1 Dena Vader der ewighen ere de alle dingh van anbeghyn
2 ne ghe schapen heft. den erwerdighen Sone des ewighen
3 Vaders de dor alle vnser salicheyt willen van Marien der
4 reynen junchurowen gheboren is. den louesamen werdighen
5 Hilgen Geyst de dar is eyn wunnich sote schenke des Uaders
6 vnde des Sones dem he ghe schenket heft den wyn der ewighen
7 gotliken leue dat de vrolike hilge sote Geyst suluen is. vnde
8 den Vader vnde den soneb myd dem Zone myd syner bernenden
9 leue alzo vor drunken heft. dat van der ouerswendighen

10 zoticheyt der gotliken leue vnde gnade vs armen sunderen
11 alle trost vnde salicheyt van dem trone des hemmels is
12 ghe vloten an dessem jammer daal. disse anbeden schollenden
13 hoch ghelaueden werdighen. benedyeden salighen Hilgen Dre
14 ualdicheyt de dar is eyn heylsamich ortsprungh alles
15 ghuden de sende ik dyner susterliken leue vor myddelst my
16 nem kranken cleynen bede vor enen lefliken vruntliken vnde
17 annamen grod tho voren.

Alderleueste susterke alze du
18 my heft wytlik ghe dan dat de almechtighe ewighe
19 leue barmhertighe God dede is eyn schipper aller crea
20 turen dy heft beraden myd ener junghen dochter des byn
21 ik van herten ho ghe vrouwet in God dem heren van dyner we
22 ghene vnde ock dat use leue olde vaderke vnde vnse leuen
23 momeke dessen vroliken dach hebben ghe leuet des de leue
24 God de aller ere werdich is ghe louet vnde benedyet sy.
25 De sulue hoch ghelauede salige Hilge Dreuoldicheyt God
26 vader God sone God hilge gheyst seghene vnde benedye dyne
27 leuen lutken dochterken. myd aller der benedyghinghe dar he
28 hemmel vnde erde mede benedyet heftc vnde vnse ersten olderen Adam
29 vnde Euen mede benedighet heft. vnde bestedighe in erem lyue vnde
30 in erer sele alle de benedighinghe dar he gy van anbeghinne der
31 werlt synede leuen vterkoren vrunde mede benedighet heft. vnde
32 gheue dat se mote vervullet werden myd den souen gauen des werdi.
33 Hilgen Geystes. myd gotliker wisheyt vnde vor nuft. vnde in der
34 leue des leuen Godes mote leuen. vnde in allen eren vnde dogheden mote
35 vp wassen. vnde vorluchtet werden in allen gnaden vnde gauen so
36 dat se Gode vnde den luden mote beheghelick vnde anname wesen.
37 vnde dat de ghanse Hilge Dreuoldicheyt myd allen hilgen enge
38 len vnde vterkoren in dem ewighen leuende erer moten vrowet
39 werden ewelken. vnde dat van erer weghene dem almech=

40 tighen leuen Gode loff vnde ere mote schen. vnde dat du dik
41 erer in dessem jeghenwardighen leuende. vnde dar neghest in
42 dem ewighen leuende. in der ewighen salicheyt ane ende motest
43 vrouwen. vnde al des lones. vor denstes. vnde al erer ghuden
44 werke by Gode samdelich motest werden. dede almech
45 tighe God de alle ghud gyft. vor myddelst der hulpe syner
46 gotliken gnade in er werkende wert Amen.

Item alder
47 leueste suster ik sende dy an mynem vnwerdighen bede de hoch
48 gheloueden werdighen salighen hilgen vrowen vnde vterkoren
49 moder sunte Annen. de eddelen wortelen van Yesse. dar vth
50 entsprunghen is de rode de dar heft ghe draghen. de wunnich
51 liken blomen. de myd erem soten roke al de werlt heft ewich
52 leuendich ghemaket. wente desse eddelen vterkoren moder heft
53 de leue God so hoge begyftighet. dat se des heft werdich
54 ghe wesen. dat se de eddelen salighen vrucht tho der werlde
55 ghe draghen heft. alze de salighen hilgen junchurowen Marien
56 dar God suluen wolde van gheboren werden. de he gehilgetd
57 van anbeghinne der werlt dar to vterkoren hadde. vnde hilget
58 vnde reynighet hadde van allen erf sunden. vnde van kraft des
59 Hilgen Gheystes wol ghe ziret myd allen do gheden sik to ener
60 to koftighen moder. den enghelen to ener koninghinnen. dem ar
61 men bedroueden sundere to ener tokofe myddelerinnen. wente
62 de propheten hadden se langhe vor ghekundighet vnde begheret.
63 de patriarchen vor bewiset alze we vyndet in dem olden
64 testamente. gf dat God de here heth Moysi maken eyne arcken
65 van dem alder schonesten holte. vnde de scholde he vor ghulden
66 bynnen vnde buten. vnde in der arcken dar stunt inne de ghuldene
67 ammer myd dem hemmelschen brode. dat de leue God hadde
68 gheuen den kynderen van Israhel. By desser arcken is be=

69 tekent de hilge moder sunte Anna de de Hilge Dreuoldicheyt
70 so ouervlodighen heft dor ghegoten. myd gnade vnde soticheit
71 dat se dem armen sundere ock gnade vor weruen mach.
72 wente se heft in sik besloten had den ghuldenen ammer alze
73 de zarten klenliken junchurowen Marien. dar inne ghele
74 ghen vnde rouwet heft dat hemmelsche brod. dat is Jesus
75 Christus de Sone des ewighen Vaders. de heft neghen manthe
76 ghe leghen vnde rouwet in dem ghuldenen ammere der reynen
77 kusken junchurowen Marien. in der tyd do he dat mynschlike
78 slechte vor losen wolde. vnde vmme desser groten werdicheyt
79 willen dar de leue God de hilgen vrowen vnde vterkoren moder
80 sunte Annen mede beghauet heft alze ik hir to voren berort
81 hebbe so beuale ik er dyne leuen lutken dochterken in ere
82 hode vnde beschermynghe. dat se er vor werue de gnade
83 Godes de by erem hilgen namen Anna kent wert.
84 dat de in erem lyue vnde in erer sele mote bestedighet werden.
85 alzo dat se up wassen moghe in dogheden vnde in ghuden werken.
86 vnde salich vnde rike werden mote. vnde dat dem leuen Gode van
87 erer weghene lof vnde ere schen mote.

Ock so beuale ick
88 se der hemmelschen koninghinnen Marien in eren wyden schott
89 dar se Jesum Christum eren leuen sone in lede in syner hilgen bord. do
90 he trat vth erem reynen schrine alze en erwerdich brude
91 gham. vthe syner brutkamer. dat se dyne leuen lutken doch
92 terken ok alzo lefliken entfanghe alze ere eghene kynt.
93 vnde gheue er enen yneghen dropeken van der soten honnich
94 vletenden melk erer junchurowelken elpenbens brusten.
95 dar se ere leue kynd mede ghe vot heft. dat de dropeke
96 in dyner leuen dochter mote vor meret vnde to oket werden
97 van erer moderken barmherticheyt weghen alzo. dat
98 se dar van entfanghen moghe suntheyt vnde salicheyt.

99 des lyues vnde der sele. vnde dat se van daghen to daghen moten to nemen
100 in dogheden vnde ghuden werken. vnde van ener doghet in de anderen ghan
101 mote liker wis alze se to mymptg in der wassinghe eres lichammes
102 vnde dat se ok mote werden en sunderlik hemelik vrundinne desser vter
103 koren momeken vnde eres leuen kyndes. dat erer beyder lof vnde
104 ere van er mote vor meret vnde tho oket werden. up dat se na desser
105 bedroueden werlt mote van jum wedder eret werden in dem hogen
106 hemmele. alze de leue God suluen betughet in dem hilgen ewangelio.
107 dar he aldus secht. Welk mynsche, de my dent, den wert myn hem
108 melsche vader wedder erende in dem hemmele.1 Dat er dit mote
109 beschen dat geue er de hochghelauede werdighe Hilge Dreuol=
110 dicheit dor de bede vnde werdicheit. vor denst vnde leue der werdi
111 ghen keyserinnen des hemmels Marien. vnde der leuen vterkoren
112 moder sunderh sunte Annen vnde al syner hilgen Amen.

113 c mark geldes.2

114 Geschreuen amme daghe des hilgen cruces so id vor
115 hoget ward.3

116 Orationes in Christo devotas karissima mater et amita.