|| [004]

|| [005]

|| [006]

|| [007]

|| [008]

PROPOSIT.

Da bey wollen wir mit einander reden/
De liberorum piè defunctorum liberatione
& exaltatione. Wo von fromme Chri-
ſten Kinder im Todte entfreyet: vnd
worzu ſie durch den Todt befoͤꝛdert wer-
den.
GOtt laſſe es vns zur ſeligmachenden Lehr vnd heilſa-
men Troſte kaͤfftiglich dienen vnd gereichen/ Amen.

|| [009]

I.
Von was Gefahr vnd Noth die lieben Kinder/ bey
fruͤhzeitigem Abſterben erloͤſet werden.

Das I. iſt Venenum iniquitatis & petulantiæ
Die hochſchaͤdliche Suͤndengifft.
Davon werden die Kinder durch fruͤhzeitigen Todt er-
loͤſet/ wie in vnſerm Text ſtehet: Sie werden weggenom-
men aus dem Leben vnter den Suͤndern/ daß die Boß-
heit jhren Verſtand nicht verkehre.
Ach wie wahr vnd artig redet hier die himliſche Weiß-
heit/ daß wir nemblich in dieſem Leben ſind in medio peccato-
rum, zumahlen in hoc ultimo & protervo ſeculo, da die
Welt gleich auff der Neige iſt/ vnd derſelbigen letzten Grund-


ſuppe fortgehet/ da die Heiligen gantz abgenommeen haben/
vnd der Glaͤubigen wenig iſt/ Pſal. 12. v. 1.

Rari quippè boni
Ach GOtt von Himmel ſih darein
Vnd laß dich das erbarmen
Wie wenig ſind der Heiligen dein.

Vnd im heutigen Sontags Evangelio des 14. Trinita-
tis fraget Chriſtus/ Novem ubi? Wo ſind aber die Neune.
Denn vnter Zehen iſt kaum einer der ſich zu GOtt kehret/ vnd
jhm die Ehre gibet.
Gleich wie es nun gefaͤhrlich vnter Loͤwen vnd Dra-
chen vnd vnter gifftigen Schlangen vnd Wuͤrmern zu woh-
nen/ denn wenn man der Schlangen zu nahe koͤmpt ſo ſticht
ſie/ ſagt Sir. 21. verſ. 2. Alſo vnd noch viel mehr iſt es gefaͤhrlich
mitten vnter den Suͤndern wohnen/ wie allhier vnſer Buch
der Weißheit im Text anzeigt vnd ſpricht: Die boͤſen Exem-
pel verfuͤhren vnd verderben einem das gute.
Eben diß beklagt auch die Weißheit Cap. 14. verſ. 26.
Das vnter andern Suͤnden auch im Schwang gehe: Der
jungen Hertzen aͤrgernuͤß.
Ach junge Kinder vnd zarte Hertzen koͤnnen leicht geaͤr-
gert vnd mit Suͤnden angeſtecket werden. Denn gleich wie
ein klein Fuͤncklein zu einem groſſen Fewer werden kan/ wenn
der Wind drein blaͤſet: Alſo kan die boͤſe Luſt welche im
Menſchlichem Fleiſch vnd Blut brent/ durch boͤſe Exempel
leicht auffgeblaſen vnd zum groſſen Fewer gemacht werden.
Maſſen die Kinder eher vnd mehr ſuͤndigen imitatione
quam corruptione, mehr durch boͤſe Exempel verfuͤhrt/ als
von boͤſer Luſt geruͤhrt. Sie ſind gleich den Affen/ die
alles nachthun: Gleich dem Wachs/ das in alle Formen
kan verwandelt werden: Gleich dem Zunder das da Leich-


te fengt: Gleich den jungen Vogeln/ die ein Ding bald
lernen nachpfeiffen. Vrſach deſſen iſt/ die ſuͤndige Luſt
ſteckt in jhrem Fleiſch vnd Blut/ daher jhres Hertzens dichten
vnd trachten boͤſe iſt von Jugend auff. Geneſ. 8. verſ. 21. Da-
von auch hier in vnſerm Text ſteht: Die reitzende Luſt ver-
kehret vnſchuldige Hertzen.
Derwegen ſollen wir vns je ja mit allem fleiſſe huͤten/
daß wir die liebe Jugend nicht aͤrgern/ wie vns Chriſtus trew-
lich hierzu ermahnet/ auch die mit groſſer Straffe betrewet/
die fuͤr jhnen aͤrgerlich leben werden da er ſpricht: Wehe dem
Menſchen durch welchen Ergernuͤs koͤmpt/ es were jhm beſſer/
daß ein Muͤhlſtein an ſeinem Hals gehencket/ vnd erſaͤuffet
wuͤrde im Meer/ da es am tieffeſten iſt. Der alte Lebrer
Hieronymus ſchreibet vber dieſe Wort/ daß bey den Juden
der Brauch geweſen/ wenn einer ein groß Laſter begangen/
man jhm einen groſſen Stein angehenckt/ verſenckt vnd er-
traͤnckt. Dieſe Straff wird denen ſo die Jugend aͤrgern auch
von Chriſto zu erkennt/ als die nicht wuͤrdig ſind/ daß ſie
von der Sonnen ſollen beſchienen werden.
Aber O wie wenig ſind die dieſe groſſe Suͤnde recht erwe-
gen vnd bedencken! Darumb darffs nicht viel fragens woher
es komme/ daß jetzo die Jugend ſo frech/ ſo muthwillig vnd
in allen Suͤuden erfahren ſey?
Sie ſehen die Alten vbel leben
Sie hoͤren die Alten vbel reden
Wie nun die Alten ſungen
So Lirten auch die Jungen.
Daher ſingt vnd ſeufftzt die Chriſtliche Kirch.


Die Vnzucht iſt jetzt gar gemein
Es wiſſens auch die Kinder klein
Die Alten thun ſie es lehren.
Mundus eſt ſicut meretrix, quæ deſiderio pulchritu-
dinis ſuæ ad concupiſcentiam trahit videntes eam ſagt
Caſmanus de mundo immundo f. 39. Gleich wie ein vnzuͤch-
tig Weib mit jhrer ſchoͤnen Geſtalt vnd Kleidung die Bul-
ſchafft zu ſich lockt; alſo fuͤhret die Welt durch jhr Exempel
auch andere zu Suͤnden an.
Weil nun dem alſo vnd die Welt ſo gar im Argen ligt
1. Joh. 5. v. 19. So dencket jhr liebe Chriſtliche Vater- vnd
Mutterhertzen/ auß was Noth vnd Gefahr der heilige GOtt
ewer liebes Kind errettet/ in dem er es durch ein ſeliges Ster-
ben mitten vnter den Suͤndern weggeriſſen.
Jetzo iſt ſein Seelichen in conſortio Angelorum, mit-
ten vnter den H. Engeln/ da es lauter heilige Dinge hoͤꝛet; heili-
ge Dinge ſiehet: heilige Dinge lehret: vnd heilige Ding ver-
vbet. Es iſt nun erloͤſet von allem Vbel/ von allen Suͤnden/
vnd von allen Ergernuͤſſen. Es iſt weggeriſſen vnter den
Suͤndern/ vnd kan in Ewigkeit nicht mehr verfuͤhret/ noch
von der Suͤnde beruͤhret werden.
Das II. iſt Venenum incredulitatis & Idololatriæ
Die Grund verderbliche Seelengifft fal-
ſcher vnd jrriger Lehre.
Davon werden die lieben Kinder durch zeitlich Abſterben
erloͤſet/ wie in vnſerm Text ſteht: Noch falſche Lehre ſeine
Seele betriegen.
Dem gottſeligen alten Macario begegnete zur Zeit der
Teuffel wie ein Tyriacks Kraͤmer/ mit allerley Flaſchen


Buͤxen vnd Salben behangen/ fuͤr gebend/ er gehe herumb vnd
ſehe auff Gelegenheit wie er den Leuten ſeine gifftige Salbẽ an-
ſchmieren/ vnd ſie dadurch zu ſeinem Suͤndendienſt bewegen
moͤge. Vnd O freylich/ iſt der Teuffel bemuͤht/ vnter andern
vornehmlich auch die Seelengifft falſcher jrriger Lehre den
Menſchen beyzubringen.
Er ſaͤet allzeit ſein Vnkraut aus Matth. 13. v. 25. vnd
wolte gern in eins/ vnd wanns moͤglich were auff einen Biſſen
Gottes Volck vnd Kirche verſchlingen/ wie vorgebildet wird
iu der Offenbahrung Johann. cap. 12. verſ. 4. Vnd wird da-
her deſto groͤſſer/ weil jhm der Teuffel einen groſſen Anhang
falſcher jrriger Lehrer macht/ wie zu leſen 1. Reg. 22. v. 22. Da
ſich der Sathan anbeut/ er wolle Ahab verfuͤhren vnd fellen/
alſo daß er außgehen vnd ein falſcher Geiſt ſeyn wolle in aller
ſeiner Propheten Munde.
Das iſt nun zumahlen ein rechter groſſer Kinderkummer
in dieſen jetzigen gefaͤhrlichen Zeiten.
Da dencket manch Chriſtlich Vater- vnd Mutterhertz/
wenn es die Gefahr betrachtet/ vnd die Verfolgunge ſiehet:
Ach ich habe ja meines Glaubens vnd Religion guten vnd rich-
tigen Grund/ daß ich weiß was ich glaͤube/ dabey wil ich auch
Leben/ Sterben/ vnd alle Verfolgung willig leiden/ hoffent
der getrewe GOtt werde mich in ſolchem guten Vorſatz ſtaͤr-
cken/ vnd bey wahrer Beſtaͤndigkeit erhalten: Aber vmb die lie-
ben Kinder/ vmb die Kinder iſts zu thun/ die moͤchten heut o-
der morgen nach meinem Tode verfuͤhret vnd mit falſcher Leh-
re eingenommen werden.
Denn wie offt geſchichts/ daß die Kinder nach der Eltern
Todte in frembder Leute Haͤnde kommen/ vnd vbel verfuͤhrt
werden. Ja es geſchicht wol offt bey der Eltern leben/ daß
die Kinder vom wahren Glanben jrre gefuͤhrt werden vnd da-


hin fallen. Entweder auß Leichtfertigkeit/ wie Ja-
cob von ſeinem Sohn Ruben ſagt/ da er jhm ſein Bette im
auffſteigen beſudelt. Er fuhr Leichtfertig dahin wie Waſ-
ſer. Denn durch das Bette Jacob wird die Juͤdiſche Syna-
goga verſtanden/ wie Lutherus in gloſſa marginali errin-
nert die ſich mit falſcher Lehre beſudelt. Alſo beſudelt manch
vngerathen Kind ſeines Vaters Lager/ in dem es liederlich
vnd leicht von wahren Glauben abfelt. Etliche aber thuns
auß Hoffart/ ein Ampt vnd Genießlichen dadurch zu erlan-
gen/ vnd dieſe beten das guͤldene Kalb an Exod. 32. v. 4. Offt
geſchichts auch etwan vmb einer Heurath willen/
drumb wil Abraham nicht daß jhm Iſaac ein Weib vnter den
Heydniſchen Leuten den Cananitern nehmen ſoll. Gen. 24. v.
3. Wie denn Salomo durch die Heydniſche Weiber bethoͤ-
ret worden/ jhre Grewel anzunehmen 1. Reg. 11. v. 4.
Darumb wir wol ſeufftzen vnd mit andaͤchtigem Hertzen
ſagen moͤgen.
Erhalt vns HERR bey deinem Wort/
Vnſer Kind vnd Nach kommen
Verley daß dieſer Troſt vnd Hort
Ihnen nicht werd genommen.
Wie denn auch David daher vmb verlaͤngerung ſeines
Leben bittet im 71. Pſalm verſ. 18. Biß er den Arm des Her-
ren verkuͤndige Kinds Kindern/ vnd ſeine Krafft allen die
nach jhm kommen ſollen.
Nun denckt vnd bedenckt jhr Chriſtlichen Eltern
vnd GroßEltern: GOtt hat ewer liebes Kind derer Ge-
fahr vnd euch deſſen Kummers befreyet.


Hier in dieſer Wolthat zur Zeit das liebe Kind niemand
verfuͤhren koͤnnen/ denn es nicht gewuſt was Linck oder Recht.
Jon. 4. v. 11. vnd alſo gehabt wie vnſer Text ſagt: Ein
vnbefleckt Leben.
So kan es auch hinfuͤro noch viel weniger verfuͤhrt wer-
den/ denn es iſt nun in der Himliſchen Vollkommenheit: Es
iſt bald vollkommen worden/ à DEO & in DEO doctus,
recht Gottsgelehrt. Darumb wird falſche Lehre ſeine Seele
nun nicht betriegen.
Dieſen Troſt laſſet nun in ewren Hertzen kraͤfftig bleiben
vnd wolbekleiben.
Wenn jhr ewer Kind hettet ein wenig erziehen vnd es
bey vornehmer Leute information wiſſen ſollen/ wie wuͤrdet
jhr euch deſſen erfrewet/ vnd getroͤſtet haben/ hoffend/ kuͤnfftig
Ehr vnd Frewde an ſelbigem zu erleben.
Nicephorus ſchreibt/ daß Keyſer Theodoſius es offt
GOtt gedanckt/ daß zu ſeiner Zeit der gelehrte vnd vortreffli-
the Mann Arſenicus gelebt/ damit er jhm ſeine Soͤhne Ar-
cadium vnd Honorium lehren vnd vnterweiſen koͤnnen.
Barſillai frewet ſich daß er ſeinen Sohn an des Koͤnigs
Davids Hoff gebracht/ 2. Sam. 19. v. 37. Wie vielmehr jhr
Chriſtliche Eltern/ ſollet jhr euch troͤſten vnd frewen/ daß
ewer liebes Soͤhnlein ſchon in die Himliſche hohe Schul ver-
ſchickt vnd angenommen worden/ vnter lauter Heiligen woh-
net vnd mit heiligen Hertzen lauter himliſche Dinge faſſet/ in
GOTT vnd bey GOtt wol vnd reichlich verſorget vnd ver-
ſehen iſt.
Das III. iſt Venenum calamitatis & miſeriæ
Die Fewerbrennende Creutzgifft.


Davon entfreyet die lieben Kinder der fruͤhzeitige Toot/
wie hier vnſer Text ſagt: Darumb eilet er mit jhm auß
dem boͤſen Leben.
Boͤſe iſt dieſes zeitliche Leben (1.) reſpectu Diaboli,
denn der boͤſe Geiſt ein Fuͤrſt der Welt/ gewaltig wider die
Menſchen ſtreitet/ Epheſ. 6 v. 11.
Boͤſe (2.) reſpectu mundi immundi, denn die Welt-
kinder ſind boͤſe vnd ligen im argen 1 Joh. 5. v. 19.
Boͤſe (3.) reſpectu peccati, denn wir koͤnnen vns des
boͤſen vnd der Suͤnden nicht ſo gar enthalten/ weil in vnſerm
Fleiſche nichts gutes wohnet/ wie Paulus ſchreibet Rom. 7. v. 18
Boͤſe (4.) reſpectu periculi, denn hier ſtehet ein
Menſch in allerley Noth vnd Gefahr/ vnd diß Leben iſt ein
elend jaͤmmerlich ding Sir. 40. v. 1. alſo daß der Menſch gleich
iſt Compendium miſeriæ, da alles Vngluͤck jhnen zu hauf-
fen ſtoͤſſet.
Totum quod homo eſt, calamitas eſt. Ach es iſt
doch alles an den Menſchen Elend/ Creutz vnd Vngluͤck.
Daher die Thracier weineten wann jhnen ein Kind gebohren
ward/ weil ſie betrachteten/ daß es zu vielen Elend gebohren
wuͤrde.
Summa, Es bleibt wol mit den Menſchen/ vnd ſonder-
lich mit den Kindern GOttes bey des Herrn Chriſti Pro-
gnoſtico Johann. 16. verſ. 33. In der Welt habt jhr Angſt.
Wie ſolches auch das ſelige Kindlein vnd die lieben Eltern mit
jhm erfahren/ vnd bey ſeiner Kranckheit vnd vbeln Auffſein
manchen Hertzensſchmertz fuͤhlen muͤſſen: Denn der Kin-
der Creutz iſt auch der Eltern Creutz/ welches jhnen je
ſchmertzlicher iſt/ als wenn ſie es an jhren eigenen Leibe fuͤh-
len ſolten.
Denn gleich wie die Medici denen ſo am Hauptwehe


liegen/ etwan die Fuͤſſe baden vnd ſalben laſſen: Vnd denen
die an den Augen ſchmertzen haben/ Artzney vnd Pflaſter in
den Nacken legen/ vnd dadurch den Schmertz fortziehen vnd
zertheilen: Alſo machts auch vnſer lieber GOtt. Er ſchlaͤgt
die Kinder vnd leſt die Eltern weinen. Er legt die Oelzweige
vnter die Preß/ daß den Eltern die Augen davon vbergehen:
Damit bringet er es bey den Eltern ſo weit/ daß ſie jhm jhre
Kinder deſto williger folgen laſſen/ da ſie ſonſten zu feſte mit
halten wuͤrden. Ja ſo gar werden die Eltern durch der Kin-
der Leid vnd Kranckheit beweget/ daß ſie GOTT noch darzu
bitten/ daß er jhre Kinder hinweg nehmen wolle.
Ich muß ewer Liebe ein Gleichnus de tempore geben.
Sehet vnd bedencket/ wie weit habens die Soldaten jetziger
Zeit bey vns bracht/ vnd vns ſo mild gemacht/ daß wir ſie offt
vmb Gotts willen bitten/ daß ſie nur das Geld von vns neh-
men wollen. Womit aber haben ſie es darzu gebracht? Nicht
mit Glimpff vnd guten Worten/ ſondern mit jhrem Trotz/
vnd gewaltſamen Beginnen/ alſo/ das man nur ein aͤrgers
verhuͤte.
Alſo auch/ wenn es vns GOtt jmmer lieſſe wolgehen/
wuͤrden wir nicht gern auß der Welt wollen/ auch die vnſrigen
GOtt vngerne folgen laſſen: Drumb muß ſich GOTT mit
Creutz vnd Kranckheit was ernſter erzeigen/ an vns lauffen
wie ein Gewaltiger Job. 16. v. 14. daß wir nicht allein davon
Daumeln Pſal. 60. v. 5. ſondern wol gar darnieder fallen vnd
liegen bleiben/ daß/ da es zuvor bey guten Tagen vnd Gluͤck
geheiſſen/ wie im 10. Pſalm v. 6. ſteht: Ich werde nimmer-
mehr darnider ligen. Da heiſts alsdenn:

Hier ligich armes Wuͤrmelein
Kan regen weder Hand noch Bein

Da geben vnd ergeben wir vns denn mit vnſern Kindern/
vnd Practiciren erſt recht was wir vormahlen geſagt vnd ge-
ſungen:
In deine Haͤnd vns geben wir
O GOtt du lieber Vater.
Alſo muß vns GOtt gleich vnſere Kinder abnoͤti-
gen. Denn das Vaterrecht vnd der Vaͤterliche affectus
iſt bey jhm je weit groͤſſer als bey vns/ des wil er ſich nicht ver-
zeyhen. Vnd darumb ſagt auch vnſer Text: Er gefelt Gott
wol vnd iſt jhm Lieb. Drumb reiſt er ſie alſo hinweg fuͤr
mehrem Vngluͤck wie Eſaias ſagt cap. 56. v. ult.
Vnd alſo hat ewer Liebe hiebey von der Weißheit ver-
nommen/ daß GOtt darumb mit den lieben Kindern auß
der Welt eile/ auff daß er ſie durch fruͤhzeitiges Abſterben von
der Suͤnde/ falſche Lehre vnd vielem Creutz vnd Leiden er-
loͤſe.
Es weiſet vns aber der abgeleſene Text auch

II.

Worzu Gott vnſere Kinder durch fruͤhzeitigen Todt
bringe vnd befoͤrdere.
Da werden nun im Text zweyerley Wolthaten erzehlet.
Die I. iſt Ruhe/ wie die Weißheit Salomonis allhier im
Texte ſagt: Der Gerechte ob er gleich zu Zeitlich ſtirbt/
iſt er doch in der Ruhe.
Durch den Gerechten wird allhier niemand anders
verſtanden als ein Chriſtglaͤubiger Menſch/ der aus Waſſer
vnd dem heiligen Geiſt Widergebohren Joh. 3. v. 3. Vnd durch
den Glauben an Chriſtum gerecht worden Rom. 3. v. 5. Vn-


ter welche auch ſonderlich die lieben vnd vnſchuldigen Kinder
zu rechnen ſind.
Die fuͤhret jhm nun GOtt durch den Todt zur
Ruhe. Denn diß Leben wenns gleich auffs koͤſtlichſte iſt/ ſo
iſts Muͤhe vnd Arbeit Pſalm 90. v. 10. Der Menſch vom
Weibe gebohren iſt voller Vnruhe/ gehet auff wie ein Blu-
me/ Job. 14. v. 1. Ein Blume aber/ die muß manches Vn-
gewitter außſtehen/ vnd wird vom Winde hin vnd her getri-
ben: Alſo iſts auch beſchaffen mit dem Menſchen/ der muß jh-
me manchen rauhen Wind laſſen vnter Augen gehen/ vnd
wird offt von einem Vngluͤck in das ander getrieben. Wie
denn GOtt ſelber Eſaiæ 54. v. 11. ſeine Kirche nennet/ eine E-
lende vber welche alle Wetter gehen.
Wenn wir aber im Todte eingeſchlaͤffet werden/ da hoͤ-
ret alle Muͤhe/ alle Arbeit/ alle Noth vnd Jammer auff. Da
heiſts/

non homo ſed hominis miſeria moritur.
Sein Jammer/ Truͤbſal vnd Elend
Iſt kommen zu eim ſeligen End.

Da heiſts:

So ſchlaff ich ein
Vnd ruhe fein
Kein Menſch kan mich auffwecken.

Wie von ſolcher Ruhe Eſaias cap. 56. v. ult. ſagt: Sie
ruhen in jhren Kammern. Vnd verſtehet durch die Kammern
nichts anders als die lieben Grabſtaͤdlichen/ darin die ſelig ver-
ſtorbenen Leiber jhr requiem biß zum Juͤngſten Tage halten
werden. Von welcher Ruhe auch die himliſche Stimme Pre-
digt Apoc. 14. v. 13. Selig ſind die Todten die im Herrn
ſterben von nun an. Ja der Geiſt ſpricht/ daß ſie ruhen von
jhrer Arbeit.


O wie wol ruhet nun das liebe Kindlein in ſeinem
Sarck vnd Schlaffkaͤmmerlein/ Ach wie ſo mancher Vn-
ruhe/ Muͤhe vnd Arbeit iſt es entgangen vnd abgeſtorben.
Im Himmel wird es mit allen ſeligen Außerwehl-
ten ewige Ruhe haben vnd finden/ wie davon Eſaias ſagt
Cap. 32. verſ. 17. Der Gerechtigkeit Frucht wird Friede ſeyn/
vnd der Gerechtigkeit Nutz wird ewige Stille vnd Sicherheit
ſeyn; Denn mein Volck wird in Haͤuſern des Friedes woh-
nen/ in ſichern Wohnungen vnd in ſtoltzer Ruhe. Das
heiſt wie vnſer Text ſagt: Der Gerechte ob er gleich zu
Zeitlich ſtirbt/ iſt er doch in der Ruhe.
Die II. Wolthat iſt vollkommenheit. Davon vn-
ſer Text alſo redet: Er iſt bald vollkommen worden vnd
hat viel Jahr erfuͤllet.
Worinnen aber ſolche Vollkommenheit vnd rechtes Al-
ter beſtehe/ zeiget die Weißheit Salomonis in vorhergehenden
Wotten an/ vnd machet zwey Stuͤcke namhafftig.
Das I. iſt Sapientia Klugheit/ durch welche nichts
anders verſtanden wird als das wahre Erkaͤndnus GOttes/
wie es David bezeuget im 111. Pſalm verſ. 10. Die Furcht des
Herrn iſt der Weißheit Anfang/ das iſt eine feine Klug-
heit. Solche Erkaͤndtnus GOttes pflantzet GOtt der hei-
lige Geiſt auch in die Hertzen der kleinen Kinder/ vnd wircket
in jhnen Frewde vber Chriſto/ wie in Johanne Luc. 1. v. 44.
vnd Glauben an Chriſtum/ wie davon Chriſtus ſelber zeuget
Matth. 18. v. 6.
In ſolchem Erkaͤndtnus GOttes vnd Chriſti/ werden
ſie nun im Himmel vollkommen. Vnd iſt jhr Alter Ehrlich/
ob ſie gleich nicht viel Jahre haben/ weil ſie nur das Erkaͤnt-
nus Chriſti/ wahren Glauben/ vnd den heiligen Geiſt haben.


Das II. iſt Vita immaculata Ein vnbeſtecktes Le-
ben. Ein vnbeflecktes Leben aber fuͤhren/ heiſt nicht gantz
Engelrein/ ſondern abgewaſchen/ gerecht vnd geheiliget ſeyn/
durch den Herrn JEſum/ wie S. Paulus ſagt 1. Cor. 6.
v. 11. Solche Leute ſind fuͤr GOtt Vollkommen vnd Alt ge-
nug/ ſterben nimmer zu zeitig oder fruͤhe.
Vnter welche denn auch ſonderlich die kleine Kinder zu
rechnen/ als die wegen jhres vnbefleckten Lebens vnſchuldi-
ge Kinder genennet werden. Welches aber nicht geſchicht/
in ſenſu Theologico, Theologiſcher weiſe davon zu reden/
denn da iſt fuͤr GOtt kein Menſch nicht vnſchuldig Exod. 34.
v. 7. Sondern vnſchuldige Kinder werden ſie genennt in ſen-
ſu Politico, Politiſcher weiſe davon zu reden/ nemblich com-
paratè/ wenn man ſie gegen andere erlebete Menſchen helt/
die viel vnd wiſſentlich geſuͤndiget/ gegen welche die Kinder fuͤr
vnſchuldig zu rechnen ſind,
So leſt ſich auch Gottes Geiſt offt in Kindern vnd jungen
Leuten alſo ſpuͤren/ daß ſie an Tugend vnd Froͤm̃igkeit die Altẽ
weit vbertreffen wie Ambroſius von der Jungfrawlichẽ Mar-
tyrin Agnete ſchreibet daß ſie geweſen Corpore juvencula;
animo cana; pulchra facie, pulchrior fide. Dem Leibe
nach ein junges Maͤgdlein/ dem Gemuͤthe nach Alt vnd ver-
ſtaͤndig: Schoͤn von Geſicht/ aber weit ſchoͤner im Glauben.
Vnd Caſſiodorus ſagt: Multi juvenes morum gra-
vitate maturi ſunt, viel Junge Leute alteren ſich wol in der
Tugend. Da hingegen mancher Alter Narr/ in lauterm
Muthwillen vnd Frevel aͤrger als ein Kind lebet. Vnd das
ſind die Kinder von hundert Jahren davon Eſaias ſagt cap.
65. verſ. 20.
Allermeiſt aber macht GOtt die Kinder vollkommen im
Todte/ denn da bringt vnd befoͤrdert er ſie zu dem Ewigen Le-


ben/ vnd macht ſie Vollkommen I. in ſenecta, da werden
ſie ſich wol altern vnd viel Jahr erreichen. Was jhnen hier
an Jahren vnd Alter abgegangen/ das wird jhnen dort Ewig
zu gehen. Hier iſt nach Moſe Außſpruch das hoͤchſte Ziehl
des Lebens Achtzig Jahr. Pſal. 90. verſ. 10. Aber dort fuͤr
dem Herrn werden tauſend Jahr ſeyn wie ein Tag 2. Pet.
3. v. 8. Da wirds heiſſen non moriar ſed vivam, Ich wer-
de nicht ſterben/ ſondern Leben. Pſal. 118. verſ. 17.
Er macht ſie Vollkommen II. in ſcientia, in der
Weißheit vnd Wiſſenſchafft/ welches hier nur Stuͤckwerck
iſt: Dort aber wird das Stuͤckwerck auffhoͤren/ vnd das Voll-
kommene angehen. 1. Cor. 13. v. 9.
Er macht ſie Vollkommen III. in juſtitia & glo-
ria, in der Gerechtigkeit vnd Herrligkeit. Denn hier Wallen
wir in Leibe 2. Cor. 5. v. 6. vnd haben allerley fleiſchliche Be-
gierden. Aber dort werden wir ſeyn Geiſtlich vnd Heilig glei-
che den Engeln Matth. 22. v. 1. vnd Ehnlich dem verklaͤrten Lei-
be JEſu Chriſti. Philip. 3. v.
Er macht ſie Vollkommen IV. in lætitia, in der
Frewde. Hier wohnen wir in valle lachrymarum im Jam-
merthal Pſal. 84. verſ. 7. Da weinen die erſte Stim̃. Sap. 7.
v. 3. Aber dort wird Frewde die fuͤlle ſeyn. Pſal. 16. verſ. 11.
Da werden ſich die ſeligen Außerwehlten frewen daß ſie
zu GOtt kommen/ vnd der Hellen gantz entronnen. Frewen
werden ſie ſich der Engliſchen Gemein/ vnd daß ſie ſo herrlich
verklaͤret ſeyn.

Ubi ſunt gaudia?
Nirgend mehr denn da.

Dahin das liebe ſelige Kindlein auch ſeinen Weg genom-


men/ vnd da ſein Seelichen ſchon allbereit von nun an hin
gelanget iſt.
Nun du liebes Patlichen/ du biſt Gluͤcklich hinuͤber
vber den ſchweren Berg des Todtes/ daran wir noch zu ſteigen
vnd kreiſen haben. Ach helffe GOtt/ daß wir auch ritterlich
vberwinden/ vnd nach ſeinem Willen gluͤckſelig vnd ſelig fol-
gen moͤgen.
Nun du liebes Patlichen/ du haſt jetzo im ſchawen
vnd in re, was wir noch gewarten im Vertrawen vnd in
ſpe.
Nun du liebes Patlichen:
Tu patriam repetis, triſti nos orbe relinquis
Te tenet aula nitens, nos lachrymoſa dies.
Du fleugeſt bin ins Vaterland/
Vnd leſt vns in betruͤbten Stand/
Du biſt geflogn ins Himmels Saal/
Vnd leſt vns hier im Jammerthal.
Nun du liebes Patlichen/ du biſt jetzo ein rechter Je-
remias worden. Ein erhoͤheter des Herrn. Den Gott
herrlich erhoͤhet/ vnd zu ſeinen ewigen Gnaden auff vnd ange-
nommen hat.
Wenn jhr nun diß bedencket/ jhr Chriſtliche Vater vnd
Mutter Hertzen/ ſo wirds euch freylich kraͤfftiglich troͤſten/
den Schmertzen lindern/ vnd dz Leid ſtillen/ daß jhr werdet den
Willen ewers GOttes laſſen gut ſeyn/ vnd auß erklaͤretem
Text erkennen/ daß ewres lieben Soͤhnleins Seele jhme wol-
gefallen/ darumb er mit jhm geeilet auß dem boͤſen Leben.


Dieſen Troſt bewahre/ ſtaͤrcke/ verſigle vnd verſi-
chere in ewren betruͤbten Hertzen GOtt vnſer Himli-
ſcher Vater/ durch ſeinen heiligen Geiſt vmb JEſu
Chriſti willen/ Amen.

|| [025]