➨ Hinweis: Die Edition ist in Bearbeitung und daher nur eingeschränkt zitierfähig.
Zur Zeit sind Änderungen und Korrekturen am Text und in den Apparaten möglich.
Nach der endgültigen Veröffentlichung werden etwaige Korrekturen und Ergänzungen in einem Änderungsregister gelistet.
Nonne im Kloster Lüne an einen weltlichen Bekannten
undatiert
Dankesbrief — Thank-you letterKloster Lüne, Hs. 15, Lage 25, fol. 12v
Lateinisch.
Die Absenderin hat von der Großzügigkeit des Empfängers gehört, ihren verwaisten Neffen Johannes bei sich aufzunehmen und ihm eine Erziehung zu ermöglichen. Gott, Vater aller Verlassenen, fügte, dass der Junge anstelle seiner Eltern nun einen so großherzigen Förderer hat. Sie dankt und bittet im Namen Jesu, den Jungen zu adoptieren und in allem zu unterweisen, was Leib und Seele benötigen, sodass er von klein auf gottgefällig lebt. Der Empfänger soll dem Jungen kindische Dummheit vergeben und ihn väterlich ermahnen. Die Nonne entschuldigt die Schlichtheit ihres Schreibens und verweist auf die Güte des Adressaten und die Liebe zu ihrem Neffen. Sie bittet um kurze Nachricht, wie es dem Kind geht und schickt viele Grüße.
The Lüne nun has heard about the generous act of the recipient to have taken her orphaned nephew Johannes into his home and secure an education for him. It is doubtless from God, the father of those forsaken, that the poor young boy instead of his parents has been provided with such a generous supporter. She cannot thank God enough. She asks him in the name of Jesus that he adopt the young boy and instruct him in everything which is necessary in both body and soul so that he may serve God from a young age. He should forgive childish stupidity and admonish him paternally. From the goodness of the recipient she gathers the courage to discuss these things despite the poverty of her writing as she is driven by the love for her nephew. She asks for a brief reply about how the boy is and sends many greetings.
Orationes in Christo devotas, licet minus dignas, cum optatu totius felicitatis, prosperitatis ac salutis affectuosius premissas!
Honorabilis domine, ymmo amice in Christo Jesu, sponso meo, michi merito diligende, relatione veridica perdidici famosam vestram benivolentiam atque amorosam favorabilitatem, qua exulem pupillama nepotem meum Johannem ad vos assumpsistis, quem, uti non ambigo, pro studio excercendo ac pro sapientia et scientia sacre scrip- [Lage 25, fol. 13r] ture intelligenda sollicite procuratis, quod utique credo divina providentia sic ordinante evenisse, ut pater misericordiarum, qui et Deus totius consolationis dicitur,1 cui teste psalmista David „derelictus est pauper“,2 qui et pupillo erit adiutor, hunc consobrinum meum orbatum patre et matre in tali loco apud tam fidelem, providum et discretum virum constitueret nostris nullis meritis, sed solita sua bonitate, quod, prochdolor, ego inutilis soror numquam ad plenum altissimo Deo et vobis valeo regratiari uti teneor.
Hinc et quod de vobis tamquam de speciali amico confido, omni, qua possum, diligentia et humilitate vos rogo, quatenus amore piissimi salvatoris nostri viscera pietatis et benignitatis dignemini erga hunc meum carissimum nepotem extendere et eum in filium adoptivum eligere, fideli cura et sollicitudine ipsum procurando in omnibus, quibus ei opus fuerit, tam pro corporis utilitate quam pro anime sue salute. Presertim dignemini eum in bonis salutaribus informare, ut semper ab infantia sua Deum timere et ei servire addiscat iuxta illud Trenum: „Bonum erit viro, cum portaverit iugum Deum ab adolenscentia sua etc.“3 Et ut precepta Dei servare intendat, ecclesiam libenter visitet ac semen verbi divini in agrum cordis sui recondet, quatenus almi flammis gratia auxiliante in studio doctrine atque in aliis bonis et honestis moribus et virtutibus magis ac magis proficiat, ut, quo inter homines in posterum conversari debeat, in iuventate assuescat. Et quia teste Salomone: „Non est homo iustus in terra, qui faciat bonum et non peccet“;4 ea propter, si puerili ex stultitia hoc nepos meus aliquando delinquit, tunc providentia vestra more [Lage 25, fol. 13v] pii patris caritative dignetur eum admonere et sedule adhortare, ut semper „declinet a malo et faciat bonum etc.“5
My honorabilis domine ac amice preamande, de vestra discretione et providentia plenam gero confidentiam et ausu quidem caritatis hec honorabilitati vestre scribo, obsecrans nimium obnixe in visceribus caritatis, ne ad me ruditatis et simiplicitatis scripta indignemini, sed attendite precor dictum apostoli Pauli ita dicentis: „Nemo umquam carnem suam odio habuit, sed nutrit et fovet eam.“6 Nimirum ego consanguinitatis huic nepoti meo karissimo etiam libenter succurrerem, si quirem in aliquo perficere, idcirco ad vestre benignitatis amorosam favorabilitatem tamquam ad unicum et singulare, post Deumb, presidium cum fidutia recurro, petens, ut dignemini ei benefacere amore illius, cuius creatura et plasmatio est, qui etiam pro porrectio calice aque frigide spopondit mercedem in futuro,7 quam honorabilitati vestre centupliciter aucmentare dignetur, causa istius pusilli orphani, quatenus transcurso huius vite curriculo sine omni obstaculo ad eterne beatitudinis premium percipiendum, ovanter adnumerari mereamini illis celestibus agminibus beatorum, quibus vox illa dulcisona resonabit: „Venite, benedicti patris mei, percipite regnum etc.“8
Nil magis, sed peto, ut dignemini michi parva cedula notificare, qualiter se habeat meus karissimus consobrinus et si aliquo eget etc. Quem etiam peto salutari nomine mei centenis etc. Cum hoc valeat honorabilitas vestra in eo, qui omnia potest.