[A 2r:] [1] Ach, Gott Vatter, durch Jhesum Christ,
der du der waisen Vater bist,
ich bit dich aus meins hertzen grundt
Vnd schrey zu dir mit meinem mundt!
(5)[2] Mein Vaterlandt bedrenget ist,
gefangen hart mit falsch1 vnd list.
Dein heiliges wort wirt weckgethan,
des Bapsts grewl feht2 wider an.
[3] Jungfrawn werden grewlich geschendt,
(10)den weisena 3 wirt das jhr entwendt.4
Kein Man, kein Man in Deudschem land,
der vns schützet vor solcher schandt.
[4] Drumb knie ich hie vnd schrey zu dir,
gnediglich, Herr, wollst helffen mir,
(15)das ich mag bleiben bey deym5 Wort,
geschendet nicht, noch weggefurt.
[5] Behüt auch ander Junckfrawn zart
fürn Spaniern, der falschen art,
darzu die frawen tugentreich.
(20)Hilff, das sie folgen alle gleich.
[A 2v:] [6] Wir Sechsischen Medlein, ach Gott,
weil wir vor vns han schandt vnd todt
– des Bapsts vnd Spanier6 grossen grim
sicht Man sehr wol im Jnterim –
(25)[7] kein schmuck an meinem leibe sey,
bis Deudschland7 werde wider frey,8
kein Mann noch Jüngling hie auff erdt,
dem ich freuntlich zusprechen werdt.
[8] Kein trunck ich nim von keinem Man,9 weil sie kein hertz im leibe han.10
(5)Stets sol mein angesicht sauwr sehn,11
bis die Spanier vntergehen.
[9] Welcher dan hat das best gethan,
der sol mir sein der liebste Man,
er sey gleich Jung, er sey gleich Alt,
(10)er sey gleich Arm vnd vngestalt.
[10] Er ist warlich ein trewer helt,
den preissen sol die gantze welt.
Ein krentzlein schenck ich jhm zu lohn,
gewunden mit mein henden schon.12
(15)[A 3r:] [11] Zwen13 heldt des Kriegs gabstu vns, Gott:
Arminium, den dritten Ott;
Arminius macht frey Deudsch Landt,14
Ott stifftet der Churfürsten standt,15
[12] durch welch das Reich erhalten wardt
– der Endtchrist16 ward drin offenbart –,
abr Keiser Carl, geborn zu Gent,17
jtzt diesen trewen standt zutrent,
(5)[13] macht vnterm Adell Meuterey,
das kein trew Man bey Fürsten sey;
hat am Fürsten beweist sein tuck,18
wie pflegt der vntrewe Kuckuck;19
[14] durch Spanier, die falschen20 leutt,
(10)alles regiret vnd gebeut;
kein Fürst nimmer darff reden ein,
was er21 will han, mus nu so sein,
[15] gleichwie ein wütiger Tyran,22
vnd das wil vnser Adel han.
Wie vntrew schlecht sein eignen Herrn,23
will der Adel erfaren gern.
[16] Doch lieber Gott, ich weis fur=[A 3v:]war,
du wirst vns nicht verlassen gar.
Das frew ich mich zu aller stunt.
(20)Ein knüttel ligt noch bey dem hundt.24
[17] Drum gib vns, Herr, den dritten Heldt,
der dir alleine wolgefelt,
ach Herr, ich mein einen Jehu,25
doch sich26 du selber auch mit zu,
(5)[18] das doch mein liebes vaterlandt
erlöst werdt aus der Spanier handt.
Las vns bleiben bey deinem Wort,
stewer27 des Bapsts vnnd Spanier Mordt!28
A M E N.