➨ Hinweis: Die Edition ist in Bearbeitung und daher nur eingeschränkt zitierfähig.
Zur Zeit sind Änderungen und Korrekturen am Text und in den Apparaten möglich.
Nach der endgültigen Veröffentlichung werden etwaige Korrekturen und Ergänzungen in einem Änderungsregister gelistet.
Propst Nikolaus Graurock an den Konvent im Kloster Lüne
1463
Selbstverpflichtung des Lüner Propstes zum Schutz des Klosters Lüne — Letter of commitmentKloster Lüne, Hs. 15, Lage 6, fol. 15v
Niederdeutsch.
Stenzig, Netzwerke der Pröpste
Propst Nikolaus Graurock gelobt dem Konvent dreierlei: Erstens, dass er das päpstliche Privileg der freien Propstwahl aufrecht erhält. Zweitens, dass er den Vertrag (‚Bundbrief‘) zwischen dem vorigen Propst Dietrich Schaper und dem Konvent aufzuheben versucht oder, falls das nicht möglich ist, dafür sorgen wolle, dass der Konvent keine Schäden davontrage. Drittens, dass er den Konvent für die von Schaper erworbenen oder noch zu erwerbenden päpstlichen Privilegien schadlos halten will.
Nikolaus Graurock, Archdeacon of Bevensen in the Diocese of Verden, who has just been elected Provost of Lüne, seeks to consolidate his position by making three promises to the convent. First, that he will uphold the nuns’ right to freely elect their Provost. Second, that he will try to end the agreement between Dietrich Schaper, the former provost, and the convent, or if this is not possible, to ensure that the convent is not disadvantaged by it. Thirdly, that he will indemnify the convent for any papal privileges which Schaper has acquired or will acquire in future.
Ick Nicolaus Grawerocka, archidyaken to Bevenßen in der kerken to Verden etc.,1 bekenne opembare vor alle denjennen, de dissen openen breff seͤn edder horen lesen, dat ik, Gode tho love unde to vormeringhe synes gotliken denstes, ok umme fredes, eyndracht und bestentnisse willen, der gheistliken in Gode junchvrowen unde closters to Lune, nü jegenwardighen, gruntliken ghesatet, vorevet unde genßliken vordraghen hebbe myt densulven junchvrowen und ok alle eren nakomelinghen uppe desse nagerorden stucke unde artikeleb c d
Tho deme ersten so schal unde wil ik de frowen prioren, junchvrowen und ghantzen sammelinghe, de nü jeghenwardighen levet, unde darto alle ere nakomelinghe des vorbenanten closters to Lune schadeloß und by sodaneme eren privilegio beholden, darinne se de pawes begifftighet heft, dat se enen frigen kore hebben, enen provest to kesende; unde darto so wil ik desulven junchvrowen truwliken beholden by eren olden rechticheyden unde privilegien ghelick mynen vorfaren, ok pro- [Lage 6, fol. 16v] vesten to Lune.
To deme anderen male scal unde wil ik myd allem vlite truweliken undersetten unde vorarbeyden, dat sodane buntbreff, alze twisken mester Dyderick Schapere unde den junchvrowen to Lune ghemaket unde, allike wol wy en allen nicht belevet iß, moghe affghedan und daleslaghen werden. Edder ift men des nicht hebben konde, darvore wesen und so bearbeyden wille, dat de junchvrowen van der weghen in nene last komen schullen. Vordmer so scal und wil ik desulven frouwen prioren unde junchfrowen des genanten Closters to Lune schadeloß holden van weghen ener confirmacien und itliker processe, de heren Dyderick Schaper uppe de provestiee [Lage 6, fol. 17r] tho Lune beholden hebben scal, und desgeliken van sodanen pavesliken breven, alse he uppe desulven provestie lichte vorworven heft efte in thokomenden tyden vorwerven mochte, ane alle arghelist und gheferde; unde des to orkunde hebbe ik myn ingesegel witliken henghet an dessen breff.
Ghegheven na Christi unses heren bord XIIIIC, dar na in deme LXIIItenf jare2
Littera de me emanatis ad moniales
a folgt gestrichen Archydy
b folgt gestrichen Tho deme
c folgt überschüssig ersten so scal vnde wil de frouwen prioren junckvrowen vnde ghantzen sammelinghe de nü jeghenwardi=ghen leuen vnde dar to alle ere na=komelinghe vppe desse naghevor=den stucke vnde artikele
d der gesamte Abschnitt von Tho deme bis artikele ist zwar nicht vollständig gestrichen, aber in mg. mit Nota zu Beginn des überschüssigen Texts und Hic zu Beginn des korrekten, fortlaufenden Textes gekennzeichnet
e folgt überschüssig tho
f mit blasserer Tinte geschrieben