|| [A 2r:] „Tenet insanabile multos scribendi cacoethes“,1 quo morbo se etiam laborare ostendit amicus
noster, qui nuper chartam edidit de verbis Luc.
Act. 32 expressam Henricopoli3 sicut est adscriptum ad
Guelphorum arcem, quae huc est allata eo ipso die, quo ante annum
publice in hac academia theologiae doctor est renunciatus et veritati et
collegio fidem iuratam dedit, obligatus eta huic et academiae atque his etiam terris et principi harum antea
eo modo, quo scit.4 Sed hoc uno anno tribus scriptis5 contra existimationem et
dignitatem nostram et quietem publicam editis demonstrauit se eorum, quae
debet, minus meminisse et pertulimus primam etiam alteram iniuriam patienter et
dissimulauimus iustissimum dolorem nostrum. Nunc cum tertium hoc facit non
debemus eum male docere amplius patientia vel lentitudineb potius nostra idque non tam
nostra quam rei ecclesiasticae et publicae caussa. Atque de primo et secundo
scripto nihil dicimus in praesentia. De quibus tamen, si voluerit,
explicabimus ei, quam fidem in illis praestiterit Deo et hominibus de
hoc tantum tertio, quale sit, breuiter monebimus.6 Edita est in hac schola a collegio
theologico superioribus mensibus pio et religioso studio atque
necessarijs etiam de caussis catechesis doctrinae christianae, in qua
repetitur explicatio capitum christianismi ijs omnino verbis, quae sunt in corpore
doctrinae7 et nullis alijs, ut nihil sit in toto libello nostrum
praeter operam colligendi et transcribendi atque contrahendi in breuius, quae
alibi prolixe exponuntur.8 || [A 2v:] Hanc occasionem arripuit, in qua se exerceret maleuolentia, odium et πικρία
aduersariorum vel hostium potius huius scholae et veritatis atque quietis
publicae quorundam tam Flacianorum quam aliorum, quos huius nominis et
factionis pudere incipit. Ex his igitur in eam catechesin nostram aliqui furioso
impetu tanquam canes in saxa, quibus petuntur, cum latratu, aliqui etiam
λαθροδηκταί irruerunt et alius hoc, alius aliud reprehendit, aliqui cum quid
reprehenderent non reperirent suspectum tamen hoc et illud reddere
interpretando conati sunt etiam de suis suspicionibus similes commouere
alijs, ut sicut qui per vitra picta intuentur aliquid, idem videretur alijs quod
ipsis. In quo tamen hoc bene cadit, quod ipsi se produnt, odio nostri et harum
terrarum non veritatis studio ullo se facere, quicquid faciunt. Quae enim
hactenus in libris corporis doctrinae inuadere ausi non sunt ea nunc,
postquam nos transcripta inde edidimus, inuadere primum incipiunt, cum si pro
falsis et pietati contrarijs habuissent, iam pridem illa in alijs damnare debuissent
apparente adhuc τοῦ κόρυθος προσώπου. Atque ita simul, quid huius sit aut alterius,
nouum aut vetus, orthodoxum aut haereticum, se neque agnoscere ostendunt, cum
tamen iudicium sibi critici isti sumant de omnibus quasi censores quidam orbis
terrarum, antiquitatis etiam piae et orthodoxae et martyrum Christi
iniquissimi, ut erga nos eos tales esse minus sit nobis dolendum. Aliqui etiam ex
accusatoribus illis furiosis compellati de ijs, quae in concionibus publicis
aduersus nos declamarunt, negare ausi fuerunt priuatim ea, quorum tota concio
aduersus ipsos testis est. Ita maledicentia illa ipsa se in hominibus
leuissimis et vanissimis refutat et quid || [A 3r:] constantiae in alijs ab ipsis
expectandum sit vnumquemque hoc modo docere possunt. Sed quid domestici et
externi alij fecerint aut faciant nunc non agitur. In Selneccero autem,
quomodo ψευδαδελφία nos exerceat, quaeri necesse habemus coacti ipsius culpa, cum de
homine secus videamur meriti et parcere ei cuperemus, si per ipsum liceret. In
Catechesi igitur nostra ponitur interrogatio et responsio quaedam his
verbis:„Vbi extat confirmatio articuli de ascensione Christi ad coelos? Respond.Actorum primo describitur historia ascensionis: ‚Videntibus illis eleuatus est
et nubes suscepit eum ab oculis eorum.‘9
Et Acto. 3. ‚Oportet Christum coelo capi vsque ad tempora restitutionis
omnium.‘10 ‚Intelligatur autem
ascensio, vt sonat litera et de corpore et corporali locatione. Ascensio fuit
visibilis et corporalis, et semper ita scripsit tota antiquitas, Christum
corporali locatione in aliquo loco esse, vbicunque vult, et ascensio corporalis
facta est sursum.‘“11 Hunc locum arripuit D. Selnecceri censura atque ita et criminose et suspiciose
aduersus haec disputat, ut iugulum petere videatur eorum, quibus fidem, dilectionem
et venerationem se debere non ignorat. Totam quidem Saxoniam inferiorem contra
nos excitare dicitur colludens cum Flaciano tribuno vicino, quem classici
huius socium habet vel magistrum etiam.12 Hoc enim nisi
ageret, quae caussa ei afferetur edendi publice chartam contra nos cruentam?
Cum, si quid minus ei probaretur in eo scripto, quod communiter a decano et collegio
theologorum eius scholae, cui se debet, editum esse13 legit, quaerere prius et monere priuatim et conferre
amanter et || [A 3v:] placide potuisset de eo, quo offenderetur, atque auertere
periculum et labem a collegis et tentare an ad sanitatem reducere potuisset opera
sua eos, quos errare crederet. Omnia enim experiri prius sapientem decet,
inquit ille, quam pugnare incipiat praesertim ad suos et consortes fidei et ad
domesticos quasi ciuile bellum commouere. Neque vero haec academia educauit
ipsum ideo, vt infamaret eam neque illustrissimus princeps noster benignitatem suam
in eum et ante contulit et nunc confert, vt sit, qui turbet quietem terris ipsius.
Neque ei principi, qui operam ipsius hoc tempore conducit, gratam futuram
confidimus hominis, ut lenissime dicamus, temeritatem, ubi de re docebitur.
Quem principem ita nouimus erga ecclesias harum terrarum affectum atque
ita pacis et quietis publicae amantem, vt si petiuisset Selneccerus, nequaquam
grauatim eum huc sumptu etiam suo dimisisset ad monendum, cauendum,
auertendum, ne quid res ecclesiastica detrimenti caperet.14 Etsi autem alij alijs de causis ad
scribendum eum venire et patrocinandum caussae, quam suscepit, perhibent –
πάντων γὰρ κακῶν ῥίζα ἐστὶ φιλαργυρία15 – fieri tamen potest, vt scientia etiam ψευδώνυμος inflans16 hunc necessarium nostrum eo
impulerit, vt iudicium sibi sumat de omnibus et aduersus omnes etiam si ἄνω ποταμῶν
ferantur fontes, vt est in prouerbio.17 Quo autem loco et tempore testari eum de sententia
sua oportet et coram verba facere minus eum praesenti animo esse
depraehenditur. Sed videamus breuiter, quid huius theologi censura
inuadat.Corruptum, clamat, interpretando locum euangelistae „oportet Christum coelo
capi“, cum sit in graeco ὅν δεῖ οὐρανὸν δέξασθαι18 et non ὑπ᾿ οὐρανοῦ δεχθῆναι, aut> ὅν δεῖ οὐ- || [A 4r:] ρανὸς
δέξασθαι. Christus, ut coelum acciperet, oportuit et hunc non a coelo capi.
Capi captiuitatem significare et loci inclusionem, qualem de Christo cogitare
et coelo hunc captum esse dicere, profanum sit, rem ad Caluinismum tendere et Bezam
ita esse interpretatum,19 cuius interpretationem, qui
sequantur, eos etiam sententiae ipsius approbatores esse. Ideoque subesse sub
hoc aliquid, de quo cautor ipse praeclarus ecclesias monere, ut caueant
necesse habuerit.20 Metuit nimirum
iste non κατὰ γνῶσιν ζηλωτὴς, nisi Christum hominem in coelum ascendisse et ibi esse
neget et nisi vbiquitatis21
Eutychaeae22 astipulator fiat. Hoc igitur nisi faciat,
metuit, ne eripiatur ecclesiae vera doctrina de coena domini et de praesentia vera
filij Dei in ea coena, quam ipse instituit et communicatione vera corporis
huius cum ijs, qui hac coena utuntur. Itaque articulum fidei de ascensione in coelum
labefactare et, quantum in ipso est, euertere minus dubitat et Christum verum
hominem esse negare et humanam naturam, quod exuerit, affirmare. Cumque sacramenta
sigilla sint fidei23 et articulorum huius et ad hos confirmandos instituta
et sacramenta fidei inseruiant, ipse hos conuellere molitur, ut superstitionem
profanationem atque idolatriam pontificiam in sacramentis stabiliat. Neque
vero illi transsubstantiatores tui, qui panem euanescere disputant, tam
sunt profani, blasphemi aut incogitantes, ut propterea in hoc de ascensione
Christi fidei articulo quicquam architectentur, sed propterea
transsubstantiationem suam introducunt, ne hunc conuellere necesse habeant aut
Eutychaeum quicquam admittant.De sacramento autem coenae dominicae in eadem catechesi, quam infamat censura
tua, ecclesiarum nostrarum confessio plane et diserte est || [A 4v:] exposita, ut, cur
tibi aut alijs suspiciones fingas et ὕπουλον sub his aut illis verbis nostris
comminiscaris, causam nullam habeas. Tu vero planam confessionem nostram
mittis et, ut existimamus, etiam approbas; non enim contradixisti huic
hactenus et suspicionibus indulges obscuris loco alienissimo nodum, ut
dicitur, in scirpo quaerens.24 Vt tamen et quam intempestiua, minimeque necessaria sit
commonefactio tua atque ieiunae etiam calumniae maleuolentia, demonstretur
legentibus de verbo et sententia paucis tecum disseremus, ut hoc modo aliena, an
orthodoxa sit interpretatio ea, quam inuadit charta tua, patefiat. Atque
primum hoc testamur ad te et omnes, qui haec legent, nos nulla alia de causa quam
quod in mentem haec veniret et non altera hac paraphrastica interpretatione
vsos fuisse neque hac offendere quenquam aut quicquam callide agere voluisse
sicut et cum ijs verbis nihil tale fieri potest. Atque ita in catechesi res tota
proponitur et exponitur, ut offendere pium et bonum neminem ea verba possint,
id, quod legentibus iudicandum permittimus. Quod si suspicari de tuis tuique
similium suspicionibus talibus potuissemus omnino studuissemus eas auertere
usurpatione eius interpretationis, quae tibi et tuis magis fuisset obuia, ne
quid esset, quo quisquam offenderetur, cum quam simus in hac parte diligentes, vt
pacem colamus cum omnibus, quantum veritas sinit, te minime lateat, qua de caussa et
quas iniurias a te et alijs tacentes pertulerimus et hodie etiam
feramus, similiter te testem laudare possumus.Sed ad grammaticam te reuocabimus, quam si non dedignaris, primum hoc
negarec non potes, quidquid dicat
aut moliatur charta tua, haec verba: || [B 1r:] ὅν δι οὐρανόν μεν δέξασθαι vtramque
sententiam complecti ἀμφιβολογῶς. Id quod et charta tua metuere videtur, sicut et
latinae versiones tuae omnes ambiguitatem eandem habent, vt quantum in verbis
est, liceat δέξασθαι referre ad vtrumque, οὐρανὸν et Χριστὸν et Christus
οὐρανὸν et οὐρανὸς Christum debeat δέξασθαι. De verbo autem δέξασθαι, an
significationem et vsum huius, quantum ad praesentem locum opus est,
intelligamus etiam de hoc d te ned pigeat
cognoscere, quid didicerimus, vt iudicare possis. Omnino igitur tibi concedimus, hoc
verbum ἐνεργητικῶς significare etiam παθητικῶς prolatum, et docent diserte
grammatici haec quatuor verba, δέχομαι, θεῶμαι, λυτροῦμαι, ῥύομαι in passiua
diathesi per omnia tempora significare ἐνεργητικῶς praeterquam in aoristis
ἐδέχθη, ἐθεάθη, ἐλυτρώθη, ἐρρύσθη. Ita igitur in media multo magis actiue
significant et est δεξάμενος ὁ λαβὼν etiam Herodoto (etsi λαβιν et δέχεσθαι,
quomodo discriminent grammatici, non ignoramus) et δέχου τὸν ἄνδρα καὶ χώρα ἣ
μὲν ἐδέξατο. Significat autem et accipere et occupare aliquid accipiendo, quod
cum fit, id, quod occupat, capi etiam ab eo, quod occupat et quo excipitur oportet,
vt cum dicitur διάκενα ἀγγεῖα posse δεξασθαί τε, vascula inania posse capere
aliquid, quo repleantur atque occupentur. Ita venarum vasa in corpore, e quae sunt φλέβες,e δεξάμενας
vocauit Democritus,25 quod sanguinem capiant, et vehendum suscipiant,
eoque occupentur et sunt ὑδάτων δοχεῖα aliquibus δεξάμεναι siue piscinae
et colymbetrae, de quo tamen dubitant siue Nili et Euripi latinorum vel etiam
canales et tubi. Suidas autem δεξαμενὴν θείαν mensam sacram
interpretatur, quae res sacras capit et excipit: Εἰς τὴν θείαν
δεξαμενὴν ἐκάθισεν.26 Secundum haec igitur neque hoc negamus simplicius
esse magisque obuium, si verba spectentur, vt interpretemur ὅν δι οὐρανὸν δέξασθαι,
„quem oportebat coelum || [B 1v:] occupare“, quod vt ἀμφίβολον tollatur fiet
tale: „Oportebat, vt Christus coelum caperet et occuparet.“ Altera autem
interpretatio, cum et ipsa insit in verbis et in sententia multo magis, quomodo si
ambiguitatem omnem similiter excludere volumus, alia quam talis fieri potest:
„Quem oportet coelo capi seu recipi?“Quae et sententiam euangelistae et Petri multo melius interpretatur, ideoque haec
verba παθητικῶς περιέφρασεν ex graecis theologis Gregorius, cui propter
excellentiam inter doctores ecclesiae et rerum diuinarum scientiam eximiam
cognomentum fecit „theologi“ graeca ecclesia, cuius et ita te aliquando studiosum
fuisse meminimus, vt non dubitares hunc explicandum suscipere aequalibus tuis, neque
sane errasti iudicio, quando hoc fecisti et simile nunc etiam tibi optaremus. Huic
igitur magistro tuo parcere debuisti, qui nostri temporis de sacramento
controuersias non nouit et ne somniare quidem has potuit vir ὀρθοδοξότατος.
Transsubstantiationem autem et vbiquitatem tuam, si viueret, execraretur et
huius et Basilij aduersus te, discipulum talem, experireris vehementiam,
quorum ζῆλος non fuit ἄζηλος, sed κατὰ γνῶσιν pro gloria Dei et religionis
veritate. Quod si tam esses cognoscendi vetera quam scribendi tua studiosus
(quae et tibi et rei ecclesiasticae fructuosior esset opera) meminisses, quid
scribat in oratione secunda de Filio Dei, vt tamen in memoriam redeas, verba eius
ibi sunt haec: δι γὰρ αὐτὸν (Χριστὸν) βασιλεύειν ἄχρι τοῦδε, καὶ ὑπ᾿ οὐρανοῦ
δεχθῆναι, ἄχρι χρόνων ἀποκαταστάσεως καὶ τὴν ἐκ δεξίων καθέδραν ἔχειν, ἕως τῆς
τῶν ἐχθρῶν ἐπικρατήσεως.27 Non dubitauit interpres etiam pontificius haec
reddere, vt verba habent, oportuisse Christum a coelo capi, nihil metuens
transsubstantiationi suorum, cum ne ibi capiatur aliquanto plus intersit rerum
pontificiarum quam tuarum, quod pontificatus missa idola- || [B 2r:] trica
hoc fundamento nitatur, quae sola res et spes papatus omnes sustinet. An vero hic
etiam magister tuus28 tibi de Caluinismo suspectus fieri
incipit? Quem nos autorem habemus interpretationis eius, quam oppugnat charta
tua non alium. Etsi et de nostrorum hominum operis honorificentius aliquanto
sentimus quam illa ipsa charta tua, quos videndum tibi quomodo
aequipares nedum superes ijs, quae tu in nouum testamentum moliri
te profiteris minando, neque vero dubitamus, te de hac commonefactione nostra
mirari, ex antiquitate pia et erudita, et graecis theologis esse, qui tam scribat
tuis rationibus contraria, cum in charta tua audacissime scribas, omnium
sanorum fidem et conscientiam huic versioni contradicere et nuper excogitatam
vniuersae antiquitati ignotam esse et deprauare scripturae testimonia et malam
esse et impiam etc.29
f Sed audimus, te hunc locum
Gregorij flagitiosa audacia eludere, cui audaciae tuae respondebitur,
ita vt meretur, si publicam feceris, priuata enunciari non decet. Magis tamen
miraberis, si ostendamus tibi D. Lutherum eandem versionem
aliquando secutum, vt mireris igitur vide testamentum latinum ipsius et reperies
verba controuersiae tuae Lutherum interpretari secundum Gregorianam
formulam his verbis: „oportuit Christum coelo suscipi“,30 ita non tantum
antigregorianum, sed etiam antilutheranum te habebimus, quod tibi ad
vulgus multo erit odiosius quam si vniuersae antiquitate opponas aut saltem nimis
morosus et insolens habeberis, qui quod Lutherus ferre potuit, id in Gregorio et
nobis execreris.fEtsi autem grammaticam tantum responsionem ad te instituimus in
praesentia, cum res ipsa, de qua controuersia est, talibus chartis, qualis tua
et haec nostra est non possit explicari, ne tamen autoritate tantum magistri tui
aduer- || [B 2v:] sus te vtamur, considera etiam locum totum in actis et minus eris
iniquus Gregorio et collegis tuis. Explicat ille et confirmat caput id, quo
profitetur ecclesia in symbolo, Christum g de terris et a nobis, vt Lucas scribit, sublatum,g
ascendisse in coelos et inde, id est e coelis, h quo ascendit,h non aliunde venturum esse seu reuersurum in
terras ad iudicandum de viuis et mortuis31 sicut Christus ipse de se praedicit synedrio Iudaico: Ante
igitur, quam e coelis in terras reuertatur, interea oportuit eum οὐρανὸν
δέξασθαι32 id est et coelum
occupare ascendendo in hoc et inferendo in hoc humanam naturam suam, quae ibi sedem
habet – nam diuinitas neque coelo, neque terra includitur, cum sit infinita –
et, quod consequens est, coelo capi seu recipi, vt inde, quo ascendit ad nos
reuertatur et descendat, quem locum autem humana natura Christi occupat, eo et
capi ipsam oportet. Nam vt homo locum occupat ita locus capit hominem et sicut illud
verba ita hoc sententiam euangelistae interpretatur. Et quod ibi Petrus
dicit33 et docet magis explicat
haec interpretatio. Dicit enim, in coelo eum esse et locum, quem ibi occupauit
et qui ipsum accipit, tenere ἄχρι χρόνων ἀποκαταστάσεως πάντων et
diserte quidem ἄχρι seu vsque ad id tempus. Tum enim coelo rursus efferet id,
quod intulit, et quod iam in ipso coelum capit atque, vt sine ambiguitate
dicamus, coelo capitur humanam scilicet naturam et ostendet hanc iterum terris sicut
ipse de se praedicit et praecones angeli reuersurum eum ita vt ascenderit, vt hostes
etiam eius videant, quem transfixerunt. Etsi autem in hac etiam vita coelis apertis
vidit ibi filium hominis astantem ad dexteram Dei Stephanus.34 Ante tamen hoc tempus, quod in
terras descensurus sit aut hoc, quod in coelum intulit, terris exhibiturus
nusquam scribitur. Ne vero postquam in coelum ascendit nobiscum esse desineret.
Spiritum san- || [B 3r:] ctum suum inde in terras eum misisse scribunt Ignatius et
Tertullianus,35 vt hunc arrabonem haberemus et per hunc nobiscum esset
vsque ad consummationem seculi id est ad tempus hoc reuersionis suae.Transsubstantiatores quidem sacrificuli idolatrae gloriantur, se posse
Christum in terras reducere in missa sua quoties velint ideoque suum ordinem
praestantiorem esse Maria virgine, quae semel tantum Christum in mundum intulerit et
hi tamen sic etiam coelo eum se detrahere non audent affirmare ideoque eum ibi esse
non negant et si eo ascendisse Christum negarent, se fidei articulum contra
scripturam euertere intelligerent neque locum eis in ecclesia amplius concedi
posse. Cauent igitur sibi cautores isti minus incaute quam tu tibi, etsii comminiscuntur aliquid inexplicabile et
transsubstantiationem eiusmodi, quae ad ἀνυπόστατον aliquid recidit, cum sic
tamen coelitus nouam substantiam creari aut transfundi fingant.36 Cum his vero dum facere tibi non libet, ne detractione aliqua opus sit aut in coelo
corpus Christi quaerere necesse habeas humanam naturam Christi vbique esse
fingis, quem in coelum ascendisse negare non audes, etsi re negas, quod verbis
profiteris. Quod autem in coelum intulit, ideo eo intulit, vt ibi esset j et alicubi,j cum vbique esse non
posset, ne quod est esse desineret, et vbique esse corporis proprietati
est contrarium neque imbecillitas, sed proprietas corporis. Is autem Christus,
quem colit ecclesia ipsius, verus Deus est et verus homo et vere quidem vtrumque,
quorum vtrum ei detrahatur, desinit esse σωτήριος. Sicut pie scribit is, quem tu non
magni facis,37 martyr
Christi Vigilius:38 „Hic homo in coelum ascendit, vt
ibi sit, vbi et quaeri illum iubet apostolus. Nam quod vbique est nusquam est
et ne in coelo quidem“ et inde dicit symbolum id est de coelo, quo ascendit et vbi
iam est, venturus est seu reuersurus in terras. Sicut enim || [B 3v:] ascensione ei
opus fuit, ut ibi esset, ubi non erat, ita, vt venire inde et reuerti possit, iam in
coelis eum esse oportet et coelum occupare et, quod consequens est,
coelo capi, quod occupauit. Quomodo enim reuertetur, qui iam adest? Et maiestas illa
vestra, si iam eum praesentem facit, non habebit necesse, in terras reuerti sicut et
in coelum ascensione non fuisset ei opus, si vbique atque ita tum etiam in
coelo fuisset, cum tum etiam corpus circumferret glorificatum. Humana autem natura
diuinam capere non potest et diuina, cum infinita sit, coelo etiam capi aut
includi non potest, sed vbique est, vt psalmus etiam docet,39 cum sit infinita, etiamsi Patrem coelestem
Christo docente et in coelo Deum esse dicimus et Spiritum Dei in terras demissum.
Humana igitur infinita non est amplius humana et quod fuit esse desijt. Secundum
vestra igitur – quid de Christo k a
nobis sublatumk in coelum ascendit et quid iam de Christo in coelo est, quod
inde in terras reuertatur? Sicut habet symbolum christianum.Atque vt vno verbo dicamus omnia: Nisi Christus est in coelo, nos non ibi erimus.
Sicut enim, nisi e morte resurrexisset, nostra nulla esset a morte
resurrectio. Ita et in coelum ascensio nulla, nisi ascendisset, neque
πολίτευμα nostrum in coelo esse40
posset aliquod et vita ibi aeterna, nisi ipse morte sua hoc sibi peperisset, vt
ingrederetur in hanc gloriam suam, qua rex fieret et caput populi sui et iam esset
ipse in coelo et inde venturus nos secum eodem extolleret sicut scriptum est: „fecit
nos sedere in coelestibus cum Christo.“41 „Nemo enim ascendit in coelum nisi Filius Dei qui
descendit“42 et in coelum reuertendo
ascendit et qui iam ibi est et ad nos secum eodem euehendos inde est in terras
reuersurus atque oportet, hoc etiam modo eiusdem formae nos esse cum imagine Filij
Dei, vt in coelum ascendamus et transferamur. Haec non sunt uerba humanae
sapientiae. Etsi de re non in- || [B 4r:] stituimus disputationem in praesentia et
aduersus eos, qui uero corpore Christum spoliant, et diuinitatem ei affingunt
corporatam, corpus ei tribuendo Eutychaeum, quod sit vbique, et, quod consequens
est, nullibi ideoque etiam corpus verum nullum.Aduersus hos igitur confessionem suam edet schola nostra peculiari scripto, quod iam
sub praelo est, quo simul tuae etiam chartae rationibus de hac re et testimonijs
respondebitur.43
l Cur autem coelo inuides hanc
gloriam, quod iam Christum habeat? Cum nubi te hanc permittere et concedere
oporteat ei, de qua scribitur, quod Christum susceperit, Luc. 1. καὶ νεφέλη
ὑπέλαβεν αὐτὸν,44 quae enim nubes eum
suscepit ab eadem et susceptus et detentus fuit et oportebit te ferre, vt dicamus,
de eo loco factum tum fuisse, vt Christus nube acciperetur, caperetur,
susciperetur, nisi te vincere impudentia velis et historiam ascensionis
euertere, etsi quid dicas, facias, aias, neges non videris videre nube obducta
oculis tuis ea, quam poeta vetus obduci scribit ijs, qui Deum iratum habent, ἐν
εἰδῶσι μηδὲν ὧν ἁμαρτάνουσι,45 si vides tamen, tanto grauius iudicium
tibi accersis.l Sicut autem res et sententia ita notae etiam rerum verba
interpretationi et paraphrasi ei, quam Gregorius vsurpat et nos secuti sumus,
minime repugnant. Is enim Christus, qui m e terris καὶ ἀφ᾿ ὑμῶν sublatus,m in coelum ascendit n ἀναληφθείς εἰς τὸν οὐρανὸνn et vt verus
homo coelum occupat, coelo etiam capitur et continetur et de quo fieri
oportuit, vt coelum occuparet, is etiam oportet, vt coelo capiatur seu
recipiatur et coelum sit huius δοχεῖον seu δεξάμενον. Ante etiam, quam in
terras de coelo reuertatur, coelum, vt prius occupet et interea eum hoc capi seu
recipi oportet ἄχρι χρόνων ἀποκαταστάσεως, vt diximus tantum enim de his rebus
scriptura nos docet et secundum hanc ita de his verba nos || [B 4v:] facere
oportet, non aliter, quod idem nobiscum dicunt omnes illi, quorum testimonia
aduersus nos admodum incogitanter adducit charta tua.46 Si enim Christus non est
tropice aut allegorice in coelo, sed re uera, si coelum suscipit, excipit,
occupat re vera etiam re et veritate coelo eum capi oportet. Capi autem,
cum Christum coelo dicimus, latine loquimur non carcere detineri districtum
eum et alligatum ibi significantes, sed quod locus ille eum capiat, cum in
coelum e terris ascenderit et inde sit in terras reuersurus sicut cum dicimus
vna in domo capi familiam, quae libera est, et similia. Audimus enim, vos
homines suaues et facetos in peruersa interpretatione verbi huius risum captare non
valde ridiculum ad nos exagitandos.Ex his omnibus statuere iam tibi in promptu est, quid illa Gregoriana
interpretatio, qua nos vsi sumus et quam inclementissime ἀναθεματίζει
charta tua prae altera praestet. Explicat sententiam euangelistae et apostoli multo
quam altera euidentius, Eutychaeorum blasphemias refutat, Christum verum
hominem esse demonstrat et vere in coelos ascendisse et vere eum ibi esse et
degere, vt inde ad nos eodem euehendos reuertatur et caetera. Qualis cum sit
oramus te, vt cum bona gratia tua hac vti nobis liceat aut, si hoc non potes
largiri, ne reprehendas saltem, quod factum est a nobis animo simplice, qui neminem
offendere voluimus, sicut nos etiam non reprehendimus eam, qua tu vteris, cum sit
orthodoxa vtraque. Si tamen omnino te offendit Gregoriana interpretatio, quietis
publicae caussa non vtemur ea amplius, dum modo de re nulla sit inter nos
controuersia et hoc modo te habeamus aequiorem nobis et rebus nostris, cum per se
etiam λογομαχίαι in ecclesia turbare non debeant.Quae tamen in disputationem de interpretatione verborum Lucae tuam infers aliena sunt
omnia || [C 1r:] quaedam auto fidei
christianae aut symbolis huius, vt uides, contraria. Quod restat igitur pro
affectione erga te optima nostra, qua te secus merentem complectimur, oramus te, in
primis propter veritatem christianam et ecclesiae quietem atque per tuam etiam
salutem et dignitatem, te et oramus et hortamur, ne attentes neque conuellas ea,
quae sunt in symbolis nostris christianis de ascensione Christi in
coelum et reuersione huius inde et non aliunde in terras. Neque enim te
facere hoc feret ecclesia, cum omnium orthodoxorum et semper fuerit et nunc
etiam hac de re sit μία καρδία καὶ ψυχὴ μία et de sacramentis, ne sic
disseras, vt articulos fidei euertas, cum per haec fides stabiliatur et confirmetur.
Nostra autem de venerabili sacramento coenae domini doctrina et confessio ante
oculos est et in manibus omnium, qua vna et eadem vtuntur harum
terrarum ecclesiae iam inde ab initio instauratae veritatis euangelicae, quae
et in catechesi nostra ijsdem verbis, quae praeceptores nostri nobis
praescripserunt, repetita est, a qua et non sumus, Deo iuuante, recessuri. Pone
suspiciones, quae peccatum habent, quas et caritas christiana non vsurpat
neque admittit, et cum domum habeas noli habitare in alterius corde aut capite
sicut ille dicit in comoedia.47 Neque sumas tibi, vt, quo consilio hoc aut
illud hic aut iste faciat aut dicat, pronuncies atque ita de
suspicionibus tuis insimulationes ne texas et in uulgus spargas contra
caput et vitam innocentissimorum hominum et amicorum tuorum et multarum regionum
quietem et salutem. Quod tibi non est obuium aut expeditum, ne statim reprehende,
abijce, damna in alijs. Dies enim diem docet. Haec omnia Flacianorum sunt, a
quibus te alienum esse ostendisti hactenus, nisi contagio tibi horum nocuit
χρονίῳ ὄντι ἐν βαρβάροις. Et quod contestationes inculcatae tuae praefantur et
|| [C 1v:] interfantur id moribus et vita exprime atque repraesenta, ne sint contrariae
ijs, quae facis. Caetera alias.Nunc chartam tuam cum hoc auctario et minime quidem facetam tamen cum corona tibi
remittimus. Nostram autem catechesin prodesse cupimus ecclesiae orthodoxae et,
vt confidimus, iam praestat hoc et praestabit deinceps. Quod nisi fiat nos ipsi
sponte nostra hanc abolebimus, neque dum a te aut alijs hoc facere admoneamur rem
differemus. Sumus enim salutis et quietis publicae non minus quam tu studiosi vel
aliquanto etiam magis. Gratulari tamen nobis possumus, si ita est scripta, vt
iniquissima censura maleuolentissimorum hominum nihil reperiat aliud ad
reprehendum, quam quod notat charta tua, cui bibliopolae nostri gratiam
confitentur et debent omnino. Notatione enim tua effectum est, vt omnia
exempla distraherentur, quod vt sit, vnusquisque, qualis illa liber esset, de quo
controuersia extitisset, cognoscere vellet atque ita in plurum manus ille veniret
hoc, vt gloriae Dei et veritatis propagationi seruiat iterum optamus, atque, vt
fiat, Deum oramus per Christum dominum nostrum. Postremo, cum bellum denuncies
amicis et inimicis (vtrosque enim nominat charta tua), vide, ne irrites aduersus te
eos, qui immaturis scriptoribus leoninam detrahere possunt et solent, quod
tuae etiam existimationis caussa, quae nostram simul complectitur, accidere tibi
nollemus et te legendo quam scribendo occupari nunc etiam rectius esse
existimamus. Tutius autem tibi esse tua sponte intelligis etiam de nostro
exemplo. Neque te fugit, quae quis facit alteri idem ab alijs ei expectandum
esse, cum quanto autem periculo nostro sine vlla caussa et nos et scripta nostra ad
omnes infamaris scholamque nostram ad plurimos suspectam feceris, literis
etiam eorum discimus, qui ad suos huc scribunt ita vehementer, vt hac de
caussa auocaturos || [C 2r:] etiam eos se minentur, nisi rem aliter se habere
didicerint. Et sunt, qui dicant, te et tui similibus autoribus hoc agi, vt decreta
fiant vel etiam iam facta sint, ne ex illis locis Saxoniae vestrae libros suos
quisquam in academiam nostram mittat. Quod etsi Deo permittimus, nos tamen etiam in
quam necessitatem scribendi a te conijciamur vides, qui nimirum vulgus
quoque docere necesse habebimus, quomodo nobiscum egeris, nisi per te hoc auertatur,
de quo et quod facturus sis atque ad sanitatem reduci te passurus nondum
desperauimus. In qua spe nostra et in praesentia sibi temperauit haec
responsio nostra et differuntur a nobis reliqua. Vbiquitatem autem Eutychaeam
a collegio antecessorum nostrorum iam pridem damnatam esse.48 Si ignoras, emissarius
huius, tuus necessarius, te docere poterit.Quoniam autem commodum accidit, ut haec scriptio in id tempus incideret, quo publicum
scriptum academiae de hac re editum est, huic responsioni nostrae adiungi
curauimus, quae die pentecostes christianae rector scholae nostrae proposuit,
quod vt de re etiam aliquid breuiter et non de verbis solis ad te scribatur legere
te cupimus, ut iudices, an analogiae fidei et formulis ijs, quibus ecclesia Christi
ab initio, id est, iam inde ab eo tempore, quo Christus in coelum sublatus est – his
igitur, an nostra doctrina aut vestra sit consentanea.