdanen / he sy gelick Geistlickes edder Wertlickes standes / tho lidende / Vnde so schal derhaluen ein yder / de eine vordechtige persone by sick hefft / de sülue der ein tho der Ee nemen / edder gentzlick van sick wech don.

Desgeliken / wo sick Eelüde / alse ydt sick gehört / nicht recht holden wörden / dat schal vns van vnsen Amptlüden angetekent werden / So wille wy alse denne / yegen dat vnschüldige deel / wo nene beteringe dar syn wil / vns jn der me ninge holden / dat yderman seen schal / dat wy am Eebrocke vnde anderer vntucht / ein vngnedich misgeuallen dragen.

Also wille wy vns ock yegen de / mit vnser Rede thodönde tho holden wethen / dede Junck frouwen tho valle bringen / vnde se darna ym drecke sitten lathen willen.

Eine form des thosammende geuens.

Wen Brudt vnde Brudegam tho der truwe komen / so schal de Prester se beide also fragen.

Wo hestu?

Darna wider fragen.

A. A. Wultu. A. A. thom Eeliken gemale hebben?

Wenn se antworden / Ja / so schalhe wider also seggen.

DEwile gy denne thom hilligen Eestande gripen wolt / vp dat gy dat ane vorstandt des Gödtliken wordes doth / alse de vngelöuigen / So höret thom ersten dat wort Goddes / wo de Eelike standt / van Godde ys yngesettet worden.

GOdt de Here sprack ydt ys nicht gudt dat de minsche allene sy / Ick wil öhme einen gehülpen maken / de vmme öhne sy / Do leth Godt de Here einen depen slap vp den minschen val len / vnde he entslep / vnde nam syner rübben eine / vnde sloth de stede tho mit flesche / vnde GOdt de HEre buwede eine Frouwe vth der rübbe / de he van dem Minschen nam / vnde brachte se tho öhm / Do sprack de Minsche / Dat were ein mal knoke van mynen knoken / vnde flesch van mynem flesche / Me wert se Manninne heten / darumme dat se van dem Manne genome ys / Darumme wert ein Man synen Vader vnde syne moder vorlaten / vnde an syner Frouwen hangen / vnde de twe werden ein flesch syn.

Wider spreke he.

THom andern / Höret ock dat hillige Euangelion / wo gy ein dem andern vorplichtet vnde vorbunden syn schollen / Matthei am xix. De Phariseyer treden thom Heren Ihesu / vorsöchten öhn vnde spreken tho öhm / Isset ock recht / dat sick ein Man schede van syner Frouwen / vmme yennigerleye orsake willen? He antwerde öuerst vnde sprack / Hebbe gy nicht gelesen / dat de / de ym anbeginne den minschen gemaket hefft / de makede dat ein Man vnde Frouwe syn scholde / vnde sprack / darumme wert ein minsche Vader vnde Moder vorlathen / vnde an syner Frou wen hangen / vnde de twe wer den ein flesch syn? So synt se nu twe sunder ein flesch. Wat nu Godt thosamende geuöget hefft / dat schal de minsche nicht scheden. Do spreken se / worum me hefft denn Moses geboden / einen schedebreff tho geuende / vnde sick van öhr tho schedende? He sprack tho öhn / Moses hefft iuw vorlöuet tho schedende / van iuwen Frouwen / van iuwes herten hardicheit wegen / van anbeginne öuerst ysset so nicht gewest. Ick segge iuw öuerst / Wol sick van syner Frouwen scheidet (ydt sy denn vmme der horerie willen) vn fry et eine ander / de brecket de Ee.

Wider spreke he.

Thom drüdden / So höret dat geboth Goddes wo gy iuw yegen einander holden schöl let / vnde spreke tho dem Manne.

Gy mene hebbet leff iuwe frou wen / gelick alse Christus geleuet hefft de gemene / vnde hefft sick süluest vor se gegeuen / vp dat he se hilligede / vnde hefft se greiniget dorch dat waterbadt ym worde / vp dat he se sick süluest beredede eine gemene dede herlick sy / de nene befleckinge edder krakelen / edder der geliken hebbe / sunder dat se hillich sy / vnde vnstrefflick. Also schöllen ock de Menne öhre Frouwen leff hebben / alse ere egen liue / Wol syne Frouwen leff hefft / de hefft sick süluest leff / Wente nemandt hefft iuwerle syn egen flesch gehatet / sunder he erneret ydt vnde pleget syner / Gelick alse ock de Here de gemene.

Thor Frouwen segge he.

DE Frouwen wesen vnderdanich öhren Mennen / alse dem Heren / Wente de Man ys der Frouwen höuet / gelick alse ock Christus dat höuet ys der gemene / vnde he ys synes liues Heilandt / Ouerst gelick alle nu de Gemene Christo ys vnder danich / Also ock de frou wen öhren Mennen yn allen dingen.

Wider spreke he.

Nu höret ock dat Crütze / dat Godt düssem stande vpgelecht hefft.

Thor Frouwen.

Also sprack GOdt tho der Frouwen / Ick wil dick vele Kummers schaffen wenn du Wanger werst / du schalt dyne Kinder mit kummer telen vnde du schalt dick drücken vor dynem Manne / vnde heschal dyn Here syn.

Thom Manne.

Vnde thom Manne sprack Godt / dewile dat du heffst gehorcket dem stemmen dyner Frouwen / vnde gegheten van dem bome / dar ick dy van vorboth vn sprack / Du schalt dar nicht van ethen / So sy de Ack er vorflocket vmme dynent wil len / mit kummer schaltu dy daruppe erneeren / dyn leeued age / Dorne vnde Disteln schal he dy drage / vnde du schalt dat krudt vp dem velde ethen / Im swete dynes angesichtes schaltu dyn brodt ethen / wente dat du wed der tho erde werdest / dar du van genomen bist / wente du bist erde vn schalt tho erde werden.

Wider spreke he.

Dat schal iuwe trost syn / dat gy gelöuen vnde wethen / dat iuwe standt vor Godde angene me vnde gesegent ys. Wente also steit dar geschreuen. Godt schop den Minschen sick süluest thom belde / Ja thom belde Goddes schop he öhn / He schop se ein Man vnde ein Frou we / vnde Godt segende se vn sprack tho öhn / Weset fruchtbar vnde vormeret iuw / vnde voruüllet de Erde / vnde bringet se vnder iuw vnde herschet öuer de vische ym Meere / vn öuer de vögel vnder dem hemmel / vnde öuer alle Deerte dat vp Erden krüppet. Vnde Godt sach allent wat he gemaket hadde / vn sü / Idt was altomal seer gudt / dar ume sprickt ock Salomon / wol eine frouwen kricht / de kricht ein gudt dinck / vnde wert ein wolgeual van dem Heren entfangen.

Darna spreke he.

Wille gy nu sölcke plicht vnde truwe ein dem andern leisten / so geuet ein dem andern de Kinge darup (hebben se anders Kinge) vnde geuet ein dem andern de hende.

Darna spreke he dem Manne vor vnde lathe öhne na spreken / Also.

Ick. A. yn yegenwerdicheit düsser Christliken vorsammelinge / neme dick. A. mick tho einer Eeliken Frouwen / vnde geloue dick myne cruwe yn allem dinge tho bewisende / Dick ock nicht thouorlatende / edder van dick tho schedende / de Dodt schede vns denne. Desgeliken schal he ock der Frouwen desülue wort vorseggen.

Vnde darup spreke he wider.

De Eelike plicht de gy hyr vor Godde vnde syner gemene / ein dem andern gelouet heb ben / bestedige ick vth beuele der Christliken gemene / ym namen des Vaders vnde des Söns / vnde des hilligen Geistes / Amen.

Wat Godt thosamede vöget dat schal de minsche nicht schede

Wasset vnde vormeret iuw / vnde voruüllet de erde.

Darna schal he also öuer se beden vnde seggen.

HEre Godt de du Man vnde Frouwen geschapen / vnde tho dem Echten stande geordent heffst / dartho mit früchten des liues gesegent / vnde dat Sacramente dynes leuen Söns Ihesu Christi / vnde de Kercke syner brudt darynne betekent / wy bidden dyne grundelosen gödicheit / du willest sölcke dyne Scheppinge / ordeninge vnde segen / nicht lathen vmmesüs syn noch vorderuen / sunder gne dichliken ynn vns bewaren / dorch Ihesum Christum vnsen Heren / Amen.

Darna lese he den 128. Psalm.

WOI deme de den HEREA früchtet / vnde vp synen wegen gheit.

Du werst dick erneren van dyner hende arbeide / Wol dy / du heffst ydt gudt.

Dine Frouwe wert syn gelick alse ein frucht bar Wynstock / an den wenden yn dynem huse / Dyne kinder alse ölie twige vmme dynen disch her.

Sü also wert gesegent de Wan / de den HEREN früchtet.

De HERE wert dick segenen vth Zion / dat du seest dat gelücke Jerusalem / Al dyn leeuedage

Vnde seest dyner Kinder kinder / frede öuer Israel.

Godt geue iuw synen frede / Amen.

Vnde yfft ydt sick thodröge / dat yn den Steden vnde Grothen Blecken / vp einen dach mer / denn eine brudthuss were / so schal he se thogelick vortruwen / vnde thosamende geuen.

Frömbde vnde vmmekande / schöllen by vns / wenn se nicht dreplike gude kundtschop / öhres wesendes vnde dondes bringen vnde hebben / nicht vortruwet / sunder an de örde / dar se hen hören / gewiset werden.

Des andern dages / schal de Kerckganck / alse gewönlick ys / geholden / vnd düsse volgende gebeth / öuer den Brüdegam vnde de Brudt / na geholdenem Ampte gesproken werden.

Thom ersten vor der Kercken / schal me de Brudt mit sölcken wörden ynleden.

GOdt de du Man vnde frouwe / thom Ehestande vorordent heffst / dartho mit frucht des liues gesegent / vnde dat Sacramente / dynes leue Söns Ihesu Christi / vnde der Kercken syner Brudt / darynne angetekent / Wy bidden dyne grundelosen göde / du woldest sölck dyn gescheffte / ordeninge vnde segen / nicht lathen vorrücken noch vorderuen / sunder gnedichlick yn vns bewaren / dorch Ihesum Christnm vnsen Heren / Amen.

Darna neme he de Brudt by der handt vnde spreke.

De Here behöde dynen ynganck vnde vthganck / van nu an wente yn ewicheit / Amen.

Benedictio edder ynseginge öuer den Brüdegam vnde de brudt vor dem Altare yn der Kercken.

Here vnse Godt / bewiss gna de / vnsem demödigen gebede / vnde holdt mildichlick by dyner ynsettinge / darmede du de tüchtinge des Minschliken geslechtes geordent heffst / vp dat de yennen de dorch dyne auto ritete / beuelen vnde angeuen / tho samende kome / dorch dyne hülpe erholden werden mögen / Dorch Ihesum Christum vnsen Heren / Amen.

Almechtige Godt du dorch de gewalt dyner krafft / vth nichte alles gemaket heffst / de du ock / nademmale de gantze werlt / ym anuange thogerichtet / den Adam edder minsche / na dynem belde geschapen / de Frouwe alse einen vnaffgesunden hülpen / gebuwet heffst / Darumme dat du dem Frouwe likem liue / van manlickem flesche den anbegin geuest / darmede tho lerende / dat ydt nümmermer gescheden wörde / welcker vth dem enigen Adam hefft anuangen schöllen.

Almechtige Godt / dorch den de Frouwe dem Manne tho geuöget / vnde de gemenschop ym anbeginne geordent / mit sölcker benedyinge begnadet wert / welckere allene nicht vor delget ys / noch dorch de krafft Der Erffsünde / noch dorch dat ördel der Sindtfloth / du woldest gnedichliken heraff seen vp düsse dyne Denerinne / de sick yn den Eestandt begifft / vnde biddet / dat du se gnedichliken beschütte vnde beschermen wol dest / Giff Here vnse Godt / dat se ein den anderen beleuen / vnde sick wol vordragen / Giff dat se yn Christo frye / gelöuich vnde küsch / vnde dat se sy vnde bli ue eine nafolgerinne den hilligen frouwen / Schaffe dat se öhrem Manne leff sy / Alse Rachel / klock alse Rebecca / eins langen leeuendes vnde getruwe alse de Sara / Lath nicht tho / dat de böse Fyndt / dorch de öuertredinge herkome / ichteswat an öhr edder an öhren daden öhm egen make / Sunder dat se vorbunden bliue yn dem gelouen / vnde den Geboden Goddes / Ock dat se allene dem Eebedde tho gedan / alle vntemelike berö ringe vormide / vnde vorware öhre swackheit mit der stercke dyner stercke. Giff gnade dat se tüchtich sy / dat se van Hemmelischer lere vorstendich sy / Dat se fruchtbar sy / dat se from vnde vnschüldich sy / Darmede se thor rouwe der gelöuigen / vn de thom Hemmelischen Rike kömen möge / vnde see Kindes kinder wente yn dat drüdde vn de veerde geslechte / vnde kome tho einem gewünscheden older / Dorch Ihesum Christum vnsen Heren Amen.

Wenn de Prester datsülue Gebeth gesproken hefft / so schal he der Brudt rechter handt nemen / vnde se dem Brudegame geuen vnde spreken.

In dem namen des Vaders / vnde des Söns / vnde des hillt gen Geistes / sy nu vordan düsse dyne Eefrouwe.

Darna spreke he thom Manne.

Söne / leue se / alse Christus syne Kercken geleuet hefft.

Wider spreke he tho der Brudt.

Au vordan sy düsse dyn Eeman / leue öhn / alse de Christlike Kercke Christum geleuet hefft / vnde noch leuet.

Darna spreke de Prester öuer se beide / den segen Goddes / Numeri vj. vnde beuele se Godde dem Almechtigen.

De HERE segene dick vnde behöde dick / De HERE lathe syn Angesichte Lüchten öuer dick / vnde sy dick gnedich.

De HERE erheue syn an gesichte öuer dick / vnde geue dick frede / Amen.

Van Goddeglesteringe.

WOwol vns Godt ynn düsser lesten sorchuoldigen tidt / syn Heilsame wort / so gnedichliken midde gedelet hefft / daruor wy öhme billick ewige dancksegginge don schöllen / Vnde öuerst doch etlicke noch syn / de sölcken Eddelen düren schat vp dat högeste vorachten / vorspotten vnde lesteren / So ys vnse ernstlike beuel / dat / wo sölcke vorachter openbar beuunden / desüluen dorch vnse Amptlüde / twe edder dre mal ernstlick / van sölcker Lesteringe affthostande / vormanet werden / wo denne sölckes nicht helpet / so schal me sölcke lü de mit dem Geuenckenisse straffen.

Dewile ock ein schreckliker missbruck ys by vns Christen / dat wy den düren Namen Goddes / so lichtferdich mit floken vnde sweren missbruken / also / dat ock dat liden / de Marter vnde Wunden Christi / ya ock de Sacramente vnde Elemente yn düssem ralle / vp dat högeste voruneeret werden. So wille wy vp dat ernstlikeste / allen vnsen Amptlüden beuolen hebben / Sölckes tho vorbeden / Ock de yennigen / de sölckem laster vth wonheit geneget syn / twe edder dre mal / daruan affthostande / vormanen.

Wo sölck vormanen denne nicht helpen wil so schal de öuertreder / so vaken alse me ydt van öhme gewar wert / gebörliker wise gestraffet werden.

Ydt vs ock ein yder Christe / wenn he sölcke gruwelike Goddes lesteringe höret / sölckes der Ouericheit vth Christlikem gehorsame / schüldich anthoseggende.

Demena wo sölckes yemandt hörede / vnde nicht ansede / vnde ydt darna openbar wörde / so schal he / alse de Lesterer süluest / gebörliker straffe vnderworpen syn.

Dam hörende des Gödtliken Wordes.

ALse van den Parheren / dat se ym Predigeampte vnde rekinge der Sacramente / allen flith vorwenden / billick geuördert wert / Also schöllen ock vnse Amptlüde ein flitich vpseent hebben / dat de Parkinder öhren Parheren / jn den saken de syn Ampt belangen / gehorsam syn / Goddes wort tho gewönlicker tidt gerne hören / vnde sick vnder der Predige vnde der Misse / wedder yn Beerhüseren noch Winkelleren / noch vp den Kerckhöuen spatzerende vinden lathen.

Wo öuerst sölckes / dorch mothwillige vorachtet edder nicht geholden wörde / schöllen vnse Amplüde flitich darup seen / vn darna frosch en lathen / vnde de tuertreder so vaken se herynne schüldich gefunden werden / gebörlicker straffe vnderworpen syn.

Van der Begreffenisse.

VMme der Vpstandinge willen / schal dat begreffenisse by vns eerlick geholden werden / Nömeliken / also.

Thom ersten wenn dat Graff gemaket vnde dat volck mit der Klocken geuördert ys / So schal de Parner / Scholmester / Opperman / vnde de Schöller / yn der Proces / wente tho des vorstoruen huse ghan / vnde denne anuangen tho singende / Midden wy ym leeuende syn. etc.

Wenn de sülue Psalm vthe ys / so schöllen se wider anuangen / einen andern / Nömeliken / Vth deper nodt etc. Vnde also by dem Graue / wente dat de Dode begrauen ys / singen vnde stille stan.

Darna wenn de Dode begrauen ys / so schal de Parner by dem Graue / went de gelegenheit liden wil / dat volck mit korten wörden vormanen / Dewile wy alle sterfflick / vnde nichtes vngewissers denn de stunde des Dodes sy / dat se nicht nalathen willen / mit dem gelouen / leue / hö peninge / vnde Eerbarheit des leeuendes sick vp sölcke vngewisse stunde bereidt tho makende / vp dat se nicht / wenn de Here kome vnde ankloppe vngeschicket betreden / vnde mit dem knechte / de nen brudtlachtkledt anne hadde / yn de ewigen Düsternisse vorstoth werden.

Darna schal de Parner dat Euangelion / van dem vorstoruen Lazaro / vth dem Euangelio Jo hannis am. xj. lesen.

Na solckem Lesen / schal he dat volck fründt liken anholden / yn de gemenen Kisten / armen lüden ichteswat tho geuende / sunderliken de fründtschop des vorstoruen. Nicht dat darmede der Seele geholpen werde / sunder dat me schüldich sy / yümmer vor arme Lüde sorge tho dragende.

Wat me süslange her dem Parner / Scholmester / Oppermanne / vnde den Jungen gegeuen hefft / schal bliuen / vp datde Denre der Ker cken / dewile de Parners gemenliken öuel vorseen syn / desto beter erholden werden mögen / Synt öuerst des vorstoruen Oldern edder Frouwe vnde kinder / arm / dat se ydt tho geuende nicht heb ben / so schal me ydt densüluen nalathen / Also schöllen ock de Offer yn den veer Festen bliuen. Wowol dat vor dat Fest Assumptionis Marie / Hyrtho dat Fest Michaelis vorordent syn schal.

Van den Diaken vnde gemenen armen Kisten.

WOwol me hyr bouen eine sunderlike Ordeninge van den gemenen Kisten thogesecht hefft / so schöllen dennoch de Parners / thom anuange / mit thodönde des Rades vnde der vor nemesten yn der gemene / twen edder dren / darna de Stede groth syn / vth den Börgern / dede Godtsalich / eerlick vnde from syn / erwelen / Vn de densüluen / wenn se yn der Kercken mit vorghandem Gebede / vnde vplegginge der hende bestediget syn / beuelen de sorge vor de Krancken vnde Armen / Alse wy denn seen / dat de Apostel yn den Geschichten am vj. ock gedan hebben.

Nu schöllen ock desüluen / eine Kisten yn der Kercken / mit twen edder dren Slöten hebben / darynne men / Wat daryn vorordent vnde gegeuen wert / den Armen vnde Krancken / reken kön ne / Vnde de Parner schal einen Slötel / de Ampt man edder Bormester den andern / De Diaken den drüdden hebben / darmede ydt eindrechtich geschee vnde de eine hinder dem andern nichtes her do.

Wat ock van fromen herten / yn de Kisten ge geuen wert / schöllen de Diaken vphenen / vnde vthgenen / Doch vp wise vnde mathe / alse me öhn yn thokomender Kisten Ordemnge / vorschriuen wert. Desgeliken van sölcker vpname vnde vthgaue / vor der Ouericheit / Jarlick vprichtige rekenschop don.

Wo önerst solcke Diaken geschicket syn schöl len / ym lëuende vnde wesende / Tekent Paulus an / yn der ersten Episteln an Timotheum am iij. Dar he also secht / Des süluen geliken / de Denre schöllen Eerbar syn / nicht twetüngich / nicht Winsüper / nicht vneerlike hanteringe drigen / de de hemelicheit des Geloues yn reiner Conscientien hebben / Vnde de süluen lathe me thouörn vor söken / darna lathe me se denen / wenn se vnstrafflick synt / Also deden ock de Apostel / Actorum am vs. Dar se wolden de söuen Diaken / thom denste der Armen erwelen / Wente so secht de Text / Leuen Bröder / seeth manck iuw na söuen Mennen / de ein gudt gerüchte hebben / vnde vul des hilligen Geistes vnde wisheit synt / de wy be stellen mögen tho düsser nodtorfft / Wy öuerst willen nicht afflathen vam gebede / vnde vam ampte des wordes Goddes.

In den Söndagen vnde Vyrdagen / schal vnder der predige / ein manck öhn vmmeher ghan mit einer Taffelen / vnde de Almisse vor Arme lüde ynsammelen. Desgeliken wenn se de süluen vthdelen / schöllen se thoseen dat allene rechtscha pen Armen vnde nodtorfftigen gegeuen werde.

Wenn eine Brudtlacht ys / so schal de Brödegam mit den Knechten vnde syner Fründtschop / vmme den Altar ghan / vnde ein yder / wat öhme syne andacht gifft / Armen lüden mitdelen. Desgeliken de Brudt sampt den Junckfrou wen vnde Frouwen / darmede de lene gegen den armen Lazarum / wenn wy frölick syn / ock gespört werde etc. Vnde schöllen sölcke gaue de Diaken also balde yn de Kisten henyn werpen.

Van der Letanye.

DAt wy Christen vor alle anliggende nodt / vor Keyser / Köninge / Heren / Försten / vnde alle Minschen / alle tidt tho beden schül dich syn / betüget de Schrifft sunderlick Paulus. j. Timo. ij. so ricklick / dat vele wort daruan tho makende ane nodt ys. Js deme na an iuw vnse Parheren vnse ernstlike vnde gnedige begër / gy willen yo mit dem ge menen Gebede anholden / vnde vp de bestemmede dage / Nömeliken / den Middeweken vnde Fridach / de Letanye mit aller andacht singen lathen / Wente dewile sick vmme vnser sünde willen / allenthaluen Goddes thorn mit Pestilentie / Dürer tidt vnde frucht des Kriges / voröget / vördert de hoge nodt / dat wy öme tho vothe val len / vnde ane vnderlath / dat he de wol vordende straffe / gnedichlick van vns affwende / tho biddende nicht vphören. So hebbe wy yo ock syn be nel / dat wy solckesdon schöllen / yn dem / dar he dorch den Propheten secht. Rop mick an yn der angst vnde nodt / so wil ick dick erredden / Vnde du schalt mick loff seggen.

Ydt hebben yn vörtiden de Olden / solckes ge bedes haluen yngesettet de Crütz wecke / Ydt ys öuerst de Düuel balde dartho gekomen / vnde hefft solcke wolmeninge besudelt / mit mercklikem misbruke / nömeliken / Dat me mit den Fanen vnde Hilligen / hen vnde wedder gelopen / vnde des rechten Gebedes daröuer gantz vn de gar vorgetten hefft. Willen derhaluen / dat solck Apenspël mit der Processien gar affgedan / öuerst nicht desteweiniger / solcke Bededage / mit Predigen / Sacrament rekinge vnde der Letanye / des Morgens fro eerlick geholden werden / Nicht dat dat Gebet an sunderlike tidt gebunden syn schölle / sunder dat wy noch eine tidtlanck / den swackgelönigen / darmede tho denen vörhebben.

Ydt schal öuerst de Letanye / nicht alse yn vörtiden / do me sanck / Sancte Patre / Ora pro nobis / Sunder vp wise vnde mathe / alse se tho Wittemberge gedrücket vnde vthgeghan ys / geholden werden.

INTROITVS. Van der hilligen Dreuoldicheit.

Gebe ne dy et sy de Hilli ge Dreuol dich eit vnde Ock de vn gedelde e nich eit / Wy louen vnd danck seg gen öhr / wenn se hefft vns ge dan na sy ner Barm hertich heit. Wy ge benedyen den Va der vnd den Sön mit dem hil ligen Geiste. Eere sy dem Vader vnde dem Sön vnd dem Hil li gen Geiste / Als ydt watym anuange ytzundt vnd yümmer / vnde van ewicheit tho e wicheit A men. Ge-

Dat Kyrieleison.

Ky ri e leison. Chri ste leison Ky rie e leison. Ky rie lei son.

Et in terra.

Ee re sy Godt yn der hö ge. Vnd vp Erden fred den minschen eines guden willen. Wy louen dick / Wy pri sen dick / Wy anbeden dick / Vnde eeren dick / Wy danckseggen dick / O Here vmme dins grothen prises willen. O Godt Könninck der Hemmel Godt Vader Almech ti ge Here Goddes Sön einge borner Ihesu Christe / He re Godt ein lam Goddes / Söne des Vaders / De du drechst der werlt Sünde / Erbarm dick vn ser / De du drechst der werlt Sünde / Nim gnedichlick vp vn se ge bet De du sittest thor rechtern des Vaders erbarm dick vnser / Denn du allene bist hillich / Du bist alle ne de Herre / Alle ne de alder högeste Ihesu Christe / Mit dem Hilligen Geist yn der ee re Godt des Vaders / Amen.

De HEre sy mit iuw. Vnde mit dynem Geiste.

De Collecta.

ALmechtige Godt / de du bist ein beschütter alle der yennen / de vp dick hopen / ane welckeres gnade nemandt ich teswat vormach / noch wat vor dick gildt. Lath vns dyne barmherticheit ricklick weddernaren / Vp dat wy dorch dyne hilli gen yngeuinge / dencken dat recht ys / Vnde dorch dyne werckinge / ock datsülue vullenbringen. Vmme Ihesus Christus vnses Heren willen / Amen.

Hyr kere sick de Prester tho dem volcke.

De Epistel.

So schrifft S. Paulus / an de Chorinther. Leuen Bröder / Daruor hold vns yderman / Nömlick vor Christus Deners / vnde husholders öuer Goddes hemelicheit / Nu socht men nicht mër an den Husholdern / men dat se trüw gefunden werden / Mick öuerst ysset ein ringe dinck / dat ick van iuw gerichtet werde / edder van einem minschliken dage. Ock richte ick mick süluest nicht / Ick byn mick wol nichtes bewust / Ouerst dar byn ick nicht ynne gerecht fer diget / De Here ysset öuerst / de mick richtet / Darumme richtet nicht vor der tidt / beth dat de Here kome / De ock wert an dat licht brin gen / wat ym dustern vorbor gen ys / vnde den radt der herten open ba ren / Alse denne wert einem ytliken van Godde loff wedder fa ren.

Dat Alleluia.

Al le lu ia.

Gebe ne dyet bistu Here O Godt vn ser Veder vnd bist tho Io nen yn E wich heit Al le.

De Sequentz ys reine / vnde wo me se singen wil / so mach me se Latinesch singen.

Hyrna volget dat Euangelion / Schal me vp Düdesch yegen dem volcke singen edder lesen / mit luder stemme / alse volget.

So schrifft Sünte Johan nes yn synen hrlli gen Euan ge lien. Dar was öuerst ein meinsche manck den Pariseyen / mit namen Ni co demus / ein öuer ste manck den Jö den. De quam tho Ihesu by der nacht / Vnd spra ktho öhm. Mester / wy wëthen / dat du bist ein Lerer van Godde komen / wente nemandt kan de teken don de du deist / ydt sy denn Godt mit öhm. Jesus antworde / vnde sprack tho öhm / Warlick warlick ick segge dick / Ydt sy denn dat yemandt noch eins ge bo ren werde / kan he dat Rike Goddes nicht seen. Nicodemus sprickt tho öhm. Wo kan ein minsche geboren werden / wenn he oldt ys Kan he ock wedderumme yn syner Moder liff ghan vnde ge bo ren werden? Ihesus antwerde. Warlick warlick ick segge dick / Ydt sy denn dat yemandt geboren werde / vth dem Water vnd Geiste / So kan he nicht yn dat Rike Goddes komen. Wat vam flesche geboren wert / dat ys flesch. Vnde wat vam Geiste geborn wert / dat ys Geist. Lath ydt dick nicht vorwundern / dat ick dick gesecht hebbe / Gy möthen noch eins ge boren werden / De windt blesset wor he wil / vnde du hörest syn brusent wol / Ouerst du weist nicht wor he her kümmet / vnde wor he hen va ret. Al so ys ein yder / de vth dem Geiste geborn ys. Nicodemus antworde vnde sprack tho öhm Wo kan solckes geschën? Ihesus antworde vnde sprack tho öhm. Bistu ein mester yn Isra el vnde weist dat nicht? Warlick warlick ick segge dick / Wy reden dat wy wëthen / vnde betügen dat wy ge seen hebben / vnde gy nemen vnse tüchenisse nicht an. Gelöue gy nicht wenn ick iuw van erdischen dingen segge / Wo wörde gy denn gelöuen / wenn ick iuw van Hemmelischen dingen seggen wörde. Vnde nemandt vareth tho Hemmel / denn allene de vam Hemmel heraff gekomen ys / nömliken / des Minschen Sön / de ym Hemmel ys / Vn de gelick alse Moses yn der Wöstenye eine Slangen vorhöget hefft / Also moth des Minschen Sön vorhöget werden / vp dat alle de an öhn gelönen / nicht vor lo ren wer den / sunder dat ewige lë uent heb ben.

Na dem Euangelio singet me den gelouen / Also.

Wy gelöuen all an einen Godt / Schepper Hemmels vnde der Erden / de sick thom Vader geuen hefft / dat wy syne Kinder werden. He wil vns all tidt ernëren / liff vnd seel ock wolbewaren. Allen vn fall wil he wëren / nën ledt schal vns wedderuaren / He sorget vor vns / hödet vnde waket / ydt steit alles yn syner macht.

Wy gelöuen ock an Ihesum Christ / synen Sön vnde vnsen HEren / de ewich by dem Vader ys / geliker Godt van macht vnde eeren / Van Marien der Junckfrouwen / ys ein ware minsche geboren / dorch den hilligen Geist ym gelouen / vor vns de wy weren vorloren / am Crütze gestoruen / vnde vam dode wedder vpgestanden ys dorch Godt.

Wy gelöuen an den Hilligen Geist / Godt mit Vader vnde dem Söne / de aller blöden ein Tröster heth / vnde mit ganen ziret schöne. De gantze Christenheit vp Erden / höldt yn einem sinne garëuen / Hyr alle Sünde vor geuen werden / dat flesch schal ock wedder lëuen / na dnssem elende / ys bereit vns syn lëuent yn ewicheit.

Vnder dem lesten Versche schal de Pre dicante vpstigen vnde Predige. Vnde lathe dar Vader vnse singen edder beden / ym anuange des Sermons. He Predige beslute he / alse volget.

De predige schal vp mathe vnde wise / mit dem gemenen Gebede / alse hyr bouen angetekent ys / besloten werden.

Darna gheit de Prester wedder vor den Atar / vnde dat Chor singet yn middeler tidt / Ydt wolde vns Godt gnedich syn etc. Edder / Godt de Vader wone vns by / etc. Darna singet de Prester / De Here sy mit iuw. Dat Chor antwordet. Vnde mit dynem Geiste. Darna volget dat Offertorium.

Vor dat Offertorium schal me mit der gemene einen Düdeschen Psalm singen.

Godt sy p iss van ewicheit tho ewicheit / A men. De He re sy mit iuw / Vnd mit dynem Gei ste. Heuet vp iuwe herten / De er heue wy thom He ren. La tet vns danck seg gen dem Heren vnsem Godde / Dat ys billick vnde ys recht. Warlick ys dat billick vn de recht vnd heil sam / dat wy dick dancken hil lige Here Almech ti ge Va der E wi ge Godt / dorch Christum vusen Heren / De dat wa re Pasche lam ys / de ys warlick dat lam dat der Werlt Sünde drecht / De vnsen Dodt mit synem steruen vor stö ret hefft / vnde dat lë uent mit sy ner Vpstan dinge vor woruen hefft / Darumme singe wy mit synen Engeln vnde Ertzengeln / dy ner eer ein lossgesanck an ende spreckende.

Dat Sanctus.

Jesa ia dem Propheten dat geschach / Dat he ym Geist den Heren sitten sach. Vp einem hogen thron yn hellem glantz / Synes kledes soem dat Chor vüllet gantz Ydt stünden twe Serab by öhm daran / Sös flögel sach he einen ydern han. Mit twen vorbergden se öhr antlath klar / Mit twen bedeckeden se de vöthe gar. Vnd mit den andern twen se flögen fry / Yegen andern repen se mit grothem geschry. Hillich ys Godt de Here Zebaoth. Hillich ys Godt de Here Zebaoth. Hillich ys Godt de Here Zebaoth. Syn eer de gantze werlt er füllet hat. Van dem geschrey zettert sül vnd balcken gar / Dat huss ock gantz vull rocks vnd neuel war.

Vnder dem Sanctus bede de Prester düsser Oratien edder Collecten eine.

Vor de Ouericheit.

BArmhertiger hemmlelischer Vader / In welckeres hende aller minschen Gewalt vnde Ouericheit stan / van dick yngesettet thor straffe der öueldeder / vnde thom beschütte der fromen. In welckeres hende / ock stan alle Rechte vnde gesette / aller Lande / Wy bidden dick / sy gnedich vnsem Keyser / allen Könningen vn de Försten / sunderlick vnser Landes Förstinnen / vnde der yungen Herschop / Rath vnde Regenten düsser Stadt vnde aller ordentlicker Ouericheit / Darmede se dat Wertlike Swerdt / dat du öhn beuolen heffst / recht vören mögen / vmmeschede se mit der krafft des Alderhögesten / Erlüchte vnde erholdt se / by dynem Gödtliken Namen / Lath se dyn Gödtlike Wort / van herten leff hebben / vnde daröuer vaste holden / vnde se yo dat sülue nicht lathen voruolgen. Giff öhne leue HEre wissheit vnde einen vorstandt / vnde ein fredesam Regimente / Vp dat se alle öhre Vnderdane / yn der Warheit vnde Gerech ticheit / de dick geuellich ys / regeren vnde beschermen. Ock myn leue Here Godt / Friste öhn öhr ëuentlanck / na dynem willen / Vnde dewile dat gerichte dyn ys / vnde se an dyner stede sitten / Giff öhn gnade also tho regeren / dat dyn hillige Name dorch se gehilliget vnde gepriset werde / van nu an wente yn ewicheit / Des helpe öhn de Here Ihesu Christ / dyn geleuede Söne / AMEN.

Na dem Sanccus vnde solckem gebede / singe edder lese de Pastor / alse volget.

Lath vns be den? wo vns de Herr Christus Ihesus be uo len hefft / dat wy vth rechter tho uorsicht vnd vortruwen dörffen seggen. Vader vnse de du bist ym Hemmel / Gehil liget werde dyn Name / Dyn rike kome / Dyn wille geschee / alse ym Hemmel / also ock vp Erden / Vnse dagelike Brodt giff vns hüden / Vnd vorlath vns vnse schuldt / alse wy vorlathen vnsen schü deuern / Vnd vöre vns nicht yn vorsökinge / Sunder vor löse vns van dem öuel. Wente dyn ys dat Rike / vnd de Krafft / vnd de Herlichkeit / yn E wich eit Amen.

VERBA CONSECRATIONIS.

Vnse Here Ihesus yn der nacht do he vorraden wart / Nam he dat Brodt / danckede vnde brack ydt / vnde gaff ydt synen Jüngern vnde sprack. Nemet hen vnde ethet / dat ys myn Liff / dat vor iuw ge genen wert / Solckes doth tho myner gedechtnisse. Dessul nen ge li ken / nam he ock den Kelck / na dem A nendtethende danckede vnde gaff öhn synen Jüngern vnd sprack. Drincket Al le dar nth Dat ys myn Blodt des nyen Te stamentes / dat vor iuw vnde vor vël vorgo then wert / thor vor geuinge der Sünde / Sölckes doth so vaken gy ydt drincken tho myuer gedechtnisse.

Hyrna schal de Prester den lüden dat Sacramente reken vnde seggen. Nym hen vnde eth dat ys dat liff Christi / de vor dick gegeuen ys / de behöde dyne Seele thom ewigen lëuende / Amen. Nym hen vnde drinck / Dat ys dat Blodt des nyen Testamentes / dat vor dyne Sünde vorgothen ys / dat stercke dyne Seele thom ewigen lëuende / Amen. Vnde me singe vnder des dat Discubnit / Edder / Ihesus Christus vnse Heilandt / etc. Edder / Godt sy gelonet. Wenn de lesten tho ghan / so beslute dat Chor mit dem süluen Versche. Darna singe de Prester. De frede des Heren sy mit iuw. Dat Chor singe. Vnde mit dynem Geiste. Hyrup volget de dancksegginge de men yn allen Missen / na geschener Commnnion don schal / Vnde de Prester keret sick thodem volcke vnde sprickt.

OAlmechtige ewige Godt / Wy seggen dyner Gödtliken mildicheit loff vnde danck / Dat dn vns mit dynem heilsamen Flesche vnde Blode dynes enigen Söns Ihesu Christi vnses HEren / gespiset vnde ge drencket heffst / Vnde bidden dick demödichlick / Du willest dorch dynen Hilligen Geiste yn vns wercken / wo wy dyth hillige Sacramente mit dem munde hebben entfangen / dat wy ock also dyne Gödtlike gnade / vorgeninge der Sünde / voreniginge mit Christo / vnde ein ewich lëuent / so darynne angetekent vnde thogesecht ys / mit vastem gelouen mögen begripen / vnde ewichlick beholden. Wy dancken dick ock Almechtige Godt / dat du vns dorch de heilsame gaue dynes Liues vnde Blodes heffst erquicket / vnde dyne Barmherticheit / dat du vns solckes gedyen latest tho sterckem gelouen yegen dick / vn detho vüriger leue yegen vns alle / dorch vnsen HEren Ihesum Christum dynen Söne / de mit dick yn ewicheit des Hilligen Geistes / lëuet vnde herschet / ware Godt yümmer vnde ewichlick / Amen. Ghat hen ym frede.

Dat Agnus Dei.

Olam Goddes vnschüldich / Am stam des Crützs ge-All tidt gefunden düldich / wowol du wördest vorslachtet / All sünde heffstu gedragen / süs möste wy achtet.

vortzagen / Erbarm dick vnser O Ihesu.

Hyrup volget de Collecte de singet de Prester.

OHere Ihesu Christe / de du dynen Apostelen gesecht heffst / Mynen frede geue ick iuw / Mynen frede lathe ick iuw. Woldest vnser Sünde nicht gedencken / sunder anseen den Gelouen dyner gemene / de woldest du ym frede erholden / bewaren vnde re geren / de du mit dem Vader vnde dem hilligen Geiste / ware Godt regerest yn ewicheit / Amen.

Hyrna volget de Benedictio.

DEHERE segene dick vnde behöde dick.

De HERE erlüchte syn angesichte öuer dick vnde sy dick gnedich.

De HERE heue syn angesichte vp dick vnde geue dick frede.

So singet de Prester.

Latet vns den HEREN prisen Alleluia.

Dat Chor.

Dancket dem HEREN Alleluia.

So beslute me mit dem Da pacem. Vorlene vns fre de. etc. Mit der Collecten.

Nu volget dat Ampt van dem Aduente.

Introitus vam Aduent.

HERE ick vor heue my ne Seel tho dick lath mick nicht tho schan den wer den myn Godt / Ick hope vp dick lath myne fyn de sick nicht frowen öner mick / Twar al le de vp dick har ren werden nümmermër tho schanden. HE REso do ock kundt du mick dy ne wege vnd le re mick sülffst nu dy ne sti ge. Ee re sy dem Vader vnde dem Söne vnde dem Hil li gen Geiste / Al se ydt was ym anuange ytzundt vnd stedehen / Vn de van ewi cheit tho ewichheit / AMEN. HERE ick.

Dat Kyrieleison.

Ky ri e

leison.

Christe

leison.

Ky ri e

leison.

Ky ri e

leison.

Dat et in terra.

Eere sy Godt in der högede. Vnd vp er den fre de den minschen eines gu den wil len. Wy lo nen dick / Wy prisen dick / Wy anbe den dick / Vn de ee ren dick / Wy danckseg gen dick / O HEre vmme dy nes gro then pri ses willen. O Godt Kön ninck der hemmel Godt Va der Al mech ti ge / Here Goddes Sön eingeboren Ihesu Christe vnde Hil li ge Geist. HERE Godt lam Goddes Sön des Vaders / De du drechst der werlt Sünde / Er barm dick vnser. De du drechst der werlt sünde / Nym gnedichlick vp vnse ge bet / De du syst thor rechtern handt des Vaders / Erbarm dick vn ser. Wente du alle ne bist Hillich / Du bist allene de Here / Alle ne de alderhögeste Ihe su Christe. Mit dem hilli gen Geiste yn der ee re Goddes des Vaders / Amen / men.

De HEREsy mit inw / Vnde mit dynem Geiste.

OMilde Godt / De du dyn ewige wort / der minschen natur heffst laten an sick nemen van vnuorrückedem liue der Junckfrowen Marie. Vorlene dynen vther welden orloff tho geuende den Fleschliken lüsten / vp dat se alle dyner thohussökinge rhum geuen / Dorch densülnen Ihesum Christum dynen leuen Söne vnsen HEren / dede mit dick lëuet vnde regeret yn ewicheit des hilligen Geistes / van werlt tho werlde / AMEN.

De Epistel.

DVsse Lectien hefft beschreuen de hillige Esaias de Prophete. Düth secht Godt de HE re. Vnde dar wert eine Rode vpghan van dem stamme Jesse / vnde ein Twich vth syner wörtelen frucht bringen / Vp welckerem wert rouwen de Geist des HEren / De Geist der wisheit vnde des vorstandes. De Geist des rades vnde der starcke / De Geist der erkentenisse vnde des früchten des HEren. Vnde syn Rukent wert syn yn der fröchte des HEren. He wert nicht richten na deme dat syne ogen seen / noch straffen / na deme dat syne oren hören / Sunder wert mit gerechticheit de Armen richten / vnde mit Gerichte straffen de Elenden im Lande. Vnde wert mit dem Staue synes Mundes de erde slan / vnde mit dem Athem syner Lippen / den godtlosen döden. Gerechticheit wert dat Gördel syner Lenden syn / vnde de Geloue dat Gördel syner Nëren.

Dat Alleluia.

Al le lu ia.

Gedencke Herean dy nege nade wente se ys van e wich heit vnde an en de.

Dat Euangelium.

DEnauolgende wort des hilligen Euangelij / Beschrifft vns de hillige Mattheus am ein vnde twintigesten Capittel. Do se nu harde by Jerusalem quemen / tho Bethphage an den Olieberch / sende Ihesus syner Jünger twe hen / vnde sprack tho öhn / Ghat hen yn dat Bleck / dat vor iuw licht / vnde also balde werde gy eine Eselinne / angebunden vinden / vnde einen Volen by öhr / löset se vp vnde bringet se her tho my. Vn de so iuw yemandt wat seggen wert / so spreket / De Here bedarff örer / also balde wert he se iuw lathen. Dat geschach öuerst althomal / vp dat voruüllet wörde / dat dar gesechtys / dorch den Propheten de dar spreckt / Seg get der Dochter Zion / Sü dyn Könninck kümpt tho dy sachtmödich / vnde ryth vp einem Esel / vnde vp einem Volen der lastbaren Eselinnen. De Jünger gingen hen / vnde deden alse öhn Ihesus beuolen hadde / vnde brachten de Eselinne vnde den Volen / vnde leiden öhre kleder darup / vnde setteden öhn darup. Ouerst vële volckes bredede de kleder vpden wech. De andern howeden twyge van den bömen / vnde stroweden se vp den wech. Dat volck öuerst / dat vör ginck vnde nauolgede / schriede vnde sprack / Hosianna dem Söne Dauid / Gebenedyet sy de dar kümpt yn dem namen des Heren / Hosianna yn der höge.

Hyr schal me den gewönliken sanck / Wy gelöuen etc. singen / alse ym XIII. Blade vortekent steit.

Vor dat Offertorium / schal me mit der gemene einen Düdeschen Psalm singen.

De Prefatiosteit ym vorigen Ampte / darsüluest söke me se ym XIIII. Blade.

Dat Sanctussöke ock ym vorigen Ampte nedden ym XVI. Blade.

De Lollecta de de Prester vnder dem Sanctus bedet / vindestu ym vorigen Ampte ym XVIII. Blade.

Latet vns beden / söke darsüluest ym XIX. Blade.

Verba Lonsecrationis / söke ock ym vorigen Ampte ym XX. Blade.

Dat Agnus dei / söke dergeliken am süluen orde ym XXII. Blade.

Lollecta.

HEre lath vns entfangen am middel des Tempels dyne Barmherticheit / Vp dat wy mit billicker eere vor ghan der Herrlicheit / de an yennem dage öuer vns komen wert.

Dat Da pacem thom beslute.

VOrlene vns frede gnedichlick / Here Godt tho vnsen tiden / ydt ys doch yonën anoer nicht / de vor vns künde striden / denn du vnse Godt allene.

Godt giff vns frede yn dynem lande.

Gelücke vnde heil tho allem stande.

Lollecta.

HEre Godt Hemmelische Vader / de du hilligen muth / guden rath / vnde rechte wercke schaffest / Giff dynen Denren frede / welckeren de werlt nicht kan geuen / vp dat vnse herte / an dynen geboden hangen / vnde wy vnse tidt / dorch dyne beschüttinge stille vnde seker vor vienden lëuen / Dorch Ihesum Christum dynen Söne vnsen Heren / Amen.

De HERE segene dick vnde behöde dick / De HERE erlüchte syn angesichte öuer dick / vnde sy dick gnedich. De HERE erheue syn angesichte vp dick vnde geue dick frede / Amen.

Volgetdat Ampt van der gebort Ihesu Christi.

Introitus van der Gebort Christi.

Vns ys ein Kindt gebo ren vnd ein Sön ys vns geschen cket / Dede syn gewalt drecht vp sy nen schuldern vnde ys genömet ein Engel des groten rades. Darumme vorkündige ick iuw grothe frowde de allem volcke wed der ua ren wert / Wente iuw ys hüden de Heilandt geboren dede ys de Here Christus. Eere sy dem Vader vnde dem Söne vnde dem Hilgen Geiste. Alse ydt was ym anfang ytzundt vnd yümmerdar / Vnd van ewicheit tho e wicheit / Amen. Vns ys.

Dat Kyrieleison.

Kyri e

leison.

Christe

lei son.

Kyrie

lei son.

Dat et in terra mach me Düdesch edder Latinesch singen / alse ym III. blade steit.

De HERE sy mit inw.

Vnde mit dynem Geiste.

De Lollecta.

OAlmechtige Godt / vorlene vns dat de nye gebort dynes enigen Söns ym flesche vullenbringet / vns erlöse vam Endechristischem regimente der Godtlosen / dat wy dorch vnse Sünde vordent hebben / Dorch den süluen Ihesum Christum vnsen HEren / AMEN.

De Epistel.

Doch möchte me vor düsse Epistelen / de Prophecye Esaie am ix. singen / alse am ende düsses Ampts vortekent ys.

DE Sendebreff des Hilligen Pauli an synen Jünger Titum. Du alder leueste / Ydt ys erschenen de fründtlicheit vnde lüdelefflicheit Goddes vnses Heilandes / nicht vmme der wercke willes der gerechticheit / de wy gedan hadden / sunder na syner barmherticheit / makede he vns salich dorch dat badt der Weddergebort / vnde vorniynge des Hilligen Geistes / den he rickliken vthgegoten hefft öuer vns / dorch Ihesum Christum vnsen Heilandt / Vp dat wy dorch des süluen gnade rechtuerdich / vnde Eruen syn des ewigen lëuendes / na dem höpen / dat ys yo gewislick war yn Christo Ihesu vnsem Heren.

Dat Alleluia.

Alleluia. Gy wer den yn der Stadt Dauid vinden dat Kindt yn windeldöcke gewunden vnde yn eine Krib ben ge lecht. Al le.

Sequentz.

Danck segge wy alle Godt vnsem Herrn Christo / de vns mit synem wort hefft erlüchtet / Hefft vns erlöset mit synem Blodt van des düuels gewalt. Den schölle wy alle mit sy nen Engeln louen mit schalle singen / prys sy Godt yn der höge.

Ein louesanck van der Gebort Christi.

Gelouet systu Jesu Christ / dat du minsche geborebist / va einer Junckfrow dat ys war / des frowen sick der Engel schar / Kyrio leis.

Des ewigen Vaders enich kindt / jtzt men yn der Krüb ben vindt / In vnse arme flesch vnde blodt / vorkledet sick dat ewige gudt / Kyrioleis.

Den aller werlt kreis nü besloth / de licht yn Marien schoth / He ys ein Kindelin worden klein / de alle dinck erhöldt allein / Kyrioleis.

Dat ewige licht gheit dar heryn / gifft van öhm einen nyen schin / Idt lüchtet wol midden yn der nacht / vnde vns des lichtes kinder maket / Kyrioleis.

De Söne des Vaders Godt van art / ein gast yn der werlt wart / Vnde vörde vns vth dem yammerdal / vnde mackde vns Eruen yn synem Sael / Kyrioleis

He ys vp er den komen amn / dat he vnser siel erbarm / vnde yn dem Hemmel mackde rick / vnde synen leuen Engeln gelick / Kyrioleis.

Dat hefft he vns alle gedan / syne grothe leue tho teken an / Des frowe sick alle Christanheit / vnde dancke öhm des yn ewicheit / Kyrioleis.

Düsse nauolgende wort des Hilligen Euangelij / beschrifft vns de Hillige Lucas am Andern Capittel.

THo der tidt weren dar Herdes yn der süluen yegen vp dem velde by den Hütten / de hödden des nachtes ere Herde. Vnde sü / de En gel des HEren trat tho öhn / vnde de klarheit des HEren lüchtede vmme se / vnde se früchteden sick seer. Vnde de Engel sprack tho öhn / Früchtet iuw nicht / seeth / ick vorkündige inw grothe frowde / de allem volcke weddernaren wert / Wente iuw ys hüden de Heilandt geborn / de dar ys Christus de HEre / yn der Stadt Dauid. Vnde dat hebbet thom teken. Gy werden dat kindt vinden yn windel gewunden / vnde yn einer krübben liggende. Vnde also balde was dar by dem Engel de velheit der hemmelischen Hërschare / vnde loueden Godt / vnde spre ken. Eere sy Godde yn der höge / vnde frede vp erden / vn de den minschen ein wolgeual.

Hyrup singet dat Lhor / Wy gelöuen all an einen Godt. etc. folio xiij.

Dat Offertorium.

In der stede des Offertorij singet me / Ein Kindelin so löuelick / etc.

De Prefatio.

Priss sy Godt yn ewich eit / Amen. De Herr sy mit iuw / Vnd mit dynem Geiste. Vnse herten yn der hö ge / He ue wy tho dem Heren / Wy seggen danck dem Heren vn sem Godde / Ydt ys billick vnde recht / Warlick ys ydt billick vnd recht vnd ys heilsam dat wy dick Here O hilli ge Vader Almechtige ewige Godt alle tidt vnde allenthaluen danck seggen / Denn dorch de hemelicheit der minschwerdinge des wordes ys dat nye licht dyner klarheit den ogen vnses gemö tes erschinen / vp dat so wy Godt sichtbarlick erkennen / mögen komen tho dem erkenttenisse der sichtbaren Godtheit. Darumme singe wy mit allen Engeln vnde Ertzengeln / vnde mit den dar Godt ynne herschet / dartho mit aller Hemmelischen ge selschop singe wy eine Leisen dynem prise an ende seggende.

Hyrup volget dat Sanctus vindet me yn dem XVII. Blade.

De Collecta de de Prester vnder dem Sanctus bëdet / vindestu ym Ampte de Trinitate am XVIII. Blade. Desgeliken dat Vadervnse am XIX. Vnde verba Consecrationis am XX. Blade.

Iheius Christus vnse Heilandt / de van vns den Goddes thorn wandt / dorch dat bitter lident syn / halp he vns vth der Hellen pyn.

Dat wy nümmer des vorgheten / gaff he vns syn liff tho ethen / vorborgen ym Brodt so klein / vnde tho drincken syn blodt ym wyn

Wol sick tho dem Dische wil maken / de hebbe wol acht vp syne saken / Wol vnwerdich hentho gheit / vor dat Lëuent den Dodt entfengt.

Du schalt Godt den Vader prisen / dat he dick so wol wolde spisen / Vnde vor dyne missedadt / yn den dodt synen Sön gegeuen hat.

Du schalt gelöuen vnde nicht wancklen / dat eine spi se sy der Krancken / Denn öhr herte van Sünden swer / vnde vor angest ys bedröuet seer.

Solck grothe gnade vnde barmherticheit / socht ein herte yn groter arbeit / Is dick wol so bliff dar van / dat du nicht krigest bösen lohn.

He sprickt süluen komet gy armen / lath mick öuer iuw erbarmen / Nën arst ys dem starcken nodt / syn kunst wert am öhm gar ein spot.

Heddestu dick wat kundt erweruen / wat dörfft ick denn vor dick steruen? Düsse Disch ock dick nicht gildt / so du dick süluen helpen wilt.

Gelöuestu dat van herten grunde / vnde bekennest mit dem munde / So bistu rechr wol geschickt / vnde de spise dyne Seele erquickt.

De frucht schal ock nicht vth bliuen / dynen Negesten schaltu leuen / dat he dyner geneten kan / wo dyn Godt hefft an dy gedan.

De dancksegginge vindestu ym ersten Ampte de Trinitate / am XXII. Blade. Dat Agnus Dei vindestu ock darsüluest.

Collecta.

HEre Godt hemmelische Vader / Wy bidden / de du vns mit der Gebort dynes leuen Sönes vnses Here Ihesu Christi erfrowet hefft / Giff vns dat wy dersüluen Gebort / Lidens vnde steruens delhafftich werden ym thokünfftigen lëuende / Amen.

Thom beslute alse volget.

DE dach de ys so frowden rick / aller Creature / Denn Goddes Sön van Hemmelrick / öuer de nature / Van einer Junckfrowen ys geborn / Maria du bist vtherkorn / dat du Moder werest / Wat geschach so wünderlick? Goddes Sön van Hemmelrick / de ys minsche geboren.

Ein Kindelin so löuelick / ys vns geboren hüden / van einer Junckfrouwen süuerlick / tho trost vns armen lüden / Were vns dat Kindelin nicht geborn / so were wy althomal vorlorn / dat heil ys vnser alle / Ey du söte Ihesu Christ / dat du minsche geboren bist / behödt vns vor der Helle.

Alse de Sunn dorch schindt dat glass / mit öhrem klaren schine / Vnde doch nicht vorseret dat / so mercket alle gemene / Geliker wiss geboren wart / van einer Junck frow rein vnde tzart / Goddes Söne de werde / vn ein Krib be wart he gelecht / grothe marter vor vns lëdt / hyr vp düsser erden.

De Herden vp dem velde weren / erfören nye mere / Van den Engelischen scharn / wo Christ geborn were / ein Könninck öuer alle Könninck groth / Herod de rede gar seer vordroth / vth sant he syne Boden. Ey wo gar ein falsche list / erdacht he wedder Ihesum Christ / De Kinderken leth he döden.

De Benedictio. De HERE segene dick vnde behöde dick / De HERE erlüchte syn angesichte öuer dick vnde sy dick gnedich. De HERE heue syn angesichte vp dick vnde geue dick frede.

De Prophecye Esaie am Negenden.

DAt Volck dat ym düsteren wandert / süth ein groth licht vnde öuer de dar wonen ym düsteren Lande / schinet ydt helle. Du makest der Heiden vële / Darmede makestu der fröwde nicht vële. Vor dick öuerst wert men sick fröwen / gelick alse men sick fröwet yn der Arne / Gelick alse men frölick ys / wenn men de Büte vthdelet. Wente du heffst dat söck öhrer last / vnde de rode öhrer Schulder / vnde den Stock öhres driuers thobroken / gelick alse tho der tidt Midian. Wente alle Krich mit rumohr / vnde ein blödich Klëdt / wert vorbrent / vnd mit vüre vorteret werden. Wente vns ys ein kindt geboren / ein Söne ys vns gegeuen / Welcköres herschop ys vp syner schulder / vnde he heth / wünderlick / Radt / Krafft / Heldt / Ewige Vader / Fredeförste. Vp dat syne Herschop groth werde / vnde des fredes nen ende / Vp dem stole Dauid / vnde synem Köninck rike / dat he ydt bereide vnde stercke / mit gerichte vnde gerechticheit / van nu an beth yn ewicheit. Sölckes wert don de Juer des HEREn Zebaoth.

Nuvolgetdat Ampt vp Lichtmissen.

Introitusvp Lithtmissen.

Here Godt wy hebben ym mid del des Tempels ent fan gen dyne Barmhertich eit na dyner tho segginge / O Godt so ys dyn loff erstreck et yn de en de der er den vnde dyne rechter handt ys vull aller Ge rech ticheit. De Here ys groth vnde hoch tho louen yn der Stadt vnses Goddes vp synem hilligen Ber ge.

Ehre sy dem Vader vnde dem Sön / vnde dem Hilligen Geiste. Alse he was ym anuange jtzundt vnde jümmerdar / vnde van ewicheit tho ewicheit / Amen.

Dat Kyrieleison.

Kyrie

leison.

Christe

lei son.

Kyrie

leison.

Dat et in terra mach me Düdesch edder Latinesch singen alse ym III. Blade steit. De HERE sy mit iuw. Vnde mit dynem Geiste.

Hyrup volget dat Gebet.

ALmechtige ewige Godt / Wy bidden ynnichliken dyne Mayestat / gelick alse dyn enige Söne hüden yn düssen dach yn vnses flesches gestalt yn den Tempel geoffert ys / So woldestu vns reinigen / dat wy mit reinen gedancken vnde gemöthe dick geoffert werden / Amen.

De Epistel.

SV / ick wil mynen Engel senden / de vor my her den wech bereden schal / Vnde balde wert komen tho synem Tempel de HERE / den gy söken / vnde de Engel des Vorbundes / des gy begeren. Sü / He kümpt / spreckt de HERE Zebaoth / Wol wert den Dach syner thokumpst / vordragen können? Vnde wol wert bestan / wenn he wert erschinen? Wente he ys alse dat vür eines Goldtsmedes / vnd alse de sepe der We scher / He wert sitten vnde smelten / vnde dat süluer reinigen. He wert de kinder Leui reinigen vnde lutteren alse süluer vnde goldt. Denne werden se dem HERen Spiseoffer bringen yn Gerechticheit / Vnde dat spiseoffer Ju da vnde Jerusalem / wert dem HEREN wol behagen / alse thouören vnde vor langen Jaren.

Vor dat Gradual vnde Alleluia / singet me den gesanck Simeonis / alse volget.

Wit frede vn fröwde ick var darhen / yn Goddes wille / ge trost ys mick myn hert vnd sin / sacht vnde stille / wo Godt mick vorheten hefft / de dodt ys myn slap worden.

Dat maket Christus ware Goddes Sön / de truwe Heilandt / Den du mick Here heffst seen laen / vnde mak st bekandt / dat he sy dat lëuent vnde Heil / yn nodt / sün de / angest vnde steruen.

Den heffstu allen vörgestelt / mit groten gnaden / Tho synem Rike de gantzen Werlt / heten laden / Dorch dyn düre heilsame Wort / an allem orde erschollen.

He ys dat Heil vnde salich Licht / vor de Heiden / tho erlüchten de dy kennen nicht / vnde tho weiden / he ys dynes volcks Israel / de priss / eere / fröwde vn wunne.

Volget dat Euangelium Luce. II.

VAde do de dage öhrer reininge na dem Gesette Mosi quemen / brachten se öhn tho Jerusalem / vp dat se öhn öuerantwerdeden dem Heren / Alse denn geschreuen steit yn dem Gesette des Heren / Ailerley He / de thom ersten de Moder breckt / schal dem Heren gehilliget heten. Vnde dat se geuen dat offer / na dem alse dar gesecht ys yn dem Gesette des Heren / ein par Türtelduuen / edder twe yunge Duuen.

Vnde sü / ein minsche was tho Jerusalem / mit namen Simeon / vnde de sülue minsche was from / vnde Godtfrüchtich / vnde wachtede vp den trost Israel. Vnde de hillige Geist was yn öhm / vnde em was ein antwert geworden van dem hilligen Geiste / He scholde den dodt nicht seen / he hedde denn th ouören den Christ des Heren geseen. Vnde quam vth anröginge des Geistes yn den Tempel. Vnde do de Oldern dat kindt Ihesum yn den Tempel bröchten / datse vor em deden / alse me plecht na dem Gesette / Do nam he öhn vp syne arme / vnde lonede Godt vnde sprack. Here nu lestu dynen Dener ym frede varen / alse du gesecht heffst. Wente myne ogen heb ben dynen Heilandt geseen / Welckeren du beredet heffst vor allen völckern. Ein licht tho vorlüchtende de Heiden / vnde thom prise dynes volckes Israel.

Vp dat Euangelion singet me / Wy gelönen all an einen Godt / etc. Alse ym XIII. Blade vortekent steit.

De Prefation söke ym Ampte de Natiuitate Christi. am XXXV. Blade.

Dat Sanctus söke ym Ampte de Trinitate / am XVII. Blade. De Collecta de de Prester vnder dem Sanctus bedet / söke ock darsüluest am XVIII. Blade.

Latet vns beden / vnde verba Lonsecrationis / söke ock darsüluest / am XIX. Blade.

Dat Agnus Dei / söke ym ampte de Trimtate / am XXII. Blade.

De Lollecta.

ALmechtige ewige Bodt / Wy bidden dick hertlick / Giff vns dat wy dynen leuen Söne erkennen vnde prisen / alse de Hillige Simeon / öhn lifflick yn syne arme genomen / vnde geistlick geseen vnde erkandt hefft / Dorch Ihesum Christum vnsen Heren / Amen.

De Benedictio. De Here segene dick vnde behöde dick / De Here erlüchte syn angesichte öuer dick vnde sy dick gnedich. De Here erlüchte syn angesichte vp dick vnde geue dick frede.

Volgetdat Amptvam Liden Christi.

Introitus vam liden Christi.

Im namen Ihesu schöllen sick bögen alle kne der Hemlischen erdischen vnde der Hellischen / Denn de Here ys gehorsam worden beth yn den dodt / yn den dodt des Crü tzes / darumme ys de Here Ihesus Chri stus ym prise synes Va ders. O Here erhör myn gebet vnde lath myn geschrey vor dick komen. Im.

Eere sy Godde dem Vader vnde dem Söne / vnde dem hilligen Geiste / Alse ydt was ym annange ytzundt vnde yümmerdar / Vnde van ewicheit tho ewicheit / Amen.

Dat IKyrieleison söke hyrbouen ym XXV. Blade. Vnde dat et in terra desgeliken ym III. Blade.

De HERE sy mit inw.

Vnde mit dynem Geiste.

De Lollecta vam liden Christi.

O Bödige Bodt du wult vel leuer dynem volcke gnedich syn / denn dynen torn öuer jemande vthgeten / Vorlene allen vtherwelden / dat se dynen trost mögen entfangen / Dorch Ihesum Christum dynen leuen Söne vnsen Heren / de mit dick lëuet vnde regeret yn ewicheit des Hilligen Geistes van werlt tho werlde / AMEN.

De Sendebreff des hilligen Pauli thon Ehilippern am. ij. Capittel.

LEuen Bröder / Lhristus ys gehorsam worden beth thom dode / ya thom dode am Crü tze. Darumme hefft öhn ock Godt vorhöget / vnde hefft öhm einen namen gegenen / de bonen alle namen ys / Dat sick yn dem namen Ihesu / bögen schöllen alle knee / de ym Hemmel vnde vp erden vnde vnder der erden synt / vnde alle tungen bekennen schöllen / dat Ihesus Christus de HERE sy / thor eere Goddes des Vaders.

Dat Alleluia.

Alle lu ia. Christus ys gehorsam worden synem Vader beth yn den dodt vnd yn dodt des Crü tzes. Alle.

Vor de Sequentz singe me den nauolgenden Psalm.

ERbarmedick myner o Here Godt / na dyner grothen barmherticheit / Wasch aff make rein myne missedadt / ick kenne myne sünde vnde ys mick lëdt / Allene ick dick gesündiget han / dat ys wedder mick stedichlick / dat böse vor dick mach nicht bestan / du bliffst gerecht yfft du ördelst mick.

Sü Here yn sünden byn ick geborn / yn sünden entfenck mick myn Moder / De warheit leuest deist openbarn / dyner wisheit hemelike güder / bespreng mick Here mit Isopo / rein werde ick / wo du wasschest mick / witter wenn de snee myn gehör wert fro / all myn gebente wert fröwen sick.

Here see nicht an de sünde myn / do aff alle vngerechticheit / vnde make yn vns dat herte rein / einen nyen Geist yn my berede / Vorwerp mick nicht van dynem angesicht / Dynen Hilligen Geist wende nicht van mick / de frowde dynes heils hertho mick richte / de willige Geist entholde mick dick.

Den Godtlosen wil ick dyne wege / de sünders ock dartho leren / Dat se van bösem valschen stege / tho dick dorch dick sick bekeren / Bescherme mick Here mynes heils ein Godt / vor dynem ördel dorch dat blodt bedüdet / Myne tunge vorkündige dynrechte Geboth / schaff dat myn mundt dyn loff vthbrede.

Nen liff lick offer van mick esschest / ick hedde dy dat ock geuen / So nym nu den thoknirscheden Geist / dat bedröuede vnde trurige herte darnëuen / Vorsmade nicht Godt dat offer dyn / do wol yn dyner güdicheit / Dem berge Zion dar Christen syn / de offeren dick gerechticheit.

Dat Euangelion Matthei am xx. Capittel.

THo der tidt toch Ihesus ben vp na Jerusalem / vnde nam tho sick de twolff Jüngere / allene vp dem wege / vnde sprack tho öhn / Seeth wy thën hen vp na Jerusalem / vnde des minschen Söne wert den Hogen prestern vnde Schrifftgelerden / öuerantwerdet werden / vnde se werden öhn vordömen thom dode / vnde werden öhn öuerant werden den Heiden / tho Bespottende / vnde tho Geisselende / vnde tho Crützigende. Vnde am drüdden dage wert he wedder vpstan.

De Prefation söke ym Ampte de Trinitate / ym XIIII. Blade. Vnde dat Sanctus söke ock darsüluest ym XVII. Blade. De Collecta ym XVIII.

Latet vns beden / vnde verba Lonsecrationis / söke ock ym Ampte de Trinitate ym XIX. vnde XX. Blade.

GOdt sy gelouet vnde gebenedyet / de vns süluest hefft gespiset / Mit svnem flesche vnde mit synem blode / dat giff vns Here Godt tho gude / Ky rieleison.

HERE dorch dynen hilligen Licham / de van dyner moder Maria quam / Vnde dat hillige Blodt / help vns Here vth aller nodt / Kyrieleison.

De hillige Licham ys vor vns gegeuen / thom dode dat wy dardorch lëuen / Nene grötter göde könde he vns schencken / darby wy syner schöllen gedencken / Kyrielei. HERE oyne leue so seer dick dwungen hat / dat dyn blodt an vns dede grote wunderdadt / Vnde betalde vnse schuldt / dat vns Godt ys worden holdt / Kyrieleison.

Godt geue vns alle syner gnaden segen / dat wy ghan vp synen wegen / In rechter leue vnde bröderliker truwe / dat vns de spise nicht gerüwe / Kyrieleison.

HERE dyn hillige Geist vns nicht vorlathe / de vns gene tho holden rechte mathe / Dat dyn arme Christenheit / lëue ym frede vnde enicheit / Kyrieleison.

Dat Bebet vnde Agnus Dei / vindestu ym. XXII. Blade.

De Lollecta.

ALmechtige Bodt / de du dorch den Dodt dynes Söns / de Sünde vnde den Dodt tho nichte gemaket / vnde dorch syne vpstandinge / de vnschuldt vnde dat ewige lëuent wedderbracht heffst / Vp dat wy van der gewalt des Düuels vorlöset / yn dynem Rike lëue / Vorlene vns / dat wy sölekes van gantzem herten gelöuen / vnde yn solckem gelouen bestendich dick alle tidt louen vnde dick dancken / Dorch den süluen dynen Söne Ihesum Christ / vnsen HEren / AMEN.

De Benedictio. De HERE segene dick vnde behöde dick / De HERE erlüchte syn angesichte öner dick / vnde sy dick gnedich. De Here erlüchte syn angesichte vp dick vnde geue dick frede.

Nu volget dat Ampt vp Paschen.

Introitus am Pasche dage.

Ick byn erstanden vnde byn na by dick / Alle lu ia. Du heffst vp mick ge lecht dy ne handt / Al le luia. Seer wünderlick ys wor den an mick dy ne kunst / Alle luia Al le lu ia. Here du heffst mick vorsocht vnde heffst mick erkandt / du heffst erkandt myne vornichting vnde myne vpstandinge. Eere sy dem Vader vnde dem Sön vnde dem hilligen

Geist / Alse he was ym anuange vtzundes vnde yümmerdar / vn van ewicheit tho ewicheit / Amen.

Dat Kyrieleison.

Ky ri e leison. Christe leison. Ky ri e leison. Ky ri e lei son.

Et in terra.

Eh re sy Godt yn der hö ge. Vnd vp Er den sy fred den minschen eines guden willen. Wy louen dick / Wy prisen dick / Wy anbeden dick / Vnde eeren dick / Wy danckseggen dick / O Here vmme dyns grothen prises willen. O Godt Köninck der Hemmel / Godt Vader Almech ti ge Here Goddes Sön einge boruer Ihesu Christe. He re Godt ein lam Goddes / Söne des Vaders / De du drechst Der werlt Sünde / Erbarm dick vnser / De du drechst der werlt Sünde / Nym guedichlick vp vnse gebet. De du syst thor rechtern handt des Vaders / Erbarm dick vn ser. Denn du allene bist. hillich / Du bist al le ne de Herre / Alle ne de alder hägeste Ihesu Christe / Mit dem hil ligen Geist yn der ee re Godt des Vaders / Amen.

De HERE sy mit iuw /

Vnde mit dynem Geiste.

De Lollecta.

OEwige Bodt / de du dorch dynen enigen Söne erfrowet / den thoganck thom ewigen lëuenden gegeuen heffst / Na dem he de öuer winninge des dodes beholden hefft / erwecke de beger vnses herten thom guden / vnde help sie vns vullenden / Dorch Ihesum Christum / etc. Amen.

De Epistel j. Corinth. v.

DArumme veget den olden surdech vth / vp dat gy ein nye dech syn / gelick alse gy vngesürt synt. Wente wy hebben ock ein Paschelam / dat ys Christus vor vns geoffert. Darumme latet vns Paschen holden / nicht ym olden surdege / ock nicht ym surdege der bösheit vnde schalckheit / sunder yn dem söten dege der lutterheit vnde der warheit.

Aileluia.

Allelu ia. Vnse Pa schelam ys Christus de am Crütze vor vns geof fert ys. Allelu.

Sequentz.

Lath vns Christen alle sin gen loff vnsem Paschelemlin. Christ ys erstanden. etc. Denn Christus dat vnschüldich lam hefft vorlöst de schëpken vnd hefft vns Sünder vorsönt dem Vader. Dodt vnd Lëuen de striden vm Christ den waren Midler / de Here des lëuens regert ewich. Seg vns nu Maria / wat heffstu geseen am weg? Dat graff des lëuendigen Ihesu / vnd de Herrlicheit syner Vpstandin ge?

Engelische tügen / dat sweth dock vnd de kleder / vpgestan ys Christ myn höpning wert synen vorghan yn Gal leam. Ydt ys vëlmër tho glöuen allene Marie warhafftigen / denn wat de Jöden seggen vnnüt lick. Wy wëthen dat de Christ vam dodt vpgestan ys warliken / Darum giff vns Herr dyn frowde e wichlick / Alle lu ia.

Dat Euangelium Marci am XVI.

VNde do de Sabbath vorby was / köfften Maria Magdalena / vnde Maria Jacobi / vnde Salome specerye / vp dat se quemen vnde salueden öhn. Vnde se quemen thom graue vp einen Sabbath dach seer fro / do de Sunne vpginck. Vnde se spreken vnder andern / Wol weltert vns den steen van des Graues dör? Vnde se segen darhen / vnde wörden enwar / dat de steen affgewelrert was / wente he was seer groth. Vnde se gingen henyn yn dat Graff / vnde segen einen Jüngelinck tho der rechtern handt syttende / de hadde ein lanck wytt kledt anne / vnde se entsetteden sick.

He sprack öuerst tho öhn / Entsettet inw nicht / gy söken Ihesum van Nazareth den gecrützigeden / He ys vpgestan vnde ys hyr nicht. Seeth dar / de stede / dar se öhn hen leden / Ghat öuerst hen / vnde segget ydt synen Jüngern vnde Petro / dat he vor iuw hen ghan wett yn Galileia / dar werde gy öhn seen / alse he iuw gesecht hefft. Vnde se gingen snellicken heruth / vnde flögen van dem Graue / wente öhn was ein tzeterent vnde entsettent angekomen / vnde seden nemande nichts / wente se früch teden sick.

Vor dat Offertorium / schal me mit der gemene einen Düdeschen Psalm singen.

De prefatio.

Priss sy Godde yn ewicheit / Amen. De He re sy mit iuw / Vnde mit dynem Geiste. Vnse her ten yn de höge / Heue wy tho dem Heren / Wy seggen danck dem He ren vn sem Godde / Ydt ys billick vnde ys recht / Warlick ydt ys billick vnde recht vnd ys heilsam / dat wy dick Here almechtige Godt allenthaluen danckseggen / Vnd sünderlick yn düsser tidt höger prysen / Wente Christus vnse Paschelam ys vor vns ge offert / He ys dat ware lam Goddes / welcker dar wech genomen hefft de Sünde der werlet / De dar dorch synen Dodt vnsen ewigen Dodt vorstöret hefft / Vnde alse he vpgestan ys hefft he herwedder bracht datlëeuent. Darumme singe wy mit allen Engeln der hemmelischen Schare eine Leisen dynes Pryses ane en de seg gende.

Dat Sanctus söke ock ym Ampte de Trinitate nedden ym XVI. Blade.

De Lollecta de de Prester vnder dem Sanctus bedet / vindestu ym süluen Ampte ym XVIII. Blade.

Latet vns beden / söke darsüluest ym XIX. Blade.

Verba Lonsecrationis / söke ock dar süluest ym XX. Blade.

Dat Agnus dei / söke dergeliken am süluen orde ym XXII. Blade.

De Lollecta.

HEre öuerschüdde vns mit dynem Geiste / dat wy yn steder leue vnde enicheit lëuen / dyner Vpstandinge vnde thokumpst nümmermër vorgheten / AMEN.

De Benedictio. De HERE segene dick vnde behöde dick / De HERE erlüchte syn angesichte öuer dick / vnde sy dick gnedich. De HERE erheue syn angesichte vp dick vnde gene dick frede / Amen.

Volget dat Ampt van der hemmelfart Christi.

Introitus van der hemmelfart Christi.

Gy menne van Ga li le a / Wat vorwundere gy iuw vnde seeth yn den Hemmel? Alleluia. Düsse Ihesus wo gy öhn geseen hebben tho Hemmel varen / de wert also wedder komen / Alle lu ia / Al le luia / Allelu ia. Al le gy völcker slath iuwe hende tho samen vor frowden / singet vnsem Godde mit fröliker stem / degrothe frowde de vnuthsprecklick ys. Eere sy dem Vader vnde dem Söne vnde dem hilligen Geiste / Alse he was ym anuange ytzundt vnde yümmerdar / Vnde van ewicheit tho ewicheit / Amen.

Dat Kyrieleison söke ym Ampte de Trinitate ym II. Blade. Dat et in terra. ym III. Blade.

De HERE sy mit iuw.

Vnde mit dynem Geiste.

Collecta.

OBodt de du dynen leuesten Söne yn de depeste ende der affgründe aller dinge gewalt tho hebben gesandt / vnde öhn öuer alle Hemmel tho stigende / allene vorhöget heffst. Vorlene vns vmme syner Gerechticheit willen / by dick Hemmelisch tho wonende / Dorch Ihesum Christum vnsen Heren / Amen.

De Epistel / Actu. j.

DE erste rede heb ick twar gedan / leue Thiophile / van alle dem / dat Ihesus anhoff / beyde tho dönde vnde tho lerende / beth an den dach / do he vpgenomen wart / na dem he den Aposteln (de he hadde erwelet) dorch den Hilligen Geist / beuël dede / welckeren he sick na synem lidende / lëuendich bewiset hadde / dorch mannigerleye bewisinge / vnde leth sick seen manck en veertich dage lanck / vn de redede mit öhn vam Ryke Goddes. Vnde alse he se vorsammelt hadde / beuoel he öhn / dat se van Jernsalem nicht wëken / sunder wachteden vp de thosage des Vaders / de gy (sprack he) van mick gehört hebben. Wente Johannes hefft mit water gedofft / öuerst gy schöllen mit dem hilligen Geiste gedofft werden / nicht lange na düssen dagen.

Do öuerst se thosamende gekomen weren / frageden öhn vnde spreken / HEre / werstu in düsser tidt wedder vp richten dat Rike van Israel? He sprack öuerst tho öhn / Ydt behört iuw nicht tho wëtende tidt edder stunde / de de Vader syner macht vörbeholden hefft / Sunder gy werden de krafft des hilligen Geistes entfangen / de vp iuwkomen wert / vnde werden myne tügen syn tho Jeru salem / vnde yn dem gantzen Judea vnde Samaria / vnde beth an den ende der erden.

Vnde do he solckes gesecht / wart he vpgenomen tho seendes / vnde eine Wolcke nam öhn vp vor öhren ogen enwech. Vn alse se öhm na segen tho hemmel varende / sü / do stünden by öhn / twe Menne yn witten kledern / welckere ock seden / Gy Menne van Galilea wat sta gy / vnde seen na dem Hemmel? Düsse Ihesus de van iuw ys vpgenomen tho Hemmel / wert komen gelick alse gy öhn geseen hebben tho Hemmel varen.

Dat Alleluia.

Al le lu ia. De He re mit Sina i yn der hillich heit ys vpge fa ren yn de höge vnde hefft dat gefenckenisse geuangen ge uört. Al le.

De Sequentz mit dem Gesange / Christ voer tho hemmel etc. tho singende.

Lath vns Christen alle singen loff vnsem Paschelemlin. Denn Christus dat vnschüldich lam hefft vorlöst de Schepken vnd hefft vns Sünder vorsönt dem Vader. Dodt vnd lënent de siriden vm Christ den waren Midler / de Here des lëuendes regert e wich. Seg vns nu Maria / wat heffstu geseen am weg? Dat graff des lëuendigen Ihesu / vnd de Herlicheit syner Vper standing? Engelische tügen / dat sweth dock vnd de kleder / vpgestan ys Christ myn höpning / wert synen vorghan yn Ga li le am. Ydt ys vël mër tho glöuen allene Marie warhafftigen / denn wat de Jöden seggen vnnütlick. Wy wëthen dat de Christ vam dode vpgestan ys warlick / Darum giff vns Herr dyn frowde Ewichlick / Alle lu ia.

Dat Euangelion Marci am XVI.

THom lesten / do de Eluen thor tafelen sethen / openbarde he sick / vnde schaldt öhren vngelouen / vnde öhres herten hardicheit / dat se nicht ge löuet hadden / den / de öhn geseen hadden wedder vpstan. Vnde sprack tho öhn / Ghat hen yn de gantzen werlt / vnde prediget dat Euangelion aller Creatur. Wol dar gelöuet vnde gedofft wert / de wert salich werden. Wol öuerst nicht gelöuet / de wert vordömet werden.

De teken öuerst de dar volgen werden / den / de dar ge löuen / sint de / In mynem namen werden se Düuel vthdriuen / Mit nyen tungen reden / Slangen vordriuen. Vn de so se wat dödtlikes drincken / wert ydt öhn nicht schaden. Vp de Krancken werden se de hende leggen / so wert ydt beter mit öhn werden.

Vnde de Here na dem he mit öhne geredet hadde / wart he vpgenomen tho Hemmel / vnde sith tho der rechtern handt Goddes. Se öuerst gingen vth vnde predigeden an allen enden. Vnde de Here werckede mit öhn vnde bekrefftigede dat wort / dorch mede volgende teken.

De Prefatio.

Priss sy Godt yn ewicheit / Amen. De Here sy mit iuw / Vnd mit dynem Geiste. Vnse her ten yn de höge / He ue wy tho dem Heren. Wy seggen danck dem Heren vnsem Godde / Ydt ys billick vnde ys recht / Warlick ydt ys billick vnd recht vnd ys heilsam / Dat wy dick Here almechtige Godt allenthalue danck seggen / Dorch Christum vnsen Heren. Dede na syner Vpstanding alle synen Jüngern openbarlick erschenen ys / Vnde vor öhren ogen vpgenomen ys yn den Hemmel / Vp dat he vns gene dat wy syner Godtheit dëlhafftich wörden / Darumme singe wy mit den Engelen vnd Ertzengelen regerenden vnd geweldigen Engeln / Ock mit der Herschop der hemmelischen Herscharen ein Loffgesanck dyner herlickheit an en de seggende.

Dat Sanctus vnde wat tho der Consecratio gehört / findestu ym Ampte de Trinitate / am XVI. XIX. vnde XX. Blade.

De dancksegginge vnde dat Agnüs dei / findestu ym XXII. Blade.

De Collecta.

OGodt ein HERE des fredes / vnde rechter leue / Güth dynen fredesamen Geist yn vnse herten / vp dat wy / de yn dynem Namen vorsammelt / ock alle tidt eindrechtich yn dynem prise gefunden werden / Dorch Ihesum Christum dynen Söne / vnsen He ren / Amen.

De Benedictio. De HERE segene dick vnde behöde dick / De HERE erlüchte syn angesichte öuer dick / vnde sy dick gnedich. De HERE erheue syn angesichte vp dick / vnde geue dick frede.

Introitus vp den Pingestdach.

De Geist des He ren hefft vor fül let den vmmekreis der erden / Alle lu ia / vnde dat dar alle dinck be slo ten hefft de kunst der stem me / Alle lu ta / Al le lu ia / Al le lu ia. Godt de sta vp / dat sick thostrowen syne viende / Vnde de öhn vorhaten flegen vor synem angesichte. Ere sy dem Vader vnde dem Söne / vnde dem Hilligen Geiste / Alse ydt was ym anuange ytzundes vnde yümmerdar / vnde van ewicheit tho ewicheit / Amen.

Kyri e leyson. Christe e ley son. Kyri e e leyson.

Dat Et in terra.

Ee re sy Godt yn der hö ge. Vnd vp Er den fred sy den minschen ei nes gu den willen / Wy lo uen dick / Wy pri sen dick / Wy anbe den dick / Vnde ren dick / Wy danckseg gen dick / O He re vmme dy nes gro then pri ses willen. O Godt Könninck der Hemmel / Godt Va der Al mech ti ger / Here Goddes Sön ein gebor ner Ihesu Christe vnde Hil li ger Geist / He re Godt lam Goddes Sön des Vaders / De du drechst der werlt Sünde / Erbar me dick vn ser. De du drechst der werlt sünde / Nim gnedichlick vp vnse ge bet / De du syst thor rechtern handt des Vaders / Erbarme dick vn ser. Wente du allene bist Hillich / Du bist al lene de Here / Alle ne de alderhögeste Ihe su Christe / Mit dem Hilli gen Geist / In der ehre Godt des Vaders / A men.

De HERE sy mit iuw / Vnde mit dynem geiste.

De Collecta.

OBarmhertige Godt de du geleret heffst de herten dyner getrüwen / dorch de vorlüchtinge des hilligen Geistes. Vorlene vns ym süluen Geiste de Gerechticheit tho betrachten vnde tho besinnen / vp dat wy vns synes trostes mögen frowen. dorch Ihesum Christum vnsen HEren / Amen.

Volget de Epistel Act. ij.

VNde alse de dach der Pingesten vorfüllet was / weren se alle eindrechtigen by ein ander. Vnde dar geschach snellicken ein brusent vam Hemmel / alse eines weldigen Windes / vnde vorfül lede dat gentze huss / dar se seten. Vnde me sach an en gedëlde tungen / alse weren se vürich. Vnde he settede sick vp einen ydern manck öhn / vnde wörden alle vull des hilligen Geistes. Vnde höuen an tho predigende mit an dern tungen / darna alse öhn de Geist gaff vth thosprekende.

Dar weren önerst Jöden tho Jerusalem wonende / de weren Godtfrüchtige Menne / vth allerleye volcke / dat vnder dem Hemmel ys. Do nu düsse stemme geschach / quam de vëlheit thosammende / vnde wörden yn sick erre / Wente ein yder hörde / dat se mit syner sprake rededen. Se entsetteden sick öuerst alle / vorwunderden sick / vnde spreken vndereinander / Sëth / synt düsse alle de dar reden nicht vth Galilea? Wo höre wy denn / ein yder syne spra ke / dar wy ynne geborn sint / Parter vnde Meder / vnde Elamiter / vnde de wy wouen yn Mesopotamia / vnde yn Judea / vnde Capadocia / Ponto vnde Asia / Phrigia vnde Pamphilia / Egypten / vnde an den enden der Lybier by Kyrenen / vnde vthlender van Rome / Jöden vnde Jö degenoten / Kreter vnde Araber / wy hören se mit vnsen tungen / de grothen dadt Goddes reden. Se entsetteden sick alle / vnde wörden erre / vnde spreken ein tho dem andern / Wat wil dat werden? De andern öuerst hadden öhren spott daruth / vnde spreken / Se synt vull sötes wyns.

Dat Alleluia.

Alle lu ia. O hilli ge Geist kum vnd vorfül le de herten dyner getrüwen / vnde sticke an yn öhne dat vür dy ner leue. Alle. Kum du Tröster hillige Geist / vth dyns lichtes born vns leist ei nen dorchlüch tigen strael. Nu bidde wy den hilligen Geist / singe me twischen yderm Versche. Kum ein Vader der wisen / Help vns vp düsser reise / hyr vth düs sem Jammerdael. O dn Alderhögeste trost / der Seelen ein söthe gast / Eine sö the ar stedye. In der arbeit vnse row / Im stormweder guden foch / Im elende dick tho vns wende. O Alder sali ge ste licht / der minschen herte vpricht / de ym rechten ge louen synt. An dyn hülp vnd hülde twar / ys ym minschen gantz vnd gar / anders nicht denn schuldt vnd pyn. Wasche dat dar vnreine ys? Köle dat dar erhitt ys / Hele dat dar vorwundt ys. Böge tho recht wat stridt vnd strefft / Bedeck dat van kelde wefft / ring thom weg wat vorerret ys. Giff den vtherwelden dyn / söuen mal gewerdich syn / dyner ganen mil dich lick. Giff der döget öhren loen / de du süluest bist gar schon / mack vth vns dyn Hem mel rick.

Dat Euangelion.

WOlmick leuet de wert myne wort holden / vnde myn Vader wert öhn leuen / vnde wy werden tho öhm komen / vnde eine woninge by öhm maken. Wol mick öuerst nicht leuet / de höldt myne wort nicht / Vnde dat Wort dat gyhören / ys nicht myn / sunder des Vaders de mick gesendt hefft.

Sölckes hebbe ick tho iuw geredet / dewile dat ick by iuw gewest byn. Ouerst de Tröster / de hillige Geist / den myn Vader senden wert in mynem namen / desülue wert iuw alle dinck leren / vnde vormanen alle des / dat ick iuw gesecht hebbe.

Den frede lathe ick iuw / mynen frede geue ick iuw. Nicht alse de werlt gifft / geue ick iuw. Juwe herte vorschrecke nicht / vnde früchte sick nicht. Gy hebben gehört / dat ick iuw gesecht hebbe / Ick gha hen vnde kome wedder tho iuw. Hedde gy mick leff / so wörde gy iuw frowen / dat ick gesecht hebbe / Ick gha thom Vader / wente de Vader ys grötter denn ick. Vnde nu hebbe ick ydt iuw gesecht / ehr ydt geschüth / vp dat went nu geschën wert / dat gy gelöuen.

Ick werde nu vordan nicht vele mër mit iuw reden / Wente de Förste düsser werlt kümpt / vnde hefft an my nichtes. Ouerst vp dat de werlt erkenne / dat ick den Vader leue. Vnde dat ick so do / alse mick de Vader geboden hefft.

In der stede des Offertorij singeme einen Düdeschen Psalm.

De Prefatio.

Pryss sy Godt yn ewicheit / Amen. De Here sy mit iuw / Vnd mit dynem Geiste. Vnse herten yn de höge / He ue wy tho dem Heren. Wy seggen danck dem Heren vn sem Godde. Ydt ys billick vnde recht. Warlick ydt ys recht billick vnd ys heilsam / dat wy dick Here Almechtige ewige Godt alletidt vnde allenthaluen danckseggen / Dorch Chri stum vnsen He ren / De dar vpgestegen ys yn Hemmel / vnd sytt thor rechtern handt de Vaders / Vnde hefft hüden den hilligen Geist / den he thogesecht hadde / vthgegothen / yn de vtherwelden kinder / Darumme ys de gantze werlt vul frowde / ym gantzen vmmekreis der erden / Dartho singet alle Hemmelische schar eine Leisen dynem prise an en de seg gende.

Dat Sanctus vnde allent wat tho der Consecratio wider gehört vindestu vm Ampte de Trinitate / ym XVI. XVIII. XIX. vnde XX. Blade.

De Dancksegginge.

WYdancken dick Almecktige Godt / dat du vns dorch düsse heilsame gaue / dynes liues vnde blodes heffst vorquicket / Vnde bidden dyne Barm heit / dat du vns solckes gedien latest tho starckem gelouen yegen dick / vnde tho vüriger leue yegen vns alle / Dorch vnsen Heren Ihesum Christum dynen Söne / de mit dick lëuet yn einicheit des hilligen Geistes vnde regeret / ware Godt yümmerdar vnde ewichlick / Amen.

Dat Agnus Dei.

OLam Goddes vnschuldich / am stam des Crützes geslachtet / Ailetidt gefunden dül dich / wowol du wördest vorachtet / Alle sünde heff stu gedragen / süs möste wy vortzagen / Erbarme dick vn ser O Ihesu.

Giff vns dynen frede O Ihesu.

De Collecta.

OHERE vorlene vns de gnade des hilligen Geistes / vp dat de daw dyner güde vnsen grnndt des herten yn syner besprenginge fruchtbar make / Dorch Ihesum Christum vnsen Heren / Amen.

De Benedictio De HERE segene dick vnde behöde dick / De HERE erlüchte syn angesichte öuer dick / vnde sy dick gnedich. De HERE erheue syn angesicht vp dick / vnde geue dick frede.

Ende der Kerckenordeninge / vnde volget de Ordeninge der Lonfirmation edder Ferminge.

Gedrücket yn der löffliken Stadt Hannouer dorch Henninck Rüdem.

M. D. XLIIII.

Ordeninge der Confirmation edder Ferminge: wenn vnde wo men de holden schal: yn dem löffliken Vörstendome Hertogen Erichs des Jüngern.

Anno. M. D. XLIIII.

Ordeninge der Confirmation edder Ferminge / Wenn vnde wo me de holden schal.

DEwile van solcker Confirmation yn der Ordeninge vorhen vormeldinge geschën / nömlicken / dat wy desülue yn öhren olden bruck tho bringende willens syn / So ys vnse meninge dat se jarlicken dre mal geholden werden schal / Alse nömlicken / vp Paschen / Pingesten / vnde Winachten.

Ydt schal öuerst ein yder Parner solckes tho dönde allene nicht gewalt hebben / Sunder de negesten twe edder dre geschickesten Pastores dartho fördern / vnde mit gebörker Reuerentz solcke Ceremoniam vthrichten. Lathen vns ock wolgefallen / wo de Su perintendens so na wonet / dat de sülue ock dartho ge fördert vnde mit synem thodönde solckes geholden werde.

Vnde wenn me gelick kinder hefft / de tho solcker Confirmation geschicket syn / schal me se dennoch de vorher ghande achte dage / trüwlicken vnde wol vnder wisen / vnde examineren / darmede se vp den bestemmeden dach / rekenschop öhres gelouens deste fröliker vnde kecker geuen können.

Vormiddage schickte sick solch Confirmeren am besten / Dewile öuerst ein yder Pastor alse denu yn syner Kercken syn vnde Predigen moth / so schal me dar mede wente tho der Vesper vorthën / Vnde na geholdener Vesper schal düsse nauolgende Vormaninge thom volcke geschën.

Vormaninge thom volcke.

MYne geleueden ym Heren / ydt hebben de Papisten manck andern Sacramenten / de öuerst doch den namen Sacrament / vp solcke wise alse de Döpe vnde dat Auentmal nicht hebben können edder mögen / ock de Confirmation edder Fermin ge gerekent / vnde darby vël vngeschickedes dinges geleret vnde geöuet / Welcker althomal hyr tho vortellende / dewile öhre Böcker vor handen syn / ane nodt ys. Wente ys dat nicht eine narrische lere / darynne se vor geuen / Ydt könne nener nën Christe wesen Vrba. can. 1. de conse. Dist. 5. in Conci. Aurelia. can. Vt Ieiuni. De conse. Dist. 5. / wenn he gelick de Döpe entfangen hefft / he sy denn ock gesaluet vnde gesmeret dorch den Bisschop? Ja alse wolden se bewisen / dat solck ölye der Ferminge / ein ölye des Heils sy? Wente so luden öhre wort / Ich teke dick mit dem teken des hilligen Crützes / vnde bestedige dick mit dem Olye des Heils / ym namen des Vaders / etc. Querst wy willen düsse Apen mit öhrer falschen lere / vnde vnnütten saluinge varen lathen / Der hilligen Döpe öhrer werde nicht berouen / vnde ock nenen liff liken Olye dat heil / sunder allene dem Heren Christo thoschriuen.

Doch dewile düsse Ceremonia des Confirmerens / wenn se recht gebruket wert / dennoch wol tho liden / vnde tho erholdinge der Kinder tucht seer nütte ys / So wille wy mit Goddes hülpe vns vnderstan / den techten Bruck der süluen wedderum me yn vnse Kercken tho bringen / mit fründtliker bede / gy Hussueder / Eldern vnde Vaddern / willen vns hyrinne / alse gy denn vor Godde schüldich syn / trüwelick denen vn de helpen / nicht allene ytzundt hyr mit iuwem ernstliken gebede tho Godde / sunder ock mit vorghandem flite / darmede iuwe kinder yn den Artickelen vnses wa ren olden Christlicken gelouens / eer denn se tho düsser Ferminge geföret / wol vnderwiset vnde institueret werden.

Wente dat ys ein mal war / dat dith Confirmeren Fermen / edder bestedigen nichts were / vnd frilick wederumme yn ein Apenspël geraden wörde / alse ydt ym Pawestdome gewesen ys / wenn nicht de Cateche sis / Dat ys / de Kinder tucht vnde lere / trüwelick vor hen ginge. Demna scholde vnde müste gy wëthen / dat düsse Ceremonia der Ferminge / twyerley dingebe grippet / nömlick / Catechesin / dat ys / de Kinder lere vnde tucht / de vorhen ghan moth. Thom andern / Impositionem manuum , Dat ys / Vplegginge der hende / van welckeren beiden dingen / so vël de tidt liden wil / wy seggen willen.

Ydt ys öuerst Catechesis edder Catechismus nich tes anders / den eine vnderwisinge der / de den Christ liken namen vnde profession an sick nemen / vnd mit andern der hilligen Sacramente dëlhafftich syn vnde werden willen / Vnde solcke vnderwisinge geschüth der vor edder na der Döpe. Synt ydt volwassen lüde / alse denn gemenlicken geschën ys thor tidt / vndena der tidt der Apostel / so hefft me öhn geschickede lüde vorordent / de se yn alle Artickelen vnses Christ liken gelouens / eer denn se de Döpe entfengen / wol vnderwiset hebben. Sint ydt öuerst Kinder / de vor hen yn der Kindheit de Döpe entfangen / gewesen / So hefft men se na der entfanginge der Döpe yn solcken Artickelen vnderwiset / Vnde nicht ter thor Com munion des Auentmalskomen lathen / so lange dat se van allen Artickelen des Gelouens / genochsame rede vnde antwort hebben geuen können.

Wen hefft ock de Catechumenos vn vor tiden na der vthlegginge des Euangelij / by der Communion nicht gedüldet / sunder so balde de Predige vthe was / tëp de Diaken / Catechumeni exeant. Vel, Si quis Catechumenus remansit exeat. Dat ys / De yennigen de noch thor Kinder lere gehören / ghan henuth / vnde etlicke menen / dat ëuen van düsser dimission der Catechumenorum dat wördeken Missa herkomen vnde hergefloten sy / Alse denn Beatus Renanus yn synen annotationibus öuer dat bock Tertulliani weder Martionem angetekent hefft.

Dat öuerst nu myne geleueden / de bruck solcker lere vnde vnderwisinge der / de den Christliken namen vnde profession an sick nemen wolden / oldt vnde der haluen nödich sy / See wy yn Ecclesiastica Historia ym 6. Bocke vnde 3. Capittel openbar / Wente darsüluest wert eines gedacht / de hett Pantaenus , dat desülue na der Apostel tidt tho Alexandria de erste Catechista vnde vnderwiser solcker nyelingen gewesen sy / De ander Clemens , De drüdde Origenes . Vnde dar süluest wert ock ym 4. Capittel eines Catechumeni Sereni gedacht / de vmme syn lë uent / dorch de viende des Christliken namens / eer denn he gedofft / gebracht worden sy / etc. Wol süth nicht hiruth / dat de Catechismus by den olden / seer flitich gedreuen ys?

Cyrillus ym andern Bocke / dat he yn Ioannem geschre uen hefft / gedencket ock ym 36. Capittel solcker Catechumeuorum vnde nyelinge / Vnde vorbüth darsüluest dat me se thor Communion des Altars vnde der Döpe nicht so ylende schölle komen lathen / Sunder trüwe liken vorhen vnderwisen / darmede se einen guden grundt des gelouens leggen mögen / So see wy ock ym Cypriano, libro 3: Epistola. 22. Dat he einen gelerden man / Optatum genömet / anthüt / vnde meldinge vam süluen deit / dat he öhne mit tho dönde der Oldesten vnde Prester / thom Catechisten erwelt vnde ock beste diget hebbe.

Wat wille wy seggen vam hilligen Augustino , de ein sunderliek Bock / van solcker vnderwisinge der ny elinge vnde Catechumenorum tho einem Catechisten / Deo gratias genandt / geschreuen hefft? Wente he ys warliken ym süluen Bocke flitich / also / dat he ock ein sunderlick Capittel / alse me den gelerden Lüden / wenn de den Gelouen annemen willen / alse Retores vnde Oratores syn / etc. vnder ogen ghan schölle / Vnd gefelt vns ym süluen Bocke sunderlick / dat wol / dat he secht / In Cachizandis rudibus uia tritißima tenenda est . Dat ys / In vnderwisinge der Nyelinge / schal me de strathe ghan / de am gemënsten ys. Wo hefft he öuerst solckes gemënt? Euen also / Dat me yn korthen Summarien / der gantzen Schrifft ynholdt / solcken lüden vor de ogen stellen / vnde allent wat einem ydern Christen tho wetthen van nöden wol ynbelden schal / Wo wy denn seen / dat tho düsser tidt D. Martin. Luther / yn synem klenen vnde gröthen Catechismo / dith alle vp dat ardigeste vnde körteste begreppen hefft / So hebbe wy ock yn vnser Ordeninge / eine solcke Vthlegginge gemeldes Catechismi / dat wy nicht wüsten wo me der yöget beter denen könde.

Wente begrippet nicht solcke Kinder lere / de Vth legginge der tein gebode? De twolff Artickel vnses Christliken Gelouens? Dat hillige Vader vnse? vnde allent wat tho den Hochwerdigen Sacramen en gehört? Dewile denn de hillige Schrifft ock nichtes anders / denn solcke Artickel / wowol withlöfftiger leret / tracteret vnde handelet / So do wy wisslick / Christlick vnde wol / dat wy solcken Catechismum ed der Kinder lere wedderumme yn de Kercken bringen / Wente yfft wol ytzundt olde vngedoffte Catechumeni (dewile wy alle yunck gedofft werden) nicht syn / so ys dennoch düsse lere / beide tho vnderwisinge der Olden vnde Jungen nödich / sonderlick dewile de bruck solckes Catechismi / yn der Kercken lange tidt vorschwegen gewesen ys.

Dewile denn thonorhöden alles ardomes / aller Ketterye / vnde aller twispaldinge / nën beter dinck ys / denn yn den Artickelen vnses waren olden Christlicke gelouens / wol vnderwiset vnde gerustet syn / So bidde vnde vormane ick iuw Husueder / vnde wo de Older gestoruen / iuw Vadderen / de gy de Kinder vth der Döpe gehouen hebben / gy wolden gemelde iuwe Kinder tho solcker lere vn vnderwisinge / flitich vpthën vn holden / Ock nenen flith sparen / wente so lange dat se solcke lere wol geuatet / vnde einen guden vorstandt dorch solcke vnderwisinge / yn Christliken saken betomen hebben / Wo gy solckes don / so werde gy Godde dem Almechtigen einen sunderliken wol geuallen / vnde inw süluest vnde iuwen Kindern ein nütlick dinck don / Wente ydt ys nicht vorgefflick gesecht / Latet de Kinderken tho mick komen / solcker ys dat Hemmelrike / Werde gy öuerst ym süluen vorsümich syn / so wert iuw Godt mit den Kindern / beide an liff vnde seele / yn dat drüdde vnde veerde geledt straffen.

So schölle gy ock wëthen / dat wy nu vordan nene yöget thom Hochwerdigen Sacramente tho lathen willen / se syn denn ym Catechismo geschicket vnde wol vnderwiset / Ock alhyr vor der gantzen gemene / mit vplegginge der Hende confirmeret vnde be stediget / Alse gy an etlicken Kinderen denn ytzundt seen schöldt.

Wente alse wy vorhen gesecht / so begrippet düsse Confirmation nicht allene de vnderwisinge vnde lere / de thom ersten gedreuen syn moth / Sunder ock dar na vplegginge der hende / vmme welckere ydt eine solcke gestalt yn vörtiden gehat hefft / Wenn de Kinder Tein edder Elff yar vngeuerlick oldt weren / hebben se vor der gantzen gemene rekenschop öhres gelouens don vnde geuen möthen / Vnde wenn se denn yn der süluen bekentenisse geschicket vnde ferdich weren / So leide öhn de Bisschop de hende vp / mit bidde / dat öhn Godt synen hilligen Geist geuen / vnde densüluen yn öhn bestedigen wolde / Synt ock darna tho der Communion des Liues vude Blodes Christi / so vaken öhn dat geleuede / thogelathen worden / Van solckem bruke der vplegginge der hende / list me ym Bocke S. Hieronimi / wedder de Ketter Luciferianos geschreuen.

Wenn önerstnu yemandes fragen wolde / wat sol cke vplegginge der hende sy vnde bedüde / Geue wy de antwort / Ydt sy men vthwendige Ceremonia / de de Veder des olden Testamentes ym bruke gehat hebben / sunderlick wenn se Godt dem Heren ichteswat befölen edder geoffert hebben wolden / Also see wy dat Jacob synen beiden Sönen de hende vpgelecht hefft / Im ersten Bocke Moysi am. 48. Vnde Leuitici am ersten süth me / wo ock de Jöden de hende vp öhre Offer hebben leggen möthen. Solck bruck ys nu ock gebleuen thor tidt Christi / der Apostolen vnde etlicker Veder / Wente Christus hefft den Kindern / alse wy wëthen / vpgelecht de hende / Also hebben ydt de Apostel ock gedan / vnde sunderlick yn erwelinge vnde bestedinge der Kerckendener. 1. Timo. 4. Also hebben ydt de Veder ock gedan / alse wy vth dem hilligen Hieronymo vormeldet hebben / Vnde bedüdt derhaluen nichtes anders / denn dat Godt sol cken lüden / den de Hende vpgelecht werden / ewige hülpe vnde bystandt dorch synen hilligen Geist don wil / Wente de Hende reken hett yo so vël alse helpen.

Dewile denn düsse fyne olde Ceremonia / ein gudt herkoment hefft / vnde ock by vns recht vnde wol gebruket werden kan / so do wy Christlick vnde billick / dat wy se wedderumme yn de Kercken bringen / vnde yn der anrichtinge düsser Confirmation ock bruken / Doch möthe gy / myne geleueden / ydt nicht daruor holden / wenn wy na dem vorhör / den Kindern de Hende vpleggen / dat ëuen vmme solcker ütherliken Ceremonien willen des vpleggens / men de hillige Geist gegeuen werde / sunder vël mëhr vmme des Wordes vnde Gebedes willen der Kercken / Wente vns ys yo nicht vorgefflick thogesecht / könne gy gnde gaue geuen iuwen Kindern / yfft se wol böse synt / wo vël mër kan iuwe hem melische Vader synen hilligen Geist geuen den / de öhn bidden vnde anropen / Luc. j. Ys nicht dyth eine herlike thosegginge / de sendinge des hilligen Geistes belangende? Darher kümpt ydt ock / dat de hillige Augustinus ym drüdden Bocke wedder de Donatisten / solcke vplegginge der hende / nichtes anders / denn dat gebett hett.

Demna bidde vnde vormane ick iuw noch ein mal / leues volck / Dewile düsse Confirmation dede ytzundt geschën schal / ein nütlike gude Ceremonia ys / de ock tho erholdinge der Kinder lere / seer wol denen wert / gy willen se yo nicht vorachten / sunder ydt vor iuwe grothe eere holden / dat iuwe Kinder hyr vor der gantzen Gemene stan / vnde öhren gelouen fyn tapper vthleggen vnde bekennen können / Wente yfft se wol vorhen dorch de Döpe / yn de Gemene des lines Christi yngelathe syn / so hebbe se öuerst denoch vp dat mal rekenschop öhres gelouens nicht geuen könne / Hyr öuerst geuen se nu rekenschop öhres gelonens / vnde werden thogelathen / dat se nu vordan ock des Sacramentes des Liues vnde Blodes Christi / dëlhafftich syn mögen.

Vnde darmede wy denn thor sake gripen / so wil le wy hören / wat der Kinder / dede ytzunder hertho geuöret werden schöllen / vorstandt vnde bekentenisse sy / Sonderlick yn den vornemesten Artickelen / dede ein yder Christ tho leren vnde tho wëthen schüldich ys / Wente wat were wy vor Christen / wenn wy van Christo allene den namen hedden / vnde öuerst nicht wüsten / wat he geleret vnde vns tho wëthen beuolen hedde? Singet demna thom anuange düsses handels mit dem munde vnde herten.

Kum hillige Geist.

Wenn solck gesanck vthe ys / Examinere me de Kinder / dorch den gantzen Catechismum / fyn fründ lick vnde gödtlick / darmede se nicht vorschrocken wer den / Vnde wo ydt de tidt / dat ein yder yn allen Artickelen examineret wörde / nicht liden wolde / so frage me de öuerigen yn etliken Artickelen. Vnde wenn denn solck bekentenisse der Kinder geschën / vnde de examination / so vël de tidt geleden hefft / vulentogen ys / schal de Pastor / edder wol solck Fermen deit / wider thom volcke also seggen.

LEuen lüde / gy hebben geseen vnde gehört / wat Godt vor gnade düssen Kinderen / yn den saken de de Artickel vnses Gelouens bedrepen / dorch dat flitige anholden mit dem Catechismo / gegeuen hefft / Daruor wy öhme ock billick ernstlike dancksegginge don / Wente dewile Christus süluest gesecht hefft / Latet de Kinderken tho mick kome vn weret öhne nicht / solcker ys dat Hemmelrike / so hebbe gy frilick affthonem en de / dat Godt an den Kindern / de sick so wol an athen / einen sunderliken gefalle drage / Vp dat se öuerst nu yn solckem vorstande / yo lenger yo mër vorlüchtet / vnde dorch den hilligen Geist tho allem guden bestediget werden / So schölle gy mit mick Godt ernstlick helpen anropen / vnde also seggen.

Ein gebet.

ALmechtige ewige Barmhertige Godt / hemmelische Vader / de du allene alles gudes yn vns anfangest / bestedigest vn de vth makest / Wy bidden dick vor düsse Kinder / de du dyner Kercken geschencket / vnde dorch de hilligen Döpe wedder geboren / vnde nu ock so wyth vorlüch tet hefft / dat se düsse dyne gnade vnde göde / vnde öhre vorlösinge yn Christo / dynem leuen Son vnsem Heren / ock süluest bekennen / vnde vor dyner gemene bekandt hebben / Stercke düth dyn werck / dat du yn öhn angeuangen heffst / Vormere öhn dynen hilligen Geist / vp dat se yn dyner Kercken vnde Gemene / vnde warem gehorsam des Euangelij stedes bliuen / vnde bestendichlick beharren / dat se nën mundt valscher lere / na fleschliken lüsten van bekander warheit affdriue / Sunder giff öhne / dat se tho allem dynem wol geuallen / an Christum dynen Söne / vnse gemenehö uet yümmerdar wassen / vnde ein mal erreken syn vulkömelike manlike older / yn aller wyssheit / hillicheit vnde gerechticheit / darmede se dick / vnde dynen leuen Söne vnsen Heren / sampt dem hilligen Geiste / enigen waren Godt / yümmerdar vulkomener erkennen / hertliker leue vnde by öhren negesten / mit worden vnde alle öhrem lëuende tapperer vnde fruchtba rer bekennen / prisen vnde groth maken / vnde alse du vns gesecht heffst / wat wy dick yn dem namen dynes Söns bidden / dat willest du vns geuen.

So vorlene öhn ock / dewile wy öhn ytzundt yn dy nem namen de hende vpleggen / vnde se darmede dyner gnedigen handt vnde dynes hilligen Geistes / des Geistes aller stercke vnde hülpe / thom rechten Christliken lëuende vortrösten / dat se nicht twiuelen / du wol dest allewege öuer öhn holden / mit dyner Gödtliken handt / se tho beschötten vor allem argen / vnde tho vören tho allem guden / vnde dynen hilligen Geist nümmermër van öhn nemen / sunder by öhn stercken vnde mëren / Darmede se sick ock düssem mester vnde vörer / gentzlick ergeuen / vnde dorch öhn / yn dyner gemënschop / mit allen gelöuigen / yn rechtem gehor sam des Euangelij vast erholden / vnde thom lesten yn alle warheit / der yullenkomen frömicheit vnde salicheit geuöret werden / darmede also yn allem öhrem lëuende / dyn Gödtliker name yo mër vnde mër gehilliget / dyn Rike vormeret / vnde ein mal alles by vns vp Erden / mit solcker lust vnde leue / na dynem hilligen willen geschë / alse dat ym hemmel geschüt. Dartho giff vns ock vnse dagelike Brodt / alle liues nodtrofft gesundheit vnde frede / dat wy dyth dick tho loue gebruken mögen / Vnde vorgiff vns vnse dachlike feile / alse wy ytzundt vor dynen ogen alle den vorgeuen / de vns leth gedan hebben / Vnde lath den Vorsöker den bösen viendt nümmer mër mit syner anuechtinge öuer vns herschen / Sunder vorlöse vns van öhm vnde allem argem / Wente dyn ys dat Rike / vnde de Krafft / vnde de Herlicheit yn ewicheit / Amen.

Latet vns öuereinmal beden.

ALmechtige ewige Barmhertige Godt / hemmelische Vader / De du vns dynen denren ym Worde vnde allen Hussuedern ernstlick beuolen heffst / de Jöget vnde vnse Kinder / yn dynem erkentenisse / worde / frucht / gelouen vnde leue trüwlick vpthën / Welckörem beuele wy mit dyner hülpe also nakomen / vnde yegenwördige vnse Kinder / dorch dyn Wort thom besten / so vël alse ydt mögelick ys / gebracht vnde geuöret hebben / Vorlene gemelden vnsen vnde düssen Kindern dyne Gödtlike krafft vnde gnade / dat se yn angeuangener lere vnde Christlikem bekentenisse / vth anreginge vnde thodönde dynes hilligen Geistes / yümmerdar wassen vnde thonemen / den gelonen mit einem stedigen Christliken wesende vnde lëuede yegen den negesten bewisen / Vnde thom sten wenn Liff vnde Seele scheiden schöllen / eine gnedige stunde hebben mögen / Dorch Ihesum Christum vnsen Heren / Amen.

Wenn solck gebet geschcen ys / so schal de Parner einem ydern Kinde yn sunderheit de handt vpleggen / Vnde also seggen.

NIm ben den hilligen Geist / de beschütting vnde bescharminge / vor allem argen / de stercke vn de helpe tho allem guden / van der gnedigen bandt Goddes des Vaders / des Söns vnde des hilligen Geistes / Amen.

Darup singe denn de Gemene einen Danckpsalm edder dat Te Deum laudamus.

IDt were fyn / dat me tho sol cker Ceremonien / einen sünderliken wol seen den platz yn der Kercken hedde / Darmede van ydermanne / wat geredet vnde gehandelt / vmme beteringe willen / deste beth gehört vnde geseen werden möchte. Seen ock vor gudt an / wo vor dem Chor nën Altar vs / dar sölckes föchlick geschën möge / dat darsüluest ein eigen stede midden yn der Ker cken beredet werde / tho solcker Ceremonien düchtich Wo öuerst vor dem Chor Altare syn / dar kan solcker handel yn der meninge geschën vnde vthgerichtet wer den / dat yderman hören vnde seen / vnde sick daruth beteren kan.