GBR patri et matria

Jesum Christum, dat gnadenrike avervletende meer vul aller barmherticheyt, dar alle bedrovede herte van ghelavet unde vorquickent werdet, hir in der gnade, darna in der ewyghen glorien, den schrive ik juw, myn alderleveste N unde N, to enen sunderghenb troste an der droffnisse, dar gy ane begrepen synt na dem willen des alweldighenc leven Godes, dede na synem wolbehaghe heft myne leven N zeligher dechtnisse van desserd bedroveden werlt gheesket.

Wol dat us dat [Lage 30, fol. 3r] van beyden halften moygelik unde droflik is, jodoch so deyt mye juwe lydent aldermeyst, wan ik andencke, dat gy se nu wolf up den alderbesten hedden behovet, wente sus langhe hebbet gy er dan dat alderbeste, dat gy konde unde vormochten, unde nu er de leve God so verne haddeg holpen, dat se was to jaren kamen unde juw konde trost unde hulpe don up juwe olden daghe, se juwe older nu escketh unde gy ock nicht allene in er, sunder in us allen wol hebbet vordent, dat we juw mid allem vlite wedder scholden to willen syn; nu heft dat Gode dem heren alze behaghet, dat he se ini desser bedroveden werlt nicht lengh wolde laten, sunder he heft se in erer joghet to sick ghenamen in dem hoghen hemmelschen pallas synes ewyghen rikes, dar se sick vrouwet mid alle den leven uterkoren hilghen unde bruket dar dat wunnighe lustelike schone antlad Godes unde den clarenj schinendenk speygell glans der Hilghen Drevaldicheyt, dat us noch vorborghen is unde vorbehud is. Dar wert ere leve zeleke nu sunder underlad van ghespyset unde lavet [Lage 30, fol. 3v] unde dat is ane twyvel beyde up juwen unde ock up eren vramen scheen, wente wy weten dat openbar, dat God de here nemende van hir escket, he sy deniennen guden state, dar he em ane behaghet; ock so vinde we in der hilghen schrifft in velen steden, wo wunderkerwyse dat God syne leven vrunde heft besocht up dessen ertrike mid manigherleye lydende unde droffnissen, alze we lezet van dem hilghen patriarchen Abraham, de dar was eyn sunderch leff vrund Godes, noch so besochte he en wunderker wys uns to enem bildem, do he iemn bod unde sede, dat he synen ynegheno alderlevesten sone Jsaac scholde offeren in den dod, de doch so wunderken was ghetelet baven de naturen, unde darvor, dat hep dat mit willen averghaff unde nam dat swert unde wolde ene offeren, do sprack God de here to em in des engellikenisse unde sede: „Per memet ipsum iuravi etc. Ick swere dy dat by my sulven darumme, dat du dyt ghedan hefst unde hebbe dynen eyngheboren sonen ny schonet umme mynen willen; hirumme wil ik dy nu wedder benedyen unde wil dyn slechte tooken [Lage 30, fol. 4r] alze de sterne des hemmels.“1

Alderleveste N, in desser figuren werd uns vorgheven de averswendighe grote leve des hemmelschen Vaders, de synen eynghebor nenq sone ock ny ghesparet heft, sunder en vor uns ghegheven heft in den aldersmelikesten dod des cruces; unde in desser sulven bernden leve schol gy eme ock offeren myne leven N unde gheven de em mid ghanzem willen; unde wan gy dat doth so vele alze juw moghelik is, so kan sick de almechtighe milde God ni lengh entholden, sunder he mud den borne synes vaderken soten hertenr unde alles inaderen syner mildecheyt jeghen juw wedder openen unde laten in juwe bedrovede herte vleten dent heyelsamighen invlote synes godliken trostes, dar gy den moghet uth entfanghen unde krighen suntheyt unde zalicheyt lyves unde der sele unde allent, wes gy behovet; unde des kan he juw nu nenerleyewis weygheren, wente he heft juw de levesten namen, de gy had heftu, unde darumme moghe gy nu wedder van eme bidden allent, wes gy begheret; wente he steyt jeghen juw ghespanned an dat cruce unde heft syn hilghen hovet so leffliken nedder [Lage 30, fol. 4v] henghet in eyn teken, dat he juwe suchtent unde wenent welv horen unde wel juwe bed twiden unde wel juw ock gheven den kus des vredes, syne arme heft he utherecket, dar wel he juw gudliken in entfangen so vaken, alze gy to em koment; syn benedyede herte heft he gheopent laten, up dat he juw eyne lusteghe, rouwesammighe woninghe mochte maken, dar gy tovlucht mochten to hebben in juwen drofnissen.

Hirumme, alderleveste N, ghevet juwe herte tovrede so gy besten kont unde wan gy van mynschliker kranckheyt beweghen werdet undew so nenen trost hebbet van juwen vrunden, alze gy wol egheden, so ghat in jnnighem beghere juwes herten up den hoghen berck Calvarie unde dencket an dat grotex elende unde an bitteren pine unses leven salichmakeres, de he vor us led, do he soy jammerliken sat up demz herden scharpen stene, naket unde blod togheyselt unde toslaghen unde ghans vorwundet; he sach to der vorderenaa unde to der luchteren hant unde [Lage 30, fol. 5r] vant nemende, de ene in synem groten lydende hedde trostet; sunderab alle, de ene seghen, de belacheden unde bespotteden ene alze he sulvenac beclaghet dor den propheten unde secht: „Alle myne vrunde hebben my vorlaten unde myne alder neghestenad synt verne van my ghan unde hebben my in mynem lydende nicht bekant ghekant.“2

Alderleveste N unde N, is dit unsem leven salichmakere nicht vorbleven, wolde de aldusae vorlatenaf ag werden in synerah mynscheyt unde in synem groten lydende, dat schal juw eyn sunderick trost wesen in juwer drofnisse unde gy scholt dat vorwar weten, dat de sote alderbeste troster Jesus Christus nu sulven by juw is unde wel juw trosten alze sunte Bernardusai, de sote lerer, secht, de alzo schrifft: „O sote Jesum, du bist alle tyd by den, de de bedrovet synt, hirumme so lad my jo bedrovet syn, uppe dat du alle tyd mid my moghest syn etc.aj “3 Desse soten worde schol gy vakenak averdencken; wan gy juw aldermest bedrovet [Lage 30, fol. 5v] unde bemoyghetal syn, so slagam up juwean inwendighen oghen juwes herten in dem schonen lustliken wynraven des hilghen cruces unde breket van den soten wyndrufelen, de dar vletet unde drepet van barmherticheyt unde mildecheyt, unde vorquicket juw darmede unde dencket an dat grote bittere lydent unses salichmakeres, dat he dor unse leve led in so groter dult, unde bevalet eme darao juwe lydent in syn hilghe lydent, up dat juw so alle sure unde sware dingh mote licht unde sote werden unde dat gy hir in warer leve unde dult eme syn hilghe cruce moten helpen dreghen und in medelidinghe, dat gy na dessem levende vroliken mid eme moten treden in de ewyghen glorien, dar nummer nen lydent edder drofnisse is sunder jummer blivende vrouwde unde salicheyt, dar he sulven wel afdroghen de tranen van den oghen syner lefhebbere.4 Dat we dar alle moten komen, help us de Vader unde de Sone unde de Hilghe Gheyst. Amen.