[J]esuma Christum, sponsum nostrum, qui est amator et dux virginum, merces copiosa militantium et laurea triumphantium pro favorabili salutamine etc.! [Lage 17, fol. 9v] Triumphatorem mortis cum nobili pomppa regredientem ab inferis,1 patri ovem perditam, longo tempore quesitam, nunc inventam, in gaudioso iubilo presentantem, pro amicabili salutatione!

Precordialissima N, grates per magnificas vestre refero caritati pro multimodis beneficiis fidelis caritatis michi ex consanguinitatis linea exhibitis. Ille, qui est merces copiosa omnium ad se suspirantium, supplecit causa mei hunc vestre intime caritatis erga me affectum, reddendo vobis tot et tanta gratie et dulcedinis munera, quanta celum continet gaudia, et arva profert flores et gramina, quatenus his replentantibusb cor et animam vestram sapere valeatis in mentis exultatione dulcedinis illius gustum, quem beatus apostolus Christi Thomas persensit ea hora, dum figens oculos corporales in loca clavorum, necnon manu carnea tanges vulnus illud amplissimum dulcissimi cordis eius, ac deitatem inscrutabilem, quam videre et tangere non valebat, velatam humanitate clarificata, puplica voce confessus est, dicens: „Dominus meus et Deus meus“,2 ut meritis ipsius in presenti contra omnia omnem infirmitatem mentis et corporis corroborata, ad omnia opera bona perficienda, ipsum eundem Deum et Dominum ac salvatorem nunc per speculum et in enigmate3 dulcis contemplationis intuentes ac demum peracto huius vite curriculo in eternec claritatis speculo4 facie ad faciem sine fine contemplare valeatis.

Nil plus, sed commendo vos in pelagus spatiosum et magnum piissimi cordis Jesu Christi, qui vobis tribuat pro gloria resurrectionis sue, quatenus paschalia festa vita et moribus tenendo ac lac divine gratie cum infantibus modo genitis sugendo terram lacte et melle manantem post hoc exhilium intrare valeatis, quod nobis insimul concedat qui eternaliter vivit et regnat. Amen.