MANIBVS ILLVSTRISSIMI ET POTENTISSIMI PRINCIPIS AC DOMINI, D. IVLII DVCIS BRVNSVICE NSIS ET LVNEB VRGENSIS Domini sui clementissimi, V. nonas Maiaspiè in CHRISTO defuncti:

CVI par forte Caballorum, par forte Leonum Liquerat antiquo sanguine fulta domus, Quem sic Relligionis opus, sic Iuris honestas, Et flagrans validae pacis amauit amor, Vt, facis instar habens, alijs seruiret & omnes Penè sui reditus euacuaret opes: IVLIVS ille sagique togaeque & fautor, & auctor Brunoidos princeps IVLIVS ille plagae, Hicce suas tandem latebras prae nobilis ocîj Repperit, illustres ponè sepultus auos. Vt Leo sortitus praedam sua lustra requirit, Strenuus vt domito Marte quiescit Equus: Sic pius hic princeps hominumque Deique fauorem Nactus in hac tacitus suauè quiescit humo. Vos igitur sancti manes dormite, salutem Donec ad aeternam vos citet ipse [Greek word] : At vos IVLIIDAE, praelustri stirpe propago, Quos cum matre diu fecerit esse Deus: Patris ad Exemplum vestru̅ regitote Senatum, Et Viduae faciles porrigitote manus: Pro Grege ferte pedum, pro Lege exponite sede̅, Pro CHRISTO cunctas spernite sortis opes. Sic vester mundum Leo rugitu impleat, & sic Hinniat excusso milite vester Equus: Sic pia posteritas vos omni viuere seclo Faxit, & aeterno ditet honore DEVS, IOHANNES SCHRODERVS, I. V. L. Scabinus Magdeburgensis, in die exequiarum, tertio Idus Iunij. faciebat. AEtatem IVLII linquit tibi IVLIVS ipse: Sic portant fatum nomina saepesuum. Magdeburgi excudebat Āndreas Gena. M. D. LXXXIX.